Circlecyy20好用推薦：之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。

unclecar好用推薦：感謝 @cosmeHK 今次送出Embryolisse Sensitive Multi-fonction Nourishing Moisturizer試用裝。呢枝低敏護膚霜，集合洗面、面霜面膜同身體潤膚乳等多重用途，無香料並有高達98%天然成份，大人、小朋友同七個月大或以上BB 都可以安心使用。 保濕霜係輕盈偏水狀乳霜質感，相對普通藍色款個人感覺比較薄身十分容易推開。只需要少量就可以搽曬全面，吸收快，用後亦無黏笠厚重感。岩岩轉天氣日子一直有輕微敏感及甩皮，但係早晚都用咗大約4-5 日，已經得到舒緩，甩皮嘅問題亦都無再出現，皮膚仲柔軟咗少少。係早上用後再搽防曬，唔會出現擦膠碎，面部全日都無癢同乾燥不適感。 屋企人有濕疹問題，比佢哋當身體乳霜用係患處亦舒緩唔少，雖然產品無止痕成份，但因為有鎖水平衡水油比例，患處有明顯改善，最主要係潮濕天氣都唔會有黏笠感覺。 本身有一直用開普通款，但試用咗妤敏保濕霜之後覺得更加好用，回購清單必備。

chasiutung好用推薦：我混油肌 買過無油版同有油版 都吾適合我用 每次用都長滿臉閉口 生大大粒嘅暗瘡 但我先生乾肌（乾到甩皮嗰種)用有油版 佢話好好用 而且佢無甩皮甩得咁嚴重 唧出黎係黃色乳霜質地 推開感覺好滋潤吾算太黏笠 但好似有層膜咁 搽左上面感覺吾太舒服

葉子🍃好用推薦：黃色cream狀，本身針對乾肌，質感滋潤，搽上臉有d吸收唔到，停左係臉上，有d潤，感覺自己比較適合用特效控油啫喱霜多啲

Haidy好用推薦：MAC嘅粉底液幾好用應該唔使多講🤣而家新出呢個妝前護膚超級好用！✨開始以為個花瓣面霜會好厚重，點知佢勁輕薄！延展性非常高😆比起其他面霜來講，呢個花瓣面霜好啱來做妝前保濕！配合埋佢嘅花瓣精華，上面嘅感覺非常保濕水潤！呢個配搭特別適合乾皮/嗰日皮膚特別乾嘅靚女🤣完全唔會厚重/搓泥🥰仲要都幾乾爽添！ 搽完上面可以見到即刻有光澤咗！之後上妝都非常貼服✨ 曬完妝之後妝感真係好好！

Venus Chan好用推薦： 本身覺得Mac嘅化妝品比較岀色，所以都冇乜機會去試佢地嘅護膚品~😳 (p.s. 本人混合肌，冬天的時候T zone偶爾會岀油) 不過我so far用左一星期呢一罐「貼妝花瓣清透煥顏保濕修護面霜」之後，第一個感覺同同系列精華一樣，都係係覺得好香牡丹味🤣質地比較稠，係修護面霜嘅質地，不過上面又唔會好難吸收wor，呢點做得幾好👍🏻 上完個一刻感覺好補水，光澤感upup 🆙🆙。的確做到皮膚更平滑柔軟、彈潤感即時提升😳 可以睇下before & after，你會見到用完之後光澤感有提升，水潤左咁😳毛孔仲好似冇咁粗大咁個人建議如果冇咁乾燥的話，淨用同系列精華是ok的～不過再乾啲真係要呢款面霜岀動啦～

Nicole 好用推薦：乳霜質地，有一點點厚重，保濕滋潤效果很好，所以我通常秋冬天用，上面順滑好推開，配合按摩會令皮膚更快吸收，味道是淡淡人蔘味～ 因為這款面霜主打抗衰老和提拉緊致，冬天時乾燥皮膚會加速“衰老"，乾紋會很多，像我這種冬天會變敏感肌乾皮，就很適合這款，水油平衡調理的功效滿分。

葉子🍃好用推薦：很大陣人蔘味，質地比較黏身，微黃色，上面推開好薄，好快吸收，皮膚軟化有彈性，有光澤感

Chun Ho Cher好用推薦：呢款HADA LABO 肌研極潤保濕冰感霜真係令我好驚喜！我依照試用商品說明，每朝晚潔面後，輕輕按摩塗抹一層。霜嘅質感好似雪葩一樣，真係如初雪般一抹即溶化，仲有陣陣冰爽感，夏天用特別舒服！ 高效保濕：用咗一個星期，我明顯感覺到皮膚變得更加水潤，乾燥問題減少咗好多。皇牌透明質酸真係名不虛傳，幫我鎖住水分。 清爽控油：產品添加咗超微肌氨酸同控油微球，對我嘅T字位出油問題有顯著改善，毛孔都收細咗，皮膚變得清爽又唔會油膩。 修復呵護：活性益生元幫助修復我嘅皮膚屏障，同時令肌膚水合狀態保持良好，感覺皮膚變得更加健康。 使用後的狀況： 保濕潤澤：中分子、低分子、雙倍及納米級透明質酸配合神經醯胺，真係做到四重保濕效果。皮膚長時間保持滋潤，無論室內冷氣環境定係戶外炎熱，都無再感到乾燥。 整體嚟講，呢款極潤保濕冰感霜真係值得推薦，無論係保濕效果、控油能力定係修復皮膚，都有顯著提升。希望大家都可以試下，體驗下初雪般嘅水潤感覺！

