進階精華 推薦好用產品

Noel好用推薦：Avene 這個抗敏感品牌，相信大家也不陌生，個人是因為這枝精華液入坑的❗Avene 產品帶有一陣療癒的香氣，有點似香皂＋精油的混合，聞落很舒緩❣ 精華液呈白色，乳液狀，帶中至高流動性，延展性極佳，上面很好推。不要看它平平無奇，塗到面上會有立即變成水的感覺💦 超級喜歡～ 乾肌的我一試愛上，補濕力強，滋潤感持久，有滲透的效果之餘又夠 light💙 零缺點恩物❗ 這枝透明樽＋白色精華液，還是深色背景比較理想😅

Maggieyt好用推薦：皮膚有少少敏感用佢好快穩定返 夏天用少少笠 夜晚開冷氣訓覺用 適合秋冬天氣用，尤其皮膚唔穩定，唔想搽咁多野，用佢都夠保濕，不過味度上比較濃，但都接受到

jessvenusfung好用推薦：多謝Cosmo抽中咗試用呢支精華， 我本身是混合偏乾性加季節性敏感肌， 試用了兩個星期，每天用一次，由於是A醇，所以只在晚間使用，隔天日間一定會用防曬，整體來說，呢支精華更加像乳霜，面霜，滋潤程度不錯，更適合秋天使用。 （*****為滿分） 整體合適度：**** 「整體膚感不錯，夏天用略嫌有點太滋潤」 質地：乳霜到面霜質地 乾爽程度：*** 「比一般精華更加滋潤」 滋潤程度：***** 「秋冬使用會更加不錯，夏天略為有點太滋潤，如果屋企開冷氣的話使用效果會更加好」 抗皺效果：*** 「使用14日後，虎紋位置淡了一點點，不期望會完全消失，陳年深頸紋好似淡了少少，但係 效果不明顯」 導敏度：* 「使用後，基本上沒有敏感」 質地大概是乳霜 使用前： 使用後：

LenaC好用推薦：精華篇🤣 終於的起心肝 試咗Kiehl's嘅醫學淡紋緊緻再生精華（Retinol Skin-Renewing Daily Micro-Dose Serum） 一直唔夠膽用A醇 因為成日聽人講敏感肌膚唔適合用 好驚會用爛塊面 不過最終都係踏出咗呢一步 而我一啲都冇後悔 Kiehl’s 嘅retinol A醇劑量啱啱好 適合每天使用 質地係滋潤乳狀 好易推開 搽完感覺其實就好似保濕乳霜咁用咗一排 我覺得毛孔係緊緻咗 皮膚都好似白滑左 好似生左一層新嘅肌膚咁🍑 最緊要係 皮膚無特別不適感或異常敏感症狀#BA照

mandy好用推薦：Laneige Perfect Renew 3X Signature Serum 緊緻塑顏3X 再生精華 $650/ 40ml $1300/ 130ml (Laneige 推廣套裝) (40ml x 2; 20ml x 1; 2ml*5 x 3) 功效：淡紋+提亮+緊緻 緊緻塑顏3X再生精華是由抗皺精華、緊緻精華及光彩精華3合1混合出來的多功能護膚精華。 抗皺精華的質地是精華油狀，緊緻精華為乳液狀，而光彩精華則為水狀。3款精華混合後，質地是很水潤、流動性高的精華液，非常易於推開，而且稍加按摩已很快被肌膚吸收，也不太有黏笠感，使用感很舒適。 通常日系的抗衰老/抗皺護膚品都會偏向較滋潤的質地，但不是所有膚質都是適合滋潤型的抗衰老護膚品，緊緻塑顏3X再生精華給予大家多一個選擇，就是抗衰老護膚品也可以是潤而不笠，而且有效的。 成分方面，3款精華加起來蘊含不少優質護膚成分，包括保濕、抗衰老、抗氧化、鎮靜消炎及美白等成分。 使用後，肌膚水潤亮白，配合由下而上按摩，面部變得更緊緻拉提，法令紋也變得不明顯。 光彩精華 含保濕成分: 甘油, 丁二醇, 雙丙甘醇, 木醣醇, 乳酸桿菌發酵

