The Ordinary 好用推薦產品

mavis好用推薦：用咗一段時間，保濕效果唔明顯，好清爽，搽完都無咩分別，不會回購了

Circlecyy20好用推薦：一般保濕精華 滋潤都唔錯 不過後續應該要用番lotion 或者cream鎖番水份

Lilamia好用推薦：平價洗面奶❤清潔力足夠 清完吾乾 但有啲天然feel冇乜香味 都吾錯 用都用到幾耐

Karman28好用推薦：果陣set裝入面有呢個洗面，清潔力唔係好強，比較溫和。使用當時我面部油脂分泌比較多，可能唔太合適溫和既洗面，會有粉刺。我相信敏感肌會比較合適。

Kura好用推薦：我冬天嘅護膚必備面霜，呢款面霜可以令到我嘅皮膚安全渡過乾燥嘅冬天，面霜質地係偏厚實嘅cream，但非常易推，我平時鍾意夜晚厚搽呢一款面霜，吸收都好快，第二日起身就會發現皮膚變得好細膩，保濕滋潤效果都非常唔錯，同埋價錢親民，點用都唔心痛，我係會一直回購嘅一款面霜，重點係無香味非常適合我，亦都非常推薦俾大家值得一試嘅面霜 @cosme #護膚

Desse好用推薦：The Ordinary嘅產品一向都以性價比著稱.. 最鐘意佢哋嘅保濕精華同眼精華🧏🏻‍♀️ 我定期都會入手🌟 PhytoCeramidesNatural Moisturizing Factors + PhytoCeramides 喱款面霜賣點 -比Ha系列多2倍嘅保濕成份 🪻質地比較厚身.. 會易出油 喺香港唔算太多人會賞識佢.. 但如果皮膚容易起乾紋.. 可以試下用🧏🏻‍♀️ 但用法就唔係面霜.. 而係cream mask🧏🏻‍♀️ 🌟沖完涼.. 拍完toner.. 5分鐘厚敷.. 敷完可以洗走/紙巾抺走.. 就會見到皮膚細紋淡咗💡 皮膚明亮咗少少💡 相裡面係厚敷5分鐘後tissue off嘅情形.. 都幾理想🧏🏻‍♀️ 但混肌只能乾燥/凍天氣下使用.. 使用條件有限制.. 我就唔會再入啦🧏🏻‍♀️

Kura好用推薦：用咗呢款油已經一段時間，由冬天好凍開始用，用到依家夏天好熱好潮濕好焗，我都有繼續用緊，質地係好流質嘅油，不過好容易推開，我通常冬天會用兩滴搽全臉連頸，夏天就一滴，用太多我嘅皮膚唔得，用完皮膚整體膚質有改善，我都幾鍾意，上臉吸收都好快，我覺佢雖然係油但保濕修護效果都一流，有時皮膚脫皮用完佢兩日就修復返，味道係油嘅味道，價錢都好平，我係乾性肌膚，用完感覺一流，推薦俾大家，希望大家鍾意我嘅分享，謝謝

mavis好用推薦：之前一直唔敢用油，不過冬天真係太乾，試咗呢款都幾好用，唔會太厚，容易吸收

葉子🍃好用推薦：呢支係含有杏仁酸10%+透明質酸精華，淡黃色既精華，我係夜晚化妝水後用，份量一半吱管就可以，質感比較偏向油，但用上面係比平時用油更清爽，很快吸收，面上有殘留既潤澤感，用左幾日已經感覺到肌膚摸落好平滑，護膚品吸收力好左，瑕疵都淡左，我最鐘意佢係唔剌激皮膚同性價比高

羅小白好用推薦：倒出嚟係美容油嘅質地，皮膚都好快吸收，唔會覺得塊面好油，搞到生油脂粒或者出暗瘡，但我本身有查開A醇，所以收毛孔同皮膚光滑嘅效果冇咁明顯，算係對酸類產品都有啲耐受性。不過呢個價錢算係咁啦，新手想試吓查呢類嘅產品，呢個絕對可以一試。

nicole好用推薦：做完兩次角蛋白後，眼睫毛好易甩，乾旱同埋毛流向左向右非常奇怪。用咗呢隻精華兩日，已經覺得眼睫毛冇咁易甩；用一個月後，見到眼睫毛明顯粗長咗，無乾爭爭，毛流亦回復正常。搽太多喺根部位置的話會生白色粒粒，不過過一排就自己消失。價錢同效果都非常滿意嘅產品。 購入價$17x/2枝。

綺羅香好用推薦：我本身眉毛好少毛，睇落好無精神，想出去整眉又驚撞到嗰技術唔好，唯有努力搽促進眉毛生長嘅精華液，定自身嘅眉毛生返多啲，上網做咗好耐功課先決定買The ordinary呢支精華液，搖一搖管身會聽到水聲，支掃毛筆狀，雖然好上但掃到嘅範圍唔夠大，因為驚生眉痘，所以就斷斷續續咁搽，一支都用咗好耐，感覺啲眉毛好似長咗，但未算濃完，希望用哂一支會見效

Rosa好用推薦：質地是液體狀，感覺特別適合T字位置，特別是額頭以及下巴閉口的皮膚 我覺得感覺不會太刺激，但明顯見到閉口位置有慢慢改善，以及沒有那麼容易生暗瘡 我覺得特別適合暗瘡，有閉口或者油性肌膚皮膚使用 

羅小白好用推薦：當初係想買嚟做煥膚，但完全冇效果。 本身期望佢可以估收毛孔，同亮白嘅效果，結果我一搽上面已經feel到有種刺痛嘅感覺，咁我諗酸類應該唔多唔少都有呢種感覺，搽咗5分鐘左右就洗面，結果一洗完面真係嚇咗一跳，搽咗嘅位置出現咗紅腫，仲叫毛孔明顯粗大咗好多。 結果嗰幾日完全唔夠膽用有功能性嘅產品，直至紅腫消失為止，完全係得不償失。

chasiutung好用推薦：我混油肌對我來説塗上臉有點油 因為買錯了 所以我平常用來塗髮尾 塗指甲邊緣 膝頭手踭位 感覺滋潤 膝頭手踭位變白滑左

lingbb好用推薦：- 角鯊烷具有優異的保濕性能，可防止水份持續流失、損害皮膚的柔軟性，締造光滑水潤的盈澤膚質。 - 個人認為係一款萬能精華，亦可係吹頭前使用防熱力並增加光澤和減少斷裂機會。 -不含水、酒精、油、堅果成分、矽、谷蛋白及不經動物測試，純素主義者合用。敏感肌岩用 - 幾鐘意佢滑滑質地，有點厚身黏笠感，角鯊烷保濕能力好好，乾燥時加一層就有安為感，便宜恩物

Kura好用推薦：我係超鍾意呢款眼精華，質地超水潤，搽上眼部周圍好快就吸收曬，無香味，無酒精，可以改善到我嘅眼部浮腫，細紋都有淡化，淡化黑眼圈都有一定嘅功效，最緊要價錢好親民，雖然得15ml，但都好耐用，日日用都用到超耐，係我最喜愛嘅眼部精華，產地係加拿大，推薦俾同我一樣都有眼部問題嘅朋友 #火熱新品 @cosme

Mssi好用推薦：我黑眼圈比較勁 所以買黎試試 消腫有少少用 但黑眼圈未有改善

mavis好用推薦：見價錢唔貴就買黎試下，用咗一個月，睫毛長咗少少🤏🏻，有效果好開心🥳

Circlecyy20好用推薦：精華質地幾清爽 用上眉毛同睫毛都唔會好笠 不過效果唔算突出 有少少空虛