男士保養 推薦好用產品

Khloe好用推薦：踏入27歲，皮膚開始變得好易乾燥，真係好需要補充水分，我覺得冬季必備精華在此！🤣🤣 雖然上過天然護膚品既堂，知道出油其實係因為皮膚太乾所以出油，油脂都係好好既鎖水功能👍🏻所以我試Double Serum呢款雙相配方既產品，聽講佢可以有效提升肌膚水潤度同光澤感。 有一次行過商場，見到可以拎試用品，我就用咗本身Double Serum嗰隻搽過一次。味道幾芳香，仲有啲沖完涼既抒壓感。好心動！！未試過第二日上妝咁貼，不過我都幾擔心，因為真係第一次用就要用成樽既話，未必頂到一直用咁厚。怕油怕笠既我，就買咗Light Texture版當做入門版試下。 Light Texture版嘅味道同原版有啲分別，佢帶有淡淡既草本香味，我個人比較鐘意原版嗰隻味哈哈！用咗幾日之後，我發現肌膚已經感覺明顯改善咗，水潤感倍增咗🤣🤣 質地輕盈，迅速吸收，完全無油膩感，有啲覺得佢吸得太快（可能我太乾🫣🫣）用咗幾日？光澤感同彈性都有提升，暫時細紋就無留意到有無少咗。總括嚟講，我對Double Serum Light Texture版呢款產品都幾滿意～😎

Odessafafa好用推薦：已經係Clarins Double Serum 賦活雙精華既長期擁躉喇💓對於混合偏乾初熟肌既我，呢支精華可謂完全滿足晒我既肌膚需要，例如撫平額頭同面頰上既乾紋同細紋，改善皮膚部局缺水缺油既情況，滋潤肌膚，均勻膚色，同時改善毛孔粗大既問題。 質地黎講，由於佢屬於半水半油既配方，而且有可以自行調節精華分量既人性化泵頭設計，所以用上面既感覺非常舒服，唔會有過油同黏立嘅感覺☺️對於夏天長期係冷氣房既環境之下，都非常適合使用。而且香味非常宜人，整體既使用體驗都非常滿意，所以非常推薦🙌🏻💓

LenaC好用推薦：Kiehl’s 嘅original musk 係整個Kiehl’s 品牌惟一既香水 亦係我第一支完完整整咁用完最後一滴嘅香水 佢獨特既麝香配方歷史悠久始於1920年 曾被喻為love oil 2004年被重新調配成Original Musk EDT原麝香淡香水 前調有佛手柑花蜜同橙花 營造出清新細膩的柑橘香味 中調係玫瑰、百合、依蘭依蘭同苦橙花 揉合出一種柔和既花香 基調有香豆果、白廣藿香同麝香 締造一種感性既東方味道😇 雖然係eau de toilette 但持久度唔錯 即使散到7788仍然留有一絲淡香 俾人一種乾淨大方既感覺 佢唔係成日有貨 之前去Kiehl’s 專門店留咗電話 BA姐姐幾個月之後先打電話嚟話有貨 而且價錢親民合理 係我心目中嘅經典之選🥰

maylam好用推薦：我最鐘意嘅麝香香水 聞落成個人勁舒服勁安心 一開頭有陣墨水味都勁鐘意 不過而家已經好難買

Karman28好用推薦：呢支係第二支既Q10眼霜。性價比非常高，眼部開始有眼紋，使用呢個眼霜後，眼紋無特別加深。

Nana好用推薦：本身有黑眼圈同細紋，Nivea呢支眼霜消委會評分高同有唔少好評，所以對它有好高期望😺 眼霜似較稠的乳液，白色無味。搽左上眼都快吸收，但我覺得唔夠保濕，成份雖然有Q10，但暫時唔覺減淡黑眼圈同有抗皺效果🤔 #逆齡護膚品分享

