YSL BEAUTÉ

修復亮眼精華

前排參加活動得到呢支YSL亮眼精華試用裝，雖然係細細包1ml，但諗住去旅行嗰陣試吓啦，貪佢細支方便帶嘛。我本身都留意咗呢個品牌嘅護膚品好耐，始終係專櫃嘢，價錢唔平，所以一直冇入手。今次試下係咪真係咁神奇。 一拆開嘅時候，見到質地係白色乳液嘅狀態。佢話係蘊含80%水分 搽上手背試，真係好似佢宣傳咁講。似精華又似乳霜。搽上眼周個下，感覺好得意，唔係普通眼霜嗰種厚重，又唔係稀到好似水咁冇存在感。隔一陣就吸收，唔會好黏笠感，亦都冇出現過擦膠碎。用咗差唔多4日（早晚用），1ml居然都幾襟用，每次好少就夠搽兩隻眼。 保濕同持久度： 我雙眼主要嘅問題就係黑眼圈比較深，早排發現有眼紋，化完妝就更加明顯。我試嘅時候係秋天，喺乾燥嘅機艙同酒店房入面用，眼周都keep到水潤，冇繃緊。官方話24小時保濕，朝早搽完，到夜晚眼周都仍然係軟滑嘅，冇乾紋爆現。不過就黑眼圈就冇乜改善。 秋冬用質地係幾舒服嘅，不過如果你係油性皮膚，呢支精華夏天用可能會覺得有少少潤，留返秋冬用應該會更加舒服同適合。

多謝@cosme送呢包YSL亮眼精華俾我試。 我最怕揀中質地厚重嘅眼部精華，因為我隻眼好容易生油脂粒。而呢隻YSL嘅眼部精華佢質地十分輕盈，就算係朝早搽完再化妝都唔會影響底妝。而且用完佢之後眼周真係有種被滋潤的感覺，佢成份包含咖啡因和仙人掌花精萃，有效為眼部消腫及改善暗沉。我用完之後真係feel到佢緊致左、黑眼圈都冇咁嚴重了，所以我用完試用裝之後都會選擇回購。👍🏻❤️

多謝@cosme比我試用哩款眼精華 哩款眼精華係主打修復亮眼，其中有咖啡因複合物、摩洛哥月光仙人掌萃取組成。眾所周自咖啡因對於減淡黑眼圈係好有功效既成分，加上仙人掌萃取除左可以煥活眼眸之外仲有助減淡眼袋、細紋 哩款係白色既精華，有種濃稠既感覺比較滋潤，但搽上眼之後唔會有粒粒。如果有黑眼圈、細紋等問題好容易會比人既感覺唔精神同比較顯老用左一段時間感覺黑眼圈比較冇咁深

呢支眼部精華嘅主打成份係咖啡因，用咗一排覺得熬夜而加深咗嘅黑眼圈部份係會有減淡作用。但係對住我本身由細到大儲落嘅啡色鼻敏感眼圈就冇乜效果。質地係比較light嘅精華，非常好吸收，適合一d 鐘意清爽質地嘅人。

YSL Eye Reboot Concentrate佢個質地推開好滑，吸收後眼周即刻有種「飲飽水」嘅膨潤感，又唔會黏立立。香味係YSL經典高級花香，淡淡哋好療癒～朝早眼既浮腫同乾紋明顯改善，上妝前用左佢次後再用遮瑕膏完全唔卡粉！不過保濕力對極乾肌冬天可能唔夠力，我混合油肌即刻補水+去浮腫效果都唔錯

質地厚身，如果真係好乾或者眼紋深的話搽依款眼霜係好work.

呢個係我送俾自己嘅生日禮物～ 呢款眼霜質地輕薄水潤，用完感覺ok，搽咗幾個月都冇生油脂粒 有需要會考慮再回購👌

從專門店得到嘅試用品～質地細緻～滋潤得嚟又唔笠～最重要係唔澀眼～眼周皮膚用後有感保濕度有所提高～

佢個質地好清爽同埋都快吸收 但係佢個價錢都偏貴 性價比亦唔高。

YSL 明星商品之一，個人已觀望這枝眼部產品良久，因為工作長期對著電腦，眼四周皮膚浮腫又易累❗加上夜訓更令眼部皮膚暗沉，醜得不要不要的🤔 用了這個眼部精華乳，感覺有好轉呢！眼周皮膚變得水潤，更加有神。產品呈白包乳液狀，不黏不稠，只要用兩點就足夠塗一邊眼周皮膚👍而且沒有明顯香味，不薰眼！

無味輕薄淡黃乳液質地，一抹一按就已經迅速吸收，膚感很好。 可用作妝前眼部打底，可以令眼妝更服貼，而且減少卡粉情況。 晚上使用，用它後需要疊加眼霜，會令眼周更滋潤，早上起來確實有一點消腫效果。

之前買night reboot serum 贈送左同系列既眼部精華，成份同枝面部精華一樣，有摩洛哥月光仙人掌萃取，而且仲添加1%「咖啡因 [HL] 複合物」，用左兩三晚，搽上眼周當然有即時保濕作用，至於要減淡黑眼圈、眼袋和細紋，相信要用貨裝一段時間先見到效果，試完去專櫃逛下！

滋潤唔黏笠，可以改善到眼紋嘅問題，very good! 一年四季都可以用。

依隻eye cream 幾乎可以話係黑眼圈擦膠 ，用完之後細紋少咗，黑眼圈都淡咗好多 想眼妝嗰陣時都覺得貼服咗好多同埋少咗出油

滋潤而不黏立，對於應用在眼部嘅精華來說，十分適合，因為不易起皮膚嘅粒粒，而使用後即日眼部亦都有咁滋潤度，即使在冷氣房一晚以後亦都不會感到乾澀 #夏日必備保養

質地很水潤不黏笠，但效果實話實說真的沒有很驚艷，基本淡化細紋還是有的，畢竟是我對這種價位眼霜最低要求呢

每次晚上塗它後眼睛就不會那麼腫了 質地是清爽乳液一樣 上眼冰冰涼涼的很舒服 可以輕輕按摩眼周 能感覺到眼周肌膚的在慢慢變細膩了 早晨再接著塗它出門 眼睛真的會很有精神

我係將修復亮眼精華配合月光仙人掌精華一齊用，重點夜間修護，改善眼部浮腫問題🥰

質地水潤，不會太油，不容易引起油脂粒的問題，很好吸收，足夠滋潤， 不錯

質地係白色既乳狀，一推開好似精華水咁流質，使用時要小心慢慢取，塗上眼好滑，好似查緊精華水係眼底，之後望一望，查咗既位置會泛白咗，有點錯覺自己眼圈細咗既感覺🧐 如果想素顏出街，呢隻眼霜可能可以幫你修飾一下眼圈👍🏻👍🏻