立體感 推薦好用產品

YiN好用推薦：今次收到Laura Mercier嘅鑽光幻魅眼影筆有兩枝，分別係亮澤玫瑰粉紅modern rose，同微閃玫瑰金色rosegold嘅旅行裝。包裝係可以扭出之後可以扭返入去嘅設計，新開嘅時候筆頭唔可以全部收入筆身，所以蓋返筆蓋嘅時候要小心唔好揩到筆頭。 手臂試色係咁。上面係modern rose，下面係rosegold。 兩隻都係相對穩陣易用嘅顏色，單用定作為打底喺上面疊加粉狀眼影都可以，珠光質地單色用都已經好靚。 個眼妝係簡單用咗呢兩枝鑽光幻魅眼影筆，以modern rose上眼皮打底，集中喺眼尾疊加做出深邃感，眼中眼頭加上rosegold作highlight，再用rosegold畫臥蠶，最後加上眼線睫毛膏完成。呢個眼妝顏色自然珠光細緻，日常出街返工都啱化。 以下係少少用後感。 ✅持久顯色 花咗啲時間影咗一輪手臂試色相之後，眼影筆已經定咗妝，我嘗試大力用手指捽，發覺顏色完全唔會被捽開，只有好細粒嘅閃粉被捽散咗同痴喺手指上面。我對呢個持色度真係好驚艷，即係代表就算我多手捽眼都唔會冇咗色。 同時亦都代表搽咗上眼皮之後要即刻blend開，如果唔係佢定咗妝之後就會blend唔開，建議畫完一筆

Aleishayanheidi好用推薦：Thanks @cosme - Laura Mercier鑽光幻魅眼影筆 亮澤玫瑰粉紅modern rose 微閃玫瑰金色rosegold Travel size 首先包裝扭入扭出設計，直接用喺眼上非常方便。呢兩款顏色非常易襯搭 可以見到手背上試色。 上面係modern rose，下面係rosegold。 好似我會用modern rose 做打底 喺上面疊加rosegold 眼影做highlight ，眼嘅輪廓已經好突出，當然單色用都冇問題啦！ 佢哋嘅眼影係珠光質地單色用其實都已經好靚。易推好大力捽都唔易乜色！ 呢個眼妝顏色好適合日常返工，已且兩隻色已經做到嗰個效果非常方便。 ✅持久顯色，不掉色 ✅順滑質感自然風，可以用手指blend ✅快靚正

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Fng好用推薦：Charlotte Tilbury 唇膏 stoned rose 色號，偏暖色調，啱曬黃皮嘅我，夠顯白， 搽完之後氣息返曬嚟， 同埋搽上嘴唇 唔會起乾皮，有滋潤感，就算食完嘢都有一半嘅色keep返喺咀上， 值得回購。

Fish Tse好用推薦：#我的最愛碎粉 哩款蜜粉係品牌既暢燒產品之一，化妝再精緻都好最驚就係化完妝唔持久，所以蜜粉揀得岩係好緊要 之前我用開係Laura Mercier，其實佢既定妝效果都好好，但我覺得用完個妝感好似比較重。默為我係偏向自然系，最尾比我試到哩款真係岩都唔岩就買左 睇落去係白色好細好幼既粉，用蜜粉掃上左面之後係透明色，完全唔會影響左本身個妝感，我通常會係T字位同下巴上多少少 點樣先為止夠呢就係摸上去係滑捋捋唔會有d黏既感覺，基本上12個鐘都唔會溶妝，利申我係混合偏乾既肌膚

