撫紋 推薦好用產品

Kaori好用推薦：一直都好期待使用老牌子Helena Rubinstein的產品，感謝@cosme 給予機會試用 Helena Rubinstein小露珠精華露 和黑繃帶面霜🙏🏻，一時候真的會愛上💕，分享一下使用21日後的用後感。 「小露珠」真的很適合乾皮使用，平常我沖完涼出來皮膚都比較乾，由露珠微囊組成的小露珠包住每粒精華，倒在掌心，然後輕輕按壓於面上，由額頭開始往下按至面部及頸部。質地上臉潤而不油，吸收好快，不會覺得油膩，還能為肌膚即時補水，用後有即時提亮的效果。第二天起床，臉摸上去是嫩嫩的。 總結：開頭我是單獨使用小露珠的，已經見到皮膚用後非常通透，其後我就配合黑繃帶面霜一起使用。效果我會在黑繃帶面霜那邊詳細分享。非常推薦各位姊妹一齊見證Helena Rubinstein小露珠精華露的神奇功效👍🏻。 Helena Rubinstein小露珠精華露 一瓶濃縮三步護膚程序及功效 一瓶三效➡️滋養補水、煥活澎彈、抗氧透亮 三重雪絨花萃取物高效配方，完美融合精華級水油比例
1. 精華水：喚醒肌底細胞 提升後續護膚功效
2. 精華液：深層修護 煥現彈嫩透亮光澤
3. 精華油：高效鎖水 24小時保持肌膚水潤

HoiYung Crystal Yuen好用推薦：HR呢個歷史悠久嘅貴婦品牌，一直都大獲好評，但係一直都唔捨得入手。今次見到有得試用精華露同修復晚霜，當然即刻要抽啦！「小露珠」精華露係一支濃縮曬精華水、精華液同精華油既護膚品，聲稱可以一次過做到滋養補水、煥活澎彈同抗氧透亮。倒出嚟質感介乎於好濃潤嘅化妝水同精華之間，雖然係偏流質，但可能因為有精華油成份，推開之後依然感覺到好滋潤。我平時用佢嗰陣，就咁單用佢之後就上面霜，滋潤度好足夠，唔需要再疊加其他精華。搽完佢之後已經覺得塊面緊致咗，同埋面色提亮左。用咗佢七日之後，我覺得細紋係改善咗少少嘅，其他功效就冇覺得有特別明顯改善。我亦都試過喺敷面面膜之前使用精華露，我覺得佢提升咗之後面膜嘅吸收度。所以整體嚟講呢支精華囉係我會想自購嘅產品。

jessvenusfung好用推薦：多謝Cosmo抽中咗試用呢支精華， 我本身是混合偏乾性加季節性敏感肌， 試用了兩個星期，每天用一次，由於是A醇，所以只在晚間使用，隔天日間一定會用防曬，整體來說，呢支精華更加像乳霜，面霜，滋潤程度不錯，更適合秋天使用。 （*****為滿分） 整體合適度：**** 「整體膚感不錯，夏天用略嫌有點太滋潤」 質地：乳霜到面霜質地 乾爽程度：*** 「比一般精華更加滋潤」 滋潤程度：***** 「秋冬使用會更加不錯，夏天略為有點太滋潤，如果屋企開冷氣的話使用效果會更加好」 抗皺效果：*** 「使用14日後，虎紋位置淡了一點點，不期望會完全消失，陳年深頸紋好似淡了少少，但係 效果不明顯」 導敏度：* 「使用後，基本上沒有敏感」 質地大概是乳霜 使用前： 使用後：

LenaC好用推薦：精華篇🤣 終於的起心肝 試咗Kiehl's嘅醫學淡紋緊緻再生精華（Retinol Skin-Renewing Daily Micro-Dose Serum） 一直唔夠膽用A醇 因為成日聽人講敏感肌膚唔適合用 好驚會用爛塊面 不過最終都係踏出咗呢一步 而我一啲都冇後悔 Kiehl’s 嘅retinol A醇劑量啱啱好 適合每天使用 質地係滋潤乳狀 好易推開 搽完感覺其實就好似保濕乳霜咁用咗一排 我覺得毛孔係緊緻咗 皮膚都好似白滑左 好似生左一層新嘅肌膚咁🍑 最緊要係 皮膚無特別不適感或異常敏感症狀#BA照

