SK-II

護膚精華 (神仙水)

感謝@cosme提供這次試用機會。SK-II嘅神仙水，細細個就聽過佢個名，真係好經典。原來呢款神仙水已經推出超過40年，而且咁多年來都不曾改變配方，可見品牌對呢個獨家配方信心十足。呢支神仙水含有超過90% PITERA, PITERA 同肌膚天然保濕因子結構相似，因而非常容易被肌膚吸收，幫助維持肌膚健康。

呢支護膚精華包裝簡約，磨砂透明樽身很有質感 。質地呈水狀，因為完全無添加香料，所以帶着點點發酵的味道，我個人好接受到呢個味道，覺得天然啲，很好。
每次只需倒2-3滴在掌心，用雙手搓勻再輕拍上面，只需幾秒就已經吸收晒，完全唔黏唔笠。我會喺早晚潔面後先搽化妝水，再用呢支神仙水，之後再用原本用開嘅精華同面霜。由於我本身皮膚屬於混合性偏乾，T字位有時會出油但面頰較乾，所以我會全面搽一次之後，再用多兩滴喺兩邊面頰上，加強保濕效果。因為呢支護膚精華嘅質地好輕薄，又容易滲透皮膚，所以用起嚟完全無負擔。搽完上面即刻感覺到皮膚好水潤，後續使用嘅精華同面霜都吸收得好好。

除咗以上用法，我有時會用佢嚟濕敷，以加強效果。用薄身化妝棉沾滿神仙水後，敷喺面上10-15分鐘，再用敷面的化妝棉輕抹全面，可以順便帶走表皮角質。濕敷完後嘅皮膚即時變得好水潤飽滿，而且毛孔即時細咗!

今次連續試用咗16日，使用前後影低相做對比，發現效果都好明顯：
雖然我本身有嘅斑仲喺度，但係可以睇到個皮膚底色係均勻明亮咗好多，冇咁暗沉，睇起嚟白淨咗， 而且原本有少少紅印/粒粒嘅地方都無咗。另外，鼻翼位啲毛孔明顯細咗好多。膚質改善咗，化妝上粉都貼服咗~~

用咗呢支神仙水短短16日就有咁明顯嘅改善，我覺得好驚喜! 我一定會keep住用的，推薦啊💜