CLS24好用推薦：我混油/油肌，平時只有用粉底液時才用碎粉定妝！呢隻碎粉係透明既，幾中意佢個篩網設計～唔洗搞到周圍都係！！重點定眼下/T字位，其他地方都係輕輕帶過！粉質幼細易推，不會泛白，幾控油但唔會龜裂，個妝容易keep到全日！專櫃貨來講唔算貴，相當易入手，不過可惜冇粉撲送！

mandy好用推薦：Clé de Peau Beauté (CPB) CORRECTING CREAM VEIL 粧前乳霜 (光采柔滑) SPF25 PA++ $500 from CPB 這是我用過最滿意的妝前底霜(primer)， 質地柔滑，非常好推，只需一粒黃豆的分量， 已可足夠全面使用。 粧前乳霜 (光采柔滑) 即時為肌膚自然提亮， 可以單獨用(有素顏霜的自然效果)，也可之後再上粉底。 蘊含不少控油成分，可以幫助肌膚減少出油， 粧前乳霜 (光采柔滑)質感輕盈，非常透氣， 彷彿沒有使用底妝一樣，不會令人有厚重焗束的感覺。 SPF25 PA++具防曬效能，但如户外活動就 要先上SPF50 PA++++的防曬。 增添了養膚成分，如保濕、防曬及抗氧化等成分， 化妝同時護膚。 含保濕成分: 矽靈, 丁二醇, 甘油, 赤蘚醇, 木醣醇, 氫氧化鋁, 硬脂酸, 海藻醣, 聚矽氧烷-2, 茶氨酸, PEG/PPG-14/7 二甲醚, 甘氨酸 及 水解蠶絲蛋白 抗衰老成分: 甘油, 維他命E 及 刺梨果萃取 防曬成分: 桂皮酸鹽, 二氧化鈦 及 苯基苯並咪唑磺酸 鎮靜消炎成分: 木醣醇, 維他命E

magwong好用推薦：貴婦產品，價錢算貴但物有所值。 首先有淡淡香味，味道有高級感唔重香料味，用落都開心啲。 質地幼滑易推，上面會有少少潤色效果，但冇乜遮瑕度。單用只適合皮膚冇瑕疵者。其他人上多層碎粉可作日常淡妝。 我最鍾意係佢嘅滋潤度，冬天用夠滋潤，亦會令粉底貼服啲。

Ronni好用推薦：Cdp嘅碎粉真係大大大愛💕 雖然佢真係貴 但係佢嘅質地係超級輕同超滑 用完絕對返唔到轉頭！！！ 同埋佢都幾大盒 我就2個色都買曬 🫣 原諒我用到好污糟 個粉撲好細滑，上面超舒服 同埋佢中間有間隔 唔會無用但一路痴住啲粉 好個人勁鍾意有網嘅設計 之前用過其他牌子嘅呢個設計 真心覺得好好👍🏼唔會一次拎咗太多粉總結：未試過嘅真係要試一次！ 另外～ 如果你係深色皮膚嘅建議用右邊👉🏽 👈🏽左邊有啲啲紫色，皮膚會比較啱用

olitong好用推薦：最初用不會感覺效果驚人，但越用越愛！ 其產品優點在於用後會讓人覺得你是天生好膚質，感覺很透明，雖說是透明碎粉，其實暗地讓你膚色白了兩度又不會感覺很厚妝，而且海綿撲很柔軟，拍在臉上感覺很舒服，用後臉部變得很爽很滑卻完全不會乾（試過用其他牌子碎粉會乾到甩皮），而且氣味香香的，一瓶可用足全年，雖然價格少貴但份量頗多，回購第三次👍🏻 ✅輕透自然 ✅顯膚質好 ✅香味清淡好聞 ❌價格偏貴 ❌撲粉時易掉粉在深色衣服上 整體推薦度：7.5/10

Candy Ng好用推薦：大家想出街，不被人發覺係好重妝容感，又要令自己睇上去有些氣息，好建議大家用527號色。 它雖然上唇不是明顯的顏色，係令你睇上去自然感重d 的淡豆沙色，大家隨意出街，不是化全妝，但係用一些出色的唇膏，吾化全妝，就會令自己睇上去有d 奇怪。 甘用#527 號色，就無呢個感覺，淡淡地為你地帶出自然的小妝容感🤭而且它都幾滋潤感，有光澤，大家睇我用得都多，就知道平日出街，我有多隨意，又多喜歡用它💗