橘子貓好用推薦：多謝抽中我試用AHC Youth Focus Cream。近2、3年我一直有用開Retinol（A醇/視黃醇）產品和醫用的A酸軟膏，在使用維A方面的產品我也不算新手，但AHC這款A醛面霜仍然帶給了我驚喜。 先讚真空按壓包裝，衞生、使用方便，連瓶身也是不透光的包裝，完完全全的真．保鮮，就算開封後都可以大大保持有效成份的活性。 沒有添加香料，不會有多餘的香味，也沒有酒精，不會額外刺激肌膚。 面霜質地輕盈，不油膩，上臉不到一分鐘已完全被皮膚吸收，不會有假潤假滑的悶焗感。中至乾肌可作日霜，零負擔；秋冬晚上使用，滋潤度是不足夠的，必須另塗晚霜。我是早上單塗AHC面霜，晚上先用鎖水的護膚油打底，再塗AHC的。 第一晚收到立馬試用，同時停用了其他護膚品。單塗了一層AHC面霜，抹上臉完全沒有任何刺激感（避開了正過敏中的顴骨位置），連一點點刺刺的、拮拮的感覺都沒有，非常溫和。 溫和方面過關了，但有效嗎？我用過數款retinal產品是很溫和但無效果，塗了大半枝都無感，而AHC的很快就給了我滿意的答覆：使用後的第三天，我額頭皮膚開始有脫皮情況。不過，不用對此感到害怕，判斷維A產品是否對自己肌膚有效的一

水萱草好用推薦：首先多謝AHC同Cosme先，好開心有今次試用！ 首先睇睇佢外觀係紫色嘅紙盒，外面有各種資訊，仲有正品標籤，呢個唔係個個有架！打開本身產品同個紙盒一樣都係紫色個蓋係鏡面嘅，樽身係三角形設計，有設計感！但我最鐘意係佢嘅按壓式設計唔怕交叉污染，又唔怕一次太多，又唔怕氧化問題！呢個簡直要比10000個like啦，佢入面高濃度抗皺成份Retinal係好怕紫外線架，所以睇得出佢有幾用心未？然後睇睇個質地先，係霜狀，初初心諗咁傑會唔會好笠架，點解一上面勁好推！！又易吸收，再睇睇個成份，有角鯊烷！！！我算個成份控，呢個成份對我嚟講係最保濕又唔笠唔油！！我見到有呢個成份嘅潤唇膏會毫不猶豫咁買架啦！ 我收到個產品個期塊面啱好過敏，見到係有紅咗一撻撻，見佢話敏感肌都用得，無酒精無色素同P類防腐，呢個時候用就最有說服力啦！果然用咗幾日唔止退紅，塊面覺得潤好多，皺紋的確淺咗喎，效果真係出奇地明顯，我仲要擦好薄咋！睇到26/12紅咗一撻撻，因為敏感我唔敢擦太多嘢，顯得好干，到咗今日，紅退哂，干紋亦淺咗！ 總結：真心我用完會買！呢個價買呢個效果超值呀！最緊要唔會敏感！！！同埋唔會有泥味，因為我用過其他牌子嘅緊緻都有

Milo101好用推薦：🌟質地是偏厚身的白色膏體，帶有清新香氣 🌟直接塗上臉上會有點難推開，所以坊間很多都教要先「乳化」：在手心搓開讓溫度把膏體融化成乳液狀，才塗上臉上，會比較易推開與吸收 🌟塗後會形成強效滋潤層，也不會感到厚重或焗，特別適合秋冬或乾燥天氣

皮皮爱马桶好用推薦：Lamer经典的面霜，非常滋润，比较适合干皮，质地比较厚重绵密，需要在手心乳化成半透明状后再使用。 本人是混合偏干的肌肤，这款面霜更加适合在秋冬季节使用，

