暗粒 推薦好用產品

kikiwong好用推薦： 產品：礦泥潔面乳 官方介紹： 天然礦泥粉(Montmorillonite)製作而成。能像磁鐵般吸附住臉部的髒汙、老廢角質以及氧化的皮脂，並同時保留肌膚所需的油脂和水分。 - 個人皮膚狀況： 🟡夏天混合偏油 🟡T位巨油 🟡有暗粒，無暗瘡 🟡有細紋 🟡黑黃皮 - 心得： 首先，多謝@Cosme提供今次既試用品 包裝係一如既往日本包裝，簡單，白色 而採用既膠係偏淋，要細力擠出嚟，如果唔係會太多 潔面乳擠出嚟係偏水狀，非膏狀 潔面前，油淋淋 隻手潔少少水後，就可以直接洗係面到，唔洗搓到起泡 初頭都有懷疑係咪清潔到呢 上面後，潔面乳都唔算有特別味 係洗面既過程係feel到潔面乳有潤既感覺，過水後更加feel到，塊面無好乾同緊既感覺，反而係好舒服，完全做到官方講既保留肌膚所需的油脂和水分 經過連續洗14日後，塊面無乾到爆粒粒同油，同時面上時暗粒有少左，如果要我自付買，我絕對會回購。

chasiutung好用推薦：感謝@cosme 抽選到我試用嘅係b.glen 礦泥潔面乳 我係混油敏感肌 有黑頭 粉刺 暗粒 毛孔粗大同暗瘡問題 今次試用b.glen 礦泥潔面乳 係一款主打深層清潔同時高效保濕嘅潔面乳 唧出黎係灰綠色膠狀質地 依款潔面乳(無需搓至起泡)只需要手濕臉濕就可以 節省好多洗面嘅時間 潔面後感覺清爽溫和不繃緊沒有過敏 分享一下依14日我既使用情況 剛開始使用頭幾日黑頭 粉刺會慢慢浮面 過多幾日洗面時 會搓到d一粒粒嘅嘢出嚟 之後發現黑頭少左好多臉上面嘅暗粒同粉刺都少左好多 毛孔乾淨左同變細左 我曾經用錯過一款潔面產品 潔面後又痕又紅又乾 導致皮膚屏障受損 自此選擇潔面產品我好小心 只會選擇溫和嘅潔面產品 但一般此類潔面產品 清潔能力都不太夠 因為我時常會化妝 潔面產品清潔得唔夠乾淨 又會起好多黑頭 粉刺 暗粒 然後變成暗瘡 所以選一款溫和又保濕同時又夠清潔力嘅潔面產品真係非常重要 ‼️

chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕

lonia好用推薦：秋冬轉季，我同好多人一樣，護膚品嘅使用模式都要轉季，由夏天使用較清爽嘅乳液，轉至秋冬會使用保濕功效較好嘅面霜。但轉季肌膚始終會面對一段適應期，容易敏感、繃緊、出現泛紅。所以我覺得想肌膚好好轉季，就要從潔面後第一道防線就打好個底，後續嘅護膚品吸收就事半功倍。 提到ORIGINS，點可以唔提佢嘅皇牌產品「菇水」(靈芝輕精華水)。「菇水」係透明水狀，帶少少自然草本香味，洗完面之後我會直接搽上面，已經即時感受到佢嘅保濕功效，大大減低皮膚繃緊嘅感覺。未用「菇水」之前，皮膚偶爾都會出現泛紅、痕癢嘅情況，自從轉用「菇水」之後，覺得皮膚狀況穩定咗，泛紅嘅情況少咗出現。「菇水」可以幫助強化肌底，面對秋冬轉季皮膚都容易啲適應。 #秋冬護膚神隊友

