Karman28好用推薦：好耐之前就開始用，用到包裝都變左幾次。好岩敏感肌用，無致敏，仲幾補濕。

cchristy好用推薦：用開Laneige既爽膚水，想轉下其他牌子試下，見肌研好多廣告都見到，就試下，平時都係用開清爽型既水，肌研呢款比較水，一上面就吸收曬，所以唔會有好潤既感覺，不過個人感覺幾好，唔太中意揸完仲好濕，有油光既水潤感，所以呢款幾啱我，亦唔會敏感，遲啲再試埋肌研既其他產品先。 #秋冬愛用美妝

mandy好用推薦：Etude House Wonder Pore Freshner $120/250ml；$170/500ml 功效: 收毛孔+水油平衡 Sample 為購物贈品。 Wonder Pore Freshner 是含有酒精成分的機能性爽膚水，類似Clinique 家的溫和潔膚水， 專為毛孔粗大的油性肌而設。 因為含少量酒精的爽膚水有助清潔毛孔、收毛孔及殺菌， 適合油性肌使用。 混合肌可以只在T字位(出油部位)使用Wonder Pore Freshner。 Wonder Pore Freshner添加了鎮靜消炎成分， 可能因此我使用後肌膚沒有感到不適。 敏感肌請注意小心使用，避免敏感。 大家也可以1週只使用1-2次Wonder Pore Freshner， 減少酒精對肌膚的刺激。 質地水感清爽，保濕力不錯，可減少油脂、清潔毛孔髒污及收毛孔，可以集中用在毛孔粗大的位置。 價位便宜，性價比高，推介油性肌的sis使用。 含保濕成分: 丁二醇，甘油，甜菜鹼，乙基己基甘油，甘蔗 及 玻尿酸鈉 抗衰老成分: 甘油，銀杏葉萃取，歐洲越桔果萃取，玻尿酸鈉，糖槭萃取 及 維他命E 肌膚修復成分

Cosmeemee好用推薦：我記得佢呢個系列仲有支黑色 呢支就比較保濕， 但如果好似我咁係混合性偏光皮膚， 用落都會有少少乾… 但佢始終係收毛孔嘅產品 而黑色嗰支仲要係標榜為清潔用嘅， 所以乾少少都好正常🤣 所以我用佢嘅時候會配搭返啲保濕嘅產品💧

皮皮爱马桶好用推薦：这个水有一定粘稠度，倒出呈乳白状，流动性尚可。瓶口的设计非常使用友好，可以按滴数来挤。虽然是旅行装的包装，但是有整整40毫升，长途旅行也完全够用，而且携带方便。 上脸比较清爽，有豆乳的香味很好闻。即使在夏天也很快能吸收，后续上眼霜、乳液、防晒等也完全不会搓泥，用来打底妆也很服帖。 即使晚上用水清洗也不会觉得黏黏的有残留感，总体来说夏季很推荐用这款水。

takemyokane好用推薦：聖誕月曆的其中一款產品，看名字是 Ultra 就在冬季試試。倒出來是白色乳狀，以為質地很濃稠，上臉比想像中清爽易推很多，吸收很快，沒有香味也很溫和。

Rin好用推薦：價錢喺專門店嚟講算一般正常啦 以佢嘅清潔力確實係比較強嘅，而且有好大嘅酒精味 有時覺得塊面唔係好乾淨嘅時候，都會用佢再做一個二次清潔 不過因為佢有酒精嘅關係，唔可以濕敷 亦都唔會成日用佢 始終嘅皮膚成日用會用對左薄左

mandy好用推薦：Clinique Clarifying Lotion Twice A Day 2 溫和潔膚水2號 $205/ 200ml; $330/ 400ml 功效: 溫和去角質 + 改善黯沉、毛孔粗大、細紋 溫和潔膚水2號為混合性偏乾肌膚而設， 主要訴求是去角質，可令肌膚更潔淨亮白及短暫收毛孔。 溫和潔膚水2號的質地比較清爽，非常好推開。 使用時，溫和潔膚水2號只需輕抹用在T字位及下巴， 已可溫和去角質。用後可減少黑頭，並深入潔淨毛孔， 使肌膚更透亮，毛孔即時短暫變小。 注意: 含酒精(Alcohol Denat.) 及薄荷醇(Menthol)，有可能致敏。 雖然添加了鎮靜消炎成分，還是提醒敏感肌們請小心使用。 含保濕成分                : 甘油, 乙醯葡萄糖氨, 玻尿酸鈉, 海藻醣 及 丁二醇 抗衰老成分                : 甘油 及 玻尿酸鈉 肌膚修復成分            : 甘油 抗氧化成分                : 金縷梅, 乙醯葡萄糖氨, 玻尿酸鈉 及 海藻醣 鎮靜消炎成分            : 金

