毛孔 推薦好用產品

Gabi好用推薦：踏入冬天，天氣經常反覆不定，氣溫突然急降又極度乾燥，皮膚特別容易敏感，所以極需要一款保濕度力、鎖水力高的面霜來加強皮膚屏障。 擁有敏感肌的我，時刻關注各品牌的王牌護膚產品。雖然未真正使用過，但一定有聽過Kiehl's特效保濕乳霜這個產品。由於一直使用的面霜缺貨，所以決定由今個冬天開始轉用這款王牌面霜。 這款面霜質感呈白色乳霜狀，質地輕盈順滑，非常易推，只需要一粒黃豆份量就能塗滿全臉，輕輕按摩約十秒就能在臉上均勻化開，面霜𣊬間被肌膚吸收，沒有絲毫黏膩感，滲透力不俗。 使用後滋潤舒服，持續用了三個星期都沒有泛紅過敏、脫皮、長暗粒或暗瘡的情況出現，而且保濕效果都不錯，即使長時間坐在冷氣房中，面部肌膚並沒有乾燥或繃緊等問題。我除了早晚使用作日常保養外，有時會用多一點份量或厚敷來取代面膜，都有即時保濕及深層滋潤肌膚的效果。 這款面霜無任何氣味，成份天然溫和，不含防腐劑、酒精及其他刺激成份，亦無添加香料，令我可安心使用。整體而言，我對這款面霜的質地同效果感到滿意，是我今個冬天必備之選，會再回購的。

Jcxjessie好用推薦：已經用左kiehl’s嘅 ultra facial cream 好幾年，呢個已經係我唔知第幾個空瓶！🥰 因為我本身係超級乾燥肌，所以秋冬用嘅時候覺得有少少乾，但係春天夏天用嘅時候就啱啱好！ 容易推得黎又唔黐立，而且仲唔會刺激皮膚 有時候吹得冷氣多，塊面會乾同埋泛紅，夜晚用咗佢第二朝就冇咁紅啦！

Fish Tse好用推薦：哩款品牌係為敏感肌而設，無香料、無色素同埋無酒精可以安心洗用 洗面最怕就係洗完之後有種好乾既感覺，哩款洗面冇咁既情況出現 禁一泵就有白色、好細緻同棉密既泡泡出黎，可以直接上面搓揉，唔洗好似其他洗面一樣膏狀出黎要加水或者要用最打泡泡既容器先有泡泡 有豐富既泡泡可以減少面部既磨擦，仲可以用細緻既泡泡帶走污糟既野同時含有保濕既成分，為面部帶有保濕既功效

zetalhc好用推薦：一撳出嚟就係綿密嘅泡泡，唔使驚自己起唔到泡，所以清潔力好強，配合埋洗面機就更加之乾淨

Chingxd好用推薦：作為一個innisfree小fans 當然都有用過尼枝精華 初初係因為25歲後發覺膚質開始轉 覺得皮膚好易乾 一乾就爆瘡lol 之後聽fd講應該開始搵枝精華用下 當初唔太知道好多補濕精華可以係好黏笠下 曾經夏天試過用kihels既保濕精華 推左好耐都未吸收到 冬天又試過網上話好既bicelle b5 gel 結果都係太笠...笠到出油 爆瘡😑 當時覺得就咁試都唔係辦法😂 就開始睇下youtube啲人介紹 hk仲未有cosme所以都會睇tw cosme 個陣先知道innisfree綠茶籽精華係入門級 基本上係好多人都會用過～ 個陣乾到好易會敏感 所以對成份都好注意 咁岩睇到有個人comment對成份好有認識 除左有香精之外 其他成份都係安全既成份 而且佢幾推介 覺得佢真係幾保濕 所以就買左黎試 唔記得當初係幾時拎黎用 只係記得夏天返工公司冷氣太大 風口位係正自己頭上面 返左陣工就即刻爆瘡lol 然後就開始返工前會搽埋佢 之後就冇乾再乾到爆瘡 夏天同轉季真係好鐘意用佢 佢係幾爽 又夠保濕 都唔會令你爆瘡 比較油既地方 建議開冷氣先至用比較好～ 不過冬天偏乾既時候 乾肌真係會唔夠保

