身體保養 推薦好用產品

糖果好用推薦：最近物色咗好耐身體磨砂，留言咗幾個出名大牌子價錢都唔便宜！上網搵資料見好多日本女仔都推薦Oh!Baby呢隻身體磨砂 係Cosme見到有好多隻味而且可以試！原味同檸檬味我各買咗一樽 原味：價錢平同大樽 檸檬味(350g)：香味愛好者實在忍唔住買 主要係用喺腳踭，質地唔會太粗糙，加少少溫水可以乳化，屬於容易推開的👍🏼 用嘅份量唔需要好多已經可以推開按摩晒全腳踭 用完效果幾滑，幾明顯去除咗角質！不過個人溫馨提示，唔好落太多水乳化🙆🏻‍♀️ 大家如果都搵緊身體磨砂，記得去cosme試吓d味先，因為隻隻都好香嫁

羅小白好用推薦：我覺得呢支睫毛增長液嘅設計真係我用過最好嘅，佢個筆頭係類似marker筆嘅質地，用嗰陣時好似畫眼線咁樣畫落去睫毛根部就得，同埋用完之後眼睫毛真係長咗同埋濃密咗 就算用完都可以留低畫眼線，性價比超高

ynqq123好用推薦：好香好用。有陣蛋白味，用完甩少左頭髮，好有光澤感。洗頭水和護髮素都好用。

Lauren好用推薦：呢隻產品 我由佢出咗冇耐，已經開始不斷用佢 我本身係油性肌膚 好容易出暗瘡粉刺問題 塊面都會有少少嘅凹凸洞 其實用咗好多產品皮膚狀況都反覆會出現唔穩定嘅狀況 再加上香港天氣容易潮濕 我自己又比較容易出油 皮膚狀況會比較粗大 自從用咗呢一隻面霜之後 我覺得成個皮膚好似重生一樣 皮膚狀況好咗 冇咁容易出暗瘡 粉刺都減少咗好多 凹凸洞亦都有改善 最重要係佢嘅質地比較水潤 而家我出街，亦都會戴口罩 有時查好多精華面霜皮膚會好立次次 但係就算用完面霜，我再戴口罩出街 都唔會再有黐立立嘅情況 我有推介俾好多身邊嘅朋友用 用完都覺得好好再返叫我幫佢地買 所以真心推介 用過咁多隻體驗最好嘅一隻🫶🏻

mandy好用推薦：珍珠亮白防曬乳SPF50+/PA+++              $300/50ml 以 防曬、提亮 及 抗衰老 作為主要訴求 質感有如水潤乳液, 是接近肌膚的肉色 功效方面, 可說是昇級版的素顏霜 帶足夠防曬效能, 可以不用再疊擦防曬, 用起上來非常方便~ 質感清爽輕盈, 即使夏季也可天天使用 我也很滿意她的提亮效果及光澤度 效果就是似冇上粉咁, 如果唔想化妝, 用這枝就可以提昇膚質 及 擊退暗啞, 真是OL恩物! 趕時間 又好, 貪方便 又好, 防曬素顏霜 絕對令生活更美好! 朝早上 防曬素顏霜, 中午又再補 防曬素顏霜 不想曬黑/ 因太陽肌膚老化, 又要見得下人, 只需1枝 珍珠亮白防曬乳   主要成分 抗炎、有助肌膚細胞健康運行成分: Adenosine 腺苷 多功能護膚成分(另稱為維生素B3，具美白提亮、緊緻毛孔、抗炎、抗氧化、幫助細胞循環功能）: 菸鹼胺(niacinamide) 抗氧化成分: 人參根萃取, 紅茶培養物, 蘋果粹取物, 香蕉, 覆盆子 及 迷迭香萃取 鎮靜消炎成分: 紅茶培養物 保濕成分: 桃

Apple0708好用推薦：好中意佢隻柚子味，清新自然，個質地好好推開，搽完之後吸收好快，唔會話好黏膩，個保濕滋力亦都非常足夠，好啱秋冬用

kola好用推薦：個人真係超超超鐘意柚子味既產品🍋 所以一見到@cosme 有好多款唔同既柚子味Hand-cream , 就不停噤試, 希望試到一隻自己好鐘意既味! 直至試到呢一隻, 真係超鐘意! 香味停留亦比較耐! 而且都好滋潤! 十分喜歡💛☺️

