不易脫妝 推薦好用產品

Tobimak好用推薦：#火熱新品 呢隻粉底輕薄得來遮瑕力又唔差，如果唔係嚴重嘅暗瘡印的話都遮到，用完之後塊面唔會覺得焗促、望落去氣息好咗好多，所以絕對對得住呢個價錢。

Lukeee好用推薦：妝感好輕薄 易推 用完塊面都keep到保濕但又乾爽 遮暇度好高！ 以前未試過用ct既產品 今次見呢款新產品好似好勁 就買黎試下 點知用落有驚喜 推薦！ #火熱新品

Emily Leung好用推薦：Make Up For Ever 超高清蜜粉 一句講晒： 油皮同混合肌必試！真‧磨皮神器。 👍 優點： · 粉超幼： 好似煙咁幼細，唔會厚粉。 · 即啞緻： 一上臉，油光即刻消失，毛孔即時隱形，有開美顏濾鏡嘅效果。 · 透明色： 唔會令底妝變白，零粉感。 · 控油掂： 控油力持久，keep到大半日乾爽。 👎 缺點： · 原裝冇粉撲，要自己配。 · 盒裝唔方便帶出街補妝。 · 大乾肌用可能覺得太乾。 結論： 如果你極度討厭油光，追求啞緻同持久，呢盒散粉絕對係高質之選！雖然貴少少，但效果對得住個價。

kimberleykwan好用推薦：玫珂菲輕煙蜜粉（升級版） 輕煙蜜粉升級了？馬不停蹄的給大家試一下到底怎麼樣 1️⃣ 控油能力：一秒控油，我是塗了吧滿手塗了油的，刷子按壓上去的瞬間馬上有就被吸走了！皮膚馬上啞光！而且幾乎沒有粉感！ 2️⃣ 磨皮能力：自帶磨皮妝效！我的手本身是那種紋路很深的，定完後感覺紋路都不明顯了！乾皮定妝也很親膚！就是又磨皮分粉感又沒有粉感，輕薄親膚！ 3️⃣ 定妝能力：定妝後去搓都不脫！ 🔺Tips: 🩵 建議用刷子取粉，上妝更均勻！ 🩵 我看有人說反光問題，用刷子均勻上妝就可以規避，新版我感覺這點也升級了！ 總結下來就是不挑膚質任何皮膚都可以用，只要是喜歡啞光妝效，油皮，乾皮，混油，混乾都可以用，不挑膚色任何膚色都可以因為它是透明的～感興趣的可以到專櫃試一下哇

lingbb好用推薦：ysl最有名氣墊之一，誰能抵抗呢款少女粉紅色包妝外盒？真係好令人心動，相比黑色果盒，粉色岩天氣乾或皮膚長期乾嘅膚質用，粉質好奶油嘅細滑感，上面會感覺到滿滿的滋潤感，易推開，會令皮膚帶點亮擇，遮瑕度中等，可修飾非常淺層瑕疵，普遍需要再疊加遮瑕膏先夠遮蓋。 如果秋冬用持妝能力長啲，如果潮濕天會比較易溶妝，溶妝都唔會一達達。 我覺得用黎補妝唔錯，黎拯救非常溶妝需要重新再上粉底時呢款補落去無咁易卡粉。 整體而言我會推薦俾超乾肌！

Yumi好用推薦：本身一直用開粉底液，因為認為粉底液更遮瑕。但因為玻璃樽唔方便去旅行所以去選購氣墊粉底。選擇YSL粉氣墊係有一部分原因係因為外表好靚！而且我膚色偏小麥，都有適合我嘅色號。用有奶油肌的質感，亦唔需要上好多已經達到理想效果。 回購除左因為性能好，而且仲因為買refil價錢好吸引，門巿買都只要4百多。🤩

