找產品
柔滑潤膚 推薦好用產品
443 件
Pinkberry好用推薦：感謝@cosme提供試用。由於經常染髮關係，我的頭髮毛燥及開叉情況嚴重， 在最近非常乾燥的日子， 使用Dove 深層修護洗髮乳， 洗髮後頭髮順滑易打理， 持續用了數天， 感受到頭髮好像飲了水一樣， 增添了水潤感。 有品牌的signature味道， 乳液狀質地，少少水便能起很多泡， 洗髮後感受到頭髮非常柔軟及保濕，不會令髮絲有負擔。 當中角蛋白修護因子及強效保濕因子，能修護頭髮受損毛鱗片，深入滲透髮芯，持續補充流失的養份。 洗髮後，我還喜歡添加 Dove 胜肽修護髮膜，相信持續使用，可令頭髮變得更加強韌健康， 值得推薦的洗髮及護髮產品。
<看全文>SUM好用推薦：多謝@cosme送嘅Dove嘅護髮洗鬆套裝，包括有一盒一分鐘胜肽修護髮膜260g同埋一枝深層修護洗髮乳680mL，一攞上手兩件產品都好重手，洗頭水都比較大枝，感覺可以同好耐。本身個人頭髮都比較長，差唔多到腰，所以之前一直有頭髮打結嘅情況，成日都要梳好耐先梳得順，而且又好容易因打結而梳斷髮，所以都好期待使用呢兩個產品。 首先使用洗頭水，即使我頭髮偏長，每次只需唧一泵就好夠泡，泡泡好足夠沾滿全頭髮絲，當洗完頭後，頭髮明顯摸上去滑左，而且用嘅時候味道好香，估唔到洗完頭去到第二朝都仲keep到陣香味！ 令我更驚喜嘅係一分鐘胜肽髮膜，用之前就已經俾產品嘅護髮成份吸引到，有胜肽、氨基酸、透明質酸同100倍濃度嘅海藻糖。每次用少量髮膜塗係髮中髮尾嘅部份，只需要等一分鐘就可以沖洗，就算經常洗頭嘅人用都唔好覺得麻煩，唔需要等太長時間！當沖洗髮膜後我十分滿意同驚喜，一路同水沖，一路用手梳已經可以梳開曬啲頭髮，完全冇打結，同埋超順滑。 總結兩件產品一齊用之下使用感十分好，加上價錢唔貴，份量又大，性價比很高，值得回購！
<看全文>
Ednababe好用推薦：一開始有擔心係開架產品，又係物理防曬，會懷疑個防曬係咪易推，因為我怕一啲痴lup lup嘅產品 用咗半年，接近日日用，我覺得效果好，揸咗會膚色白啲，但不泛白，普通揸完出街都可以，平時我會用嚟打底，再薄揸粉餅上妝。 呢個防曬易推，香味係橘子味。 我係T字位容易出油，但呢枝防曬無令我出油乜滯，用完亦無敏感、生粒粒。 同埋，佢係物理防曬，對身體負擔無咁大。 真心推俾大家用，性價比高，唯一壞處係用咗半年仲有三分一，未用得晒🤣
<看全文>Jcxjessie好用推薦：之前屈臣氏做緊特價175兩枝，見有好多人都推介，所以我就買咗兩支嚟試吓。 之前上網睇物理防曬好似係冇咁傷皮膚，啲UVA UVB係直接反射，而化學防曬就係吸收咗之後再釋放出嚟，感覺好似物理防曬好啲，所以我就嘗試轉用物理防曬。 粉紅色呢支係有調色嘅，顏色偏白少少同埋紅少少，對於我嚟講，呢隻顏色係適合嘅。 本身我嘅皮膚比較乾，搽防曬之前我會搽精華同埋面霜。查完咁多嘢洗面之後再搽防曬我塊面都冇出擦子膠碎，而且佢都算幾容易推。用咗八個鐘左右，都冇覺得皮膚乾，只係有少少出油。我諗加埋碎粉用應該效果會好啲
<看全文>
