找產品
護膚功效 推薦好用產品
6,401 件
Miki好用推薦：感謝@cosme 在芸芸報名試用嘅會員中抽中我試用Kerastase 產品！Kerastase 係知名護髮品牌，久仰大名，今次嘅試用活動可以試齊逆時光三部曲：①逆時光至臻修護浴髮乳，②逆時光至臻修護髮膜，同埋③逆時光至臻香氛修護精華，真係太幸運啦！ 首先申報一下自己頭髮嘅狀況：中短長度，頭皮及髮質中性偏乾，一年染髮兩次。 以逆時光至臻修護浴髮乳洗完頭同逆時光至臻修護髮膜作後續護髮，最後就用逆時光至臻香氛修護精華令頭髮保持光澤。我用2-3泵嘅份量，搽晌髮中至髮尾，再吹乾頭髮。同Kerastase 逆時光嘅浴髮乳一樣，同修護精華都帶著馥郁嘅花香，搽上頭髮好快吸收，滋潤但不油膩，減少毛躁，頭髮順滑又帶光澤✨關於逆時光至臻修護浴髮乳同埋逆時光至臻香修護髮膜試用詳情，會晌兩個產品嘅專頁再報告😊 用完整個三部曲嘅treatment，頭髮有強健同豐盈嘅感覺，髮香縈繞，令人一整日都充滿愉悅嘅氣息！我都貼一貼使用前、使用後、同埋使用14日後嘅頭髮情況俾大家參考下🔎再次多謝@cosme 嘅邀請🤗
<看全文>Amy好用推薦：首先感謝@Cosme邀請試用KÉRASTASE逆時光至臻修護系列產品 本身髮質細軟又自然捲，年紀越大頭髮越容易甩，所以揀洗頭水都慎重咗。 先講下試用KÉRASTASE逆時光至臻修護浴髮乳的特點先： 呢款洗頭水嘅質地偏透明，唔算容易起泡，可能要份量用多少少，味道方面係有淡淡嘅高級香氛味，聞落都幾舒服唔會刺鼻，而且香氣都long lasting。 配合埋逆時光至臻修護髮膜，於洗髮後將護髮膜塗抹於濕髮上，按摩及乳化，靜待5分鐘，再沖洗乾淨。 洗完頭吹乾之後，會配合埋逆時光至臻香氛修護精華塗抹於髮尾位置，質地輕柔不油膩，減少髮尾分叉及斷裂，依排天氣唔好成日落雨頭髮毛躁感下降咗，頭髮順滑易梳咗。而香味係玫瑰木調芳香(茶香玫瑰、淡木和麝香)，同浴髮乳味道一樣，係知性有女人味既味道！ KÉRASTASE逆時光至臻修護系列產品能夠即時改善髮質情況，持續使用使頭髮更健康更柔順，用完會繼續回購，救下我啲頭髮😆
<看全文>
Tobimak好用推薦：呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。
<看全文>Kakar好用推薦：已經用左好多支，同屋企人都好愛用。 呢支只要用少少，已經可以起好多泡泡。同埋清潔力一流，通常我化濃妝之後，落完妝會再用呢支洗面，以免有殘留。 不過太乾既人可能會覺得呢支既清潔去油力太強，會乾，我油肌就無呢個問題，岩岩好。不過冬天乾燥既日子我就會同另一支比較保濕既洗面隔住黎用。 同埋我好鐘意拎呢支洗面黎洗化妝掃同粉撲，非常非常乾淨。 價錢又好實惠，會再回購。
<看全文>
Kura好用推薦：呢款胭脂膏真係非常適合化妝新手用，薄搽厚搽都完全唔會失手，同埋顏色出色，超級靚色，用完有種粉嫩仙氣嘅妝感，同埋呢款胭脂膏嘅質地唔乾，我有時會當唇膏一齊搽，一物多用，非常適合新手，唔需要買咁對樣嘢 #新手 @cosme