Poyobb好用推薦：N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。

Wuxx好用推薦：YO! Me again! 但我搵唔到想分享嘅個個產品page🧐難道未更新嗎~~? 今次想分享嘅係Maybelline嘅Superstay超持久30H空氣感粉底液「月光小紫瓶」 & SUPERSTAY 超持久30H氣墊粉底霜「月光小忌廉」～ 其實開架彩妝品牌黎講，「月光小忌廉」嘅售價係有啲令人卻步， 不過佢膏狀嘅粉底又引起左我好奇，所以就一齊入手～ 今次買嘅色號係N10（液）同C20（膏）。 本來都無話好大期望，淨係貪新鮮買黎用下，點知又出奇地幾好用喎🤣 首先講下粉底液先。 依個價錢黎講性價比都幾高，持妝中規中矩， 流動性超強，遮瑕都去到7成， 不過上妝嘅速度要快，以為咁水會要啲時間成膜，點知都幾快乾。 然後講下粉底霜。 買前見好多Youtuber嘅感想都係鬧粉底霜個粉撲好垃圾，當然我嘅好奇心係會去到盡， 果然！真係好難用，唔好用，唔知點用。 但轉左平時用開嘅粉撲上就無事，我諗佢嘅粉撲可能會令大家試唔到佢粉膏嘅美好之處。 佢嘅使用方法強調到要係粉蓋印下從而去激活個粉膏，雖然個動作好似好多餘，但真係有原因！ 試過有次趕時間無做好個手勢印薄佢，翻到公司照鏡塊面好似曬傷左粉紅色一撻撻

Tobimak好用推薦：呢支粉底係我喺Benefit專門店買返嚟嘅，試過一次就愛上，絕對係我嘅本命粉底！❤️ 我本身皮膚有唔少暗瘡印，每日返工都要化 妝，所以一直都好注重遮瑕力，而Benefit呢款 粉底真係冇令我失望。我係用粉底掃上妝既，妝感自然又貼服，遮瑕力非常足夠，連啲頑固印都可以遮得幾乾淨，唔使再加遮瑕膏。👍🏻 而且佢透氣度好高，即使係香港咁潮濕焗熱嘅天氣，用完都唔會覺得焗住塊面，皮膚可以自然呼吸，唔會有厚重感或者悶痘情況，對我呢啲容易出暗瘡嘅膚質嚟講真係好重要。🤩 N4號色對我膚色嚟講剛剛好，唔會死白或黃左。我好欣賞佢妝效持久，一整日返工都唔甩妝，控油力都唔錯，到收工都可以唔使補妝。🥰 總結黎講，佢遮瑕力高、妝感自然、持久度高、透氣，用曬之後我必定會回購😍 我好推介比同我一樣都係要每日上妝、又受暗瘡問題困擾既女仔試下呢支粉底，可能都會同我一樣搵到命定之選！ #火熱新品

Suidan好用推薦：#火熱新品 咁多隻色入面同我膚色最近似的就是7N，係一隻light neutral色。 我好欣賞呢隻粉底可以疊加幾層都唔浮粉，又可以比毛孔抖下氣。 但用佢上一層既話可以會唔夠遮瑕，我就要係局部位置上多層先得。

natanatalie好用推薦：最推薦的遮瑕液！❤️ 相信有化過妝嘅女仔都會明，黑眼圈問題係好好好困擾！亦會令化妝時間長左好多！一隻好嘅遮瑕液可以遮得好啲，又可以遮得快啲！🤤 呢次我揾到一支又平又好用又襟用嘅遮瑕液推薦俾大家！托朋友喺韓國買好似幾十蚊，香港亦有好多地方有得賣，買佢都非常方便！價錢無得輸，幾十蚊用到好耐，重點係，好！好！用！🫶🏻 首先講下包裝，佢係支裝，有一個掃頭，我會直接用佢掃喺眼底！再用化妝棉慢慢印開，用手印一樣咁容易！我自然色黃皮膚，用15Natural Beige好啱用！好吸引我嘅一點係佢有SPF28 PA++嘅防曬，而佢嘅質地好清爽但唔會乾，我本身有少少眼紋，有啲遮瑕液用完會顯眼紋，用佢就無呢個問題。而且就咁用佢就會遮得好好，會即時提亮返眼底，唔需要再溝色。至於持妝度，我都好滿意，我呢啲油性肌膚化左一整日，都唔會點溶妝，keep到個妝容大致完整。🙆🏻‍♀️ 除左用嚟遮黑眼圈，我仲會用嚟遮痘印，效果都非常之好。一支可以用到好耐，我日日化妝，而且瑕疵都唔少，一支大概用到4個月，非常抵玩，性價比好高！🥰 非常滿意呢支遮瑕液，絕對係我嘅底妝必備單品！😜