Giselle 好用推薦：Innisfree 綠色聖誕限量系列 綠茶籽保濕精華 160ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 前排又係見佢做緊優惠同有聖誕套裝所以入咗手試下(✿︎´ ꒳ ` )♡︎超鐘意佢嘅聖誕限定design (´,,•ω•,,｀)♡︎而且咁平就可以試到佢其他嘅綠茶系列產品(* ´ ｪ `*)♥︎ ❤︎ ︎ ❤︎ ︎ 佢嘅質地算係半濃厚半水潤嘅質感( •̀∀︎•́ )✧︎流動性算高( ∩︎´ω`*∩︎)目前搽咗1個星期，皮膚係覺得水潤咗(´•̥̥̥ω•̥̥̥`)♡︎但稍微覺得以我乾性皮膚係而家秋冬季節唔係好夠持久(´._.｀)希望春夏嗰陣用會好少少(*´･ε･*)σ||另外推開咗之後會覺得有黏膩感，就算過咗一排皮膚吸收完都係會仲有(◞︎‸◟︎；)如果好似我咁係比較介意黏膩感嘅小夥伴就會有少少失望(っ◞︎‸◟︎c) ❤︎ ︎ ❤︎ ︎ 佢嘅香味就係佢嘅品牌好signature嘅綠茶味ヾ(*>∀︎<)ﾉﾞ雖然佢嘅綠茶係有少少假假地，但係佢算係舒服好聞嗰種( ∩︎´ω`*∩︎)不過佢有添加香料，所以對香料敏感嘅要慎重考慮哦

Sogno夢好用推薦：感謝@COSME 給我機會 這次分享的產品是YSL 夜間修復精華, 成份核心是來自摩洛哥的月光仙人掌, 除此還有多種抗氧化成份包括雨生紅球藻萃取, 維生素C等。另有保濕成份B5, 甘油等。精華裏亦包含了少量水楊酸和甘醇酸, 可以加速代謝和去角質。但要注意的是精華本身有"變性酒精"成份, 能夠使精華變得清爽, 減少脂質, 對酒精敏感或混乾和乾肌的朋友們要注意產品可能不適合你。 產品主打效果是可以修復疲倦肌膚, 使皮膚保持自然光澤明亮, 溫和去除老化角質及加速代謝, 讓使用者看上去皮膚有一種天然的健康感。 先來看包裝方面, 是很好看的方型透明膠瓶裝, YSL 採用了環保設計, 裏面的玻璃按壓芯管可以拆換, 這方面值得欣賞。而精華液部分是水油分離的狀況, 使用之前請先把水油搖勻。 再來看精華本身, 使用方法是每次按2下, 還要記得防曬。雖然是精華油但流動性很好, 非常清爽好吸收, 感覺剛上臉進入了肌膚了, 我覺得質感很驚喜, 因為我個人很不喜歡保養產品在臉上殘留太多黏稠感。但可能因為太好吸收了, 根據說明書上的使用方法每次按壓2次, 感覺都不夠上全臉, 我會忍不住多按一兩下。 我本人的皮

Gloria好用推薦：多謝@cosme x YSL PURE SHOTS夜間修復精華（月光仙人掌精華）的試用體驗。這支月光仙人掌精華有3.5%甘醇酸，質地和水一樣，用量很少就可以搽完全面，跟水一樣清爽不黏膩。 亦沒有強烈氣味，就算用在傷口上，都只有輕微刺激，非常溫和。 而且可以獨立或於其他針對性精神前使用，和自家護膚品一起使用都沒有問題，可以使用多種功效產品一起護理皮膚（這點超重要！） 至於 首個翌日 感受我本來膚色偏黃，又容易生痘痘、暗粒，面上有很多痘疤，用完這支月光仙人掌精華的第一天，我最明顯的發現是有一粒初發的痘痘消失了，但面色還是黃黃的，所以感覺不大。 不過越用越感受到皮膚穩定了，痘痘暗粒的爆發減低了，一些紅腫有傷口的痘痘很快平復，而且痘印明顯地淡化。相中沒有太清晰，原本是紅腫的傷口來，很快的平復，越來越淺色。這次YSL PURE SHOTS 夜間修復精華（月光仙人掌精華）本身是要實證 首個翌日 及 2週後的煥膚修復效果的，目前我只是用了十天左右，皮膚已經大大改善，期待2週後的煥膚效果。 每天影相紀錄，看到紅紅腫腫發炎的痘痘（傷口），居然可以用1-2天癒合消炎消腫，痘印一天比一天淺色，真的很興奮呢

wingbks好用推薦：好開心收到@cosme 今次嘅試用，因為我成日覺得外在護膚品固然重要，但內在調理身體更重要❗️ 試到「Suntory Milcolla膠原蛋白」就啱曬我，本身都喜歡試唔同嘅食或飲嘅身體補充劑。因為現代女性要兼顧返工+家庭，lunch又出去食，好多時有益嘅嘢吸收唔夠，肌膚急速衰老。 之前試好多款貴價品牌嘅膠原蛋白飲品，但玻璃樽裝，難以攜帶，同一次過買真係好重。今次呢款獨立條裝，一日帶一包返工，朝早沖嚟飲夠曬方便。佢比起以往呢類粉劑多咗ceramide加強補濕同維他命C亮肌。 我就用佢嚟配過唔同飲品、食物，都唔會難以入口，當一般咖啡飲都ok！我仲試過加入豆奶一齊飲～ 食/飲呢類產品，千祈唔好心急，幾日見到成績，因為改善內在係需要時間，咁過咗兩星期，仲要遇上新年假之前勁忙，連飲水都唔得閒嘅情況下，日日飲唔夠水，反而皮膚仲冇咁乾燥！ 加埋新年玩到晚晚夜瞓，以為會捱到殘曬，點知比到驚喜我，反而毛孔細咗，光澤咗！ 加上佢嘅價錢都幾經濟實惠，買嚟為皮膚進補下都唔錯～ 飲用前： 飲用後：

