自然妝效 推薦好用產品

venusyuet好用推薦：呢個我願稱為史上最好用嘅primer 都算係用過唔少嘅底霜、毛孔修飾等等 效果都一般般 Primavista令我重新認識過primer 上手感覺水狀，肉肉地色 好易推開 上臉唔會覺得笠/焗 推開係透明嘅 平時鼻翼少少甩皮，上primer會特別明顯 但Primavista冇呢個程況出現 之後再上粉底可以feel到好貼服 甩皮位置亦冇任何痕跡，毛孔都有修飾到 整體感覺唔會乾/濕，好似中和平𧗾咗肌膚嘅狀態 然後係最重要嘅持狀效果 最近天氣都開始升返溫 我混油肌，平時用再好嘅粉底都會出油 通常完妝之後四個鐘就會少少出油 係，換過好多打底同粉底 呢個問題都係會有 但今次用咗Primavista再上妝 平時應該出油嘅皮膚，一啲油光都冇 ！！！！明唔明我係幾咁激動 至於最耐可以keep到幾耐我冇實測 不過出一次去6-8個鐘係有嘅 基本上係冇見到出油 呢個夏天有救了

takemyokane好用推薦：已經回購超過五次，一直沒有遇到控油能力比它更好的底妝！基本上一年四季也是靠這一支作為基礎去保護妝容不易脫妝，即使是炎夏也一樣保持妝容完美，特別是現在戴口罩，塗上它都不會再有印妝在口罩的情況。質地透薄易推開，不太有遮瑕效果，但基本上都當做打底用途，所以遮瑕度不是重點。 試過與各種粉底、cushion等配合也可以互相融合，沒有卡粉等情況。價錢作為開架化妝品性價比極高，以後也會繼續回購。

heihei好用推薦：膚況：混合偏乾，但T位同鼻兩邊會出油最易溶妝，同埋好敏感長時間大範圍泛紅，除此之外平時大部分時間無乜太大瑕疵如瘡印同斑等等，只有黑眼圈同少少眼底紋淚溝咁。咁啱呢個星期唔知係咪轉季加上用咗弱酸去角質，爆咗好多瘡，所以係喺好多瑕疵嘅情況下試用粉底。本身有用過第一代係好鐘意，空瓶咗2-3枝。直至上年試用過BB新粉底之後覺得佢好過Shu先無再買Shu，所以今次升級咗都好期待佢嘅效果。為咗試到新粉底嘅效果，呢一個星期我番工定出街都用佢揤一泵，而且除咗黑眼圈外所以位置都無用任何遮瑕，測試下粉底嘅遮瑕同持妝能力。 不變因素： 粉底用量：一泵，剛好全面上一層 上妝工具：手指＋Solone 梳乎厘 定妝：Suqqu 碎粉/CPB粉平；掃/粉撲上 ———————————————— 第一日 氣溫：20-23C 濕度：91% 妝前打底：爽膚水＋小黑瓶精華+嘉丹防曬
帶妝時數：10小時，當中有7小時喺冷氣地方戴口罩 收工後狀態：額頭有啲乾、顯紋。鼻同面頰近睇會見到溶溶地，但遠睇底妝還算完整，仍然有7成遮瑕度。 上妝前、剛上妝、收工 ———————————————— 第二日 氣溫：16-25C 濕度：90% 妝

carriecat好用推薦：由舊版開始已經由好多朋友推薦shu uemura嘅小方瓶，最近出咗全新升級的「小方瓶2.0」之後，班朋友都升級晒仲推咗唔少身邊人落坑，搞到自己都心思思。 今次有幸試用，仲要遇著反覆不穩氣候就啱晒。 自己一向就好大汗，但皮膚又好乾易紅易痕，毛孔粗大，妝容易氧化溶妝嘅。屋企無品牌類似嘅粉底掃，用一字掃推開好易好滑，好輕手已經可以上好薄薄一層粉底，再慢慢疊加去遮啲相對明顯嘅瑕疵同粒粒。 都幾滿意，唔會焗皮膚。 大致明顯嘅眼底白色油脂粒，粗大毛孔都遮到，膚色不勻修飾都幾靚。 畢竟皮膚瑕疵好多亦唔平滑，但佢可以薄得黎有一定遮瑕力都幾好，無特別用遮瑕膏 眼底都tune到一半。定好妝，配合埋shu uemura嘅定妝噴霧，摸上塊臉係乾爽同順滑嘅，唔會笠唔痴手。 出街3，4個鐘後平時已經抹緊汗溶緊妝，今次用完2.0 只係髮際無辦法因為抹汗抹甩咗啲粉，T字位微油變咗少少光澤感😂，整體都ok，少少黏，有啲意外持妝都幾高，仲要天氣一係焗一係濕凍，印番少少粉又完好了。 會繼續開心使用～

