男性香水 推薦好用產品

LenaC好用推薦：Kiehl’s 嘅original musk 係整個Kiehl’s 品牌惟一既香水 亦係我第一支完完整整咁用完最後一滴嘅香水 佢獨特既麝香配方歷史悠久始於1920年 曾被喻為love oil 2004年被重新調配成Original Musk EDT原麝香淡香水 前調有佛手柑花蜜同橙花 營造出清新細膩的柑橘香味 中調係玫瑰、百合、依蘭依蘭同苦橙花 揉合出一種柔和既花香 基調有香豆果、白廣藿香同麝香 締造一種感性既東方味道😇 雖然係eau de toilette 但持久度唔錯 即使散到7788仍然留有一絲淡香 俾人一種乾淨大方既感覺 佢唔係成日有貨 之前去Kiehl’s 專門店留咗電話 BA姐姐幾個月之後先打電話嚟話有貨 而且價錢親民合理 係我心目中嘅經典之選🥰

maylam好用推薦：我最鐘意嘅麝香香水 聞落成個人勁舒服勁安心 一開頭有陣墨水味都勁鐘意 不過而家已經好難買

Cole Cole 好用推薦：專門店買正貨送嘅試用品，呢隻香水好多男性朋友用，好多男同事用，呢款味道聞落去都幾舒服，以木香為主，都幾吸引女性。 邊個噴少少已經足夠，唔需要噴太多，否則會好濃，味道都last得都幾長時間，朝頭早噴完到夜晚都仲有。 味道係木香，唔同嘅木質香混合一齊，有唔同嘅層次，會令到人想索多一下去了解個味道。 以呢個牌子嚟講價錢唔算太貴，不過不失啦。 雖然話呢款味道偏向中性，男女都適合用，但係多數用家都係以男士為主，因為都幾吸引女性。 

Nicole 好用推薦：前調：檸檬，薄荷，粉紅胡椒，葡萄柚 中調：生薑，龍涎酮，肉豆蔻，茉莉 後調：勞丹脂，檀香木，廣藿香，香根草，焚香 雪松，麝香 前調有種海邊檸檬的清新香味，後調透出淡淡木質脂粉香；持香度不是很長，大概可以維持一個上午；適合詩文類型的男生。

msthea好用推薦：今次買左支Gris Dior香水試下 係絲柏及不同花香嘅味道，其實我都唔咩係絲柏😂 呢個系列裏面，紫色嘅Gris係比較濃郁嘅 佢有其他比較清新或者淡嘅味道 一開始會覺得少少濃少少「俗」 慢慢去到中調就會變得比較清新嘅花香 持久度非常高，過咗大半日都仲有味道 不過味道就比較適合成熟啲嘅人啦～ 

jas2468f好用推薦：超級喜歡這個系列, 這支香水真的超級dior, 比傳統懷舊的古典香這個更清新甜美現代的優雅花香， 是現在的dior衣服上應該有的氣味，就是三年間加價了超一百塊超貴的入手要快

Chloeincosme好用推薦：開心成為第一個寫同推廣Issey Miyake呢枝solar lavender既人！😂  前排撞正百貨公司做六折，就去左Issey Miyake個櫃試聞諗住送枝香水比老公，聞左佢幾枝出名既eg雪松？，覺得太aggressive唔太岩自己口味～ 然後試左呢枝相對較新既「薰衣草」味（2024先出），一試即愛上！ 首先樽身非常靚！上面係深啡木紋，好有質感！香味方便，用兩個字形容：「舒服」～ 香　　調： 草香清新調 前　　味： 葡萄柚、胡椒、肉豆蔻 中　　味： 薰衣草、天竺葵 後　　味： 岩蘭草、雪松 雖然佢既前調有胡椒，但消失得好快，所以冇一種好攻擊性既感覺，之後湧上黎既已經係非常好聞既木質香！好似置身係薰衣草森林，然後有陽光灑入黎既感覺！非常溫和舒服！ 個人感覺： 適合初出茅廬既職場男女，唔想比人太進擊，但又想比人知你有精心打扮既感覺🤣

🌸好用推薦：黑色玻璃樽身相當型格，很有質感。 MYSLF混合咗清新嘅香檸檬同橙花，以及溫暖的木香、廣藿香。加入木質麝香氣息Ambrofix，令香氣的擴散性和持香提升。

940727.0好用推薦：就快聖誕節，所以之前買咗白色包裝嘅香水比男朋友。聞落去非常之古龍水味。

940727.0好用推薦：今個聖誕節買咗呢一支男士香水送俾男朋友，聞落非常之男人味🤣 香水以紐約都市氛圍為靈感，散發優雅摩登的香氛，展現男士富有冒險精神、自我和充滿個性的多面性。 成分： •前調：綠沙梨、佛手柑、金橘 •中調：小豆蔻、香菜、天竺葵 •基調：香根草、絨面革、龍涎香

Kitty 好用推薦：Devotion Pour Homme 呢款香水一開始係一股好清新嘅檸檬香味，帶出明亮又醒神嘅感覺。跟住就會聞到濃郁嘅咖啡香氣，加深咗成個味道嘅層次，帶點辛辣同溫暖感，散發出力量同優雅嘅氣息。最後以帶點 earthy 感覺嘅廣藿香作結，比人一種好吸引人、令人印象深刻嘅餘韻。其實呢支香水男女都啱用，大家可以根據自己鍾意嘅風格去選擇。