Kura好用推薦：呢款洗臉膏係平靚正嘅代表，一年四季都啱用，用完皮膚唔會覺得乾，清潔力都唔錯，性價比高，好用 @cosme

Kelvin好用推薦：中性肌對洗面膏既要求 1乾淨 2洗完面唔乾 一直都用開Sulwhasoo既順行潔面泡沬（藥妝買$100以內），前排買skincare送咗支biore温和水嫩洗面膏細支裝，功效洗淨多餘污垢及多餘油脂，同時温和補水💦 用後感：白色洗面膏起泡力強，清潔力好勁，易洗乾淨，但用完好乾好綳緊，唔ok 其實我唔一定要大牌子，但要乾淨同洗完唔會面乾，要穩定返肌膚底層，過份清潔力強既洗面反而會破壞肌底，依支Biore岩中學生多啲👦🏻

Gloria好用推薦：好開心可以得到cosme X 毛孔護理專家Benefit PORE CARE毛孔護理系列-滑溜毛孔去角質粉嘅試用呢個滑溜毛孔去角質粉嘅使用好簡單呀，好容易就可以起到泡，可以佢根據自己平時嘅習慣去使用。可以就咁加水用又或者加落洗面奶度用，咁我自己就鍾意加落去洗面奶嗰度，每個禮拜可能做一兩次嘅磨砂。 佢雖然係粉粒狀，但加水可以完全起泡，唔會感覺到磨砂粒粒係面到，而且洗完唔會覺得乾燥，可以好容易就同皮膚做去角質，步驟亦都唔多。用左兩星期後，原本我下巴有好多閉口嘅暗粒，平時好難清潔到，結果用咗呢個系列之後就清除咗好多角質，粒粒嘅污糟嘢終於可以浮到出嚟。 始終磨砂呢一個禮拜只可以做一至兩次，而呢個試用期就只有兩個星期，我都係用咗好少次，我覺得效果真係耐少少先可以體驗到。不過佢磨砂粉末會融解起泡，不刺激不傷皮膚，用的時候加落洗面奶一齊使用，可以好簡單就為皮膚做定期去角質。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 今次試既係滑溜毛孔去角質粉（毛孔打磨粉），先講下佢既質地😊佢由3款唔同既粉末組成，磨砂粉質地極幼細，真係超！幼！細！！😲我起完泡既時候，用手指感覺唔到磨砂粒粒。直至放喺面頰磨個陣，先感覺到好幼細既砂粒👍🏻好啱敏感肌使用! 而且呢個磨砂粉係可以自行調較唔同的磨砂強度。如果想溫和地去角質，加多d清水起泡，質地會更綿密；如需要加強去角質的效果，就加少d清水，令質地濃稠d。除左單用之外，亦都可以將去角質粉加到洗面膏用，自製磨砂洗面膏👍🏻👍🏻👍🏻用完之後覺得呢個磨砂同平時用開個d好唔同，唔會刺激皮膚，用完塊面冇痛既感覺，亦都唔會崩崩緊、乾到裂開。雖然性質咁溫和，但佢能夠有效去除角質。我既皮膚明顯有改善，唔單止膚色變得亮白，早排暗瘡同暗粒爆發🫨用完磨砂謝得好快，2,3日就收晒！去左角質之後，暗瘡印都消得快d✌🏻毛孔同時變得緊緻🫶🏻適合各種肌膚使用。

🌸好用推薦：#火熱新品 我本身係乾性敏感肌，一到轉季，又或者壓力大，肌膚就會特別容易出現過敏、乾燥、紅痕同敏感嘅情況，真係好麻煩。 喺一次偶然嘅機會下，我睇到日本美妝blogger有介紹TAKAMI呢隻角質護養精華，話係任何膚質都能用的拋光磨皮精華，咁啱去開日本旅行嘅時候就買咗。 因為佢嘅成份天然，有7種天然果萃活性酶，可以促進角質層新陳代謝，使角質強韌，養好角質層，而唔係猛酸暴力剝脫角質。 液體質地，透明而流動性強，好似水一樣。每日早晚使用，喺搽爽膚水之前一步用，平時我就當咗佢係肌底液。 佢嘅滴管上面有一個刻度，每次都擠壓字嗰個刻度嘅份量就夠，好方便使用。 用咗半年之後，膚質肉眼可見地面好，而且亦都冇再出現敏感嘅情況，有效維持肌膚狀態穩定。