Rachel Hui好用推薦：次次去台灣旅行都會買這系列面膜，價錢不算貴，常見第二件半價，屈臣氏、寶雅都容易找到，優惠也多。 我自己最常買的就是這款，推薦和送人都係首選依款，因為普遍都適合大部分膚況，易入手。穩定好用，效果可靠。 香味淡，個人覺得不會太人工。精華液吸收算快。 面膜紙柔軟貼服，敷上臉很舒服。精華液清爽不黏，但保濕力高，敷完皮膚水潤透亮，我敏感時用沒問題。敷完有鎮靜、舒緩效果，旅行曬了一天用特別合適。

Beanbean好用推薦：✨️✨️呢個面膜囤咗好多盒 面膜紙設計合理 非常貼 😶‍🌫️保濕力好好 水潤感 唔係厚重嘅質地 👻👻而且配方係唔使洗走 啱晒懶人 🫢🫢 多數隔日用 毛孔即時收細 ❣️可以維持妝面貼服❤️❤️

莓莓好用推薦：Innisfree 濟州火山泥毛孔清潔面膜測評 Hello，今日實測 Innisfree 呢支「濟州火山泥毛孔清潔面膜」，主打深層清潔、吸走黑頭粉刺、收細毛孔。我係混合肌，T字位易出油，鼻翼兩邊好多黑頭，用完一罐嚟同大家真心分享。 質地 質地係灰色泥狀，比較杰身，但易推開，唔會一舊舊。乾嘅速度算正常，大約5-8分鐘開始變硬。敏感肌要注意，乾咗之後會有少少绷緊感，但唔會龜裂得好恐怖。 味道 完全冇香料味，係好自然嘅泥土＋礦物味，聞落唔討厭，對氣味敏感嘅人都接受到。 清潔力 洗完塊面即時望落乾淨咗，多餘嘅油光冇晒，暗粒平滑咗。但要注意：如果你係超乾肌，用完會覺得乾，必須馬上保濕。 清潔毛孔 — 用後感 重點嚟啦！敷完過水之後，鼻翼嘅大粒黑頭浮咗一半出嚟，要用棉花棒輕輕推先清到，唔會一次過自動消失。但持續用（一星期1-2次），毛孔望落冇咁明顯，粉刺減少咗。唔會縮到零毛孔，但乾淨咗視覺上毛孔細緻咗。 評分（滿分5分） · 質地：4/5（好推，但乾後偏绷） · 味道：4.5/5（天然無添加） · 清潔力：4/5（去油掂，黑頭要輔助） · 毛孔改善：3.5/5（長期用有效，唔係魔法） ·

楊一二好用推薦：想皮膚白淨&有透明感一定要用清潔面膜！ Innisfree濟州火山泥面膜係奶油質地，可以好順滑抹開。佢做到溫和深層清潔毛孔黑頭、去除多餘油脂同堆積老廢角質。用完成塊面乾淨清爽，膚質變得平滑細緻，後續搽護膚品吸收更好，長期用可以養出健康透明感！✨ #透明感 #清潔面膜

今晚11點你會做啲乜嘢呀？好用推薦：年過30 ，女友問我幾時先用得晒佢之前買俾我嘅呢支野，用咗都四五年，換咗都四五支，今次呢支終於比我用到一半。 正如其他人所講，卒落塊面度好清涼，洗完面就覺得好似好清爽乾淨，但我覺得主要功用係比女友知道我有用佢買嘅嘢。 就係咁

Tiffany好用推薦：Gel cleanser，好易起泡，清潔力強。男士用後表示乾淨清爽，願意使用。

格仔餅公主好用推薦：味道唔會好勁所以男仔用都無咩問題，我有時遇到明顯浮起左既白頭或者想大力啲甘去角質都會用佢，可以即刻去走到明顯既角質污糟野

Kura好用推薦：磨砂例子幼細，夏天用真係好爽，用完之後臉上嘅油一掃而光，價錢實惠，抵買

Cole Cole 好用推薦：專門店買正貨送嘅試用品，呢隻香水好多男性朋友用，好多男同事用，呢款味道聞落去都幾舒服，以木香為主，都幾吸引女性。 邊個噴少少已經足夠，唔需要噴太多，否則會好濃，味道都last得都幾長時間，朝頭早噴完到夜晚都仲有。 味道係木香，唔同嘅木質香混合一齊，有唔同嘅層次，會令到人想索多一下去了解個味道。 以呢個牌子嚟講價錢唔算太貴，不過不失啦。 雖然話呢款味道偏向中性，男女都適合用，但係多數用家都係以男士為主，因為都幾吸引女性。 