lepetitblanc好用推薦：多謝@cosme同Sofina抽中使用Sofina IP Basic care系列 一早聽過呢個名，但係未用過 長效保濕護膚防曬乳霜 成日講我哋塊面總共有兩萬幾個毛孔 最基本一定要做到保濕 第一次用嗰陣唧得太多，唔識預計份量，所以第一日用塊面有啲油，我個人搽防曬大約係兩隻手指嘅長度，包裝都有寫明如果每日朝早用嘅話大約可以用到兩個半月嘅份量 呢個防曬冇平時既防曬乳液咁油，佢好似護膚品主日咁一推就好純好滑同埋冇白色一撻撻 一兩分鐘就吸收晒啦超快滲透同埋清爽唔黏笠 可以睇返before張相，我係面珠有毛孔粗大嘅問題 我覺得喺補濕嗰方面使做得好好👍🏻好似真係有白淨到 用完佢之後上粉底唔會一嚿嚿，同埋貼服好多 好鍾意😍用哂之後會比錢買🥳 Before After 冇燈 After有燈
<看全文>Cc2016好用推薦：多謝cosme 今次邀請我參加「SOFINA iP基礎護膚系列」嘅試用活動🩷😊 我本身都有用開sofina嘅化妝品，呢個品牌嘅品質有保證，而今次係我第一次用佢哋嘅護膚品～ 呢套護膚品嘅包裝設計簡單而清新，亦容易使用 呢個系列主力加強保濕，呢排天氣皮膚乾燥就最岩使用呢個系列喇～ 呢款「長效補濕護膚防曬乳霜」嘅防曬力強，有SPF50+ PA++++可以有效防曬。除咗高效力，呢款防曬嘅補濕度亦好好。質地水潤易推，搽完塊面唔會太過泛白，效果自然。搽完之後，再搽化妝品都唔會起擦子膠碎，幾好用。
<看全文>
Kitty 好用推薦：各位姊妹！最近試咗RMK呢支「UV水漾防曬乳」SPF50+ PA++++，真係要同大家分享吓！作為一個住喺香港嘅混合肌人，揀防曬最怕又黏又焗身，但呢支真心有驚喜～ 💧質地超水感： 一唧出嚟係偏水狀嘅乳液質地，推開嗰陣好似搽緊保濕精華咁，完全冇傳統防曬嗰種「漿住」嘅感覺。我通常用五蚊銀份量就夠搽全面，連眼皮位都唔會拮眼。 ☀️清爽度滿分： 最驚喜係成膜速度！大概30秒左右就變乾爽，摸落去有啲似絲絨粉嗰種滑溜感。試過晨早8點搽完去行花市，大汗疊細汗都冇出現「流白汗」嘅尷尬情況，個底妝仲keep得好貼服。 💦保濕力驚喜： 以為清爽=唔保濕？錯啦！入面有透明質酸同埋蜜桃精華，試過唔搽妝前乳直接上粉底，都冇出現龜裂紋。不過乾肌姊妹可能都要加多層乳液打底。 🌴潮濕天氣實測： 呢幾日濕度90%嘅魔鬼天氣，下晝3點補咗一次防曬（用紙巾印乾面油再拍上），完全冇結塊或者「起擦膠碎」。成日戶外活動都冇曬到面紅紅，防曬力夠穩陣！ ⚠️小缺點要提： 1. 對香味敏感嘅人可能要試過先 2. 價錢稍貴，不過用量慳都算抵用 💄上妝貼士： 建議等完全成膜（約1分鐘）先上粉底，用拍打方式上妝。試過配搭氣墊粉餅同
<看全文>Steph好用推薦：係回購超過兩支嘅防曬，雖然已經出咗新嘅版本，但係呢一支都係我好鍾意用嘅防曬產品。 本身有化妝嘅習慣，以前成日都想搵一支唔會有擦子膠水，同埋唔會太厚重嘅防曬產品，遇到呢一支RMK之後一直都使用冇再轉過。因為佢真係可以做到質地透薄，就算喺化妝之前疊加skin care product，搽base，再上粉底，乾粉等等，佢都冇令到其他化妝品出現擦子膠碎，亦唔會因為搽咗防曬，而令啲foundation浮粉，而且感覺係好薄好唞到氣。 希望新出嗰支RMK防曬都係咁好用啦！
<看全文>
LenaC好用推薦：===================== 2022 May 12 追評： 試用完幾個禮拜LUX 既洗頭水之後 我又試用另一隻牌子既洗頭水 （用咗兩日） 感覺差太多太多 啲頭髮無咗光澤 又好硬咁 個頭變得好似椰衣咁 我即刻用返LUX moisturiser - 得咗 （即刻靚返晒） 真係無比較無傷害 睇嚟我要變成 LUX 既死忠 返唔到轉頭😅 ================== 洗頭水係每日都要用既野 而且直接接觸頭皮 所以絕對不能隨便！ 