遮瑕力 推薦好用產品

Hw226好用推薦：踏入輕熟年齡，骨膠原開始加快流失，面珠唔再脹卜卜，淚溝仲愈黎愈勁，好困擾啊….久聞MUF嘅H100係淚溝神器，但細細一盒2xx，新版比舊版再白啲，自然膚色嘅我遲遲唔捨得入手啊。 不過，早排行過cosme見到呢盒遮瑕粉，聲稱顏色配搭下痘印紅印膚色不均黑眼圈淚溝都可以遮到，$78看似cp值極高就秒速入手😂😂😂😂😂😂買嘅係02色，行咗好多間都冇01號色，相信因為係期間發售商品加上4月推出嘅關係01色已經售罄。 盒入面附上嘅刷頭偏大，爪粉力唔強，加上佢每個顏色嘅粉其實好窄，比較難拎到想要嘅色。當用刷來回埽想拎多啲粉嘅時候，就發現好多粉飛左出黎。一開始用個時會跟cosme門市影嘅方法去遮黑眼圈同淚溝，嘗試tune返眼底顏色，不過呢盒野需要時間揣摩，好易用到中間三文魚色就會重手左返唔到轉頭，所以都係少量多次咁上眼最穩陣。 我自己試左1個月之後暫時係呢個上眼次序: CDE—>ABCDE—>A 上到眼係一個自然效果，黑眼圈淚溝並唔係100%冇晒，但都遮到7成。由於佢係粉狀關係為免卡粉/顯眼紋，建議避免眼底搽太多產品。如果想重點提亮淚溝，可以另外用刷點落條抗度，

KDing好用推薦：入手呢盒遮瑕粉都係比台灣youtuber燒到，用起上黎同想像有啲落差。 本人黑眼圈比較嚴重，帶深青紫色，雖然遮瑕粉有唔同顏色可以調和黑眼圈本身的色調，但係本身黑眼圈太深色，所以唔係好遮得曬。你可以睇到我嘅示範圖，佢即刻可以輕微遮到少少深度嘅黑眼圈，但係想要完全遮蓋嘅話個力度就唔係太強。粉狀遮瑕好岩拎出街去補妝，唔怕又要拎多個定妝產品。 呢款遮瑕粉都係比較適合眼部遮瑕唔係太強嘅人去使用或者用佢一啲打量嘅地方可能效果會好少少。 遮瑕度：2/5 自然度：4/5

Lilyscl好用推薦：暗黃皮膚有提亮作用，而且可以修飾毛孔，可以做偽素顏。化妝前用左可以改善暗沉。

Hana0125好用推薦：呢枝底霜係我秋冬必備，包裝有質感，用落非常貼服同補濕，有調色作用，有時好懶單用佢拍少少碎粉就出到街，全日都唔會起乾紋！不過夏天用落效果就麻麻地，好快就甩。

橘子貓好用推薦：Secret Concealer For Under Eye #2 我心目中遮黑眼圈第一位的遮瑕！ 尋尋覓覓，試了數十款遮瑕產品，終於給我找到最適合的眼部遮瑕。 輕薄貼服高遮瑕度，用手指沾取適當份量的膏體後，先在手背上推勻，再輕點上眼下，不太嚴重的黑眼圈，一層已經可以完成遮蓋。 始終這款遮瑕膏是膏體，比起遮瑕液較滋潤且厚稠，如果不先在手上推勻就直接上眼，會很易現乾紋。以適當方式遮瑕後，這款是我用過所有遮瑕產品中最不現眼紋的產品！重點是上妝一整天後，卸完妝都不會令眼紋加重。有些遮瑕膏會越用越乾，令淺淺的眼紋變深，到時真的塗多少眼霜都救不回來。 

