清潔力強 推薦好用產品

zetalhc好用推薦：比較溫和嘅卸妝油，清除底妝嘅效果唔錯，但係清除睫毛液同眼妝就需要其他產品先可以徹底卸走

Yoyo Sin好用推薦：缷得乾淨又無殘留感既缷妝油！ 好用唔乾 洗完唔會有層油留係肌膚表面

Josephine Lau好用推薦：本人混合性皮膚，面頰偏中性，tzone 出油。 這款潔面乳很容易起泡，清潔力頗強，但不會覺得乾。 一開始不喜歡它的香味，用久了竟然能夠接受。 價錢肯定是不便宜，不過一支可以用很久。

Silvia好用推薦：氣味，手感，清楚力，保濕度都好到位，洗完好舒服。什麼都好，就係貴。有好多平靚正洗臉代替，不會再回購

mandy好用推薦：Clinique Fresh Pressed Renewing Powder Cleanser with Pure Vitamin C 鮮榨維C潔面粉 $265/28小包 功效：潔膚+美白 贈品, 並非自購 每包份量偏少 起泡不夠豐盈企身，個人喜歡用較企身的泡泡洗顏，認為豐盈泡泡可以減少對肌膚的磨擦。 成分簡單優秀，不含酒精、香料及色素, 適合不同膚質, 可以每天使用。 潔面後肌膚潔淨不綳緊 可惜美白成效不是十分明顯， 直接用維C精華或美白精華成效更顯著。 價位偏高，份量只夠用一個月左右， 比起其他潔面產品相對地貴及快用完。 此外，跟日系開架品牌的潔面粉相比， 份量更少，價位卻更高。 如對性價比有較高要求， 可嘗試日系開架品牌的潔顏粉 或是在潔面產品省一點， 投資多些在美白精華好了。 (不竟$265x12月， 一年光是潔面產品就要花三千多， 還未計其他類型的產品) 含控油/收毛孔成分: 高嶺土 抗衰老/抗皺成分: 維他命C 抗氧化成分: 維他命C 及 乙基雙亞氨基甲基癒創木酚錳氯化物 美白/去斑成分: 維他命C 保濕成分: 無患子

zetalhc好用推薦：清潔力普通，亦都唔覺得有特別嘅美白效果，洗完之後冇咩保濕或者繃緊嘅感覺，性價比普通

橘子貓好用推薦：久不久就會回購的香皂，斷斷續續地用了十多個紅色盒㕿藍色盒的牛奶皂。紅色的是一股很淡淡的玫瑰味，近聞才聞到的，濕水沖開就聞不到，所以我一直以為紅藍兩款只是包裝盒上的不同。牛奶皂保濕不假滑，使用感很好，價錢平宜，會持續回購。

Noel好用推薦：不過不失的肥皂，購買主因係這塊肥皂在 @cosme 榜居高不下，又多人分享，所以好奇心下試試。香味怡人，不過留香力不高。使用後皮膚感覺乾淨，但沒有太多滋潤感覺。這個價錢，就試試吧，反正不貴👌

minna ki好用推薦：用後會好乾 ,雖然我之後會用返保濕mask去保濕,但卸白泥嘅時候比較用力 ,加上我覺得佢收毛孔嗰部份比較一般 ,不推介❌

🌸好用推薦：好大一罐，已經用咗一段時間，我呢種敏感肌都用得，每一至兩星期使用一次，有後做到深層清潔同埋去油脂污垢，夏天用嘅時候特別清爽。

940727.0好用推薦：之前拎咗試用裝試，洗完有啲乾同繃緊。味道有一浸玫瑰味都幾香，但清潔比較強，唔算多泡。如果卸妝的話應該清潔力都夠強。 

Milo101好用推薦：🌟比較稀的膏狀，有清新的玫瑰花水味 🌟易搓易起泡，潔淨力不錯，不會太乾 🌟成份有法國玫瑰萃取、金盞花萃取等，會考慮回購 （ps. 官網說可作卸妝用，我只是當作洗面膏用～）

blackisrule好用推薦：最近係IG見到 一開始都係抱住試下嘅心態 諗住佢又平又大枝 成300ml 估唔到 超驚喜！ 我係混合肌偏油 有時化妝化得多會生暗粒 但又清唔到 用咗一排 真係粒粒少咗好多 洗完好水潤 唔會有拉址個種乾嘅感覺 但又洗得好乾淨 質地幾得意 有啲細細粒嘅綠色粒粒 真心推薦 買一枝可以成家一齊用 haha