<看全文>Chami好用推薦：多謝@cosme 抽中我試用一系列canmake產品❤️ 用左差唔多一星期 今日想寫下呢篇夢幻胭脂膏既心得 收到呢盒胭脂膏之前，其實我自己都有一盒，不過自己購入個盒係17號焦糖楓葉色，同埋係冇珠光既。今次收到呢盒係最新限定22號蜜柑雪葩色帶珠光，比起蜜柑，我覺得實物顏色更貼近南瓜色，而且實物比官網圖片係深色少少🤏🏻 平時都有買開canmake產品，主要係性價比高，但胭脂膏都仲係有啲失望既。其實canmake既胭脂膏顏色係好靚，令人有衝動想包色，但用後發現最大缺點唔持久，同埋拍上面冇普通胭脂咁均勻。 用法：用手指沾上胭脂，逐啲逐啲拍上面。每次我都只會沾少少，寧願拍多幾次。 用後感：係幾顯色（當下），同埋呢隻橙色好夏天好有活力既感覺，加埋珠光幾靚。胭脂膏好似啫哩膏既質地，好容易推。但係！首先要好有心機沾少量胭脂慢慢拍同推開，如果就咁點2-3點上面推開，妝感會有啲唔自然，覺得顏色唔夠均勻，需要慢慢拍慢慢堆疊。變相需要用既時間多左，冇普通胭脂粉掃開咁方便。另外，可能質地太水潤，真係hi一hi都好易甩妝。平時搭車戴口罩返到公司除口罩，啲胭脂膏已經甩得7788，加上定妝粉/噴霧先會last
<看全文>
Julianna好用推薦：四年前我開始用 Avène 抗敏活泉水，真係覺得好好，特別適合我冬天乾燥嘅敏感肌膚。沖完涼之後噴一噴,幫助舒緩肌膚的不適。每次我面部有啲紅腫或癢，噴上去後立刻感覺涼快，效果好明顯。 而且，呢款水嘅保濕效果都非常好。冬天肌膚好容易乾，噴上去之後，肌膚立刻變得水潤，仲可以保持一段時間。我通常會喺化妝前噴一噴，妝容更加服貼，隨時都可以補水，真係好方便。總之，Avène 抗敏活泉水係一款好實用嘅產品，對於敏感肌膚，特別係冬天，真係值得一試！
<看全文>Kelvin好用推薦：Avene 抗敏活泉水，簡直係家存必備 🌟噴霧幼細，水點均勻 🌟好乾既時候噴一下，立即舒緩及降温 🌟化妝前噴濕海棉化妝，比用水喉水更乾淨 🌟便攜裝帶出街，方便補妝時抺走多餘油脂 🫥補水💦效果一般，不持久 🫥噴霧上面只濕的吸覺，不能補水 🫥0保濕效果 雖然依支Avene 抗敏活泉水無功無過，但其實都唔錯，總有用得着既地方
<看全文>
Burnyourwallet.hk好用推薦：多謝cosme提供試用，今次試咗Maybelline既開價粉底同遮瑕液。我係混油肌，夏天用matte finish既粉底就最啱！ 呢支matte finish好適合油皮，上妝超貼面同清爽，有控油效果，而且好有流動性，完全無痴泣泣既感覺，妝感好薄好靚。不過佢遮瑕能力唔算太高，可以配合埋同系列既遮瑕膏重點用 都唔會加重粉感，但呢款粉底液乾肌同超級瑕疵肌未必啱用。以上係好薄一層既試色，有需要既話，直接再薄薄疊加就可以！要讚係佢唔會卡粉 浮粉！ 半日後會有專櫃品牌一樣會有既少少暗沉問題，但以呢個價錢有呢個效果已係超值得入手，尤其係油肌朋友，戓者追求裸妝效果都會好適合。香港春夏天又熱又濕好易出油，呢個粉底可以大大改善出油問題！ *照片有機會有輕微色差問題
<看全文>Kura好用推薦：回購咗非常多次嘅遮瑕膏，顏色選擇多，非常適合新手入門選擇嘅遮瑕膏，因為點揀都唔會出錯，同埋性價比高，遮瑕度高，一支可以用到好耐，同埋貼合膚色度高，推薦俾新手用黎試妝 @cosme #新手
<看全文>
