HADA LABO 肌研

H.A. Supreme 舒緩修護精華

很感謝今次@cosme 和@肌硏 提供今次試用肌研H.A. supreme系列嘅機會。

今次試用活動比較特別，係一次過試用哂三款精華，包括亮肌淨斑精華、極緻補濕精華同埋舒緩修護精華，以體驗精華疊加嘅功效。

日間：爽膚水後先搽極緻補濕精華，再搽亮肌淨斑精華，再搽面霜

晚間：爽膚水後先搽極緻補濕精華，再搽舒緩修護精華，再搽面霜

平日護膚多數係按當日嘅肌膚狀況，再決定搽邊一種精華，未試過一次搽兩種精華，因為驚一次過搽太多，肌膚負擔唔到、吸收唔哂，反而會堵塞毛孔出暗瘡。但今次試用改變咗我嘅睇法，發現咗原來一次過搽兩種精華都係可以㗎，可以一次過針對肌膚唔同問題，作出改善。

極緻補濕精華質地係三款精華中最清爽嘅，推一推就吸收哂，肌膚表面唔會有精華殘留嘅感覺，可以好放心再搽下一款精華。

亮肌淨斑精華質地屬清爽中帶點潤澤，一搽就明顯感受到吸收速度冇補濕精華咁快，要打圈按摩後肌膚先吸收哂。去痘印效果明顯，雖然只係每日用一次，但用咗兩星期，痘印明顯減淡咗。

舒緩修護精華質地滋潤，精華呈乳白色，今次試用期間天氣轉化都幾大，但肌膚都維持到穩定嘅狀態，沒有出現敏感泛紅嘅情況。

今次試用體驗感覺好好，體驗到補濕嘅同時去印修護，推介大家都可以試吓精華疊加，加強護膚效果。