CeraVe

長效保濕面霜

首先感謝cosme抽中我試用Cerav既晚霜。

其實自己都有先用過CervaV既產品，但係係身體既潤膚膏。用完既評語唔算太好，所以今次抽到佢既面部產品都有所期待，希望可以有所不同既感受。

咁首先講左自己既面部肌膚係混合性乾，天氣接近夏天會有出油但仍然乾底。 而平時朝早既護膚程序都係：洗面＞爽膚水＞精華（保濕）＞面霜。

咁今次既產品係晚間面霜，佢質地偏厚身，半膏半乳咁。個人唔太鍾意太厚重感既質感，但要加分既點係容易推，吸收度唔慢。呢2樣要讚，保濕度來算唔錯，因為偏油，護到又隔到乾燥。係冷氣房底下佢係有保證。但我發現cerav所有用過既產品佢都係有一層隔油既感覺，係香港咁潮濕既地方來講感覺好難頂，而且同埋氣味非常醫科學，一d都唔好聞。
持久度：⭐️⭐️⭐️
氣味：⭐️

個人注重感覺同氣味，雖然比起功效來講，呢2點相對唔重要，但仍然好拉扯既整體感受。唔鍾意個感覺同氣味但因為有功效而照用。

功效+質感：⭐️⭐️⭐️
氣味+用後黏感：⭐️

最大問題係，因為宜家天氣算較為爽，氣溫唔高，春季。所以用都未會覺得太厚重，但如果到夏天我相信我既面部皮膚一定受唔住佢層油既潤度。所以佢春同秋係唔錯既轉季面霜來。但夏同冬感覺上就唔太岩。

設計就簡單明瞭，好事來。泵頭較衞生同唔會有接觸空氣既機會都係好設計來。容量夠多50g。算正常，偏大方。價錢上就$155。
CP+衞生度：⭐️⭐️⭐️⭐️

整體來講，買得過。但因為本人既感覺同味覺唔太欣賞，所以我會係有就用，無就睇其他既選擇。