防水 推薦好用產品

bibubibu好用推薦：呢支睫毛膏可以做到卷翹纖長效果 只要先用睫毛夾夾好睫毛 然後再用呢支mascara用向上嘅手法掃上睫毛膏 睫毛可以維持卷翹一整天! 即使去玩水都唔會溶 佢搽到根根分明嘅效果 唔容易結塊 不過就冇乜濃密效果 有幾次用呢支mascara都比人問係咪植咗睫毛 不過佢就比較難卸 用返睫毛液專用卸妝液或者卸妝油會比較好 已經回購三四支 性價比高 又平又好用 

choichoi好用推薦：市面有很多相類似的產品，無奈即使這個夾著KOSE大牌的名字也有點令人失望，是的價格不貴但沒有令睫毛更持久減低暈染

Jasmine Yuen好用推薦：- 遮蓋力非常強，可以有效地遮盖色斑、痘疤、黑眼圈等。 - 遮瑕膏質地細膩，容易推開。 - 產品具有防水和防汗的特性，可以長時間保持妝容不脫妝。 - 冬天也適合使用，感覺滋潤，即使用眼底遮黑眼圈也不易出乾紋

iliya 好用推薦：呢款遮瑕霜嘅遮法效果都算唔錯，唔需要厚搽都可以遮蓋到痘痘色斑嘅7至8成，但係略嫌有啲乾，要做好皮膚嘅妝前保濕再用會較好效果！🙌🏻

CLS24好用推薦：今年改版既時候狗衝門市即買！真心暫時用過既持妝粉底液NO.1☺️舊年秋季用過舊版既sample，印象來計，新版係更易推更水潤！如果你覺得舊版好好用，建議快d快d快d用完再入新版！ 我03色號，混油/油肌，PO-03會粉一點，BO-03就自然，所以揀左BO-03！完、全、冇、暗、沉，係完全！所以唔驚揀自然色號！（不過如果可以有半度提亮色更佳，希望Lancôme起香港入多少少色號啦…） 不論是傳統/一字粉底掃、粉底刮、三角粉撲、美妝蛋，上臉一樣係順滑、貼服、冇白芝麻，好輕身好透薄好易推，上一層都好夠做，除非有腫起既暗瘡！佢係成膜型持妝粉底液，所以BA姐姐建議分區上妝，不過即使佢成膜後都唔係拉緊塊臉或者feel到有層野，佢完全係呼吸到咁樣樣！唔焗！！！即使用完第二日都冇悶痘冇出粒粒！ 買完之後旅行、日常番工出街都用過！戶外室內都一樣高水準表現！出油愈多會愈奶油愈貼服！而家呢d天氣Fit晒😎btw記得用前搖一搖再上臉💜希望大家都搵到 #我的最愛粉底液 啦！

Akassoo好用推薦：今次試用咗Lancome持妝輕透粉底液嘅PO-03（自然白），佢有SPF38 PA+++ ，同埋主打控油持久、妝效偏啞光。 不過要注意嘅係呢款粉底淨係適合油皮同混油皮，本人係混合偏乾，兩頰位置偏乾，雖然T字部位出油，但呢隻粉底對嚟講真係太乾，用喺混乾皮嘅話面頰會乾、甚至甩皮。同埋用喺我度會溶妝、持久度一般，總括而言就係唔適合自己，建議油皮同混油皮嘅朋友仔用。 感謝 @cosme 提供試用品。

940727.0好用推薦：粉底防水耐汗，不易溶妝，遮瑕力也算合格，是日常自然妝容之選。 [遮瑕度] ★★★ 泛紅位置須再塗抹多一層。 [光澤感] ★★★ 妝感比較啞緻，質地清爽 👍🏻 [持久度] ★★★★ 8小時後也不會溶妝變灰，抵讚！