PP好用推薦：大大枝勁抵用，泡沫細滑棉密🫧 仲可以洗走彩妝殘留物同毛孔既污糟嘢，用完塊面覺得好清新，唔乾澀，摸上手觸感軟滑，CP值高！

JuneL好用推薦：Anna Sui 卸妝油與其它品牌唔同之處，就係其卸妝油會帶有淡淡玫瑰香氣，令人用起來好舒服及好好聞，外觀又靚，其卸妝效果也不差，沾少許水已能乳化令妝容溶解，沖洗後不會令肌膚感到油膩。

mandy好用推薦：我之前未用過Anna Sui 的Deep cleansing oil 深層潔淨卸妝油,  一用就覺得有驚喜! 首先深層潔淨卸妝油散發淡淡玫瑰香味, 令我非常享受卸妝的時間, 太好聞啦~ 有趣的是, 深層潔淨卸妝油雖含油份, 使用時卻不會油淋淋, 使用感反而清爽, 用後也不會乾燥, 而且含有對肌膚有益的成分。   含保濕成分: 矽靈 及 葡萄籽油 油性滋潤成分: 甜杏仁油 抗氧化成分: 桃核仁油, 狗牙薔薇果萃取, 狗牙薔薇果油, 維他命E 及 葡萄籽油

Hamiii好用推薦：呢款磨沙顆粒比較大， 唔太建議上面用， 大力小小會痛 身體用比較穩陣 磨完會去到死皮 但呢個價錢，其他功效就唔可以expect太多啦🤫

Kura好用推薦：呢款磨砂膏真係我的最愛，磨砂粒子夠大，用上臉好舒服，每次用都覺得皮膚好滑，已經回購好多次

幸運的小豬兒好用推薦：首先～～～要多謝Cosme送我呢款Decorte超人氣卸妝膏❤️🤣 收到既時候超級開心！除左因為一路好想試下Decorte既護膚品外⋯⋯ 仲因為我見到（小編？是你嗎😆）係禮物紙仔上username隔離畫左個🐷仔樣同心心，瞬間覺得好有愛呀❤️！其實當初改名既時候，無咩頭緒，覺得反正無人識我，不如就改我男朋友平時叫我既名啦😂 ，所以⋯⋯希望大家唔好嫌棄我個名太低B啦哈哈哈🙈🙈 回到正題，呢款卸妝膏係日本真係超級高人氣！聞名已久！一收到就迫不及待想試～聞名不如見面，它真的貴得有道理！ 用法係要乾手乾臉，將卸妝膏塗上臉後，它會隨著臉部的溫度而逐漸乳化。雙手輕輕打圈按摩，就能很溫和地將妝容卸掉，然後用化妝棉/紙巾抹走就得了！ 完全沒有刺激感，非常舒服，皮膚卸妝後就像做完高級面膜一樣嫩滑👍🏻👍🏻又光又滑～(⁎⁍̴̛ᴗ⁍̴̛⁎) 同埋，除左卸妝，我feel到黑頭也減少了很多，肉眼可見的髒髒的東西都沒有了！