dor.r好用推薦：呢支皇后水聲稱可以緊緻毛孔、去黃同保濕，仲可以定妝！淨係聽到收毛孔已經好想試😆首先佢面頭有一層薄薄嘅精油，噴之前要搖勻，噴霧都幾均勻細緻，有清淡嘅玫瑰同少少薄荷香味，噴上面嗰下幾冰涼幾舒服，不過跟住就嚟料喇🙈🙈🙈 幾秒之後就feel到唔對路，塊面冰涼得好過份，而且眼周皮膚好乸！好攻眼！好刺鼻！感覺就好似搽咗白花油喺眼邊咁😭😭😭跟住我眼水鼻水直出，立即衝去洗面，但係用咗兩次洗面泡都洗唔走啲「涼爽」嘅感覺，不過稍為好少少冇再標眼水，但塊面都係keep住咁「涼」，大約10分鐘後感覺先慢慢減退…我一向都唔係敏感皮膚，好少會對護膚品有咁大反應🙈唔知有冇人用過都有同樣感覺呢🤔可唔可以分享下🫶🏻 其實撇除咗佢乸眼嘅感覺，呢支噴霧保濕效果都算唔錯，可能有精油成份噴完皮膚好滑溜好水潤💧至於收毛孔同去黃功效我就冇辦法試到喇🥹因為真係太刺激用唔到，不過夏天用來噴身應該會幾舒服😅

mssylviaa好用推薦：一開始係俾呢枝皇后水嘅漸變色樽吸引，聽完店員推介話呢枝係明星產品，係爽膚水融合天然精油，補濕之餘多一份護膚功效，份外鎖水，我就買咗一枝放公司枱頭。 爽膚水最面有一層薄薄精油，用前要先搖勻，隔30cm左右嘅距離噴於面上。噴出嚟嘅水霧比同牌子另一枝補濕噴霧，相對再微細啲。噴時有涼涼的舒適感，味道都好好聞，份外醒神。噴完好快就吸收晒，立即覺得乾到繃緊嘅皮膚得到舒緩。 不過我只係用嚟做office嘅補濕，如果用作洗完面嘅toner，補濕力未必足夠～

Ressie14好用推薦： 今次試用Lancôme 溫和保濕水，呢隻化妝水出咗好多年，人稱「粉水」，佢質地半濃稠啦，都有流動性的，有少少香味，呈淡淡的粉紅色。 呢兩支溫和保濕水係喺專櫃買正裝嘅贈品之一，一送就送咗兩支50 mL，相繼有成100 mL，所以完全唔心痛咁使用！ 值得一提係，呢隻溫和保濕水有好多翻版！！！所以各位美女入手時要小心產品來源！Lancôme呢個品牌勝在出手闊綽，只要你喺專門店買產品，多數有sample送，到時真係試啱先買正裝都唔遲。翻查過呢件產品嘅資料，佢保濕能力極佳，有時我鼻尖嘅毛孔比較粗大（可能係水份流失、保濕力不夠）我會用溫和保濕水於潔面後濕敷鼻尖；肌膚即刻被之用，毛孔變細，有潤達，保濕力真係無暇可止～ 另外日常使用時我會用化妝棉輕輕擦上臉蛋，然後輕輕用手掌按開，整塊面都容易吸收，亦沒有殘餘的黏笠感覺。 所以呢隻溫和保濕水我會用喺濕敷+閒時替換吓，主要嚟講我都係用緊YSL保濕產品。

Clovercc好用推薦：首次使用，之前有朋友都讚好用。這支俗稱是「粉水」，大大支，日間通常會倒在海綿抹面清潔，晚間會直接倒在手心，用手按壓入皮膚。覺得清爽、滲透快、不黏笠，最最最重要是抹到接近眼睛位置，都完全不會澀眼🥹十分重要，令我不用避開眼周，真的是全臉使用。現在還有好大支，未知會否回購😆🍀

