平價美妝 推薦好用產品

cynthia_snow好用推薦：第一次試用Kiehl’s嘅皇牌產品金盞花植物精華爽膚水，你無睇錯，真係第一次用🤫雖然金盞花水好出名，但因為有啲擔心唔夠保濕，所以一直無買過嚟試🙈最近終於有機會啦🎉 近排天氣咁熱，相信大家同我一樣，皮膚都不斷經歷 強勁冷氣➡️蒸爐一樣嘅室外➡️強勁冷氣➡️蒸爐一樣嘅室外 嘅環境。雖然本身係乾性皮膚，呢排T字位都多左出油；而且兩邊臉頰都有毛孔粗大、泛紅嘅問題🫣再加上成日凌晨2、3點先訓，又撞正嚟m，呢幾日下巴都焗左粒石頭瘡，又腫又痛😵‍💫 每朝起身、每晚臨訓我都會先用金盞花水去爽膚，250ml容量嘅樽身設計比較高、窄身，都算易倒出嚟用(有啲爽膚水樽真係好難倒…)，如果有泵樽就更方便~ 金盞花水係淡黃色，有非常非常淡嘅草本香味，質地比較薄身，個人而言要倒大約5蚊銀大小嘅份量喺手心先夠拍匀全面。 拍上面之後，皮膚都好快吸收，唔會有黏膩感~我有一日放假拍完金盞花水上面之後就去左睇電話，唔記得左搽面霜，之後醒起就發現塊面無任何繃緊嘅感覺，證明保濕度都足夠！不過估計冬天就未必得啦~ 用左兩三日，下巴嘅石頭瘡已經消左腫，仲細粒左🥹兩邊臉頰嘅泛紅都有改善，的確做到產品所講嘅紓緩、抗炎功效！呢幾日出街成

iscah好用推薦：首先多謝@cosme 俾我試用Kiehl’s既金盞花植物精華爽膚水～ Kiehl’s既金盞花植物精華爽膚水都已經係多年既金牌產品，相信大家都唔陌生～主打係紓緩鎮靜、敏感皮膚都適合用，一打開有好大陣金盞花味(類似菊花)，聞落感覺好天然，無香精同酒精既味。 我試用期間每日都會係護膚品前以輕力拍打方法搽上面，期間有啲妝前時間充裕就會用化妝棉濕full 10分鐘，每次濕full完都會輕力拍打幫助吸收，有濕full過先化妝既日子明顯底妝會貼服啲同全日膚況穩定好多。我本身唔係敏感肌，但香港6月潮濕又焗既天氣都會令我間唔中出現少少泛紅敏感，用左金盞花爽膚水濕full就真係好明顯鎮靜到，可能打好左個底所以連全日膚況都穩定埋。 個人強烈建議如果用到Kiehl’s既金盞花植物精華爽膚水，濕full係可以發揮到佢最大功效。會比普通搽面感受更好👍🏻 濕full前：濕full+拍打後：

sylsylsyl好用推薦：非常滋潤，我覺得係任何人都啱用嘅潤唇膏 明顯地感受到嘴唇滋潤但唔笠，吸收完都仲可以保持到滋潤嘅感覺 成分簡單，係我會無腦回購嘅選擇 但購入前建議先考慮兩點 1。性價比唔算高：雖然價錢唔貴，但用完一枝嘅速度比一般開架wax base嘅潤唇膏快 2。天氣：唔可以向太熱嘅情況下保存或使用，會融成軟泥狀 今次買嘅係有色版 幫嘴唇補上一點血色 同埋感覺無平時一般版果枝咁易溶

Zoe好用推薦：日本買真係好平 一排買每支都係20幾蚊 冇色唇膏 冬天用好潤 夏天都可以用到

msthea好用推薦：網上好Hit 呢個日本面霜，見到香港都有得買，價錢又唔貴就買嚟試吓啦 不過就真係好失望嘅，而且要永久back list  面霜質地好水狀，諗住夏天用搽薄啲唔緊要 不過真係只有當下有補水嘅感覺，轉個頭已經feel到塊面又乾了 最大問題係用完之後狂爆瘡… 完全覺得自己係中咗伏，直頭唔可以再繼續用落去了以5⭐️為我嘅滿分 保濕度 感覺持久度 推薦度 冇打錯，係零呀，真係一粒⭐️都比唔落手🥹