Jayla好用推薦：呢支唇膏搽出嚟係鍛光，水水潤潤咁，不過就唔係太持久，食完野會甩晒要補搽返，不過又唔會甩到一撻撻咁所以都可以接受嘅，聞起嚟係淡淡嘅莓果味都幾好聞。 我買嘅色號係524 Diorette, 玫瑰色之中又有橙調,所以唔同皮膚色tone都好易襯到。加上搽上唇睇落係自然色，啱晒拜年唔想化濃妝但又要好氣息見人嘅時候用。

lingbb好用推薦：-用咗超過3 支，外型係好粉嫩透粉外殼，殼如其美，完全係滋潤度高打造自然透亮粉嫩唇色，鐘意飽和度唔高嘅潤唇膏我推薦呢款！ - 隨住身體既熱感，唇部會隨之變得唔同色，以我經驗，當你個人夠暖，顏色會愈黎愈深色。 -如果咀唇有乾皮或咀唇偏乾先打好個底，例如磨砂磨走多餘既死皮先用 - 呢個系列暫時最鐘意用#005 色，原本唇色無血色，用完會變得好自然既唇色，唔會太深或唔出色， - #001 對我黎講太淺色 - #010 係帶閃粉既holo pink，要塗厚一點先比較顯色，🧐 - 我會推薦#005lilac顏色！🤩

南西瓜好用推薦：ෆ 使用ing的分享 ෆ 真的必須說200分！高中時朋友一起買了001 Pink給我，當時就覺得很水潤💧 而現在開始上班，天天淡妝之後，一開始常常懶得抹唇膏，但去了日本機場免稅看到2隻¥8200 決定再來試試觀望很久的012 Rosewood！（一盒2隻是012配001，因此覺得ok就買了） 結果顏色超級喜歡，是偏冷色一點的溫柔豆沙色（如果喜歡豆沙色可以試試012，或是038 會更暖色調一點） 現在天天上班都擦！因為是潤唇膏的關係，加上我天生唇色非常淺，因此很自然很滋潤，淡妝超級適合♡ 會繼續使用回購，成為我的辦公室必備美妝的！

lingbb好用推薦：購入色號: 80號，粉紅色+閃粉 適合人士: ✓ 皮膚偶爾出狀況但整體狀態不錯 ✓ 保濕控油各方面要求不高 ✓ 對粉撲有要求 ✓ 想要閃粉效果 碎粉說明: ✓ 外型優雅精緻；帶有花壓紋﹑啞粉色蓋，配上厚身硬透明膠盒 ✓ 粉撲柔軟，是粉紅色，抓粉力好。個人喜歡這粉撲多過MUF ✓ 粉質和閃粉都是細嫩，閃粉不會放大毛孔，是含蓄的（見圖) ✓ 有淡淡的香味，不濃郁 ✓ 沒有SPF功能 使用心得: ✓ 妝感透薄自然，無瑕陶瓷肌 ✓ 有效修飾毛孔，霧面效果 ✓皮膚狀態好時使用，會讓人覺得天生皮膚很好的氣質妝效 ✓ 閃粉含蓄但有存在感，令妝感加分，想讓人親近的感覺 ✓ 粉紅色粉末上到臉已經半消失，餘下微小粉紅色可提升整體氣色，可放心全臉用。 ✓ 閃粉會隨時間減少，但經全日後依然會存在 ✓上臉後才能明白它可「貴」的地方 ✓ 控油度無muf及LM的好，但個人就是很喜歡！ ♥️會回購 曾使用過的碎粉參考: ✓ MUF HD 透明 及多色碎粉 ✓ LM 柔光碎粉 ✓ INNISFREE 礦物質散粉 ✓ 日本ETVOS 2022 限定防曬系列ET