GinGin好用推薦：講到三款精華一齊用好似好勁咁，就試下，用左係會幾有光澤，但要加保濕精華先得，否則會好乾，同埋$650一支好貴

Kaori好用推薦： 30+女生必備維他命B3細胞激活護膚品 感謝Cosme的邀請，亦都感謝你哋選中我，讓我可以體驗AVÈNE 細胞激活緊緻精華＋水漾乳霜 AVÈNE以活泉水為聞明嘅法國醫學科研品牌，一向CP值都很高，其抗敏和保濕的功效一直受到各界認同。隨着年齡的增長，我都偏向選擇有功能性的護膚產品，尤其是緊緻提拉、保濕功效我都非常重視。 這款細胞激活緊緻精華，蘊含94%天然成份，作為護膚嘅第一步，能夠有效撫平緊緻肌膚，保濕滲透力真的非常重要，活泉水加上維他命B3及高低分子透明質酸，快速滲透至肌底深層抗皺修護，更有效重整肌膚結構，促進膠原蛋白自生。 本身皮膚屬於乾性混合性肌膚，比較長時間留在室內有冷氣地方，皮膚非常乾燥已經出現乾紋、細紋及法令紋。早晚滴一pump在手心中，由內而外在眼睛、面部及頸部皮膚點按，極簡無油親膚配方，溫和不油膩，易推又易吸收，用後沒有出現油脂粒，而且無香味，肌膚即時提亮柔軟，。我亦都會配合導入美容儀一起使用，幫基底重點補水，肌膚飲飽水，乾紋法令紋也能減淡，效果令人滿意。

Yola好用推薦：30歲不得不承認 歲月開始催殘青春 以前同”紋”呢樣嘢大纜都扯唔埋 以前滿滿的骨膠原 白白淨淨 滑滑彈彈 令人羡慕。 依家…變左羡慕別人。 多謝@cosme 的邀請, 令我有機會試用到 Avene 既細胞激活水漾乳霜同細胞激活緊緻精華。 洗完面 爽膚完 我會先用細胞激活緊緻精華，即時滿滿既滋潤 瞬間緊緻飽滿有光澤 好似幫皮膚叉滿電咁。 蘊含維他命b3及高低分子透明質酸，搽上面感覺質地爽透， feel到即時滲透吸收，細紋即時飲飽水 消失無蹤。 再用細胞激活水漾乳霜鎖住精華，緊緻提亮，促進膠原自生同撫平細紋。 睇完對比圖，成塊面既緊緻度 飽滿度同光滑度都令人好有驚喜。 使用前: 使用後: 踏入秋冬 乾燥天氣 缺水乾紋隨時出現 我既肌膚靠晒你啦

Angelasss好用推薦：好開心可以收到@cosme 送比我試用嘅NIVEA CELLULAR EXPERT LIFT 三區提拉緊緻精華‼️本身自己都用唔少NIVEA 嘅身體產品，第一次有機會用到面部產品，覺得勁期待同興奮🥰 NIVEA CELLULAR EXPERT LIFT 三區提拉緊緻精華使用嘅係革命性植物界A醇BAKUCHIOL🌱不刺激皮膚，不需建立耐受性，七日有效拉提緊致彈潤，仲唔會敏感添！我自己本身都係偏油嘅混合肌，係香港呢個咁炎熱嘅夏天，真係每分每秒都出緊油，自己平時都幾鍾意用酸類嘅產品，但都仲係有時會擔心敏感嘅問題，自己就咁用左幾日，都so far 無遇到有敏感嘅問題，非常安心！而係皮膚緊緻度同提拉方面，因為我只係用左幾日，未能完全感受到佢嘅效果，但係有feel到毛孔大嘅位置都有緊緻到嘅跡象👍🏻❤️質地方面，自己平時都好怕黏笠嘅感覺，但係呢一款嘅精華完全冇黏笠嘅感覺，仲好快就可以吸收到💯而本身個精華嘅顏色都帶有少少粉紅色，好有少女心呀🙂‍↕️🫶🏻 整體嚟講我都相當推介大家去買黎試用下，慢慢建立使用A醇嘅習慣，可以激活膠原蛋白生成之外，皮膚仲會慢慢變得緊緻！NIVEA C