YY好用推薦：我的皮膚角質層偏厚，中學到以加都好易出現閉口。但其實閉口比暗瘡可能仲麻煩，因為閉口唔識謝。 除左暗瘡膏之外，一直都會揾一啲改善閉口既產品，從皮膚問題基礎做改善。而家用緊呢支去角質嘅產品係takami 角質養膚精華，簡稱小藍瓶。 小藍瓶精華係容易吸收嘅水狀，一啲都唔油膩，吸收得好快。之後再疊加護膚品都唔會太厚重，用起嚟好舒服。 小藍瓶真係做到平滑皮膚，幫助皮膚角質新層代謝，修復肌底。以前差唔多每日落妝之後，都會出現黑頭暗粒，依個情況係化妝品焗左全日，但用左小藍瓶之後化妝後出粒粒既情況係小左。依個係小藍瓶最適合我嘅原因。我用完試用都買左正貨裝！ 小藍瓶係幫到皮膚無咁易發炎，相信keep住用會維持皮膚穩定。我認為小藍瓶適合油性肌膚，暗瘡肌膚，閉口嘅人士，可以慢性調理到皮膚。 #我的崇光感謝祭必買去角質

chasiutung好用推薦：我混油敏感肌 用Dr wu 杏仁酸沒有過敏 用8 ％依款無乜效果 可能係我之前有用過果酸所以需要濃度高d嘅杏仁酸先有效 18 ％嗰款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係好好 雖然杏仁酸溫和 但皮膚都需要建立耐受 剛開始先用8 ％ 一星期用一至兩次 之後皮膚適應左 可以日日用 用完一支之後可以考慮使用18 ％ 但18 ％吾可以日日用 一開始可以 一星期用一至兩次之後可以隔日使用 杏仁酸 油狀質地 雖然係油但吾係油冧冧嗰種 質感輕薄但使用後皮膚會略乾 甚至甩皮 要注意做好保濕同防曬 🫶 Dr wu 杏仁酸 價值吾貴 性價比高 值得入手👍推介

Heychauchau 好用推薦：Dr. Wu 杏仁酸性質比較溫和，剛開始使用時會有少少刺痛感，一週大概使用一到兩次，讓皮膚漸漸適應後，可以持續使用，有助溫和煥膚。我已經入手第二瓶，皮膚看起來沒有那麼暗沉，而且角質層沒那麼厚。

Ruby Wong好用推薦：前陣子轉天氣，加上忙碌睡眠時間少，肌膚狀況非常差，感覺皮膚很乾，而且護膚品都不吸收，細紋開始走出嚟（尤其是眼周細紋）。 經朋友介紹用LA MER呢隻treatment lotion,希望可以改善膚質。佢嘅質地傑傑地，淡香，冇酒精嘅感覺。搽上面好舒服而且吸收得快，加上我用機導入希望可以快啲見到效果。 ♥️開頭一星期效果唔明顯，亦有可能係我肌膚狀態太差佢recover緊。 ♥️第二個禮拜，feel到塊面開始有脹卜卜嘅感覺，啲水份感覺返曬嚟，而且啲細紋暗粒都減少咗好多。 ♥️第三個禮拜基本上輕輕上完一層粉底，塊面都會keep到令令地嗰種感覺，眼下面嘅肌膚完全唔卡粉！肌膚狀態非常好！ 真係好驚喜，估唔到一個月唔夠已經有咁嘅效果，當然我有配合其他護膚品嚟用，但係佢一定功不可沒，真係好少有護膚品咁明顯見到個效果，而且對比起相同品牌其他產品，佢嘅cp值好高，我諗會一直keep住用！

皮皮爱马桶好用推薦：La mer薅的小样，倒出来是比较粘稠的透明精华啫喱质地，本人是混合型肌肤，最近天气闷热肌肤T区比较容易出油。我一般每次使用2-3滴，然后轻轻在手上搓一搓后，避开T区域均匀拍打在脸上，然后再上后续的护肤流程。这个季节虽然比较闷热潮湿，不过涂上这个肌底液后肌肤能够迅速渗透，也没有残留的黏腻感，非常滋润而且保湿效果也不错，坚持了几天下来肌肤也变得更透亮了，打算入手一瓶正装坚持使用一段时间再看看效果。

