DECORTÉ

AQ 極萃光采亮白乳液

2024呢一年覺得開心嘅事，其中一樣就係可以透過各項@cosme嘅試用活動、會員禮試用到唔同品牌嘅護膚品、彩妝品，擴闊吓美妝認知版圖，從中揀到適合自己嘅產品。喺度首先多謝@cosme送出會員禮 - DECORTÉ AQ極萃光采亮白乳液（滋潤型），可以試用到呢個自己未接觸過嘅品牌產品。

個人使用每次半泵已經覺得好足夠，擠出嚟聞到有淡淡香氣，感覺幾舒服。雖然話係乳液，但其實喺乾燥嘅秋冬季節都有足夠嘅滋潤度。潔面後只係使用toner加上呢支乳液，皮膚都冇出現繃緊嘅感覺。有時一啲高滋潤度嘅乳液/乳霜，搽完之後容易出現好似油光滿面嘅情況，但呢款乳液好快被吸收，皮膚感覺冇油膩感。每日持續使用，慢慢真係覺得皮膚嘅光澤感有所提升，整體使用效果非常滿意，將來絕對會考慮繼續入手使用！