ADDICTION

光澤粉底乳

ADDICTION THE GLOW FOUNDATION  SPF 20 PA++ $315/ 30ml THE GLOW FOUNDATION 有給人驚喜的感覺。 保濕力極優秀，延展性高，可以輕易推開， 妝效自然而帶光澤，令人看上去更精神。 Buildable Coverage，可自然疊擦粉底， 底妝依然十分自然，遮瑕度很不錯， 可以遮蓋泛紅位置及自然修飾毛孔。 SPF 20 PA++具一定防曬效能。 持久度高，午後也沒有出油或溶妝。 價位在專櫃品牌中算是便宜， 整體來說在各方面都做得很好，性價比不錯， 實在值得入手。

試用咗同牌子三隻粉底液 上至下分別係the foundation, the skincare foundation, the glow foundation 色號都係005 對比另外兩隻 The glow foundation質地介乎另外兩隻之間 偏水 流動性高 質感滋潤 比另外兩隻笠啲 妝感較有光澤 防水效果同另外兩隻相約 而呢隻係三者中最易卸妝的

拎嘅係06號色嘅試用品，本身諗住咁細包嘢點用到成塊面，結果拆開發現佢嘅質地非常水，用咗少少就成張面上哂妝，但餘下嘅仲有超多，目測仲可以上多兩至三個人既臉上 遮瑕力相當唔錯，本身自己塊面上面有少少嘅班，上完粉底應該淡咗八成 毛孔遮瑕力非常好，兩邊面嘅毛孔上完妝之後真係完全見唔到，係依一點上面必須讚一讚！ 提外話，06號色對我黎講真係太黃啦，如果唔係因為色號唔啱，我應該可以化完全妝出門口(´；ω；｀)

粉底好水感、延展性好高。有一定保濕力，所以冇做妝前保養、直接上粉都唔乾。 上臉有去黃、均勻膚色效果。圖為06色號，上臉＝肌膚肉色，粉底本身帶啲光感透亮。 遮瑕效果較一般，對一般細毛孔有幫助，但於凹凸洞/泛紅位置則沒有潤飾作用(粉底太水，於皮薄位置會滑開左)。除非0瑕疵，否則需要額外遮瑕。

適合乾性皮膚，上臉輕薄無負擔，幾滋潤會有微微光澤感，不過遮瑕力比較弱

輕易能營造艷水煮蛋肌的粉底 我有d覺得佢唔水又唔油🙈 可能因為咁既質地令佢好好推勻，好快吸收哂 塗後肌膚相對有光澤提亮 缺點是遮暇度只屬中下 如果你好多痘印疤痕可能稍嫌「唔夠力」 否則出黎效果真係好水潤亮澤好自然、唔厚妝

適合冇太多瑕疵嘅人用, 最多只有20%嘅遮瑕力, 可以遮到紅同均勻膚色 因為質地水潤透薄, 所以一年四季都啱用, 唔落碎粉就會有個完美嘅水光肌質感, 而且好好推 分量好少已經足夠推勻全面, 係日常粉底嘅好選擇~

我呢個係試用，擠出黎好水好流質，保濕感超強，勁可以修飾毛孔，少少已經可以搽晒成塊面，妝感亦唔錯，不過夏天用比較快易溶妝，加上我係混合性皮膚同成日帶口罩，可能冬天用比較好。

質地透薄 保濕度也好好 光澤感不錯 對乾性肌膚來說 夏天用還可以 但遮暇度弱 只可均勻膚色 如有暗瘡印 雀斑一定要再遮暇膏

唔算好潤，上面好通透，但遮暇力唔高

超讚，能造岀非常自然的妝效，粉底非常透薄但又不失遮瑕度，輕易造岀偽素顏。已回購❤️

質感透薄,可以營造很自然的素顏妝，但因此遮瑕度不高。 容易推開，亦不會感到乾。

質地水潤好易推，搽上面好輕盈，無厚重妝容嘅感覺！ 不過遮瑕度略有不足，如果面上比較多暗瘡印同班，就不太建議了！