🌸好用推薦：專櫃購物，贈送嘅贈品。質地透薄，滋潤度高，但係唔係太持妝，幾個鐘就氧化+甩色。喺呢方面可以多多改善。

inkitsung好用推薦：#cleanbeauty 天然有機無矽嘅精油粉底液～ 就算幾敏感嘅肌膚都啱用👍🏻👍🏻 蘊含豐富精華液，一定要先搖勻再上面！ 質感水潤透薄，上面冇乜負擔～ 而上妝上得越耐越覺得膚質好～

choichoi好用推薦：粉底液出來柔滑像奶油般輕盈，易推勻，少量已經足夠全面，配合粉撲更為輕薄，遮瑕度一般，建議搭配遮瑕膏使用

Angie好用推薦：都幾好呀，算係比較顯色嘅眼線液，防暈染效果中上，如果10幾個鐘嘅話就點都會溶少少

chasiutung好用推薦：1028眼線液 不暈染 防水 防油 防汗 但筆尖不順滑 毛質生硬 不好描繪

Connor好用推薦：呢款防曬噴霧我特登買嚟for户外運動用，首先佢防曬系數絕對夠，無色無味，噴霧略嫌唔夠細膩，噴上皮膚到會明顯有一噠噠，需要用手推返開，同埋都有小小粘笠感；但佢防水方面都算唔錯，仲夠持久，可以keep到4、5個鐘，同埋我用咗佢出去户外大半日都冇曬黑到👍🏻 至於佢聲稱噴咗有涼感，我就唔多感覺到啦。

Angie好用推薦：夏天成日都周身汗，補防曬真係一件好痛苦嘅事，不過呢款防曬噴落去有一種好冰涼嘅感覺，所以補得好舒服🤭

Yuki Chow好用推薦：眼線新手值得推入手～～ 去日本旅行藥妝店買嘅，效果令人驚艷，唔係太識畫眼線嘅可以考慮吓入手，一筆過好上色唔易甩色，唯一要注意就一定要用卸妝油或水先可以卸乾淨，有多種顏色選擇，我自己買啡色同紫色

KDing好用推薦：眼線既出色度都高 但係抗油抗汗會差咁D 夏天用會易出事 冬天用就岩岩好

林雅詩好用推薦：很全面的防曬，價錢也十分相宜，可惜香港較難購買，只有某些日本水貨店有賣，之前在台灣已用光4-5支，又防水又控油，防曬效果好，自然的泛白（本人喜愛微微泛白可以調節我本身比較偏黃的皮膚）不會流白汗，春夏秋冬都適用的防曬

940727.0好用推薦：質地比較薄,點少少已經好好。如果以依個價錢有返依個質素非常抵玩。唔只可以遮黑眼圈仲可以遮鼻翼兩邊，嘴角附近，就可以出門。

choichoi好用推薦：這款遮瑕筆算是YSL平替，透薄不黏的膏體令人驚艷，開架的喔不是嗎？黑眼圈不算太重稍稍就能蓋過而且自然，撲些碎粉後也不易脫落的

Susu好用推薦：用咗YSL嘅product好耐，呢個防曬係想買到滿額贈所以入手嘅，本身冇睇過任何評價，但呢支防曬比我想像中更加好用，質地比較水潤，吸收，不黏立，後續嘅底妝都冇打交嘅情況，個人嚟講推薦夏天使用，建議入手

Desse好用推薦：就算用開同一條line.. 都未必所有同系列產品都啱自己用.. 我今次算上咗一課.. 全效輕透空氣感防曬 SPF50+/ PA++++ 揀防曬.. 除咗度數要度次外.. 我自己嘅基本原則係.. 唔黏立.. 唔搓泥.. 唔油膩🧏🏻‍♀️ 呢支… 我會覺得唔啱我用🪻 🪻油膩感重 由一開蓋已經見到流動性好高.. 但唔係水狀.. 而係黏立嘅油狀 對於混肌.. 已經想卻步 🪻吸收度低 上臉半個鐘都依然油膩.. 要tissue off 先可以唔滿臉油光地出街.. 更別提要上妝 如果皮膚屬乾肌 又好想好想入手試.. 建議你搵sample size試咗先.. 我自己就唔掂啦..🪻