Carcar好用推薦：真的要感謝@cosme 抽中試用Sofina Ip新產品❤️ 升級土台美容液（肌底碳酸慕絲精華）同角質層修護凝露 ❤️🫶🏻 喺最乾，乾到塊面感覺就來裂開既時候，收到土台美容液，真係好感動🥹🥹我係混合性偏乾皮膚，T字出油2面勁乾，每日沖完涼要即刻搽面，慢d都唔得，訓醒覺仲滿面油光。去做facial每次都會話我嚴重缺水😅但自從用左升級土台美容液同角質層修護凝露之後，皮膚真係好左10倍！沖完涼搽左呢兩樣之後，感覺已經充滿水份，唔會繃緊，只搽多個cream就得！👍🏻 可省略好多其他護膚品。計返CP值好高！一定會回購！！！！！！！！！ 睇下我既前後對比照，用之前皮膚嚴重缺水、粗糙、乾燥、泛紅。用後紋理、毛孔粗大、粗糙、泛紅、乾燥等各種肌膚問題都大大改善☺️角質層修護凝露著重為皮膚提供「結構保濕」，將角質層細胞修護為可以貯水的結構，為角質層細胞注滿源源滋潤，同時修護受損的肌膚層狀結構，恢復角質層細胞貯水功能🤩🤩 質地水潤但清爽，吸引快。即使天氣乾燥，我塊面全日都可keep住滋潤。就算潮濕個幾日，日頭唔用土台美容液，我都冇再滿面油光。上粉底超級貼面👍🏻👍🏻讚！

🌸好用推薦：多謝@cosme 抽中我使用 iP嘅兩款新產品：土台美容液同埋角質層修護凝露。 最近天氣極度乾燥，對於本身係乾敏肌嘅我嚟講，呢種天氣無疑係雪上加霜。我嘅工作需要捱夜同輪班，工作壓力又大，令到皮膚暗沉無光，毛孔粗大，泛紅過敏。呢個係我使用產品前嘅肌膚狀態： 我根據返使用建議，每日早晚洗面之後同土台美容液後，使用角質層修護凝露，取約直徑2.5cm搽上面輕輕按壓，再根據返指示進行面部按摩。 睇返資料，原來角質層修護凝露同一般嘅化妝水好唔同，角質層修護凝露用「結構保濕」，能夠將角質層細胞修護成為可貯水嘅結構，令到水份可以鎖住喺肌膚入面。結合咗角質層細胞護理同埋細胞間脂質護理，幫助修護受損嘅角質層，恢復返角質層細胞可以貯水嘅能力，從而達到持久保濕嘅功效。 呢個係使用兩日後嘅效果： 雖然仲有少量暗粒，但乾敏泛紅已得到大力改善，暗啞嘅膚色亦稍為提亮咗少少。 以下係使用兩星期後： 膚色變得更有光澤，毛孔比未之前更緊緻，暗粒同敏感得到改善。 以下係使用三星期後： 肌膚狀態愈嚟愈好，完全冇缺水、乾敏、泛紅，乾紋消失，肌膚嘅紋理、暗沉、粗糙同鬆弛嘅問題都解決晒！肌膚更緊緻及有彈性，肌膚

SzeChan好用推薦：感謝@cosme 抽中成為試用嘅一份子。今次試用嘅係全新升級版極致勻淨科研亮肌精華水同埋升級版勻淨科研亮白淡斑雙效精華。就等我呢位試用專員用7日有咩feedback喇。 🧴 【產品介紹】 全新升級版極致勻淨科研亮肌精華水 💰HK$410/175ml 精華水提供亮白保濕潤澤效果，醫學級亮白成分可提升肌膚光澤及亮白度；讓肌膚透、亮、淨、白！ 升級版勻淨科研亮白淡斑雙效精華 💰HK$520/30ml; HK$810/50ml; HK$1,290/100ml 以雙倍專利醫學級淡斑成份 CL302－提亮去斑 + 減淡色素痘印，效果媲美專業醫學級療程 ; 配合日本玉露萃取及 米糠萃取成分，修護肌膚屏障，預防皮膚炎症，防護肌膚免受遊離基侵害, 由源頭阻止黑色素形成，預防未來的色 斑形成。7 日開始見證膚色提亮，透出 4C 鑽光。 🌸Care – 安全配方不刺激，水漾亮澤、修護屏障，用後皮膚水嫩保濕 🌸Color – 溫和去除表皮老化角質，亮白淨肌，膚色均勻度、明亮度顯著提升 🌸Clarity - 深入擊散黑色素，減淡色斑痘印，肌膚回復透亮細緻 🌸Cut – 直達源頭阻截黑色素產生，舒炎抗氧，預防色