Fanfanmorning好用推薦：中女恩物💛 Nivea深層潤膚露 10月一到幾日，就感受到天氣忽然變乾，尤其手腳，會乾到係咁R，R到起晒皮屑甚至R損。特別係年紀到30中，感受到皮膚越嚟越乾，以前年輕可能成個冬天只係需要搽幾次body lotion，搽一次就成個星期都唔會再乾，但而家夜晚沖完涼或朝早搽完，隔幾個鐘又會乾，係街真係少尷，唔R又痕，R又驚人哋以為我有皮膚病ಥ_ಥ。 咁啱收到@cosme 嘅Nivea深層潤膚露試用活動，嚟得實在太合時！ Nivea好多潤膚產品我都試過，例如經典嘅小藍罐，白色罐潤膚霜，但質地對我嚟講都太潤太厚。而呢隻深藍色樽嘅深層潤膚露係以前會用晒嘅產品。 深層潤膚露嘅成份有深層保濕精華，亦有對皮膚親和嘅杏仁油同維他命E，杏仁油可以滋潤同柔軟肌膚，而維他命E 可防止皮膚受自由基損傷而老化，同時可以幫助皮膚保濕和軟化角質，如果你有皮膚發炎嘅情況仲可以舒緩添，不過我就淨係乾姐。 兩種成份提供5合1全方位護理，俾你48小時深層保濕效果，同時預防乾燥、柔滑肌膚觸感、質地不黏膩、呈現健康肌膚狀態，原本乾到鞋恰恰嘅皮膚，一搽即刻又滑又細緻！ 講咁耐即刻睇下效果啦。首先每一泵嘅份量對我嚟講啱啱好，唔
<看全文>cynthia_snow好用推薦：最近早晚出街覺得涼爽咗少少，即係香港終於準備轉秋啦！不過，部份日子皮膚亦有啲乾燥、痕癢嘅感覺🥹所以好開心收到2023美妝大賞身體保養產品嘅第二位 —— Nivea深層潤膚露嘅試用，呢個時候轉用呢款比較滋潤嘅潤膚露就最適合啦！ Nivea深層潤膚露成分有深層保濕精華、牛油果油同埋維他命E，經過皮膚科測試唔會致敏，適合任何膚質使用，而且特別適合皮膚非常乾燥嘅人士。 試下同Nivea其他款式嘅潤膚露比較，上圖最左邊係Nivea嘅Express hydration body lotion(普通至乾性肌膚)，中間就係Nivea深層潤膚露，右邊就係Nivea嘅雙管精萃凝乳。可以睇到深層潤膚露嘅質地唔會好杰撻撻、好厚重，係有流動性嘅，所以好易推開。 除左易推，Nivea深層潤膚露亦好易比皮膚吸收。沖完涼之後搽匀全身，唔會覺得黐笠笠之餘，皮膚亦無左繃緊嘅感覺，喺呢啲乾燥天氣更加特別感受得到，而且皮膚摸落好柔軟好滑捋捋😌 就算返工、出街出咗成日，都唔會覺得皮膚有乾燥、繃緊、唔舒服嘅感覺。雖然冇機會測試係咪48小時深層保濕，不過10幾個鐘嘅保濕滋潤就肯定冇問題啦！😆
<看全文>
橘子貓好用推薦：剛好看見超市有做Dove髮膜特價，又有額外折扣，就買了個試試。 打開就聞到好香的花香味，不一陣子整個洗手間都充滿這股味道，我有點怕會太濃，還好洗掉後頭髮只留淡淡花香，不會俗氣，讚👍 髮膜膏體柔滑，流動性比一般髮膜高，抹上頭髮很易就抹開，感覺髮膜很快就滲入頭髮內。這是洗前的頭髮，我有highlight漂髮+染髮，本身髮質也是細柔易毛燥：洗髮後，用了Dove小金碗髮膜，濕髮未梳開，已經不太打結：吹乾頭髮後，沒有使用髮尾油，頭髮也變得柔順：整體使用感真的不錯，可以很有效順開洗髮後打結的頭髮，減低拉址、折斷頭髮，頭髮有變柔順，毛燥情況有輕微減低，一個約三、四十元（折後）的髮膜可以有這種效果，已經很不錯了！ #BA照 #火熱新品
