letterman好用推薦：首先當然係多謝@cosme 抽中試用 凹凸洞、毛孔大、痘印、色斑係真係好難搞！ 連續用左18日，皮膚色澤係好左既，塊面的確比之前反光左！影相都覺得係sharp左既 哈哈😂 凹凸洞 毛孔大係有少少改善 感覺係細左少少既 但效果未去到超級明顯，睇黎要用多段日子先會再有效果d！ 痘印方面係真係有d 幫助既，用完係真係快左退紅同退黑！快左結焦同快左淡！有感覺既係！ 講完總結講真係用既情況啦！ 本身膚質夏天其實係比較容易出油 經過呢個冬天之後竟然變到乾左少少 可能保濕做好左 變到係混合性 當然都仲係偏少少油既 比較多角質 容易生黑頭 粉刺 另外平時好容易就會爆瘡 而我又好手多 所以搞到好多痘印 同好多既凹凸洞🤧🤧 我既習慣係早晚洗面後護膚 化妝水>精華>乳液 今次化妝水用左lits既幹細胞保濕化妝水 精華當然係kiehl’s既維c精華 乳液係肌研既極潤乳液 化妝水同乳液都揀左個比較簡單既 咁先試得清楚架嘛 哈哈🤣🤣 精華係水狀既，比較容易推開，同埋都容易吸收一開始用會覺得味道比較大 但唔係難聞既 係要時間適應既味道😂😂 用多幾日就會冇咁覺佢大味～ 搽上面好快就吸收 唔會話一直

kvet好用推薦：多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。 搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

Milo101好用推薦：Biore 這個aqua rich 系列防曬的 watery essence跟watery gel 非常相似，剛好兩支都在日本購入～ Watery Essence這支外型是牙膏狀，塗出來，感覺是較水潤、輕透亮，也較適合作打底base用，不會起擦膠粒屑。 至於Watery gel的質感分別，會再在它的產品頁面再述啊～ 兩支都主打「世界初 超微米防禦配方」，超微米防曬粒子，可以迅速填滿肌膚隙縫和紋路，均勻覆蓋、全面防禦。而且有SPF50+高防曬系數及PA++++，寬波段(Broad-Spectrum)阻隔UVA/UVB。 至於防曬防黑防曬老的功效，當然是比較難評定，只好注意每兩小時補塗防曬。。。

Kura好用推薦：係我無限回購嘅一款日常防曬，我一用完就即刻愛上，質地係非常水潤，搽上臉好快吸收，就算後續化妝都唔會同其他底妝產品產生反應起粒粒，夏天用真心一流，就算搽完出街全日都唔會溶同埋油，防曬效果非常好。用成個夏天都冇曬黑，但係份量有d少，好容易好快就用完，但係價錢平值得一直用 @cosme #我的崇光感謝祭必買防曬 #我的崇光感謝祭必買防曬 #防曬

Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 以逆時光至臻修護浴髮乳洗完頭同逆時光至臻修護髮膜作後續護髮，最後就用逆時光至臻香氛修護精華令頭髮保持光澤。我用2-3泵嘅份量，搽晌髮中至髮尾，再吹乾頭髮。同Kerastase 逆時光嘅浴髮乳一樣，同修護精華都帶著馥郁嘅花香，搽上頭髮好快吸收，滋潤但不油膩，減少毛躁，頭髮順滑又帶光澤✨關於逆時光至臻修護浴髮乳同埋逆時光至臻香修護髮膜試用詳情，會晌兩個產品嘅專頁再報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗

Amy好用推薦：首先感謝@Cosme邀請試用KÉRASTASE逆時光至臻修護系列產品 本身髮質細軟又自然捲，年紀越大頭髮越容易甩，所以揀洗頭水都慎重咗。 先講下試用KÉRASTASE逆時光至臻修護浴髮乳的特點先： 呢款洗頭水嘅質地偏透明，唔算容易起泡，可能要份量用多少少，味道方面係有淡淡嘅高級香氛味，聞落都幾舒服唔會刺鼻，而且香氣都long lasting。 配合埋逆時光至臻修護髮膜，於洗髮後將護髮膜塗抹於濕髮上，按摩及乳化，靜待5分鐘，再沖洗乾淨。 洗完頭吹乾之後，會配合埋逆時光至臻香氛修護精華塗抹於髮尾位置，質地輕柔不油膩，減少髮尾分叉及斷裂，依排天氣唔好成日落雨頭髮毛躁感下降咗，頭髮順滑易梳咗。而香味係玫瑰木調芳香(茶香玫瑰、淡木和麝香)，同浴髮乳味道一樣，係知性有女人味既味道！ KÉRASTASE逆時光至臻修護系列產品能夠即時改善髮質情況，持續使用使頭髮更健康更柔順，用完會繼續回購，救下我啲頭髮😆

