平價護膚 推薦好用產品

yykk88好用推薦：呢支防曬乳液係我近期嘅最愛，雖然佢宣傳嘅係防藍光唔係太吸引，但係佢嘅氣味、質地係我鍾意💖佢係比較特別嘅香味，個質地就係比較清爽用完真係一啲都唔黏笠。細細支帶去旅行都好方便使用，雖然佢得40 mL，但都算係用得好耐～我大大力向朋友推薦咗你支防曬，喺萬寧嘅時候同朋友大手入貨，買多咗幾支傍身～仲買過嚟做聖誕/生日禮物送俾朋友添，朋友都好喜愛🤩

jhope0725好用推薦：【2024】best of the best 滋潤小物！ 講真好多人都會等到嘴唇爆拆流血先關注lip care，但其實有一個滋潤嘅嘴唇，先可以令成個唇妝更sharp更細緻！ 呢枝潤唇膏我由舊版用到新版，使用時間已經超過五年，不停回購，原因十足！ 先講滋潤程度，呢支潤唇膏十分柔潤，但質感唔係黐立立，用完唔會令立立，潤得嚟當中嘅油分會緊貼嘴唇表層，形成薄薄嘅保護層！相隔長時間都keep得住滋潤感，瞓覺仲可以當lip mask 從圖片睇到，用佢之前，明顯見到嘴唇有角質層，唇紋較深，使用完，明顯減淡唇紋，又不會令到嘴唇表面油淋淋，好似冇抹嘴咁！ 滋潤之餘，佢亦都可以配合其他唇膏，突顯唇膏顏色。某啲牌子嘅潤唇膏，用完再上其他唇膏，會令到唇膏顏色溝淡，唔夠奪目，但呢枝唔會過分淡化咗後續唇膏嘅顏色，反而可以襯托出後續唇膏嘅sharpness! 最重要嘅就係產品成份，潤唇膏好容易會食落肚，因此我一定會揀成份天然安全嘅潤唇產品。呢枝潤唇膏係食品級成分，有時飯前冇抹走都唔會特別擔心。 佢實在係一枝性價比十足嘅滋潤小物！

呆呆的槑好用推薦：家人用完試用完立馬買了大支裝！ 這支含有磨砂粒所以起泡力一般，用起來有清涼薄荷感，去油能力佳，但是用完完全不會乾！ 推薦夏天用👍

constance好用推薦：男朋友一直都用開，佢話呢支洗面都幾好，係真係控到油，洗完面又唔會太乾，好清爽，佢已經回購左幾支，話會再回購。

chymiaaa好用推薦：性價比真係好高 價錢好平得來又好好用 洗完之後過咗大約兩個禮拜 真係見到膚色好似白咗啲咁 真係好抵買 嚟緊會keep住用👍🏻

choichoi好用推薦：價格不貴，70元不用，味道清香，產生出來的泡沫細緻，能有效改善暗啞膚色

Meme166好用推薦：萬寧特價百零蚊， 查喺眼部周圍滋潤唔怕太笠， 仲可以查全面， 唔肉赤。我多數查完眼周圍，會查埋嘴角。

Sarah好用推薦：有水楊酸成份，可以去角質嘅一款潔面泡泡，清潔力還可以，可以起到好多泡，但對於暗瘡有無效就不太清楚。

balabababa好用推薦：易起泡，香味好淡。 覺得清潔力好足夠，配合細磨沙粒子，洗臉可以同時去埋角質。至於清除黑頭，第2支未見效果。因為有添加保濕成份，所以用後還可以，冇崩緊感覺。 在夏天油笠笠時洗臉，感覺很清爽，去油膩效果一流。 但由於磨沙去角質，需要隔日用，否則我混油肌試過連續用一星期即甩皮。

Yty好用推薦：精華內有日韓大熱既pdrn成份吸引咗我去買嚟用，精華質地係淡黃色嘅乳液質地，感覺好滋潤，好易推開吸收度唔錯，比較適合乾燥肌同秋冬天用，用後感覺緊致度不錯，尤其係瞓醒咗皮膚明顯白淨啲，而且我好鍾意精華嘅香味淡淡地好舒服，會考慮回購的