<看全文>wingche好用推薦：大眾化價錢，可以日日用嘅髮膜！ 我嘅頭髮係髮尾乾旱，但春夏季頭皮容易出油，所以買頭髮產品都係一種煩惱，太滋潤怕用到頭皮夏天易出頭瘡，又或者未到lunch，頭皮已經油到可以煎蛋🍳！ 正當煩惱之際，收到試用「Dove 1分鐘胜肽修護髮膜 」，用完之後，估唔到變化會大到，同事以為我剪完頭髮，以下落嚟等我講下短短用咗5日左右嘅變化啦！佢係瓶裝，打開係淺黃色好似cream咁，我講要按摩嗰一分鐘真係非常有效，初時偷懶，輕輕摸完十幾秒就沖水，所以唔係好感受到有咩唔同。 後來跟指示，按摩1分鐘後沖洗，吹頭時，感覺頭髮真係冇咁打click! 而且用完第二日lunch，前額嘅髮絲都冇變得油淋 淋而扁塌存力！用咗佢，清爽得嚟，頭髮順滑咗，唔用髮尾油都得，價錢又大眾化！ 最神奇用咗一星期左右，同事問我係咪剪咗頭髮，我話冇呀，點解咁問。佢話覺得我嘅頭髮順滑貼服咗！ 我自己都諗住再回購！不過因為係瓶裝，開口較大，容易倒瀉。 用之前，頭髮毛燥，容易出油：用完一星期，頭髮有光澤，變得順滑貼服：
<看全文>
Fish Tse好用推薦：小棕瓶相信有好多人都聽過，效果都唔錯，我認為都係抗衰老精華可選擇其中之一 針對預防老化、缺水、細紋、缺乏亮澤肌膚而設，適用於各種既膚質，即使係夏天使用肌膚都唔會有負擔既感覺 同樽身一樣精華都係呈現類近啡色感覺上比濃稠既精華，每次使用1滴管就夠搽塊面最後都會輕輕帶一帶落頸 品牌主打使用心形按摩法，當然我就冇跟到，如果有興趣既sis可以參考一下官網既按摩手法睇下會唔會令肌膚吸收得更好 係效果方面我覺得長期使用係有助緊緻肌膚同埋收細毛孔，搽完之後只係有種微黏既感覺好似為肌膚注入左水分一樣
<看全文>Josephine Lau好用推薦：不黏立油膩，很清爽的精華液，一年四季都可以用。使用一段時間可以穩定皮膚，混合性皮膚也可以使用。 就是吸管用到中段不太好吸，有時候要直接倒出來用，會回購的。
<看全文>
pink1314923好用推薦：感謝 @cosme 邀請試用INNISFREE速效淨肌修護精華 。 想一想，我也是INNISFREE的粉絲。 我自己一直有用INNISFREE 的維他命C淨亮精華(亮亮瓶) ，它有效傳遞維他命C亮白功效直達肌底，它有雙效配方，分別是金球膠囊和綠茶酵素雙效配方，溫和代謝老廢角質，從而達到淨亮、拋光的功效。我不經不覺已經使用一段時間了。 ✨今次可以試用INNISFREE 的速效淨肌修護精華，含純正A醇和積雪草，以達到舒緩效果。它能促進角質更新、細緻肌膚、改善粉刺、毛孔淨化、淡化暗沉和痘痘印、恢復肌膚彈性和撫平細紋。 ❤️用後感: 這一款保濕做得不錯，很容易推開，感覺很保濕，質地偏水狀精華液的感覺，帶點乳黃色，不會有粘膩感和沒有刺激感，原因成份添加了積雪草萃取、玻尿酸等保濕成分，可以同時保濕，也能將A醇本身的刺激減少到最小。我用上(早C晚A)的保養方式來保養皮膚，可加速肌膚新陳代謝，有助速效撫平紋路，提升肌膚緊實度，現在習慣會早上用INNISFREE 的維他命C淨亮精華(亮亮瓶) ，而每天晚上用速效淨肌修護精華。
<看全文>由紀子好用推薦：首先，多謝 @cosme 邀請我試用 Innisfree 的 速效抗痘精華。我第一次收到正裝的試用～有點少激動呢～ 精華是按壓式的，十分方便使用！我的話，基本上兩下就足夠抹整張臉～ 瓶子拿起來涼涼的，感覺挺有質感。先說明一下我的臉現在是甚麼情况。我臉脥的位置會泛紅，毛孔也挺明顯，就勝在少長痘。這樣看來其實這精華都挺適合我呢～這個精華流動性挺強的。因此很容易就可以上完整張臉。由收到試用到今天，基本上早晚都會使用。左圖是一開始未開始試用的情况。右圖則是寫這篇試用時的情况。抱歉燈光有點差距。但可以看到這些天下來皮膚有比較平整呢！而且質地輕薄，上臉之後也不會說很黏立。 有點值得一提的是這精華是有A醇的成份！配合積雪草這紓敏的成份，真的是老是泛紅的人，早A晚C的一大選擇！！！ 當然，有A醇成份的産品一般都會比較易乾。因此我有配合此次使用的另一個面霜（彈力緊緻輕盈面霜）一起使用。有關面霜的心得，我就寫在另一邊了！