Choi好用推薦：感謝@HadaLabo @cosme 抽選成為今期新品試用者🙏🏻由於之前亦有試用過肌研護膚產品，用後感不錯，所以對今次控油系列非常期待😆😆 1️⃣外表包裝 收到產品時被淺藍的包裝吸引🩵成個藍白配色好夏日feel☁️🏖️🧊雪葩冰感霜藍色瓶身部分採取磨砂設計，開蓋後附帶小匙羹🥄，可以方便拎少量出黎搽上臉而不沾手。容量方面亦係一般坊間面霜分量50g，因為我日常護膚程序較少用面霜，所以每次大概硬幣🪙份量都可以用一段時間。 2️⃣質感效果 因為今次雪葩冰感霜主打控油夏日產品，成個面霜質感名副其實係磨砂雪葩感😆第一次體驗呢種質感嘅面霜。原本以為上臉後會好難吸收或者偏油，但實際效果出乎意料之外🤣搽上臉係好快就已經形成一個薄膜，之後皮膚就會變成霧面感覺。 因為我係混合偏油肌，用完之後隔一段時間後會覺得控油效果唔錯，起碼唔會好似其他面霜咁令面好快就會覺得塊面好油，同時都可以保持到保濕唔乾嘅感覺。 3️⃣整體用後感😉 其實今次產品俾我想像中可以較為常用（因為本身驚太滋潤而會省略面霜step），控油效果都唔錯，會推薦👍🏻

kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

natanatalie好用推薦：夏天炎熱又潮濕，作為油肌嘅我有時會覺得面霜太厚重，會令我覺得太笠唔舒服。🥺 呢一款清爽型乳液一定要推介俾油肌，我一試愛上！🤤 佢質地好流質，完全唔厚重，但又有足夠保濕效果，開冷氣用都夠，唔會乾！💓 而日頭用完佢，亦唔會同化妝品打交，係我嘅夏天最愛，性價比好高！👍🏻 #夏季必備保養

Heychauchau 好用推薦：面霜質地比較厚身，夏天使用會覺得很黏膩。如果是開冷氣使用，就覺得還可以，相對比較適合在乾燥的環境使用。整體跟一般保濕面膜沒兩樣，沒有覺得有特別功效，當一般保濕型面膜是還滿划算的。

whTsoi好用推薦：以前在屈臣氏買同品牌精華時看到有連著洗臉乳和面霜的體驗套裝就買了它 容量相當小 也很慶幸沒有給大容量套裝 這款面霜對我而言太滋潤了 不太適合容易出油的人在溫暖的天氣下用它 而且除了滋潤也沒有感受到其他特色 沒興趣再買一次

SzeChan好用推薦：🧏🏻‍♀️《Estée Lauder 新生活膚彈活輕盈面霜》 @esteelauder_hk 初老症狀出🙈就特別關注細紋、皺紋甚至頸紋等等問題，呢啲問題真係特別易顯老😣 又想令肌膚每一個細胞充滿彈性《Estée Lauder 新生活膚彈活輕盈面霜》就幫到大家喇❗️ 等等講吓呢盒面霜嘅厲害成份先喇❗️佢有全新成分「芙蓉花-8分子精萃」➕「辣木精華 」➕「仙人掌植物桿細胞萃取物」➕「高濃度透明質酸 」❗️呢啲成份都令肌膚充滿膠原蛋白同鎖緊水分，長效保濕添❗️ 💁🏻‍♀️【功效】 ☀️抵禦初老跡象出現 ☀️令面部輪廓更立體分明 ☀️淡褪皺紋、細紋及頸紋 ☀️深層滋養及鞏固肌膚屏障 ☀️幫助鎖緊水分，長效保濕 💁🏻‍♀️【用後感】 面霜質感細滑，輕輕一推瞬間即時被肌膚吸收❗️好多用家使用後都有顯著功效，而我都唔例外。使用了大概1星期多後，下顎緊緻咗、蘋果肌飽滿咗、仲有笑紋都減淡埋添❗️現已持續使用咗一個月了，肌膚更水潤又有彈性❗️即使面臨現時較乾燥情況下，肌膚仍變得水潤透亮、細滑緊致、有彈性、有光澤感❗️係一盒超高CP值嘅面霜❗️

flutter312好用推薦：已經買咗呢個產品三次 因為我本身冬天時皮膚好容易乾但係用咗呢隻cream加埋佢嘅晚上精華一齊用就解決咗我皮膚乾嘅問題 呢個產品個味道我個人好鍾意 同埋又係潤得來唔會唔舒服嗰隻 因為佢嘅效果來得好快所以會好自然咁就keep到每日用佢 不過有時用得太頻密或者嗰排皮膚冇咁乾 就唔需要用到呢隻cream因為都比較rich 有時可以一個禮拜用兩三日 視乎當時皮膚狀態同埋天氣有幾乾 10分推介呢隻產品