Also melon好用推薦：近期PDRN「水光肌」概念好多人講，Innisfree 呢支精華係咪綠茶分子PDRN，大概係更容易滲入皮膚。再有高濃度A醇，所以日間一定要認真搽防曬，而且唔好同去角質產品一齊用，容易刺激皮膚。 保濕力算中上，冬天用都唔會乾，但整體唔算驚豔。開始買嗰時見網上評價，不過我用落真係覺得幾普通，冇預期中「水光感」，整體就係一支保濕精華，如果係保濕精華又有其他選擇。

Emily Leung好用推薦：肌研深導水光瓶！👉補水保濕，妝前急救 裡頭用了四重玻尿酸+黃金海藻提取物 能在臉上形成一個內外循環的補水網 把水分噸噸餵給乾渴的皮膚💦 高效滲透，補水力嘎嘎強！ 同時修護屏障提高皮膚保濕鎖水力 沙漠乾皮有它簡直就是遇到甘霖的程度！ 我一般取1-3滴適量精華滴在手上 把精華均勻塗抹在臉上，輕輕往上拉提 每天這麼用下來，喜提大嫩皮！完全不拔乾！ 膚感也很舒服，就是那種清透水潤好吸收的質地 日常就算不出門 在家抹這一瓶補水精華就夠了 乾燥起皮、T區出油終於沒那麼積極了！！ 就連底妝也跟著服服帖帖 皮膚一天下來都水水潤潤的~

Emma W好用推薦：這款精華不僅在保濕方面表現出色，還能舒緩肌膚，讓我在使用後感受到明顯的改善。 這款精華的質地非常輕盈，透明的液體在肌膚上輕輕推開後，能迅速被吸收。使用後不會感到黏膩，反而會留下柔滑的觸感，非常適合各種肌膚類型，特別是油性和混合性肌膚的人士。 每次使用時，我只需幾滴，就可以輕鬆達到良好的保濕效果。 主要成分是透明質酸，這是一種極佳的保濕劑，能有效鎖住水分，保持肌膚的水潤感。此外，產品中還添加了多種植物提取物，這些成分有助於舒緩肌膚，減少紅腫和敏感的問題。長期使用下來，我的肌膚變得更加平滑，紅潤感也明顯減少。 我通常在清潔肌膚後，使用這款精華作為護膚程序的第一步。搭配其他護膚產品，能夠使後續的保養效果更佳。特別是在季節變換或肌膚狀況不穩定時，這款精華成為了我的救星。它幫助我穩定肌膚狀況，減少了乾燥和脫皮的問題。

Yeonjung好用推薦：Excel「溫和全效水感防曬精華」 總體評分：⭐️⭐️️⭐️⭐️ (4.5/5) 呢支嘢最近真係好 hit，因為佢將防曬同護膚二合一，好啱而家鍾意簡化護膚程序嘅女仔。 ⭐️質地：清爽到好似無搵嘢！ 佢真係對得住「水感」呢個名！質地係白色乳液狀，一推開就化水咁，好快就吸收曬。搽完塊面係完全唔白、唔痴立立，仲有少少保濕嘅感覺。就算你之後再化妝，佢都唔會擦出擦膠碎，妝容會好貼服。 ⭐️防曬效能：返工出街都夠用 佢係SPF50+ PA++++，最高防曬級別，日常返工、行街、揸車用絕對足夠，可以抵擋 UVA 同 UVB。佢話可以隔離埋空氣污染微粒，仲有提亮膚色嘅效果，但呢啲就當 bonus 啦。 ⭐️溫和度：敏感肌友善 佢無酒精、無香料、無礦物油，而且有加入保濕精華成分。用落真係好舒服，唔會「乸」眼，敏感肌用都冇問題，用普通洗面乳就可以洗乾淨。 ⭐️總結：邊啲人適合用？ · 懶人一族：想一支搞掂防曬同乳液，慳時間 · 混合肌/油肌：最怕笠，呢支零油感你會鍾意 · 日常化妝人士：當妝前底霜用，唔會影響妝容 要注意嘅位：如果係大汗或要去戶外暴曬（例如行山、游水），就要揀返專用嘅防