<看全文>
Candy Mak好用推薦：有便宜又好用嘅東東想同大家分享，就係Maybelline Fit me！反孔特霧粉底液#120 1️⃣首先講講品牌方對產品的優點描述： - 不含油分，不致粉刺 - 含吸附油脂礦物泥成份 - 有柔焦成份令毛孔隱形 - 16小時長效持妝，不黏笠，妝效輕薄啞緻，貼膚不厚粉 2️⃣再同大家分享本人用後感 (油肌，毛孔粗大，冇補妝習慣)粉底液用上玻璃配上方柱瓶身設計，有大牌高級感；粉底液呈偏Gel狀，略帶微微流動性，推開可見其質地透薄，就算15分鐘後再唧1泵比較，都唔會有氧化問題。跟著就跟大家分享上面嘅before & after；我只薄薄上了一層。 你會見到毛孔修飾了不少、泛紅同痘印都有一定遮蓋力，仲平滑膚質；呈自然啞緻妝感，清爽不黏膩。 跟著再分享一整天口罩同油光攻擊下嘅妝效； 喺完全冇補妝嘅清況下，5小時後會見到遮瑕力、毛孔修飾同平滑膚質都仲keep到；到10小時後泛紅已經重現，而且膚質亦粗糙，但毛孔仍然有修飾冇白芝麻出現。 後記：以上係冇補妝嘅狀況，如果中間有補妝我相信泛紅同膚質問題都可以解決；順帶一提，一整天下來，妝感都清爽啞緻，而且冇白芝麻情況，毛孔有被修飾，最重要係一整天下來，沒
<看全文>konrinn好用推薦：從活動收到的貨品，本身個人混合肌，冬夏天都係t位好出油。 第一次用呢款粉底液，用了幾個situation、不同上妝方法來分享體驗。 *照片全部關了美顏。 1）本身選嘅係103號色，收到103，112，115三隻色號 103/112上臉blend開之後睇落差不多。 pump頭易用方便。⬆️ 左上係妝前，右上係薄薄一層foundation後 全妝用手指上 左下可以睇到遮毛孔效果 8小時以上出門行街後，鼻頭同兩邊出油嚴重有啲油光，但其他位置是keep到啞面效果。 由於第一次試想要個raw啲嘅效果，所以妝前乳，其他牌子遮瑕一律冇用，只係fit me foundation上面用了100樓下嘅開架粉餅同噴了下定妝噴霧。 2）第二次試，今次先上了paul&joe primer, 全妝用手指上。 今次唔知係咪hi得太多液，搞到一開始有啲卡/顯鼻頭毛孔一粒粒咁。 5小時後基本都係鼻位出油同眼鏡位會甩粉，其他位大致良好。 3）今次係返工試用，有落primer 同其他牌子的遮瑕。今次用了sponge上粉，都係薄上。 用sponge上妝按一下嘅份量已經可以上晒全面，之前兩張圖係用手指上，用了約兩下份
<看全文>