Mssi好用推薦： 好開心抽中左今次既NIVEA CELLULAR EXPERT LIFT三區提拉緊緻精華試用 身為30中既女性 抗老既需要真係日益增加 25+開始膠原蛋白就會一日少過一日 皮膚亦會愈黎愈鬆... 所以增加膠原 +緊緻對就中女如我真係好緊要！ 今次試用既就係NIVEA CELLULAR EXPERT LIFT三區提拉緊緻精華 外包裝粉紅色 好有少女心~ 佢主打既成份係補骨脂 抗衰老大家應該都聽過a醇 但a醇好易引起敏感 唔係人人都岩用 而NIVEA CELLULAR EXPERT LIFT三區提拉緊緻精華 主打成份係BAKUCHIOL ,不刺激肌膚、不需建立耐受性 可以高效激活膠原蛋白： I型 面充膠原佔人體90%的膠原蛋白類型，令皮膚充盈彈潤、VII型 提拉膠原形成纖維，連接真皮和表皮連接層，使皮膚緊緻，輪廓提升 比a醇更快吸收 更快見效 但更加溫和 ！唔會引起皮膚敏感 說明有埋按摩手法 好貼心~ 我最中意佢香味淡淡（好怕勁香既護膚品） 同埋佢好清爽流動既精華質地  好適合用黎配合按摩手法 會吸收得更好 質地無一般抗老產品咁厚重 唔怕會生暗粒 早晚都可試用 十分方便

JessicaB好用推薦：🩵11%透明質酸補水奇蹟安瓶 (Super drops - Hyalucid 11% ) 蘊含11% Hyalucid™成分高濃度透明質酸配方，深入肌底為肌膚鎖緊水分，抗氧緊緻，散發水光感。

zetalhc好用推薦：成份好純正同天然嘅精華，含有11%嘅透明質酸，可以令到皮膚做到補水同鎖水嘅效果，第二朝化妝都覺得貼服啲

Chingxd好用推薦：作為一個innisfree小fans 當然都有用過尼枝精華 初初係因為25歲後發覺膚質開始轉 覺得皮膚好易乾 一乾就爆瘡lol 之後聽fd講應該開始搵枝精華用下 當初唔太知道好多補濕精華可以係好黏笠下 曾經夏天試過用kihels既保濕精華 推左好耐都未吸收到 冬天又試過網上話好既bicelle b5 gel 結果都係太笠...笠到出油 爆瘡😑 當時覺得就咁試都唔係辦法😂 就開始睇下youtube啲人介紹 hk仲未有cosme所以都會睇tw cosme 個陣先知道innisfree綠茶籽精華係入門級 基本上係好多人都會用過～ 個陣乾到好易會敏感 所以對成份都好注意 咁岩睇到有個人comment對成份好有認識 除左有香精之外 其他成份都係安全既成份 而且佢幾推介 覺得佢真係幾保濕 所以就買左黎試 唔記得當初係幾時拎黎用 只係記得夏天返工公司冷氣太大 風口位係正自己頭上面 返左陣工就即刻爆瘡lol 然後就開始返工前會搽埋佢 之後就冇乾再乾到爆瘡 夏天同轉季真係好鐘意用佢 佢係幾爽 又夠保濕 都唔會令你爆瘡 比較油既地方 建議開冷氣先至用比較好～ 不過冬天偏乾既時候 乾肌真係會唔夠保