karuhi好用推薦：好多謝被@cosme抽中試用CLINIQUE既升級版勻淨科研補濕亮肌精華水 . 精華水係主打保濕、淡斑、提亮同高效抗氧、舒緩鎮定抗炎, 含有專利醫學級既提亮成份CL302配方。同時@cosme提供升級版勻淨科研亮白淡斑雙效精華俾我一齊試用, 兩款產品一齊使用會可以將精華浸透至肌底既速度加快11倍, 倍大亮鑽效果。 . 升級版勻淨科研補濕亮肌精華水既瓶身係用白色同銀色既塑料外殼。我最鍾意既係佢既樽口設計, 係有少少突出黎, 唔似一段既平口設計, 佢唔會一下子就倒左好多精華水出黎, 容易控制份量同唔會流到周圍都係。精華水100%不含香料, 所以近乎沒有香味。質地好清爽, 吸收時間好快, 完全不黏膩。 我會將升級版勻淨科研補濕亮肌精華水先倒水約10蚊銀既份量於掌心, 再用雙手搓揉均勻再輕輕按壓上臉, 之後再係臉上輕拍等佢地稍為吸收, 之後就會立即用Laser淡斑去印精華大約1泵份量塗抹全臉, 好快就吸收完, 唔會黏笠。 . 使用7日之後覺得塊面既膚色有所提亮, 之前既暗黃有稍為改善, 肌膚亦都緊緻左, 保濕度就唔太夠, 不過因為而家天氣係比較濕氣重, 所以冇乜問題, 但如果係冬天既話

Hamiii好用推薦：夏天用既濕敷toner 妝前用一用 上妝更服貼 性價比高 如果皮膚無咩特別需求 用呢支都幾抵用

綺羅香好用推薦：日本旅行時發現所帶嘅護膚品量不足，臨時係便利店買，當時怕太滋潤，所以買咗清爽版，但我真係太低估日本乾燥嘅程度，清爽版係當地用時實在唔夠保濕，拎返嚟香港咁潮濕天氣用先啱啱好，唔會過笠

Chami好用推薦：多謝@cosme抽中試用 雪肌精首次進行升級既 **藥用雪肌精美白化妝水〈透亮精華版〉** 自從幾年前喺日本酒店用過雪肌精嘅sample，我已經入坑成為咗雪肌精嘅粉絲💓 但當時我用嘅係MYV系列，今次見到Cosme有試用機會，即刻報名希望體驗埋雪肌精藥用系列。根據產品簡介，今次升級版有甘草同和漢植物嘅萃取成份，擁有美白同保濕嘅雙重功能😍，抑制肌膚炎症嘅發生👍🏻 呢條line價錢雖然比較親民，但試用完發覺效果一樣冇得彈👍🏻 我成日都聽到人哋話呢款化妝水有好重酒精味，所以未用過之前都有啲卻步。但我自己試用時就聞唔到，搽上面都冇任何刺激敏感嘅反應。 化妝水倒出嚟嘅顏色呈奶白色，我嘅用法係：早晚洗完面後，倒落化妝棉全面抹一次，幫塊面做二次清潔。 即時試用感：化妝水質地好清爽唔黏笠！係有少少嘅味道但可接受👌🏻 美白效果就當然要啲時間去感受吓～ 當我試用完兩個禮拜禮拜之後，開始有好明顯嘅分別。 原本我嘅膚色係偏黃，加上毛孔粗大缺水，就算用好多護膚品都覺得吸收唔到，皮膚經常暗啞無光。 但係兩個禮拜之後，起身照鏡已經發覺自己有白淨咗少少，皮膚透亮咗，雖然毛孔都仲係比較明顯，但短短兩個禮拜有

EL好用推薦：多謝@cosme 邀請試用藥用雪肌精美白化妝水<透亮精華版>200ml 本身我皮膚係白底偏黃，一向都對美白有追求，以前曾經連續使用雪肌精美白化妝水一段時間，係明顯見到膚色明亮白淨左。由於有之前使用體驗，可以做個對比，普通版化妝水嘅顏色係透明，質地係水狀清稀，而呢款透亮精華版一倒出黎已經覺得係濃d嘅版本，顏色白好多，質地比普通版潤少少，味道2枝分別唔大，都係清香舒服嘅味，搽開好快吸收晒，潤而爽嘅感覺。手背搽完細紋微微減淡，手感柔軟。由於轉天氣嘅原因，近排面部係偏乾有皮屑，我開始用咗呢枝化妝水<透亮精華版>後，有明顯保濕平滑嘅效果，早晚持續用2個星期後，本身有啲暗瘡印同埋膚色不勻都褪左，成個tone明亮同透白左好多，我諗繼續用夏天黎到我都可以保持白淨嘅皮膚❤️如果大家都想見到明顯美白效果，呢枝真係大推👍🏻