敏感肌 推薦好用產品

mandy好用推薦：CANVAS ROSE OTTO Multi-intensive HydraEssence Mask 玫瑰高效保濕精華面膜 $425/ 5pcs (after deducting $200 coupon from CANVAS+ $50 coupon from Sogo, paid $175 finally) 玫瑰高效保濕精華面膜是我挺喜歡的急救面膜， 但礙於貴婦價格實在不易入手，只能在特價時才入手。 玫瑰高效保濕精華面膜蘊含眾多護膚成分， 包括: 保濕/抗氧化/美白等成分。 功效: 保濕+提亮+緊緻 面膜厚薄適中，不易撕破，尺寸比我面型大少少。 注: BA建議敷面膜的時間可以延長至20-30分鐘， 因為面膜去到30分鐘都未變乾。 敷面膜時有面部正在收緊的感覺。 玫瑰高效保濕精華面膜精華量充足，保濕力非常好， 帶迷人玫瑰香味，令人心情很放鬆。 使用後肌膚水嫩動人，面部散發出美麗的自然光澤， 並能即時趕走暗啞倦容。 肌膚很乾燥暗啞時，一定要敷玫瑰高效保濕精華 面膜，馬上急救肌膚。此外，如果是重要日子前， 可以連敷面膜2-3天，加強急救效果。 含保濕成分: 甘油, 甜菜鹼

green好用推薦： 十分感謝@cosme Hong Kong邀請參與CANVAS 試用活動，今次試用既係玫瑰高效保濕精華面膜。本人都係第一次用呢款面膜，好期待。 面膜包裝簡約得黎又有風格，粉紅色既外觀，入面係一片片既包裝。打開面膜連保護既膠片，精華液都幾多，有淡淡既玫瑰香味，幾天然，敷上去面度都唔會有刺激，面膜設計都岩岩好，唔會過大，幾鍾意鼻翼位設計唔會過闊。 （如下圖） 我呢個星期大概用左3次，第一日用之前面部狀態咁岩係有啲敏感泛紅，敷完臉上泛紅既地方瞬間消失，仲有啲提亮，保濕度剛剛好，清水洗完唔會笠又唔繃緊，照日常護膚程序搽上面霜，第二日化妝仲好貼服👍👍。好岩成日化妝既朋友😊🫶🏻。 第三次用之前面都係有啲乾同敏感，有泛紅，敷上去感覺好舒服都幾鎮淨皮膚，感覺有舒緩作用，覺得都幾神奇，佢既功效真係對敏感肌友好，咁岩呢幾日皮膚不穩定嘅狀態之下有佢幫手，真係好感謝今次試用活動，令我可以體驗咁好既面膜產品🙏🏻🫶🏻！用完有機會都會買吓嚟用！

wandywsy好用推薦：多謝Cosme 俾我試用Maybelline全新Superstay系列嘅小紫瓶粉底液～呢個系列唔似其他Fit me系列咁有咁多款色可以揀，不過6隻顏色都偏向亞洲人膚色，仍都容易自己揀適合既色調。是次試用主要係用C20同N10為主。 自己之前覺得自己係用C20（偏自然和中性）， 試用後發現N10其實都啱用，視乎自己喜好想要自然定係偏白小小既效果。如果要出成日街，建議揀左偏白一度既，咁樣到夜晚粉底液氧化後皮膚都會睇起黎比較自然。 今次試用左成個星期，幾乎日日都係用呢個系列，呢款比我既感覺係「速乾」，用果時都建議擠係手上先再上面，咁就唔會係塊面度乾咗難抹開。有一講一，速乾既效果令到粉底液係皮膚上好快成膜，上妝後幾乎15秒都唔洗就成膜，呢點值得一讚～ 而遮暇程度達到七成左右，如果有暗瘡的話要上幾層或者額外加遮暇膏。 上妝實況： 即時用Superstay後可以見到皮膚平面係霧面，而鼻梁位置等有微光既感覺。 以下係上左妝一個鐘既皮膚狀態（下巴暗瘡印位置沒有額外加遮暇膏）以下係上妝後4-5小時嘅皮膚狀態，可以見到鼻翼兩邊有出位而遮暇效果開始減退，但整體而言成個妝仍然維持到輕薄，半霧面半光澤嘅

皮皮爱马桶好用推薦：在药妆店试了几款粉底液，这款相对滋润度较好而且价格友好，于是毫不犹豫就拿下。 挤出一些在手上可以看到流动性适中，很好推开。本人是混合性肌肤，夏天T区容易出油，这款上脸一点也不油腻，效果是雾面肌的效果，粉质也很细腻，完全不输大牌的效果，不过一天下来略微有点浮粉。 脸小且平时不怎么化妆的人一瓶甚至可以用一年，综合来说算是性价比很高的粉底液了。