SandyTip好用推薦：葡萄籽急救保濕精華係每年夏天必回購的精華，質地十分清爽加上淡淡既獨有味道，令到每日都想用和享受護膚既時刻♥️♥️ 回購度⭐️⭐️⭐️⭐️ 清爽度⭐️⭐️⭐️⭐️⭐️

Angiema好用推薦：葡萄籽急救保濕精華係我係呢個牌子第一樣用嘅產品，非常有驚喜！ 我係敏感皮膚容易泛紅，呢隻精華可以即時補水舒緩乾敏，滲透力強，夏天用都唔會笠！ 用完上妝唔會起刷膠碎💜已回購🤣

Cosmeemee好用推薦：感謝@Cosme的試用邀請🙌 由於塊面容易乾燥，平時好少會用含有水楊酸嘅產品🤣，今次即管一試，果然有驚喜！雖然呢款產品主打去油，但係用完之後完全唔會覺得乾，仲覺得肌膚多咗一層膜咁，令皮膚更有彈性💆🏻‍♀️ 🔽試用資訊🔽 🗓️使用時間：持續使用10 天 🇨🇳產品產地：China 💆🏻‍♀️個人皮膚狀況： 混合乾性肌膚，全面易乾而出油 使用產品後沒有任何過敏反應 🔽全面使用心得如下🔽 1️⃣ 產品質地 質地呈較流質的透明gel狀，非常易推開同會起泡🌟 2️⃣ 提亮膚色、收細毛孔 塊面喺啱啱起身嘅時候，非常暗沉同埋膚色唔均勻，用咗呢款潔膚露洗面即刻白咗一度，毛孔都明顯收細咗好多🥹 再用埋A醇精華，再進一步收毛孔同撫平眼底乾紋👍🏻 （效果見圖，A醇精華的Review請移玉步到另一篇貼文♥️） 3️⃣有效去油 朝早起身塊面通常會油，尤其是瞓喺冷氣房入面好乾，用嚟做朝頭早嘅Cleansing Gel 一流！🤭 🙌總結評分🙌 產品質地：♥️♥️♥️♥️🤍 提亮膚色：♥️♥️♥️♥️♥️ 平滑肌膚：♥️♥️♥️♥️🤍 收細毛孔：♥️♥️♥️♥️♥️ 推薦程度：♥️♥️♥️♥️🤍

jenny0720好用推薦：多謝@cosme 嘅試用邀請～今次試用嘅產品係CereVe嘅去油抗瑕疵白泥潔膚露，同埋A醇全校平滑袪印精華（可以睇埋另一個分享）～ 一收到嘅時候見到好大一支！加咗少少水之後起泡效果都唔錯～ 味道上佢唔係加咗好多香精嗰種（個人嚟講唔太鍾意香精，怕唔知添加咗啲咩成份🥹）所以俾我嘅感覺係比較天然嘅 洗完面之後唔會話好乾，尤其依家仲有開冷氣嘅情況下，佢都唔係抽乾我埋面嗰種，值得一讚！ 再加上洗完面我feel到面上嘅皮垢都可以清潔到，我相信應該係水楊酸嘅功勞😆 我會再繼續使用多一段時間，始終即時感受係唔錯，就觀察下唔同季節嘅使用感受會唔會有不一樣嘅體驗～