Morgan Y好用推薦：【超好用face cream 第6+次空瓶】 自從我幾年前試完一次之後完全返唔到轉頭！！！中途有fd送過一set貴啲嘅牌子(L牌) 轉用過一輪 都唔及佢好 所以都係要返返去Curél嘅懷抱 回購再回購～ 因為我係普通中性偏少少乾嘅關係 的確一開始唔會被”intensive moisture care”呢幾個字吸引 覺得好似會好痴笠笠唔舒服咁 但試完其實真係好神奇 我啲皮膚冇試過咁開心飲飽水(尤其是之前轉過一輪 發現好大分別) 覺得用呢個後 1. 少左生暗瘡 暗粒 (包括個鼻嗰啲士多啤梨位) 2. 上妝係貼妝左 唔會出現浮粉嘅情況 3. In general皮膚好左 有光澤左 我習慣夜晚搽 第二朝起身 塊面好似冇嘢咁 係乾爽feel 證明個cream所有營養都吸曬入去～ 朝早因為化妝前唔鍾意有層嘢好似會加厚左咁(?) 所以唔鍾意搽cream 但會用返同系列嘅化妝水拍一拍塊面先 感覺好似會last耐啲～ 佢唔會話好厚身 所以秋冬天最乾燥嗰幾日未必夠做😂 但春夏天用就唔會好笠 所以for香港天氣係perfect 強烈建議🫶🏻

Tobimak好用推薦：呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。

Kakar好用推薦：已經用左好多支，同屋企人都好愛用。 呢支只要用少少，已經可以起好多泡泡。同埋清潔力一流，通常我化濃妝之後，落完妝會再用呢支洗面，以免有殘留。 不過太乾既人可能會覺得呢支既清潔去油力太強，會乾，我油肌就無呢個問題，岩岩好。不過冬天乾燥既日子我就會同另一支比較保濕既洗面隔住黎用。 同埋我好鐘意拎呢支洗面黎洗化妝掃同粉撲，非常非常乾淨。 價錢又好實惠，會再回購。

ChungCharis好用推薦：日本石澤研究所精心研製 這款深受日本人喜歡的米精華面膜 使用了100%由日本國產米提取的保濕成分 使用後肌膚有感潤的 面膜是使用了較為厚身的質料 可以感受到相當充足的美容液含量 比較適用於肌膚明顯感覺到水分不足的時候 用了一包後有感受到毛孔縮小 亦有令肌膚變得更柔軟有彈性 應該會回購的～

Yuki Chow好用推薦：好貼面，讚美見到收毛孔效果，但保濕滋潤度高，價錢亦都非常親民，特別如果朝早塊面係乾可以敷佢上妝會更加貼面～～

Meric好用推薦：Olay 產品聽就聽得多，試用就真係第一次，之前消委會有報告話過佢好，果然厲害！超有驚喜！首先佢質地柔軟，勁容易推開，基本上一搽上面就感覺到肌膚立即變得軟棉棉😱係立即！之後用手撳落去係真係有Q彈嘅感覺😳由踏入三字頭開始，發現今年的表情紋多了，可能本身我表情比較豐富🙈發現額頭眉中間有一條路軌😱 眼底亦開始出現細紋😖所以正在尋求抗皺的護膚品。我用了17天，中間都冇刻意去睇有冇少咗紋，到今日認真睇同影相，就發現真係啲紋淡咗😳超驚喜！我睇返佢嘅成份，佢話有300%膠原增生！😮原來真係得㗎！除咗改善咗細紋，皮膚仲更加有光澤，同埋全日都可以keep住水潤嘅感覺，一啲都唔乾，但又唔會有油膩嘅感覺，超舒服～用咗佢之後再化妝，超貼服！✨ 老實講，我覺得佢性價比超級高，我用過其他同佢差唔多效果嘅護膚霜，價錢比佢貴接近3倍（所以我一搽上面嗰吓簡直係驚訝😱），完全冇諗過原來平嘢真係有好嘢，係諗都唔使諗之後一定會回購嘅產品！我仲即刻介紹咗俾媽咪家姐添👍🏻