Carmen好用推薦：大家睇相係咪認唔出係咩呢～ 其實係Shiseido既終極再生乳霜！ 平日唔鐘意用面霜既我，一試愛上呢個面霜！ 用完唔笠仲皮膚好嫩！必定回購！🤍🤍🤍 至於點解個包裝會變成咁？ 因為呢個面霜唯一既缺點就係個包裝好大舊，好難拎上手！ 我就拆左個外殼啦，原來都好易拆，只要撕左底既貼紙，用一蚊銀扭一扭，拆左個底，之後開蓋就可以拆埋中間部分，好易整。如果大家都係儲存係櫃內，不妨可以拆左佢，會更加愛上呢個面霜🤍

Conw好用推薦：資生堂長青產品，第一次用還是學生時，每逢冬季永遠有一瓶旁身。冬季我是中性皮膚，香港天氣基本不出油不脫皮，在特別乾燥的時間天天用，其他時間兩三天才用一次。但到天氣乾燥或寒冷的地方出差旅行一定會帶它，不會出錯的一款。 質感：cream狀，油潤感但不黏沒有膜感，需要時間按摩吸收。使用感受：氣味就是媽媽味，有一種90年代化妝品味道，似梨牌護手霜淡味版，個人覺得有安心的感覺。🤣 皮膚吸收後感覺柔軟滋潤，彈性會提升。試過給從不護膚的男性用，他整日不斷摸著自己臉頰說：好彈！ 較滋潤，偏油皮膚要小心用量，偏乾皮膚全年適用。

Kpl6be6好用推薦：喺韓國帶番嚟嘅試用裝～質地濃稠但易推匀～氣味幾有高級感～而且滋潤得嚟唔算笠痴痴～搽上即時有睇得出嘅光澤感～

JL好用推薦：秘貼自生精華確實是名符其實的最強回購精華之一！一直覺得韓國資深品牌的護膚品得滋潤，未必適合香港偏濕偏暖的氣候使用，但這瓶秘貼精華令我完全改觀。 這精華的質地偏濃稠，塗抹在臉上出奇地順滑好推，我習慣稍為塗勻精華後搓暖雙手，再用指骨沿輪廓線做拉提動作，最後用雙手輕按全臉幫助吸收。用後毛孔變得細緻緊實，肌膚更有彈力，對步入熟齡肌的我很有幫助！

KAMMM好用推薦：好開心今次可以試用Helena Rubinstein嘅REPLASTY修復眼霜及REPLASTY修復晚霜，佢哋就係大名鼎鼎嘅黑繃帶晚霜同埋黑繃帶眼霜 呢度左邊係眼霜，右邊係晚霜，可以睇到眼霜嘅質地比較水潤易推開，晚霜會比較厚實少少  黑繃帶晚霜有市面上最高濃度嘅30%專利玻色因，玻色因係溫和而有效嘅抗老成份，所以敏感肌都可以安心使用👍🏻 除咗抗老功效，黑繃帶晚霜裏面仲有透明質酸為皮膚強效補水，甘草酸嘅抗炎成份，有修復屏障，抑制泛紅同埋紓緩肌膚炎症嘅作用。 而黑繃帶眼霜同晚霜一樣有30%高濃度專利玻色因，講到補濕方面，佢係加入咗4重透明質酸、積雪草萃取物及維他命原B5。 其實喺今次試用活動之前我之前已經有用過黑繃帶晚霜，對乾肌嘅我嚟講係唔夠補濕，今次一於試吓用啲滋潤少少嘅精華打底，再比多次機會佢🤣 今次經過大約兩星期嘅試用後，覺得黑繃帶面霜可能真係唔係咁適合乾肌使用🥲就算加咗精華打底效果都係差唔多。雖然乾肌無緣使用，但係聽講好多油痘肌嘅朋友用完feedback都好好，希望品牌方可以考慮吓推出一個滋潤版for乾肌嘅朋友啦🤣 喺另一方面，黑繃帶眼霜竟然令我有驚喜🥹👍🏻喺佢新推出嘅