Paris merci 好用推薦：依款Cetaphil潤膚膏真的是家中必備！ 佢嘅質地相對較厚，抹開會感覺到一層滋潤既保護膜，非常安心。而且成份不含香料、酒精和，使用唔會擔心成分問題！即使濕疹問題、皮膚紅、癢時候中，也不會覺得刺痛，反而可以迅速舒緩干燥。 雖然夏天用嘅時候會有啲黏，但在乾燥嘅冬天，效果非常好。用完之後皮膚變得柔軟，保濕效果真係維持得唔錯！身體面部都用得，我會自己入落個細罐，出街洗手後會覺得手乾，直接用佢當手霜用，保持手部皮膚滋潤。 推薦比濕疹或者皮膚較乾燥嘅人！呢個牌子小朋友都用得。手上呢款係550g大罐潤膚膏，藥妝店買大概$1xx，超級抵用💕

Yuki好用推薦：之前小朋友爆濕疹 用左幾款body cream都唔見效 咁啱有媽媽係whatsapp分享 話用左2星期皮膚就好哂 即時去買樽試下超大樽550g白色豬油膏質地好厚身但都好易推開冇香味 有淡淡嘅藥膏味 推開後唔算好黏立 但會感覺有層薄膜係面 要俾d時間皮膚慢慢吸收用左2星期濕疹皮膚真係好哂 非常有效而且價錢平 性價比超高 最重要係潤膚膏冇類固醇 小朋友自己一個用搽全身 1樽550g可以用到4個月同埋唔阻塞毛孔 唔會引起粉剌 配方温和無藥性不含香料唔刺激 可以用係面同全身 1樽攪掂哂 產地：加拿大 購入日期：2024-10-24 購入方式：萬寧門市 入手價錢：HKD104/550g (HKD0.189/g) *最平買過$95* 原價：HKD160 (HKD0.291/g) 回購：10/10

Angie好用推薦：去韓國旅行嘅時候，見到貨架上有Growus嘅洗頭水，一眼已經比充滿少女心嘅包裝吸引❤️ 本身有用開同一個牌子嘅護髮噴霧，所以對呢個牌子都有信心，唔理行李重量買咗枝試吓🤭 Growus 嘅出品果然冇令我失望，我差唔多每日都會夾頭髮，所以一支好用嘅洗頭水十分重要！Growus珍珠修護洗髮露做到保濕效果，同時唔會令頭髮因為過度滋潤而難做造型👍🏻 洗完頭第二日把頭髮都明顯keep住柔順，set頭都唔會容易扁塌，表現100分 💯💯💯 最近見香港門市都買到Growus嘅產品，終於唔使網購/去旅行托返香港，好開心🤭🤭🤭

thk好用推薦：每個女仔都貪靚 係梳化服各方面都會想打扮得靚啲🧏🏻‍♀️ 而我為咗令到髮型可以好睇啲 就成日又染又夾頭💆🏻‍♀️ 搞到髮質傷晒 仲令到把頭髮又旱又難梳🪮 其實頭皮同面部皮膚一樣 必須揀岩自己用既護髮產品🤔 ➷ ✨GROWUS是為了保護大海的生態界而努力的護理頭髮品牌，為頭皮準備的天然原料和專業技術為基礎，根據頭皮狀況尋找改善方案，並提供解決方案的藥妝護理品牌✨ § 🧸對粉紅色真係好難抗拒🩷 就係因為佢既包裝 就吸引咗我去留意😍   🪐 GROWUS珍珠修護洗髮露 ▸ 無矽 ▸ 適合極受損或漂染髮絲使用 ▸ 添加5種蛋白質及7種膠原蛋白，雙重修護更有效 ▸ 加入海洋珍珠複合物 有助維持髮絲水份   由於我頭皮比較敏感 而且髮質特別乾旱 所以有時洗完頭都仲會有頭皮屑😩用埋護髮素都係開叉🙁 估唔到用完GROWUS依枝洗髮露 髮絲回復水潤柔順 仲帶有光澤感🤩梳頭終於唔再打結🪢 直頭唔駛用護髮素已經可以有咁好既效果👍🏼 佢保濕既功能仲改善咗頭皮屑既情況 頭髮都甩少啲😍 最鍾意就係佢既香味持久 可以維持到第二日起身都仲聞到😶‍🌫️ 真係連香水都可以慳返🤪   係屋企都可以享受到頭髮SPA既護理體驗

