護髮功效 推薦好用產品

橘子貓好用推薦：No Drought Dry Shampoo Lush這款乾髮粉是有淡淡天然青檸味，要湊很近才聞到，撲上頭髮時沒有太多氣味，我一度以為它是無味的。 粉質雖然不算細緻，比較偏向麵粉的感覺，但撲上頭髮不會明顯粉感，也不會令頭髮有一撻撻的白色。 為什麼我傾向會選擇它，而不是一般的乾髮噴霧？ 首先，它是粉狀的，使用時不會釋出二氧化碳，比噴霧的較為環保。 另外，我喜歡它的用法更為人性化。我每次用約5毫子份量，倒在合併的手指上，然後雙手十指交握，把乾髮粉均勻的抹上手指和手指縫之間，再用裹好粉的手指去抓撥髮根，只需要撥數下就能好好幫助頭髮去油，令髮頂蓬鬆。過程間不需要使用梳子，分裝到小樽子也更方便外出、旅行時使用。 持久度方面也算不錯，我是偏油髮質也可以在香港潮濕的天氣下，保持乾爽大半天。它也可以去掉輕微的頭油味。日常使用已經很足夠。 最後，性價比真的十分之高！100g的可以用到一整年，日版的容量更大，有115g，現在日元匯率低，去日本入手更化算。 所以，我一用完Lush這款就會回購，家中真的要有一枝「看門口」，已經空瓶了最少3樽。

lingbb好用推薦：成份天然，粉粒尚算幼細，香味係有淡淡既青檸味，吸油方面都幾唔錯。 佢幾大支，好似用極都唔完，CP值幾高， 可惜係個樽設計唔好，倒出黎唔夠集中，一時太小一時太多跌到周圍都係。 我會放係一個出街用既盒入面當做refill。 推介想買dry shampoo既補充裝就買呢款！

YolandaAuYeung好用推薦：一向用開紅色瓶身的，發現新産品，所以貪生忘舊了😅。香味隨和治癒，但效果並不及前者般絲滑易梳。

brenda好用推薦：洗完頭後很乾，很難梳，一點都唔柔順

FishYu好用推薦：斷斷續續都用左5枝以上，用完真係甩少左頭髮。之前電爛左把頭髮，用呢套滋潤型既頭髮水加護髮素，覺得有逐漸修復緊。不過滋潤既代價係去油表現麻麻，洗完頭髮會比較塌，夏天既時候會易有頭油味。

Hamiii好用推薦：生完之後脫髮脫得好嚴重 又拎媽咪set 50惠試下 呢款洗頭水其實無咩特別 只係洗完唔太乾 當時用左一個月都無咩起色有d失望 但好在有堅持 再配合埋同育髮精華 總算見到有新毛毛 所以.. 如果決定買呢個牌子 記得要堅持 堅持 再堅持😂

Hazel好用推薦：好鍾意佢個隻粉紅色，好靚，好少女再加埋佢甜甜嘅香味，未用已經蠃曬，令人賞心悅目，而且佢啲油質輕身，潤而不膩，令本來毛燥嘅頭髮變得順滑易梳．

lingbb好用推薦：- 質地係透明精油，味道係香檳蜂蜜味，甜甜的，仲有啲似蘋果味，好喜歡 -通常我係洗完頭，吹到八分乾就擦上去再將頭髮吹乾，頭髮變得柔順順滑，梳頭都梳貼服咗 - 隔日啲頭髮就唔再打kick，但頭髮好傷嘅呢枝就做唔到呢個效果

Milo101好用推薦：🌟感謝 @cosme 的贈品～ 第一次使用這牌子產品 🌟洗髮水是棕紅色，流動性高，香氣是草木味，像置身森林一樣，個人幾喜歡的 🌟容易搓起細緻的泡沫，過水時泡沫則不太多 🌟vegan，天然成份，包裝注明可以強韌幼弱髮絲 🌟效果是剛過完水後有點「塌」，配合同款護髮素使用，洗完頭吹頭後卻有驚喜：頭髮根部清爽乾淨，髮絲則柔順貼服 🌟我是及胸長髮，一包7ml可以有乾淨順滑效果 🌟感覺適合自己髮質，試用後可以回購的！