Giselle 好用推薦：Innisfree 綠色聖誕限量系列 綠茶籽保濕精華 160ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 前排又係見佢做緊優惠同有聖誕套裝所以入咗手試下(✿︎´ ꒳ ` )♡︎超鐘意佢嘅聖誕限定design (´,,•ω•,,｀)♡︎而且咁平就可以試到佢其他嘅綠茶系列產品(* ´ ｪ `*)♥︎ ❤︎ ︎ ❤︎ ︎ 佢嘅質地算係半濃厚半水潤嘅質感( •̀∀︎•́ )✧︎流動性算高( ∩︎´ω`*∩︎)目前搽咗1個星期，皮膚係覺得水潤咗(´•̥̥̥ω•̥̥̥`)♡︎但稍微覺得以我乾性皮膚係而家秋冬季節唔係好夠持久(´._.｀)希望春夏嗰陣用會好少少(*´･ε･*)σ||另外推開咗之後會覺得有黏膩感，就算過咗一排皮膚吸收完都係會仲有(◞︎‸◟︎；)如果好似我咁係比較介意黏膩感嘅小夥伴就會有少少失望(っ◞︎‸◟︎c) ❤︎ ︎ ❤︎ ︎ 佢嘅香味就係佢嘅品牌好signature嘅綠茶味ヾ(*>∀︎<)ﾉﾞ雖然佢嘅綠茶係有少少假假地，但係佢算係舒服好聞嗰種( ∩︎´ω`*∩︎)不過佢有添加香料，所以對香料敏感嘅要慎重考慮哦

Loso 好用推薦：今次從@cosme得到試用產品。 我從收到至寫評論時已試用10天左右，我已有不錯的感受。本人皮膚易紅，屬乾敏肌，毛孔粗大。 當收到Greenvines試用品時, 上手試時非常易吸收，亦有一種植物的清新，不是太濃烈。 根據產品說明，泵兩次活萃三日修護精華，加兩滴綠色海洋精華油。令人意想不到的是，精華是屬於黏稠一類， 而精華油是十分順滑的。上面時，吸收能力比手背差，要按壓差不多10秒才吸引完成，另外，精華油雖然不屬於黏笠，但面上仍有油光感。以下是我試用的表現。 第一天試用前第三天 皮膚變得乾同脫皮第七天試到第三日，我皮膚脫皮後，可能我皮膚太乾，我改變了用法，先用兩泵精華，吸收哂後才用兩泵精華加兩油精華油，漸漸皮膚適應後，可以見到皮膚更透亮，毛孔都有改善。 總括而言，從價格上說，活萃三日修護精華及綠色海洋精華油都值該價格。質感上並不黏笠但不至於非常清爽，因為始終有油。 另外，我試用了十天，效果都明顯，我很滿意。

Ariel好用推薦：綠藤生機試用活動～ 感謝cosme抽中我試用「活萃三日修護精華」同「綠色海洋精華油」！ 我係混合偏乾敏感肌，超易泛紅，面頰好乾但T zone位好易出油🤦🏻‍♀️所以需要好保濕嘅skin care，但抗拒較笠嘅產品。 佢包裝幾精美，係滴嘴設計，方便計使用分量～ 精華油氣味好天然，質地好易推，兩者感覺好滋潤，水精神好易推開，而油精華感覺滋潤得黎但唔會太油膩，夏天都可以使用！ 今次試用，我採用咗官方推介嘅「荷包蛋保養法」，即係1滴水精華+2滴油精華，喺手心混合後再搽上面～主力都係搽面頰位，T zone位會輕輕帶過 我試用咗兩個星期，本身以為用精華油會好難吸收，但佢又唔會！感覺係夠保濕滋潤，化妝都冇咁易甩，而且皮膚感覺冇咁粗糙、緊緻咗，亦都冇咁暗沉。 我冇出現敏感情況，整體幾滿意，加上成份天然，品牌口碑都唔錯，大家可以試試～

