GIVENCHY

TEINT COUTURE EVERWEAR

色號P115，鍾意佢貼服自然，唔係死白妝感，遮暇力足夠荳印同斑都遮到，好難得佢有遮暇力同時又可以keep到水潤感，全日都唔會乾，有光澤感，但唔黏笠，無卡粉，亦無氧化變色，香味怡人，係控油力唔強

May 07 2021 update: 估唔到有另一位user 感受一樣... 就係呢隻濕粉會致痘。我用其他粉底都唔會咁，係得呢隻用完第二日就出暗瘡，已經試過幾次隔開幾個禮拜嚟試, 失望。 ************** 跟另一款同樣主打持妝既粉底液too faced born this way matte 相比易推好多，妝感亦細緻啲 持妝度滿意既，甩粉可接受 青蘋果香氣 但個人覺得卸完妝後做唔到貴價粉底養膚既效果 等用耐啲再update(因為而家冬天用粉霜多)

質地不算很厚身,易推開,效果亦頗貼服,臉上的紅印及暗瘡印也遮蓋得到,所呈現出來的底妝也有光澤

拎咗兩個sample，不得不讚小包裝開口設計唔錯，唔會驚撕得太落或者太高而浪費粉底液，遮瑕力唔錯，可以遮到6-7成，質感似乳液易推開，好快貼合皮膚，氣味幾好聞，上面唔會乾，但持妝能力比想像差一啲，同好快氧化暗沉，想帶妝全日可能要揀淺一啲色號，另外好似都係會致痘

試過不少專櫃及開架品牌， 發現粉底液真是蠻挑人用的。 有時在網絡上大受歡迎的粉底液， 自己用卻深感中伏 😭（遲點再分享🌚） 而 Givenchy 這款粉底液， 之前沒什麼宣傳， 最近有換取試用裝活動， 一試之下覺得蠻有 potential 當一瓶我會回購的粉底 😍😍 不說廢話了， 首先擠出來的粉底質地偏水潤， 易推貼面，不會有「乾」的通病。 上臉後效果自然不浮粉， 香氣也是加分位。 Lunch time 時間脫下口罩， 會發現內側也不會怎麼沾上粉底， 持久度、抗油度和抗氧化能力優秀 👍🏼 另外值得一讚是十二～十四小時過後， 妝容開始有點溶化， 但不會變得暗沉和斑駁一撻撻般， 倒是有奶油肌的效果 ❤️ 如果它性價比再高一點， 我會給它滿分 💯

今次用既係細支sample,色號係Y110，上面感覺係好貼服，遮毛孔能力唔錯，但呢個色號唔夠白，帶口罩半日會有口罩痕出現

我攞咗支sample仔用，佢遮暇度唔錯，亦易推，用嚟遮暗瘡印都夠用，又細細支方便帶出街補妝。

塗上面後與肌膚色輕鬆合二為一，而且沒有厚重感。頗有珍珠肌之感。細膩順滑嘅液妝質感仲可以有效咁遮蓋臉上嘅少許暇雌。具有柔霧感，令整體妝容趨於高貴，營造細緻貼服又不油膩嘅底妝。而且化妝液嘅味道愜意，加上偏玉桂色嘅粉底液上妝後亦能輕易撫平肌理，展現柔滑奶茶肌無難度❤

GIVENCHY粉底液 每次只需使用很少的份量 獨門的 BASE/FOUNDATION 上妝技巧： 據化妝師的推介，是在臉中央畫十字， 然後全面BLEND開便可 這樣就能控制粉底使用量 ，不會用過多了 當然也可點粉底在不同部位再均勻推開 粉底液 質地雖不是 特別水感，卻很易推開又能融入肌膚不顯突兀 觸感十分清爽輕盈，能打造出自然輕薄的妝容 而且均勻膚色的效果非常好，能為肌膚提亮及有一定遮瑕度 如果冇遮瑕膏在手，直接用粉底液遮眼圈也可以 持久方面，T字位比較易出油， 建議油性肌還是最好配合控油底霜一起用，令持妝效果更好

價錢屬於比較貴的粉底，但樽身設計精緻，和品牌形象非常相襯。 質感不錯，只是用手指，就可以很均勻地塗上，我個人會再用Beauty Blender 按壓，增加貼服度。 妝感非常細緻，奶油般的光澤感，又有不俗的持久度。毛孔和小瑕疵都可以輕鬆遮蓋，但不會覺得太厚重，遮瑕能力中上。 但要留意面部比較乾的部份，例如鼻翼位和嘴角，上妝後會有少少乾，妝前要加強重點保濕。

Givenchy 粉底液遮瑕度理想，只需用手指就能輕輕上妝，方便外出時補妝💜

粉底液質地水潤柔滑，用手指就可輕易推開，而且質感輕盈，唔會有焗住肌膚嘅厚重感覺，十分適合打造透薄霧感妝容。遮瑕效果亦相當不錯，薄薄塗一層粉底液後，用眉筆畫係手背嘅圖案已完全不留痕跡（用黑色油性筆畫的就淡色咗）相信一般面上嘅淡斑或暗瘡印都可以遮蓋。防水性方面也表現出色，嘗試用水沖洗並用普通洗手液都無點溶妝，以紙巾拭印都唔見有甩色，只有少少痕跡，無論淋雨/出汗/游水...etc都唔驚個妝會花～

去sogo買set裝有 遮瑕度好高，就咁一層已經遮到泛紅修飾到毛孔 都算持久 Ester lauder嗰支都係主打持久但就好多人話乾 但呢支我就冇特別覺得乾