DorDor好用推薦：今次收到@cosme 送的試用品Helena Rubinstein 很開心，Replasty 修復眼霜和晚霜果然很好用。 一收到試用品就即刻打開睇吓 眼霜和晚霜的質地creamy 少少，但潤而不油，有上提拉，中撫平，下緊緻的功能。 這2星期每天晚上都用適當份量眼霜係雙手之間輕輕加熱，從內眼角到外眼角同時輕輕塗抹係雙眼，然後向上按到眉骨，然後從內眼角順著按摩到太陽穴。 晚霜係手心暖和激活，由額頭開始向下，輕按面部和頸部，從左到右全面按壓，包裏肌膚於，係雙頰及額頭揉壓。 我還特意勤力地用了家中的Thermage 機，效果比平時更好。 真係令到眼紋，法令紋少了，而且皮膚更緊致飽滿有彈性。 Before 2星期後

lingbb好用推薦：呢罐面霜需要我大力表揚佢拯救過我爛面！用過修復能力最強既面霜！ - 先說說包裝：拆箱時真的很驚喜，瓶身設計好特別 拎上手有重量有手感，高級嘅玻璃黑，好靚！ - 打開更是驚喜，裡面嘅乳霜一圈圈，好似酒店嘅一圈圈牛油，係好高級嘅感覺，佢附送一個黑色嘅羹 - 質地偏凝固，唔係水乳，需要係手心稍微乳化一下，就會有豐厚creamy軟軟嘅質感（有啲似牛油）香味好淡唔濃既armani香， - 我皮膚本身無太大問題，額頭忽然長咗幾粒好怪好乾既痘，塗任何護膚品痘位置都好乾，上粉非常浮粉，從未試過見到自己額頭係咁😌 - 直到茶咗再生乳，主打「復活草」成份，主張12小時便能重生，對乾肌膚特別有效果 - 我用咗五日左右，額頭嘅怪痘慢慢消失，還原返我本來既皮膚質感😭好感動 - 價錢真心係好貴，但用過返唔到轉頭，用哂都會再買！ - 呢罐面霜平時用既效果唔會好突出，但當面臨爛皮膚，佢真係做到「重新」 既效果 - 推薦俾面臨緊爛面嘅你，一定要bookmark! - 再生乳仲有輕盈版，實在太貼心，總有一款岩你！

brenda好用推薦：sogo感謝祭入手的，圖片是買正裝送的15ml 試用裝， 這款黑面霜我是睇美妝達人推薦，主打修復力很強的一款面霜，成份有非洲復活草的複合物，可以令肌膚更緊緻，更光澤 用後感：首先質地很絲滑，取小量在手心乳化後輕按面部待吸收，明顯用完後面部有光澤，但不油，我試過面有輕微敏感用後過一會敏感的位置已沒泛紅，修復力真的很強,味道是我喜歡的，很舒服，我平常會配他同系列的再生綠鑽精華用，會另各方面效果更顯著 面霜包裝真的很高級，黑色底盒，配黑色玻璃樽面霜， 要提一下，面霜用完只要買他的補充裝，不用掉盒，這樣會慳幾百元的

Tachoi好用推薦：透明的支裝設計可清楚見到精華的份量，精華質地呈透明流質液體狀，很清爽水潤，最重要是不黏膩，輕輕推開就能滲透至肌底。 用咗呢隻精華之後發覺都幾清爽，而且戴住口罩都唔會覺得好悶焗，用面油紙印都唔油唔黐吖。 右面搽上精華後，明顯地很水潤飽滿；與左面相比肌膚較乾，而且膚色較黯黑，用咗一個星期後跟發現秒速提升水潤光澤感，功效全面好用，而且水潤清爽而不黏笠，很適合現在那麼濕熱的夏日使用，性價比這麼高的精華一定要推薦大家使用！

Ming好用推薦：L’Oréal 呢支新嘅花蜜精華液，估唔到效果令人滿意，早晚洗完面後化妝前搽，搽上皮膚都算好吸收，精華質地唔會太杰身，唔會太稀，這款精華可以日日用，令到皮膚keep住水潤保濕。可以補充再生肌膚膠原，用完一支後皮膚明顯感覺更有彈性，會繼續用第二支。