Jasmine L好用推薦：excel溫和全效水感防曬精華質地好水好清爽，同精華液一樣咁輕薄，一推即刻吸收，完全唔黏膩，T字位同鼻翼都好舒服，冇加重油光問題。 防曬系數強，日常返工夠用，仲帶有自然柔光效果，搽完皮膚即時透亮少少，毛孔感都柔和咗。 敏感肌用落去零刺痛，溫和度高，控油力中等偏上，半日至大半日都算穩定，唔會好快出油。主要係提亮同防曬為主，整體輕盈舒適，夏天用特別合適。性價比不錯，值得日常入手。

布吶吶好用推薦：Olay水感透白精華評測 開頭講句真話，我本身膚色算均勻，但成日覺得塊面「啞色欠光澤」，望落好攰咁。試咗Olay呢支水感透白精華大概一個月，最明顯嘅感覺係——肌膚透明感真係有提升到。 佢質地係輕爽嘅精華乳狀，一推開就化水，吸收快過講「唔該」。保濕力夠之餘唔會黐立立，朝早用都唔會同防曬粉底打交。 重點嚟喇：用咗兩星期左右，暗黃位開始減淡，尤其係額頭同面頰蘋果位，望落「透光」咗，好似由入面反光出嚟咁。嗰種透，唔係死白，而係好自然嘅肌膚透明感——即係啲光線好似可以穿過皮膚表層，望落乾淨、水潤、有彈性。 我會形容佢係「入門級透白精華」入面性價比好高嘅選擇。如果想改善面黃、想塊面望落「似剝殼雞蛋咁有透明感」，呢支值得一試。當然，防曬一定要跟足，唔係神仙都救唔返。 評分（五星滿分）： · 提升透明感：⭐⭐⭐⭐ · 保濕度：⭐⭐⭐ · 質地清爽度：⭐⭐⭐⭐ · 價錢：⭐⭐⭐⭐⭐ 總結：唔係誇張到變第二個人，但持續用，塊面會少啲「濁」感，多啲「清透」嘅光澤。想搵一支日日用得落、又見到透明感提升嘅精華，Olay呢支可以放入名單。 #透明感#水光#提升肌膚透明感#水感

Kelvin好用推薦：Olay 水光小白瓶成日賣廣告，呢排萬寧有set裝+88折，值得入手試一試。 精華液係滴管狀，較為衛生。乳白色透明質地，容易推開都幾快吸收，偏向乳液質地，屬於較為清爽嘅精華液。精華液有少少香味，不過Olay嘅精華全部都有香料味。 推開之後皮膚好快吸收晒，夏天嚟講有保濕夠既。我感覺佢嘅功效係滋潤咗你嘅皮膚，而令到皮膚有水份嘅光澤感，感覺用完喺顴骨位有啲明顯嘅斑點好似減弱咗。 如果係好似我夜瞓嘅人，又比較鍾意用簡單查一支嘢就夠，可以買嚟用，保濕得來可以有美白效果☺️

Desse好用推薦：#火熱新品 冬天一到.. 咀唇就會開始各色各樣嘅折騰.. 乾紋.. 爆拆.. 甚至開裂😥 所以每年入秋.. 我就會物色大量潤唇膏.. 今年入咗兩款唔錯嘅護唇產品.. 包括出街用嘅喱一款💓 天然植物精華油潤唇膏 果萃維他命精華 4重蜂蜜精粹 100%食品級成份護唇 植物萃取 不含防腐劑及色素 💡滋潤度高 蜂蜜本身含有好有效嘅滋潤成份.. 可以長效滋潤咀唇.. 就算乾裂.. 厚搽就可以𣊬間紓緩.. 💡持久度高 如果只係飲嘢.. 都唔太需要好密地補搽.. Lunch/dinner後補一補就好夠 💡味道唔錯 基本上就係蜂蜜味.. 我啱啱捱咗一set好難聞嘅護唇膏 先發現味道好重要‼️ 🪻玫瑰果味唔夠 其實3款我都入咗手.. 唯一覺得唔好.. 就係3隻味基乎一樣😂 所謂嘅佛手柑同玫瑰果味淡到不得了.. 反正就都係蜂蜜味🤣 🌟喱款產品久唔會會做第二件半價.. 有興趣可以睇定入手啦🌟

