清潔力強 推薦好用產品

shadow影子好用推薦：這款是膏狀的，所以份量好少已經足夠全臉使用！能夠徹底卸除化妝品，而且溫和不傷害皮膚，也提供足夠的乳化度，基本上不用進行二次清潔。這款用完滋潤度很好，卸妝同時養膚。

Sabi_yan_好用推薦：懶人必備！已用完整整一瓶，每次使用後也能感受到皮膚煥然一新的感覺！只需簡單一少分量，卸妝、潔面、去角層、潤膚，一剔搞掂！非常推薦上班族的美美們！

Emma W好用推薦：其能有效去除化妝品，包括防水眼妝，讓肌膚感覺清爽潔淨。倒出來係水狀，使用後不會感覺黏膩。化妝後抹2次就已經冇咩殘留物。用後肌膚顏色變得更加明亮，具有一定的提亮效果。 適合肌膚：任何，特別油性、混合性肌 成效度：4/5 質地：水狀 光澤度：3.5/5

Giselle 好用推薦：Bifesta 深層卸妝潔膚水亮白型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前入手嘅產品₍ᐢ⸝⸝› ̫ ‹⸝⸝ᐢ₎我自己覺得呢款產品嘅清潔力算係幾好( ⸝⸝•ᴗ•⸝⸝ )੭⁾⁾雖然防水睫毛膏同眼線嗰啲唔算清得好乾淨，但佢可以清到持久力幾強嘅唇釉同粉底液"(⌯︎¤̴̶̷̀ω¤̴̶̷́)✧︎因為我有唇炎嘴唇唔可以接觸香料成份(꒦ິ⌑︎꒦ີ)呢款嘅低刺激無添加香料成份就令我用完都唔會敏感(✿︎´ ꒳ ` )♡︎呢款雖然係亮白型，但用完後唔覺得皮膚有變白₍ᐢ ›̥̥̥ ༝ ‹̥̥̥ ᐢ₎如果係抱著會有美白功效嘅小夥伴入手咗好大機會會失望哦(⌯︎˃̶᷄ᗝ˂̶̥᷅⌯︎)

Yuki好用推薦：想偷懶貪方便買嘅卸妝紙諗住去旅行用可以帶少d野揭蓋方式 每次拎1張好方便size都夠大 15x20cm尺寸已經足夠卸全面嘅妝卸妝紙清潔力都幾好抹3下 已經卸左8-9成抹10下已經乾淨哂 但同時皮膚擦拭後有少少紅 產品包裝寫無香料 但聞落有香味同酒精味 用落有d刺激皮膚 自己係沙漠乾肌同易敏感 用泥卸眼妝後眼皮有d紅腫 但卸面就ok冇問題 如果皮膚比較健康而且對酒精唔敏感 哩卸妝紙真係好方便 但敏感肌就慎用喇 產地：日本 購入日期：2024-07-13 購入方式：Watsons HK app 入手價錢：HKD31.68/46pcs (HKD0.69/pc) 原價：HKD59 (HKD1.28/pc) 回購：0/10 *眼皮會敏感

Miaomiao好用推薦：使用方便，抽出黎直接抹臉即可，一張大概手掌攤開既呎吋。卸妝徹底，淡妝既話一張就足夠清潔乾淨。聞落有輕微酒精味，不過唔覺得有刺激性。抹後感覺水潤，通常翻到屋企用卸妝紙落妝就唔理塊面，食埋飯先沖涼洗臉搽cream。 同款有各種顏色各種功能，大部份都試用過，分別不大😂