HeiWa好用推薦：♦️Olay Super Cream 新生高效緊緻護膚霜♦️ 一直都知道但無用過OLAY啲護膚品，但都知道聽唔少人講過佢喺開架品牌入面係好好用的。今次第一次試用佢最出名嘅面霜，果然係有啲驚喜！👀先睇下佢外包裝，紅色嘅外殼有質感，拎起原來都幾墜手，第一眼感覺都幾高級唔似開架。擰開蓋有個膠板隔住面霜，白色乳霜「撩」上手好柔軟滑身！係我鐘意啲質地！♥️ 唔錯～ 香味明顯，唔鐘意有香味嘅面霜嘅用家可能要注意下。質地順滑好推，清爽唔油膩。本身個人都唔鐘意太笠嘅乳霜，但呢款面霜雖然滋潤但一啲都唔厚唔油，喺唔搽精華液嘅時侯，單搽乳霜後即時有種飲飽水嘅濕潤亮澤感，呢個位非常加分✔️ 而如果平時搽埋精華液再搽面霜，都唔會厚重，有種鎖水感。到第二日肌膚都仲係好柔軟👍🏻👍🏻 喺天氣乾燥嘅日子用，特別睇得出佢嘅保濕滋潤能力！試過有朝一隻手有搽面霜、一隻手無搽去對比做實驗，過左一日摸無搽嗰隻手已經有乾乾鞋鞋嘅感覺，但有搽面霜嗰隻手仲係好滑好潤😆 小小實驗證明保濕滋潤力真係持久！而持續用左10日後，感覺到皮膚比未用前更加嫩滑，就算係額角、下顎呢啲容易乾嘅位，摸落去都滑左大；仲有係臉頰細緻飽滿左，毛孔無以前咁

Lingling1108好用推薦：本人膚質係偏乾易敏感肌膚，尤係冬天時會乾燥到臉上甩皮泛紅，所以平時洗臉後一定要拍上比較滋潤既化妝水，當我遇到肌研極潤保濕化妝水（濃潤型）真係好適合我乾燥既肌膚😍，化妝水質地雖然好稀身，但有好滋潤感覺，搽上臉上好似有層保護膜咁，而且價錢親民，性價比超高，已多次回購👍👍👍

lhyying1128好用推薦：肌研這個牌子一直研發保濕產品，而極潤就是它家一直很火的王牌產品！一瓶爽膚水的價錢，卻有四重波尿酸精華，經常水潤到面霜都忘了搽。我中學的時候已經一直用這款極潤保濕化妝水，人人都誇我皮膚很水潤，而且整個中學時期用它，都沒有長過痘痘，現在回想起來真的挺感謝它的(*^_^*)

mag好用推薦：好開心今次有份參與@cosme提供的肌研 H.A. Supreme精華試用！ 對肌研的印象依然在極潤化妝水同金色的特濃緊緻保濕精華水（以前很愛用），不知不覺間肌研推出了很多新產品，這次使用的是可叠加可單用的精華液。一共三款，完全可以根據你的膚況選擇不同的搭配，非常贊！ 三款分別爲： （個人認爲最百搭）H.A. Supreme CERA 極緻補濕精華 H.A. Supreme VITA 亮肌淨斑精華 H.A. Supreme RETIN 緊緻塑顏精華 B5 gel大家都知道啦，肌研H.A. Supreme CERA 極緻補濕精華除了B5成分之外，配合另一個很有名的保濕成分Ceramide神經醯胺，可以達到24小時保濕，滋潤乾燥肌膚、強化肌膚屏障。 基本上保濕是任何季節時間都需要（沒有不保濕，只要更保濕），所以CERA這支早晚四季都需要，如果是年輕妹妹小資女初入門護膚的話真的很推。之後可以根據不同皮膚需要叠加 VITA或者 RETIN使用。 同一般B5 gel類似，CERA 極緻補濕精華質地是三款裏面最凝膠啫喱狀，流動性最低，但不代表難抹開或難吸收。 非常輕易就可以抹開

