Bioré

Athlizm 極防水系列-碧柔極防水防曬乳霜

因為本身我個人好容易曬黑，所以我對防曬嘅效能好有要求。之前試過同品牌藍色aqua rich，搽咗都仲會曬黑，我朋友就同我推介呢一隻，話點曬都唔黑。用咗大半枝，暫時效果都好滿意。本身有spf50+, PA++++，度數夠哂高。Tube裝單手都開到蓋，用落都好方便。唧出嚟係cream狀好易推到亦都好水潤，搽完唔會好油好笠。少少可惜係佢嘅防曬味都幾重，我自己本身唔太喜歡防曬陣味，但係為咗效果我都係忍咗。佢冇tone up嘅效果，搽完只係有令令地嘅光澤。對我嚟講呢個絕對係優點，首先單搽唔會揩污糟啲衫，然後我係一定要將防曬搽得夠份量先有安全感嘅人，如果佢本身有色，一搽厚就會變到面具咁。 整體嚟講，我覺得係一支幾好嘅防曬，喺未搵到第二支防曬味唔重又好用嘅防曬之前，我應該會回購。 #防曬

Biore Athlizm 呢支防曬，主打防水，高spf，推介戶外運動嘅時候用喺身上，油性皮膚用上身好正，但上面就有啲焗 膚感： - 乳霜狀🧴，好似gel cream，順滑易推開 不過搽上面之後感覺成膜後有啲油潤，略嫌厚重咗少少，個人唔太鍾意呢種滋潤感 - 氣味唔算明顯，冇乜防曬味/酒精味 防曬效果 ☀️： - 佢用咗「Tough Boost UV」技術，標榜極防水、耐汗、耐摩擦 - 實測夏天去沙灘嘅時候用，喺又熱又濕又玩水嘅環境，都覺得佢keep到持久，唔易甩，最後都冇曬黑到 - 大容量70 mL，好啱用喺身體上 我會將佢定位為「戶外活動專用」嘅身體防曬🤔 推介大家喺戶外活動、行山、游水或者夏天出街暴曬嗰陣用，平時喺冷氣房或者秋冬季，我可能會揀返其他清爽啲嘅產品

質地唔厚，都幾易推開👍🏻 上面唔會死白，亦都好快成膜， 幾重防曬味，不過散得都快😂😂 算唔錯👍🏻

我覺得比起Aqua Rich 水凝系列 呢支Athlizm 極防水系列係更加防水同耐汗！ 雖然質地會比較杰身小小但都好容易推開同乾爽！ 而且同樣都係高防曬系數，SPF50+長效隔離UVB，防止曬紅曬傷，PA++++對抗光老化，預防UVA所引起的色斑、皺紋及各種肌膚老化問題 另外成份都一樣含透明質酸

之前皮膚較油就用防曬乳液，宜家皮膚偏乾就改用防曬乳霜，乳白色霖狀質地比較厚身，有少少油膩感但還可以接受，而且感覺潤身啲冇咁顯乾紋！

防曬效果好似勁過藍色嗰隻，但係質地冇咁水油左少少，放耐咗會有啲水油分離，有少少白，搽身體唔適合搽面 (p.s.放耐咗有啲乳油分離)

比起Biorè 其他同系列嘅水凝防曬乳液 感覺的確無咁水潤 會杰少少 但炎炎夏日 水上活動頻繁 為咗唔做燒豬 防曬功夫一定要做足 呢隻雖然杰身啲 但防曬度極高 足有SPF50+ PA++++ 重點係 ✅極防水 ✅耐汗擦 絕對能夠持久防禦日曬 係戶外活動必備防曬☀️🔆🌞

✅防曬來講，一向都是biore的粉絲。呢枝防曬係喺萬寧減價優惠嘅時候入手， 70幾蚊非常抵買。最重要係如常地質感清爽，完全不會笠。雖然比較難知道係咪真係遇水越強，但是用佢喺戶外活動並不是問題，而日常使用後上裝亦唔會泛白、或有碎屑，使用後上妝亦不是問題。可以用作妝前打底，有保濕效果。

質地比milk嗰款厚身，有少少難推但係清爽唔笠，比起嗰款好嘅係冇泛白嘅情況出現，乾肌用都OK，雖然唔係有特別保濕，但唔會令塊面覺得乾，感覺呢款適合乾肌多過milk嗰款

一直有用biore藍色果隻防曬，見到紅色呢款新出所以買黎試下，首先呢款質地係好水潤同感覺都幾保濕，化妝用黎使base 都唔錯既❤️

今年熱賣嘅新產品，因為防水同耐磨，所以好適合大汗同要暴曬嘅日子用。睇過一個youtuber話佢同Water Essenes 成分差不多相同，但用上嚟我覺得呢支有啲乾，所以兩者各有其好處，要按喜好去選擇。

呢款防曬唔會太油，香港夏天咁熱又濕，用呢款防曬感覺都幾唔錯。另外，夏天好容易流汗，呢款防曬有防水工能，超讚👍

用了它的噴霧版本後再購入，同樣不油膩且清爽，重點是能防曬黑，打破「Biore有些防曬很遜」的印象

有次係sasa試用完覺得唔錯，就買黎試下，覺得佢搽上面之後都幾保濕，而且唔笠同唔會起屑，而且唔會有一種比酒精辣親隻眼嘅感覺，使用感佳，好似搽緊保濕嘅護膚品咁😌✨ 冇調色嘅作用所以都唔會假白問題，但想修正膚色嘅話可能就要再搽多層隔離霜啦💦 個人覺得比紫藍色嗰隻更水潤，愛了🤤❤️

一支走天涯，而家戴口罩，冇化妝，有色bb cream 都唔用，所以買左呢支，都幾平，夠水潤，用上身同面都唔會話乾同有漿住嘅感覺。完全冇潤色功能，唔會標油，可回購。

因為經常參加户外活動，所以差不多日日都會搽防曬同補搽防曬。試過咁多隻牌子嚟講呢隻牌子比較清爽，搽左落面都 都好似冇搽嘢咁舒服，而且質地較薄容易推開！最大好處係唔會搞到塊面好油或好白！強烈推薦 :D

這防曬又防水又爽唔泣。非常的好用!

好水潤，不會有黏笠的感覺。只要用好少已經可以拆晒成塊面，好容易推開。