Noel好用推薦：隨著年齡增長，皮膚的膠原蛋白增生能力減弱，更會追不上流失速度，因此建議女性都試試囗服的膠原蛋白補充品。個人試過歐美款式的，比較多會有腥味；日本品牌飲的和沖的，也試過好幾種。感覺這款 Milcolla 膠原蛋白粉最適合我。 Milcolla 膠原蛋白粉呈米白色，帶點奶粉味道，不帶腥味，算是幾好聞的👌個人喜歡將膠原蛋白粉加入咖啡，會令咖啡多了分奶香味，又沒有怪怪的👍由於 Milcolla 膠原蛋白粉很幼細，能夠很快溶於水，亦少會出現結塊一舊舊❗ 目前飲了三盒，感覺皮膚水份增加，尤其在早上上妝時最能感受到分別。除了服用 Milcolla 膠原蛋白粉外，我亦會多敷面膜配合，令皮膚效果更佳。飲用這種膠原蛋白粉期間，我也沒有爆暗瘡，which is GREAT 👍 雖然沒有“飲了變得容光煥發“的效果，但是個人試過停飲一星期作比較，皮膚真的變得暗沉一點，鼻子更有少量甩皮😅 所以亦可印證這個 Milcolla 膠原蛋白粉對我幾有效呢💗

Cyu好用推薦：價格 ★ ★ ★ ★ ☆ 亮膚 ★ ★ ★ ★ ☆ 淡斑 ★ ★ ☆ ☆ ☆ 清爽度 ★ ★ ★ ☆ ☆ 先黎講吓PROX by OLAY抗氧淡斑精華既樽身設計，泵頭型設計，可以保持到護膚品嘅新鮮度又十分之衛生。精華液質地濃厚，但延展性十分好，亦非常容易吸收，大約半泵就可以搽勻成塊面。對於我呢啲混合性偏油嘅膚質，夏天用都唔覺得黏笠。用完即刻有提亮既效果，有一定的保濕程度，搽完毛孔會脹卜卜返，紋路亦都冇咁明顯，而且呢款精華液入邊冇酒精冇香料冇防腐劑，容易敏感嘅皮膚都好啱用，冇負擔。 短時間內淡斑功效唔算特別明顯，係意料中事，希望長期用落去會有改善。而改善泛紅，提亮膚色，抑壓黑色素變深，呢幾方面都有做到。 另外，呢款精華液唔會起擦子膠碎，搽完 PROX by OLAY抗氧淡斑精華再上妝，完全冇同粉底液打交，亦都完全唔會影響妝效持久度。 總括而言，以呢個價格做到膚色均勻提亮，有一定保水，能改善泛紅，又做咗抑制黑色素，效果已經相當令人滿意，十分推薦大家一試。

Jasmine Yuen好用推薦：新升級OLAY抗氧淡斑精華以獨家「NIA + SDL」專利淡斑配方，高效激活抗氧信號，根源穩定黑色素母細胞，令肌膚重拾淨白細膩無瑕！ 我用 Olay spot fading essence 大約一星期，就發現我的色斑淡了一點。肌膚的質地也變得更加光滑，感覺很不錯。 一支可以用到大約三個月（我晚上揸），我發現色斑明顯減少淡啲，肌膚變得更加均勻，比以前更有光澤和彈性。我會繼續使用這個產品，因為對我的肌膚有效。 ⬇️已經用哂嚕✌🏻會再買

Wenwen03好用推薦：感謝@Cosme 邀請試用CeraVe 3 款潔膚露，分別是溫和保濕潔膚露，清爽泡沫潔膚露和SA水楊酸煥膚潔膚露，用左8日後，以下是小小心得分享😆😆點都要讚一讚個瓶身設計，個封口位拆除後仍可再安返上去，方便用用下要帶去旅行，唔使驚漏。 CeraVe 清爽泡沫潔膚露 質地：有點杰身的凝露質地，但塗上身體不覺黏稠，很清爽。 味道：無味 清潔力：5星（5星最高） 用後感：一直用開帶泡沫的潔膚露的我，試用清爽泡沫潔膚露當然會有親切感，起泡快和多，而且易沖洗，潔淨能力好好😊以下是皮膚測試儀顯示保濕度（根據當下身體的保濕程度而定，因人而異）