YY好用推薦：身為shu uemura 既fans ，佢地既潔顏油一定長期備用。 依隻綠茶味係我用得最多既卸妝產品，見圖得返好少就我真係成日用！依支賣點淨化PM2.5懸浮微粒，抗氧化。同時做到落妝、洗面、護膚，3合1功效，落完妝不用再用洗面膏😛 超好用，容易乳化及清洗，摸落去卸妝油質素高，唔係平價貨質素，唔會刺激皮膚，卸得乾淨之餘保持到皮膚濕潤度🧚🏻 由於我係混合肌，我習慣再用洗要膏二次清潔，依然feel到皮膚嫩滑有彈性。不過唔知係咪真係抗氧化同對抗空污PM2.5😂 雖然市面有唔同價位嘅落妝產品，但護膚step係由清潔開始。落妝係第一步🔔一支有護膚功效嘅落妝產品會令到你皮膚最基本打好個底，相反太強清潔力嘅會破壞皮膚穩定，所以由識化妝開始到而家都長期必備呢支潔顏油 其實佢仲有好多款，粉色、紫色仲有其他，遲啲寫埋試用感。

UglyMaa好用推薦：用了這件產品應該有10年。自從用過這支綠茶卸妝油以後，没有什麼特別原因也沒有買過其他卸妝油了。有時可能因為出差貪方便會買卸妝紙巾，或者忘了帶卸妝油隨便在外國買支新的旅行裝卸妝油試試。 近幾年不少人都推薦Micellar Water卸妝水，成份來講也不錯。可是我比較喜歡這支綠茶卸妝油 。因為綠茶有的抗氧化功能，每次洗完面後感覺皮膚好像被喚醒一樣很乾淨，而且白了一點。不過不是美白皮膚的白，而是化妝品經過一天時間已經氧化令皮膚變黃變暗。綠茶是一種很好的抗氧化成份。環境污染的確很傷害皮膚的，所以我會繼續使用這件產品為皮膚保養。

Bear好用推薦：這個真的是雪花秀最不應該停產的產品啊！很濃的白蔘香氣，半透明的質地幾滴就塗完全臉（我的話一天只用到大概1毫升）非常滋潤卻清爽，然後重點是居然有去掉油脂粒，和幾天變白的效果（連他們員工都驚訝我覺得這麼有效）！回購了很多次但是近年轉配方成concentrated ginseng brightening line，變太黏膩...

lingbb好用推薦：- 想要美白+ 保濕精華唔好錯過呢款 - 含溫和美白中藥成份叫「白參」，有效改善膚色不勻、蠟黃、黯沈、老化、代謝毒素及殘留色素 - 好香既中草藥味，質地係半透白少許杰既精華，易推好吸收，我通常係晚上時使用一泵份量塗全臉。 -使用一段時間後，皮膚明顯變得有彈性、飽滿亮白。再加埋做好防曬，皮膚係有明顯白咗一度😀 - 由於係溫和成份，並無敏感不適 - 價錢有點偏貴，可以係減價時考慮入手試試！

TY好用推薦：溫和，清潔力唔錯。圖係 kate 怪獸唇膏同 dejav 眼線筆，捽幾下已經卸到八九成，乳化埋就完全乾淨晒，卸妝效果好好，平時全面捽都唔會澀眼，清洗後唔會覺得乾，價錢仲唔貴。

Karman28好用推薦：呢支真係回購左好多好多次，覺得卸妝卸得非常乾淨，仲要有時捽捽下，可以捽埋閉塞毛孔入面既走米出黎。 佢要用水乳化，覺得用完係面完全無殘留，非常清爽。 屋企一定會有一支係度做後備，驚其他牌子既卸妝油唔岩自己用。 而且價錢十分實惠，十分推薦！！

chasiutung好用推薦：係Sasa 網店積分+$69買一盒四件裝 有一支正裝嘅清潔面膜 三包7ml嘅大熱精華 依支清潔面膜質地吾乾幾濕潤Creamy 敷完感覺溫和不刺激 清洗後清爽不繃緊 敏感皮膚都可以用 清潔力一般 長時間使用 暗粒黑頭生少左 抵買 💕性價比高 推介👍

Noelle S好用推薦：呢款比罐裝2x火山泥清潔面膜溫和啲流動性高啲，啫喱狀泥，兩款潔淨功能都好，用咗一段時間少咗油脂黑頭。但本人用2x罐裝敏感皮膚會太乾泛紅，冬天用甚至會痕癢，呢個牙膏裝温和版本就更合適。建議敏感皮先係T字位敷5-6分鐘再沖洗，試吓試吓咁，冇敏感用大啲再大啲範圍，下巴、面頰⋯⋯而家隔日用都ok。