誠實豆沙包好用推薦：遮黑眼圈夠潤，但太深色是遮唔晒的 顏色：2號色橙tone，遮深色眼圈是好用的

Conw好用推薦：自帶美顏粉底 LM除了碎粉和妝前做得好，粉底也非常好，中價位中粉底必買之選。 質感： 稠的乳液，延展很好，帶滋潤感 中度遮瑕，可堆疊 妝感： 啞面緞光，受光位會出現漂亮光澤 使用感受： 控油滋潤度好平衡，不會拔乾，香港適合秋冬使用，乾肌夏天都可以。 完妝稍稍黏手，吃進皮膚定妝後乾爽。 出油後成奶油肌，不會有白芝麻，只有少許積線情況，堆開補補粉ok。 持妝中上，4到5小時需補補妝，適合日常使用。 妝感漂亮各方面表現平均，不會出錯的一款。💖 就是香港專櫃色號選擇較少。

Sym97好用推薦：Laura Mercier 既亮肌系列foundation 最令人滿意係佢透氣同時又做到高遮瑕度👍🏻而且提亮膚色嘅效果睇落好自然。 粉底液具流動性，絲滑十分易推開，個人用開粉撲上底妝，亦很均勻。按照店內美容顧問所說以少量疊加形式去上妝出嚟效果貼服兼有光澤 如果好似我咁混合肌雙頰好顯粉加粉底會裂，依隻粉底因為夠水潤就唔會有依種問題。只係戴口罩嘅時候，粉底會甩色 遮瑕度方面都值得讚揚，色斑暗啞或蠟黃的色差都遮得乾淨 顏色方面真係要試真啲，我個人鍾意自然加啞色無粉感既多啲。美容顧問會因應你嘅要求幫你試到啱你膚色嘅粉底 設計個人不太喜歡按壓式粉底液，但的確能夠控制份量

Fng好用推薦：suqqu Sheer Loose 碎粉，我偏乾肌 Sheer loose呢款係最透白 輕薄 帶非常幼細閃，係超級自然既光澤感，而且保濕，粉質超細，可以好快速同底妝融合，輕輕上一層，妝感光滑細膩， 而且定妝效果很不錯，網狀取粉 絕對不會整到周圍都係。

zetalhc好用推薦：粉非常細緻，搽上面唔會有太白嘅效果，反而可以修飾毛孔同埋做到柔霧效果，控油能力都好唔錯

🌸好用推薦：多謝 @cosme 邀請我試用DOLCE & GABBANA BEAUTY今年七月先至推出嘅全新夏日奢華時尚底妝，分別係BERGAMOT GLOW PRIMER，BLUEBERRY NUTRI TINT同Fig Skin Perfector。 今次講嘅係完妝嘅最後一部，Fig Skin Perfector 長效控油蜜粉餅，只有一個色號。 金色鏡盒嘅包裝相當有質感，粉質細膩，略帶珠光，但呢個粉餅並冇附設粉撲，需要自行配置，所以如果想帶出街補妝嘅話就有啲難度。 我平時習慣使用化妝掃定妝，用化妝掃打圈取粉比用粉撲上妝容易。質地清爽透氣，粉質光滑細緻。平時化妝之前即使做晒妝前保濕，有時都會因為皮膚太乾，上setting powder之後出現卡粉/甩皮嘅情況。但係呢一隻定妝粉餅可以做到妝感輕盈透薄，而且略顯光澤。半透明嘅粉末設計能夠輕盈無痕地定妝，唔會留低一撻撻白色嘅印喺塊面上面。出咗街全日都唔會喺T字位出現浮粉嘅現象。 使用前： 使用後： 暗沉嘅膚色瞬間提亮，妝容略帶磨皮嘅效果，睇落好自然。敏感偏乾肌嘅我喺做咗妝前基本護膚之後再上妝，都唔會有乾紋，亦冇任何敏感不適。 #火熱新品

Maggie Cheng好用推薦：首先感謝 @cosme 抽中我試用今次嘅試用, DOLCE & GABBANA嘅化妝品包裝好靚 呢個Fig Skin Perfector係一盒比較重同大嚿嘅定妝粉, 我以為佢會包埋掃, 但係佢冇, 並唔適合出街補妝使用 雖然佢有修飾毛孔嘅功能, 粉感唔重, 亦都冇喺皮膚留下白色印, 用咗佢之後keep住喺冷氣房吹冷氣都真係比平時少咗出油, 但係霧化妝容同定妝嘅效果唔大, 而且佢正價都唔係平, 性價比略嫌低少少

