factiv

屏障修復面霜

呢罐已經係我買過嘅第二罐。首先Factiv係香港品牌我已經覺得要支持吓，同埋我好鍾意佢有清楚講明佢嘅產品主要有效成份係咩，等我知道自己用緊啲咩，可以做多啲research。呢盒CRM3主要加咗3% 神經酰胺複合物，可以幫補返流失嘅皮膚屏障脂質，強化角質層，減少水分流失。同埋加咗Tripeptide，有助膠原蛋白生成、撫平細紋。按真空按壓樽設計，免除咗平時廣口瓶面霜要另外搵匙羹同埋容易接觸空氣氧化嘅問題，我上一樽用晒嘅空樽都拎咗嚟裝其他面霜，真心鍾意呢種樽。係超級濃厚滋潤嘅質地，搽完覺得喺皮膚留咗一層潤嘅膜，但又唔係有一層油黐笠笠嘅感覺。我自己覺得好適合喺搽完精華之後，搽一層喺面封住啲水份同營養喺皮膚。 我本身係混合性乾肌，喺香港潮濕悶熱嘅夏天用係會覺得焗，但秋冬用就覺得唔錯，之前有一段時間住喺日本，佢都幫到我頂住日本超級乾燥嘅天氣。當我搽A酸嗰陣皮膚屏障有啲受損，有啲紅同甩皮嘅時候，我就會搽佢去修護返皮膚。

Factiv CRM3紓敏修復面霜 香港品牌出品，就梗係要試啦😗 精華就已經用完，去補貨前就一於試曬上次送嘅sample, 睇吓一唔一齊入手😗 成份含3%神經酰胺複合物同Tripeptide，幫補充皮膚流失嘅屏障脂質，強化角質層，減少水分流失 質地就偏厚身但唔難推，搽完有層潤膜感但唔油笠，比較適合秋冬或乾敏肌用，尤其用完精華後封住水份超有感👍🏻 🧏🏻‍♀️🧏🏻‍♀️實試之後呢… 水潤感覺算幾強 我醫美後嘅敏感泛紅都有改善 但夏天會覺得稍焗 秋天再試 會考慮入手😏

趁官網做特價時買，後尾先睇產品詳情，原來係for 乾敏肌嘅cream ，對於我呢種混油痘痘有啲厚重，通常都係夜晚或者乾燥天氣先用，早前唔小心俾暗瘡膏乸到甩皮，我日日都搽佢，一個禮拜左右就恢復返哂，依家秋冬未搵到啱用嘅妝前，都係搽佢再上妝（只限使用礦物粉底），keep到全日唔甩妝，只係經常唔識控制用量

呢隻cream 既質地唔算厚，但都唔係好水個隻 係面上面好容易推開，用完塊面有種好滋潤既感覺 如果鐘意滋潤感既人，應該會幾鐘意呢隻cream 我就通常夜晚先用，朝早用我覺得都會有啲太heavy 佢聞落無乜味道，岩哂啲唔鐘意護膚品有香味既人 夏天就未必再買住，但冬天有機會會回購😆