maylam好用推薦：聖誕節嘅時候買咗送比男朋友 呢支好香 我覺得係比較中性嘅香氣 就算女仔噴都唔會好突兀 味道聞落係好斯文好柔和 一年四季都可以用

Maggie好用推薦：呢支 Kiehl's Facial Fuel 男士保濕乳真係幾好用！質地清爽唔油膩，搽完好快吸收，尤其適合朝早趕時間或者疲倦嘅時候用。佢入面有維他命C同E，用完皮膚即刻精神晒，感覺好滋潤，男士護膚必備！

maylam好用推薦：幾好用嘅磨砂 雖然話係話男士用 但我覺得都用得 佢嘅磨砂清潔力都強 我一兩個禮拜用一次 有覺得皮膚滑咗少少

呆呆的槑好用推薦：家人用完試用完立馬買了大支裝！ 這支含有磨砂粒所以起泡力一般，用起來有清涼薄荷感，去油能力佳，但是用完完全不會乾！ 推薦夏天用👍

constance好用推薦：男朋友一直都用開，佢話呢支洗面都幾好，係真係控到油，洗完面又唔會太乾，好清爽，佢已經回購左幾支，話會再回購。

killkew.b好用推薦：暫時係我人生中覺得最好用，兼最有效既清黑頭產品🫶🫶🫶 雖然巿面上都有好多溶解黑頭既產品， 不過唔夠鼻貼既效果咁明顯😗 尤其男仕版呢款，扯到勁多黑頭出黎， 真係超級爽❣️ 不過記住之後一定要用返收毛孔既產品🙈

Noelle S好用推薦：雖然拉扯皮膚係唔好既，但家中男士太懶，非常喜歡用鼻貼去黑頭。的確係慳力慳時間既好方法，偷懶個陣迫不得已先用一次都ok架！

msthea好用推薦：今次買左支Gris Dior香水試下 係絲柏及不同花香嘅味道，其實我都唔咩係絲柏😂 呢個系列裏面，紫色嘅Gris係比較濃郁嘅 佢有其他比較清新或者淡嘅味道 一開始會覺得少少濃少少「俗」 慢慢去到中調就會變得比較清新嘅花香 持久度非常高，過咗大半日都仲有味道 不過味道就比較適合成熟啲嘅人啦～ 

jas2468f好用推薦：超級喜歡這個系列, 這支香水真的超級dior, 比傳統懷舊的古典香這個更清新甜美現代的優雅花香， 是現在的dior衣服上應該有的氣味，就是三年間加價了超一百塊超貴的入手要快

choichoi好用推薦：老公大讚這一款在夏天使用時不黏不笠（之前一些爽膚水都會令他容易致痘），同時作出適當保濕，即使之後不配搭面霜也已經有足夠潤澤感

Giselle 好用推薦：Clear 男士清爽控油洗髮乳 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢隻洗頭水係買俾細佬用₍ᐢ⸝⸝› ̫ ‹⸝⸝ᐢ₎我細佬屬於油性頭皮，一般一日唔洗頭就會開始有油性頭皮屑同頭髮會變到好笠，再加上佢成日做運動會出好多汗( ˙༥˙ )用咗呢個洗頭水之後覺得佢啲頭皮屑少咗好多*ˊᵕˋ)੭可能因為佢加咗薄荷嘅成分，所以佢覺得每次洗完頭就會有陣涼浸浸嘅感覺(✿︎´ ꒳ ` )♡︎夏天呢啲流汗多嘅日子就會好適合( ˘͈ ᵕ ˘͈ )不過可能因為佢嘅控油能力比較強，有時候髮質會變得有少少乾( ･᷄-･᷅ )