syrupthingy好用推薦：感謝@cosme的試用邀請☺️提供肌研 H.A. Supreme亮肌淨斑精華、肌研H.A. Supreme極緻補濕精華以及肌研H.A. Supreme緊緻塑顏精華供試用 本人係混合肌偏乾，之前未試過用肌研嘅精華 平時精華選擇方面，會隨着季節轉變 今次肌研絕對係令我喜出望外精華🤩 首先光係真皮層抗老這點已經非常吸引 真皮層抗老什麼概念？ 如果把皮膚比喻成樹，想要開枝散葉不能只在枝幹上下功夫，地下的根（真皮層）才是關鍵所在！😎 而肌研的促滲透技術就能讓養分直達根部下到1.5mm-2mm的真皮層😳 1️⃣ H.A. Supreme Retin緊緻塑顏精華 Retin主要成分我查了查 是以藍銅肽為打底還復配了四重膠原肽 信號肽、促生勝肽、生長勝肽、活性勝肽能有效的促進膠原蛋白再生，把乾肌和紋路通通拉起來，還有A醇的加持提高肌膚的抗氧化能力清除自由基，讓肌膚從裡而外的變得光滑細膩還透亮💡 2️⃣ HA Supreme Vita亮肌淨斑精華 這款產品主打「深層保濕」，剛好我的皮膚狀況比較乾，鼻子會脫皮，使用後看到我的皮膚真的亮白了一個度，而且鼻翼痘印亦有明顯減淡，保濕效果亦好好～ 3️⃣ H

Maggie Wong好用推薦：面膜的精華液非常充足，質地水潤不黏笠，敷15分鐘後面部保濕程度明顯提升（本人T位容易乾到出油） 與一般面膜有相同問題，面膜很難原全與面型貼合，鼻翼位置面積相對較小，如能改善面膜形狀設計會更好

Cici Wong好用推薦：平時都有用開呢個牌子嘅乳液，見到好多人都推介佢面膜好用，所以去日本旅行特登買返來試吓。 我本身係敏感乾性肌膚，佢呢個牌子標榜敏感肌都啱用，果然試咗之後完全冇敏感或者刺激嘅感覺，敏感肌嘅朋友可以安心使用。佢好保濕滋潤，特別適合冬天乾燥嘅時候用。 我會洗完面之後，敷15至20分鐘，敷完之後塊面感覺好水潤同柔軟。佢面膜有好多精華，但唔會滴到周圍都係，都算幾貼面。雖然價錢唔平，不過質素唔錯嘅

hellolulu好用推薦：一直用開同品牌的潔膚水，加上價格親民，評價不錯，購入時滿有期待。第一次使用時，被超級豐盈而挺拔的泡泡嚇了一跳😂 按摩面部時感覺柔滑，即時使用感不錯，清洗後面頰有輕微發熱感覺，但產品介紹是碳酸促進血液循環，初時不以為意。 可是分別試用了幾次，發現每次用後隔天皮膚總會開始出現小狀況：泛紅粗糙、冒小微粒、痕癢。敏感情況雖不算嚴重，但連平日粗枝大葉的老公都看得出來😅 每次都要花上好幾天才恢復，為免辛苦自己最後都是停用了，實在可惜🥲

zetalhc好用推薦：一撳出嚟就係綿密嘅泡泡，含有碳酸成份可以迅速滲入毛孔，深層潔淨嘅能力唔錯，但係一支好快用晒

Kky098好用推薦：感謝 @cosme 的試用邀請～今次試用 綠茶籽透明質酸注水精華 及 紅茶逆時活膚塑顏精華。   以下係綠茶籽透明質酸注水精華試用報告～ 瓶子是按壓設計，容易控制份量而且衛生 質感：透明水狀 第一天洗面後，使用產品前：第一天使用綠茶精華後： 第十四天洗面後，使用產品前： 第十四天使用綠茶精華後： 總結： 單用綠茶精華略厭不夠鎖水，加上紅茶精華會好d。暫時試用14日未見明顯效果，要再試用耐d再觀察下。