Cosmeemee好用推薦：#火熱新品 LipPure潤唇膏 佢嘅舊版已經比我用咗好多支空瓶🤣 今次新版嘅包裝升級咗靚咗 入面個餡一樣係咁好用🥹 好耐之前試過用另一隻D字頭嘅潤唇膏 雖然好多人都話好好用好潤 但我同我朋友一用就爛咀 自此之後唇部嘅皮膚就好敏感 當時就算過咗幾乾都唔夠膽搽潤唇膏 後來淨係得LipPure嘅潤唇膏 唔會令到我個嘴生粒粒🥹 可以係話我嘅救星! 屋企無論係有色定冇色唇膏 都好少俾我用到空瓶🤣 除咗LipPure嘅潤唇膏❤️ 順帶一提， 其實曼秀雷敦好多產品都好低敏好好用 唔少都係我爛面/爛嘴時嘅救星 大推！🌟

Rin好用推薦：第200篇是一個里程碑，決定來介紹這個最近的心頭好 OLAY 至臻緊緻紅金眼霜！！！ 主打成份： • 勝肽組合：加強抗老 • 法國海茴香：提亮抗氧、抗藍光、高效修護眼周膚色，降低暗沉與黑眼圈。 💡 用後感 ✔ 清爽不厚重，不會長油脂粒 ✔ 黑眼圈＋細紋有改善（小驚喜） 之前長眼挑針（眼瘡）導致有一隻眼底線沒有用眼霜結果一星期後他們兩隻眼確實有明顯的分別 ⚠️ 小缺點 大開口瓶設計：取用不方便、容易不衛生，尤其懶惰時候常用手 建議用小刮棒取用！ 🌟 總結：高CP值之選，之前用過不少眼霜效果都一般，這瓶的效果對得起他的價錢 目前已經回購第二瓶及推薦朋友 保養還不錯，至少不會惡化畢竟人在年紀漸大的時候肌膚是越難保持 #眼霜 #olay

Kelvin好用推薦：產品質地： 紅金眼霜質地絲滑柔嫩，有陣淡淡嘅香味。怕眼霜太滋潤會令眼周出油脂粒，但暫時覺得呢款眼霜滋潤到又輕盈，薄薄塗上一層之後，再輕輕按摩，好快就吸收晒，滋潤到冬天用唔錯。而且佢嘅質地比較柔潤，一罐都可以用好耐。 功效： 下眼皮整體變得平整，小小改善眼袋同黑眼圈，冇嗰種浮腫嘅感覺。佢話可以去乾紋，但都係乾紋仲係喺度，冇乜特別改善。 推介俾啲容易腫、浮腫嘅人。如果有超勁眼紋眼紋冇咩用💁🏻‍♂️

mysecretgarden好用推薦：呢支精華水完全唔係我諗嗰種杰撻撻嘅精華質地。倒出嚟係好似水咁，流動性超高，仲要係透明冇色嘅。慣倒啲喺手心，然後直接按上塊面度。佢真係吸收得好快，基本上你按多兩按，捽多兩下，已經完全食咗入皮膚度，冇嗰種黐立立或者好似有層薄膜咁嘅感覺。成個過程好乾爽，但同時你又會feel到塊面係飲飽水，摸落去好軟熟。對於驚黏膩嘅人嚟講，真係一流，亦都唔驚太焗會生粒粒。朝早趕住出門口，啪咁一層上去，再搽防曬都完全冇問題，唔會搓泥。  我皮膚比較容易敏感，所以換新產品嘅時候都要小心處理。我特登查過佢個成分表，係冇加酒精同香料嘅，我用落都冇咩敏感嘅情況 。 我用咗之後，最大感覺係之後再搽面霜，吸收得好咗。朝早起身，塊面依然keep到水潤，冇之前咁易出油 同埋摸落去，有種飽滿咗嘅感覺。至於抗皺呢啲長遠功效，就要再睇耐啲先知。 如果你係追求快吸收、水感、同溫和嘅，真係可以一試。以咁嘅價錢，有咁嘅質地同保濕力，性價比幾高。當然，冇得拎佢同千幾蚊嘅專櫃品牌比較啦。但作為一支日常打底、基礎保濕兼帶點抗老功能嘅精華水，佢絕對合格。

