找產品
保濕 推薦好用產品
115 件指數降序
lepetitblanc好用推薦：多謝@cosme同Sofina抽中使用Sofina IP Basic care系列 一早聽過呢個名，但係未用過 長效保濕護膚防曬乳霜 成日講我哋塊面總共有兩萬幾個毛孔 最基本一定要做到保濕 第一次用嗰陣唧得太多，唔識預計份量，所以第一日用塊面有啲油，我個人搽防曬大約係兩隻手指嘅長度，包裝都有寫明如果每日朝早用嘅話大約可以用到兩個半月嘅份量 呢個防曬冇平時既防曬乳液咁油，佢好似護膚品主日咁一推就好純好滑同埋冇白色一撻撻 一兩分鐘就吸收晒啦超快滲透同埋清爽唔黏笠 可以睇返before張相，我係面珠有毛孔粗大嘅問題 我覺得喺補濕嗰方面使做得好好👍🏻好似真係有白淨到 用完佢之後上粉底唔會一嚿嚿，同埋貼服好多 好鍾意😍用哂之後會比錢買🥳 Before After 冇燈 After有燈
<看全文>Cc2016好用推薦：多謝cosme 今次邀請我參加「SOFINA iP基礎護膚系列」嘅試用活動🩷😊 我本身都有用開sofina嘅化妝品，呢個品牌嘅品質有保證，而今次係我第一次用佢哋嘅護膚品～ 呢套護膚品嘅包裝設計簡單而清新，亦容易使用 呢個系列主力加強保濕，呢排天氣皮膚乾燥就最岩使用呢個系列喇～ 呢款「長效補濕護膚防曬乳霜」嘅防曬力強，有SPF50+ PA++++可以有效防曬。除咗高效力，呢款防曬嘅補濕度亦好好。質地水潤易推，搽完塊面唔會太過泛白，效果自然。搽完之後，再搽化妝品都唔會起擦子膠碎，幾好用。
<看全文>
lauraqq好用推薦：Fresh 嘅玫瑰爽膚水，夏天加冷氣房使用，保濕程度都夠，用完有種滋潤嘅感覺。加上有玫瑰花喺水入邊飄下飄吓，使用體驗都幾夢幻。 但唯一嘅缺點係，用到後期啲玫瑰花會塞住個洞口，好難先Chok到啲爽膚水出嚟。
<看全文>Yanny好用推薦：第一次用Fresh嘅產品 一直想試佢呢一個玫瑰化妝水 有陣陣玫瑰花香味 搽落去係有少少滋潤感，但係不失清爽 因為我自己唔鍾意太過黏笠嘅感覺 特別而家係夏天準備轉入秋天，天氣比較悶熱 如果太黏笠皮膚會好辛苦，而且如果吸收唔到就會影響之後上妝的感覺 我覺得呢一隻化妝水就係滋潤得來，又唔會太黏笠 但唯一缺點就係啲玫瑰會塞住 去到最後好難倒出嚟 下次會想試吓佢另外一隻產品 
<看全文>
graceky好用推薦：感謝抽中今次試用 抽中試用組合係美白保濕：綠茶+柚子 連續6日會交替使用 未用前額頭都比較暗沉 唔係好白淨嘅柚子係屬於乳液狀面膜 今次覺得都有啲貼心設計 多左兩側嘅角角 會方便拉返平整 令面膜更貼服 而乳液方面 都唔會話好水/好黏 都幾適合呢排嘅乾燥天氣眼周 鼻翼都比以前嘅更貼服 感覺係唔錯👍🏻 After敷完之後明顯保濕度提升咗 額頭甚至已經冇咁暗啞 第二日都覺得皮膚唔會乾淨淨 保濕度都持久 以下係6日交替使用後嘅皮膚狀況水潤度 光澤度都有提升保濕效果都係唔錯 😌 額頭冇咁暗啞 皮膚都有飲飽水嘅感覺 整體幾好😌
<看全文>Meow好用推薦：十分感謝 @cosme 邀請試用 INNISFREE 天然能量面膜 Energy Mask (綠茶三片，柚子三片) 。 我抽到嘅綠茶同柚子面膜功效係美白保濕，其中柚子喺保濕嘅基礎上加上令肌膚可以亮白嘅成分，從而改善肌膚暗沉嘅狀況。而另一款綠茶面膜主要係保濕舒敏同埋改善肌膚乾燥嘅問題。 INNISFREE 天然能量面膜可以每日使用，而我收到試用後亦都連續敷咗六晚。 柚子面膜有一陣好好聞既柚子果香味，令人聞落非常之放鬆，而每一片面膜嘅精華有22ml，非常足夠浸潤整張面膜紙。 