Josephine Lau好用推薦：用來舒緩鎮靜，濕敷的效果不錯。 味道很好聞，個人很喜歡。 會一直回購

Celine好用推薦：入手這瓶是因為產品聲稱可以鎮靜泛紅，但我濕敷了幾次，覺得它即時退紅的效果並沒有很明顯。不過用了一段時間，皮膚的確變得比較穩定，泛紅狀況也有輕微改善，敏感肌可以考慮入手。 保濕度方面做得不錯。乾肌在冬天用，保濕度也能維持一段時間，不會很快蒸發掉，當然冬天還是要擦其他護膚品。它的質地十分水狀，吸收力很好，上臉不會黏笠，所以一年四季也可以用。而且除了保濕，每次擦完它我的皮膚都變得更有光澤。 個人很喜歡這系列的味道，但感覺不是每個人都會喜歡，而且它的味道算是比較強烈的，上臉前後也會聞得到，建議入手前到專櫃試試。

msthea好用推薦：網上好Hit 呢個日本面霜，見到香港都有得買，價錢又唔貴就買嚟試吓啦 不過就真係好失望嘅，而且要永久back list  面霜質地好水狀，諗住夏天用搽薄啲唔緊要 不過真係只有當下有補水嘅感覺，轉個頭已經feel到塊面又乾了 最大問題係用完之後狂爆瘡… 完全覺得自己係中咗伏，直頭唔可以再繼續用落去了以5⭐️為我嘅滿分 保濕度 感覺持久度 推薦度 冇打錯，係零呀，真係一粒⭐️都比唔落手🥹

Morgan Y好用推薦：【超好用face cream 第6+次空瓶】 自從我幾年前試完一次之後完全返唔到轉頭！！！中途有fd送過一set貴啲嘅牌子(L牌) 轉用過一輪 都唔及佢好 所以都係要返返去Curél嘅懷抱 回購再回購～ 因為我係普通中性偏少少乾嘅關係 的確一開始唔會被”intensive moisture care”呢幾個字吸引 覺得好似會好痴笠笠唔舒服咁 但試完其實真係好神奇 我啲皮膚冇試過咁開心飲飽水(尤其是之前轉過一輪 發現好大分別) 覺得用呢個後 1. 少左生暗瘡 暗粒 (包括個鼻嗰啲士多啤梨位) 2. 上妝係貼妝左 唔會出現浮粉嘅情況 3. In general皮膚好左 有光澤左 我習慣夜晚搽 第二朝起身 塊面好似冇嘢咁 係乾爽feel 證明個cream所有營養都吸曬入去～ 朝早因為化妝前唔鍾意有層嘢好似會加厚左咁(?) 所以唔鍾意搽cream 但會用返同系列嘅化妝水拍一拍塊面先 感覺好似會last耐啲～ 佢唔會話好厚身 所以秋冬天最乾燥嗰幾日未必夠做😂 但春夏天用就唔會好笠 所以for香港天氣係perfect 強烈建議🫶🏻

konrinn好用推薦：從@cosme拿到的試用品。 本身膚況係混合肌，t位出油勁，平時都係用開啲一百蚊內嘅防曬，今次nivea呢支講到有oil control對佢有啲期待。 因為收到試用係同同系列隻淡斑精華同時使用，所以都會對比下兩者嘅分別。 質地都係易推，但係冇精華咁易推。 搽咗上塊面度係會有一種少少嘅coating感，但唔會話覺得唔舒服。↑個人日常返工使用係洗臉後就先用同系列嘅精華，再用呢個防曬，之後就簡單咁遮暇同拍一拍定妝粉就出門。 經過一日office上下班返到屋企，都冇好笠嘅感覺，體感係有畀用之前少咗出油。 ↓有一日出去食飯，係上面呢個routine 以上化咗primer，粉底，面粉，定妝噴霧等，反而化咗全妝之後呢個product嘅控油效果冇咁明顯，經過一晚返到屋企t位出油都係有啲明顯，所以佢同化妝品嘅相性要再測試一下。 我自己覺得就咁呢個防曬再加粉餅個控油效果好過我化全妝嘅時候。 試用期間冇使用面膜或者其他嘅護膚防曬品。 同埋同系列嘅精華一齊使用係有睇到有淡班嘅效果嘅。總括嚟講呢個價位嘅開架品牌防曬，畀起差唔多價位主要多咗淡斑控油嘅效果。如果有呢個需求嘅話呢件產品係有效果嘅。 不過如果平時

Joanne好用推薦：NIVEA LUMINOUS630 雙效淡斑煥白抗曬修護日乳 SPF50 PA+++ 試用日期：16 Aug ~ 27 Aug 非常榮幸能夠參加今次試用 多謝@cosme提供 除咗美白淡斑，防曬都好緊要 而家嘅太陽實在太毒 一唔小心唔記得搽防曬就好易曬出斑 今次試用嘅產品有： LUMINOUS630 雙效淡斑透白精華 & LUMINOUS630 雙效淡斑煥白抗曬修護日乳 SPF50 PA+++ 講下個day cream先 本身已經有SPF50 PA+++ 可以阻擋UVA/ UVB 而面霜嚟講做到有SPF50 真係非常唔錯 如果純粹係落一落街唔想化妝搽防曬嘅我覺得可以就咁搽完就出去 當然如果會喺日照時間比較長嘅 都係搽返個防曬會安全啲 * 專利成分LUMINOUS630與SPF50的清爽高防禦配方結合，抗阻UVA/UVB，同時抑制色素形成，防止新色斑形成 質地方面，係好輕盈，都好易吸收 搽上面好清爽唔黏笠 顏色係淺肉色，搽完上面唔會泛白兩截色 仲有少少光澤感🥰 用咗咁多日，無話有乾到有皮屑 亦都無出油 完全做到控油得嚟又保濕水潤 我自己本身少出油，但有時太乾會有少少甩皮 但so

