Dettol 滴露

ProFresh清爽保濕沐浴露(清新柑橘及淡雅橙花)

多謝 @cosme 同埋滴露嘅邀請試用~
今次總共收到2支: 「清新柑橘及淡雅橙花」同「水感蜜桃」味

懶人包: 聞落fresh (先花後果)，清潔力好，洗完唔乾，皮膚清爽柔軟，可以去除體味並維持至少一日

連續用左2日，對佢嘅第一印象係: 好抵好大支，包裝個西柚又幾吸引，滴露不嬲比我嘅印象都不錯，branding做得又幾好，同埋唔知點解一望到佢就覺得用滴露會好乾淨令人好安心

先講下第一使用感先，我係先使用 「清新柑橘及淡雅橙花」嘅，佢吱出黎個顏色唔算好討好，係橙橙黃黃嘅顏色，但聞落好fresh! 個人本來expect係會果味濃過花味 (因為睇圖個生果大過花)，但吱出黎係花味濃過果味，但又係好fresh嘅感覺，個香味係會令你覺得今日沖涼特別乾淨，有抗菌嘅feel。

起泡力強，唔用起泡網都得，捽上身會慢慢有柑橘水果嘅香味，真心令人好享受沖涼嘅過程。（圖為手搓起泡）

有日出晒汗返屋企用，真係有做到聲稱嘅去除汗味，而且仲last到整日無異味，至於香味就last到入被竇，訓醒就冇香味啦。

開住冷氣訓咗成晚，第二日起身都keep到皮膚唔會乾，而且仲好柔軟!!!

佢絕對唔係用完會即刻好水潤好保濕(可能因為沖完涼有啲水汽唔係好分到)，但我用完之後冇出現之前其他牌子會出現嘅乾癢。

唯一有啲失望嘅係唔係好聞到包裝上西柚嘅香氣同埋顏色一般 (算係另類證實佢冇落人造色素?)

總之用落真係好舒服啦，呢隻香味我屋企男女老少都啱聞，如果以「清新柑橘及淡雅橙花」同「水感蜜桃」嚟比較，我會比較推薦男士們使用「清新柑橘及淡雅橙花」味，無論係香氣上定係使用感上，男士們都唔會抗拒呢隻香味同使用後嘅觸感。