黯然仙人掌好用推薦：呢款蜜粉分咗好多色號，重分咗油肌乾肌使用，共9種顏色、5種質感。 係日本買咗06號 nude matt beige, 係帶有透明感嘅啞光米色，粉質勁細緻，上手有微微珠光，上面唔會閃令令，自帶磨皮功能。控油能力中高，after lunch 都唔會油光滿面要補妝。值得一試

lingbb好用推薦：ysl最有名氣墊之一，誰能抵抗呢款少女粉紅色包妝外盒？真係好令人心動，相比黑色果盒，粉色岩天氣乾或皮膚長期乾嘅膚質用，粉質好奶油嘅細滑感，上面會感覺到滿滿的滋潤感，易推開，會令皮膚帶點亮擇，遮瑕度中等，可修飾非常淺層瑕疵，普遍需要再疊加遮瑕膏先夠遮蓋。 如果秋冬用持妝能力長啲，如果潮濕天會比較易溶妝，溶妝都唔會一達達。 我覺得用黎補妝唔錯，黎拯救非常溶妝需要重新再上粉底時呢款補落去無咁易卡粉。 整體而言我會推薦俾超乾肌！

Yumi好用推薦：本身一直用開粉底液，因為認為粉底液更遮瑕。但因為玻璃樽唔方便去旅行所以去選購氣墊粉底。選擇YSL粉氣墊係有一部分原因係因為外表好靚！而且我膚色偏小麥，都有適合我嘅色號。用有奶油肌的質感，亦唔需要上好多已經達到理想效果。 回購除左因為性能好，而且仲因為買refil價錢好吸引，門巿買都只要4百多。🤩

Fng好用推薦：Too cool for school修容粉，之前見網上面有好多好評，所以買咗兩盒嚟試:#01＆02，02號色適合冷皮膚用， 01 號色適合暖皮用。01色號嗰盒我已經用到hit pan😆 。 🩵我習慣在顴骨跟下顎線刷上最深色修容，too cool for school 有不同程度深淺色可以自行調配，多次上色，調整色調，不需高技巧也能加強五官的立體感。而我一般都會使用蜜粉或腮紅刷大面積刷在髮際線及顴骨上。 🩶#02有少少偏灰色，我用它打喺鼻樑做陰影夠自然。粉質細緻，唔會飛粉，用最左手邊(最淺色)嗰格打鼻影，一啲都唔突兀，與底妝溶為一體，持久度8個鐘以上，開架產品嚟講算十分好。 💜另外，佢夠小巧又有鏡子，仲連埋個掃，cp值十分高， 值得推介💝。

zzzhelen好用推薦：用咗好多年，都未寫評語，今日寫返先 分3色好方便，有埋鏡同設計又唔阻抵。粉量綿密幼細，無乜飛粉。顯色度唔高又易推開，好啱新手 因為顯色度唔高，我要上好多層先有相中既顯色度，我用2號色modern，冷色，啱白皮膚用。不過左邊顏色實在太淺，淺到我懷疑係用黎提亮？溝色？ 由左起數1既話，我會1+2鼻影；2+3顴骨；3下顎及腮位 我會照俾6分，但老手黎講可能介乎5分，因為要長啲時間先上到足夠分量既陰影

Fng好用推薦：較早前失心瘋一次過買咗三盒01 10 22號色， 01及22: 偏橙色調 10:偏冷色調的磚紅色 。包裝靚靚，有花壓紋相信係其中一個賣點，同埋佢持久度好好，易blend，同肌膚融為一體， 好貼服。

royu3好用推薦：無論質感、包裝、色澤上，這款花漾胭脂絕對是我心目中的胭脂No.1！對這個包裝，實在抵抗不了誘惑，全系列共19色，前前後後一共儲了4個色號 (˶‾᷄ ⁻̫ ‾᷅˵)依上至下次序為： Pancy Pop 雖然紫色被認為是可以修補暖膚色的黃氣，但Pancy Pop為偏冷色調的紫色胭脂，對冷調膚色較友善，深暖膚色的人使用會顯得妝感髒髒的。要慎入！ Melon Pop 這粒已經是第3粒了！如其名，melon pop 真的如蜜瓜般，甜美可口🍑珊瑚粉色調，暖皮膚使用十分粉嫩顯白。大推👍🏻 Nude Pop 韓國大熱的Nude Pop，溫柔的奶油色，很自然，而且自帶光澤！簡單一抹好氣息，深淺膚色都適用！ 任何場合、任何人使用都OK的百搭胭脂💯 Sorbet Pop🍊 跟Nude Pop 有點像，但這粒偏黃的淡奶油色。 淺膚色的一抹好氣色，健康活潑。用在深膚色上較像打亮，可以抹在需提亮的位置。這顏色較少見，也是值得入手的一顆。它的粉質很細緻，而且有足夠的光澤感，讓肌膚看上去健康自然⭕️疊加擦的話，會更突出。新手用不易出錯，且顏色選擇多，可配合不同膚色需要，價錢亦很相宜，是入門胭脂的好選擇👍🏻大推！