pink1314923好用推薦：感謝 @cosme 邀請試用INNISFREE速效淨肌修護精華 。 想一想，我也是INNISFREE的粉絲。 我自己一直有用INNISFREE 的維他命C淨亮精華(亮亮瓶) ，它有效傳遞維他命C亮白功效直達肌底，它有雙效配方，分別是金球膠囊和綠茶酵素雙效配方，溫和代謝老廢角質，從而達到淨亮、拋光的功效。我不經不覺已經使用一段時間了。 ✨今次可以試用INNISFREE 的速效淨肌修護精華，含純正A醇和積雪草，以達到舒緩效果。它能促進角質更新、細緻肌膚、改善粉刺、毛孔淨化、淡化暗沉和痘痘印、恢復肌膚彈性和撫平細紋。 ❤️用後感: 這一款保濕做得不錯，很容易推開，感覺很保濕，質地偏水狀精華液的感覺，帶點乳黃色，不會有粘膩感和沒有刺激感，原因成份添加了積雪草萃取、玻尿酸等保濕成分，可以同時保濕，也能將A醇本身的刺激減少到最小。我用上(早C晚A)的保養方式來保養皮膚，可加速肌膚新陳代謝，有助速效撫平紋路，提升肌膚緊實度，現在習慣會早上用INNISFREE 的維他命C淨亮精華(亮亮瓶) ，而每天晚上用速效淨肌修護精華。

由紀子好用推薦：首先，多謝 @cosme 邀請我試用 Innisfree 的 速效抗痘精華。我第一次收到正裝的試用～有點少激動呢～ 精華是按壓式的，十分方便使用！我的話，基本上兩下就足夠抹整張臉～ 瓶子拿起來涼涼的，感覺挺有質感。先說明一下我的臉現在是甚麼情况。我臉脥的位置會泛紅，毛孔也挺明顯，就勝在少長痘。這樣看來其實這精華都挺適合我呢～這個精華流動性挺強的。因此很容易就可以上完整張臉。由收到試用到今天，基本上早晚都會使用。左圖是一開始未開始試用的情况。右圖則是寫這篇試用時的情况。抱歉燈光有點差距。但可以看到這些天下來皮膚有比較平整呢！而且質地輕薄，上臉之後也不會說很黏立。 有點值得一提的是這精華是有A醇的成份！配合積雪草這紓敏的成份，真的是老是泛紅的人，早A晚C的一大選擇！！！ 當然，有A醇成份的産品一般都會比較易乾。因此我有配合此次使用的另一個面霜（彈力緊緻輕盈面霜）一起使用。有關面霜的心得，我就寫在另一邊了！

Emma W好用推薦：Sulwhasoo First Care Activating Serum 又是一款年末要book mark 的一款精華。 以韓方草藥為基礎，用作護膚程序的第一步，能為肌膚築起強效防護屏障。已到第五代，升級加入了珍貴核心成分——滋盈肌活因子JAUM Activator™，能賦活肌膚的天然再生力，令肌膚回復「 嫩、透、滑、彈、亮、 潤 」6大年輕感。讓肌膚看起來更加明亮，有自然的光澤。加上其帶有點點香氣，用時會更relax。 用此產品，必要配合它的秘訣 — 潔面後黃金60秒內，先用掌心暖和精華，然後由內到外塗勻全面。這樣不但可瞬間補濕，同時亦開啓細胞元氣，促進血液循環，提升肌膚彈活緊緻度，最大發揮其功效，更強效的年輕再生力。對於敏感肌膚也有一定的舒緩效果，能立時減少紅腫和不適感。 若果覺得還是不夠補水，可將適量First Care潤燥再生精華倒在化妝綿，輕抹皮膚表面後，再濕敷在較乾燥的位置如蘋果肌10分鐘，這樣就能軟化角質，深層導入水份，補濕功效更持久。第2日係冇塗任何護膚品情況下，都依然感覺Q彈的。 適合肌膚：任何 成效度：5/5 保濕度：5/5 吸收度：5/5 光澤度：4/5

chloecywu好用推薦：最近工作太忙，沒有時間好好照顧皮膚的需要，加上每晚熬夜，臉上乾紋開始浮現，皮膚都越來越差。 質地水潤中帶點滋潤，流動性亦頗高，滴於手背上已慢慢流走。而且輕易推開，推幾下就已經慢慢滲入皮膚。質感水潤而且唔太厚，所以幾易推，輕輕推開後就慢慢滲入皮膚。先搓暖手心再慢慢按壓上面就會更容易吸收。完全吸收後並沒有黏笠感覺。 使用精華前，手背有點乾燥及泛紅問題。塗上精華後，泛紅問題立即得到舒緩，而乾燥問題亦得到改善，滋潤及補水都做得幾出色。 面上乾紋及細紋都得到明顯改善，毛孔粗大位置都變少，只是用7日都可以看到面上乾燥及毛孔問題都得到修復。

楊壯碩好用推薦：「Freeplus mild soap」產品測評： 包裝：5/5 ▶️Squeeze tube包裝走極簡風，較為輕盈，使用時方便控制用量。 ▶️每支100克的容量可以直接帶上飛機，不需要托運，它的travel friendly也是我喜歡的一點，不需要再買旅行裝。 效果：4/5 ▶️可以溫和有效地清潔面部皮膚。 ▶️用它洗面後，面部皮膚不會感到乾燥或受到刺激。 ▶️清潔力度較弱，可以用來洗去皮膚上出的汗和油以及沾到的灰塵等污染物，但不能洗掉防水防曬及彩妝，需要額外使用卸妝產品。 成分及配方：5/5 ▶️它使用的主要表面活性劑是Potassium Cocoyl Glycinate，一種氨基酸起泡劑，非常溫和，比較少會刺激皮膚，敏感性膚質的人也可以使用。 ▶️不含香精等致敏成分，更為安全。 ▶️我用pH值試紙測試了其酸鹼度，可見它的pH值在5到6之間（如上圖所示），屬於弱酸性，與人類皮膚天然的pH水平（約5.5左右）相近，這會對皮膚的健康和生態比較友好，因為太酸性和太鹼性的清潔劑都可能會有誘發過敏及炎症反應的風險。 綜合評分：4.7/5

kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

Hiu Tung Lui好用推薦：在體驗了Shiseido旗下的「敏感話題 D program」系列新產品後，我對這個專為敏感肌膚設計的系列有了更深的認識。作為一位本來就有尋麻疹且屬於乾性肌膚的人，我對這個系列的產品感到非常滿意。 【試用流程】 為了全面評估效果，我按照產品建議的使用順序，首先使用了藍色的均衡益生化妝水，旨在調理油水失衡並縮小毛孔。接下來，我使用了粉紅色的保濕修護精華，進一步滋養肌膚。最後，我塗抹了白色的皮膚修護霜，以加強肌膚屏障。 【香味】 整個系列的香味非常溫和，適合敏感肌膚使用，不帶刺激性，使用過程中感覺舒適愉悅🌸。 【藍色均衡益生化妝水】 特別是這款藍色的均衡益生化妝水，質地輕盈且吸收迅速。在洗澡後或洗臉後使用它，可以馬上鎮靜因熱水刺激後的皮膚，非常適合我這種容易因乾燥而導致皮膚不適的情況。將化妝水放進冰箱後使用，更是在炎熱的夏天帶來了清涼的感受❄️。 【用後感】 使用後，我明顯感受到肌膚的油水平衡得到了改善，乾燥和黏膩的問題有所緩解，肌膚變得更加柔嫩。尤其是皮膚修護霜，它不僅為我的肌膚提供了額外的滋潤，還有效增強了肌膚屏障，使我的肌膚感覺更健康，光澤感也有所提升✨。 【質地】 整個系列的

kyara918好用推薦：本身無聽過d program，睇過介紹發現係shiseido旗下既紓緩鎮靜品牌，加上係用益生元既產品即刻好想試( ´▽｀) 所以好開心抽中左呢個一set三件套裝🥳呢支「酵母益生元柔膚水(零毛孔)」既質感好特別，流質得黎唔會好似水咁冇存在感，亦都無乜香味，介意香料既人都可以安心入手🙆🏻‍♀️唧出嚟一泵嘅份量都幾多，第一次㩒既時候可以輕手d，如果唔係可能會好似我咁滴左落地下🙈 我習慣配合卸妝棉用，可以順便去埋角質，建議㩒半下已經好夠用呢隻toner上面好有保濕感，作為一個混油肌，第一次用佢上面有d驚太黏立，但係佢神奇地超快吸收左(10零20秒左右😮)，吸收完之後塊面滋潤得來好清爽，唔會面泛油光🙌🏻🥹 成set試用左一星期左右，面頰既泛紅問題覺得有改善。即使洗完面都係會容易紅，但係紅嘅地方少左，退紅速度都快左，感覺膚色比較均衡。毛孔方面亦有減少同細左，無咁明顯，不過搽既護膚品始終功效有限，唔會話真係零毛孔咁厲害😂 以下附上before & after作參考:

SzeChan好用推薦：感謝@cosme 抽中成為試用嘅一份子。今次試用嘅係全新升級版極致勻淨科研亮肌精華水同埋升級版勻淨科研亮白淡斑雙效精華。就等我呢位試用專員用7日有咩feedback喇。 🧴 【產品介紹】 全新升級版極致勻淨科研亮肌精華水 💰HK$410/175ml 精華水提供亮白保濕潤澤效果，醫學級亮白成分可提升肌膚光澤及亮白度；讓肌膚透、亮、淨、白！ 升級版勻淨科研亮白淡斑雙效精華 💰HK$520/30ml; HK$810/50ml; HK$1,290/100ml 以雙倍專利醫學級淡斑成份 CL302－提亮去斑 + 減淡色素痘印，效果媲美專業醫學級療程 ; 配合日本玉露萃取及 米糠萃取成分，修護肌膚屏障，預防皮膚炎症，防護肌膚免受遊離基侵害, 由源頭阻止黑色素形成，預防未來的色 斑形成。7 日開始見證膚色提亮，透出 4C 鑽光。 🌸Care – 安全配方不刺激，水漾亮澤、修護屏障，用後皮膚水嫩保濕 🌸Color – 溫和去除表皮老化角質，亮白淨肌，膚色均勻度、明亮度顯著提升 🌸Clarity - 深入擊散黑色素，減淡色斑痘印，肌膚回復透亮細緻 🌸Cut – 直達源頭阻截黑色素產生，舒炎抗氧，預防色

karuhi好用推薦：好多謝被@cosme抽中試用CLINIQUE既Laser淡斑去印精華 (升級版勻淨科研亮白淡斑雙效精華) 依個去印精華係主打淡斑提亮, 含有專利醫學級既提亮成份CL302配方。同時@cosme提供升級版勻淨科研補濕亮肌精華水俾我一齊試用, 兩款產品一齊使用會可以將精華浸透至肌底既速度加快11倍, 倍大亮鑽效果。 . Laser淡斑去印精華既玻璃外表入面係用左一隻幻彩雷射感覺既瓶身, 十分配合到依個精華既名稱, 個蓋好細個, 單手都容易打開。精華係米白色既半液體狀, 因為佢100%不含香料, 所以近乎沒有香味。精華好好推, 吸收時間好快, 清爽不黏膩。 . 我會將升級版勻淨科研補濕亮肌精華水先倒水約10蚊銀既份量於掌心, 再用雙手搓揉均勻再輕輕按壓上臉, 之後再係臉上輕拍等佢地稍為吸收, 之後就會立即用Laser淡斑去印精華大約1泵份量塗抹全臉, 好快就吸收完, 唔會黏笠。 使用7日之後覺得塊面既膚色有所提亮, 之前既暗黃有稍為改善, 肌膚亦都緊緻左, 保濕度就唔太夠, 不過因為而家天氣係比較濕氣重, 所以冇乜問題, 但如果係冬天既話應該要配合返一隻比較保濕既面霜。因為之前岩岩病完既關