jan好用推薦：首先多謝Cosme抽中我試用CeraVe一系列嘅潔膚露🫶🏻上網睇過知道CeraVe嘅產品一向都係性價比高，又溫和，連濕疹人士都適合使用。今次就先講一講呢枝清爽泡沫潔膚露。唧出嚟係透明嘅，都幾流質，可能我用手捽，就冇想像中咁多泡泡 (比佢個名誤導咗😂)。佢無香料，但我就唔太中意佢陣味🤣但不得不讚嘅係佢嘅效果。我係混合乾肌，好唔中意洗完面後面頰好繃緊嘅感覺。CeraVe呢款的確做到保濕嘅效果，皮膚即時都有可見嘅光澤 CeraVe嘅清爽泡沫潔膚露含三重親膚Ceramides、透明質酸及Niacinamide(維他命B3)，帶給肌膚保濕潤澤，同時維持肌膚表皮屏障功能。當中嘅ceramides對皮膚修復屏障係好重要！即係令我哋皮膚更穩定嘅成份🫶🏻另外配方與皮膚科醫生共同研發，不致粉刺性配方 ，通過敏感測試 ，低敏配方， 無添加 Paraben 、香料、酒精(指乙醇) ，適合中性至油性肌膚及敏感肌膚，所有肌膚都啱用！

Jolicious好用推薦：好開心得到@cosme 邀請，得到Benefit The POREfessional 柔霧控油系列試用機會，呢個系列一向口碑好好，油肌人士對benefit The POREfessional一定唔陌生，每逢夏天日常同需要維持抗油抗汗嘅妝容時，一定係最穩陣嘅首選！ 今年夏天，The POREfessional推出左全新升級版，其中之一係「柔霧控油毛孔細緻霜」 妝前打底對我嚟講一向係最重視嘅步驟，呢一步做得好，之後妝容每part 嘅build up 先會有意思，追求控油係基本，其次要睇佢毛孔修飾度、同後續粉底融和度，都係缺一不可 💖「柔霧控油毛孔細緻霜」呈乳液狀，同本身面上skincare product 好融合，而後續上左液態粉底後都冇出現”擦子膠碎”情況，毛孔修飾都幫到少少 ✦之後上妝會用埋同系列嘅控油蜜粉同定妝噴霧，測試控油同持妝度 🔼剛上妝容效果 🕙持妝8小時 上妝後嘅行程係出入户外(高達32度另加一兩陣驟雨）同室內（商場同餐廳溫度大約22度)，去到第4-5個鐘，鼻翼有微微出油情況，比起平時2個鐘已出油，出油量明顯減少，輕輕用紙巾印走油後(無進行任何粉底補妝)持妝度無乜影響

Emilyyy好用推薦：主打特色： - 柔化毛孔同時控油補水 - 8 小時控油效果 - 含維他命 B3、玫瑰果萃取成份和礦物蜜粉等成份，不僅控油也能滋養肌膚 質地：水乳狀 試用季節：8月 個人膚質：雙頰稍乾，T位易出油擠出來是白色水乳狀，偏水潤，很好推開。一直對柔化毛乳霜的印象都是膏狀，所以這款水乳狀真的很驚喜。（鼻子使用前）（鼻子使用後） 額頭和鼻子是最易出油的地方，這次使用在額頭、鼻子、鼻兩側肌膚。上臉的感覺很水潤，推開融入皮膚後變霧面，柔化了毛孔，油感也消失了，但仍有保濕感，不會乾和繃緊。 （上妝6小時後） 上妝6小時後有微微泛油，出油量有減少。不會浮粉和溶妝，整體感覺滿意。

維他他好用推薦：由細用到大的tea tree oil 最近聽聞body shop 可能全線結業 我要趁結業前入手多幾支 這枝tea tree oil 最好用的時間是防痘！在暗瘡正式生出之前就要用，而且是密集式地用，即係得閒就搽喺想爆瘡的位置！我試過最後粒瘡謝左，冇出到黎，又冇印，非常好用。 但如果已經出了暗瘡都可以用，可以消下炎，等佢快啲謝，都係好的！ 我好鍾意tea tree oil陣味，好好聞 呢支野唔貴，可以用好耐，因為都係有瘡先用，冇瘡就備用！性價比超高，點都要有一支傍身。 大推！

羅小白好用推薦：係由細用到大，好好用嘅茶樹油，每次出暗瘡搽呢個都好快謝，就算係又大又硬嘅石頭瘡，呢個都會好快消腫，同埋成份都天然過暗瘡膏，用落都放心啲，建議有暗瘡問題嘅人都可以買一支

mandy好用推薦：Sulwhasoo First Care Activating Serum VI 雪花秀 潤燥再生精華(第六代) $630 / 60ml + 8ml x 8pcs (Black friday Sulwhasoo Online Shop promotion only) 不經不覺潤燥再生精華已經來到第六代啦～ 而我也是愈來愈喜歡使用潤燥再生精華， 昇級版的第六代潤燥再生精華比上一代更好用， 試用過就愛上，即時變成鐵粉了。 蘊含大量美肌成分，如：保濕成分、抗氧化、抗衰老及鎮靜消炎等成分。 潤燥再生精華(第六代)的質地非常水感清爽，適合不同膚質使用，延展性亦很好，可輕易在全面推開按摩，而且即時被肌膚吸收，完全沒有黏笠感。使用後，肌膚更加保濕水潤，而且膚況更穩定，並且具提亮功效。 含保濕成分: 丁二醇, 甜菜鹼, 雙-PEG-18 甲基醚二甲基矽烷, 黃芩根萃取, 乙基己基甘油, 角叉菜, 蜂蜜, 戊二醇, 生物糖膠-1, 丙二醇, 梅果萃取 及 氫化卵磷脂 抗氧化成分: 黃芩根萃取, 可哥萃取, 蜂蜜, 羥基積雪草甙, 地黃根萃取, 甘草酸鉀, 乙基維他命C, 牛磺酸