royu3好用推薦：這盤眼影雖然很貴，但真的物有所值！ 包裝為黑金色，很有高級感。使用上也很方便，內附鏡子、刷子，能隨時隨心地化上喜歡的眼妝👍🏻 我買的是08 光焦，很適合暖膚色。 特別是B色，超美的橙金色！A+B+D屬於較幼細的閃粉，沒有顆粒感； C則是肉眼可見的銀色閃粉，較少機會使用。 前者加起來，於一般場合使用已經很足夠， 要不要加上C的就視乎情況而定。（我只有夜間活動時使用到C呢）粉質細緻，基乎沒有飛粉⭕️ 而且與皮膚的貼合度很高，能自然放大雙眼，沒有違和感！不會顯得眼妝很濃，非常百搭，任何場合都能使用👍🏻 #夏季戀愛感妝容

Fng好用推薦：包裝精緻，粉質above average ，顯色度相比歐美品牌眼影稍為弱些，但配色優雅，較合亞洲人膚色。

Fish Tse好用推薦：依家好興化眼妝要有卧蠶會令到對眼有放大既效果，如果新手化妝唔識點樣去配色或者畫，Canmake哩款淚袋眼影就可以幫到你 分別出左3隻色：01 淺珊瑚、02 輕透粉紅、03 奶茶色，sis可以因應自己化妝既色去配色買，而我就買左01 淺珊瑚，因為我覺得如果有時想化個淡妝唔上眼影色用哩款01做個卧蠶都好自然 淚袋眼影分左4格，我會先用中間下格啞光陰影係卧蠶既底部畫出一條好自然既線，哩款眼影好淺色唔怕會重手唔自然，然後會係眼尾既下至都輕輕填一填色 跟住就可以自行選擇用左格亞光定係右格珠光哩個係各人喜好，自然既可以用啞光覺得唔夠突出可以再加上中間上格閃光令到個妝再顯示得憐愛d

Ko好用推薦：看到美妝YouTuber Astor介紹這款01號眼影可以畫淚袋並遮蓋淚溝，於是我購買了一盒。這款眼影膏有霧面、珠光、閃粉和陰影四種色調，性價比很高。只需要使用這一盒眼影膏就能完成淚袋的畫法，不需要花時間在不同眼影上混色，可以節省很多時間！對於我這個皮膚偏黃的人來說，01號色非常完美。不過要遮蓋淚溝可能不像Astor所說的那麼有效，可能是因為我技術不夠好，再加上我的淚溝比較深 cry。我會推薦那些日常畫淚袋的人購買這款眼影膏。

LenaC好用推薦：疫情下日日帶口罩 但約會難免要除低口罩 食吓飯飲吓野 所以除咗化個靚靚既眼妝之外 口罩吓既妝容都絕不能忽視哦 簡簡單單兩件單品 輕鬆締造甜美妝容 1. YSL 既迷魅亮彩唇膏 小金管加上YSL金環設計高雅唇膏水潤唔脫妝 蘊含護唇油 一抹非常易推 不黏膩 完美隱藏唇紋 且有極高色彩飽和度 前後光澤感：❤️❤️❤️❤️❤️ 水潤感：❤️❤️❤️❤️❤️ 舒適感：❤️❤️❤️❤️❤️（滋潤度高容易推開） 持久度：❤️❤️❤️❤️❤️（不易脫妝 食完飯都仲留有色澤） 2. 胭脂 德國有機彩妝品牌NUI Cream Blush 100%天然成份 90%有機成份 蘊含保濕植物油成份 充分滋潤肌膚 除咗可當做胭脂 仲可以當做眼影、唇膏 質地雖然係膏狀 但塗抹時會變成粉末狀質地 直接用手指印開 我揀既PITITI 色系 係玫瑰粉紅 完美打造霧光好臉色 好似夏天剛曬完雙額紅卜卜 簡簡單單兩件單品 輕鬆打造 #夏季戀愛感妝容