Noel好用推薦：因為一次 @cosme 的活動才接觸到 Decorte 這個品牌，感慨太遲才遇到呢！不過已經入坑了，就一囗氣購入了多件化妝產品，心心眼 😍 多謝 @cosme 送出了這個超 luxe 卸妝膏 🤍 先讚一讚包裝，這個銀色 cap 好華麗啊～ 太犯規了 產品呈白色，帶很舒緩的香氣。質感方面非常 rich & creamy，塗到面上超順滑，觸感輕柔👍透過手指在面上打圈按摩，可以卸除防曬及底妝，而卸妝膏亦會由純白色變成米色。沖水後，皮膚很潤，完全沒有乾燥感覺啊 ❤ 個人心得： 1️⃣ 卸妝乳能同時帶來補濕感，非常驚喜！因此，冬天早上我也喜歡用來作潔面 2️⃣ 眼部及唇部化妝就需要眼唇卸妝液幫忙

iliya 好用推薦：呢款全效卸妝液真係幾唔錯，用法簡單方便，基本妝容都卸除得幾乾淨🥰

chasiutung好用推薦：味道好香奶味 成份溫和不刺激而且無需乳化 用之前搖幾下 倒落化妝棉 敷係眼唇部位幾秒就能快速卸除眼唇等頑固彩妝 同時由於其溫和的成分配方 也可以作為一般的臉部卸妝產品使用 使用後無需再用洗面奶清潔 卸妝後皮膚清爽舒適 不繃緊 👍

Katrina好用推薦：潔淨力高，有清涼薄荷感，洗後唔算太乾，好清爽。好適合夏天戴完一整日口罩用。

Pinky好用推薦：洗得乾淨，乾性皮膚唔會日日用

Hoilly好用推薦：感受唔到有咩功效，保濕不給力。 面膜紙厚，不貼面。 價錢不成正比，以價錢來說，多好用的大有mask 在～～～～～～ 反而用佢既健康水濕敷反而更保濕！

Hana0125好用推薦：第一次用嘅時候，覺得佢好乾⋯唔屬於好多精華液、濕潤個種mask，所以唔適合敷好耐，5-10分鐘就要撕走。而且面膜紙好硬，唔貼面。 如果期望好補濕，個人覺得呢隻 mask 就唔太理想。主要作用同健康水一樣，幫助鎮靜皮膚不穩，比較適合轉季、皮膚狀態較差或過敏時用。敷完塊面涼涼地，真係有明顯降紅鎮靜嘅作用，可以密集式修補同重整肌膚狀態。 不過如果有買開健康水，我覺得直接用健康水倒落化妝棉濕敷，抵過買 mask，唔會再回購。

Kura好用推薦：我已經用咗lancome呢款卸妝乳大概有兩個月左右，平時都會用佢黎卸除日常防曬或者淡妝，呢款卸妝乳嘅質地係偏水潤嘅乳液，流動性比較強，我係乾性肌膚用完都唔會覺得乾，呢款卸妝乳卸除睫毛膏效果唔錯，但對於防水眼線筆同埋唇釉就需要進行多幾次清潔先可以完全卸妝乾淨，所以呢款卸妝乳對於淡妝係非常友好嘅，如我圖一和二所展示嘅效果圖，呢款卸妝乳嘅味道好好聞，係有淡淡嘅清新香味，至於價錢方面對於大牌黎講唔算太貴，性價比都幾高嘅一款卸妝乳，整體黎講我用完呢款卸妝乳我自己都係幾鍾意嘅，我會再回購，如果近期考慮入手卸妝乳產品嘅朋友不妨都可以考慮下lancome，同埋佢嘅產地係法國，lancome係法國好出名嘅老牌子口碑一直都唔錯！ @cosme #cosme #卸妝乳

Tsyyy好用推薦：質地是白色乳液狀有淡淡的香味 擠適量在臉上按摩後用化妝綿抹走 通常會用兩、三次 用後很清爽、不致痘也不會刺激

whTsoi好用推薦：它的清潔力的確很強 幾乎每次倒在化妝棉擦完臉都會 看到很多髒東西 都讓我懷疑平日的清潔是做心酸的 而酒精味非常重這點是真的 如果不喜歡這種味道的人不用勉強 不過如果是能接受的人應該會很喜歡這品牌的潔膚水（比如我） 尤其適合油性皮膚且角質很厚的人