Blueblueblue好用推薦：想買多個直髮夾夾瀏海，所以平平地買左呢個24mm 夾。 香港用一個加轉插，預熱都好快。

jackielai好用推薦：200蚊左右就有個正常size嘅直髮夾，真係好抵買，而且仲可以調較溫度，最高可以去到200度。我平時用開160度，夾完啲頭髮都keep到大半日，日日用都唔覺得特別傷。我喺日本買嘅時候仲送埋個拉鍊袋，帶去旅行用都好方便，適合新手想買直髮夾但budget 唔多嘅人。

lingk好用推薦：濕疹一發作，沖個涼都要掙扎好耐🥲。最近用咗SUU BALM creamy body wash，質地滑得嚟唔起泡，搽落身嗰剎那，涼浸浸到呢～直頭覺得自己係西伯利亞人，冬天的冠軍🧊 即刻止咗痕，沖完又唔會繃緊。皮膚反而水潤返，連敏感紅腫都退左d。成分超簡單，無色素、無香料、無防腐劑，濕疹肌日日用都安心。有新加坡No.1敏感肌body wash，沖個涼咋嗎？洗咩驚呀？ 🚿🧴 有冇人好似我咁，挑戰涼住沖涼，一齊成為冬天嘅勇士？🫧😎🫡

peonyiuu好用推薦：自從之前試過試用裝之後就不停回購 由細枝100ml/420ml/到去萬寧買840ml 真係全家keep住係咁用 因為天氣熱同埋做完運動 出完一身汗用佢真係好爽 依家就算天氣涼返，用佢都唔會覺得凍，最緊要係用完唔覺得乾 用熱水沖完涼 皮膚都冇掹掹緊 feel到皮膚都係滋潤 而男朋友用完 佢係嚴重濕疹肌 都覺得有即時舒緩 唔乾同唔痕 所以我一直推薦俾唔同朋友試 出到去旅行都會用佢嘅旅行裝

ying好用推薦：✨ KÉRASTASE 逆時光至臻香氛修護精華 經常染髮・乾性髮質・髮量少幼細 真實用後感 💬 用完真心話 我成日染髮，乾性髮質，髮量少又幼細。 搵護髮精華其實好難。 ✅ 好嘅位： ✨ 好香 木調味，好舒服 唔會太甜太假 係高級嗰種香味 **無人會抗拒** ✨ 輕盈，唔會太重 對我呢啲髮量少幼細嘅人嚟講 呢點好重要 好多護髮油用咗會塌、會笠 呢支唔會 ✨ 好夠做 佢唔係極潤嗰種 但又未到好潤 但對我嚟講已經好夠 ✨ 用完頭髮柔順咗 毛躁改善咗 打結都少咗 ✨ 吸收快 唔會成手油淋淋 ⚠️ 要注意嘅位： ❌ 唔可以用太多 我髮量少，真係一泵就夠 用多咗會太重 呢點要記住 ❌ 極度乾燥髮質可能唔夠潤 如果你係極乾嗰種 可能要再加其他產品 💡 總結： 呢支精華定位好準 唔係俾極乾髮質用 係俾「一般乾燥、受損、想要輕盈修護」嘅人用 我好啱用 🌟 我嘅總結 KÉRASTASE 逆時光至臻香氛修護精華 好香 ✔️（木調味，無人會抗拒） 輕盈 ✔️（幼細髮質都用得） 夠做 ✔️（唔係極潤但好夠） 吸收快 ✔️（唔油淋淋） 唔可以用太多 ❌ 一泵就夠，用多會塌 極乾髮

Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

self_lilian好用推薦：感謝@cosme 的邀請可以試用Biore UV 水感智能防曬, 平時我都有用開Biore的防曬, 今次就試下呢枝新出的有什麼不同其實平時我好怕搽防曬，因為搽完要搽base再上粉底搽好多層野，但又會怕搽完會有擦膠碎既情況出現要重新化個妝，所以呢枝可以當base用都幾啱我心水 首先擠出黎係慕斯狀態, 我試過搽手同當妝前底霜咁用,搽上臉係有少少涼涼地, 幾適合在夏天使用, 同埋都容易推開,唔太厚, 可以當妝前base, 會白左一度, 不過真係一枝防曬, 遮唔到其他瑕疵。 最近皮膚極差的我，泛紅、敏感、甩皮樣樣齊，有時搽護膚品上臉會覺得拿拿地, 但呢枝唔會,仲好涼爽,好舒服, 當我返工吹冷氣吹足全日, 都唔會會變得好油好乾, 平時一到下午我塊臉的紅同敏感就會開始走出黎, 要再補妝, 返而仲KEEP到, 唔洗點吸油. 呢幾日都落雨, 未試到是否真係可以有效抵擋紫外線, 而且天氣唔太熱, 都未有機會睇下係咪防汗, 等再熱少少的時候再試 總括黎講 呢枝防曬對我黎講相對比較溫和同清爽, 敏感肌友善, 我都會繼續KEEP住用同試

