SK-II

護膚精華 (神仙水)

首先多謝SKII及Cosme 送俾我嘅試用，其實我已經用咗神仙水好耐，佢嘅嫩膚、消炎效果真係一流，初時開始用係因為用錯其他護膚品，塊面出咗好多暗粒同瘡，然後機緣巧合下SKII送咗一支試用裝。之後竟然喺用咗幾日後啲瘡就開始消 ，所以用完嗰啲試用後我就自己去買咗支貨裝，用到而家。
Sales會教你倒落棉花，以爽膚水咁形式全面抹，但我自己覺得咁樣有啲浪費，吸喺棉花仲多過吸上面，所以我會直接倒落手，然後拍上面，佢嘅大米發酵味道雖然有少少奇怪，但其實聞慣咗就唔覺得有咩 ，最緊要係護膚效果真係好好。推薦！