面膜紙十分貼合面型，使用感到舒適，唔會移位，面膜紙剪裁方面做得唔錯。 喺乾燥嘅轉季季節中，我嘅皮膚比較乾燥同埋容易出現繃緊嘅情況，柚子面膜嘅精華液同綠茶面膜唔同，柚子面膜嘅精華係乳液狀，而綠茶面膜嘅精華比較水狀。 對比起綠茶面膜，使用柚子面膜後明顯感覺到滋潤，而且可以即時見到有透亮嘅效果，不但可以改善肌膚繃緊同缺水情況，仲可以美白，同綠茶面膜交替使用後，可以達至保既濕鎖水又透白嘅功效，對於成分天然既面膜黎講十分唔錯。 面膜浸潤圖： 面膜貼臉度： 使用後：
<看全文>
南西瓜好用推薦：ෆ 使用ing的分享 ෆ 被台灣KOL @cos55555 燒到，她分享當時造成IPSA台灣熱賣到專櫃直接被掃空無貨的程度！但必須說！真的是神仙等級的及時補水保濕💧❄️ 最最最推介的使用方法是奢侈 ⟡꙳濕敷˚⊹ 真的15分鐘打造超級水嫩肌，敏感肌也適用，身邊也很多女生朋友長期囤貨這款流金水～ 大約一週使用2-3次，冬季乾燥肌的情況大幅改善，完全理解為什麼這麼燒ッ 需要補水的女孩，這款真的必帶，價格介於專櫃&開價中間，購買時優惠一瓶不到HKD180🥺 完全可以購入！
<看全文>Kakar好用推薦：呢支其實係一支化妝水黎，係我每晚護理皮膚的第一步。每晚洗面後就會用呢支化妝水，配合潔膚綿使用。就算係洗面後，亦會抹到淡淡黃色，相信係一日累積起黎既油脂、塵、角質。清潔角質層後，對於之後再搽的保養品會更加吸收。 使用後，摸落皮膚度，亦可以感覺到吸收了水份，不再乾燥，幫助皮膚保濕。極乾燥時，都可以拎黎濕敷，短時間補充皮膚水份，十分見效。 最後覺得呢支化妝水的好是不覺佢有香料的味道，對於皮膚健康十分好，敏感皮膚都可以安心使用。
<看全文>
Lingling1108好用推薦：本人膚質係偏乾易敏感肌膚，尤係冬天時會乾燥到臉上甩皮泛紅，所以平時洗臉後一定要拍上比較滋潤既化妝水，當我遇到肌研極潤保濕化妝水（濃潤型）真係好適合我乾燥既肌膚😍，化妝水質地雖然好稀身，但有好滋潤感覺，搽上臉上好似有層保護膜咁，而且價錢親民，性價比超高，已多次回購👍👍👍
<看全文>lhyying1128好用推薦：肌研這個牌子一直研發保濕產品，而極潤就是它家一直很火的王牌產品！一瓶爽膚水的價錢，卻有四重波尿酸精華，經常水潤到面霜都忘了搽。我中學的時候已經一直用這款極潤保濕化妝水，人人都誇我皮膚很水潤，而且整個中學時期用它，都沒有長過痘痘，現在回想起來真的挺感謝它的(*^_^*)
<看全文>
minna ki好用推薦：保濕度足夠,適合冬天同冷氣房使用,同埋有微微玫瑰花香味 ,味道都唔俗套,保濕效果都OK ,會再回購
<看全文>HeiWa好用推薦：Fresh 玫瑰深層保濕面霜嘅質地比較厚身，適合乾燥嘅秋冬季使用。佢嘅功能著重保濕滋潤，當冬天覺得皮膚有啲乾燥粗糙，用完佢翌日皮膚會變得更「軟熟」，粗燥問題得到好大改善！雖然相較其他產品而言，呢隻面霜無進階護膚功能（如美白、去皺等）——不過又咁講，面霜作為護膚程序嘅最後一步，最重要梗係鎖水及鎖營養成份。喺呢方面，我覺得呢隻面霜做得好好！👍🏻👍🏻 Fresh玫瑰面霜包裝上有寫比較適合中性至乾肌，本人混合肌會選擇秋冬使用，春夏用會稍為有啲笠。總括嚟講產品很不錯👌😌已回購過一次！
<看全文>