Fanfanmorning好用推薦：中女恩物💛 Nivea深層潤膚露 10月一到幾日，就感受到天氣忽然變乾，尤其手腳，會乾到係咁R，R到起晒皮屑甚至R損。特別係年紀到30中，感受到皮膚越嚟越乾，以前年輕可能成個冬天只係需要搽幾次body lotion，搽一次就成個星期都唔會再乾，但而家夜晚沖完涼或朝早搽完，隔幾個鐘又會乾，係街真係少尷，唔R又痕，R又驚人哋以為我有皮膚病ಥ_ಥ。 咁啱收到@cosme 嘅Nivea深層潤膚露試用活動，嚟得實在太合時！ Nivea好多潤膚產品我都試過，例如經典嘅小藍罐，白色罐潤膚霜，但質地對我嚟講都太潤太厚。而呢隻深藍色樽嘅深層潤膚露係以前會用晒嘅產品。 深層潤膚露嘅成份有深層保濕精華，亦有對皮膚親和嘅杏仁油同維他命E，杏仁油可以滋潤同柔軟肌膚，而維他命E 可防止皮膚受自由基損傷而老化，同時可以幫助皮膚保濕和軟化角質，如果你有皮膚發炎嘅情況仲可以舒緩添，不過我就淨係乾姐。 兩種成份提供5合1全方位護理，俾你48小時深層保濕效果，同時預防乾燥、柔滑肌膚觸感、質地不黏膩、呈現健康肌膚狀態，原本乾到鞋恰恰嘅皮膚，一搽即刻又滑又細緻！ 講咁耐即刻睇下效果啦。首先每一泵嘅份量對我嚟講啱啱好，唔

cynthia_snow好用推薦：最近早晚出街覺得涼爽咗少少，即係香港終於準備轉秋啦！不過，部份日子皮膚亦有啲乾燥、痕癢嘅感覺🥹所以好開心收到2023美妝大賞身體保養產品嘅第二位 —— Nivea深層潤膚露嘅試用，呢個時候轉用呢款比較滋潤嘅潤膚露就最適合啦！ Nivea深層潤膚露成分有深層保濕精華、牛油果油同埋維他命E，經過皮膚科測試唔會致敏，適合任何膚質使用，而且特別適合皮膚非常乾燥嘅人士。 試下同Nivea其他款式嘅潤膚露比較，上圖最左邊係Nivea嘅Express hydration body lotion(普通至乾性肌膚)，中間就係Nivea深層潤膚露，右邊就係Nivea嘅雙管精萃凝乳。可以睇到深層潤膚露嘅質地唔會好杰撻撻、好厚重，係有流動性嘅，所以好易推開。 除左易推，Nivea深層潤膚露亦好易比皮膚吸收。沖完涼之後搽匀全身，唔會覺得黐笠笠之餘，皮膚亦無左繃緊嘅感覺，喺呢啲乾燥天氣更加特別感受得到，而且皮膚摸落好柔軟好滑捋捋😌 就算返工、出街出咗成日，都唔會覺得皮膚有乾燥、繃緊、唔舒服嘅感覺。雖然冇機會測試係咪48小時深層保濕，不過10幾個鐘嘅保濕滋潤就肯定冇問題啦！😆

橘子貓好用推薦：剛好看見超市有做Dove髮膜特價，又有額外折扣，就買了個試試。 打開就聞到好香的花香味，不一陣子整個洗手間都充滿這股味道，我有點怕會太濃，還好洗掉後頭髮只留淡淡花香，不會俗氣，讚👍 髮膜膏體柔滑，流動性比一般髮膜高，抹上頭髮很易就抹開，感覺髮膜很快就滲入頭髮內。這是洗前的頭髮，我有highlight漂髮+染髮，本身髮質也是細柔易毛燥：洗髮後，用了Dove小金碗髮膜，濕髮未梳開，已經不太打結：吹乾頭髮後，沒有使用髮尾油，頭髮也變得柔順：整體使用感真的不錯，可以很有效順開洗髮後打結的頭髮，減低拉址、折斷頭髮，頭髮有變柔順，毛燥情況有輕微減低，一個約三、四十元（折後）的髮膜可以有這種效果，已經很不錯了！ #BA照 #火熱新品