Sakura醬好用推薦：人生建議：呢套先係乾皮糙臉嘅天命抗老水乳！ 塊面又乾又糙又有乾紋細紋又暗啞冇光嘅人，都要去用OLAY大紅瓶！！ 講真，呢套抗老水乳我先用咗無幾耐，仲要係三日打魚兩日曬網咁用，成塊面已經肉眼可見！好水嫩！好細滑！ 皮膚質感直接next level咗！首先啲乾紋細紋直接俾佢潤到平伏咗，而且唔知係咪錯覺，覺得皮膚比以前更加瑩潤透亮。 然後一捱夜就又粗糙又乾瘪嘅面珠墩，居然飽滿咗好多！unbelievable!!!! 成塊面唔會再似之前咁殘樣，連毛孔超大嘅出油區望落都細緻咗！！成個皮膚質感特別特別顯貴！！ 而且OLAY呢啲大牌子，你永遠可以相信佢落足料，一套抗老水乳主打四重胜肽！再乾瘪嘅臉都可以同你嘭返起，再粗糙易生紋嘅皮都同你拉平！佢唔單止可以提升膠原蛋白，等你塊面更豐盈飽滿，仲可以促進彈性蛋白，成塊面好似水煮蛋咁嫩彈嫩彈，真係靚到爆！！ 再加埋肌肽同VE，清除自由基抗氧化，你想暗啞都難！包含玻尿酸在內四大補水保濕系統，幾乾嘅臉都可以同你補到足！保濕水嫩成日！ 皮膚質感一點點咁改善，塊面成個水嫩細滑，仲滑捋捋咁！

ying好用推薦：🌿 HADA LABO 肌研 H.A. Supreme Cica 舒緩修護精華 積雪草修護・敏感肌救星 肌の静かさ｜讓肌膚安靜下來 🌟 我嘅總結 HADA LABO H.A. Supreme Cica 舒緩修護精華 🌿 積雪草成分，舒緩退紅 💧 4種透明質酸，深層保濕 ✨ 質地透薄，好吸收唔黐 🛡️ 無酒精無香料，敏感肌友好 💰 開架價錢，性價比極高 皮膚泛紅、乾燥繃緊嘅時候 用佢就會feel到「皮膚靜下來」嘅感覺 如果你係： ✔️ 敏感肌／容易泛紅 ✔️ 想搵一支溫和修護精華 ✔️ 想要高性價比開架好物 乾到爆 用少少 就水份UPUPUP🥰 呢支值得一試 回購意願：★★★★★ （用完一定會再買） #hadalabo #肌研 #HASupreme #Cica舒緩修護精華 #積雪草 #敏感肌救星 #退紅鎮靜 #開架好物 #性價比高 #精華疊加法 #肌の静かさ #skincare #hkbeauty #會回購 #精華部門

Fng好用推薦：肌研HA SUPREME 舒緩修護精華｜ 熟齡混合肌嘅「內乾外油」救星！ 香港冬天又濕又凍，仲要喺室內同室外之間進進出出，搞到塊面「內乾外油」仲間中泛紅！肌研呢支舒緩修護精華，今個冬天成為咗我嘅急救法寶～ ❄️ 冬日質地觸感： 質地係濃密化水嘅透明凝露，推開時有種「爆水」感，吸收後皮膚係水潤啞緻，完全無黏膩。對比夏天用，冬天嘅吸收速度明顯更快，好似皮膚好渴咁瞬間飲飽水！ ✨ 針對熟齡混合肌痛點： · 兩頰爆拆急救：暖氣抽乾後薄塗一層，5分鐘即時舒緩緊繃，後續上面霜都無搓泥 · T位油水平衡：無加重出油情況，鼻翼位無因過度保濕而生粒粒 · 泛紅鎮靜：凍風吹到塊面紅卜卜，厚敷10分鐘當mask用，退紅效果明顯 💡 冬日獨家用法： 1. 「暖氣房三明治」：化妝水 → 精華薄塗 → 噴溫泉水 → 面霜，鎖水效果x2 2. 「口罩肌急救」：戴口罩前重點塗鼻樑同顴骨位，減少摩擦敏感 3. 「妝前冰敷」：擠多一泵放雪櫃，上妝前用來鎮靜毛孔 🌟 成分解構點評： • 4重玻尿酸：大中小分子補足不同層次，真係做到「飲飽水」 • 甘草酸二鉀：對抗冬日温差引起的微敏感，溫和到笑 • 無酒精香料：暖