我平時揀洗頭水既最基本要求係 無矽 (non- Silicone)，無添加 Parabens防腐劑 LUX 呢款洗頭水就啱晒我要求😍😍 因為佢除咗無添加有害物質之外 仲有以下特質 適合髮質 : 粗糙乾旱染燙髮 質地 : 透明啫喱狀 起泡量 : ♥♥♥♥ (泡沫綿密細緻 不易殘留 而且洗後自然水潤唔乾澀) 香味 : 有種淡淡自然清新既香調 頗有紓壓功效😇 效果 : 頭髮明顯變得柔軟 順滑 有光澤🫰 用咗5日感覺有顯著提高髮絲的彈性同光澤 而且喺撫平毛燥方便嘅表現更加令人滿意 🥰 第二朝起身頭髮無糾結又水潤感十足 不僅梳理髮絲時能看見
<看全文>mandy好用推薦：Lux Hair Supplement by Lux 髮の光沢營養飲洗護系列 總共有3款, 分別是 乳木果油氨基酸強韌防斷洗護系列 角蛋白氨基酸豐盈柔順洗護系列 膠原蛋白氨基酸保濕滋潤洗護系列 大家可按髮質及功效選擇。 LUX - 膠原蛋白氨基酸保濕滋潤洗髮乳 適合粗燥乾旱染燙髮質使用, 以膠原蛋白氨基酸為秀髮補濕、鎖水, 減少毛燥, 提昇光澤。 -香味清新淡雅, 不會過於濃烈 膠原蛋白氨基酸保濕滋潤洗髮乳 的香味類近水綠植物的清新香味, 十分淡雅幽香。 Lux 一般給人的印象是美觀的瓶身及好聞的香味, 而Hair Supplement by Lux 髮の光沢營養飲洗護系列 卻是一個講求實力、功效及提供秀髮所需養分的實幹型系列。 這是Lux一個很大的突破, 著重使用優質成分, 添加真正對頭髮有益的營養, 對消費者來說, 是多一個很好的選項。 -質感: 偏清爽水感的Gel狀質地, 延展性佳, 能起出海量豐盈泡沫, 潔淨頭髮髒污, 不會令頭髮變油變笠, 而且順滑不毛燥好梳理。 -成效: 本身髮量多、頭髮較粗, 而且keep住做負離
<看全文>
elaine好用推薦：『太可愛的綠茶髮膜～🥰 』 謝謝 @cosme 送出綠茶x柚子淨油保濕水感洗髮露 + 頭皮頭髮精華髮膜 作試用 自己本身屬於乾性頭皮 有時唔夠水份就會出油 所以本身我都有買啲可以塗在頭皮嘅髮膜使用 令頭皮保濕度更高一點 我自己用咗以上兩款產品一星期 分享下感受先 呢款精華髮膜好得意 一盒6粒 我屬於長髮 所以一粒一次 一打開已經有淡淡抹茶香 難怪包裝上寫住「不要吃我 Don’t eat me」 包裝上同樣亦寫上可以用於頭皮上 所以我洗頭時也有跟從這個方法呢 一粒分量足以塗抹整個頭皮加頭髮 質地水感不黏膩 超易推開 塗抹後感覺涼浸浸 好似薄荷感 洗完頭後明顯feel 到頭髮冇kick 好易梳 吹頭後都好順滑 而下一日起身後都仍然感覺清爽 就算用咗髮膜都不黐笠笠～
<看全文>annietyt好用推薦：多謝 @cosme 邀請試用Hair Recipe綠茶x柚子頭皮頭髮精華髮膜！ 我嘅髮質屬於乾性，頭皮會出油同痕😣 附上 before圖↓呢個包裝好得意，寫住不要吃我😆 打開發現真係好似綠茶cream，聞落好香望落好似好好味🤣用完同系列嘅洗髮露就用精華髮膜～ 呢款好特別，可以搽埋落頭皮！！ 平時用護髮產品都怕唔小心搽到頭皮，用呢款就唔洗擔心啦👍🏻 質地好水感唔會痴笠笠，輕輕按摩至吸收，feel到頭皮好清涼！個涼感比洗髮露更強！ 髮尾真係順滑咗好多～光澤Up!!! 附上after圖↓（配合同系列洗髮露使用）鐘意綠茶味，乾性髮質嘅朋友仔可以買黎試試！ 同臉仔一樣頭髮都需要保養同敷mask架！！
<看全文>
LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 細軟易塌受損髮 質地 : 濃稠乳狀 香味 : 用既時候散發出淡雅芳香的氣息🥰 滑順度 : ♥♥♥♥ (以指尖撫過 就可以充分感受從髮根到髮梢既柔順服貼) 效果: 以前我既頭髮好容易一到下晝就開始油笠笠 塌塌哋 用咗LUX 呢隻角蛋白氨基酸洗髮乳之後 一整天頭皮都超清爽😊😊 用咗佢令啲頭髮恢復既有既彈力同光澤 視覺上睇起嚟更有質感🥰 下圖為行咗半日山後影既 頭髮都仲keep到咁 真係多得呢隻LUX 既 Smoothener 洗護系列 當然仲要多謝@cosme 好介紹 否則都唔會知有呢款咁好既頭髮洗護產品 價錢親民🫶 效果又顯著👍  P.S. 分享@cosme 提供既護理頭髪小秘笈: 原來使用護髪素前要先去掉頭髪上殘留既水份 咁就可以幫助護髪素滲透 更好吸收架
<看全文>mandy好用推薦：LUX - 角蛋白氨基酸豐盈柔順護髮素 適合細軟易塌受損髮質使用, 以角蛋白氨基酸修復及滋潤受損秀髮。 護髮素的重點在於選洗髮乳是看頭皮(scalp)的情況, 而選護髮素則是看髮尾如何。 例如: 乾性頭皮需要用保濕滋潤型的洗髮乳, 可是油性髮尾要選輕盈、平衡及強韌的護髮素。 適合的洗髮乳及護髮素不一定是用同一個系列。 個人來說, 比較適合使用保濕滋潤型的 膠原蛋白氨基酸保濕滋潤洗髮乳及強韌髮絲、 修護乾旱受損髮的乳木果油氨基酸強韌防斷護髮素。 由於本身頭髮不是細軟易塌的類型, 所以冇咁適合用角蛋白氨基酸豐盈柔順護髮素。 大家記住要好好選擇洗髮乳及護髮素。 -香味清新淡雅, 不會過於濃烈 香味不明顯不代表不好, 有時候香味太濃烈, 未必人人接受到。 如果喜歡較強烈的花果香味, 可以使用有花果香味的護髮噴霧增香。 -質感: 偏清爽水感的乳液狀質地, 延展性佳, 比同系列洗髮乳稍為滋潤, 使用後不會令頭髮變油變笠, 而且富彈性不易扁塌。 -成效: 本身髮量多、頭髮較粗。 平時為了令頭髮變得柔順易梳理, 我會很依賴髮膜。 在試用角
<看全文>
Shirlin Ho好用推薦：呢支Dove嘅洗頭水係第一次買，諗住都係普普通通，唔會對佢有太大期望，點知用咗之後就有驚喜。 1.佢起泡力對我嚟講係滿意嘅，用少少就起到好多泡。🫧🫧 2.佢香味係持久，吹完頭到瞓覺個陣都仲有香味。 3.吹頭個陣好順，唔會撠住，攪到會甩好多頭髮😣😣 最重要係佢CP價真係好高，價錢一啲都唔貴，用多啲都唔肉痛呀👍🏻👍🏻
<看全文>CC1997好用推薦：多謝cosme今次抽中我試用Dove嘅洗頭水同埋小金碗 先講下試用左14日嘅感覺： 我先用紫色呢枝洗頭，佢擠出嚟嘅時候比較似gel狀，但整落濕左嘅頭髮到就會開始起泡，然後好神奇地d頭髮就會越捽越滑，過左水之後feel到頭髮已經滑左！但頭皮都唔會有未洗乾嘅感覺。 洗完頭之後我就用小金碗嚟代替護髮素，搽上濕髮等一分鐘之後過水洗走佢，就會feel到頭髮好柔順，幾乎無打結，好似去salon做左treatment咁，好容易梳開。 效果方面： 我本身係油性頭皮，前一晚洗頭嘅話，夏天嘅時候去到傍晚時分頭皮位置已經會出曬油見到黏笠。所以頭皮位置我一向都用Head n Shoulder去控油。另外，因為我一年都去整兩三次頭髮，每次都有漂/染，所以頭髮偏乾旱，同容易打結。原本頭皮以外位置，因為我好怕洗走洗頭水之後d頭髮打曬結嘅感覺，所以平時我用開Moist Diane白色個隻洗頭水洗髮絲，希望做到用護髮素前頭髮都梳得開，本來以為用Moist Diane髮絲已經算好柔順，但試用左Dove更加覺得驚艷！除左見到我頭皮到傍晚比之前睇起嚟無咁黏笠，沖走洗頭水嘅時候，d頭髮亦比較順滑，頭髮吹乾之後亦都營造到蓬鬆
