LANCÔME

煥活修護精華 (逆時小黑瓶)

多謝@cosme抽中我試用 「Génifique 逆時小黑瓶」 同埋 「第二代淨澈亮肌精華水 (第二代極光水)」。

佢對我而言好快見效，亦都有好明顯嘅效果。
佢個質地流動性好高，好易吸收。我自己就冇用過以前嘅小黑瓶，做唔到比較，佢對於宜家呢個天氣嘅皮膚有足夠保濕力，而且保濕力係可以疊加嘅，係冷氣房訓左7個鐘都唔會乾，但訓醒後皮膚又唔會太油。
我有跟足建議指示使用2件產品，指示建議第一個星期只用精華，第二個星期用極光水加小黑瓶。頭一個禮拜我係用礦泉水噴霧加呢支精華，確保冇其他野影響功效，用2日已經見到有分別，皮膚保濕度高左，平滑左勁多，毛孔亦都細左，淨係用精華嘅第一個禮拜皮膚已經穩定左好多。
有日化左全妝，焗左啲暗瘡出黎，我係冇用其他product之下3日謝左好多；
又有日做完高能量面部脫毛，第二日見到recommend可以用呢支精華幫助修復，使用後好有感，冇以前嘅乾感同痕(本身油底真係好少會有乾感)，係修復肌膚方面好似都有啲料到。

總結而言，佢100%做到改善膚質，效果令人滿意，見效又快，推薦!