東區蘇牙琳好用推薦：這是朋友送的GA cushion ! 包裝真係好靚，內容物係網面加膏狀粉底液10分襟用的感覺，好過海綿索晒foundation嗰啲，質地水潤容易推開，加疊可以增加遮瑕力，但係對於油肌嘅我，要做好定妝如果唔係都容易出油，有微微嘅香味，本身跟嘅粉撲比較薄，我通常都會用自己嘅。

Sophia好用推薦：Armani 這款歐美品牌的cushion外表感覺非常奢華，很有設計感，和韓國品牌完全不同style。上妝觸感都舒適，輕拍就能均勻服貼。遮瑕、修飾毛孔和細紋等能力都屬於中等。防曬有SPF40 PA++，日常使用都非常足夠。保濕度佳，即使在乾燥的環境下也不會覺得緊繃。持妝度表現一般，較適合香港秋冬天使用，但幸而出油後是奶油肌效果。效果中規中矩，較喜歡同品牌的粉底液。

Milo101好用推薦：粉餅粉質細滑，最方便是一盒有齊深淺兩色，深色可以用來打陰影，修飾輪廓，去旅行用好方便

🌸好用推薦：之前IPSA做promotion送嘅sample, 本住一試無妨嘅心態嚟用，點知好有驚喜！ 佢一盒有齊深、淺兩色，深色可以做埋打陰影嘅效果，啱晒我呢啲懶人👍🏻 粉質細緻，上妝後柔滑貼服唔甩妝，又唔睇落好假/好厚粉。 而且竟然有磨皮嘅效果！面上嘅凹凸洞都遮得到，好似自帶filter咁！🤭🤭🤭 用咗幾之都冇出粒粒同埋冇塞毛孔，敏感肌用都冇問題。 我覺得我之後會返轉頭買❤️

inkitsung好用推薦：以Lancôme咁多支粉底液嚟講，absolue 系列呢支最好用！ 佢好滑好滋潤，質地亦都透薄～ 就算化完成日妝，落妝個下你都係覺得自己皮膚好左，完全唔傷皮膚～

Tsyyy好用推薦：色號130 係自然調 圖係舊包裝 係一個好滿意嘅粉底 有一種自然光澤感 遮暇中上 又可以持久 不過疫情下點都要做好定妝 個效果係令人覺得天生皮膚好好 跟粉底會送一個掃 不過唔好用的

格仔餅公主好用推薦：出黎有透薄感，佢嗰調色自然唔會好怪，可以一搽修飾到毛孔同埋大部份嘅瑕疵，叫佢做偽素顏霜就岩

Angie好用推薦：滋潤度比想像中高好多，適合秋冬季乾燥天氣使用，用後有效提亮皮膚，性價比高

Kura好用推薦：個人係好鍾意呢一款遮瑕膏，首先攜帶出街補妝方便，去旅行帶佢又方便，顏色又自然，係底妝唔錯嘅選擇

Circlecyy20好用推薦：強推這款橙調的遮瑕膏 用在眼底遮黑眼圈打底是很好的產品 質地較黏 建議上碎粉定妝更持久

lingbb好用推薦： - 質地好易推開，今次試用色比較深色（p115)， - 妝感自然輕薄中清爽輕盈， - 面部有提亮同均勻膚色嘅效果，遮瑕度屬中上，可遮到7-8 成黑眼圈 ，finish比較啞緻，令毛孔肌好靚。 - 持久度方面，用定妝噴霧定完妝冇乜浮粉問題 - 夏天我T字位比較易出油，所以出油位一定要打好底，其餘地方都算完整 - 適合需要持久妝容嘅你

葉子🍃好用推薦：色號P115，鍾意佢貼服自然，唔係死白妝感，遮暇力足夠荳印同斑都遮到，好難得佢有遮暇力同時又可以keep到水潤感，全日都唔會乾，有光澤感，但唔黏笠，無卡粉，亦無氧化變色，香味怡人，係控油力唔強