mandy好用推薦：Caudalie  Vinosource-Hydra Grape Water Gel Moisturizer  葡萄籽水保濕啫喱面霜  $300/ 50ml 主要以保濕鎖水為訴求的啫喱狀保濕霜。 葡萄籽水保濕啫喱面霜保濕力不錯， 質地水潤不黏膩，所以我喜歡在早上使用， 不會影響後續上底妝。 延展性佳，可輕易在面上均勻推開， 可確實保濕鎖水又很快被肌膚吸收， 使用感清爽舒適，油性肌也適合使用。 主要添加了保濕滋潤成分，成分簡單，香味淡雅，不含酒精或色素，敏感肌也可使用。 如果想提昇葡萄籽水保濕啫喱面霜的滋潤度， 也可以混合美肌油一起使用。 作為一款挺好用的啫喱面霜，價位合理，性價比不錯。 含保濕成分            :甘油, 角鯊烷, 辛乙二醇, 玻尿酸鈉, 庫拉索蘆薈葉汁, 葵花籽油 及 羧甲基 β-葡聚糖鈉 抗衰老成分             : 甘油, 角鯊烷, 玻尿酸鈉, 葵花籽油 及 維他命E 肌膚修復成分         : 甘油 抗氧化成分             : 角鯊烷, 葡萄汁, 玻尿酸鈉, 庫拉索蘆薈葉汁, 葵花籽油 及

Haidy好用推薦：去泰國嘅時候驚曬傷變敏感皮膚所以買入 嗰時曬到紅晒搽上面都幾溫和 保濕能力都唔差 但係又未去到超級補水嗰隻🤣 差唔多效果嘅話 好多平價韓系護膚品都得 係幾好用嘅 但係未必回頭了~

jaye好用推薦：敏感肌既我特別慎重選擇去角質/磨砂產品，aesop呢款去角質產品真係好好！草本味道，質地好似乳霜甘，有石英微粒同乳酸成份，搽上臉好易推開，好滑，粒子雖然係明顯，但粗幼度適中，按摩落塊臉部完全唔會有粗糙或吉既感覺，加水按摩2-3分鐘後，再靜待1-2分鐘度，洗淨後係完全覺得好乾淨而完全無繃緊，皮膚係馬上柔軟光滑左，後續護膚品既吸收度係明顯高左，第二朝化妝又會睇到個妝都貼左！要溫和又有效甘去除同軟化角質，aesop呢支真係特別岩敏感肌！而家春夏既時候每星期用1-2次（敏感肌），輕輕係臉部搓揉，粉刺較多或者容易出油的部位就按摩多幾下，兩三星期度已經有感！同埋每次用既分量其實唔駛多，所以好耐用，性價比相對而言其實真係好高！真心唔推唔得！

Cole Cole 好用推薦：皮膚擦子膠，有少少似磨砂，洗完之後皮膚有少少麻麻地的感覺，唔算太溫和，有少少強烈的感覺，要即刻搽返護膚品，個人認為都係用返普通嘅潔面產品已經OK。

lingbb好用推薦：- 係一款無油、專為有暗瘡傾向嘅皮膚而設嘅精華 - 就算我唔係暗瘡皮膚我都當佢係夏日必備神恩物，一枝好用過所有暗瘡膏！ - 主打預防暗瘡形成，减退瑕疵，同時減淡幼紋 及皺紋。 - 夏日我通常易生暗瘡，我會係生暗瘡時用，每次使用份量就係精準滴係暗瘡度就可以。唔使大範圍塗 - 質感係透明水狀，有比較刺鼻嘅味， - 使用後暗瘡真係超快點謝，瘡嘅後遺症包括乾到甩皮暗沉都冇哂，亦減少毛孔閉塞、中 - 是價錢有點貴，對我黎講一罐可以用好耐！每次用嘅份量唔多 -推介俾暗瘡肌 #夏日必備保養

choichoi好用推薦：完全改善了我的大人暗瘡，沒有酒精跟油性的感覺使用感很優，使用之後皮膚不易長痘也改善到原本在長出來的暗瘡

maylam好用推薦：因為係品牌會員所以收到試用裝 用落覺得都幾唔錯 倒少少粉再加水已經可以洗成塊面 清潔力度都幾唔錯 洗完之後唔會覺得塊面好崩緊 如果品牌有折會考慮回購~