Noel好用推薦：肌研產品，相信不少港女會用作護膚入門品牌，價格相宜，品質有保證，更是日本製造❗購物時獲得了肌研新產品：糀潤系列▪︎肌研糀潤雪凝霜✔ 這個系列挺值得推介，因為產品都不添加香料、色素、礦物油，可以安心選用❗雪凝霜呈白色，沒有流動性，帶點糊狀，質感比較少見。雖然質地比較厚，但是也不難推開，不需要特別 warm up 就可以均勻地塗到全面👍 用了一星期左右，滋潤感覺很好，沒有刺激或敏感，乾肌朋友不妨試試！ #火熱新品

橘子貓好用推薦：商店購物滿額的贈品。 雪凝霜質地有點像慕絲乳霜，摸着輕盈又帶水潤感，我好喜歡它彈手的質感，每次取用都忍不住輕輕按幾下。 現在三月乍暖還寒的天氣，很適合兩頰偏乾的我用作早上的面霜，抹後皮膚即時變得柔軟。保濕之餘，後續上妝也不會起屑或有負擔感。膚感很好，相信香港天氣變暖也很適合用作晚霜。 面霜當中主要保濕成分有角鯊烷、水解大米蛋白，以及大米中提取的維他命、氨基酸、礦物質等，亦都不添加香料、色素，整體配方溫和，就算有酒精添加量也很微量，可以安心使用。 #火熱新品 #BA照

Sssue317好用推薦： - 質地：輕盈水潤 - 味道：帶有香料味道 - 包裝：硬身塑料 因為工作關係經常捱夜，捱夜後的皮膚也會較為蠟黃。同時一直也很在意淚溝和法令紋，尤其過了25歲之後，感覺皮膚比以前變得更乾燥，皺紋又會更加明顯，所以也開始注重抗老。 這次使用了LUMINOUS 630 雙效淡斑抗皺精華，也有記錄下使用的前後對比（如圖）。最明顯的分別是皮膚變得更均勻透亮，本身我下巴的位置膚色較為暗沉，用後整張臉的膚色更平均。 另外，看到自己的一些細紋有減淡了，當然也沒有完全去除，但是以短時間來講的效果我也很滿意。 而且很喜歡他一抹化水的質地，塗上後很快吸收，不會有黏笠的感覺。 不過它也有一點香料的味道，所以敏感肌的朋友也要在塗上臉上之前，建議還是要在耳背測試一下是否會敏感。不過我不是比較敏感的皮膚，所以用起上來也沒有任何的問題。 也有一點是我覺得瓶蓋很難開，冇辦法單手開瓶

Sccan好用推薦：首先感謝@cosme 的邀請試用， 第三次抽中依款新推出嘅NIVEA LUMINOUS 630 雙效淡斑精華正裝30ml。 我屬於混合敏感肌，膚色不均勻易泛紅，有雀斑及痘印因缺水毛孔粗大易出油。 質地：比較稠身乳霜狀，唔算易推開，但不油膩有水感。 效果：輕微淡斑，平撫毛孔及細紋，非常保濕滋潤，減輕泛紅令皮膚更有彈性更緊緻。 缺點： 化學香味較濃，雖然唔刺鼻但唔係個個接受到。 用後感：比以往嘅Nivea 嘅廉價感，今次依個包裝較高級感精緻，拎上手比較重但手感十足，啲唧頭好細好方便控制想要嘅份量，用量唔大，建議少少咁撳出黎。雖然建議話試20天，但收到通知提示截止要交，由我收到試用裝開始試用左10天都先報告下情況。無濾鏡同一光度下影相，見到眼下雀斑淡左少少，膚色均勻左少左泛紅，毛孔都細左啲，虎紋位都提升左，整體感覺平滑緊緻左。 總結：很推薦！ 雖然依款其實似面霜多過精華，以為會無感，但估唔到效果會咁好！