royu3好用推薦：這枝B5 精華真的拯救了我的皮膚！ 這陣子因壓力、轉季各種原因⋯ 除額頭以外位置、反複出現過敏反應 未開封前是密封包裝，確保新鮮。開封後可換成滴管，方便使用時控制份量。沒香味，無酒精，顏色是半透明的。 屬流動性不高的精華液， 卻比相像中易被皮膚吸收，沒有殘留感， 與其他護膚品的相容性也高！用後降紅許多了、而且感覺有加快皮膚修復 印痕也比之前淡化得快。 就算沒有肌膚問題，用作補濕也是非常適合👍🏻 一定會再回購！

Milo101好用推薦：🌟只是淺層體驗，已經感覺良好 🌟質地是有流動性的透明乳液，帶有一點點黏黏 🌟塗上臉後很好吸收，保濕 🌟成份有10%維他命B5 🌟晚上使用，隔天皮膚狀態很好，透亮光澤 🌟因為之前用過同品牌其他產品，覺得很適合我的皮膚，加上試用這個sample感覺很好，所以已加入回購清單～

Joanne好用推薦：NIVEA LUMINOUS630雙效淡斑透白精華 試用日期：16 Aug ~ 27 Aug 非常榮幸能夠參加今次試用 多謝@cosme 要成為擁有白滑皮膚嘅女人 防曬美白淡斑真係唔可以懶 咁啱今次暑假期同小朋友去咗兩轉日本 曬到成個人黑咗幾度 本身曬黑都唔緊要，最慘係塊面曬到出咗斑🥲 真係喊出嚟😭😭 所以一見到有出淡斑啲試用就二話不說申請咗 抽到真係好開心 今次試用嘅產品有 LUMINOUS630 雙效淡斑透白精華 & LUMINOUS630 雙效淡斑煥白抗曬修護日乳 SPF50 PA+++ 講咗精華先 顏色係淺肉色，質地都算水狀，易推易吸收 上面後有啲光澤，一啲都唔黏笠 用咗十幾日，明顯睇到塊面係透白咗 但斑點方便未話有好大改善 都明嘅，出咗斑真係唔係話搽幾日就會無咗 始終年紀唔細😭 不過，前排手多唧完瘡嘅印就淡得好快 呢點係幾有驚喜 我覺得呢個價錢嚟講，日常當係美白保養都算係性價比高 （30ml/ HKD 309) 不過有一樣我比較在意呢就係 佢嘅香味太濃，其實有香味我都接受到 但今次呢隻味道就唔係太討好 我覺得有啲似柔順劑嘅味🙈 如果對氣味好有要求嘅人 想買之前最好去試

Lesleyy好用推薦：產品試用心得：NIVEA LUMINOUS630 雙效淡斑透白精華 試用時間：2週 最近試咗NIVEA嘅LUMINOUS630系列，真係幾驚喜。聽講呢款LUMINOUS630成分，NIVEA花咗10年時間研發出嚟，可以由根源淡化色斑，仲可以提亮膚色，真係好吸引。 質地同感覺 LUMINOUS630 雙效淡斑透白精華： 呢支精華真係好輕盈，質地好似乳液咁，推開之後好快吸收到皮膚入面，完全唔黏笠。 因為我皮膚比較敏感，所以好驚會唔會刺激到，但試咗兩個星期完全無問題，真係幾溫和。 效果分享 膚色提亮： 覺得成個膚色均勻咗，之前暗啞嘅位（例如嘴角同鼻翼）都改善咗，皮膚好似更亮更有神。 淡化斑點： 兩個星期後，發現啲斑點同痘印真係有淡咗，雖然啲頑固斑仲未完全消失，但明顯淡咗。呢款精華對淡斑效果真係唔錯。 保濕效果： 仲有，呢款產品嘅保濕效果都幾好，用咗之後皮膚一直水潤潤，完全無乾燥脫皮嘅情況。

yghjum好用推薦：好感謝cosme比機會我抽中試用🥰非常多謝有呢個機會可以免費試用cerave 3款皇牌潔面用品❤️以下係我試用10天的小心得🥳 香港夏天真係非常潮濕同悶熱，所以一款好嘅潔面產品係非常之重要👍依家每日都要搽防曬再加上為咗減少面部出油，仲會使用粉餅或者碎粉，但係過度清潔會為皮膚帶來好大嘅負擔🧨，所以一款可以技能清潔皮膚同輕微輕度彩妝而又可以防敏同保濕嘅產品係好緊要嘅🥰 cerva三款潔面就可以為大家帶黎既清爽又保濕既洗感。 首先係SA水楊酸煥膚潔膚露，相信聽到水楊酸好多朋友都會聞知色變，怕會影響皮膚角質層導致敏感，但係cerva就為大家帶來醫生精心調配既低敏配方，既可以清潔皮膚，又唔會導致皮膚敏感，每日出街之後，我都會用SA水楊酸煥膚潔膚露清洗面上的防曬及彩妝。 因為我本身面部都有d敏感，平時用卸妝產品都比較容易出現泛紅嘅問題，但係今次試用完水楊酸煥膚潔膚露之後，完全看出現敏感問題，而且角質加快代謝之後，感覺皮膚比以前光滑左，黑頭粉刺都減少左👍 之後就係溫和保濕潔膚露，洗面奶半透明不起泡嘅質地，喺清潔皮膚嘅同事仲會為皮膚保留水份，唔會過度刺激皮膚。 一般我都會喺早上