Emma W好用推薦：Avène 依款化妝水能有效提供深層的保濕效果，讓肌膚感覺柔軟光滑。本身依個品牌都主打天然，敏感肌人士都用得。其成分溫和，不含香料，適合敏感肌膚使用，能減少刺激和不適感。其具有舒緩肌膚的功效，能有效減少紅腫和不適 質地輕盈，使用後不油膩，但有少少潤，適合乾燥、秋冬季節時使用。搽後要拍幾下，就能迅速被肌膚吸收。 另外，雖然個名標明係潤膚水，但都可用作化妝水或鎖水劑，能提升其他護膚產品的效果，讓肌膚保持水潤。 適合肌膚：任何 成效度：4/5 保濕度：4.5/5 吸收度：3/5 質地：水狀，但較黏
<看全文>Hellen好用推薦：不錯的保濕水，但香味似係人工香料的香氣。乾燥皮膚適合使用，過敏性皮膚就自己試下先再大量使用
<看全文>
Tobimak好用推薦：呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。
<看全文>Kakar好用推薦：已經用左好多支，同屋企人都好愛用。 呢支只要用少少，已經可以起好多泡泡。同埋清潔力一流，通常我化濃妝之後，落完妝會再用呢支洗面，以免有殘留。 不過太乾既人可能會覺得呢支既清潔去油力太強，會乾，我油肌就無呢個問題，岩岩好。不過冬天乾燥既日子我就會同另一支比較保濕既洗面隔住黎用。 同埋我好鐘意拎呢支洗面黎洗化妝掃同粉撲，非常非常乾淨。 價錢又好實惠，會再回購。
<看全文>
Hchan好用推薦：因現時天氣太不穩定皮膚容易敏感泛紅，很喜歡這家主打天然有機的護膚品牌，尤其是葡萄籽系列，這枝皇后水很有名，號稱是全能精華級噴霧，一瓶多效，如即時收細毛孔、作定妝噴霧、保濕噴霧或化妝水使用。 它是啞面玻璃樽身，內容物的頂部為精華油，底部有點像花辮的沉澱物，頗有質感。噴出是很細緻的霧狀，噴灑範圍足夠覆蓋全臉，清爽水狀的質地很容易吸收，上臉後有股淡淡的草本香及少許清涼感，因內含精華油，保濕度以春天來說已足夠，皮膚感到適當的水潤，用後也沒有敏感的情況，薄荷成份在早上作化妝水使用十分醒神，平時在辦公室因冷氣感到乾燥既可以即時補水及醒腦。不過單枝價格會偏高，剛好有套裝優惠的話會很抵用，推薦！
<看全文>Cherrie好用推薦：Caudalie葡萄籽化妝水，真係好好用，而且細細支30 mL無論帶出街放喺手袋，或者去旅行時又可以好方便帶上飛機用，飛機上面好乾燥，隨時攞嚟噴一噴可以即時為皮膚補水，得到滋潤，而且噴完之後冰冰涼涼好舒服！
<看全文>
Kura好用推薦：呢款面膜我都係用咗兩支以上，佢嘅質地係偏厚實嘅cream，搽上面好容易推開，我每次都會後敷一個鐘頭以上，令到佢得到完全嘅吸收，特別係秋冬季節，皮膚超級乾嘅時候用佢真係無敵，同埋佢係冇酒精冇香料，價錢都好合理，因為我係厚敷嘅原因，所以用得好快，通常三個月就會用晒，我係一個禮拜最少會用一次，推薦俾同我一樣都係乾性皮膚嘅朋友，因為佢嘅保濕效果真係肉眼可見，同埋敏感皮膚都用得，因為呢個牌子專for敏感皮膚
<看全文>Noel好用推薦：Avene 這個抗敏感品牌，相信大家也不陌生，它的產品都帶有一陣療癒的香氣，有點似香皂＋精油的混合，聞落很舒緩❣ 這枝保濕面膜很適合乾肌，無論日常護理 1️⃣ 單一塗在面上敷十分鐘，或是出席特別場合 2️⃣ 三文治方法，在 Avene 保濕面膜加上一面 paper mask 敷，效果都很理想💧 面膜呈白色，霜狀，不帶流動性，延展性極佳，很 creamy，上面很好推。即使塗得比較近眼，也不會刺激👍塗抹後待十分鐘左右，白色 cream 被吸收了，變得不易見，只有一層油膜在皮膚表面❗清水沖洗後，感覺皮膚變得很 soft及水潤🥰
<看全文>