Fng好用推薦：The Saem Tip Concealer 屬平價遮瑕神器，我買咗1.5號色，專為自然膚同黃調肌而設🥰 質地與遮瑕力：👍👍👍👍 (高CP值) 質地偏厚身少少，但好推易拍開。遮瑕力真係無得輸，痘印、黑眼圈、泛紅基本上都能完美遮蓋，唔需要重重疊疊，少量就夠用，呢個價錢有咁高遮蓋度，性價比極高！ 色號與黃肌匹配度：👍👍👍 (合格以上) 1.5號色係自然偏白，帶微微黃調，對於黃肌來講算幾友好，唔會死灰或過於粉白，遮蓋後能自然融合膚色，提亮效果自然。 持久度與保濕度 (夏日關鍵)：🤔 (要技巧) 香港夏天用，T位出油後反而會同油脂融合得幾好，冇嚴重卡粉。但係！如果直接用喺眼底或兩頰偏乾位，就好易出事，幾個鐘後會出現乾紋同龜裂，非常顯眼。 總結： 一支優缺點極明顯嘅強力遮瑕！佢超高遮瑕度同平價真係無敵，適合用嚟遮痘印、鼻翼泛紅等油份較多嘅部位。但絕對唔建議直接用喺眼底，必須混合精華或眼霜降低乾度先可用。係你化妝袋裡嘅局部急救兵，但並非全能選手！

wcm好用推薦：這塊「三色修容盤」自己已經用到見底！1號色調非常適合亞洲人皮膚，三個深淺漸變的灰棕色調，完全不會顯髒或泛紅，手殘黨也能輕鬆暈染。粉質細膩軟糯，壓盤實但很好取粉，用刷子少量多次上臉超級自然，像是天生的立體感！ 我通常用「最淺色」打鼻影、「中間色」修飾臉頰、「最深色」補髮際線或加深眼窩，混合三色也很適合下顎線。 一盤能用超久，自己已經用了2-3年，CP值爆表，新手入門或日常必備！

Fng好用推薦：Too cool for school修容粉，之前見網上面有好多好評，所以買咗兩盒嚟試:#01＆02，02號色適合冷皮膚用， 01 號色適合暖皮用。01色號嗰盒我已經用到hit pan😆 。 🩵我習慣在顴骨跟下顎線刷上最深色修容，too cool for school 有不同程度深淺色可以自行調配，多次上色，調整色調，不需高技巧也能加強五官的立體感。而我一般都會使用蜜粉或腮紅刷大面積刷在髮際線及顴骨上。 🩶#02有少少偏灰色，我用它打喺鼻樑做陰影夠自然。粉質細緻，唔會飛粉，用最左手邊(最淺色)嗰格打鼻影，一啲都唔突兀，與底妝溶為一體，持久度8個鐘以上，開架產品嚟講算十分好。 💜另外，佢夠小巧又有鏡子，仲連埋個掃，cp值十分高， 值得推介💝。

Cheung2好用推薦：身為乾肌嘅我一直都搵緊一支命定眼底concealer，希望佢有coverage又唔顯乾紋 @hourglass vanish concealer好評如潮，忍唔住買咗嚟試🧐買咗crème同cotton兩隻色，都幾有驚喜😙 Crème用嚟遮眼底，cotton用嚟遮痘印，coverage好好，用法上有少少技巧，因為coverage過，最好點落手背，blend開之後再拎好少好少分量上面已經好夠，先會又夠薄又唔乾👍🏻啱哂香港夏天用🙌🏻 買細支啱哂去旅行/拎出街用，1.3ml都夠用好耐😂啱哂我中意不停試新產品😆