楊壯碩好用推薦： 購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

Desse好用推薦：一個妝化得好唔好.. 底妝絕對係重點之一.. 皆因一浮粉.. 就會毁曬全個妝😪 我自己揀粉底液…會睇幾個重點 -質地 -不易氧化 -帶遮瑕度 -有防曬功能 至於霧面.. 日韓風.. 歐美風.. 通通都係其次 LANCOME持妝輕透粉底液 喱一款我會俾8分 💡 輕薄貼服 質地好貼服.. 用美妝蛋輕拍薄薄一層已經上到妝.. 就算叠加遮瑕都無出現卡粉現象.. 色調非常自然兼帶柔焦效果 💡不易氧化 底妝最怕氧化後變咗黃面婆.. 喱一款完全無問題.. 新年期間朝7晚11都無變色泛油.. 吸油紙都慳番🤭 💡帶遮瑕度 我用Po-03.. 無特別去化白.. 如果少量瑕疵.. 例如雀斑同暗瘡印.. 叠加2-3層就完全遮到.. 只有黑眼圈要另外處理 💡有基本防曬功能 Spf38 pa+++ 雖然只係基本配置.. 但算唔錯.. 我買粉底液必睇防曬度數.. 因為防曬實在太易同底妝打交.. 搞到搓曬泥.. 所以喱項都算合格 🧏🏻‍♀️喱款粉底液嘅霧面效果都唔錯.. 所以我自己會俾8分 扣分位係防曬度數唔夠.. 如果上到spf50 會更加好💓 因為度數唔夠.. 如果需要進行室外活動記得

royu3好用推薦：這枝絕對是奶油肌妝感必備之粉底液！我的色號是N12，較適合膚色偏淺的人，算是系列中最淺色的幾個色號之一，但它塗上去並非死白的那種，而是有點粉紅調的淺暖膚色。相較日韓品牌的色號來說，個人覺得它不算白了。我身邊就有朋友沒能配到合適色號！ 質感較濃稠，要慢慢推開，每次用一小點已足夠塗勻全面。跟肌膚貼合度高，相當自然，沒有粉感。能完全覆蓋輕微的瑕疵，本來手上的紅點，細紋都能蓋掉⭕️ 較深的黑色素如痘印、黑眼圈等，則需另外使用遮瑕膏。單用它已有很好的遮瑕效果，再以水模擬流汗，看看持妝力。見圈圈位置，沒有浮粉和脫妝⭕️除了帶口罩被磨擦掉少許底妝之外，用後一整天幾乎沒有脫妝情況，持久度真的很驚人！加上高遮瑕力卻不厚重，而且用後沒有讓人難受的乾燥感，十分推薦！👍🏻👍🏻👍🏻

tanya好用推薦：買貼裝水既時候店員送既贈品，佢仲好好人幫我試對顏色。買粉底最怕買錯色，而mac呢款粉底既色號好齊全，一定可以找到最合適自己膚色既顏色。我偏白，所以店員推薦N18或者NC15，兩隻幫我試曬覺得N18更加合適。 呢款霧面粉底遮瑕度相當高，輕輕一層已經可以遮到大部分瑕疵，連毛孔都消失埋，顯得皮膚好似本來就膚質好好。就算轉天氣皮膚偏乾，都冇特別浮粉（鼻上面脫皮係因為鼻敏感）唯一既缺點係應該唔太適合非常乾肌既人使用。不過mac最近都有推出新既radiance粉底去迎合乾肌人既需要～ 上妝前 （毛孔粗大好明顯）上妝後（已經過咗全日先影，但係妝仲係好完整，毛孔依然隱形）

lingbb好用推薦： - 上咀非常輕薄，好欣賞dior唇膏做到好滑身之餘仲好薄身，唔會假滑，而且有光澤感，仔細睇係從細小嘅光澤累積而成嘅光澤， - 上到咀唔會好濕潤，亦唔會令你咀乾到甩皮，係冇乜存在感嘅感覺呢個位我好加分。 - 顏色可以好出好紅，亦可以做到薄薄咁印開自然（如圖）亦可以好實色嘅紅，只要成咀塗一層就會好上色 - 食完油野顏色就會消失 - 呢隻經典#999 satin色永遠都唔會過時，拜年喜慶日子用都係時尚又有氣質，係一隻好耐看嘅紅色