<看全文>
applepie好用推薦：自從去咗呢個品牌專櫃做頭皮分析測試，先發現原來只用洗頭水及護髮素係唔夠清潔嘅！想頭髮變得更健康清潔，所以入手了這枝髮醋，一打開就有好香甜好fresh嘅莓香味，用完之後頭髮變得更清爽順滑及有光澤，香味更可以維持到第二朝👍🏻
<看全文>Sym97好用推薦：我選用了抗污染亮澤髮醋，其實係首次使用，美容顧問推薦針對幼細易出汗的髮質，可以去油污塵埃等日常污染物質及保持髮絲毛鱗片平滑，可以使頭髮更順。 個人用後感覺髮絲質感十分清爽，帶有清香髮醋味道，與使用護髮素十分不同的感覺，沒有油膩感或上一層膜般。 用完一天頭髮也維持亮澤和清爽, 髮根亦變得強韌 使用方法都以洗完頭之後倒數圈上髮絲上，輕輕按摩至有少許泡沫，停留5分鐘後沖洗乾淨。 必須記得一星期內只可使用2-3次，過分使用髮醋反而會加重頭髮的負擔 但如果你剛好不喜歡重香味的洗髮用品，這款產品則有較濃烈醋味
<看全文>
oreochan好用推薦：我想女生們一定明白的煩惱，就是家中地上每個角落都會出現一團團斷落的頭髮。 當意識到這個問題開始越來越嚴重的時候，就決不能坐視不理了！ 這次很開心獲邀試用KÉRASTASE Genesis 雙重防掉髮護理系列，全系列包括防掉髮輕盈浴髮乳、防掉髮修護護髮露、防掉髮修護護髮膜和雙重防脫修護精華。 先說說我的髮質是細軟自然鬈，髮量不多，特別是潮濕下雨天的季節時，頭髮明顯毛躁暗啞。而且這幾年開始輕輕用手抓梳，已經很容易會掉髮。 我以防掉髮輕盈浴髮乳，配合防掉髮修護護髮露一起使用了超過兩個星期的時間。 護髮露是乳白色cream狀，質地對我來說是剛剛好的滋潤，塗上時一點也不黏膩不沾手。我主要重點塗在離開髮根5cm的頭髮至髮尾，將洗頭過後打結的頭髮輕輕用手指順滑梳開。敷上1分鐘後，用水很容易清洗掉，沒有帶油膩感。 由於我的頭髮細軟，曾試過用其他牌子過於滋潤的產品，頭髮就很容易扁塌。相反，吹乾頭髮後自帶自然蓬鬆感，自然頭髮看起來更豐盈，而且是有光澤的，看起來像髮質本來就很好，感覺髮絲是有吸收到護髮精華。因此能有效撫平我的毛躁。 我喜歡這種質地輕盈又有感的護髮乳，很適合每天日常使用，感覺繼續用下
<看全文>sallysays好用推薦：A selfcare reminder from KÉRASTASE: 幸福感滿滿 的 Hair routine 頭髮自從於3年前電傷過之後，都一直維持一個易斷 + 留不長的狀況，所以一直都在尋找一些可以養髮的產品。KÉRASTASE這個品牌我也是首次接觸，是次試用主打的是防脫髮，正好合乎我的需要。 除了會使用護髮膜的兩天，護髮露也算是daily product，所以挑選自己喜歡的去使好就十分重要。其實在使用KÉRASTASE防掉髮輕盈浴髮乳後，頭髮是不會很乾的，在使用同系列的護髮露後，修護的感覺是更加強烈。我會留意只塗在髮尾位置，特別是易開叉的位置，頭皮的滋潤我則交由雙重防脫修護精華負責:) 官方的指示是塗完2-3分鐘再沖洗，沖完後明顯髮絲很柔軟，也見到掉的頭髮有減少，脫髮問題有明顯改善。我想這也是歸功於KÉRASTASE把頭皮當皮膚的概念。 另一個系列很大的特點是香味，官方資料說是「青檸+佛手柑的清新果香，像為頭髮噴香水一樣」，其實真的沒有誇張，用完後整個人好像塗了香水一樣，心情也變得好 :) 洗髮每天都要做，是self care routine中最常出現的一環，也是最經