ss1012好用推薦：一開始覺得酒精味好重，但係可以抹得出污糟，清潔力強，對油肌都冇敏感。

zetalhc好用推薦：卸妝能力不錯，油性皮膚覺得用用完之後唔會好油。但係mascara同眼妝就清潔得唔係太好，需要用多次先可以全面清潔

Nicole 好用推薦：樽口是按壓出口設計，只需把化妝棉放在上面按壓 4-5下，然後輕柔擦拭皮膚就可以輕鬆卸妝，我通常用來卸防曬/淡妝沒問題，使用感也比較溫和～

Lumi Kwan好用推薦：有一排冇洗面膏用，就買咗支無印頂住先，佢優點一定係平！咁本身佢都話自己敏感肌用得，應係成份較簡單。都算多泡泡，但洗面產品好簡單，只要做到清潔清爽嘅效果就OK，洗完後又唔會話覺得太乾，但當然對比起一啲專做美妝嘅品牌，佢確係比唔上人哋，不過以呢個價錢嚟講真係好抵用。

Tiffany好用推薦：加了杏桃汁和桃葉精華成份，可以潤澤肌膚，所以卸妝力比較低，適合卸防曬。

samanthang1117好用推薦：我混合性偏乾肌，同時係敏感肌，用咗接近大半支～ 係Cosme朗豪坊有姐姐見到我搵其他product，望一望我塊面就推介我呢款XD ・少咗出粉刺粒粒，暗瘡都少咗！應該係因為product有啲酸類成分～ 今年皮膚因為用錯product同身體問題🥲，睇過好多次醫生💊，但keep住用佢做清潔洗面都冇問題！ ・洗完面唔掹緊，唔啜手，同時冇唔舒服嘅感覺／殘留物留喺面上 ・感覺洗潔力足同時保濕，因為洗完面塊面幾嫩滑 ・用耐咗覺得塊面更透亮，冇咁黃，即使我工作關係成日要OT到半夜，依然用得越耐係越亮白🤭 真係明顯感受到好有用，絕對會回購！

whTsoi好用推薦：目前已經連續使用了這支洗臉乳兩個月，雖然個人沒有感受到所謂抗糖的功效，但有洗臉乳該有的優點。除了很容易搓出泡泡用量很省之外，清潔力也很好，就算是在秋冬洗完臉也會覺得很清爽而不緊繃。用完之後應該會回購。

Kura好用推薦：Clarins嘅植萃溫和潔面泡沫係我轉季最鍾意用嘅洗臉，質地係膏狀但會有藍色嘅磨砂粒粒，但加水就可以起到好濃密嘅泡泡，同埋藍色嘅粒粒上臉都好舒服，清潔力好好，用完皮膚唔會覺得乾，又帶有自然嘅香味，價錢又唔貴，適合混血性同埋乾性皮膚用，用完一段時間皮膚會變到好細緻，痘痘都會變少d，我會繼續回購 @cosme

mandy好用推薦：Clarins  Hydrating Gentle Foaming Cleanser  (Normal to Dry Skin)  植萃溫和潔面泡沫 ［舊版］ (中性至乾性肌適用) $260/ 125ml 植萃溫和潔面泡沫可用起泡器起出企身豐盈的泡沬，可以減少對面部的磨擦。 植萃溫和潔面泡沫帶Clarins經典淡雅花香， 令潔面過程很療癒放鬆。 清潔力不錯，可徹底潔淨全面。 添加了保濕成分，使用後肌膚水潤亮白，不會感到乾燥，使用感舒適清新。 成分方面以保濕及抗衰老成分為主。 保濕成分: 甘油, 角鯊烷, 麥芽糖糊精 及 肥皂草葉萃取 抗衰老成分: 甘油, 角鯊烷, 庫拉索蘆薈葉汁粉  及 Gentiana Lutea Extract 抗氧化成分：角鯊烷, 檸檬酸鈉 及 Gentiana Lutea Extract 控油成分：麥芽糖糊精 

choichoi好用推薦：充滿少女心的包裝，輕鬆按摩就能溶化，相當柔滑，帶有相當討好的清香

LILY好用推薦：好軟滑嘅texture，一按就會溶做油，落妝力強，有草本香，用完皮膚唔會乾，亦無致痘問題。萬寧做特價嘅時侯幾抵，而且入面比埋羮仔好方便🫶🏻