TT好用推薦：氣味很好聞。冬天用感覺滋潤，夏天應該會比較腍，不太適合。冬天乾的天氣可以加強護膚品的滋潤。 

Beautygirl好用推薦：平時都係用開卸妝水，今次係第一次用卸妝 凝霜，即刻愛上咗！本來以為用完會油林林，點知質感好清爽，好似cream咁，好有驚喜！ 卸妝凝露香味清新，試下上粉底係手再卸走都輕而易舉，好容易卸除妝容，仲好乾淨。而且卸完唔會有油林林質感，仲有水潤感覺。個人覺得卸妝速度快過用卸妝水。用少少份量已經卸得好乾淨，最貼心係配埋枝棒用嚟刮凝露出嚟，唔洗用手整污糟成盒凝露！ 搽上粉底後：將凝露加上手：推開卸妝凝露後已見乳化狀態：沖水後好乾淨：用咗卸妝凝露一排，發現卸妝之後用導出機，導出嘅污糟物少左，證明潔淨力唔錯！所以皮膚都少左出暗粒同暗瘡。

yannie好用推薦：本人係混合偏乾 有暗瘡/敏感底 卸妝霜質地係Cream狀 上面好清爽 推開係水狀 易卸 唔洗話fu一陣先卸 直接上面打圈已經會變色 而且用量都唔洗多都夠卸 一蚊銀仔咁多就夠！ 試過一般底妝都卸得好快 食色唇膏都卸到 Mascara自己就慣左會on top加mascara remover 但佢都卸到既 要多少少時間打圈溶解 同埋試過佢係唔拿眼 唔小心入眼都唔會blur曬 乳化效果好出色 凍水都搞得掂 洗完塊面係幾乾淨 但就兩頰有d「慢慢緊」 暫時用左個幾星期 唔見生粒粒 無過敏🤙🏿 其實唔用油可以卸到咁 係幾出色 相比韓國卸妝膏 佢感覺天然d 如果唔鐘意有味既朋友呢個可以pass 但我自己覺得佢其中一個出色既位係隻味 一推開 有陣花香味 唔人工 聞落係舒服同放鬆！ 的確加乘左個體驗 卸既過程係開心d🤣 整體都出色～ 用曬會回購😏🤙🏿 追加埋相 卸前卸後 毛孔出番曬黎就知幾乾淨🤣

Nccmy好用推薦：有雀斑困擾嘅朋友看這裏🙋🏻‍♀️我是雀斑大王🐰🙋🏻‍♀️ 由於自細我已經好鍾意同陽光玩遊戲，面上儲咗為數不少的雀斑🥶我的皮膚屬於混合偏乾，今次試用呢枝含專利成分Thiamidol嘅美白去斑精華，能夠溫和同時有效去斑75%，即刻好心動好期待佢嘅效果😍 為咗可以測試佢嘅真正實力，呢兩個星期我都只係使用本身用緊嘅toner➡️Eucerin淡斑亮膚水光精華液➡️本身用開嘅補水面霜。 用滴管裝嘅精華液質地比較杰身，可以好似圖咁睇到佢有啲拉絲～ 一搽上面即刻聞到淡淡的香味，感覺一啲都唔黏立。由於產品含有甘油嘅關係，深入皮膚後形成一層薄膜，令到肌膚即刻有一層光澤出咗嚟。佢真係做到sebum control，皮膚即刻感覺乾爽咗。睇完自己整嘅before and after圖都有少少嚇親😳佢嘅亮白效果都幾快手！去到第三、四日已經明顯感覺到面部整體膚色透亮咗啲，冇咁黃，而且雀斑真係有減淡跡象！真係冇咁明顯！重點係之前爆瘡生咗幾粒暗瘡喺眉毛上面，用完之後佢嘅紅印消退咗七七八八！👍🏻 【警世‼️】 不過，使用大約一星期之後，我發現自己面上出咗啲油脂粒，全部係閉口，而且入面有粒米咁。原來佢包裝上都有