candyiu好用推薦：好開心今次@cosme 有SkinCeuticals既試用機會！ 想試呢枝濃縮維他命 C E Ferulic 精華好耐好耐，但因為佢都要$1580 30ml,所以都會有啲顧慮。 官方話進行激光療程前2星期使用#CE抗氧精華可鞏固皮膚基底，增強療程間耐受性。但未去到做激光療程之前，我都已經感受到佢既效果。雖然試用裝得4ml好似好少咁，但足夠對日日朝早搽全面，我係無慳住用，成個星期過去都仲有大半～ 佢既流動性好好，好易比皮膚吸收，係會有少少味，但好快散走，不過因為有維他命C,所以搽完一排我個手指頭都黃左😹所以大家搽完記得即刻洗手先 官方比出臨床測試證實使用 12 星期後，有效逆轉 8 大衰老跡象3： ✓ 減退皺紋 -36.0% ✓ 提升肌膚緊緻度 +37.4% ✓ 提升肌膚彈性 +36.6% ✓ 均勻膚色 +45.1% ✓ 提升肌膚光澤 +44.8% ✓ 淡化色素沈澱 -39.5% ✓ 改善膚質 -43.2% ✓ 提升整體外觀 +44.6% 咁啱試用期間未需要做激光療程，所以希望之後可以補番比大家知做完再用佢係咪可以加快修復期。 再黎用後感，毛孔雖然未見好明顯收細，但膚質係好左平滑左，

Kay Lee好用推薦：多謝@cosme既試用活動，令我有機會認識SKIN CEUTICALS呢個品牌。 上網search先知係一個護膚科研品牌，致力研究預防皮膚老化。 而今次試用既產品係濃縮維他命C E Ferulic精華，標示”最佳LASER 伙伴，刺激膠原增生”，非常吸引。 收到當晚立即試用，精華係水狀質地，好易推開同快吸收，坦白講，味道稱唔上香，但不至於難聞，可接受。 前日做完facial後用，感覺比之前泛紅少左，皮膚復完期快左，會keep 住用。

Maggie Wong好用推薦：面膜的精華液非常充足，質地水潤不黏笠，敷15分鐘後面部保濕程度明顯提升（本人T位容易乾到出油） 與一般面膜有相同問題，面膜很難原全與面型貼合，鼻翼位置面積相對較小，如能改善面膜形狀設計會更好

Cici Wong好用推薦：平時都有用開呢個牌子嘅乳液，見到好多人都推介佢面膜好用，所以去日本旅行特登買返來試吓。 我本身係敏感乾性肌膚，佢呢個牌子標榜敏感肌都啱用，果然試咗之後完全冇敏感或者刺激嘅感覺，敏感肌嘅朋友可以安心使用。佢好保濕滋潤，特別適合冬天乾燥嘅時候用。 我會洗完面之後，敷15至20分鐘，敷完之後塊面感覺好水潤同柔軟。佢面膜有好多精華，但唔會滴到周圍都係，都算幾貼面。雖然價錢唔平，不過質素唔錯嘅

Karman28好用推薦：唔錯既cream，比較滋潤，適合冬天使用。使用後，面部皮膚唔會乾燥甩皮。

Moxestse好用推薦：質地好輕盈，清爽唔黏笠，一年四季都適合用，夠保濕滋潤，味道好好聞！

Cpyg5好用推薦：多謝 @cosme 邀請試用DECORTÉ AQ 極萃光采亮白系列，今次有化妝水，乳液同埋晚霜既7日試用裝，我一包分早晚用，7日就淨係用佢地護膚～ 晚霜： -質地夠潤得來唔會太笠太有存在感 -容易推開，感覺冬天或者開冷氣既夏天使用都會好舒服 -花香好好聞 -第二朝起身有見到提亮效果 下面係全系列使用7日既效果～ （前星期嘴唇邊既暗瘡終於謝左TὢT 留左個好深既痘印) 成個系列都易吸收易推開，同一個香味用得好舒服～使用左7日後，個痘印我覺得都明顯淡左，可見美白同提亮效果不錯，至於改變膚色可能要再用耐d先會有變化～另外小小缺點係單用依個系列保濕可能唔太夠，要配合埋其他保濕護膚品～ 推薦～