<看全文>
Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！
<看全文>Suki好用推薦：妝前打底：美肌亮膚防曬隔離霜（薰衣草紫） 💜 產品介紹： - 名稱：美肌亮膚防曬隔離霜（紫色） - SPF：高防曬值 - 顏色：薰衣草，紫色 用後感：❤️❤️❤️❤️❤️ ✅ 質地輕盈：呢款隔離霜質地輕薄，推開後非常容易吸收，唔會有厚重感。 ✅ 顏色效果：紫色能有效修正膚色，令肌膚看起來更加明亮，改善暗沉。 ✅ 妝前打底：適合作為妝前打底，能令後續底妝更加服貼，妝感更加自然。 ✅ 保濕效果：使用後肌膚感覺水潤，能保持妝容持久，適合乾性及混合性肌膚使用。 ### 上裝次序： 1. 清潔肌膚 2. 使用爽膚水 3. 塗上精華液 4. 使用保濕乳液 5. 塗上美肌亮膚防曬隔離霜（紫色） 6. 最後進行底妝 總結：❤️ ⭕️ 無限回購：如果你想要一款能提亮膚色並有效防曬的妝前產品，呢款美肌亮膚防曬隔離霜真係唔可以錯過！
<看全文>
PYLau好用推薦：多謝@cosme今次活動抽中我試用。 今次試用Dove嘅一分鐘胜肽修護髮膜同埋 髮源強韌防斷髮洗髮乳。（產品運送時有啲損壞）首先用咗洗髮乳洗頭先，都係一貫Dove嘅招牌香味，好易起泡泡，沖洗完覺得頭髮質地柔順，撫平咗我受損開叉嘅尾髮。 接住再用小金碗。入面嘅成份有珍貴嘅修護成分：胜肽、氨基酸、透明質酸、100倍濃度海藻糖。 一分鐘就能夠修護到受損髮質、強韌防斷、滋潤柔順、水潤保濕。啱晒我哋啲咁忙嘅香港人。 持續用後髮尾好明顯有被滋潤，改善到我嘅毛燥、有效減少髮尾嘅開叉。
<看全文>applepie好用推薦：多謝 @cosme 抽中我試用髮源強韌防斷髮洗髮乳，配合Dove胜肽修護髮膜同時使水😊～有點可惜的是洗髮乳樽蓋鬆開了，包裹袋裡面有好多洗髮乳… Dove髮源強韌防斷髮洗髮乳有著Dove一貫的香味，香味芳香持久，而且香味能夠keep到一整天！連平日出完街返屋企必定會出現嘅頭臭味都遮得到🤭 洗髮乳好易起泡，過水後仍然keep到順滑得嚟有彈性嘅感覺，吹頭後見到比起平日減少左毛燥👍🏻使用後第二朝頭髮都唔會覺得油膩或扁塌～ 性價比高，相信用完會回購，會推薦俾朋友🥰
<看全文>
Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。 有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線
<看全文>🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 今次試用呢隻生髮素係口服使用嘅，外用配合內服，希望可以得到雙重效果。 呢隻口服生髮素係條狀包裝嘅粉末，好似即溶咖啡粉咁樣嘅包裝，細細包方便攜帶。即使去旅行都可以好方便咁樣拎出嚟食。 佢係淡雪草莓口味嘅白色粉末，味道清甜，容易入口。因為我係想達到生髮同防脫嘅效果，所以我喺呢個療程入面，每日食兩包。 我睇返佢嘅介紹，原來佢有專利生髮成份山葵（ (wasabi)同埋有效嘅生髮成份「豌豆芽萃取」，刺激頭髮生長，而且令到頭髮濃密。 呢個係我使用之前影嘅額角頭髮： 以下係使用兩星
<看全文>