LorraineTsung好用推薦：雖然主要係針對男士用嘅頭皮配方，但佢係比較適合油性頭皮同髮質。 夏天用佢個頭比較清爽，就算出汗亦都keep到全日唔會好笠。

unclecar好用推薦：SK-II 嘅男士👨🏻神仙水係一直間歇性回購嘅產品。用咗出油都會比較少，望落氣息好咗仲感覺細緻啲。男裝同女裝唔同嘅係只係加入咗薄荷成份，令到用嘅時候有少少清涼感，好岩夏天用，身邊更加有唔少女士👩🏻 朋友夏天都會用佢。到秋冬可以用返普通版，會比較保濕滋潤。如果唔鍾意神仙水本身獨有嘅味道，男士版可能比較容易接受。 我係混合偏乾敏感性皮膚，係狀況比較差嘅時候，用返一個星期左右加上濕敷就會開始見到變化，皮膚變穩定返亦都無敏感。但因為Pitera 係天然成份加上評價兩極，建議首次用先買試用裝睇吓同自己皮膚夾唔夾。 比較可惜係香港SK-II 男士系列只有洗面同神仙水，無任何套裝或折扣。

choichoi好用推薦：用的時候肌膚狀態真的好好，連痘痘也長得比較少，看上去也比較有光澤，只是停用以後狀況會稍有回彈，以上來自一位用了整年此產品的男友人分享

Milo101好用推薦：🌟家人（男士）用，深層清潔潔淨力不錯，適合戶外或多油煙環境工作的，可以徹底清潔 🌟用後比較乾，需要額外加塗保濕的保養品

Kura好用推薦：因為好奇用咗男朋友嘅洗臉膏，用完皮膚真係好乾淨，但係用完皮膚會偏乾，但去油效果唔錯

Chloeincosme好用推薦：開心成為第一個寫同推廣Issey Miyake呢枝solar lavender既人！😂  前排撞正百貨公司做六折，就去左Issey Miyake個櫃試聞諗住送枝香水比老公，聞左佢幾枝出名既eg雪松？，覺得太aggressive唔太岩自己口味～ 然後試左呢枝相對較新既「薰衣草」味（2024先出），一試即愛上！ 首先樽身非常靚！上面係深啡木紋，好有質感！香味方便，用兩個字形容：「舒服」～ 香　　調： 草香清新調 前　　味： 葡萄柚、胡椒、肉豆蔻 中　　味： 薰衣草、天竺葵 後　　味： 岩蘭草、雪松 雖然佢既前調有胡椒，但消失得好快，所以冇一種好攻擊性既感覺，之後湧上黎既已經係非常好聞既木質香！好似置身係薰衣草森林，然後有陽光灑入黎既感覺！非常溫和舒服！ 個人感覺： 適合初出茅廬既職場男女，唔想比人太進擊，但又想比人知你有精心打扮既感覺🤣

Kura好用推薦：呢款洗頭水用完真係好清爽，起碼我用完個頭唔會覺得油，頭皮好似識呼吸咁

Ding好用推薦：男士活能保濕潔面乳，含SK-ii 專利嘅pitera 成份，主打温和潔面，同時令肌膚平滑緊緻。 不會過份起泡，潔面能力不錯，同時又不會令面部過份清潔引起面乾問題。 價錢偏貴，$330/120g，不過120g其實可以用好耐。

unclecar好用推薦：男士👨🏻潔面比正常白色款添加咗薄荷🍃，去油力比較高啲，味道令人感覺舒服。同樣只係需要少量，多搓幾下就會有綿密泡泡💭💭。用後感覺乾爽滋潤，無緊繃感，任何氣溫都合適使用。用上一段時間後好似真係有啲提亮膚色。但係價錢真係好貴，亦唔會有減價，有時買神仙水爭少少要湊數送套裝都會考慮吓😅

🌸好用推薦：黑色玻璃樽身相當型格，很有質感。 MYSLF混合咗清新嘅香檸檬同橙花，以及溫暖的木香、廣藿香。加入木質麝香氣息Ambrofix，令香氣的擴散性和持香提升。