evelyn好用推薦：感謝Cosme邀請使用Innisfree綠茶籽透明質酸注水精華(30ml)。全新升級版注水精華蘊含美肌綠茶™及納米透明質酸，不含動物源性成分，能滲透肌膚深層根源，為肌底乾燥肌膚迅速補水。 包裝方面，採用綠底白字，清新簡約，形象與它獲得的純素認證十分配合。 包裝上清楚寫上到期日，還有成份和使用方法。 瓶身方面，則與包裝盒相反，白底綠字，但依然保持簡約氣息。瓶為按製式，只要拔開鎖子，便輕易按出產品。 產品方面，顏色為透明，不會太稀，容易推開，感覺補水，塗勻後感覺乾爽，適合夏天悶熱天氣。 而且香味怡人，令人心情舒暢。還有，可能有綠茶成份，塗上後竟然有點美白的效果。 另外，補濕持久度不俗，在冷氣地方大半天，感覺皮膚仍然有足夠水份。我想其補水能力應能應付香港的秋冬天。

Joanne好用推薦：NIVEA LUMINOUS630雙效淡斑透白精華 試用日期：16 Aug ~ 27 Aug 非常榮幸能夠參加今次試用 多謝@cosme 要成為擁有白滑皮膚嘅女人 防曬美白淡斑真係唔可以懶 咁啱今次暑假期同小朋友去咗兩轉日本 曬到成個人黑咗幾度 本身曬黑都唔緊要，最慘係塊面曬到出咗斑🥲 真係喊出嚟😭😭 所以一見到有出淡斑啲試用就二話不說申請咗 抽到真係好開心 今次試用嘅產品有 LUMINOUS630 雙效淡斑透白精華 & LUMINOUS630 雙效淡斑煥白抗曬修護日乳 SPF50 PA+++ 講咗精華先 顏色係淺肉色，質地都算水狀，易推易吸收 上面後有啲光澤，一啲都唔黏笠 用咗十幾日，明顯睇到塊面係透白咗 但斑點方便未話有好大改善 都明嘅，出咗斑真係唔係話搽幾日就會無咗 始終年紀唔細😭 不過，前排手多唧完瘡嘅印就淡得好快 呢點係幾有驚喜 我覺得呢個價錢嚟講，日常當係美白保養都算係性價比高 （30ml/ HKD 309) 不過有一樣我比較在意呢就係 佢嘅香味太濃，其實有香味我都接受到 但今次呢隻味道就唔係太討好 我覺得有啲似柔順劑嘅味🙈 如果對氣味好有要求嘅人 想買之前最好去試

Lesleyy好用推薦：產品試用心得：NIVEA LUMINOUS630 雙效淡斑透白精華 試用時間：2週 最近試咗NIVEA嘅LUMINOUS630系列，真係幾驚喜。聽講呢款LUMINOUS630成分，NIVEA花咗10年時間研發出嚟，可以由根源淡化色斑，仲可以提亮膚色，真係好吸引。 質地同感覺 LUMINOUS630 雙效淡斑透白精華： 呢支精華真係好輕盈，質地好似乳液咁，推開之後好快吸收到皮膚入面，完全唔黏笠。 因為我皮膚比較敏感，所以好驚會唔會刺激到，但試咗兩個星期完全無問題，真係幾溫和。 效果分享 膚色提亮： 覺得成個膚色均勻咗，之前暗啞嘅位（例如嘴角同鼻翼）都改善咗，皮膚好似更亮更有神。 淡化斑點： 兩個星期後，發現啲斑點同痘印真係有淡咗，雖然啲頑固斑仲未完全消失，但明顯淡咗。呢款精華對淡斑效果真係唔錯。 保濕效果： 仲有，呢款產品嘅保濕效果都幾好，用咗之後皮膚一直水潤潤，完全無乾燥脫皮嘅情況。

Emma W好用推薦：來到2024年年末，又要想交換禮物的環節。Burt's Bees Beeswax Lip Balm 係消委會都推薦的潤唇膏，絕對係首選之一。而依支潤唇膏，又實用，又係其下的皇牌。能有效滋潤雙唇，長時間保持水潤感，不易乾裂。 成分為100%純天然蜜蠟，蘊含抗氧化劑維他命E、椰子油。其天然成分，就算食左落肚，都唔駛太擔心。 其質地較為厚重，能在唇部形成一層保護膜。但不黏，頭髮也不會經時黐住嘴脣。也可當作唇膜之用。另外，搽時有輕微的薄荷味，讓人感到清新。就算夏天搽時都唔會唔舒服。絕對係送禮首選。 適合肌膚：任何 成效度：4/5 保濕度：4/5 光澤度：3/5