natanatalie好用推薦：入手貴價遮瑕液，確係「遮瑕天花板」🥰 妝效自然，被譽為「遮瑕天花板」嘅Hourglass遮瑕液，喺我嘅黑眼圈愈來愈深嘅情況下，終於俾我買返屋企！😉 佢嘅價錢唔平，要成300蚊一支，不過大家講到咁好，就試下啦！佢質地輕盈，可以迅速修飾肌膚而同時擁有高遮瑕效果，締造無瑕妝容。佢嘅掃頭好容易操作，我會點三點喺眼底，再印開，好快就會遮到個又黑又紫嘅黑眼圈，絕對係化妝新手同趕時間嘅人嘅必買遮瑕液！☺️ 我用嘅色號係Birch，睇落好白，但搽上眼又好自然。佢唔會好乾，唔會起眼紋，而且長效持久防水配方對肌膚非常友好，柔焦效果令妝感更自然。💯

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印  質地: 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄  色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出油後反而妝感更靚 不斑駁 無溶妝 有種出油同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

Chloeincosme好用推薦：YSL呢枝粉底液好出名，LW1岩黃一白用☺️ 質地易推，但由於佢係速乾型粉底，所以一定分區上。 有一定遮瑕度，暗瘡印可以遮到7-8成。持久度如佢既名「恒時」，12 粒鐘基本上都冇咩問題🥹好試過烈日下做完運動，佢底妝依然仲有7-8成🥹而且唔係甩到班駁！ 網上話佢係適合油肌既粉底液，但我乾肌用都冇問題，做好妝前保濕就可以了😝

chasiutung好用推薦：Ysl 恆時啞緻蜜粉餅(透明) 第一次用依款蜜粉餅感覺同nars 嗰款蜜粉餅好似 但用落發現吾一樣😉 我膚色黃皮1.5白 混油敏感肌 夏天出汗同出油量都算多 有痘印 Ysl 恆時啞緻蜜粉餅 方型黑金粉盒設計太靚啦😍依款蜜粉餅有兩層 一打開有鏡 第一層係透明蜜粉餅第二層內附雙面粉撲 個粉撲都好好用 出街補妝真係好方便👍 Ysl 恆時啞緻蜜粉 粉質幼滑 上臉係啞緻霧面妝效 有淡淡嘅香味(我好鐘意依個香味) 上臉有提亮效果 不泛白 一抹去油光 一抹隱形毛孔 有種一鍵磨皮感覺💕有輕微粉感 

yoyok好用推薦：作為ysl常客，上次咁岩set裝包埋粉餅加外型好靚就順手買埋。 本身每日返工都會化少少妝，皮膚都好易出油，一直都好驚溶妝。 Ysl粉餅就成為左我日常最愛既粉餅，個人覺得包裝好方便，本身自帶隔層方粉餅棉，盒底都有透氣設計(有啲小孔)，而且白色粉餅出黎都唔會係死白色。 化妝最講究都係定妝，講到控油同持妝效果，ysl粉餅都算係我最推。控油至少last到8個鐘，就算全日係冷氣地方都完全冇問題。同埋，上次唔小心跌落地，粉餅都冇乜點碎到，加分。🤣 利申：真係自費，真係用過先推。

Fng好用推薦：Shu Uemura unlimited 定妝噴霧👀混合偏乾肌嘅夏日溶妝救星 🌟 ✨使用感與效果 噴頭設計出色！水霧細密均匀，唔會射花底妝～帶淡淡花香好高級！成膜速度中等，但完成後真係有層隱形保護膜！實測香港34°C出門，溶妝時間推遲3-4小時，鼻翼同下巴這些易脫妝位依然貼服～保濕力不錯，唔會抽乾皮膚水分，帶妝8小時都無繃緊感！ ✨同價位比較 VS MAC Fix+：MAC保濕更強但定妝力輸幾條街； VS Urban Decay All Nighter：UD控油更強但偏乾，呢支水油平衡更好； VS Make Up For Ever定妝噴霧：兩者定妝力接近，但Shu Uemura噴頭更細緻！ ✨缺點提醒 成膜後有輕微存在感，極敏感肌可能要試用～ 總結：除了少許貴冇缺點！💎 香港夏天必備神器，會回購！