candyiu好用推薦：好開心今次@cosme 有SkinCeuticals既試用機會！ 想試呢枝濃縮維他命 C E Ferulic 精華好耐好耐，但因為佢都要$1580 30ml,所以都會有啲顧慮。 官方話進行激光療程前2星期使用#CE抗氧精華可鞏固皮膚基底，增強療程間耐受性。但未去到做激光療程之前，我都已經感受到佢既效果。雖然試用裝得4ml好似好少咁，但足夠對日日朝早搽全面，我係無慳住用，成個星期過去都仲有大半～ 佢既流動性好好，好易比皮膚吸收，係會有少少味，但好快散走，不過因為有維他命C,所以搽完一排我個手指頭都黃左😹所以大家搽完記得即刻洗手先 官方比出臨床測試證實使用 12 星期後，有效逆轉 8 大衰老跡象3： ✓ 減退皺紋 -36.0% ✓ 提升肌膚緊緻度 +37.4% ✓ 提升肌膚彈性 +36.6% ✓ 均勻膚色 +45.1% ✓ 提升肌膚光澤 +44.8% ✓ 淡化色素沈澱 -39.5% ✓ 改善膚質 -43.2% ✓ 提升整體外觀 +44.6% 咁啱試用期間未需要做激光療程，所以希望之後可以補番比大家知做完再用佢係咪可以加快修復期。 再黎用後感，毛孔雖然未見好明顯收細，但膚質係好左平滑左，

Kay Lee好用推薦：多謝@cosme既試用活動，令我有機會認識SKIN CEUTICALS呢個品牌。 上網search先知係一個護膚科研品牌，致力研究預防皮膚老化。 而今次試用既產品係濃縮維他命C E Ferulic精華，標示”最佳LASER 伙伴，刺激膠原增生”，非常吸引。 收到當晚立即試用，精華係水狀質地，好易推開同快吸收，坦白講，味道稱唔上香，但不至於難聞，可接受。 前日做完facial後用，感覺比之前泛紅少左，皮膚復完期快左，會keep 住用。

Hoilly好用推薦：如果你有暗瘡、爛面既煩惱，我真心推介你用佢！ 雖然佢既價格都幾貴，但一分錢一分貨，好用既程度係荷包出緊血都會淘錢出嚟買佢！ 佢既修復功效真係好好，用3日已經好得7788，個時唔捨得買佢，用其他修復產品1個月以上仍然未有轉好，日日都唔想望鏡，所以最後轉多一次護膚品如果都繼續爛面，我就會去join美容院好貴嘅package 最後當然慳返個幾萬蚊facial 錢🙂🙂🫰🏻

Mei_pk好用推薦：這款la mer精華質地很濃稠，但是搽上臉之後就好像輕到像沒有搽的感覺。據說可以急救修復傷口或豆印，對我來說，沒什麼感覺，畢竟不便宜，下次可能會選擇其他更有效的產品

C-00好用推薦：感覺好好 用左一排明顯白左 紋就唔多顯眼。 日本買就平 個人覺得效果同個價係啱比例。

Kna好用推薦：敏感肌必須小心。我朝早用完，傍晚就開始起敏感。又紅一撻撻又痛。第2日已完全改用抗敏產品，但紅嘅位比第一日還要多，仲係腫同痛。 我唔推俾敏感皮膚用

Yeeting 好用推薦：期待已久嘅夏天終於嚟啦！ 除咗衣櫃開始要轉季外，最近我都忙着幫護膚產品轉季，轉用番比較清爽嘅精華和面霜。 剛剛轉用咗CLARINS皇牌Double Serum推出嘅全新[輕盈版] Double Serum Light，keep住沿用皇牌雙精華配方功效 但對比原有配方輕透清爽50%，就好似雲咁輕透，呢個夏天可以皮膚可以清新0負擔🩵 而且特別適合香港咁炎熱潮濕嘅天氣，非常適合混合性/油性肌膚人士用。 好想推薦畀大家！ 質地︰4.5分 吸收度︰5分 保濕度︰4.8分 光澤度︰5分 緊緻度︰4.5分 用了七天後，比我預期中效果更明顯。 淡淡嘅清新草本植物氣味，搽上去好水潤，有一層好薄嘅油份，但好快被皮膚吸收，而且不黏笠。 我是混合性皮膚，T字位容易出油，但面部兩頰位置偏乾，所以我會用早上用「輕盈版」Double Serum，夜晚用「原版」Double Serum加強修護功效，第二朝瞓醒，皮膚即時提亮，冇咁攰；而且額頭紋淡咗，肌膚更緊緻。 同大家分享我嘅化妝小技巧： 早上塗上「輕盈版」Double Serum後，按摩面臉1分鐘，加速循環。在上妝前，可將粉底液混合精華一起使用，