Vivian好用推薦：質地舒服順滑，滋潤度足夠，不會過於黏笠，防曬度數高，唯色調偏粉紫有點不適合黃皮，塗上顯得面頸明顯兩截色調，下次可再嘗試膚色版本

takemyokane好用推薦：最近很喜歡用的一款妝前防曬打底，由於是有色防曬，膚況不錯的日子直接塗它就能出門，有遮瑕效果，質地又夠貼面，和粉底液有差不多的效果，很適合香港夏天使用。之後上其他化妝品也能完美融合。沒有控油效果，但可能習慣之後上同牌的蜜粉，泛油都不會太嚴重之餘反而顯得有光澤感。 看看上市日期原來已經推出了一年多，有點可惜在香港的討論度那麼低 🥹 性價比又高，真的不買來試試看嗎？

graceky好用推薦：今次先感謝抽中試用Sofina Primavista霧光潤澤粉底霜 九月喺日本啱啱出果陣諗住咁搞笑用碌碌上妝都得?! 嘅心態 諗住遲啲去日本果陣買嚟試下用 點知三個月後香港都出喇 仲抽中試下 本身都有用開Sofina base 打底 呢個突破到底成唔成功都有啲期待 收到兩盒東西 一盒係粉底盒 一盒係補充裝粉底霜同埋碌碌 個碌碌本身以為係硬嘅滾輪 原來係好軟熟 有彈性 好似mochi感覺嘅氣墊滾輪 粉底霜係膏狀 上喺碌碌/上面都好易推 就算喺我好乾嘅手上碌 都唔會卡粉卡喺啲紋路度 所以都幾保濕 上鼻翼位方面 由於我鼻樑唔算高 有毛孔粗大問題同鼻翼因敏感會泛紅 但碌上粉底霜係比我想像中貼服同埋自然 唔會好重粉同好黏住/好易甩粉底嘅感覺 呢個要讚! 未有上面圖睇 睇住試上手圖先 其實唔係幾易睇到分別 係好薄嘅妝感 好貼 但係 有啲位要注意‼️ 1. 真係要用啲陰力 來回碌多幾碌先上到個碌再上塊面 因為佢係氣墊做 就咁碌係上唔到粉底霜 2. 粉底霜都有啲容易痴到啲塵 可能要諗啲計 好似保鮮紙咁收到會乾淨啲 3. 粉底霜可能太軟 相對容易會壓到有凹痕 要用陰力 由於妝感都幾薄 雖然唔會令皮膚

Emilyyy好用推薦：主打特色：持久保濕，用滾輪上妝，SPF14 PA++ 質地：霜狀果凍 試用季節：12月 個人膚質：雙頰偏乾及微微泛紅，T位稍油粉底和粉底殼（附滾輪上妝工具）是分開購買，用完可直接買補充裝，粉底殼附帶一面鏡，尺寸還算大，上妝很方便。 這款粉底最大特色就是用滾輪上妝，滾輪的海棉比想像中柔軟有彈性，本以為很難照顧鼻翼這些比較刁鑽的位置，但因海棉有足夠的彈性而能照顧到。海棉表面感覺有一層塗層，有點黏感，不會很吃粉，但相對的就要多滖幾次才能取到粉。（鼻翼位置也ok） 滾輪上出來的妝也很均勻，不費力氣就上好底妝，使用方法也很簡單，很適合新手使用。上出來的妝比較透薄，是日系妝容的感覺，滋潤度也不錯，但遮瑕力較低，平常用的粉底液上好底妝就不太需要額外遮瑕，這款就要再做遮瑕，感覺也不太能再用滾輪做疊加，比較適合本身比較不太需要遮瑕的皮膚做均勻膚色。（before）（after） 有一點比較要留意的是滾輪很會沾毛和塵，再用粉底時會把毛和塵帶到粉盒上，感覺不太衛生。（比較沾塵） 整體來說還是挺新奇有趣的，也不太需要技巧就能上好底妝，新手友好。但遮瑕度低，比較適合本身不太有瑕疵又喜歡透薄妝感的人。找一