TY好用推薦：性價比高嘅洗面膏 個人比較喜歡多泡同泡沫綿密嘅清面膏。 senka 只要用少少就可以搓到好多泡，用埋起泡網效果更好。 洗完之後塊面感覺清爽乾淨，去油效果特別好，有時用油做磨砂後，佢可以完全去油。 可能因為去油力較強，洗完要短時間內做保濕程序，如果唔係會覺得繃緊。 我自己唔太鍾意嗰種溫和到洗完好似冇洗嘅感覺，所以不時都會回購呢枝。

Karman28好用推薦：已經買過好多支，佢好易起到泡，清潔能力很強。但唔知係咪去油脂太勁，曾經都有d 時間洗完塊面會好崩緊，但勤力補水後，又無呢個情況。

Julianna好用推薦：認真佢係我用過嘅眼唇液入面唔算特別好 每次都要用足幾次先卸乾淨 仲不如直接用卸妝油 但就係一支幾普通嘅眼唇卸妝 新手可以入嘅 唯一優點就係比較平

Kura好用推薦：呢款眼唇卸妝液真係一流，因為我用防水眼線筆，同埋唇釉都好難卸，但用呢款卸妝液就完全無難度，用完清潔得好乾淨，同埋價錢非常平，值得繼續回購

zetalhc好用推薦：大推比有背痘嘅人使用，性價比超高，而且唔刺激，用完唔會紅腫痛。每日沖涼嘅時候擦下心口或者背部，好快就會見到痘痘少左

wintonggg好用推薦：清洗效力幾好，feel到洗完好乾爽，本身胸前同背脊都有D痘痘，keep住用半個月有消到，不過我覺得時間長左D，冇即時效用

Gloria好用推薦：參加Dermacept的試用活動，試用「維他命C草本系列」的化妝水，面霜，泥面膜。呢支 「維他命C草本零毛孔白泥面膜」同個往用的泥面膜很不同，不是深層清潔而是重點滋潤的面膜，用後真的又滋潤，皮膚很嫩滑。質地上，牙膏裝亦很似牙膏，軟軟的很易搽勻全面。 搽在面上涼涼的很舒服，只需要等10分鐘，不用乾透就可以清洗。 清潔時，感覺似有磨砂粒粒的洗面奶，一邊沖水一邊輕輕打圈，一路清潔一路感受到皮膚滑滑的，洗後完全不乾燥拉緊，只會覺得「好滑好滑...」。 除左覺得「滑」，像薄荷一樣的清涼感都令人的舒服。而且牙刷裝，用的時候很方便企理，又容易清洗，沖涼前使用就可。 跟以往用過的泥面膜不同，要等到乾透結塊，清洗很耐才可洗走泥塊，再要用洗面奶清潔，用後很乾很緊，要馬上搽護膚品。完全係兩種不同的泥面膜，我喜歡這種用完滑溜溜的泥面膜。 用的感覺很良好舒服，用後自我感覺滑了和白了，不過不算明顯，反正用得舒服就好啦～～～

龍好用推薦：首先多謝cosme抽中我可以試用dermacept既美白面霜產品🌼 本人無用美白產品既經驗，所以都可以成為一個可信既用後評價。🧸我用左早C晚A既方法來使用呢個美白系列，連續兩個星期。首先講下呢款泥模既質地先，佢比教算係好厚身，但擦左上面後感覺到有明顯既粒子在內，可以要來去除角質。但我嘗試打轉既時候，覺得有D傷到皮膚，令佢更加乾。所以質地上佢唔係首選！但由於呢兩個星期既天氣忽冷忽熱，用左都出現太大既問題，例如話除去左本應有既水份加出油之類。不過如果話長期用既話，我就有少少保留啦，畢竟都要睇天氣會唔會令到自己既皮膚更乾。 之後到話美白功效同埋收緊毛孔呢，我就唔覺得有任何明顯既改變。美白用兩星期我覺得有少少難講，但收毛孔呢樣就真係好無感。🙅‍♀️ 再加上我最後一日即是前日用完美白系列，無外加保濕精華，擦完再上妝，連底妝，好快3個鐘後就已經開始出現皮膚/妝容上既乾燥，鼻翼邊位開始出現邊碎＆浮粉既狀態。 😢 最後總結來講，我唔會回購呢系列既產品。佢對我既皮膚上無明顯既改變和功效，加上令妝容出現問題，基本上就只會在唔洗化妝既時候用哂去。