Chan好用推薦：用咗NIVEA Q10抗糖小啡瓶兩週，真係被驚艷到！呢支「小啡瓶」質地水水哋，一滴就推得開，吸收快到似飲咗落肌底，完全唔黏唔油，朝早搽完即刻上妝，零卡粉、服貼到爆！ 我本身係甜品控，法令紋同虎紋最近越嚟越明顯，用咗十幾日，鏡子前一看，紋路竟然淺咗好多！皮膚摸落緊緻彈彈哋、光光哋有光澤，連蘋果肌都飽滿咗，毛孔細咗好多。朝早醒嚟個面都均勻靚晒，唔再暗黃。 最正係佢真係抗糖！即使我冇戒甜，皮膚都冇繼續鬆弛。香味就係經典NIVEA清新味，一啲都唔刺鼻。CP值超高，平價又有明顯抗皺＋緊緻效果，30+輕熟肌姐妹強烈推介！而家已經係我每日必備，繼續用落去，期待更多驚喜變化～

Tszki好用推薦：質地呈乳霜狀但不油膩，後續上妝不易卡粉。 質地水潤易推開，且吸收速度快，後續疊加面霜或上妝也不易起屑或感到厚重。 塗抹 5 分鐘後即可觀察到細紋變得不明顯，肌膚看起來更平滑。變得更有光澤、暗黃感減退。 帶有 NIVEA 經典淡香，大部分人覺得好聞，對香味敏感的人可能需要留意。 敏感肌需要注意這個有香料的成分需要進行皮膚測試

inkitsung好用推薦：喜愛爽身粉味嘅朋友就一定要買啦！💕 嗰種香味簡直無時無刻搽手都覺得好幸福～ 而且佢蘊含豐富嘅乳木果油同堅果油～ 好有效咁滋潤雙手又唔會笠～ 用咗之後明顯爆坼同埋生倒刺嘅情況都有所改善～

choichoi好用推薦：相見恨晚，價格適中但質量很優，紮實的滋潤感滋潤了我甩皮敏感的雙手

Fng好用推薦：曼秀雷敦Lip Pure Oil潤唇膏用後感｜天然系潤唇之選 ✨ 質地同使用感 呢支Lip Pure係透薄油膏質地，搽上嘴唔會黐立立，有種似蜂蜜融化嘅輕盈感！最正係完全冇人造香味，只有淡淡天然油份氣息，怕香料人士可以放心用～ 🌟 滋潤度實測 試過冷氣房吹足8小時，嘴唇都冇爆皮！雖然唔算超級滋潤，但日常保濕絕對夠用，重點係唔會愈搽愈乾，用來做唇膜打底都唔錯～ 💔 美中不足 · 持久度普通，食野飲水後要補搽 · 膏體偏軟，夏天放褲袋容易融化 · 純保濕功能，冇防曬效果唔適合戶外長時間用 🆚 同類產品比較 · VS DHC橄欖潤唇膏：DHC更潤但價錢貴一倍；Lip Pure性價比贏幾條街 · VS 凡士林潤唇膏：凡士林較黏膩；Lip Pure清爽度完勝 · VS Burt's Bees蜂蜜唇膏：兩者都天然，Burt's Bees較清爽；Lip Pure滋潤感更持久 💡 使用小貼士 1. 妝前打底：薄搽一層等吸收再上唇膏，唔會卡紋 2. 夜間修護：厚敷當睡眠唇膜，第二朝死皮自然脫落 3. 隨身必備：放辦公枱頭隨時補搽最方便 抵買度：★★★★★（5/5，$30有找仲想點！）

Tobimak好用推薦：冬天一到，嘴唇乾裂問題就特別嚴重，甚至會痛到笑都唔敢笑。最近入手左曼秀雷敦嘅LIP PURE OIL 天然植物精華油潤唇膏效果真係出乎意料地好。 質地方面，唇膏非常柔滑，唔會有厚重或黏笠感，搽上嘴唇即時有滋潤感，而且唔會泛白或起粒。 最驚喜係佢既修復力~我本身嘴唇乾到裂開，用左兩三日已經明顯改善，唇紋變淡，甩皮情況大有改善，連夜晚開冷氣都唔怕乾。 總括來說，我覺得呢支唇膏係冬天護唇救星，值得回購！