Kpl6be6好用推薦：質地水潤透薄～易推開但唔夠貼服～而且正正因爲太輕薄令遮瑕度略嫌不足～

Kura好用推薦：呢款粉底液遮瑕度都算高，冬天好凍用都算滋潤，但價錢偏貴，顏色都算貼合我嘅膚色，唔會溶妝

lingbb好用推薦： - 用緊11 號色，粉質幼滑透薄輕巧，同時具有吸油及控油效果👍🏻 夏日生痘痘都無問題 - 有瑕疵既時候用佢會比較貼妝 - 我既使用技巧係重點遮瑕會用粉撲上，會高遮瑕啲，亦有效修飾毛孔，打造出柔霧妝感。 - 成面用會用掃，有磨皮感，千奇唔好上太多，會好厚重， - 持久力相當強既粉餅，試過hold8個鐘無問題 - 加上粉餅含有維他命E成分，能防止氧化，維持定妝效果。呢樣係非常加分位，最怕塊面過咗一日暗過條頸既顏色， - 而且聽講呢款係比教耐用既粉餅，cp值幾高 -推俾瑕疵肌或黃皮肌👍🏻

橘子貓好用推薦：因為疫情而有了只用粉餅作底妝的習慣，bobbi brown 透薄超柔粉餅也是在此其間購入。 粉餅粉質細緻，有毛孔修飾力，遮瑕度也有中上程度。最令我意外的是它吸油和控油的程度！真的是一秒迅吸！！一抹上臉，油光嗖一聲就沒了。粉餅基本上上妝在那就固定在那，控油持妝有8小時走不掉。臉上出了油光的話，輕輕用紙巾印走就不太影響妝效。 不過，由於它控油方面很出色，遮瑕力也不錯，相對來說妝感（粉感）也會相對重一些。對上妝手法要求高一些，如果妝前保養或防曬用得比較厚重，會容易令粉餅上臉有卡毛孔的情況出現。注意一下就可以避免。 我所購入的色號是#Sunny Beige，粉餅undertone是peach，比較適合冷色系肌膚的姊妹。不過有時粉底液顏色淺了或偏黃，可以用這粉餅去補救。 它絕對是我用過最控油的粉餅了，混油肌或油肌值得一試。

LenaC好用推薦：一直都頗喜愛Ettusais 呢個品牌 佢既產品made in Japan 好多都不含香料 礦物油等刺激成份 呢隻遮瑕液都一樣 不含香料 而且揉合洋甘菊精華、迷迭香精華、甘油等天然保濕成分 佢既棒棒好似指甲油掃咁係軟毛面 易於瑕疵部位塗抹 例如黑眼圈及鼻翼等位置而且遮瑕液質地薄透水潤 塗上面非常薄貼均勻 自然隱藏黑眼圈 膚色瑕疵等

Circlecyy20好用推薦：水感較重的遮瑕 對遮普通的瑕疵會比較有用 質地是較輕盈 相當不錯

olitong好用推薦：使用有秘訣❣️輕力斜印遮好遮滿～ maybelline的遮瑕有幾款，之前一直是用開方形fit me那款用了幾年，最初轉用海棉頭這支覺得不及fit me那款好，畢竟海棉頭不可拆出來洗，容易藏污，但用慣了之後才發現越用越愛，現在寧願換得密一點也要買返這一枝！ 我用的是130號，我自己膚色算是中性偏白一點的，之前買過140和120，一個太黃一個太白，130剛好比我的膚色稍微（真的是稍微）深色一點點，用來遮眼袋其實反而最自然！真的是最剛剛好能遮眼袋的色號了👍🏻 （上手圖就能看到會比我膚色稍微深色一點點，但其實這種顏色用來遮眼袋是最好的了，上完粉底或碎粉後這種色差就會消失，然後變得很自然） 要說一下這款海棉頭的遮瑕筆是要「開筆」的，新開時需要狂扭幾下，將樽內的遮瑕液扭出，扭到白色的海棉上能看到有肉色的遮瑕液為止，之後要在紙巾上，打斜地用少許陰力壓幾下，你會隔住紙巾feel到海棉頭內有一枝野，那就是裡面「出墨」既位置，這時才正式用在臉上。 我通常只用在眼袋位置，由於海棉頭已經沾有適量的遮瑕液了，此時「不需要」再扭動出墨，直接用海綿頭「打斜」地輕力在眼袋位置上印開，因為要斜印才能邊輕壓沾在海棉