Meric好用推薦：Olay 產品聽就聽得多，試用就真係第一次，之前消委會有報告話過佢好，果然厲害！超有驚喜！首先佢質地柔軟，勁容易推開，基本上一搽上面就感覺到肌膚立即變得軟棉棉😱係立即！之後用手撳落去係真係有Q彈嘅感覺😳由踏入三字頭開始，發現今年的表情紋多了，可能本身我表情比較豐富🙈發現額頭眉中間有一條路軌😱 眼底亦開始出現細紋😖所以正在尋求抗皺的護膚品。我用了17天，中間都冇刻意去睇有冇少咗紋，到今日認真睇同影相，就發現真係啲紋淡咗😳超驚喜！我睇返佢嘅成份，佢話有300%膠原增生！😮原來真係得㗎！除咗改善咗細紋，皮膚仲更加有光澤，同埋全日都可以keep住水潤嘅感覺，一啲都唔乾，但又唔會有油膩嘅感覺，超舒服～用咗佢之後再化妝，超貼服！✨ 老實講，我覺得佢性價比超級高，我用過其他同佢差唔多效果嘅護膚霜，價錢比佢貴接近3倍（所以我一搽上面嗰吓簡直係驚訝😱），完全冇諗過原來平嘢真係有好嘢，係諗都唔使諗之後一定會回購嘅產品！我仲即刻介紹咗俾媽咪家姐添👍🏻
<看全文>HeiWa好用推薦：♦️Olay Super Cream 新生高效緊緻護膚霜♦️ 一直都知道但無用過OLAY啲護膚品，但都知道聽唔少人講過佢喺開架品牌入面係好好用的。今次第一次試用佢最出名嘅面霜，果然係有啲驚喜！👀先睇下佢外包裝，紅色嘅外殼有質感，拎起原來都幾墜手，第一眼感覺都幾高級唔似開架。擰開蓋有個膠板隔住面霜，白色乳霜「撩」上手好柔軟滑身！係我鐘意啲質地！♥️ 唔錯～ 香味明顯，唔鐘意有香味嘅面霜嘅用家可能要注意下。質地順滑好推，清爽唔油膩。本身個人都唔鐘意太笠嘅乳霜，但呢款面霜雖然滋潤但一啲都唔厚唔油，喺唔搽精華液嘅時侯，單搽乳霜後即時有種飲飽水嘅濕潤亮澤感，呢個位非常加分✔️ 而如果平時搽埋精華液再搽面霜，都唔會厚重，有種鎖水感。到第二日肌膚都仲係好柔軟👍🏻👍🏻 喺天氣乾燥嘅日子用，特別睇得出佢嘅保濕滋潤能力！試過有朝一隻手有搽面霜、一隻手無搽去對比做實驗，過左一日摸無搽嗰隻手已經有乾乾鞋鞋嘅感覺，但有搽面霜嗰隻手仲係好滑好潤😆 小小實驗證明保濕滋潤力真係持久！而持續用左10日後，感覺到皮膚比未用前更加嫩滑，就算係額角、下顎呢啲容易乾嘅位，摸落去都滑左大；仲有係臉頰細緻飽滿左，毛孔無以前咁
<看全文>
Cay好用推薦：本身一直都想試吓呢個牌子嘅產品， 多謝@cosme 邀請成為b.glen 長效防曬水潤肌精華試用會員既幸運兒！ 今次試b.glen呢款有80% 高濃度美容成分嘅防曬精華，佢含有兩倍保水力的超級透明質酸，可以提升肌膚彈力的膠原蛋白、調整肌膚原有天然保濕因子，深入抵達角質層，深層補充肌膚所需的水分同營養，令肌膚長時間維持水嫩有彈性。 呢款防曬精華質地水潤易推唔油膩，只係用少少份量已經夠成塊面用，輕輕一搽已經推開哂，而且佢含有吸油粉末來吸走多餘的油光，揸完一啲都唔黐笠👍👍 精華係無任何顏色，唔會好似平時防曬泛白既問題。 我屬於油性肌膚都覺得好清爽，之後再上Foundation都唔會卡住，然後再上埋碎粉都唔會好乾，水潤得嚟唔會焗！ 試用期間有啲日子天氣都偏潮濕，都唔會有焗住嘅感覺，全日保持清爽又唔乾👍👍 其實呢枝防曬嘅價錢比起其他大牌子都唔算好貴，但係一樣有護膚成份，而且四季都啱用，所以絕對會係我回購嘅產品！
<看全文>Yankikiki好用推薦：今次試用到@cosmestore 有售的日本護膚品牌b.glen 長效防曬水潤肌精華 SPF50+PA+++ 被介紹「含有80%美容成分* 和3大保濕成分：超級透明質酸，膠原蛋白和PEG-12。」，還有吸油粉末（二氧化矽）吸引了，一齊來試試看。 首先它的質地像gel cream，水潤而不厚重，容易推開塗於臉上。而白色的質地在塗均勻後變成透明，猶如形成了一層水分薄膜，使皮膚好水潤和變得有光澤。