YSL BEAUTÉ

夜間修復精華(月光仙人掌精華)(已停產)

首先感謝@cosme抽中我作為YSL夜間修復精華Night Reboot Serum的試用人之一。

講真，我28歲人從來未買過呢種名牌既護膚品。一來價錢係最大既因素，二來係對佢既功效存有疑慮。所以今次好幸運地抽中左，所以好開心，終於可以一試。

首先講下佢既外觀先，收到拎上手既時候真係覺得好靚。有大品牌既格局，連入面既精華都好似會發光閃閃咁。如果以外形來講佢絕對係拎5粒星🌟。

但再靚既外觀都唔足以影響到試用產品既評分，畢竟買左精華就係希望佢有所標榜既作用。所以我都係仍然用製產品既功效為中心評分。

因為佢呢個精華只係夜用，所以我只是夜晚沖完涼先用。我唔記得左影第一日，所以以上既相係最後既結果。我自己用覺得佢頭幾日吉吉地，吸收都算快，又唔會用完痴笠笠。但我自己就覺得佢既功效無佢講到咁勁，同埋以容量30ml就要800蚊以上。真心唔覺得抵用，另找其他牌子都應該性價比比佢更好。

所以我唔推薦呢個精華。