Ki Lyko好用推薦：多謝@cosme ，俾我抽中Eucerin 淡斑亮膚水光精華液試用。 質地看起來比較杰身，但能夠快速吸收，有一點香味。 因為熬夜所以面上面就會開始生暗瘡，暗瘡好返，但就會留下一些暗瘡印，人大咗，新陳代謝就慢咗好多，D印就好難同需要一段長時間先可以變淡。 用左大概兩星期的Eucerin 淡斑亮膚水光精華液之後，D印去得快左又變淡左啲👇🏻^Before^After 膚色有明顯提亮的效果。所以我會繼續使用，令D印可以快啲消失！

pink1314923好用推薦： 感謝 @cosme 邀請試用Barrier Repair 面膜Bicelle 高滲透納米保濕面膜系列「深層滋潤型」，以我所知Bicelle高滲透納米保濕面膜系列有三款，包括：保濕力比較強的「深層滋潤型」、提亮膚色的「透亮光澤型」和回復平滑細嫩肌的「毛孔緊緻型」。而我的皮膚比較需要保濕方面，所以有機會能夠試用到「深層滋潤型」真的幸運呢！我平常都有用Barrier Repair BB面膜粉紅色包裝的三重補濕彈力極潤面膜(5片裝)，效果一直也不錯，它也有2倍高滲透性納米透明質酸，有效改善我的皮膚缺水情況，面膜的精華也有23ml，非常足夠滋潤保濕。 首先講一下Bicelle高滲透納米保濕面膜系列特點： Bicelle是史上最細美容膠囊，獨創納米極速滲透美容膠囊，超微細膠囊直徑比常用於尊貴護膚品的美容液載體，能3倍速效將美容液注入至肌底，極速滋潤肌膚，更高效滲透至肌膚最底層。 Bicelle 高滲透納米保濕面膜系列「深層滋潤型」用後感： 面膜的貼膚度很好，敷上後很舒服，能覆蓋在面上不會皺起，加上設計很好也很貼心，有很多連接處是可以自己撕開的，這樣就能根據自己的面型來貼合皮膚了。面膜沒

Kelvin好用推薦：BR面膜有好多款 ，依款係Bicelle高滲透納米保濕面膜 深層滋潤型。BR既新產品。敷既時侯 ，佢大致上cutting男仔都好適合，好貼服，鼻位就細咗少少。即使走嚟走去都無問題。精華分量岩岩好，唔會太重香料味。敷完皮膚彈彈的，feel到補水。清潔多餘既精華都好容易，唔會太有粘稠感。第二天都唔需要上妝前再敷面膜直接搽返基本護膚產品就OK啦。 急救面膜來講性價比高，淨補水滋潤，冬天好岩，就算聖誕通頂用個妝都keep得好靚。 #火熱新品

兔星人✧٩(ˊωˋ*)و✧好用推薦：感情@cosme 同Avene提供試用品 「極速保濕水漾精華」 今次有機會試用新品真係好開心啊(=^▽^=) 逢親冬天兩邊臉頰都好易乾燥好緊,而咁啱呢款主打成分係為缺水肌設計,可以幫我補水~ 佢係透明啫喱狀,好容易推開,我再配埋美容儀一齊用,感覺吸收得好快,唔會話好立黐黐,好輕盈~ 揸完即刻有補水嘅感覺,不過第二朝訓醒就有少少出油 試左5日早晚各用一次,皮膚有變得水潤,睇落都緊緻左, 朝早化妝前用,都好似係有變貼服啲㗎!!!全日都唔會好乾或者出紋,不過到夜晚鼻頭就有少少出油,可能係本身我膚質問題xd 下面係跟佢建議試用時間 前5日單用「極速保濕水漾精華」嘅before and after~ 明顯之前係有啲乾燥問題xd,但連續用5日之後有變返水嫩柔軟,會繼續推薦(๑•̀ᄇ•́)و ✧

Menlinda好用推薦：早前因天氣關係皮膚總有點乾，摸上手有種粗糙感，底層暗粒也很多，剛好遇上了品牌的極速保濕水漾精華解救一下皮膚的乾渴狀態。 水狀凝膠質感，容易推開，也很快吸收，使用後皮膚不會有油膩感或悶悶的感覺，而是有種順滑好摸的感覺。 我的使用量視天氣及皮膚狀況需求而定，比較乾的時候，我都會按一下吸得滿滿的量，皮膚狀況比較好的時候我就用一半的量就好。第一次使用前後，由於當時皮膚有點乾，只覺得吸收還挺快的，塗完後臉上有層膜的感覺，皮膚也比較滑。單使用這瓶精華，連續五天後，使用效果還不錯，在水份充足的狀況下，毛孔有變細，膚色也有變白的感覺。暗粒狀況也有所改善，起碼比之前容易清除。連續使用21天後，皮膚由本身比較乾和暗啞的狀態，轉為肌膚順滑亮澤均勻的狀態。 最高興的是當朋友看到我，說我毛孔變細，膚色好像也比之前白了，還問我用了什麼產品。

