YVES ROCHER

金蓮花亮肌防曬霜 SPF50+

賣點：提亮、減淡細紋 缺點：出汗/出油後出現防曬霜浮面、質地較難推勻 買咗呢支上半年推出嘅金蓮花亮肌防曬霜，佢配備充足嘅防曬度數，SPF50+/PA++++，見佢有亮肌功效，所以想一試。不過用咗一排，覺得好用程度一般，相同價位會有更好嘅防曬產品選擇。 首先佢嘅質地係比較厚重嘅cream狀，唔算容易推得均勻，搽幾下之後都仲係會有少少痕跡，需要仔細地慢慢推開先ok，搽完之後感覺有少少笠。另外，出去戶外一晝，塊面稍為出油/出汗之後，鼻頭位置見防曬霜有少少浮返出嚟，就好似啲防曬未推勻咁。 至於產品介紹所提及嘅優點：提亮同減淡細紋，就暫時未感受到。 #火熱新品