Wenwen03好用推薦：感謝@Cosme 邀請試用CeraVe 3 款潔膚露，分別是溫和保濕潔膚露，清爽泡沫潔膚露和SA水楊酸煥膚潔膚露，用左8日後，以下是小小心得分享😆😆 點都要讚一讚個瓶身封口設計，個封口膠拆除後仍可再安返上去，方便用用下要帶去旅行，唔使驚漏出來。 CeraVe 溫和保濕潔膚露 質地：有點杰身的凝露質地，但塗上身體不覺黏稠，很清爽 味道：無味 清潔力：5星（5星最高） 用後感：一直用開帶泡沫的潔膚露，試用無泡的潔膚液以為自己會唔慣，個心仲諗緊乾唔乾淨，其實係個質地問題，潔淨能力係好好，清洗到身體上的污垢，所以唔使擔心😊；另外，保濕程度不錯，睇下皮膚測試儀就知道啦👇🏻👇🏻

水萱草好用推薦：終於等到AHC呢個新產品啦！好鐘意呢類膠囊的護膚！好啦一齊睇睇呢樽醫美科研晚間逆齡膠囊先,包裝都係紫色，講開好多逆齡同抗皺都鐘意用紫色嘩，幾靚喎，同佢同系列一樣有個鏡面嘅蓋，但呢個用用透明嘅樽身咁樣就可以睇到入面紫色嘅膠囊，唔需要再用紫色嘅樽身！呢膠囊係紫色有啲閃嘅，一個啤梨形狀，比圓形更好拎同擠出嚟，一樽有三十粒，可以大約用一個月左右，用個時用手一扭就可以了，擠出嚟睇睇先 有小小淡黃色，屬於油質嘅感覺，因為油狀所以比較濃稠上星期天氣一直好乾燥，日日個濕度都得個25%，連隻手都乾到爆哂拆，見到未搽前啲紋路乾到呀婆咁！搽完之後嘩！立竿見影啦！瞬間隻手反哂光呀，真係好啱乾性皮膚用！！收到呢樽嘢前我塊又是爆哂皮，紅到我唔想影。。跟住第一日搽完當堂好舒服，無個種抆抆緊嘅感覺！！因為說明有寫要避光，所以我夜晚用，留意我只係夜晚用，但係大約三日已經唔紅同埋好快甩完皮還我靚靚面！超開心，我一粒用咗三日,證明真係好潤，而且真係似一層保護膜保護住，乾燥時我經常要擦2種面霜到瞓覺又要補一次，我塊面真平過撒哈拉沙漠🤦🏻‍♀️，但搽完呢個膠囊，我即情搽埋佢同系列面霜到起身都仲好潤，潤到可以潤埋手！真係好啱干皮係

jhope0725好用推薦：感謝@cosme抽中我試用今次嘅產品，其實一向對AHC呢個韓國醫美品牌好感興趣，而且佢亦都有唔同產品系列適合唔同年齡，唔同肌膚嘅女性。今次試用嘅產品，更加係之前好少機會嘗試嘅Retinal系列！ 使用左同系列嘅面霜兩星期之後，會感覺到面上一啲細緻嘅皺紋有填充左嘅效果，雖然未至於完全消失，但係去細紋效果屬開架產品非常不錯！估唔到今次呢個精華膠囊，更加有驚喜！先講吓呢個產品嘅質感，大家會覺得佢同護膚油差唔多感覺，一打開係淡黃色嘅油性產品。雖然好似好油，推開左會見到光亮效果，但係用咗喺面上面加一段時間，佢就會完全吸收，唔會再覺得油立立！質感非常優秀！呢幅圖片顯示就係用咗喺面上面10分鐘吸收晒嘅效果，大家會見到唔再光亮，而去成塊皮膚脹卜卜！有輕微拋光matte效果！不過因為吸收需要時間，所以正如包裝所講，夜晚使用比較方便。 連續使用14天，配合同系列面霜使用，效果更加會再明顯d，尤其講緊一啲表情紋，額頭嘅細紋，兩樣產品夾埋會令到填充效果更顯著！雖然未至於令到皺紋完全消失，但係撫平效果可以令紋路肉眼睇落平滑d！令我更想嘗試埋同系列其他產品，尤其是係枝精華！ 總括而言

Emma W好用推薦：感謝@cosme 比我試用Suu Balm 速效舒敏保濕乳，拯救我手部問題的困擾。這是一款專為敏感肌膚設計的產品。其能迅速舒緩肌膚不適，減少紅腫和刺激感。 使用產品前使用產品前使用產品前使用產品前 其保濕力唔錯，讓肌膚保持柔軟，并且能立時撫平脫皮現象。質地輕薄，容易吸收，使用後不會感到黏膩，適合日常使用。擦後會有較強烈的薄荷味道、一股清涼的感覺，能舒緩痕癢不適感。用後2星期，因為經常洗手，導致指甲縫龜裂、手背脫皮情況有明顯改善。 使用產品後，左手 使用產品後，右手 適合肌膚：任何、G6PD人士留意 成效度：4/5 保濕度：3.5/5 吸收度：4.5/5 質地：乳液 持香度：2/5，好快消