wingche好用推薦：大眾化價錢，可以日日用嘅髮膜！ 我嘅頭髮係髮尾乾旱，但春夏季頭皮容易出油，所以買頭髮產品都係一種煩惱，太滋潤怕用到頭皮夏天易出頭瘡，又或者未到lunch，頭皮已經油到可以煎蛋🍳！ 正當煩惱之際，收到試用「Dove 1分鐘胜肽修護髮膜 」，用完之後，估唔到變化會大到，同事以為我剪完頭髮，以下落嚟等我講下短短用咗5日左右嘅變化啦！佢係瓶裝，打開係淺黃色好似cream咁，我講要按摩嗰一分鐘真係非常有效，初時偷懶，輕輕摸完十幾秒就沖水，所以唔係好感受到有咩唔同。 後來跟指示，按摩1分鐘後沖洗，吹頭時，感覺頭髮真係冇咁打click! 而且用完第二日lunch，前額嘅髮絲都冇變得油淋 淋而扁塌存力！用咗佢，清爽得嚟，頭髮順滑咗，唔用髮尾油都得，價錢又大眾化！ 最神奇用咗一星期左右，同事問我係咪剪咗頭髮，我話冇呀，點解咁問。佢話覺得我嘅頭髮順滑貼服咗！ 我自己都諗住再回購！不過因為係瓶裝，開口較大，容易倒瀉。 用之前，頭髮毛燥，容易出油：用完一星期，頭髮有光澤，變得順滑貼服：

A&R好用推薦：蘆薈舒緩液，暴曬之後用嚟舒緩皮膚就好，放喺雪櫃後效果更佳，但係會有黐立立的感覺，搽完之後舒緩之後都係要再沖洗，亦都可以用嚟敷面膜，效果主要係即時舒緩皮膚，其他效果並不顯著。價錢很便宜。

維他他好用推薦：曾經熱門過一排的蘆薈gel. 又平又大罐，夏天曬完厚敷喺面上好舒服 仲要罐蘆薈gel擺雪櫃 凍冰冰仲收埋毛孔添 唔好理佢補水有冇作用，舒緩一定有先 推推推

Tobimak好用推薦：每個人屋企必定要有~無論冬天用嚟搽手腳、做唇膜、用嚟溝成其他護膚品、紋身後護理等等都係用佢。 質地係痴痴立立咁，但係真係超潤。 好適合用嚟急救乾到甩皮既皮膚！ 

Catherine 好用推薦： 我已經用左好多樽，覺得非常之咁好用，敏感時候係最好用，任何天氣都好岩我用

Cay好用推薦：本身一直都想試吓呢個牌子嘅產品， 多謝@cosme 邀請成為b.glen 長效防曬水潤肌精華試用會員既幸運兒！ 今次試b.glen呢款有80% 高濃度美容成分嘅防曬精華，佢含有兩倍保水力的超級透明質酸，可以提升肌膚彈力的膠原蛋白、調整肌膚原有天然保濕因子，深入抵達角質層，深層補充肌膚所需的水分同營養，令肌膚長時間維持水嫩有彈性。 呢款防曬精華質地水潤易推唔油膩，只係用少少份量已經夠成塊面用，輕輕一搽已經推開哂，而且佢含有吸油粉末來吸走多餘的油光，揸完一啲都唔黐笠👍👍 精華係無任何顏色，唔會好似平時防曬泛白既問題。 我屬於油性肌膚都覺得好清爽，之後再上Foundation都唔會卡住，然後再上埋碎粉都唔會好乾，水潤得嚟唔會焗！ 試用期間有啲日子天氣都偏潮濕，都唔會有焗住嘅感覺，全日保持清爽又唔乾👍👍 其實呢枝防曬嘅價錢比起其他大牌子都唔算好貴，但係一樣有護膚成份，而且四季都啱用，所以絕對會係我回購嘅產品！

Yankikiki好用推薦：今次試用到@cosmestore 有售的日本護膚品牌b.glen 長效防曬水潤肌精華 SPF50+PA+++ 被介紹「含有80%美容成分* 和3大保濕成分：超級透明質酸，膠原蛋白和PEG-12。」，還有吸油粉末（二氧化矽）吸引了，一齊來試試看。 首先它的質地像gel cream，水潤而不厚重，容易推開塗於臉上。而白色的質地在塗均勻後變成透明，猶如形成了一層水分薄膜，使皮膚好水潤和變得有光澤。在現時潮濕天氣下，我混合偏乾皮膚本身已有點黏膩，所以日間skip面霜，然後塗上b.glen 長效防曬水潤肌精華 SPF50+PA+++ 後，靜待一至兩分鐘變得不會黏膩或焗促，或者加一層薄薄的碎粉。 另外我也試過使用了b.glen 長效防曬水潤肌精華 SPF50+PA+++ 後再用粉底液，粉底液會好易推開和貼服，持久keep住底妝。自從試用後在平日上眼皮和眼底皺紋會卡著防曬液和局部泛白情況也沒有出現。真的比它的水潤度驚喜到了！ 最後，物如其名有高系數的防曬和含精華的保濕力，推薦給混合肌/乾皮膚！