Carmen好用推薦：好開心收到Cosme送出嘅試用裝❤️ 今次會試用Dior新出系列🥳🥳傲姿唇膏💄💄 一如以往Dior採用深藍色包裝，有種好高貴嘅感覺 今次收到2款不同訂制嘅唇膏， 包括係999號色嘅絲滑唇膏同埋720號色嘅啞緻唇膏💄 999號絲滑唇膏，產品同Dior所介紹嘅一模一樣。999號色屬於正中紅色，好顯色，超級順滑，完全唔會繃緊，亦都唔會黏笠。 皮膚偏黃嘅寶寶 用完之後立即會顯白❤️ 如果嘴唇偏乾，多唇部細紋，建議入手絲滑唇膏。佢會令你嘴唇保持滋潤同鎖水唔會咁容易出死皮。適合旅行同去party用。只需要帶一支唇膏就可以出街☺️ 720嘅啞緻唇膏，係屬於玫瑰豆沙色。比較適合秋冬嘅妝感，搽上咀會令個人即刻變得好溫柔，好適合拍拖同男朋友出街嗰陣用。會令到對方好想錫你😘😘 唇膏輕輕一搽就已經好顯色，雖然佢係matte 系列嘅唇膏，最重要係唔會令個咀顯得更加乾會保持到滋潤但又做到啞色嘅效果☺️☺️

water1106好用推薦：首先非常感謝@Cosme邀請試用Bobby Brown最新推出嘅無重輕霧粉底液❤️❤️喺我研究緊買咩粉底液嘅時候，嚟咗個「及時雨」，真係非常之開心😍😍 我平時返工放假出街都會有化底妝嘅習慣，試用完呢14日之後覺得好驚喜。 我嘅膚質：中性皮膚，T字位容易出油同毛孔粗大，有少少痘印 膚色：暖皮一白 上妝工具：soline 海棉粉樸、粉底刮刀 妝前步驟：爽膚水> 保濕精華>防曬>底霜>粉底液 試用色號：W-016 Warm Porcelain 粉底質地：係介乎於Cream同Liquid 之間，而又偏向Liquid，有流動性但唔算太水，貼服得嚟又好輕盈、唔焗，就好似產品名咁做到無重空氣感嘅底妝，而且容易推開👍🏻就咁睇搽上手以為會好黏笠，但如搽上面後，好快就同皮膚貼合咗。 氧化程度：輕微氧化，只係深色咗少少，但對我嚟講氧化後會更加貼合我嘅膚色😛 粉底妝效：非常貼服皮膚、透氣，夏天用完之後都唔覺得焗，保濕度都好夠，好快就同皮膚貼合咗，我只搽一層，膚色不均嘅地方先拍多兩下，遮瑕度大概70%。過咗一陣之後佢係微微嘅冇霧感 ，加微光澤，係好微妙又

Cosmeemee好用推薦：感謝@Cosme的試用邀請🙌 🗓️使用時間：持續使用一星期 🎨產品色號：W-036 Warm Sand 💆🏻‍♀️個人皮膚狀況： 混合乾性肌膚，全面易乾而出油 最近少許敏感及易紅 使用產品後沒有任何過敏反應 （產品成份分析請看文本👀） 🔽全面使用心得如下🔽 1️⃣質地細緻輕盈: 粉底液的質地細緻柔滑，Creamy狀態，不太流質亦不太黏稠。我簡單用手指上妝，相比起妝前底霜/非霧面粉底液的質地，此款粉底液較易結膜，上面後較快乾了一層，但快手推開就不會有拉扯或乾澀的感覺。 2️⃣貼合肌膚,輕盈透氣: 上妝後，粉底能貼服在肌膚上，沒有任何厚重感或面具感。質地輕盈透氣,基本上10分鐘內已乾透結膜，結膜後的顏色更貼近原本膚色,像素肌一樣呈現均勻自然的效果。 3️⃣柔焦微霧光感，改善毛孔問題: 相比一般粉底,這款粉底液能更好地貼服在毛孔和細紋上,有效遮蓋和平滑肌膚紋理,尤其是眼底及鼻翼位，讓整體妝容看起來更加細緻均勻。能打造出柔焦自然的微霧光澤妝感，改善暗黃。全面只用了一pump，明顯平滑了暗瘡凹凸印，但未完全遮蓋雀斑，需局部加強遮瑕。 4️⃣持久控油,水油平衡: 這款粉底液的持妝力不錯,即

Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕

Suki好用推薦：這盤眼影畫眼妝其實還不錯，但 03 色對黃皮真的有點不太友好，某些顏色上眼後會顯得膚色有點暗沉，不太襯膚色。不過它的亮片色真的很美！超級閃，用來畫臥蠶或者點亮眼頭效果超棒，整個妝容都會變得更有神～✨ 裡面的高光色很實用，我超喜歡拿來畫臥蠶，閃得剛剛好，既不會太浮誇，也能讓眼睛看起來更大更亮。粉質雖然不是最細膩，但對日常妝來說完全夠用，尤其是亮片真的太可愛了，還帶一點仙氣感！ 推介俾cool tone嘅你哋～