Odessafafa好用推薦：已經係Clarins Double Serum 賦活雙精華既長期擁躉喇💓對於混合偏乾初熟肌既我，呢支精華可謂完全滿足晒我既肌膚需要，例如撫平額頭同面頰上既乾紋同細紋，改善皮膚部局缺水缺油既情況，滋潤肌膚，均勻膚色，同時改善毛孔粗大既問題。 質地黎講，由於佢屬於半水半油既配方，而且有可以自行調節精華分量既人性化泵頭設計，所以用上面既感覺非常舒服，唔會有過油同黏立嘅感覺☺️對於夏天長期係冷氣房既環境之下，都非常適合使用。而且香味非常宜人，整體既使用體驗都非常滿意，所以非常推薦🙌🏻💓

Winnie Soo好用推薦：Hello~ 先謝謝@Cosme 的邀請讓我參加AHC的試用 讓我認識了一個感覺性價比挺高的品牌 (⁎⁍̴̛ᴗ⁍̴̛⁎) 先讓我介紹下自己的膚質狀況：我是混合偏乾肌膚 經期前都會下巴出痘痘的膚質 較少有泛紅問題 試用了 AHC B5智慧保濕精華 兩個星期 這款精華主打以98%純維他命原B5 和 95% 純玻尿酸 達致高效保濕 改善因乾燥而引致的粗糙膚質和泛紅問題 首先試用後肌膚沒有出現過敏/泛紅的情況 保濕的狀況都不錯 與我平時用開的B5精華媲美 而我最欣賞AHC B5智慧保濕精華的質地 雖然唧出嚟的時候看起來不是清爽嘅類型 搽上皮膚是幾滋潤又偏水感的質地 但係過約5-10分鐘後 精華吸收了以後就沒有殘留我不舒服的滋潤XD 第二朝都不會有好乾的情況 都感覺皮膚是滑的 （我原本用開的B5精華有少少黐立立） 也經過了經期前出痘痘的時期 呢一款精華沒有和我的皮膚打交 看起來並沒有令我暗瘡增多的情況 如果你是一個追求清爽輕盈質地又保濕的精華 我覺得這款精華性價比不錯 (可以轉會了 xD) 使用前 使用後 （有燈光色差 和iPhone前鏡頭像素問題未必看得很清楚 就

Tobimak好用推薦：好多謝@cosme 送咗呢支AHC智慧保濕精華比我。呢排我成日忙到好夜先訓，日日化妝返工但又忙到連敷mask既時間都冇，所以搞到皮膚乾到有少少甩皮😢開初用嘅時候我對呢支精華都冇咩信心，因為我皮膚比較易敏感，而且呢支精華只係百幾蚊，所以期望都唔係好高。不過經過我試用兩星期之後，我毫無懸念地俾咗呢支精華滿分7星好評！⭐️⭐️⭐️⭐️⭐️⭐️⭐️ 我習慣泵一下在手背上，然後用手指搽上面按摩幫助面部吸收。係吸收呢一方面對我呢啲趕時間返工嘅人嚟講簡直超級友好，因為不用1分鐘已經會吸收晒。佢質地輕盈不黏笠，但搽完上面又不失滋潤感。用後即時效果係會好明顯feel到塊面脹卜卜左、摸落仲滑左同彈左。而且佢仲唔會同後續嘅化妝品打交❤️勁完美🥰 開頭我都驚用完會皮膚敏感，因為始終我皮膚狀況不穩，而呢枝精華價格又咁便宜。但係我真正試用過之後，我不但沒有出現過敏情況，而且皮膚仲越用越靚🤩 在包裝設計方面，AHC仲好貼心地設計到樽身為微微的三角形，令存放時不僅只能站着，還能躺着放都唔會轆走👍🏻而且仲好好揸手添😂👍🏻 總括而言，呢支AHC智慧保濕精華性價比極高，將會係我嘅精華回購之選👍🏻我好推薦比budg