KDing好用推薦：呢支黑眼圈擦擦筆用起嚟比我想像中嘅失望，佢遮瑕膏同海棉一體成形係佢本身既特點，睇落係方便D，但係佢吱遮瑕膏既多少唔係太易控制，同埋如果本身黑眼圈大又要用調色遮瑕打底，用呢枝遮瑕筆就好易抹走埋打底調色果層。 對於黑眼圈比較淡，唔係好明顯既人黎講，呢枝遮瑕膏就可以好好發揮到。如果論補妝方便性，呢枝擦擦筆就有埋海棉可以推開，唔洗用到手。 遮瑕膏本身質地唔係好流質，但佢都算幾輕薄，佢嘅時裝力算係唔錯。 質地：偏固態 遮瑕力：3.5/5

Kura好用推薦：呢款遮瑕膏我用咗好耐，四季都好啱用，遮瑕效果唔錯，佢嘅質地係偏厚實嘅膏狀，容易推開，價錢合理

Circlecyy20好用推薦：並非能夠單用的遮瑕膏，但是因為顏色偏橙使用着黑眼圈作打底，再加後續嘅遮瑕膏會容易遮得好啲

龍好用推薦：首先感謝@cosme抽中我作為試驗者之一， CANMAKE係一個我自己私心好鍾意既產品來。佢除左價格相當親民，仲有產品都相當地好用(ﾉ>ω<)ﾉ。 今次就試佢呢款月光提亮粉底，有01同02色。本人偏黃底所以用02自然色。講左包裝先啦，好可愛❤️！然後入面有鏡同一個水滴形既粉撲要來上妝。 用後感，其實用佢提供既撲上妝都算還可以，可以叫平均，最重要係自己落手唔好太重，拎得太多。輕輕咁全臉拍，拍左2-3分鐘就可以。佢既遮瑕還算可以，可能因為我唔算太深色，所以用落覺得遮到。然後提亮部分真係一畫上鼻梁到就立提左，呢個相當方便，唔需要話再買過個提亮筆。然後有柔化毛穴既作用，相當OK。 不過最大既缺點我覺得係佢到左大約4個鐘就有少少開始卡粉既問題出現，然後整體來講如果鼻個邊既紋唔深其實呢款用來出街4～5小時係可以。但再長就唔太建議，如果要長既就可能要補一補會好D。 最後，以佢個價錢來講，中學妹妹買來用絕對係相當抵用，但前題係個膚色要岩。我本身既膚色比較困難，所以我自己就唔會再買。

takemyokane好用推薦：多謝 @Cosme 送出試用❤️這次使用的是 G01 號 Light Beige 色，第一眼覺得月亮圖案的包裝很可愛！雖然 Canmake 是平價開架品牌，但內層也有分成兩層把粉撲分隔開，附有鏡子，粉撲又是可愛的水滴形設計，細節絕不馬虎。因為是SPF50，不用再另外塗防曬。   根據官方用法，先由左掃至右，再以拍打形式逐少拍上臉部，然後只用右邊較深色部份拍在黑眼圈及其他瑕疵位置。基本上毛孔部份都能遮蓋，但泛紅位置就需要其他產品輔助。而且之後一定要上蜜粉定妝，否則它一直就是濕濕的狀態，比較容易弄花。注意必須輕輕拍打上妝，才會比較透薄貼服，否則戴口罩時會相對地容易掉妝。它未必是完美，所以個人不會在約會或與朋友外出時使用，但一般上班日子想快速上妝是不錯的選擇。 可愛的設計水滴形粉撲前後比較