Nicole 好用推薦：棕紅色液體，流動性極強，像水一樣，草藥味道有點太濃，個人不太喜歡😅不怎麼起泡，以及一定要配護髮素使用，單用的話髮尾會有乾澀感。

dandan好用推薦：😘好開心可以抽中scalp D 育發洗髮護髮系列套裝.其實我系日本旅行時已經知道尼個牌子了，系我老公一直回購育髮防脫男士系列先架🤣🙈! 我本身系細軟髮質 由於產後脫發好犀利. 一直買各種生髮防脫精華同洗髮乳 有時使用感太差 頭頂痴立立 真系好難堅持 變相 效果都麻麻地🙈😅. Scalp D 尼套洗護 首先講下shampoo 好多泡泡 香味又幾舒服wor，跟指引要乾小小頭髮先嗏conditioner髮膜 ，要慢慢按摩頭皮幾分鐘再沖洗 . 整個過程我都幾enjoy 🤭💕 洗完頭髮好滑 夠晒順滑 . 吹乾都幾蓬鬆！ （指引都強調水溫，其實真系唔好沖好熱水淋落頭皮度. 好刺激架🥵💢 ） 我使用一段時間感受最主要防脫效果都幾顯著！ 🤞👏洗完頭髮浴室都執少左掉髮！ btw . 育髮就需要再長D時間見證, 我宜家都慢慢多左D毛毛碎系個頭頂！😍😘 如果sis們都有產後脫髮問題 都真系可以試下！ 💕💋

SUM好用推薦：感謝@Cosme 讓我有機會體驗Scalp-D 「豐盈藥用防脫洗髮露」和「滋潤藥用防脫洗髮露｣。因為最近幾個月出見脱發問題，只要一梳頭就有幾十條頭髮脱落，洗頭嘅時候更加嚴重，每次都會甩好多頭髮，今次係第一次試用防脱髮嘅洗發產品。 試用一個月呢過程，防脱髮效果不算太顯著，不過洗髮水和護髮素的香味、質地和順滑效果不錯，令人想繼續使用，洗完頭也有蓬鬆感和柔順感。長期使用下竟然在洗頭時發覺脱髮情況大減，每次只有數條，而乾髮梳頭時更加只有2、3條脱落。另外，係頭頂好明顯睇得出之前脱落嘅頭髮已經生返出黎，睇得出防脱和活髮效果顯著。 產品容量不算太大，只有350mL，大約比平時用開嘅洗頭水細一半，不過好彩每次只需用一pump便夠，泡沫足夠，所以使用了一個月後洗髮水仍有半枝，而護髮素更有大半枝！其中一枝瓶身有凸紋，即使合埋眼洗頭都可以分辨到邊枝係洗頭水或護髮素。 最後，雖然價格不算便宜，但如果有脱髮問題而又想短期也善的話，我會很推薦這個洗髮產品！