bibubibu好用推薦：我手頭上嘅顏色係154 係一個莓果嘅顏色 搽上念非常顯氣息 就算係黃皮嘅女生都可以輕鬆駕馭 呢個顏色唔會挑膚色 質地油潤 上嘴充滿光澤感 有少少染唇效果 整體唔算太持久 另外佢唇膏有香水嘅味道 個人相當喜歡

Kristywong好用推薦：完美幻變眼影 #05 由舊版用到新版，呢盒canmake眼影一直都有留係我嘅化妝袋～ 05色相對比較穩陣嘅大地色，5隻色霧面色都可以輕鬆配搭。睇返盒後面嘅小教學，呢一盒5色眼影其實係包括埋眉粉同眼線，懶人/新手超級friendly 👌🏻👌🏻👌🏻 新版入面嘅眼影棒亦都有改良，一邊係海綿頭而另一邊就改良變咗斜角掃，帶出街補妝真係超級方便！Canmake眼影嘅粉質方面一向都好幼細，唔太會飛粉，好易就可易blend開，係比自然嘅日系妝感。顏色上第一格會比較唔顯色，建議可以搭配返自己鍾意嘅打亮product ✨✨ #秋冬愛用美妝 #秋冬愛用美妝

Jane好用推薦：粉質好細緻綿密，唔太飛粉，05顯色度偏高，好啱黃皮/健康膚色， 可以令到眼妝好出。

綺羅香好用推薦：係專門店買粉底液時送咗兩個胭脂sample，一個係超熱門色Orgasm 同另一個Sex Appeal，因為胭脂對我嚟講係消耗量勁低嘅彩妝，所以屋企得一個百搭嘅顏色，好少試新嘢，收到sample 正好試一試NARS嘅胭脂有咩吸引力 Sex Appeal係官網標為淺蜜桃色，我自己覺得似係粉紅色，薄掃一層，唔會有螢光感，反而有少少提亮蘋果肌，不過因為顏色太淺，真係要皮膚白嘅先見到顏色，依家好興三色胭脂法，要係面中掃三層唔同深淺度嘅胭脂，分別係膨脹色、氛圍色同收縮色，打造立體妝容，我好鍾意先上sex appeal當膨脹色打底，再疊掃orgasm或者其他胭脂，令自己妝容顯得精緻啲 Orgasm係帶金粉嘅蜜桃色，嗰色調係無論白皮膚定小麥肌都非常適合，加上入面有點點細緻金粉，就好似陽光灑落皮膚上面，難怪非常受歡迎 胭脂粉質細緻順滑，唔會顯毛孔，顯色度幾高，掃一層已經足夠，持久度好，唔會半路消失唔見，下次要買胭脂時，會考慮先入手NARS

Foksum好用推薦：第一次用NARS嘅產品，呢款胭脂好出名，所以早排買左黎試，色號係較自然顯白的sex appeal 用左大約兩個月，佢顯色度高，唔飛粉，粉質都好幼細 因為工作需要化妝及帶口罩，佢既持妝力維持到工作完一日收工番到屋企都仲係好顯色！係我用過咁多隻胭脂裏便最好用最顯色！ 雖然單價較一般其他品牌嘅胭脂貴，但個人覺得佢嘅效果值回票價！ 唯一嘅少少缺點係佢嘅包裝，雖然係磨砂矽膠面不留指紋，但個人覺得比較易污糟易吸粉塵