stella好用推薦：🙂首先感謝Cosme的邀請，在轉季期間可以試用NIVEA 舒敏修復潤膚露. 試用期間剛好入秋轉天氣，肌膚容易泛紅敏感、乾燥繃緊痕癢😥！ ❤️在產品設計上，扁瓶裝配合泵頭使用 方便衛生； 質地方面是輕盈的白色乳液狀，没有黏膩感，易推開， 按幾下就能被皮膚完全吸收，滋潤清爽 🙂即時感覺：塗上NIVEA 舒敏修復潤膚露後，感覺滋潤好似有一層薄膜鎖住肌膚水份，肌膚柔軟細緻，即時改善泛紅和舒緩痕癢，繃緊沒有了 🙂第二天感覺：早上皮膚還有水潤爽滑的感覺，長效改善乾燥敏感泛紅 🙂使用十天後： 肌膚乾燥緊繃的感覺消退了，泛紅的區域也少了， 痕癢大大舒緩 ，讓肌膚重新回到穩定健康的狀態 ❤️整體來說，Nivea舒敏修復潤膚露的定價平宜、容量大，效果顯著 ，整體來説性價比極高。我會回購它並安心放在家裡，而且十分推薦給肌膚極乾燥敏感人士秋冬之選。 😔首天使用前，肌膚十分乾燥極多乾紋 😮使用後，肌膚變得水潤柔軟 😥使用前，肌膚泛紅痕癢 🙂持續使用後，肌膚泛紅減少

Milo101好用推薦：感謝@cosme贈與試用 2023年美妝大賞身體保養第一名的 🌟NIVEA舒敏修復潤膚露🌟 知道NIVEA的身體護理產品一向都不錯 也是消委會經常推薦的 這次舒敏修復潤膚露也是性價比十足的 👍🏻 用後直接給了滿分 🥰 🔹延展性高🔹 質地輕盈細潤，推開後吸收得很好，不會有黏立感，同時又有潤滑的感覺。 另外，延展性是非常好！自己通常是傍晚沐浴後使用，按一下的份量可以在小腿來回延展按摩，配合品牌經典香氣，慢慢按摩四肢，非常舒服的。 🔹修復成效🔹 使用前，腿部的皮膚比較乾燥，偶爾會有紅癢，太乾時更會有乾紋、輕微蛇皮紋，乾燥脫屑。 收到後立即開始每天使用，約十天後再拍照，腿部皮膚乾紋有改善，觸感柔軟，看起來比較光滑健康，也有效紓緩乾燥不適。 產品標榜72小時強效，自己中途有一兩天沒有塗，都不會感到乾燥繃緊，是能夠保持長效滋潤的。 🔹性價比高🔹 產品是由皮膚科醫生研發的，可以平衡皮膚表面微生物。成份中有Dexpanthenol，屬維他命B5，可以修復皮膚表面屏障，減少水份流失。 這樣一支大大支都只需幾十元，成效功能也不錯，性價比非常高！很適合常備

Sccan好用推薦：L’occitane 招牌乳木果20%乾手專用，晚上必用嘅護手霜之一。 效果：有效滋潤乾燥脫皮雙手，緩解痕癢，乾紋都無晒，變返滑嫩雙手 質地：乳霜狀，用量正常，覆蓋性高，易吸收， 第二日洗手都唔會滑潺潺 香味：淡淡乳果果香味，晚上用更可放鬆身心，幫助安眠 用後感： 每晚用，大支裝基本上都用到半年，夏天冬天都岩用，唔會唔夠潤或太笠，冬天仲可套對棉手襪，更保濕，以各個品牌出嘅乳木果潤手霜，我感覺依個品牌香味質地吸收度係最好嘅！

msthea好用推薦：呢個係我用過覺得最好用最潤嘅hand cream! 因為平時返工喺冷氣之下都比較乾燥 特別係冬天，就更加需要搽hand cream💁🏻‍♀️ 我長期都會有一支放喺Office，一支放喺屋企 喺屋企我會臨瞓之前搽一次 而係特別乾燥嘅情況之下，我會喺夜晚查完然後帶燒烤用嘅膠手套焗住對手10分鐘左右，咁樣可以幫助吸收，特別滋潤！ 呢個hand cream質地就比較杰身，不過搽多幾下都好快可以均勻曬 由於佢嘅功效真係太好，所以我完全接受到佢嘅質地5粒⭐️成為我心目中嘅滿分 滋潤度⭐️⭐️⭐️⭐️⭐️ 氣味⭐️⭐️⭐️⭐️ 推薦度⭐️⭐️⭐️⭐️😆