uuul好用推薦：感謝@cosme 選中試用 「Scalp-D 豐盈藥用防脫洗髮露+護髮膜」！ 第一眼收到 ，覺得樽身顏色質感都比較高端，銀色+白色+粉紅色既設計「型格帶點少女」，而且包裝密封，感覺衛生點！因為平時見冇包住既時候，有d客人都會偷偷扭開樽試聞下香味，就變得吾衛生了 🙈 另外，份量方面一支有350ml 😊 吾算大支但come用 。 本人屬中長，乾到易出油既髮質，髮尾年前漂染令頭髮受損 ，所以一直脫髮問題都嚴重 🤢 🌈洗髮露質地 : 透明啫喱水狀（圖上） 🌈護髮膜質地 : 白色Gel 狀 (圖下） 🌈產品香味 : 淡淡花香 ，吾會太濃郁令人反感，好似以前細個用既雪花膏面霜既味道 👍👍👍 我個人香味方面比滿分 😊 而且都香味絕對解決到頭油味仲keep到兩日添 👍 吾算大支但come 用既原因 : 每次泵一泵既份量已經夠我成頭長髮起足夠既泡 ，感覺舒爽 👍 提一提 ，產品成份方面好有心思，針對女士荷爾蒙脫髮問題而添加「豆乳發酵液&葛根精華」，又使用12種天然植物萃取 ，所以吾似平時洗頭水添加好多化學成份﹐另外亦有多種藥用成份幫助頭髮修補，強軔，促進滲透功效，我用既途中當起泡時已經感覺頭

jas2468f好用推薦：最近受脫髮的問題困擾， 配合同系列洗髮露使用後感覺洗頭時和梳頭時掉的髮量有比之前少一些，髮質也輕型柔順， 一年四季都適用。 護髮膜白包的cream狀， 比較濃郁，很好塗抹，小小一瓶能用很久。它沒有洗髮露的微辛氣味，在頭髮上留下淡淡的柔和花香, 多了微微乾燥玫瑰的氣味，像是高檔的身體乳液和花香雪花膏，好溫柔!!! 市面上較少有针對女性荷爾蒙的防脫產品， Scalp-D豐盈藥用防脫護髮膜粉白的包裝一看就很少女，放在浴室也很美💕 感謝抽到「Scalp-D 豐盈藥用防脫洗髮露+護髮膜」！

Jane好用推薦：味道好香，係淡淡蜂蜜味好舒服好療癒！勁易起泡！兩下已經足夠我洗哂及胸既長髮！雖然主打保濕，但清潔力都好好，洗完完全冇油膩感！

msthea好用推薦：其實好耐之前已經見過呢個洗頭水覺得包裝超級靚，不過就貴咗啲 最近見到有優惠孖裝，就買咗嚟試吓 我都實在係唔想影相啦 首先用嘅時候覺得係比較黏嘅，不過隻味真係好香好舒服，唔會覺得好香精 好啦，用完之後覺得頭髮係超級超級超級滋潤啦 不過第二日起身不得了，個頭好似出晒油咁 好似兩三日冇洗頭咁，真係唔係好見得人 然後仲要個頭好痕…. 我諗可能乾性頭皮嘅人會比較適合啦….

zzzhelen好用推薦：我真係好愛依個品牌既產品，依款洗頭水我專係香港春夏、潮濕炎熱既日子使用，佢有薄荷，洗完頭係全頭都有清爽既感覺。我配搭埋同系列護髮素使用。 佢既清爽除咗係體感上，實際上頭髮都會比較篷鬆，張相係我瞓完一晚影添架啦。有時放假係屋企懶，無洗一日頭都唔會笠。

貓餅好用推薦：一款可以去頭油嘅洗頭水，洗完之後，頭皮好舒服，佢係gel狀嘅洗頭水，清爽，香味而入，用嘅時候個頭有少少涼涼哋，適合夏天使用

Kakar好用推薦：呢支護髮油唔錯，我通常會吱最細的份量，淨係用係髮尾位置。頭髮好容易就吸收到，唔會話用完d頭髮黏埋一條。 有時會夾完頭髮，搽少少，等佢無咁傷，護髮功效都算唔錯。

Karman28好用推薦：係日本旅行時，朋友帶了呢支護髮油，使用完酒店的洗頭水後，頭髮變得好毛燥，天氣又乾燥，呢支護髮油真係好有用。使用後，頭髮亦唔會痴到一pat pat，手感良好。