Meow好用推薦：首先好多謝cosme邀請我試用DECORTÉ既產品，今次亦都係我第一次使用呢個牌子既產品。 今次試用既產品分別係： 1）AQ極萃光釆亮白化妝水 2）AQ極萃光釆亮白乳液 3）AQ極萃光釆亮白乳霜 呢三款產品係全新既光釆亮白系列，結合畫再新醫療同埋神經科學，成份包括咗硫酸軟骨素，複方成分嘅sp復合物同埋flex fusion olein capsule，能夠修復真皮損傷，抑制黑色素生成，從而令到美白精華可以高效滲透到肌膚底層。 首先三款產品都有一陣好好聞嘅味道，使用嘅次序係先用乳液再用化妝水，最後用乳霜，有別於市面上一般嘅護膚程序。 AQ極萃光釆亮白化妝水質地比較水狀，十分清爽，查上面之後肌膚會感覺到水潤有彈性。 AQ極萃光釆亮白乳液同AQ極萃光釆亮白乳霜既質地既黏稠度較適中，唔算十分清爽比較適合春秋時節用，夏天可能會有少少苙，但喺冷氣房入面就唔會覺得乾，不過查上面之後會feel到肌膚好彈好嫩，可能係加咗軟骨素成分所以會令到肌膚感到好細嫩。 三款嘅產品喺夜晚搽完，再開冷氣吹一晚皮膚都唔會覺得乾，而第二日早上起身亦都會感覺到皮膚有光澤同透亮感。 但因為試用裝太少，未能真正體現到美白效果。

Ressie14好用推薦：在眾多護膚品之中，面膜是我最懶而又最少使用的一項單品。想介紹呢隻面膜吸引我持續使用，最大原因係方便度極高！ 我買既係盒裝共32片容量， 每一片都有足夠精華量，唔會過多而滴走； 面膜就係平時最basic我會敷約10分鐘後除走，臉蛋肌膚即時軟化，毛孔收細有彈性！ 面膜之精華液呈乳白透明色，無香料成分，純高度保濕；棉質面膜紙不過不失，有效抓住精華液。由於我在會敷面膜後再疊加面霜封鎖水份，所以此面膜在功效方面穩穩妥妥地合格了；加上佢性價比高，32片我買約$120港幣，真係唔使慳住護膚放心一張一張用落去。 總結：性價比高，方便度極高，功能合格兼滿意，係我強力推介俾各位網友嘅面膜產品。

Giselle 好用推薦：Lululun Precious濃潤補濕化妝水面膜 moist *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前見到有特價嗰陣入手咗( ⸝⸝•ᴗ•⸝⸝ )੭⁾⁾呢款嘅保濕力比一般嘅粉紅色包裝更加好用"(⌯︎¤̴̶̷̀ω¤̴̶̷́)✧︎敷完之後係真係覺得皮膚係有被滋潤嘅感覺(✿︎´ ꒳ ` )♡︎而且嗰個保濕嘅效果更加持久⸜( ´ ꒳ ` )⸝雖然係比一般嘅更加貴( ˙༥˙ )但係我覺得好值得大家入手( ˘͈ ᵕ ˘͈ )

lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。

Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天

Kura好用推薦：CANVAS玫瑰滋潤補濕睡眠面膜 用完令到皮膚容光煥發嘅一款滋潤面膜，味道超香玫瑰味，質地好容易搽上臉，我唔會敷過夜，通常厚20至40分鐘就會洗走，但已經吸收曬，同埋呢款面膜好容易清洗，後續發現塊臉會提亮變白咗小小，我有keep住每日用，皮膚都有改善，價錢個人感覺偏貴小小，不過值得乾性肌膚再回購，我都會再回購，因為好鍾意佢嘅玫瑰香味，同埋夏天用真係好正 #夏日必備保養

zetalhc好用推薦：作為overnight nask使用非常保濕同埋我個人覺得第二朝油光都少左，平衡左油脂分泌。介紹有話呢個產品可以促進膠原蛋白再生，但效果暫時未見。另外味道都好香好清新，會再回購！