Kura好用推薦：年末聖誕妝容必備嘅化妝單品一定係非呢一盒胭脂莫屬，顏色非常粉嫩有節日氣氛，搽上臉又唔會覺得好誇張，光澤度十足，妝感自然，但又令到我非常有氣息，同埋呢款胭脂嘅珠光閃粉非常細膩，聖誕出街嘅燈光打落臉上都非常靚，唔會覺得好搶眼，令到成個妝容都非常精緻，同埋呢盒胭脂細細盒，年末出街帶去補妝都非常方便快捷，同埋價錢平，包曬所有色號黎換住搽都唔會心痛，呢盒胭脂真係需要人手必備嘅化妝單品 #年末 @cosme

lonia好用推薦：又臨近聖誕比較多gatherings嘅時節，平日就算幾懶化妝，到咗大時大節都會執返靚少少個樣先見人嘅～CANMAKE TOKYO胭脂嘅口碑都略有聽聞，之前見價錢唔貴，同埋真係俾佢嘅顏值吸引，立體蝴蝶結、玫瑰壓花，加上盒上elegant嘅金色花邊，所以就入手一盒看門口。秋冬季節化妝用色會深色少少，胭脂用色都係，呢款帶紫紅、棗紅色系嘅就啱我心水。 盒後面有圖示簡單教學建議用法，就算唔識日文都大概明白。其實可以選擇以單色使用，但我自己就習慣混色使用，出嚟嘅效果會自然啲。雖然就咁睇盒胭脂好似好深色，但其實單掃一層顏色都好自然，新手用都唔怕一掃就太重手深色得滯，俾少少耐性慢慢掃多幾次，就會上到自己想要嘅顏色。而且紫紅色tone嘅胭脂帶少少高貴感，啱晒著小禮服去聖誕party嘅時候用。 CANMAKE TOKYO呢款胭脂本身顏值高，用落CP值又高，而且一盒真係好襟用，除咗自用，亦都好啱買嚟做聖誕禮物送俾身邊嘅閏蜜，一齊過一個靚靚嘅聖誕假期。

Suki好用推薦：Kiss Me 極細防水眼線筆是我化眼妝的必備品，從第一次用就愛上了它的質感與持久力！這款眼線筆的筆尖非常細，可以輕鬆畫出精緻又流暢的線條，不管是自然內眼線還是拉長的貓眼妝都能完美駕馭。✨ 它的防水、防油、抗暈染效果真的一流！即使是油眼皮或者夏天出汗比較多的時候，眼妝依然能保持一整天不脫妝。👍 我曾經戴妝超過10個小時，眼線依然牢牢待在原位，完全不用擔心變成熊貓眼，這點真的讓人超安心！ 而且它的顏色飽滿又自然，像是經典的黑色可以畫出深邃的眼神，棕色則適合打造柔和的妝感，日常使用也不會覺得突兀。我自己已經回購了好幾次，絕對是化妝包裡不可缺少的好物！💖

Kayyan22好用推薦：呢枝kiss me眼線筆 基本上從細聽到大 見到無論網上定身邊既人都會推佢 所以我都入左手試試佢我揀左棕色 佢呢隻啡色唔會太高調 相較黑色亦無咁沉悶 係返工出街都可以用既顏色～ 佢上手好順滑～都十分容易上眼，可以十分輕鬆畫出唔同類型既眼線 出墨都十分流暢 我自己雖然唔係油眼 但都會擔心眼線暈染既問題 而呢枝我係完全冇呢個問題！持妝大半日都hold到冇變過 試過半日室外活動都一樣掂！我日本旅行全程都係用住佢 完全唔使擔心要補妝！ 抵讚既係 我試過拎呢枝筆比好大汗既男朋友用 但佢都冇出事 可見佢防水能力都十分好 以下係我玩左半日既實測照 完全係無脫妝同暈染同埋卸妝都十分輕鬆 唔洗刻拎眼妝卸妝液去清理就可以搞掂 如果唔想出意外 眼線筆首選會揀佢～ 而相信新手都可以駕馭到佢 因為佢真係唔會出錯！