kathy.lhy好用推薦：多謝cosme嘅試用邀請🥳 今次係第一次用shu uemura呢個牌子🙈 <外觀> 佢個樽有啲磨沙質地feel 幾靚~ 另外特別想講個樽蓋 佢都有啲小心思 呢個設計會令到蓋得實啲 冇咁易甩出嚟!! <質感> 一開始吱咗啲上手睇下質感 我覺得呢隻粉底液比較流質 水啲 <試用> Before: 呢排皮膚狀況麻麻 塊面多粒粒 After(1): 今次試用嘅係564 Medium Light Sand色號 顏色方面貼近我原膚色 所以唔會有特別大色差同兩截色嘅問題🙈 因為佢比較液體 我用粉底刮刀可以好容易咁控制份量👍🏻 幾中意佢可以做到一層薄薄自然嘅粉底 唔厚重 淨上完粉底之後 可以見到佢幫到手調整整體膚色 同遮到部分暗粉(額頭) 但略嫌遮瑕度唔夠勁(例如鼻附近嘅毛孔) After(2): 最後上咗粉定妝 同做咗啲遮瑕 整體感覺唔錯🙈 化完妝都唔會好厚重 好粉 反而偏向自然 After 5 Hours: 整體上其實都keep得ok 平時化妝出街一排就會開始出油 要補少少粉咁 但今次呢個係冇出過油!!! 不過可能油性皮膚效果會再好啲 我自己混合性就略嫌有啲乾~ (可能吸油效果太勁😂😂

Sogno夢好用推薦：感謝@cosme 給予試用機會 今次試用產品是植村秀無限輕透持妝粉底液(色號674) 首先我本人的肌膚狀況: 混合油肌, 主要T 字位出油, 有少量痘印和黑眼圈首先包裝是磨砂按壓瓶, 非常簡單大方, 粉底本身帶有SPF 25 +++防曬, 足夠日常出門這是按壓一下的量, 可以看的出來粉底液非常水潤, 很好推很絲滑, 這一下的量足夠全臉上妝, 上妝工具配合了植村秀的Petal 55 粉底刷 上妝前後, 可以看出來粉底液雖然很輕薄, 但有一定的遮瑕力度, 而且感覺很清爽, 並不會有負擔, 一點也不厚重. 這是在24 度室外約6小時後持妝效果, 可以看到我容易出油的T 字位有一點淡淡的油光, 和粉底融成比較好看的奶油妝感, 並不會不舒服 這瓶主打輕透自然及控油力強, 全日保持妝感不氧化, 我認為是非常出色. 推薦: 中性 混合偏油 油肌 遮瑕:3/5 控油:4/5 服貼:5/5 持妝:4/5

Enchante好用推薦：Canmake嘅眼影係開架出名好用～ 呢隻silky souffle eyes除左粉質細膩好似梳乎厘之外，質地仲更加柔滑，有輕微滋潤感，感覺用起上黎效果更加持久，顏色方面亦都更加顯色 👍 盒內附送嘅雙頭眼影棒亦有驚喜✨比傳統嘅眼影棒更柔滑，亦更易推開眼影粉，好好用～ 今次購入07號色，有d偏橙嘅粉tone溫柔微光澤顏色，加埋佢微滋潤感，好適合秋冬天使用～ #我的秋冬愛用彩妝

Fng好用推薦：買咗 M07# 偏冷粉色調🩷，質感細緻，淡淡的裸粉色，有清透感，我超鍾意它能輕鬆塑造日本自然氛圍感嘅眼妝。 左上角閃嗰格好靚，閃得細緻，粉質又貼膚。我用佢畫臥蠶，於 下眼簾 中間部分 點上少許 左上角閃粉 即刻 臥蠶肉肉pump起來，持久度八個鐘以上。 一盒搞掂曬💝眼線 💗臥蠶💖眼影，非常實用，性價比超高， 而且帶去旅行夠慳位💯 推介。