橘子貓好用推薦：TTM的面膜我一向很喜歡，早年去台灣旅行還會特地去買（當時香港還沒有)。現在幸運被抽中試用，可以更新一下我的使用心得！ 簡單來說，生物纖維面膜（以下簡稱生纖面膜）組成基底是細菌纖維素，有別於一般傳統膜布的片裝面膜，它是類似用於燒燙傷口的皮膚敷料，能很好跟人體皮膚貼合，形成一個獨立的封閉空間。當面膜被體溫加熱，精華能更有效被皮膚吸收。 基於生纖面膜的特點，比起敷一般布面膜需要更多時間。最好在洗澡後毛孔張開，臉頰還濕潤的時候敷上，敷25-30分鐘，最能體會其好處。 TTM的生纖面膜是我用過眾多之中，數一數二的好，甚至比許多歐美大品牌都好用。 第一，面膜厚度及柔軟度剛好。上臉貼服，只要不做大表情，不太會移位；第二，精華濕潤度足夠。有些生纖面膜偏乾，就算我先用精液打底去敷，都有種敷完好像沒敷的感覺。但TTM的，敷完揭開膜紙那下，雖然沒有一般布面膜般即時水潤感，當過完水，會摸到皮膚潤潤滑滑的，感覺想精華已經被皮膚吸收到底層，而不是洗完臉就把精華洗掉了般。 黑蜂蜜這款是我在三款之中沒有購入的，用了Cosme送來的試用後有點後悔（笑）。敷上臉時就聞到一股淡淡天然蜂蜜甜味，精華液跟其他兩款不同

二階堂優希好用推薦：好榮幸今次抽中提提研嘅試用活動! 我收到三款唔同嘅面膜,分別係「TTM 保濕金箔黑面膜」、「TTM珍稀原萃-黑蜂蜜活源新肌生物纖維面膜」同埋「TTM珍稀原萃-永生苔瞬活修復生物纖維面膜」 收到當晚我就開左黑蜂蜜活源新肌生物纖維面膜黎用,睇番介紹寫佢有強化肌膚屏障,延緩肌膚老化仲有減少皮脂生成嘅功效,都幾令人心動 打開包裝見到入面係幾厚一疊野,拎出黎先知原來係有兩張方形網上下咁夾住塊面膜,第一次見到咁嘅包裝感覺幾新奇 拎開兩張網之後中間就係主角黑蜂蜜活源新肌生物纖維面膜喇,佢係好似蒟蒻質地嘅膜布,滑捋捋嘅手感有少少難拎住,第二次敷嘅時候我就其中一層網同面膜一齊撻上面再撕走張網,咁樣會易d敷上面 面膜上面感覺會有少少向下跌,主要係嘴附近嘅位,但唔會覺得焗住塊面,有少少冰冰涼涼嘅感覺 敷完唔會覺得黏,唔洗過水都好清爽,同埋即時係感覺塊面水潤左毛孔細左,其他效果暫時未感受到可能要敷多幾塊先feel到 整體上,佢敷完唔黏好水潤,除左上面之後有會少少下向跌之外冇咩缺點,我覺得呢款面膜係值得大家一試嘅

A&R好用推薦：AHC黃金面膜，一拎起上手好似有啲重量，因為有三層，最抵貼皮膚嗰層係平時絲滑嘅面膜，中間有一層此純粹係吸收多啲精華，第三層即係最表面嗰層係金箔面膜，防止精華流失。其實作用不大，不過係有啲噱頭，敷上面屋企人見到都會覺得好好笑，面膜嘅保濕效果都幾好，敷完面皮膚似係美白咗少少，毛孔都有收細一點，有些少緊致的感覺。敷完面膜之後一個鐘好似又打回原形。

維他他好用推薦：AHC呢隻premium mask真係金色架喎，面膜分上下兩部分，我痴完下面再痴上面，佢一開有3層，我有一下傻傻分不清究竟要敷邊張haha，呢隻mask 保濕力好強，敷完18分鐘仲有好多精華係面到，我會按摩等佢吸收得好d，敷完真係好舒服，皮膚飲飽哂水，滿足! (Ps, 佢仲有銀色的，係lifting, 但呢到冇得寫😛）