黃詩婷好用推薦：第一次接觸小棕瓶大概係二十出頭既年紀，當時覺得無咩特別(青春無敵嘛😌)！轉眼之間已經27歲，感覺到開始有初老症狀(皮膚鞋/毛孔粗大/無光澤)😭所以我決定買小棕瓶對抗衰老，試吓有冇廣告講到咁掂！點知佢真係好好用，用左三日毛孔已經細緻左皮膚好有光澤👏🏻我夜晚就會用兩bomb加強效果，日頭就用一bomb💰所以好快就用左大半枝💰不過有咁既效果我覺得算性價比高！未用晒手頭上個枝已經再落單買多枝！建議大家可以去官網買(一來包係正貨，同埋佢送超多sample又可以試新野)

Cherly_ch好用推薦： 小棕瓶第二次回購了 ， 質地滑易推 ， 搽上面有滋潤皮膚 ， 撫平細紋既感覺 。 用了幾次覺得有慢慢收細毛穴同幼滑肌膚。 我主要晚上當精華用，尤其轉季對平衡肌膚很有用。 圖中是之前買護膚品的贈品👍🏻

bibubibu好用推薦：雖然佢係一支精華素 但其實佢係洗面之後嘅第一個step 用完佢先用爽膚水 佢嘅質地好清爽 好似水一樣咁流質 非常容易吸收 仲有效幫助後續產品嘅吸收 用完佢 塊面變得好滋潤軟熟

粉紅寶寶好用推薦：沒想過有補濕力那麼強，卻又不起碎碎和快速吸收的產品！請留意這是護膚前用的肌底液，是每天洗面後、爽膚水前使用的。但因我習慣用爽膚水把未能徹底洗淨的污垢再抹一次，所以我會洗面後先用爽膚水抹，再用此產品，再直接把爽膚水倒到面上按摩。 成為美評之星後收到cosme送贈的60mL貨裝，在網上看過評論，得知是偏水狀的產品，而包裝的日文寫著是護膚前的肌底液。 原本打算留待夏天使用，因水狀嘅都是較清爽的，但早前一、二月天氣有點乾，便開來試用，沒想用效果極好，吸收迅速而且後續不論按摩多久都不起碎碎，就算戴上口罩後都一樣沒有碎，而且補濕維持了一整天，完全沒有因化妝的乾粉而有崩緊的感覺，非常值得回購！ 在網上查過應該還有大支120mL裝，價錢好像是$6xx，應該會比60mL裝抵買。

letterman好用推薦：首先當然係多謝@cosme 抽中試用 凹凸洞、毛孔大、痘印、色斑係真係好難搞！ 連續用左18日，皮膚色澤係好左既，塊面的確比之前反光左！影相都覺得係sharp左既 哈哈😂 凹凸洞 毛孔大係有少少改善 感覺係細左少少既 但效果未去到超級明顯，睇黎要用多段日子先會再有效果d！ 痘印方面係真係有d 幫助既，用完係真係快左退紅同退黑！快左結焦同快左淡！有感覺既係！ 講完總結講真係用既情況啦！ 本身膚質夏天其實係比較容易出油 經過呢個冬天之後竟然變到乾左少少 可能保濕做好左 變到係混合性 當然都仲係偏少少油既 比較多角質 容易生黑頭 粉刺 另外平時好容易就會爆瘡 而我又好手多 所以搞到好多痘印 同好多既凹凸洞🤧🤧 我既習慣係早晚洗面後護膚 化妝水>精華>乳液 今次化妝水用左lits既幹細胞保濕化妝水 精華當然係kiehl’s既維c精華 乳液係肌研既極潤乳液 化妝水同乳液都揀左個比較簡單既 咁先試得清楚架嘛 哈哈🤣🤣 精華係水狀既，比較容易推開，同埋都容易吸收一開始用會覺得味道比較大 但唔係難聞既 係要時間適應既味道😂😂 用多幾日就會冇咁覺佢大味～ 搽上面好快就吸收 唔會話一直

kvet好用推薦：多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。 搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