Eos Cheng好用推薦：多謝@cosme 和@SuuBalm提供試用 先講講本身皮膚狀況 我身體皮膚大致不算乾，沒有濕疹問題，但有輕微皮膚敏感，每當濕度劇變(例如突然大幅增加或降低)、天氣乾燥時，或沖熱水澡/泡腳過後，個別位置如小腿、手部、前臂容易痕癢脫皮。例如每次外遊返港，下機後約10分鐘小腿、手部會開始痕癢。如果去到特別乾燥的地方，指甲邊緣甚至會裂開、指甲崩裂(我沒有留指甲，所以指甲一崩裂就會痛)。之前也用過多個品牌的body cream/hand cream，效果都不太理想或不持久。 不過今次試用的新加坡品牌SuuBalm速效舒敏保濕乳令我喜出望外! 首先，呢款保濕乳採用接蓋式軟管裝，單手已經可以用，好方便。 質地較厚身，有明顯的薄荷味，但好易推好易吸收，推開之後清爽唔笠，有少少清涼感。 重點係即時止痕，而且相當持久。我通常沖完涼搽，小腿搽一次最少有效6小時；手就因為會洗手，所以要搽得密D，我每次洗完手都薄薄地補少少，效果都好好。我本身指甲附近好容易起倒刺，用左呢支保濕乳一星期之後，倒刺都少佐。 好高興可以試用呢支好物，居家旅行都適合用來旁身!

chasiutung好用推薦：D-up 超強力假眼睫毛膠水 我已經使用很多年了 非常好用 黏力極強而且防水防汗防油脂一整天假眼睫毛都黏得很牢固用卸妝水輕輕敷一陣就能輕鬆卸下 超細掃頭容易控制 它塗出來是藍色的 乾透是透明的不會有任何痕跡 而且很快乾 D-up 超強力假眼睫毛膠水使用的是醫療級黏劑不致敏也沒有令眼皮受到負擔 非常推薦俾愛黐假眼睫毛又成日會甩頭甩尾嘅朋友 價錢合理 性價比高👍👍

Kaying Yeung好用推薦：🌟回購無數次 超易上手嘅無敵膠水 呢隻膠水已經回購過無數次 · 超防水防汗：曾經使用過嘅特別場景：沙灘🏖️Camping⛺️野餐🥪船p🚢 而且我係有游水架！ . 易卸：用眼唇卸妝敷一陣輕鬆卸到 · 透明度高：膠水乾咗會變透明 但用太多會睇得出有少少透白咁 正常使用係隱形 · 快乾：等十幾秒就可以痴上眼 ·容易上手：由新手開始就係用呢隻膠水 都試過其他3-4隻 但係呢隻真係最正 亦都係容易上手嘅類型！

Yuki好用推薦：見網上介紹係全能面膜就入手左 買左已經一段時間 只係用左大概一半最後放到面膜都乾乾地 閒置主因係陣味唔好聞 係好濃烈嘅樟腦味 一路敷住聞到好頭痛 就算過完水陣味都會殘留面膜質地好厚係泥狀嘅mask 有杏仁研磨顆粒可以去角質要俾d時間慢慢推開敷到一定厚度 太薄會好易乾哂 敷左唔夠10分鐘已經乾到裂所以自己每次最多只會敷10分鐘 另外面膜比較難清洗 係清洗過程好易拉扯到皮膚 自己用完覺得有白淨左 但皮膚同時覺得乾左 感覺似做左次深層清潔 可能面膜比較適合油肌用 對於乾肌泥講用落冇咩功效 之後應該唔會再回購喇

Joyce好用推薦：本人額頭位經常出暗粒暗瘡，有d仲要唧都唧唔出，見有人話呢隻連閉口瘡都清到，就買黎試試。 一打開會見到膏體表面有d水，用附帶既果支棒棒攪勻先，跟住就聞到有陣藥味，不過我都接受到既，然後厚敷上面10分鐘，佢就會乾曬，最後加暖水打圈清洗。 第1次用無乜效果，但隔幾日我再試，就見到少少效果啦，敷完第2日，d暗瘡謝左。 不過敷完塊面會好乾，要敷返d補濕mask。 我第1次用完可能就係懶無敷補濕，所以無效果。第2次有敷就有效果出黎啦。

Fish Tse好用推薦：哩款品牌係為敏感肌而設，無香料、無色素同埋無酒精可以安心洗用 洗面最怕就係洗完之後有種好乾既感覺，哩款洗面冇咁既情況出現 禁一泵就有白色、好細緻同棉密既泡泡出黎，可以直接上面搓揉，唔洗好似其他洗面一樣膏狀出黎要加水或者要用最打泡泡既容器先有泡泡 有豐富既泡泡可以減少面部既磨擦，仲可以用細緻既泡泡帶走污糟既野同時含有保濕既成分，為面部帶有保濕既功效