kvet好用推薦：多謝 @cosme 抽中我試用kiehl’s 呢2支精華。 先講一講藍色呢支三酸煥膚精華，佢係液體嚟，用落係冇乜化學味或者香味，呢點要讚一讚。教學係教當佢爽膚水咁搽上面，所以佢係好吸收，基本上一搽上面好快就會吸咗。一般用係冇乜刺激性嘅，不過始終佢都有啲酸性，如果你做完針清或者有啲小傷口咁佢搽落去係會有啲拮拮地嘅。呢支頭幾日搽我覺得皮膚未適應係有可能有少少粉剌，但用多幾日基本上冇問題了，皮膚keep住都穩定。 之後講下另一支透明嘅維c淡斑精華，佢質地相對杰身，真係精華嘅質感。搽上面唔會有一個好乾嘅感覺，反而會有一個好滋潤嘅感覺，keep住都有啲潤。而呢2個精華夾埋一齊用真係有一個美白嘅效果，用左大概14日，本身皮膚係好黑嘅，但真係有一個美白效果。可以睇一睇對比圖。 皮膚顔色真係亮白咗，亦都多左光澤同睇落冇咁乾，雖然毛孔大細好似冇特別收細，但係白同潤嗰方面係有啲效。所以我覺得如果想美白嘅朋友可以一試。

sharonchowcc好用推薦：近年Skin care promote喺skin care routine入面定期用酸類產品去達到煥膚嘅功效。之前都有試過用唔少酸類產品，但都因為刺激皮膚，用完皮膚紅所以無用落去。今次第一次用Kiehl’s醫學三酸煥膚精華，連續用咗14日，以下係我嘅使用感受🙆🏻‍♀️ 產品性質：質地比較輕盈嘅精華，吸收速度較快，易推開。無明顯香味。 用後感：連續用咗兩個禮拜，明顯皮膚少咗粗糙同暗粒，平滑咗，皮膚明顯有光澤咗 (真係識反光)，無再好似之前灰灰暗暗，嚡熠熠咁😹膚色明顯平均過以前。毛孔收細方面，因為本身毛孔唔算好大所以無太大感覺。本身 最想大讚嘅地方係，依款精華做到酸類產品要做到嘅功效外，更好溫和一啲都唔刺激。之前用酸類產品經常會用到甩皮同皮膚發紅，但依隻連續用咗14日都無依個問題出現😍夏天用佢唔會太笠得黎都唔會太乾。 總結：大推俾膚色暗沉想改善，敏感肌，之前用其他酸類產品有不良反應嘅人。用完依支會想再買第二支😆 使用步驟：洗面後，先用醫學三酸煥膚精華，隨後使用醫學維C淡斑精華達至最強亮白效果。 再塗上保濕霜及防紫外線產品。 Before & after: 質地：

KDing好用推薦：呢款紅茶色換面膜個效果係非常之好，佢嘅質地好似薯蓉咁樣好容易推開，我多數會將佢口少少而且一個時間敷一個鐘左右，個效果就已經令人好滿意，資源到十分之高。 同埋用緊嘅時候有一種涼浸浸嘅效果，夏天用其實好似舒服，即使洗完之後都有種好清爽嘅感覺，但呢種清爽同事伴隨着一個好高嘅滋潤度，所以係比較神奇嘅mask。

Susu好用推薦：有驚喜！本人平常多數是用片裝面膜，第一次使用這款像面霜的膏狀面膜。只需塗薄薄一層(避開眼睛位置)，待5-10分鐘後用清水洗淨。面部會立即變得嫩滑水潤，皮膚的角質軟化了不少，也有一點點清涼的感覺，好舒服好適合四季使用！個人覺得完成聖誕妝容前一定需要它~超保濕效果很好！ #秋冬護膚神隊友 #火熱新品

Jayla好用推薦：呢支係黏笠精華嘅救星。 佢本身係水狀好似toner咁，完全冇香味。由於佢本身嘅作用就係鎖水，我會拎嚟撈我覺得笠嘅精華，加埋用就會減低咗黏笠感同時又唔會降低保濕度。超級好用！

Karychung好用推薦：超級大愛哩個牌子 可以修復皮膚屏幕 同埋可以幫助吸收後續化妝品 所以有勁多存貨 😂 已經用咗好多支 大推 

Meric好用推薦：Olay 產品聽就聽得多，試用就真係第一次，之前消委會有報告話過佢好，果然厲害！超有驚喜！首先佢質地柔軟，勁容易推開，基本上一搽上面就感覺到肌膚立即變得軟棉棉😱係立即！之後用手撳落去係真係有Q彈嘅感覺😳由踏入三字頭開始，發現今年的表情紋多了，可能本身我表情比較豐富🙈發現額頭眉中間有一條路軌😱 眼底亦開始出現細紋😖所以正在尋求抗皺的護膚品。我用了17天，中間都冇刻意去睇有冇少咗紋，到今日認真睇同影相，就發現真係啲紋淡咗😳超驚喜！我睇返佢嘅成份，佢話有300%膠原增生！😮原來真係得㗎！除咗改善咗細紋，皮膚仲更加有光澤，同埋全日都可以keep住水潤嘅感覺，一啲都唔乾，但又唔會有油膩嘅感覺，超舒服～用咗佢之後再化妝，超貼服！✨ 老實講，我覺得佢性價比超級高，我用過其他同佢差唔多效果嘅護膚霜，價錢比佢貴接近3倍（所以我一搽上面嗰吓簡直係驚訝😱），完全冇諗過原來平嘢真係有好嘢，係諗都唔使諗之後一定會回購嘅產品！我仲即刻介紹咗俾媽咪家姐添👍🏻