CC1997好用推薦：先多謝 cosme 同 Benefit 今次抽中我試用呢個全新嘅系列嘅幾樣產品，等我都分享下我嘅使用後感先。 先講下缷妝油： 唧出嚟係清澈嘅油狀，帶有少少果香味，甜甜地嘅感覺我都幾中意。 乾手乾面搽上面之後加水好容易就乳化到。過完水之後大部分嘅妝，例如粉底眉毛等肉眼睇都已經缷得七七八八，不過眼妝就要自己另外再落，例如溫水可卸睫毛膏就比較難缷，會留一撻黑色嘅蹟係面或者眼到，變左好似黑眼圈咁。 我本身係油性皮膚容易出痘痘，過完幾次水之後皮膚都唔會有緊繃或者刺激嘅感覺。而且用咗兩個星期皮膚都冇特別敏感，或者起粒粒。不過因為我平時都化開眼妝，會用眼線眼影睫毛膏，所以之後就未必會長用呢隻卸妝油喇。 洗面泡沫： 根據官方嘅使用方法，用完卸妝油之後要用Good Cleanup洗面泡沫洗一次面。呢個洗面泡沫唧出嚟係透明gel狀，加水之後慢慢捽佢就會變成泡沫。洗完面之後塊面摸起嚟好滑，唔會有好乾或者緊繃嘅感覺。整體嚟講，用咗冇生暗瘡，皮膚冇特別敏感，對呢款洗面泡沫嘅使用體驗都唔錯。 保濕霜： 搽左自己嘅爽膚水同精華之後就可以用benefit嘅Smooth Sip保濕霜喇。呢個保濕霜係呢個系列入邊我最

Kaorichannn好用推薦：感謝@cosme邀請我參與「Benefit PORE CARE毛孔護理系列試用活動」，今次可以試到Benefit最新Pore Proffesional既Skin Care Product，一set試用入面包括【暢通毛孔深層潔淨卸妝油】、【清潔滑溜潔面泡沫】、【緊緻毛孔爽膚泡沫】、【滑溜美肌輕感保濕霜】、【深層淨化毛孔泥膜】、【皇牌毛孔細緻底霜】。 而家就等我同大家分享下今次令我覺得大家需要注意產品味道嘅【滑溜美肌輕感保濕霜】!!!產品用左芹菜籽同亞麻籽萃取，所以味道對一個唔食芹菜嘅我黎講都幾濃烈，而且仲要係搽係鼻上面，搽完仲會飄住陣陣芹菜味haha，不過愛靚唔愛命，只要效果好就冇問題啦！而且係啫喱好透薄，冇塞住毛孔嘅感覺仲好快吸收添！ 使用方法： 爽膚水後搽上上毛孔粗大/容易出油位置 用手指拍至皮膚完全吸收 效果可以見到本身鼻上面有好多黑色一點點頑固黑頭，而家終於慢慢減少，配合其他產品吸走曬！臉頰兩側毛孔都收細左，眉心明顯摸到平滑左，吸收後好乾爽，feel到無野塞住毛孔，零負擔！化妝果陣鼻翼位都貼d !

mcosmetics好用推薦：去Clarins counter 買晚霜，sales 推介乾肌用呢款（for all skin types), 同系列有出for dry skin但佢話比較油潤只係冬天最乾嘅日子先用到。最後我買呢款我夜晚搽完精華用就夠，最乾嘅日子on top加squalane oil~ 質地好滑，搽上面舒服易吸收。但要留意花香味好重，最好去counter試左先。sales話孕婦同敏感肌用得。我本身易敏感用完都ok不過轉季會用返cerave呢類穩陣啲嘅牌子～

wingche好用推薦：話說我對面霜有種講究，朝早同夜晚嘅功效唔同，要求都會唔同，比如朝早要透薄輕身啲，但夜晚要搽完好似有層薄膜保護肌膚咁！ 因此我選擇Clarins，佢呢款晚霜非常適合我呢啲混合偏乾嘅肌膚，一開蓋就會聞到佢獨有嘅淡淡花香～～相信有用開佢double serum嘅朋友仔，絕對唔陌生呢種氣味！ 面霜呈白色，取少少份量，已經感覺到佢係挺身好似平時整蛋糕打起咗嘅cream咁！ 輕輕推開喺面，會多現佢好似轉化成少少油咁係面部。 隔幾日，會感受到肌膚比之前潤滑，啲缺水嘅紋理仲會淡咗，膚色無之前咁暗啞。 過多排，會覺得皮膚滑咗𠻹～～