cynthia_snow好用推薦：本身皮膚比較乾，所以每次搽完粉底之後，都要拎住塊鏡，用好多時間仔細端詳塊面有冇出現斑駁、卡粉嘅情況🥹除此之外，鼻翼兩邊毛孔都比較粗大，兩邊面頰亦因為毛囊角化引致泛紅，邊緣位置亦有唔少暗瘡印，平時都要用遮瑕膏慢慢遮，所以成日都要化妝化一粒鐘先出到門口🤦🏻‍♀️ 一直有聽聞Bobbi brown嘅蟲草精華粉底係養膚粉底，因為粉底液入面有75%護膚成分，包括蟲草修護精華+人蔘配方，化妝同時可以做埋護膚，所以好期待試用嘅效果！一般做好妝前保養之後，我會吱一泵粉底液，分幾次點上面，再用定妝噴霧噴濕美妝蛋，然後將粉底液均勻拍開。BB蟲草粉底液屬於比較水潤嘅粉底，延展度好好，feel到好貼膚，唔會令人覺得帶咗個面具，好厚重咁，我甚至一度唔記得自己化咗妝😂 上妝之後皮膚微微反光，真係有水潤亮澤、緞光肌嘅效果~最開心係成功將鼻翼側邊嘅毛孔完美遮左！😍觀察埋其他地方，都見唔到有卡粉嘅問題~ 暗沉同泛紅嘅位置我有再疊加一層，都遮到七、八成，以比較水潤嘅粉底嚟講效果好唔錯！

Lesleyy好用推薦：Bobbi Brown Intensive Skin Serum Foundation SPF 40 PA ++++ 色號：Warm Ivory 香港專門店售價：$660* @Cosme試用邀請 是日分享·輕熟肌，乾皮嘅命定粉底 如果有留意Bobbi Brown嘅都會聽過蟲草粉底 年過25就開始想搵養膚型粉底，加上依加除口罩，梗係要靚靚樣啦 之前入手咗佢地嘅cushion 結果一試愛上仲買埋佢地嘅粉底 蟲草粉底一向都係sell光澤感 如果鍾意霧面粉底嘅朋友可能就唔係你杯茶啦，不過，加霧面碎粉都可以一戰㗎❗️❗️ 但我就係鍾意Bobbi Brown 嘅水潤光澤感 令人有種皮膚好好嘅錯覺🤪 講吓用後感先 粉底屬於medium coverage 中等遮瑕 延展度都唔錯 遮瑕度可以build up 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚 同cushion都好似，但粉底就抵用好多啦 上妝前 上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係

YiN好用推薦：今次收到Laura Mercier嘅鑽光幻魅眼影筆有兩枝，分別係亮澤玫瑰粉紅modern rose，同微閃玫瑰金色rosegold嘅旅行裝。包裝係可以扭出之後可以扭返入去嘅設計，新開嘅時候筆頭唔可以全部收入筆身，所以蓋返筆蓋嘅時候要小心唔好揩到筆頭。 手臂試色係咁。上面係modern rose，下面係rosegold。 兩隻都係相對穩陣易用嘅顏色，單用定作為打底喺上面疊加粉狀眼影都可以，珠光質地單色用都已經好靚。 個眼妝係簡單用咗呢兩枝鑽光幻魅眼影筆，以modern rose上眼皮打底，集中喺眼尾疊加做出深邃感，眼中眼頭加上rosegold作highlight，再用rosegold畫臥蠶，最後加上眼線睫毛膏完成。呢個眼妝顏色自然珠光細緻，日常出街返工都啱化。 以下係少少用後感。 ✅持久顯色 花咗啲時間影咗一輪手臂試色相之後，眼影筆已經定咗妝，我嘗試大力用手指捽，發覺顏色完全唔會被捽開，只有好細粒嘅閃粉被捽散咗同痴喺手指上面。我對呢個持色度真係好驚艷，即係代表就算我多手捽眼都唔會冇咗色。 同時亦都代表搽咗上眼皮之後要即刻blend開，如果唔係佢定咗妝之後就會blend唔開，建議畫完一筆

Aleishayanheidi好用推薦：Thanks @cosme - Laura Mercier鑽光幻魅眼影筆 亮澤玫瑰粉紅modern rose 微閃玫瑰金色rosegold Travel size 首先包裝扭入扭出設計，直接用喺眼上非常方便。呢兩款顏色非常易襯搭 可以見到手背上試色。 上面係modern rose，下面係rosegold。 好似我會用modern rose 做打底 喺上面疊加rosegold 眼影做highlight ，眼嘅輪廓已經好突出，當然單色用都冇問題啦！ 佢哋嘅眼影係珠光質地單色用其實都已經好靚。易推好大力捽都唔易乜色！ 呢個眼妝顏色好適合日常返工，已且兩隻色已經做到嗰個效果非常方便。 ✅持久顯色，不掉色 ✅順滑質感自然風，可以用手指blend ✅快靚正