dor.r好用推薦：一直都幾鍾意Kiehl’s呢個品牌，身邊嘅朋友都覺得佢哋嘅產品係幾有效果的👍🏻今次講吓呢支金盞花潔面泡沫🌼產品不含肥皂同酒精，可以舒緩泛紅敏感，保護皮膚屏障，不過我本身唔係敏感皮膚，所以呢方面感覺不大🫢佢有少少好天然嘅金盞花香味，我用大概五毫子嘅份量加水起泡，雖然不含肥皂但起嘅泡泡都算多，泡沫不算綿密🫧好容易沖洗乾淨，至於清潔同保濕功效都做得好唔錯，洗完面皮膚好爽但又唔會覺得繃繃緊，感覺幾舒服，我覺得混油肌係好適合用的，值得推薦👍🏻

Jayla好用推薦：呢支係我長期回購嘅洗面，真心推薦！ 雖然佢叫做潔面泡沫，但吱出嚟其實係透明嘅gel。加水輕輕打圈好快就會變成泡沫。用佢嚟洗用臉一d都唔會乾，非常溫和而且覺得好乾淨。我鐘意喺用卸妝水卸完妝之後再用佢嚟洗一次臉，任何季節都好啱用。聞起嚟係淡淡偏茶味嘅花香，以洗面產品嚟講唔會太香。

Rinka好用推薦：目前用完兩盒，質地像雪糕一樣軟軟的 敷上面的時候，有一陣陣果香 購買時，店員說過敷完的時候會有一點點乾的感覺，使用時的確有這感覺，但也正如店員所說一樣，洗乾淨之後就不會有乾的感覺 這款面膜最大的好處是，敷完後馬上見到皮膚有光澤感，明顯透亮 不過店員說，如果追求美白效果，檸檬那一款會比較好，下一次打算買檸檬試一試再作比較 整體而言也很推薦這款藍莓面膜

glo0_0好用推薦：Lush 嘅新鮮面膜每盒細細盒，可以保持用最優質嘅產品，呢個概念好好，唔洗皮膚接觸太多防腐劑同化學物質。藍莓面膜有好天然嘅果香，敷上面上有啲凍不過都好快適應到，但停留嘅時間好短，面膜乾得好快，如果鐘意享受敷mask休息嘅朋友就要留意一下。清洗都不難，敷完即刻亮白左。

Kelvin好用推薦：Fresh 大豆卸妝潔面乳 法國牌子，係藥妝店成日見到平一大截，拎包sample試下。冇特別研究成份，只靠感覺純粹寫。 ⭐️啫喱狀，小小起泡 ⭐️花香清新味道，可接受 ⭐️性質溫和，洗面時唔刺激👍🏻 ⭐️有卸妝功效 中性肌至乾性岩用，日常冇化妝/淨係搽防曬嘅日子就啱啱好夠用。洗完面未搽面嘅時候有好輕微繃緊。 混合肌至偏油肌未必岩用，應該會感覺唔夠清潔力。 如果正價買$330/140g性價比唔高。

Kpl6be6好用推薦：擠出嚟有淡淡清香～性質幾溫和～感覺用嚟缷除日常防曬都足夠～但如果有化妝～個人覺得額外要再用卸妝水再抹多次至夠乾淨～

mysecretgarden好用推薦：我的皮膚偏乾，一轉季就要轉晒成套skin care。洗面尤其好難搵適合嘅產品，一係就太乾洗完甩皮，但係保濕啲嘅呢清潔力又唔足夠。一直有留意開呢隻三合一洗面，見網上評價都好好，就趁佢做大特價買咗，個價錢非常實惠。唧出嚟係乳液狀，洗上面有種淡淡嘅草香味，洗完冇繃緊嘅感覺，清潔力都還好，有時搽咗防曬懶得卸妝嘅時候就會用佢洗兩次，大致上都洗得乾淨。總括嚟講性價比幾高，應該都會回購。