Hillxx好用推薦：眉膏易乾，上色後顯色，掃頭設計容易使用，顏色容易配搭，可以使用在不同髮色，而且外型細小，方便𢹂帶！！♡

kittyleung105好用推薦：眉gel顏色自然，掃兩下已十分顯色，眉刷設計很好，顏色和分量能均勻地掃上眉毛，分量不會太多而結塊，令我十分意外的，是眉 gel是超防水和超定型，即使游水後，顏色仍然持久，眉毛也沒有亂跑，像是眉毛的定型水！

940727.0好用推薦：撫平肌膚紋理，減少皺紋及細紋 立即修飾粗大毛孔 使底妝更服貼，不再卡粉浮粉

wintonggg好用推薦：A little bit too dark for white skin, but it is very natural

🌸好用推薦：今次評價嘅呢一支眉筆，應該係我買過最貴嘅眉，原價需要$610一支。但係因為我係喺OnTheList半價嘅時候入手嘅，所以價錢都算係合理。 買咗返嚟之後，我先至覺得原來都真係幾抵。佢除咗有一支眉筆嘅本體之外，仲送咗一個替換芯，即係買一送一😍。 畀大家睇吓支筆嘅本體係咁樣嘅：同其他牌子嘅眉筆一樣，頭尾都係有蓋嘅，一邊係眉掃，另一邊就係眉筆嘅本體。 我今次買嘅係03 Chestnut，唔係一個熱門色號，所以先至咁平。我以為會好淺色，但係結果都幾適合我嘅眉毛。 呢個係我喺手背嘅試色，可以無中生有咗條眉毛出嚟😂😂😂眉目唔濃密嘅姊妹們都可以一試。 我本身嘅眉毛比較粗，佢嘅斜角筆頭設計，畫起上嚟非常之方便。上妝次後妝效自然不暈染，持妝十小時以上。原來佢一支眉筆都有0.6g，相比起其他牌子： Chanel  STYLO SOURCILS WATERPROOF 眉筆 （0.27g) Dior 豐彩眉毛KABUKI造型筆 (0.29g) 咁樣比較起上嚟，其實佢都唔算貴喎😂😂😂

mandy好用推薦：Naris Up Parasola Fragrance UV Spray SPF50 PA++++ Naris Up Parasola 美容液防曬噴霧  Naris Up Parasola 美容液防曬噴霧 是非常好用又抵買的防曬噴霧, 全身連頭髮都可以噴。 一般市面上的 防曬噴霧 大都以防曬成分為主, 不會添加太多美肌成分, 然而 Parasola 美容液防曬噴霧 卻含有不少美肌成分, 具保濕、抗偉化 及 鎮靜消炎 的功效。 Parasola 美容液防曬噴霧 細細枝帶出街用也很方便。 外型設計則以粉紅色作主色, 帶淡淡甜美的花香味, 非常好聞。 由於帶香味, 所以也可噴在頭髮去除異味。 Parasola 美容液防曬噴霧 噴灑得非常均勻細緻, 防曬噴霧略為冰感, 使用感非常舒適。 Parasola 美容液防曬噴霧 的討好香味令人想一再使用。 作為開架品牌推出的 防曬噴霧, Naris Up Parasola 美容液防曬噴霧 不只便宜也很高質,  比其他開架品牌更為優秀, 是性價比很高的防曬噴霧。 含防曬成分        : 桂皮酸鹽, 2，4-雙((4-(2-乙基

choichoi好用推薦：大部分的防曬噴霧都有一個缺點 就是噴出來不夠勻導致白色粉末一堆～白白的一片很煩很醜 Parasola卻不會 其霧化程序做得很好 , 是噴嘴做得出色的關係吧 帶有淡淡的花香 用了好幾次發現除了透薄的質感之外 使用過的地方也不會顯得乾燥 防曬力也不錯 每朝唔開遮出門係空曠地方行返工成10幾分鐘都唔會曬黑