Suki好用推薦：定妝防水噴霧 EX 使用心得 🌟💦 用後感：❤️❤️❤️❤️❤️ ✅ 無限回購：呢款噴霧係我已經無限回購嘅產品，效果真係好過植村秀，我自己用植村秀防水噴霧係會甩妝甩到好勁，呢款保持好耐都唔甩妝！ ✅ 噴霧細膩：噴霧質地非常細緻，噴上去輕盈舒適，完全唔會有重噴霧嘅感覺，感覺好自然。 ✅ 適合乾性肌膚：我係乾性皮膚，通常都易出現卡粉或浮粉，但用咗呢款噴霧後，妝容完全唔會卡粉，保持得非常好，真係驚喜！ ✅ 保濕效果：呢款噴霧唔單止可以定妝，仲有保濕效果，令底妝更加服貼，肌膚感覺潤澤，冇乾燥情況。 ✅ 使用時機：我習慣喺搽妝前乳同防曬之後即刻噴一層，咁樣底妝會更加緊貼，效果特別好，真係唔會失望！ 總結：CP值超高🌹 ⭕️ 回購意願：出街6-8小時後，妝容依然靚，完全冇浮粉，輕微有啲卡粉但好容易補妝，以呢個價位嚟講，我已經十分滿意！ 如果你想要一款持久又唔會卡粉嘅定妝噴霧，呢個真係必試，無論係日常定係特別場合都超適合！ 效果展示📸 出完街六個鐘冇溶妝！

Kayyan22好用推薦：呢枝我已經回購左好多枝！ Kose呢枝都係我第一枝入手既定妝噴霧 試過唔同既定妝噴霧，呢枝係數一數二噴霧細既！ 我自己皮膚屬於混合性偏乾，有毛孔粗大，膚色暗沉，暗瘡及泛紅問題。 夏天比較容易卡粉，唔定妝一定會浮粉/溶 而第一次用已經好surprise，因為佢保濕之餘，亦減少左我底妝會溶/卡粉情況。 我習慣會係搽妝前乳/防曬後即刻噴一層，個底妝會再貼啲！ 以下係我出街4-5小時既相片，雖然會輕微卡粉需要補妝，但冇浮粉，以呢個價位尼講自己已經十分滿意！ #底妝升級好物

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Fng好用推薦：Charlotte Tilbury 唇膏 stoned rose 色號，偏暖色調，啱曬黃皮嘅我，夠顯白， 搽完之後氣息返曬嚟， 同埋搽上嘴唇 唔會起乾皮，有滋潤感，就算食完嘢都有一半嘅色keep返喺咀上， 值得回購。

lucky好用推薦：首先要多謝@COSME & ARMANI beauty抽中我可以試用最新POWER FABRIC+ 升級版零瑕持久粉底液！試過好多唔同牌子既粉底液，最後都係偏愛ARMANI既POWER FABRIC+粉底液，今次可以試用升級版真係好興奮！ 皮膚偏白既我一向用開POWER FABRIC+粉底液既1.75色，今次就試下再白啲粉啲既全新色號1.6！首先講吓色號上既分別先～平時我用1.75已經好自然亮白，接近我膚色，唔會係死白；而色號1.6白中帶粉，係好自然既偏粉調，接近我膚色之餘，仲有潤色效果，所以上到面有遮瑕力之餘，令到面色紅潤自然，又有微微光澤，好似用左調色底霜咁，可以慳番個step，令個底妝又透薄咗🥚✨因為我比較鍾意自然透薄既妝感，營造偽素顏效果，所以我會減少底妝產品，盡量只用遮瑕同粉底液。上圖示範左比大家參考，係冇用base同遮瑕既情況下，有素顏圖VS一層粉底液，一層粉底液VS 兩層粉底液嘅分別。其實只係上左一層POWER FABRIC+ 升級版零瑕持久粉底液已經膚色均勻，用左少量已經達到高遮瑕力！ 另外想重點讚下POWER FABRIC+ 升級版零瑕持久粉底液既*