HeiWa好用推薦：♦️Olay Super Cream 新生高效緊緻護膚霜♦️ 一直都知道但無用過OLAY啲護膚品，但都知道聽唔少人講過佢喺開架品牌入面係好好用的。今次第一次試用佢最出名嘅面霜，果然係有啲驚喜！👀先睇下佢外包裝，紅色嘅外殼有質感，拎起原來都幾墜手，第一眼感覺都幾高級唔似開架。擰開蓋有個膠板隔住面霜，白色乳霜「撩」上手好柔軟滑身！係我鐘意啲質地！♥️ 唔錯～ 香味明顯，唔鐘意有香味嘅面霜嘅用家可能要注意下。質地順滑好推，清爽唔油膩。本身個人都唔鐘意太笠嘅乳霜，但呢款面霜雖然滋潤但一啲都唔厚唔油，喺唔搽精華液嘅時侯，單搽乳霜後即時有種飲飽水嘅濕潤亮澤感，呢個位非常加分✔️ 而如果平時搽埋精華液再搽面霜，都唔會厚重，有種鎖水感。到第二日肌膚都仲係好柔軟👍🏻👍🏻 喺天氣乾燥嘅日子用，特別睇得出佢嘅保濕滋潤能力！試過有朝一隻手有搽面霜、一隻手無搽去對比做實驗，過左一日摸無搽嗰隻手已經有乾乾鞋鞋嘅感覺，但有搽面霜嗰隻手仲係好滑好潤😆 小小實驗證明保濕滋潤力真係持久！而持續用左10日後，感覺到皮膚比未用前更加嫩滑，就算係額角、下顎呢啲容易乾嘅位，摸落去都滑左大；仲有係臉頰細緻飽滿左，毛孔無以前咁

Haidy好用推薦：MAC嘅粉底液幾好用應該唔使多講🤣而家新出呢個妝前護膚超級好用！✨開始以為個花瓣面霜會好厚重，點知佢勁輕薄！延展性非常高😆比起其他面霜來講，呢個花瓣面霜好啱來做妝前保濕！配合埋佢嘅花瓣精華，上面嘅感覺非常保濕水潤！呢個配搭特別適合乾皮/嗰日皮膚特別乾嘅靚女🤣完全唔會厚重/搓泥🥰仲要都幾乾爽添！ 搽完上面可以見到即刻有光澤咗！之後上妝都非常貼服✨ 曬完妝之後妝感真係好好！

Venus Chan好用推薦： 本身覺得Mac嘅化妝品比較岀色，所以都冇乜機會去試佢地嘅護膚品~😳 (p.s. 本人混合肌，冬天的時候T zone偶爾會岀油) 不過我so far用左一星期呢一罐「貼妝花瓣清透煥顏保濕修護面霜」之後，第一個感覺同同系列精華一樣，都係係覺得好香牡丹味🤣質地比較稠，係修護面霜嘅質地，不過上面又唔會好難吸收wor，呢點做得幾好👍🏻 上完個一刻感覺好補水，光澤感upup 🆙🆙。的確做到皮膚更平滑柔軟、彈潤感即時提升😳 可以睇下before & after，你會見到用完之後光澤感有提升，水潤左咁😳毛孔仲好似冇咁粗大咁個人建議如果冇咁乾燥的話，淨用同系列精華是ok的～不過再乾啲真係要呢款面霜岀動啦～

Sandy9462好用推薦：這款清透煥顏清爽卸妝油確實給予我大大的驚喜，一開始覺得會跟市面普遍的卸妝油差不多。 有些卸妝油用後會好像洗不乾淨一般，亦有些用後會令皮膚很乾燥繃緊，很難找到一些能有清潔力但又不乾的產品。 所以我都抱著一個平常心去試用，它是比較水狀流質的卸妝油不用很多的份量都足夠整面使用，卸妝力足夠而令我驚喜的地方是用後的感覺，一點也不繃緊，而且皮膚更有收細了毛孔的感覺！所以非常推薦這款清透煥顏清爽卸妝油！

Yuki好用推薦：之前網上買野附送嘅贈品剛好想買卸妝油可以先試下卸妝油帶淡香 質地如同水一樣 流動性極高 好薄身非常水感好輕盈 防水眼線都輕易落到 可用作全面卸妝加水後瞬間乳化 過水後唔會有殘留感 乾肌用後皮膚感覺水潤唔繃緊唔乾燥 入眼後有少少矇 但唔會刺激到標哂眼水 整體用落幾好 唯一係自己唔太鐘意個香味