Kura好用推薦：冬天必備最強潤唇膏，我已經回購無數咁多次，最鍾意蜂蜜味，味道夠香甜，搽上嘴非常潤，但唔係油膩嘅感覺，之前冬天個嘴乾到爆裂，用咗呢款潤唇膏之後就好返，夏天用都唔會覺得好油膩，其他口味味道唔係好香好濃，適合唔鍾意香味嘅朋友仔，不過一樣咁潤，用完呢款潤唇膏再搽其他有色潤唇膏都係非常一流，修復唇紋，去除死皮，價錢係非常平，男女老少都啱用呢款潤唇膏，包裝好靚設計方便，自己用或者送朋友都適合，產地係美國，近期需要入手潤唇膏嘅朋友仔可以考慮下 @cosme

Sccan好用推薦：Minon係敏感皮好幫手，近日天氣反覆，所以轉用返簡單保濕防敏護膚品。 效果：保濕防敏，透氣不油膩，不會生痘痘 質地：較杰身乳液，易推， 用量少 用後感：皮膚較敏感嘅日子， 只要用佢toner+lotion已可以足夠保護我偏乾嘅敏感肌。

pillowjai好用推薦：一直都好鍾意用Minon嘅產品因為佢哋專為敏感肌、乾燥肌而設，令我可以好放心咁使用🩷 特別喺轉季皮膚變得唔穩定嘅時候就好啱用呢支乳液！佢嘅質地比一般乳液杰身，但好易推開同吸收。每次轉季或者冬天乾燥嘅時候用佢，塊面就可以保持水潤，唔使擔心乾到甩晒皮~ #我的崇光感謝祭必買乳液 

Karman28好用推薦：諗住平平地買來試下用，點知夏天一用，不得了。塊面笠到起暗粒。好彩我keep 住佢，係冬天用塊面甩皮果陣用，好似岩用好多。 有時d 護膚品除左睇下夾唔夾本身皮膚質地，仲要睇埋天氣岩唔岩用。

sumsum好用推薦：性價比超高,保濕能力不錯👍上面不黏笠冬夏天都適合用已回購兩支以上!

Handm Little好用推薦：之前一到冬天嘅時候，皮膚會乾到甩皮，於是朋友推介下搵到一支平平哋嘅精華，冬天用會即刻感受到嗰種補水刺痛感（超乾嘅朋友應該明白呢個感覺），然後第二朝立即見到塊面補水得唔錯，已經買咗好多支！ 不過美白淡斑效果唔明顯，保濕效果就不錯！

Nicole 好用推薦：我最喜愛The Ordinary 這枝2%透明質酸+B5，回購了好多次👍🏻 主打保濕，適合各種膚質👌🏻 它的質地是透明的，上臉還算是清爽，但是多少還是有一點點黏黏的感覺，不過過一會吸收就好了，堅持使用下來明顯感覺皮膚更光滑和變得穩定。

Nicnic好用推薦：精華份量有22ml，都幾夠，敷完15分鐘之後都唔會乾晒。面膜紙幾薄，唔會太厚重，敷得唔舒服。 $10一塊，平日妝前保濕用都可以～夏天夠用，冬天應該唔夠保濕。 貼面：4/5 🌕🌕🌕🌕🌑 整體都貼面，係鼻翼個位少少唔貼服。 保濕：3/5🌕🌕🌕🌑🌑 Feel到精華比較水狀，敷完個下感覺到有保濕咗，係清爽唔黏立，但係keep得唔耐，第二朝都已經冇乜保濕嘅感覺 舒緩：3/5🌕🌕🌕🌑🌑 見到腮邊粒暗瘡冇咁紅，不過我唔係好敏感/易紅，所以睇唔到降紅問題 提亮：2/5🌕🌕🌑🌑🌑 敷完嗰下有輕微嘅提亮，不過第二日就冇 氣味：2/5🌕🌕🌑🌑🌑 有浸蜜糖嘅味，但係我唔鍾意 Before:After:

CC好用推薦：有幸俾COSME抽中試用曼秀雷敦蜂蜜保濕舒緩酵素面膜，用左一星期，同大家分享下試用效果﹕ 用家狀況：皮膚混合性偏油，面偏細 一撕開包裝紙就聞到好香既蜜糖味，打開面膜上手感覺精華液量好足，面膜厚度啱啱好亦好貼面。敷左15分鐘，面膜都仲有啲濕潤感。敷完面膜，將剩低精華輕按吸收再用水洗走多餘精華之後，面部有光澤感，試用當日皮膚有啲紅，敷完感覺皮膚穏定左。 呢款面膜作為日常保濕鎮靜效果唔錯，CP值高，下次我會想試埋另一款山茶花亮白淨化酵素面膜，會回購。 相係第一次用果陣影既

Water好用推薦：應該唔會有人未用過萬秀雷敦潤唇膏吧！又平又好用！我係超乾咀唇，無時無刻都要有潤唇膏，呢枝小小薄荷味，上咀會有輕微拉扯感，唔係超油潤順滑嗰隻。持久度好好，會keep住有一層滋潤感喺道。做打底之後上唇膏都好ok，唔會打交起死皮，性價比首選！

維他他好用推薦：曼秀雷敦成日出一啲特別版潤唇膏，今次出咗貓爪，照樣係薄荷潤唇膏，但係得意咗好多，薄荷潤唇膏一向好用，滋潤，有即時嘅保濕效果，但係隔一陣又會乾返，所以要keep住補搽，價錢好大眾，買多幾支都唔怕。搽上咀亦有好明顯嘅薄荷味，嘴唇即時涼涼哋，好提神！

Aria好用推薦：感謝@cosme CeraVe「長效保濕系列 3 件組」試用活動: FACIAL MOISTURIZING LOTION SPF30 長效保濕防曬面霜 Eye Repair Cream 全效保濕修護眼霜 FACIAL MOISTURIZING LOTION 長效保濕面霜   本人膚質：混合肌偏乾, T字位油, 面頰偏乾 (有時會因為乾燥而泛紅敏感), 毛孔較粗大。因為偶然面頰會敏感變紅和痕，我都有試用市面上聲稱舒紅抗敏的不同牌子的護膚品，而CeraVe是第一次試。   FACIAL MOISTURIZING LOTION SPF30 長效保濕防曬面霜 (HKD195, 52 ml) 介紹: 協助修復肌膚表皮屏障之餘，保護肌膚對抗紫外線侵害。配方含3種親膚Ceramides，有助鎖緊水分，協助修復肌膚表皮屏障。MVE科技能有助持續輸送Ceramides等成分至肌膚表皮屏障，逐層釋放保濕及修護因子，讓肌膚能在塗抹後達致長效保濕功效。 配方無添加香料.   用後感: 本人每天上班都係用防曬替代base再上粉底, 正如之前講的我的面頰偏乾所以上防曬前都會加一層乳液。這款防曬面霜

Enchante好用推薦：感謝@Cosme今次有機會試用CeraVe嘅全效保濕修護眼霜 ❤️啱啱搭完飛機去旅行，眼部肌膚乾到不得了 🤣 全靠CeraVe呢隻眼霜，溫和保濕得黎又完全無香味，用得好安心 👏 佢樽身有寫齊成分，用得好安心 👍 佢蘊含三重親膚Ceramides，修復肌膚嘅同時防止水分流失 🧡擠出黎係有少少似gel狀嘅眼霜，好容易推開，滋潤得黎感覺好舒服，唔會黏笠 同系列仲一齊試用左長效保濕面霜同防曬面霜一樣不含香料又好保濕，都好適合肌膚敏感乾燥嘅時候使用💕

Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天

Kpl6be6好用推薦：無酒精無香料無色素～感覺敏感肌都用得安心～面膜紙注滿咗滿滿精華～用後有感肌膚飲飽水又夠滋潤～