Yola好用推薦：多謝 @cosme 既邀請試用，今次試用嘅係 Giorgio Armani 既Power Fabric Pro 2號色 聽講2號色係熱門嘅顏色，適合皮膚白嘅我。 聽講呢支Armani Power Fabric Pro有三大賣點 而且樣樣都符合我嘅需求: 質感輕盈透氣 高延展性， 妝感柔霧微光 細緻無瑕，同埋膚感清爽貼膚全日抗油持妝。 日常返工或者出街必定會化底妝嘅我急不及待即刻開嚟試下粉底液嘅質感比較實 但係好易推開 而且真係可以瞬間柔焦霧化毛孔瑕疵 可見上妝前嘅我，毛孔比較大，眼角色斑大，膚色唔均勻而且有細紋。上妝後: 就返平時日常返工嘅力度，通常都唔會上得太厚，但係粉底液一抹上面就瞬間霧狀，好快遮住咗毛孔嘅瑕疵，而且幼滑輕透，唔會有好重實嘅妝感。 冇特別遮瑕嘅情況下，毛孔同埋色斑都遮得好好，而且有微微嘅透亮感，好自然。 平時返工使用其他粉底液品牌，一到下午妝容其實都甩得7788或者已經滿面油光，好唔舒服，有時真係忍唔住用濕紙巾抹走個底妝。  平時用粉底液好易令我皮膚生粒粒同痕癢。但係用左Armani嘅power fabric pro 令我好驚喜，完全冇以上問題困擾之

Kelvin好用推薦：Shu uemura武士刀眉筆 02灰棕色 灰棕色略帶紅調棕色，自然顏色不會過深，黃皮膚/髮色自然黑色啡色都啱用，呢支應該最多人啱用 05深灰 呢隻顏色同市面上其他眉筆嘅灰色唔同，偏向亞麻綠色調，如果鍾意粗獷或者注重眉妝嘅女仔會鍾意 筆芯軟硬度適中 ，出黎顏色均勻唔cake，由描繪，勾畫到野生眉，都好幼細 用鈍咗眉筆記得去返專門店可以免費削返武士刀形狀～ $230/4g除返開其實唔貴，質素高！ 提返新手呢支眉筆一定要喺上完粉底液或者防曬，有油性成份嘅底妝下，先會上到色㗎⭐️ 我自己鐘意畫完眉上返眉gel ，就keep到全日😀

lingbb好用推薦：- 係日本買平好多，呢款大熱嘅眉筆使用感唔錯，筆形係方形嘅片狀，可以輕易畫出根根分明嘅線條， - 啡色都係好自然，唔會過紅 - 最滿意畫係眉嘅抹端收尾比較輕鬆，一枝有排用 - 但缺點就係用刀片修眉筆，仍然唔係好識使用，每次都要去門市修有點不方便

皮皮爱马桶好用推薦：超级好用的眼线胶笔，本人已经无限回购过N支，试过啡色、棕色、酒红色都很好看。虽然价格白菜，但是一支优秀眼线笔该有的特征它都有。 对于手残党和化妆新手来说，眼线胶笔要比普通眼线笔好画很多，即使手抖不小心画坏了，也可以马上用棉签沾水轻轻擦拭干净。新手有时候力度掌握不好，即使稍微重手一点也不会断芯。 上脸效果持久不晕妆，夏天也不会因为出油而晕染，妆效超级自然，有时候还可以拿来当痣点几颗在脸上。唯一的缺点可能就是笔头的设计和大多数眼线胶笔一样，转出来了就没办法缩回去啦。 总而言之，是本人会一直继续回购的一款宝藏眼线笔！

Suki好用推薦：Canmake 柔滑眼線筆 04色是我近期愛不釋手的眼妝產品！💖 這款眼線筆的質地非常細膩柔滑，一筆就能輕鬆勾勒出精緻的眼線，而且完全不需要擔心拉扯眼皮，對於新手也非常友好。✨ 04色是一個帶有微微紅棕調的自然色，非常適合用來畫內眼線或者打造溫柔的眼妝效果。不管是日常通勤還是約會妝容，都能讓眼神看起來更加深邃又不會過於銳利，真的超百搭！而且這個色調對亞洲膚色非常友好，怎麼畫都不會出錯。

Fish Tse好用推薦：#我的最愛碎粉 哩款蜜粉係品牌既暢燒產品之一，化妝再精緻都好最驚就係化完妝唔持久，所以蜜粉揀得岩係好緊要 之前我用開係Laura Mercier，其實佢既定妝效果都好好，但我覺得用完個妝感好似比較重。默為我係偏向自然系，最尾比我試到哩款真係岩都唔岩就買左 睇落去係白色好細好幼既粉，用蜜粉掃上左面之後係透明色，完全唔會影響左本身個妝感，我通常會係T字位同下巴上多少少 點樣先為止夠呢就係摸上去係滑捋捋唔會有d黏既感覺，基本上12個鐘都唔會溶妝，利申我係混合偏乾既肌膚