weiweiwei好用推薦：一直聽說這款「Bioré UV水感智能防曬慕斯」在2025年剛推出時在日本常常售光很難購買，現在終於有機會可以試用！使用了一星期後，真的大愛，這支「呼吸感」防曬帶給我從未體驗過的超凡舒適感受！ 質地是奶油慕斯，像是平日的防曬霜打成奶油般的質感，很有趣也很好塗抹開。 剛塗上面的感覺是滋潤但不黏膩、也很容易塗均勻，不會一撻撻的；大約過了一分鐘後慢慢吸收完成，感覺輕薄清爽不會拔乾，也不會整個面油淋淋反光般。 原來這款有一個「智能水膜技術」會根據空氣濕度自動調節防曬水膜的厚度，在香港夏天這種高濕度環境下，內裏含有智能粒子會主動蒸發多餘汗水，讓皮膚保持水潤的同時又不會乾裂。 因為這個膜的特殊性，在不同的皮膚類型上面感到不一樣的膚感，像我是混合偏油性皮膚，在夏天面部特別是T字位容易出油，在臉上用它就會感覺到霧面啞光；但是在頸子上沒有那麼多油分，塗抹之後就好像塗抹了輕盈潤膚霜，有微微的保濕感，視覺仍然是霧面不油膩反光。 在面上塗抹後的觀感，看起來有一點點提亮膚色的、同時霧面啞光的效果。它不會像很多其他日產的防曬般，整個面頰白了一度，像戴了個面具般的假面，塗上這款防曬的效果就像是”My skin

Kpl6be6好用推薦：買俾屋企人 #夏天 用嘅止汗劑～以防臭男人出沒家中(笑)～香氛較女士用嘅止汗噴霧更濃烈～有效預防汗臭味！！

mandy好用推薦：平衡油脂防曬日霜 是專為油性肌而設的防曬產品，質地柔滑 即使保濕力不錯，卻具有輕盈清爽不油不笠的質感 因此，不同膚質在夏季都可用這款防曬 在防曬效能也達 SPF30 PA+++ 如需進行户外活動已很足夠 同時添加抗氧化成分， 實行防曬兼護膚!

choichoi好用推薦：質地水潤透薄不厚重，貼服且滋潤。能提供中度遮瑕，泛紅和毛孔都不成問題同時能調整及均勻膚色，不易卡粉顯乾也是它的優點之一，容易產生細紋的位置例如眼周下方或法令紋也不會卡粉令其更顯著/加深或脫妝

海女好用推薦：因為喜歡 非洲之旅 嘅香味 所以買埋佢嘅body lotion Body lotion 嘅味都同香水相似 香味會更突出 設計好貼心 有隔層同匙羹仔 我通常冬天先用 好潤又唔笠 用咗一年都仲有半罌 雖然有啲貴但咁大罌同用到咁耐都可接受 同埋聞到非洲之旅嘅味 心情好愉快😌

S.Tse好用推薦：要響donki 買，好香櫻花味，拎5蚊份量就夠成個頭用 (及肩)。用完好滑，但唔會笠，都值得一試。

Emma W好用推薦：Nivea 男仕銀離子配方抗菌止汗走珠能有效控制汗水和異味，特別是在炎熱的天氣中表現出色。產品質地輕盈，使用後不會感到黏膩，乾爽感持久。說明指，銀離子的抗菌配方被認為能有效阻止細菌生長，進一步減少異味。 另外，這款產品的香氣，清新而不過於濃烈，感覺男士特別適合。並且，便於攜帶，適合健身或旅行時使用。

Kpl6be6好用推薦：無論春夏秋冬都入貨止汗劑俾身邊男人用～係為自己嗅覺著想吧(大笑)🤣🤣呢支無濃烈香氛氣味～近乎無味～但止汗效果出色～男人沖完涼用完無敏感之餘～亦無再出現汗臭味(笑)

applepie好用推薦：最近收到Dior新上市嘅 J'adore Les Adorables香薰美肌乳液sample， 香噴噴同時能滋潤肌膚～ 呢枝香薰美肌乳液氣味清新，係清香嘅茉莉花香氣，沖完涼搽上身，感到即時滋潤了，而且全身充滿花香，搽完呢枝香噴噴乳白色嘅body milk，摸上手body都柔軟滑溜啲😍，心情都開心啲👍🏻 #火熱新品

Karman28好用推薦：好開心拎到呢個J'adore 系列既body milk。呢個潤膚乳液好好，係香港既潮濕天氣都唔會太笠，最重要係佢好香，用後心情好好。 #火熱新品

samanthang1117好用推薦：喺threads見推介就試一試，結果出乎意料嘅好🤩！ 搽上手唔立，水潤好快推開，保濕力夠💦，秋冬用都幾夠力👍🏻！味道好long lasting👍🏻，茉莉花基底加啲桃味咁🍑，搽咗幾粒鐘後揮個手，自己都聞到👃，難得係偏甜但接受到嘅味👍🏻！好怕立嘅男朋友/屋企人都接受到呢款，仲幾鍾意隻味，物有所值，會再回購🩷！