Circlecyy20好用推薦：中等的護髮素 有一般的滋潤度 洗後不會黏笠 會有短暫順滑的效果

Tsyyy好用推薦：頭髮無咁毛燥 而且香味亦不錯

Heychauchau 好用推薦：以性價比來說，的確是不錯的護髮素，一瓶可以用很長的時間，也不會有難聞的香精味，聞起來有淡淡的清香，有修護髮質的效果，讓後續吹頭髮時能增強保護。

agnessstang好用推薦：Moist Diane除咗Miracle you之外 其他系列嘅洗髮露同護髮素我都用過 呢幾年都係keep住用呢個brand 其實所有系列用落嘅質地同感覺都係差唔多 我自己髮質偏乾同毛燥 漂染過好多次💇🏻‍♀️ 髮量多+甩得多🤣 🖤黑色 深層修護 ➡️ 咁多款入面最潤 keep住用啲頭髮望落有smooth咗 🤍白色 滋潤亮澤️️ ➡️ 冇明顯覺得頭髮有光澤咗 用落同深層修護差唔多 但深層會再潤多少少 我自己使用率最高係呢款 🧡橙啡色 順直柔滑 ➡️ 冇撫平毛燥效果 唯一我冇再回購嘅系列 其他系列都有keep住交替使用 🩵藍綠色 清新水感 ➡️ 洗完明顯感受到比其他系列乾 比較適合夏天/油頭使用☀️ ❤️酒紅色 防脫髮 ➡️ 冇明顯感受到甩少咗頭髮 但夠潤 💙深藍色 夜間修護 ➡️ 近期新出嘅系列 修護感比深層修護高

葉子🍃好用推薦：之前用左呂既洗頭水幾有好感，今次買左呢款油頭適用韓方修護洗髮液，係gel狀加綠色粒粒，入面加左檸檬同尤加利精油，味道好清新，濕左個頭加水揉到起泡，薄荷成份令到感覺好冰涼清爽，清潔力好足，頭屑同痕癢都有改善，不過唔建議日日用，洗潔得太勁頭髮會好乾

lhyying1128好用推薦：用過好多次韓Ryo嘅洗頭水啦(o^^o)一股韓方中醫既味道，聞落好舒服。加上本人髮質細、軟、塔，而且郁啲就油笠笠(~_~;)而呢款韓方修護洗頭水就專系for油性髮質嘅人使用，每次用完呢款洗頭水，頭髮都會好乾爽，但唔會乾嘣嘣，吹完頭中立刻變得非常蓬鬆，路人都變女神↖(^ω^)↗

Circlecyy20好用推薦：開架護髮油中CP頗高的產品 一泵已夠用髮尾 用後感覺頭髮有所吸收

lingbb好用推薦：已經空瓶咗，但係唔會推薦。 佢好細枝好快用哂，油既份量都係好輕型，適合需要清爽既髮油用家。 我個人需要油份重一點既做髮尾油。香味唔係特別好香同持久。 髮油我希望做到貼服返髮尾，但可能太輕身做唔到個效果。 同樣價錢可以搵其他品牌既髮尾油。

Ming好用推薦：試吓新買嘅髮尾油，呢款味道超香呀！ 如果吹乾頭髮再擦，一泵就夠，太多感覺會有啲厚重，唔算好粒，可能我頭髮好乾，擦咗兩三個鐘之後都吸收晒。 如果頭髮未乾透前擦完再吹，可以用三四泵，擦完成個髮尾再吹乾，可以滋潤頭髮一整日，全日都唔覺頭髮乾燥，仲好順滑。一啲都唔會好厚重，仲多啲光澤。 我覺得呢款髮尾油好好用，價錢又實惠，值得一試。