CLS24好用推薦：我混油/油肌，平時只有用粉底液時才用碎粉定妝！呢隻碎粉係透明既，幾中意佢個篩網設計～唔洗搞到周圍都係！！重點定眼下/T字位，其他地方都係輕輕帶過！粉質幼細易推，不會泛白，幾控油但唔會龜裂，個妝容易keep到全日！專櫃貨來講唔算貴，相當易入手，不過可惜冇粉撲送！

mandy好用推薦：Clé de Peau Beauté (CPB) CORRECTING CREAM VEIL 粧前乳霜 (光采柔滑) SPF25 PA++ $500 from CPB 這是我用過最滿意的妝前底霜(primer)， 質地柔滑，非常好推，只需一粒黃豆的分量， 已可足夠全面使用。 粧前乳霜 (光采柔滑) 即時為肌膚自然提亮， 可以單獨用(有素顏霜的自然效果)，也可之後再上粉底。 蘊含不少控油成分，可以幫助肌膚減少出油， 粧前乳霜 (光采柔滑)質感輕盈，非常透氣， 彷彿沒有使用底妝一樣，不會令人有厚重焗束的感覺。 SPF25 PA++具防曬效能，但如户外活動就 要先上SPF50 PA++++的防曬。 增添了養膚成分，如保濕、防曬及抗氧化等成分， 化妝同時護膚。 含保濕成分: 矽靈, 丁二醇, 甘油, 赤蘚醇, 木醣醇, 氫氧化鋁, 硬脂酸, 海藻醣, 聚矽氧烷-2, 茶氨酸, PEG/PPG-14/7 二甲醚, 甘氨酸 及 水解蠶絲蛋白 抗衰老成分: 甘油, 維他命E 及 刺梨果萃取 防曬成分: 桂皮酸鹽, 二氧化鈦 及 苯基苯並咪唑磺酸 鎮靜消炎成分: 木醣醇, 維他命E

magwong好用推薦：貴婦產品，價錢算貴但物有所值。 首先有淡淡香味，味道有高級感唔重香料味，用落都開心啲。 質地幼滑易推，上面會有少少潤色效果，但冇乜遮瑕度。單用只適合皮膚冇瑕疵者。其他人上多層碎粉可作日常淡妝。 我最鍾意係佢嘅滋潤度，冬天用夠滋潤，亦會令粉底貼服啲。

Ronni好用推薦：Cdp嘅碎粉真係大大大愛💕 雖然佢真係貴 但係佢嘅質地係超級輕同超滑 用完絕對返唔到轉頭！！！ 同埋佢都幾大盒 我就2個色都買曬 🫣 原諒我用到好污糟 個粉撲好細滑，上面超舒服 同埋佢中間有間隔 唔會無用但一路痴住啲粉 好個人勁鍾意有網嘅設計 之前用過其他牌子嘅呢個設計 真心覺得好好👍🏼唔會一次拎咗太多粉總結：未試過嘅真係要試一次！ 另外～ 如果你係深色皮膚嘅建議用右邊👉🏽 👈🏽左邊有啲啲紫色，皮膚會比較啱用

olitong好用推薦：最初用不會感覺效果驚人，但越用越愛！ 其產品優點在於用後會讓人覺得你是天生好膚質，感覺很透明，雖說是透明碎粉，其實暗地讓你膚色白了兩度又不會感覺很厚妝，而且海綿撲很柔軟，拍在臉上感覺很舒服，用後臉部變得很爽很滑卻完全不會乾（試過用其他牌子碎粉會乾到甩皮），而且氣味香香的，一瓶可用足全年，雖然價格少貴但份量頗多，回購第三次👍🏻 ✅輕透自然 ✅顯膚質好 ✅香味清淡好聞 ❌價格偏貴 ❌撲粉時易掉粉在深色衣服上 整體推薦度：7.5/10

Candy Ng好用推薦：大家想出街，不被人發覺係好重妝容感，又要令自己睇上去有些氣息，好建議大家用527號色。 它雖然上唇不是明顯的顏色，係令你睇上去自然感重d 的淡豆沙色，大家隨意出街，不是化全妝，但係用一些出色的唇膏，吾化全妝，就會令自己睇上去有d 奇怪。 甘用#527 號色，就無呢個感覺，淡淡地為你地帶出自然的小妝容感🤭而且它都幾滋潤感，有光澤，大家睇我用得都多，就知道平日出街，我有多隨意，又多喜歡用它💗

Jayla好用推薦：呢支唇膏搽出嚟係鍛光，水水潤潤咁，不過就唔係太持久，食完野會甩晒要補搽返，不過又唔會甩到一撻撻咁所以都可以接受嘅，聞起嚟係淡淡嘅莓果味都幾好聞。 我買嘅色號係524 Diorette, 玫瑰色之中又有橙調,所以唔同皮膚色tone都好易襯到。加上搽上唇睇落係自然色，啱晒拜年唔想化濃妝但又要好氣息見人嘅時候用。