chewyfruit好用推薦：【冬季眼周救星】CeraVe 修護眼霜真實使用心得：抵用又有效嘅平民寶藏！ 冬天一到，眼周肌膚最先告急！又乾又凍嘅天氣，加上成日捱夜煲劇，眼周細紋、乾燥問題全部出晒嚟。今個冬季我轉用咗CeraVe修護眼霜，用咗兩個月，真心想同各位慳家姊妹分享呢支「平價好物」！ ❄️ 點解冬季特別需要眼周護理？ · 眼周皮膚最薄：只有面頰1/3厚度，冬季更易流失水分 · 表情多+乾燥：眨眼、大笑加上冷風吹襲，好易形成乾紋 · 室內外溫差：出街入冷氣房，眼周皮膚不斷收縮擴張，容易受損 ✨ 我的「冬季眼周修復」實測心得： 1. 深層保濕唔黏膩：質地輕薄但滋潤度夠，搽完即刻覺得眼周有層保護膜，但完全唔會生油脂粒！ 2. 修復乾燥細紋：連續用咗兩星期，朝早起身眼周冇再繃緊，化妝前搽少少，眼底卡粉情況改善咗好多 3. 舒緩敏感不適：有幾日眼周因為乾燥有啲痕，薄薄搽一層，唔使十分鐘就舒服返 4. 性價比超高：比起專櫃眼霜，呢支真係抵用，唔使就住就住用，可以豪氣咁搽足夠分量 💡 冬季使用小貼士： · 雙重護理法：夜晚清潔後厚敷一層當眼膜，朝早就薄搽一層打底 · 按摩手法：用無名指輕輕點壓，由眼頭到眼尾，促

Jcxjessie好用推薦：今次試用咗嘅係CeraVe嘅全效保濕修護眼霜 唧出嚟呢佢嘅質地有少少似膏狀，但係呢又好容易推開。我大概一粒豆左右嘅size，然後係眼周用手指印開。雖然佢好似膏狀咁，但係吸收得好快而且一啲都唔痴笠。 因為我隻眼本身好容易出油，所以我都驚啲眼霜太笠，用完眼周會生粒粒，不過呢呢支我用咗一排，我都冇生粒粒，佢嘅質地都唔係好厚身。 雖然before after 張相有少少色差，但係都睇到用完之後我嘅黑眼圈有淺色左，尤其是右眼比較明顯。

Also melon好用推薦：Cerave A醇精華由外國引入香港了，綠色呢支除咗可以抗老，仲可以加速角質層更新，可以疏通毛孔，從而減少痘痘。前排食得太多油膩嘢，下巴位置生咗幾豆豆同閉口，即刻用依支精華。 唧出嚟係啫喱質地，清爽不油膩，全面搽一層之後，再喺出痘痘嘅下巴位置搽多一次，小小嘅份量已經夠用。感覺過咗一晚之後下巴位置變得平滑，豆豆係依然有紅，但已經冇咗腫起。 平時大概隔日都會keep住全面用，用完之後皮膚變得好滑，但對去印就無效。所以可以用呢支晚上使用A醇抗老同時疏通毛孔，然後再用美白精華淡印。

Emily Leung好用推薦：CeraVe A醇精華 藍瓶測評 CeraVe藍色係抗痘線，加咗菸鹼胺同甘草，理論上對祛痘印同抗炎效果會好啲。前者係黃色乳液狀，流動性強，質地偏油潤，我個人就唔太介意。 對我嚟講，用完皮膚係有滑咗，毛孔都細咗少少，睇得出有效果，但就唔太能夠維持皮膚穩定。我個人就係買到邊款用邊款，滋潤度可以根據產品同季節，配返面霜去調節。 我防曬基本上一四季都搽，冬天本身冇乜太陽，夏天正常會曬黑少少，應該唔係反黑（皮膚只係暗咗少少啫），冇咩不良反應。 CeraVe嘅嘢都比較溫和，好似有緩釋技術，但都建議要行返一次耐受流程。另外我之前有擔心生痘痘嗰陣，會刺激到有傷口嘅皮膚，所以中間有斷斷續續咁用，但後尾發現其實都ok。真係好溫和，注意做好防曬就得。 整體嚟講係推薦嘅。