Sandy好用推薦：定妝噴霧 Shu uemura 的定妝噴霧很好用， 噴出水粒很平均幼細，定妝效果 ❤️非常理想, 試過用其他牌子, 暫時這個牌子令我最滿意👍 需要改善嘅就係價錢有啲小貴 如果能夠以 ‘’大眾化價錢 ‘’ 畀多啲女仔入手， 更加抵用 唯一嘅改善就係呢度

YY好用推薦：購入自dior 專門店( *ᴗˬᴗ)⁾⁾ 本身皮膚屬於混合偏油肌，一般情況下用佢都唔會話大甩妝，妝感效果用左全日都會仲係到，遮暇程度值得一讚，亦都唔會有好重厚粉感覺。粉底液流動性偏高，都算易上同拍開。另外佢防曬系數係粉底液黎講都算高？ 曾經有一段時間，因為壓力塊臉暗瘡大爆發，有極多暗瘡印，上完粉底之後，除左好明顯個啲會仲有淺色灰印之外，都遮得七七八八，我個陣係非常滿意個效果(*´ ˘ `*)♡

oy 好用推薦：粉底有Dior嘅香味 好容易推開 上面都好輕薄 唔會有粉感 遮瑕度唔錯 不過呢支粉底暗沉好明顯 朝早完妝到夜晚感覺暗咗一至兩度 同埋佢粉底啲色都係偏黃 如果皮膚偏白粉調嘅話要用其他調色底霜調翻啱個色

Emily Leung好用推薦：我的空瓶日記- YSL恒時亮肌粉底液 我是混合型膚質。夏天會油，冬天就變成了混合型偏乾。YSL恆久 All Hours 粉底液真的撐起了我整個夏天的底妝穩定度。 質地是真的特別，第一次擠出來就有點驚訝——比乳液還輕，幾乎是帶粘感的化妝水，流動性非常高，不厚重，帶點西瓜汁那種淡淡的清香；不油不悶，抹開是很順滑的“水-粉之間”的質感。 但是流動性高，不等於稀薄遮瑕差，這瓶完全不是那種“輕膚感但沒遮蓋”的雞肋粉底，它遮瑕力超狠！上臉妝效是“毛孔隱形”級別的磨砂霧面感。用粉撲輕拍後基本是“無妝感勝有妝”的偽素顏效果，但毛孔、泛紅、瑕疵都不見了。最特別的是它有種霧面+柔焦+毛絨絨的復合妝感，非常耐看。 我推開的效果，肉眼可見的“貼膚不浮、質感拉滿”。 重點是它不會像很多高遮瑕粉底那樣一上臉就拔乾，它是成膜速度適中，能留給你足夠時間慢慢鋪開，也不會出現粉痕或卡線的問題。 氧化程度幾乎可以忽略。我是灰調很重的橄欖皮，它居然能中和我臉上那種“疲憊灰感”，上臉是很乾淨純粹的色調，一整天下來最多暗沈半個色號。 用了三分之一，從來沒因為它長過痘、堵過毛孔。有些粉底液我用一次就悶痘，但YSL這

Nicnic好用推薦：#火熱新品 近排膚況唔好，皮膚有啲皮仔，呢款保濕型粉底都有輕輕修飾，遮毛孔、遮瑕度有（3/5） 鼻翼位嘅色素沉澱都遮咗5成，兩盒糖嘅毛孔都遮到4成，上妝整體係輕微光澤度嘅 5個鐘後遮瑕到輕輕降低，面珠墩甩皮嘅位明顯咗，不過冇乜出油 10個鐘之後，T字位出油較多，不過成個底妝都叫完整，冇浮冇甩到一忽忽 以混油+夏天嚟講，呢個光澤型粉底係表現好好嘅，期待冬天嘅表現