Silver好用推薦：先講負評，短髮朋友絕對唔可以揀！ 嗰陣用嘅時候兩臉不停keep住岀暗瘡仔，以為自己護膚品/飲食問題，後尾上網一搵先發現原來呢隻喺致痘護髮油榜上有名，因為本人中短髮日常髮型甚至瞓覺髮尾都會掂到塊面，所以即刻停咗唔用，啲瘡真係即刻無爆咁多💩長髮女仔用就應該無問題嘅～ 讚嘅係包裝顏色不錯而且樽頭無蓋，扭去另一邊就可以用呢個設計非常貼心唔需要油手再扱蓋👍🏻香味亦係做到我鍾意嘅小蒼蘭～但真心唔會再用，半樽都放置了

Kura好用推薦：好鍾意用呢款頭皮凝露，用完成個頭都覺得乾淨咗，用咗一段時間最明顯就係頭油少咗，頭髮冇咁容易變得咁油，頭髮洗完變得更加輕盈，呢款頭皮凝露嘅質地如圖係好水潤，搽上頭嘅效果如圖所示，搽完我都會按摩一陣頭皮先洗頭，會有小小泡泡，容易過水清洗，我個人非常鍾意呢款頭皮凝露，我會無限回購，真心難得搵到啱嘅，推薦俾大家 @cosme

Ni好用推薦：質地透明帶有一點黃綠色的凝膠 偏水 尖頭設計容易均勻塗抹頭皮 我是使用於洗頭前乾髮 慢慢加一點水搓揉按摩 為頭皮去角質 沖洗後再洗頭 沒有顆粒感 很輕盈 聞起來柑橘薄荷味 使用兩週下來頭皮比較不容易長痘痘、皮屑了 以一週使用一次來說效果相當不錯 #火熱新品

zetalhc好用推薦：搽係頭髮上面很香亦都非常滋潤。用左一排覺得髪尾開叉少左亦都順滑左，性價比就一般

🌸好用推薦：我呢個係新嘅包裝，由舊包裝開始我已經一直使用，洗完頭之後搽喺髮尾，乾燥嘅髮尾可以即時得到滋潤，變得亮澤豐盈。清新嘅白花香味非常討好，同佢嘅同款香水係同一個味道。

Vivian好用推薦：低泡配方，清潔力及保濕力一般，用後不過不失，當時高度漂染後想找一支不會乾澀的洗髮水，感覺只適合冬天及乾性髮質

zetalhc好用推薦：清潔力效果普通，唔太容易起泡，容易出油嘅頭皮喺夏天用應該會覺得清潔唔夠強，效果普通

Water好用推薦：呢枝洗頭水係贈品常客，每年生日禮物都有佢，唔好以為咁樣代表佢唔好用，相反佢潔淨力好夠，泡沫又細緻；游完水用呢枝洗頭可以好容易洗乾淨泳池水嘅殘流物質，而且有淡淡椰子味，非常討好。油頭皮如我用完會覺得好清爽，唔好處係洗完啲頭髮會有乾澀嘅感覺，要用番比較滋潤嘅護髮素去平衡番！

羅小白好用推薦：呢個係我之前買護膚品送嘅，有淡淡的椰子油味，聞落去好放鬆，洗完之後啲頭髮亦都冇咁容易出油同埋好蓬鬆，但真係買洗頭水就未必考慮佢啦，始終呢個效果比佢更加平嘅洗頭水都做到

Fng好用推薦：鼠尾草味道很好聞，有柔和木質嘅芳香， 同埋留香效果持久，缺點價錢偏貴。

lingbb好用推薦：- 唔係講笑，呢款洗頭水係我用過最香使用感好高分既洗頭水♥️ - 質感係厚身但流動性高既水狀 - 沖水有超多泡泡，有好fresh既香味。 - 我睇返成份，青檸、羅勒以外仲有檸檬香蜂草、洋甘菊巴精華 - 用黎按摩頭皮時成個感覺好似去咗高級salon。 - 頭皮用完變得好乾爽，有蓮鬆感，成個使用感非常好 - 如果果日非常唔想洗頭但又必須要洗頭我會用佢 - 推介俾jo malone粉絲、夏天用☺️ - 雖然佢真係有啲貴。 #清潔好物推介