orangecc好用推薦：這一瓶大大枝的洗面乳用了差不多半年了，每天用還是用不完😅除了非常襟用，主打的三合一多功能也非常吸引我回購。雖然她不太起泡，但清潔能力正常，用後皮膚也不會變乾和繃緊。氣味就是清新的柑橘香氣。 總結，這就是一款CP值非常高的產品吧！

Blehh好用推薦： 首先多謝cosme抽中今次嘅試用，本身係混合肌，因為夏天所以都物色緊去角質嘅產品，今次kanebo爽膚水嘅表現好滿意✨ 首先佢到出嚟嘅質地係偏清爽，唔會好似精華水咁稠，流動性好高亦好易吸收。另外都冇咩奇怪嘅味道，上到臉感覺到水潤舒服。用咗一段時間覺得皮膚軟熟咗，同埋變得均勻透亮。總括嚟講，覺得佢都幾適合夏天用，冬天的話可能保濕度就未必夠。另外個人覺得個泵有啲難控制(?，個角度好容易濺到周邊都係  另外附送嘅化妝棉都好鍾意👍🏻👍🏻 就張就可以分開四層，好襟用。而且佢嘅質料好柔軟親膚，唔會好「鞋」，有輕微嘅彈力，唔會一拉就爛，亦唔會起毛粒，無論濕敷定抹面都唔錯。 不過最令我驚艷係佢可以溫和去角質嘅成效。濕敷之後攞去輕輕擦面，個化妝棉即刻充滿着啲黃黃灰灰嘅老廢角質，但同時塊面都唔會覺得好乾用嚟抹頸或者其他冇仔細保養嘅部位個效果更加明顯🙀😽

saphi好用推薦：最近收到KANEBO 的雙效修護嫩膚水, 產品表示同時間可以去角質但又做到滋潤效果, 平時通常去角質就是清潔力比較強, 很難想像如何同時間會有保濕效果, 於是抱著半信半疑的心態下試用..... 呢支嫩膚水係有泵頭, 對控制份量都幾好, 質地偏水狀清爽的, 我有配合同品牌的化妝棉用, 抹面後仍然幾清爽的, 因為有化妝棉既關係, 感覺上係會好似一邊保濕又一邊去左d死皮角質, 同時間仲有另一個用法, 就係可以濕敷, 我試過鼻上濕敷, 鼻翼的角質層係容易清除, 再用化妝棉輕輕一抹都會見到黃黃的 感覺上用左一個星期, 皮膚係透亮左少少, 呢款產品我覺得夏天使用比較合適, 因為天水熱出油出汗的情況較多, 每日使用可以幫助去除角質, 又有清爽水潤的感覺, 唔會好似其他清潔產品用完扯住扯住皮膚咁, 但冬天就未必適合日日用, 冬天可能間唔中濕敷用黎溫和去角質就ok! 平時潔面後先用佢成塊面抹一次, 後續既精華都好似更容易吸收, 又或者用完佢再敷面膜, 效果都事半功倍~ 用黎濕敷腳跟都不錯的~~~會嫩滑返!