uuuuuu0626好用推薦：第一次使用讓一個牌子的面膜。 由於試用的時候，皮膚處於非常差的狀態，抱着試驗的想法，開始了一連十天的試用。頭四天，都是以一天敷一片，或者兩天敷一片的頻率去使用。剩餘的六天，是隔天，或隔兩天的頻率去使用。 可以看到，在使用了面膜後，皮膚有明顯的改善！紅腫、等了很久也沒有退下的膿包慢慢消去！ 平時覺得皮膚會好乾，好痕，尤其是戴口罩的現在，每一天除下口罩的時候，都會覺得滿面油光！但是在使用的這十天內。覺得皮膚一直保持着濕潤，水份。 在剛剛收到面膜的時候！覺得面膜與保濕精華分開這個方式，很特別，而且精華比平時敷的面膜，感覺上多很多！ 但是在使用了第一次之後，覺得這種包裝方式是一種噱頭，不覺得這樣會令到面膜吸收更多的精華，原本可以撕開面膜就能夠直接敷上面上面，但是現在要額外有一個程序，把精華擠壓到面膜紙上，然後等精華浸濕了面膜紙之後，才可以使用。同時有時候很難把面膜中的精華全部擠壓出來使用。 整體而言，就一個產品來說，這一個精華面膜，個人認為是非常有效的！ 

mandy好用推薦：L'oreal Paris REVITALIFT FILLER [HA] Fresh Mix Pro-Xylane PRO Mask 活力緊緻透明質酸 注入式保濕精華玻色因PRO面膜 $139/ 5pcs (1 box); $238/ 15pcs (3 boxes) @SaSa (會員日另再9折) 功效: 保濕、抗衰老、淡紋、緊緻 面膜紙夠貼薄又不易撕破，類近韓系面膜的質地， 而且可緊貼肌膚，不會敷面時掉下。 大小完全跟我面型一樣，不會太大太小。 注入式保濕精華玻色因PRO面膜 的特別之處是要敷面膜時才注入精華在面膜紙之中， 所以面膜是非一般的新鮮! 面膜精華滿滿，卻不會多到滴出來，非常保濕， 可隨時急救乾燥肌膚，去旅行敷也很可以。 保濕力強，使用感極爆水舒適療癒， 也有感受到敷面膜時正在收緊的感覺。 使用後肌膚變得十分水潤飽滿有神，完全擊退倦容， 泛紅部分亦減少，而且毛孔及法令紋也較不明顯。 嚴選優質護膚成分，成分溫和不複雜， 不含酒精、色素及香料，即使敏感肌也可安心使用。 價位合理，功效不錯，性價比很可以，值得入手。 注入式保濕精華玻色因PRO面膜各

Mclmcl好用推薦： Anessa 這個品牌都係防曬產品上數一數二。今次佢出咗晚間修護都想試吓。 今次我主要用係手腳位置，平日都忽略呢啲位置，夏天曬完都冇好好修護一下。 連續用咗一星期，皮膚滑左，感覺少少似浸完溫泉的效果。之後冇日日用都好似keep到。美白效果就唔覺。 質地唔笠、易推。 會keep 住用，尤其夏天，手腳每日都暴露出嚟，都要注意修護。 $175/180ml。可以用到2個月多啲。超抵用。

bibikiu好用推薦：我見近排好多人都突然在2024年讚One by Kose 嘅護膚品好好用所以見到呢支保濕導入精華有試用裝自己又買支試吓. 呢支係做完潔面後就即刻用的喺Toner之前. 透明色,質地遍向水狀容易推開. 皮膚吸收後覺得好補水,令到之後塗上護膚品更加吸收而且能夠保持全日保濕. 如果主要想保水的朋友們呢支非常適合,我甚至連中間支精華都冇用.

Emma W好用推薦：依個係雪肌精最新出的產品。能防止皮膚粗糙，每日進行角質層清潔。另外，有保濕因子，不會因過分去角質，令到皮膚好乾，缺水。可以早晚使用，令肌膚保持細滑，防止凹凸洞，暗瘡出現。 質地偏thick，但用上面後唔會feel到有層layer。我會選擇係秋冬天使用。 #火熱新品