SKY好用推薦：這是我用過的面霜裏面最清爽的，適合春天秋天使用。冬天特別乾燥的日子裏這款就不太夠保濕。 質地很好吸收，不會黏膩，只需要很少用量就可以上完全臉，用量省。無香料，感覺安心，使用下來也沒有敏感。 是真空包裝的。好處是乾淨衛生。壞處是不容易控制擠出來的量，一不小心就會擠太多，而且用到最後會很難擠。以為用完了，把包裝剪開，把剩下的內容物挖出來用，竟然還可以用兩個禮拜...也剩太多了吧...但這樣使用就失去真空包裝的意義了。 但價格不便宜，但因為用量省，所以可以用大概2個月，性價比不錯，有打折的時候購入更佳。 更新 2024/12/10: 不知道是不是產品更新了，包裝換成泵頭的真空管裝，更容易控制用量了。現在冬天的面霜基本上只用它了。有時候臉被風吹到紅紅的，用了它不會有任何刺激，也很快把乾裂的皮膚狀況修復好。
<看全文>applepie好用推薦：估唔到質地非常清爽，唔會對肌膚造成負擔，夏天都用得，只需少量就夠搽成塊面，當皮膚泛紅或者敏感日子都會用佢～
<看全文>
Emma W好用推薦：AIO SUPER ESSENCE 注水平衡精華能有效提升肌膚的水分含量，持久保持水潤感，特別適合依家轉季、乾燥嘅天氣。 質地輕薄，Gel 狀，容易推開、吸收。推開後，有少少涼涼哋嘅感覺，使用後不會感到油膩，有少少舒緩功效。
<看全文>綺羅香好用推薦：早前皮膚因為乾燥而紅得好緊要，見睇開YouTuber 介紹就買一支嚟試，講真都唔平，不過聲稱可以幾日內退紅退過敏就搏一搏 外殼係好可愛湖水綠圓柱形，打開蓋就會見到好似olay total effect 嘅咀，㩒一下唧出就嚟化成水嘅啫喱，有一陣好似溫泉水嘅氣味，擦上面冰冰涼涼，每次㩒出嘅用量多到可以擦埋頸部，連續用咗3日，鼻哥同鼻翼嘅泛紅退咗大半，保濕而唔笠，後來斷斷續續用咗一個月，始終因為皮膚太薄比較難完全退紅，但係乾燥天氣擦呢隻精華真係舒服好多 #冬季保養
<看全文>
Kura好用推薦：呢款眼霜我第一次用就已經愛上，質地係偏厚實嘅cream，但搽上眼部肌膚係超快吸收，同埋我化妝前都會用嘅一款眼霜，呢款眼霜可以快速撫平我眼部周圍嘅細紋，可以令到我後續化妝眼周嘅細紋都冇咁明顯，用完呢款眼霜之後令到我嘅黑眼圈得到超好嘅修復，眼部浮腫問題都有改善，我一年四季都超鍾意用呢款眼霜，因為冬天用滋潤度非常夠，用完呢款眼霜我後續化妝眼妝卡粉現象都有所改善，令到我對眼都望落去更加精神，同埋呢款眼霜帶去旅行都係超級方便，我會繼續無限回購呢款眼霜，因為真係好好用，非常推薦俾所有有眼部問題嘅朋友 @cosme
<看全文>mandy好用推薦：BOBBI BROWN VITAMIN ENRICHED EYE BASE 維他命營養眼霜 $510/ 15ml 維他命營養眼霜是一款日用保濕眼霜， 也是特別為眼周肌膚而設的妝前打底霜。 質地柔滑易推，可有效為眼周肌膚保濕及滋潤， 而使用感卻不厚重，甫一輕拍在眼周已經好像融化在肌膚之中， 並且即時被肌膚吸收，感覺到非常輕盈，不會影響到後續上妝。 維他命營養眼霜除了保濕外， 亦為眼周肌膚打好底子，令肌膚平滑、提亮、不顯眼紋及黑眼圈， 就像準備了一塊完美的畫板一樣，使後續上妝也就更簡單方便及容易成功。 維他命營養眼霜蘊含眾多的優質護膚成分， 包括多種維他命成分，全方位提昇眼周肌膚， 一瓶眼霜已具保濕、抗衰老、鎮靜消炎、美白提亮等功效。 Bobbi Brown 的產品一向定價比較高，但品質真的很有保證， 不論質地、使用感、成分及功效都很好很優秀，性價比不算高， 卻真正物有所值。 能夠用心設計出大量優質護膚品及化妝品， Bobbi真的值得大家尊敬及愛戴。 含保濕成分: 矽靈, 丁二醇, 乳木果, 角鯊烷, 酵母萃取, 藻萃取, 玻尿酸鈉, 醋酸鹽維他命E, 維生素
<看全文>