zetalhc好用推薦：一撳出嚟就係綿密嘅泡泡，唔使驚自己起唔到泡，所以清潔力好強，配合埋洗面機就更加之乾淨

Chingxd好用推薦：作為一個innisfree小fans 當然都有用過尼枝精華 初初係因為25歲後發覺膚質開始轉 覺得皮膚好易乾 一乾就爆瘡lol 之後聽fd講應該開始搵枝精華用下 當初唔太知道好多補濕精華可以係好黏笠下 曾經夏天試過用kihels既保濕精華 推左好耐都未吸收到 冬天又試過網上話好既bicelle b5 gel 結果都係太笠...笠到出油 爆瘡😑 當時覺得就咁試都唔係辦法😂 就開始睇下youtube啲人介紹 hk仲未有cosme所以都會睇tw cosme 個陣先知道innisfree綠茶籽精華係入門級 基本上係好多人都會用過～ 個陣乾到好易會敏感 所以對成份都好注意 咁岩睇到有個人comment對成份好有認識 除左有香精之外 其他成份都係安全既成份 而且佢幾推介 覺得佢真係幾保濕 所以就買左黎試 唔記得當初係幾時拎黎用 只係記得夏天返工公司冷氣太大 風口位係正自己頭上面 返左陣工就即刻爆瘡lol 然後就開始返工前會搽埋佢 之後就冇乾再乾到爆瘡 夏天同轉季真係好鐘意用佢 佢係幾爽 又夠保濕 都唔會令你爆瘡 比較油既地方 建議開冷氣先至用比較好～ 不過冬天偏乾既時候 乾肌真係會唔夠保

Giselle 好用推薦：Innisfree 綠色聖誕限量系列 綠茶籽保濕精華 160ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 前排又係見佢做緊優惠同有聖誕套裝所以入咗手試下(✿︎´ ꒳ ` )♡︎超鐘意佢嘅聖誕限定design (´,,•ω•,,｀)♡︎而且咁平就可以試到佢其他嘅綠茶系列產品(* ´ ｪ `*)♥︎ ❤︎ ︎ ❤︎ ︎ 佢嘅質地算係半濃厚半水潤嘅質感( •̀∀︎•́ )✧︎流動性算高( ∩︎´ω`*∩︎)目前搽咗1個星期，皮膚係覺得水潤咗(´•̥̥̥ω•̥̥̥`)♡︎但稍微覺得以我乾性皮膚係而家秋冬季節唔係好夠持久(´._.｀)希望春夏嗰陣用會好少少(*´･ε･*)σ||另外推開咗之後會覺得有黏膩感，就算過咗一排皮膚吸收完都係會仲有(◞︎‸◟︎；)如果好似我咁係比較介意黏膩感嘅小夥伴就會有少少失望(っ◞︎‸◟︎c) ❤︎ ︎ ❤︎ ︎ 佢嘅香味就係佢嘅品牌好signature嘅綠茶味ヾ(*>∀︎<)ﾉﾞ雖然佢嘅綠茶係有少少假假地，但係佢算係舒服好聞嗰種( ∩︎´ω`*∩︎)不過佢有添加香料，所以對香料敏感嘅要慎重考慮哦

Sogno夢好用推薦：感謝@COSME 給我機會 這次分享的產品是YSL 夜間修復精華, 成份核心是來自摩洛哥的月光仙人掌, 除此還有多種抗氧化成份包括雨生紅球藻萃取, 維生素C等。另有保濕成份B5, 甘油等。精華裏亦包含了少量水楊酸和甘醇酸, 可以加速代謝和去角質。但要注意的是精華本身有"變性酒精"成份, 能夠使精華變得清爽, 減少脂質, 對酒精敏感或混乾和乾肌的朋友們要注意產品可能不適合你。 產品主打效果是可以修復疲倦肌膚, 使皮膚保持自然光澤明亮, 溫和去除老化角質及加速代謝, 讓使用者看上去皮膚有一種天然的健康感。 先來看包裝方面, 是很好看的方型透明膠瓶裝, YSL 採用了環保設計, 裏面的玻璃按壓芯管可以拆換, 這方面值得欣賞。而精華液部分是水油分離的狀況, 使用之前請先把水油搖勻。 再來看精華本身, 使用方法是每次按2下, 還要記得防曬。雖然是精華油但流動性很好, 非常清爽好吸收, 感覺剛上臉進入了肌膚了, 我覺得質感很驚喜, 因為我個人很不喜歡保養產品在臉上殘留太多黏稠感。但可能因為太好吸收了, 根據說明書上的使用方法每次按壓2次, 感覺都不夠上全臉, 我會忍不住多按一兩下。 我本人的皮

Gloria好用推薦：多謝@cosme x YSL PURE SHOTS夜間修復精華（月光仙人掌精華）的試用體驗。這支月光仙人掌精華有3.5%甘醇酸，質地和水一樣，用量很少就可以搽完全面，跟水一樣清爽不黏膩。 亦沒有強烈氣味，就算用在傷口上，都只有輕微刺激，非常溫和。 而且可以獨立或於其他針對性精神前使用，和自家護膚品一起使用都沒有問題，可以使用多種功效產品一起護理皮膚（這點超重要！） 至於 首個翌日 感受我本來膚色偏黃，又容易生痘痘、暗粒，面上有很多痘疤，用完這支月光仙人掌精華的第一天，我最明顯的發現是有一粒初發的痘痘消失了，但面色還是黃黃的，所以感覺不大。 不過越用越感受到皮膚穩定了，痘痘暗粒的爆發減低了，一些紅腫有傷口的痘痘很快平復，而且痘印明顯地淡化。相中沒有太清晰，原本是紅腫的傷口來，很快的平復，越來越淺色。這次YSL PURE SHOTS 夜間修復精華（月光仙人掌精華）本身是要實證 首個翌日 及 2週後的煥膚修復效果的，目前我只是用了十天左右，皮膚已經大大改善，期待2週後的煥膚效果。 每天影相紀錄，看到紅紅腫腫發炎的痘痘（傷口），居然可以用1-2天癒合消炎消腫，痘印一天比一天淺色，真的很興奮呢