Cosmeemee好用推薦：感謝@Cosme的試用邀請🙌 由於塊面容易乾燥，平時好少會用含有水楊酸嘅產品🤣，今次即管一試，果然有驚喜！雖然呢款產品主打去油，但係用完之後完全唔會覺得乾，仲覺得肌膚多咗一層膜咁，令皮膚更有彈性💆🏻‍♀️ 🔽試用資訊🔽 🗓️使用時間：持續使用10 天 🇨🇳產品產地：China 💆🏻‍♀️個人皮膚狀況： 混合乾性肌膚，全面易乾而出油 使用產品後沒有任何過敏反應 🔽全面使用心得如下🔽 1️⃣ 產品質地 質地呈較流質的透明gel狀，非常易推開同會起泡🌟 2️⃣ 提亮膚色、收細毛孔 塊面喺啱啱起身嘅時候，非常暗沉同埋膚色唔均勻，用咗呢款潔膚露洗面即刻白咗一度，毛孔都明顯收細咗好多🥹 再用埋A醇精華，再進一步收毛孔同撫平眼底乾紋👍🏻 （效果見圖，A醇精華的Review請移玉步到另一篇貼文♥️） 3️⃣有效去油 朝早起身塊面通常會油，尤其是瞓喺冷氣房入面好乾，用嚟做朝頭早嘅Cleansing Gel 一流！🤭 🙌總結評分🙌 產品質地：♥️♥️♥️♥️🤍 提亮膚色：♥️♥️♥️♥️♥️ 平滑肌膚：♥️♥️♥️♥️🤍 收細毛孔：♥️♥️♥️♥️♥️ 推薦程度：♥️♥️♥️♥️🤍

jenny0720好用推薦：多謝@cosme 嘅試用邀請～今次試用嘅產品係CereVe嘅去油抗瑕疵白泥潔膚露，同埋A醇全校平滑袪印精華（可以睇埋另一個分享）～ 一收到嘅時候見到好大一支！加咗少少水之後起泡效果都唔錯～ 味道上佢唔係加咗好多香精嗰種（個人嚟講唔太鍾意香精，怕唔知添加咗啲咩成份🥹）所以俾我嘅感覺係比較天然嘅 洗完面之後唔會話好乾，尤其依家仲有開冷氣嘅情況下，佢都唔係抽乾我埋面嗰種，值得一讚！ 再加上洗完面我feel到面上嘅皮垢都可以清潔到，我相信應該係水楊酸嘅功勞😆 我會再繼續使用多一段時間，始終即時感受係唔錯，就觀察下唔同季節嘅使用感受會唔會有不一樣嘅體驗～

sp_113好用推薦：空瓶分享！！！！！ 一直用開平價開架或磨砂牌子，腦海有「捽幾下洗咩買咁貴」嘅諗法。直到去日本旅行，買左依支cle de peau 磨砂膏，完全顛覆以前睇法！ 以前平價磨砂膏粒子一般比較大及密集，次次去完塊面會輕微紅，刺激性較高，唔適合敏感/暗瘡性皮膚使用。 而Cls de peau 依支磨砂膏，當中嘅粒子非常幼細及密集適中，有效帶走死皮之餘，唔會刺激皮膚。每星期用一次，長期使用加快暗瘡印減淡，膚色亦明顯均勻左。

Natp好用推薦：保濕度幾好的一支兩用磨砂， 可以當清潔mask fu 10分鐘先洗走， 可以好温和咁去死皮， 感覺幾refresh ! 勤力用可以慢慢減少黑頭！

agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣

Nicnic好用推薦：好用！用完舒服 唔乾 啲泡泡唔係好綿密 但清潔力適中 唔會太強太弱 冇香味 已回購貨size

Giselle 好用推薦：Biore 水嫩透亮洗面泡沫 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列係biore早幾年推出嘅新系列( ˶ˆ꒳ˆ˵ )佢主打係一撳出嚟就可以有好豐盈嘅洗面泡泡用꒰◍︎⍢︎◍︎꒱۶啱晒我呢啲平時比較忙同懶又唔想嘥時間喺度搓泡泡嘅人用( •̀∀︎•́ )✧︎用完之後皮膚係feel到變滑咗 (✿︎´ ꒳ ` )♡︎而且皮膚偏乾嘅我用完都唔會覺得過乾❤︎(｡☌︎ᴗ☌︎｡)我覺得塊臉用完後好似有變得白咗少少( ˘͈ ᵕ ˘͈ )不過可能係因為我長期用先有嘅效果( ˙༥˙ )如果係想要即時美白效果嘅小夥伴呢款產品就未必適合哦( ･᷄-･᷅ )

Karman28好用推薦：呢支一唧出黎就係泡泡，唔洗自己起泡，比較方便，清潔力一般，敏感肌都可以使用，日常清潔，我覺得幾好。