HeiWa好用推薦：今日同大家分享NARS 最新推出嘅 Light Reflecting Foundation 原生光亮肌粉底液。 皮膚睇落好同差，真係好影響顏值；所以 喺各類化妝品中，粉底係最值得同需要投資嘅品項！所以我個人對粉底嘅要求都幾高，用過植村秀、Armani、Gerlain、貴婦底妝Albion、MAC等等。如果遇到好粉底，貴少少都值得的。 我皮膚無重大瑕疵，但有面黃問題；鼻頭、鼻側兩邊毛孔比較粗大；皮膚缺水，所以有時會出現卡粉問題。所以自然透薄、質地滋潤少少嘅粉底比較符合我嘅需求，最緊要千祈唔好氧化同卡粉！！ NARS Light Reflecting 呢枝粉底主打提亮膚色，強調折射光線，令肌膚睇上去更透光，都切合近年強調「無瑕素肌感」嘅大趨勢，亦符合我嘅粉底偏好～ 首先講下粉底液嘅質地。大多數粉底液都有少少杰身，但原來佢係水狀，唧出嚟嘅時候真係有啲出乎意料！水狀粉底液均勻易推、延展性高，上粉時已經feel到佢好滋潤👍🏻因為我有卡粉問題，所以唔鐘意偏乾嘅粉底。呢枝粉底嘅潤澤感非常合我心意❤️不過我建議個粉底樽可以改善下！因為水狀粉底真係唔太適合用唧出嚟，唔太容易控制份量、又會搞到個唧口

莓莓好用推薦：NARS原生光亮肌粉底液 x 水光肌心得 一句講晒：呢支係打造「高級水光肌」嘅神器！ 💎 妝效特點： 1. 「天生好皮」光澤感 · 佢嘅光澤唔係油立立，亦唔係好誇張嘅閃粉感，而係似你皮膚自己透出嚟嘅健康光澤。睇落好似你本身皮膚就咁水潤飽滿，好有質感。 2. 光澤帶高遮瑕 · 呢點係佢最厲害嘅地方！通常水光感粉底液遮瑕力都偏弱，但呢支可以做到高遮瑕度嘅同時，保持光澤。痘印、泛紅、暗沉都能夠遮得七七八八，唔會因為要光澤而犧牲咗遮瑕力。 3. 「越夜越亮」的奶油光 · 初頭上臉係漂亮的光澤，帶妝幾個鐘同面上油脂融合之後，會變成更靚嘅奶油肌妝效。光澤感會更加貼服同自然，真正做到「越夜越美麗」。 ⚠️ 小提醒： · 大油肌要注意，可能覺得光澤感太強，好似好油咁。 · 如果皮膚狀態唔好、有死皮，光澤感可能會凸顯咗啲唔平滑嘅位置，所以都要定期去角質。 總結： 如果你係追求水光肌、光澤感，NARS呢支「原生光亮肌粉底液」絕對係一個頂級選擇。佢完美解決咗「光澤與遮瑕不可兼得」嘅難題，比好多主打光澤嘅粉底都更實用，出嚟嘅效果係一種高級、有質感嘅水光，絕對唔會變「油面」

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

Sakura醬好用推薦：Laura Mercier柔霧粉底液用後感：轉季救星！高級霧面妝感實測 轉季天氣真係搞到個底妝好難搞，時乾時油，用錯粉底仲容易浮粉同暗沉！好在我有Laura Mercier呢支柔霧粉底液，真心想同大家分享下佢點樣幫我渡過呢個麻煩嘅轉季期～ ✨ 一塗即變高級霧面 一推開已經感受到佢嘅絲滑質地，上完臉個妝效真係冇得頂！係一種好高級嘅柔霧感，望落去個妝面好乾淨，零油光之餘又唔會話好厚重。毛孔同細紋都被修飾得幾好，個妝感真係好靚！ 🌦️ 轉季神器：保濕同控油平衡得啱啱好 轉季最驚就係粉底太乾會爆皮，或者太潤會溶妝。呢支粉底真係做到完美平衡！我兩邊面頰有少少乾，用咗都唔會繃緊或者起皮；但T字位出油情況又控制得好好，唔會話幾個鐘就油光滿面。真係好適合呢排忽冷忽熱嘅天氣！ 💁‍♀️ 中度遮瑕夠自然 我面上有少少泛紅同暗瘡印，薄薄一層已經遮到七七八八。最好係佢唔會因為有遮瑕度而變得厚重，反覆疊加都依然貼服，做到嗰種「你本身皮膚就好靚」嘅自然感。 👍 持久度超乎想像 朝早化完妝出街，到落班個妝容都依然keep到八成以上！只有鼻翼同嘴角有少少溶，但冇出現斑駁或者暗沉嘅情況。個霧面妝效可以維持好耐，