olitong好用推薦：潮濕天氣大平反😆看見很多人說這款蜜粉很乾，事隔一段日子後我要為ysl平反，因為原來這款粉在濕度100%的日子才真正發揮其最佳效用，之前收到試用時天氣偏乾躁，把它閒置了一段時間，但最近勁潮濕就突然唸起佢！一搽上面不單乾爽不脫皮，更全日不太出油，切記用掃上，比用用粉撲效果好，現在已經用到見底！🤭 ⭐️能遮蓋鼻翼粗大毛孔，持久控油⭐️ 很多謝@cosme & @YSL 今次抽中我體驗YSL的ALL HOURS SETTING POWDER 恆時啞緻蜜粉🩷 本身膚質屬於混合性肌膚的我買護膚品和化妝品都相當困難，T字位油到經常出瘡，U字位就成日乾到甩皮，所以我很少一支化妝品走天涯。 今次YSL的蜜粉外盒非常簡潔漂亮，磨砂黑面配令身金色盒底，高貴大方，方形盒身亦非常方便收納，唔會碌嚟碌去，我個人是很滿意。 而這款蜜粉有很清新的茉莉香氣，相比過往YSL唇膏那種甜味，我更喜歡這次蜜粉和粉底液的香氣🩷 隨蜜粉附送的粉撲是薄薄的那種，放在粉盒的下層，帶出街也很輕便，而且薄身粉撲可仔細地用在局部多油的位置，如鼻翼等邊位或彎位，都會比用厚粉撲更方便。 由於這個蜜粉是白色的，因此用上臉一定會比本身原

水萱草好用推薦：今次試用嘅YSL All hours setting powder恆時啞緻蜜粉，好靚嘅包裝，好好聞嘅味道，真係好鐘意！！今次係試嘅粉底同一啞緻系列嘅蜜粉，粉盒面係黑色印有logo, 盒身係金色嚟，個手感好好打開後係有兩層，一層係粉餅，下面放塊粉撲，當然一定有連塊鏡啦 一打開已經即刻聞得好清香嘅茉莉花味道，真係好鐘意呢個味道！！索一索舒暢哂😂個粉餅好雪白，勁靚，佢入面含有吸油因子同微細無砂粉末仲加咗滋潤因子，好適合香港潮濕嘅天氣，佢可以做到24小時長效遮瑕同控油！仲好過用吸油紙呀！！ 蜜粉最緊要唔好出現灰白感，佢咁雪白同咁微細嘅粉末一定唔會！ 可以用碎粉掃掃上面會自然，如果要遮瑕嘅就用佢配嘅海綿多層咁拍上臉，值得一提係我初初心諗無配條手帶嘅，好似唔係咁好用，然後細睇！佢兩面個質地唔同架！可以雙面用，一面係絨毛面，一面係海綿面！！太好啦,咁樣出街可以帶少樣嘢啦！絨毛面好好摸😂😂😂，哈哈！總之就好鐘意好鐘好鐘意，要講多幾次,無論個包裝定味道定個餡，都非常鐘意！

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印  質地: 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄  色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出油後反而妝感更靚 不斑駁 無溶妝 有種出油同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

SKY好用推薦：首先謝謝@cosme 給我試用的機會。這次試用的是恆時輕透霧光粉底液 和 恆時啞緻蜜粉。 我的膚質是混合性皮膚，額頭鼻子比較容易出油。皮膚問題是有點膚色不均，鼻翼有泛紅。 試用色號是LN4，和我本身使用的粉底色接近，實際上臉也和貼合我本身的膚色。如果像我一樣是黃二白的朋友建議可以選這個色號。左邊是LN4，右邊是現在用的粉底液。 粉底液的流動性很高，質感輕薄，有明顯的香味。 有防曬係數SPF39 PA+++，如果是平時上班大部分時間在室內我就不加防曬了，但如果當天要出去戶外就一定要再擦防曬。 這瓶粉底液是25ml的，比一般的30ml少。 整個試用過程的天氣清涼，不算熱。 這是一款讓我很難打分的粉底液⋯⋯ 在以下的不同情況下想打的分數差別挺大的，只好給個中間的分數了⋯⋯ 1）只上一層粉底液，戴口罩少於2小時： 4星，底妝沒有浮粉或斑駁，但掉粉比較多。 2）上一層粉底液加蜜粉，戴口罩6小時： 5星，底妝沒有浮粉，只有顴骨有輕微斑駁，輕微掉粉。 3）使用保濕底霜，上兩層粉底液加蜜粉，不戴口罩： 4星，遮瑕力佳，只有輕微掉粉，鼻翼有浮粉。 4）使用防曬，上一層粉底液加蜜粉，全日戴口罩