在現時潮濕天氣下，我混合偏乾皮膚本身已有點黏膩，所以日間skip面霜，然後塗上b.glen 長效防曬水潤肌精華 SPF50+PA+++ 後，靜待一至兩分鐘變得不會黏膩或焗促，或者加一層薄薄的碎粉。 另外我也試過使用了b.glen 長效防曬水潤肌精華 SPF50+PA+++ 後再用粉底液，粉底液會好易推開和貼服，持久keep住底妝。自從試用後在平日上眼皮和眼底皺紋會卡著防曬液和局部泛白情況也沒有出現。真的比它的水潤度驚喜到了！ 最後，物如其名有高系數的防曬和含精華的保濕力，推薦給混合肌/乾皮膚！
<看全文>
Hamiii好用推薦：第一次用係好多年前冬天飛紐約 一出機場企係露天地方等車，吹到塊面超！痛！ 番到酒店用左塊用開好勁既面膜都搞唔掂，只係保到濕，但紓緩唔到已經凍傷左既皮膚，只要輕輕一掂都會痛 同事拎左喱盒面膜俾我試，當時佢係用個細盒分裝左，方便帶出差用，我一打開，聞到陣玫瑰味係好鐘意既，但一睇到，我都問：咩黎嫁🤢 黃黃啡啡仲要有d一塊塊，睇落真心覺得唔靚，唔想搽想面.. 但無奈盛情難卻.. 又試下 可能天氣好凍，佢自然變左做凍膜既關係，一上面，冰冰涼涼，起碼唔痛先🤕 敷左大約20分鐘，去到洗面膜既時候，先發現塊面已經無咁痛！ 雖然有繼續紅腫，但明顯有紓緩左👍🏻 保濕度亦都好夠，加上敷完陣玫瑰味會持續一陣，真心覺得鐘意❤️ 當時香港仲未有專門店，我就會每次飛出去都去s字頭鋪頭入手 而家香港/海外久唔久都會有套裝優惠，見到我都會keep住入手用 如果經常都要面對乾燥天氣/皮膚偏乾，好值得入手一試：）
<看全文>Josephine Lau好用推薦：成份天然，有淡淡的玫瑰花味。 使用後可以鎮靜舒緩，也有保濕的效果。 除了價錢貴了一點，其他沒有什麼可以挑剔的。 回購了幾次，混合性皮膚也能使用。
<看全文>
Nikkichana好用推薦：近排節日太多 而且近排晚晚煲劇🫣 皮膚狀態總係會立即反映俾你睇捱夜既後果😮💨 Innisfree 紅茶逆時活膚系列剛好拯救咗我🙌🏻 Innisfree 出名性價比高😻 今次用既係Innisfree 紅茶逆時活膚系列: -紅茶逆時活膚精華水 -紅茶逆時活膚修復精華 產品以茶色作為包裝 完全切合紅茶主題☕️ 精華水更用上磨砂樽身😍 充滿住滿滿既高級感❤️ 而修復精華則用上滴管樽 方便份量既控制 避免造成浪費🌻 第一步先使用紅茶逆時活膚精華水💧 聞落去有淡淡紅茶既香味 係好溫和既氣味質地偏向清爽 我會直接用手拍上臉🤲🏻 上臉後亦沒有出現任何過敏情況🤩 後續我會配合紅茶逆時活膚修復精華使用 我既皮膚屬於乾性敏感肌 產品通過肌膚過敏測試 我於上臉後亦沒有出現任何敏感🙌🏻質地方面相對會比較滋潤 上臉後唔會有黏笠感 平日使用份量大約三滴左右就可以全臉使用 遇上較乾燥天氣份量會再作調整💫使用前👆🏻連續使用後三星期👆🏻 保濕效果十分明顯😍 而且皮膚彈性亦有所改善❤️ 皮膚光澤感提升🥰 連續使用三星期後 肌膚無論緊致度 均勻度都有所提升 意想不到連細紋都有改善😍 當然我亦有配合 每晚都乖