格仔餅公主好用推薦：覺得自己太遲發現呢個product，洗得超乾淨，會有啲啲乾，但係搽完toner即刻冇事，好啱夏天用，去黑頭一流

hellolulu好用推薦：購自專櫃～ 以清潔泥膜來說，質地比想像中幼滑，帶有belif 品牌一貫清新舒緩草本香氣～ 潔面後用附上的小鐵匙取適量，在面上厚敷至見不到皮膚原色，10-15分鐘後以溫水洗掉即可。 本身屬乾敏肌，對清潔泥膜印象一般會比較乾，通常敷不到建議時間便已令皮膚乾裂得要提早洗掉。但belif 深層潔淨奇蹟泥膜性質溫和，期間有輕微的收乾感覺但可以接受，按建議時間敷完15分鐘後，泥膜在面上仍呈濕潤狀態，用溫水便能輕易洗掉。本身毛孔問題不大，夏季期間大約每兩星期使用一次，即時效果有顯得皮膚白滑一點，感覺不錯～ #火熱新品

HYL好用推薦：買東西送的 一次性的分量 不會乾 但用一次效果沒有很顯著 遲些再看看入不入

lingbb好用推薦：- 春日潮濕有雨，護膚需要選擇質地清爽同時做到保濕嘅產品，用完一枝zero精華同面霜都有效穩定皮膚，令皮膚時刻保持保濕不怕黏笠感。 - zero精華主打收毛孔同時保濕 - 質地呈白色輕薄水狀，流動性高，質地水潤，有淡淡薰衣草精油香，非常清爽快吸收，使用後，肌膚明顯有光澤 - 用完一枝後，皮膚光滑飽滿，有飲飽水夠滋潤但唔會黏笠不適，毛孔亦變得細緻

WSY好用推薦：呢款毛孔精華不過不失啦。都有少少效果嘅，但因為價錢比較貴，性價比唔太高

Yeeting 好用推薦：完全感受到隱形看孔嘅感覺。 敷咗大約20分鐘，洗面後感受到毛孔好乾淨。 皮膚白淨左啲，最緊要毛孔明顯收細咗💚

agnessstang好用推薦：質地有啲似用水開好咗嘅軟膜粉 有少少泥膠味(?)🤣 但係可以接受 有一個匙羹仔同30片蠟紙  潔面後抹乾 取適量嘅鼻膜(大概1.5匙)搽喺鼻同鼻翼兩側 之後將蠟紙痴上去(有塗層嗰面係貼面嗰邊) 等20-30分鐘(鼻膜乾咗)之後搣落嚟再洗乾淨就ok 用完之後會有啲乾 所以我習慣會搽翻啲保濕乳/霜 清黑頭粉刺都算乾淨 除咗用完會有少少乾都冇乜刺激性 緊緻毛孔暫時冇咩感覺 用完要盡快閂好蓋 接觸到空氣太耐會變硬凝固 

mandy好用推薦：THREE Balancing Stem Jelly Wash 平衡基萃洗顏凝膠 添加了不少養膚成分，如:保濕、抗氧化及鎮靜消炎等成分。 質地為啫喱的平衡基萃洗顏凝膠，保濕力不錯， 延展性非常好，易於在全面均勻推開。 帶許迷人香味，令人在潔面時感到很放鬆。 使用方法很簡單，不需起泡，只需在全面推開， 然後沖水洗淨便可。 不用起泡真的很方便省時，尤其是在繁忙的早上， 十分趕時間。 啫喱狀的平衡基萃洗顏凝膠很水潤清爽不油不笠， 並附上少量很微細的粒子，故用了平衡基萃洗顏凝膠後， 肌膚更潔淨細滑，毛孔也變得不明顯。 含保濕成分: 甘油, 戊二醇, 瓊脂(寒天), 番紅花花萃取, 茶籽油 及 丁二醇 抗衰老成分: 甘油, 牛蒡根萃取, 人參根萃取, 茯苓萃取 及 維他命E 抗氧化成分: 番紅花花萃取, 牛蒡根萃取, 茶籽油, 人參根萃取, 地黃根萃取, 茯苓萃取, 金縷梅 及 維他命E 鎮靜消炎成分: 番紅花花萃取, 牛蒡根萃取, 茶籽油, 地黃根萃取, 茯苓萃取, 金縷梅, 黃蘖樹皮萃取 及 維他命E 抗痘成分: 地黃根萃取 及 黃蘖樹皮萃取 去角質成分: 蘋果酸 美白/均勻膚色成