Ggg好用推薦：因為我本身係極易出油，市面上大部份眼線筆會係好快化哂（即使我有搽碎粉同用定妝）。呢枝係我唯一一枝出街十幾個鐘個眼線都唔化嘅眼線筆

killkew.b好用推薦：呢支液體眼線筆，以特製筆頭設計， 聲稱可以畫出精準既線條，墨水快乾長效持久， 順滑流暢，仲有防褪色、防暈染、防剝落功能👍 係顏色方面，佢既黑色的確幾夠黑同埋matte， 順滑度黎講第一次用時係幾易畫，但之後每次畫， 一次比一次難畫，啲墨水開始唔暢順🫣 筆頭偏硬，所以完全幫唔到手壓啲墨水出黎🥲 持久度方面，都係會甩落眼底度🥲 條眼線好似冇乾過咁， 二百幾蚊既眼線黎講都算貴， 有其他更好既選擇🥹

Kura好用推薦：我係俾呢款氣墊粉餅嘅外包裝可愛所吸引所以就買咗黎試，首先有50度嘅防曬度數，係非常適合我呢種懶人底妝防曬一次過，又節省到時間，呢款氣墊粉餅遮瑕度都算中等，可以遮到我臉部小瑕疵，同埋我用嘅03色號，係非常自然嘅顏色，用上臉唔會顯白同埋粉感唔會好重，同埋有提亮膚色嘅效果，同埋有光澤嘅妝感，好適合我日常用，我比較鍾意冬天用呢款氣墊粉餅，因為個人覺得呢款氣墊粉餅冬天用更加貼服，同埋氣墊粉餅嘅質地會偏潤少少，整體效果冬天用更勝一籌，同埋價錢都唔算貴，鍾意韓妝嘅都值得一試，我會繼續回購呢個牌子，因為包裝真係非常吸引同埋好少女心 @cosme #我的崇光感謝祭必買氣墊粉餅 #我的崇光感謝祭必買氣墊粉餅 #氣墊粉餅 #氣墊 #粉餅

choichoi好用推薦：油眼的奶奶使用後也大感滿意，而個人則欣賞其筆觸順滑好描繪

keinice好用推薦：掃頭較難控制，而且眼線容易裂開。

LorraineTsung好用推薦：已經送左比朋友既一款粉底… 雖然妝感同持久到都唔錯 但係我已經買最白色！但暗沉得好快 一暗比我自己膚色仲暗 令我黑左2度… 所以白皮唔建議買

Anna好用推薦：上面之後有好靚嘅奶油肌效果，仲聞到淡淡宜人香味❤❤❤用左成日一啲都唔乾，冇脫妝，冇斑駁，可能遮瑕力度弱左，但係咁樣反而仲自然。落左妝feel到皮膚質感冇差到，又冇生粒粒😝😌，平時用其他粉底都會生粒粒架😭😭睇黎佢話有護膚成分真系所言不虛。但系，小小嘅缺點就系佢會暗左一度半度左右，要買翻白少少嘅色號。

LorraineTsung好用推薦：乾皮不友好！乾皮不友好！乾皮不友好！ 😫😫😫 收到的時候滿心期待☹️ 卡粉，超乾🤦🏻‍♀️(圖2) 妝感是霧面的但遮瑕不夠...而且顯毛控😭 不過是真的很透薄不用上定妝已經很乾爽 相信油皮春夏用應該會很好👍🏻

pigpig好用推薦：目前為止遇過最適合嘅粉底液，對油性肌膚簡直是救星。上妝之後完全無感，完全透氣無負擔。佢原本是液體但上臉一陣之後就會變成粉狀，完全不會有厚粉嘅感覺。最方便嘅係佢完全可以用手指推，就好似係保濕一樣。佢質地比較稀，上完最後出嚟個感覺就好似素顏咁。絕對係最透薄嘅控油粉底液。