<看全文>iliya 好用推薦：首先要多謝@cosme抽中我參加 innisfree 紅茶逆時活膚系列---紅茶逆時活膚精華水同紅茶逆時活膚修復精華嘅試用活動🙇♀️🙇♀️🙇♀️ 眾所周知香港人生活忙、工作忙，三兩日就要開OT捱夜，而年紀開始大，捱完夜之後嘅皮膚暗啞又無晒光澤，另一方面骨膠原又開始流失，令肌膚變得鬆弛失去彈性，真係慘不忍睹！🥲 我係紅茶逆時活膚精華水配合紅茶逆時活膚修復精華咁樣一系列一併使用嘅。呢排咁啱新年有好多節目，加上要On shift duty成日返通宵更，而正巧今個秋冬特別寒冷大風乾燥，皮膚嘅質素明顯直線下降，皮膚繃緊及失去彈性、毛孔變得粗大、面部更加多細紋等問題，臉色看起來特別蠟黃暗啞衰老唔精神，比之前更加乾旱同更多暗粒，甚至有時會有甩皮嘅情況發生！🫠 估唔到試用完紅茶逆時活膚精華水同紅茶逆時活膚修復精華16日之後，竟然有驚喜，真係好喜出望外！ ❤️❤️❤️ 紅茶逆時活膚精華水同紅茶逆時活膚修復精華外型一睇到就覺得好靚，係紅茶一樣嘅暗啡色帶點紅。倒出黎就即刻聞到淡淡嘅茶香味，好自然，一啲都唔會覺得好人工香精果種味道。 每日用完之後，皮膚上會有種微微嘅黏黏的，但只要輕輕按摩一下，就能
<看全文>
wawa好用推薦：感謝今次cosme給我安排了Yves Rocher皇牌No.1 防脫髮洗髮試用體驗！本身對呢個牌子嘅認識都主要係護膚品上，今次可以試用到護髮產品覺得非常新鮮，同埋非常有驚喜❤️ Yves Rocher呢支防脫髮洗頭水顧名思義梗係防脫髮啦，仔細睇返佢嘅成份，原來入邊都加入咗好多營養同埋保濕成份，e.g 水解天然白羽扇豆種籽精華、有機龍舌蘭精萃 、維他命 E，可以溫和清潔頭皮，同時鞏固髮根。仲可以推動頭皮微循環，增加頭髮細胞養分供應，所以就有效減少及防止頭髮脫落。 本身我自己對防脫髮洗頭水有少少恐懼，因為以前用過某啲牌子會越洗越乾，仲甩得多咗頭髮，而今次試用之後真係顛覆咗我對防脫髮洗頭水嘅一貫觀念，原來都可以好保濕，真係感覺到頭皮健康咗！首先無論佢嘅質地同香氣都令人覺得非常舒服，係一陣嘅清新草本清香，質地係啫喱質感，當我用喺手嘅時候，用水揉開，你會見到佢唔會起好多泡沫，之後用水沖走，你會發現隻手唔會乾，有強效保濕效果，所以用係頭皮係非常之溫和水潤！當用喺頭髮上面，雖然佢真係唔算起到好多泡，但係洗嘅時候好舒服，沖走泡沫之後亦感覺到頭皮清潔得好乾淨，同埋清爽得來又足夠保濕，整個頭皮感覺都好
<看全文>皮皮爱马桶好用推薦：首先感谢@cosme的试用体验，本人由于之前一年里染烫漂过多次，并且是浅发色，所以发质受损比较严重，平时非常容易干燥打结断裂，洗头护发用的是专门的固色洗发水和护发素。这次想单独体验YVES ROCHER的防脱发洗发露以及木莓水漾亮泽护发醋的效果，因此就没有用固色洗发水。洗头发之前的头发情况: 第一步打湿头发后，挤出少量防脱发洗发露，像透明状的芦苇胶，伴有淡淡清香的人参味道，双手搓揉后均匀涂抹整个头发，泡沐细腻但是不算多，给头皮大约按摩了两三分钟后冲洗掉。然后按照正常的护发程序上完护发素后，下一步便是上木莓水漾亮泽护发醋，发醋是透明水状液体，倒出后树莓酸酸甜甜的味道扑鼻而来，本人也是第一次使用发醋，按照说明小心倒在手心后于头发以及头皮搓匀，稍微按摩两三分钟后用水冲洗干净。做完以上这几步之后吹干头发，整个头皮瞬间轻松了不少，头发相较之前更为蓬松顺滑。 坚持了2周5次后，发现YVES这个组合能够较为有效的改善头发毛糙的情况。并且洗头后过2-3天，头发也基本不会出油，最惊喜的是掉发情况有所改善，洗头时掉的发量肉眼可见地减少了，相信坚持使用可以有效拯救秃头星人。不过由于本人是浅色发色，单独使用这
<看全文>