zetalhc好用推薦：用過覺得最好用嘅蜜粉，就算係去跳舞比賽幾個鐘頭都唔會脫妝，防水防汗同控油嘅能力都非常好

Hchan好用推薦：由我第一次以試用心態買下此碎粉後，就一直回購大約有幾年了。有小罐及大罐裝售賣，售價中等，但由於我混合肌易泛油，平日喜愛霧面妝感，用量頗多，所以都買大罐裝不用省量。 我使用的透明那款，粉質細緻幼滑，在用量多的情況下上臉後會有提亮效果不死白，亦可修飾我的粗大毛孔，另外防汗及控油效果也不錯，維持了整日的妝都不會暗沉，十分推薦，產品另提供珠光，膚色等色號，可按個人需求購買。

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

林泳恩好用推薦：成份比較養膚的粉底，不用擔任用後會有暗瘡，但保濕知遮瑕效果未如理想，上妝幾小時後會開始浮粉，用作補妝粉底會更好

inkitsung好用推薦：回購又回購之一！ 呢個保濕度超高，真係勁養膚嘅一個cushion~ 但前提你要皮膚質素好好先用到佢~ 因為佢近乎0遮瑕力, 純粹幫你提亮膚色~ 望落皮膚更加好氣息👍👍

Fng好用推薦：MAC Lightful C+ 光透防曬底霜，呢支帶防曬嘅提亮底霜，聲稱能打造光透妝感。 質地與即時妝效：👍👍👍 (光澤感強) 佢係帶微微珠光嘅淡粉色乳液，質地水潤，好易推開。上臉後確實能即時提亮膚色，中和黃氣，帶來一種通透嘅光澤感，皮膚睇落更飽滿同精神。後續上粉底亦更貼服。 保濕與黏膩度：🤔 (秋天轉季剛剛好) 對混合偏乾肌來說，佢嘅滋潤度喺夏天明顯過高了，秋天就okay。完成後皮膚有種黏膩感，彷彿一層油膜冚住，在夏日濕熱天氣下令人不太舒適。這種膚感亦令後續底妝的舒適度大打折扣，相反地， 秋冬天氣濕度低，就剛剛好。 持久度與控油力：❌ (夏天不達標) 由於本身質地潤澤，在香港悶熱環境下，T位出油速度明顯加快，妝容融化速度比使用一般控油妝前更快，不到中午就已泛油光，毛孔亦更顯眼🫩🥴。追求持久啞緻妝效的話，它並非夏日首選。 總結： 一支更適合✅️乾燥季節使用的提亮型妝前乳。其光澤感和保濕力在秋冬會是優點💡，但放在香港夏天，對混合肌來說就變成了過度潤澤的負擔，嚴重影響妝容持久度。除非你是極乾性肌膚，或只需短時間在冷氣環境下活動，否則不建議在盛夏全臉使用。 #轉季

Jayla好用推薦：以Base嚟講佢嘅防曬系數好高，有SPF 50 PA+++。 質地係偏厚身，不過用粉底掃上好容易推開。淡淡嘅粉紅色上臉之後係完全冇妝感，但會有少少提亮效果，好似氣息好咗咁。但如果明顯瑕疵嘅話都係需要用遮瑕膏遮返。由於佢比較滋潤，我一般只會喺秋冬天使用。

Suki好用推薦：這款粉餅質地輕盈如羽毛，打造自然霧面妝感的同時完美遮瑕，輕鬆隱藏毛孔與瑕疵。控油效果出色，讓妝容持久不脫妝，適合混合肌與油性肌膚使用。乾用柔霧，濕用有更高遮瑕力，且不厚重、不卡粉，無論補妝或全臉使用都非常方便！