素顏妝 推薦好用產品

Bendict好用推薦：我係敏感肌偏乾 之前天氣乾燥 用其他品牌碎粉定妝嘅時候發覺有啲位有乾紋😅 所係網度睇左咗幾日 究竟買咩品牌碎粉 因為我偏好日本品牌 忽略咗個大家都聽過嘅牌子 LAURA MERCIER 本來只係抱著試一試既心態 但估唔到盒碎粉好用到超出我預期 我用嘅色號係Translucent透明粉質好細 好滑 我用過嘅碎粉中最幼滑 我LM嘅碎粉定妝 天氣極乾嘅時間真係無顯細紋 而且修飾毛孔效果超出我預期咁好🙀 下圖 唔係誇張一秒磨皮 唔使開filter🙀🙀持久度方面 用完呢個定妝 我試過大概6個鍾多少少開始微微出油 但唔影響妝效😺 優點講咗 但真係有缺點 1. 冇附送粉撲 我另外買其他牌子粉撲放唔落 就算放到落去都係會倒太多碎粉出來 控制唔到取粉個量 2.粉盒設計好陽春 其他品牌已經有濾網設計嘞 每次倒過多出嚟 要晒好長時間 搖返啲碎粉落底層🫠如果佢有濾網設計 真係值7粒星100分✅冇濾網加粉撲所以扣左星星😿 不過性價比真係好高 29g 其實價錢等於兩盒其他品牌嘅碎粉 妝效亦真係非常好 所以推薦👍😺

YYeman好用推薦：Laura Mercier 柔光透明蜜粉使用心得 ⭐️產品質地 · 粉質超細：一打開盒就見到啲粉好似煙咁輕，完全冇厚重感。上臉之後係「零粉感」，唔會卡紋或者積粉。 · 透明冇色：雖然叫「透明蜜粉」，但其實真係冇乜遮瑕度，主要係用來定妝同柔焦，唔會改變底妝顏色，適合鍾意自然妝感嘅人。 · 柔焦效果一流：上完粉後，毛孔同皮膚紋理會即時變得模糊，有種「自動美圖」嘅感覺，但唔會假面。 ⭐️控油同持妝度 · 中等控油：對於混合肌或乾肌嚟講，佢嘅控油力足夠，夏天可以撐到4-5個鐘頭（T位會少少出油）。大油皮可能就要中途補妝。 · 持妝力強：就算出咗油，都唔會溶妝或者斑駁，反而有種「愈夜愈靚」嘅融合感，唔會成塊粉浮起。 ✅ 優點： · 自然透薄，唔會面具感 · 柔焦毛孔效果明顯 · 適合大部分膚質（特別係乾至混合肌） · 一盒好耐用，性價比高 ❌ 缺點： · 冇遮瑕度，追求修色嘅人要搭其他產品 · 盒內冇跟粉撲或掃（要自己配） · 大油皮夏天可能覺得控油未夠強 ⭐️總結 如果你鍾意自然、輕薄、天生好皮嘅妝感，呢盒蜜粉真係值得試！尤其適合日常妝、偽素顏，或者怕粉感重嘅人。雖然唔係極級控油

Kylie L好用推薦：OPERA 唇膏，我用的色號是09。調色自然，日常上班或素顏單擦都能提升好氣色，挺顯色的。 唇膏質地十分滋潤，不用護唇膏打底也能順暢塗抹，能打造出類似唇蜜般的水光感。 但覺得不是想像中那麼持久，吃完東西也是會掉色的。

Kitty 好用推薦：質地真係潤到呢⋯⋯好似搽緊潤唇膏咁滑，但顯色度又意外地高！係好自然嘅紅潤感，好似由入面透出嚟嘅血色咁💋持久度方面，飲水會甩少少色，但食完飯仲有層tint留低，唔會甩到七彩咁醜樣。最鍾意佢唔黐立立，戴住口罩都唔會搞到成個mask係唇印😷 唯一缺點係天氣熱嗰陣支膏會有少少軟，不過整體嚟講性價比超高！已經諗緊要回購多幾支其他顏色🌹真心推薦比鍾意自然水潤妝感嘅sis，用過返唔到轉頭啊！✨

zzzhelen好用推薦：依個品牌既眼線產品應該無人不識，hit咗好耐到，我自己亦多次回購。本身我鍾意某牌眼線液多啲，全日都唔會溶，但依幾年都興輕妝感，佢係屬於唔會點溶既眼線膠筆。 講真，畫內眼線感覺有點硬，畫時亦會卡顏料係眼睫毛度，畫完要用眉刷刷開及均勻顏料。 平時我只用啡／灰／黑畫上及內眼線，早排@cosme送咗支15號磚紅色咁既色號，諗住秋冬先用啦，諗諗下記得有人話用黎開眼角好靚，就試下，一試驚為天人，立即愛上。對眼即刻更深邃，效果又自然，宜家化妝唔畫內眼角唔得了，多謝@cosme帶我入坑😘 卸妝方面，我用開眼唇卸妝液／卸妝油，捽幾個圈就完全消失，屬易卸妝。 上圖素眼，下圖用5號灰色黑畫上及內眼線，眼線液筆畫眼尾，15號畫內眼角及下眼前段，5號點畫下眼線後半段，有時想要更自然妝感的話，我會用05號畫眼尾我係冷氣地方無出過汗，張相係已化妝6小時，暈開咗啲，但社交距離唔係太覺，所以還好啦。我太鍾意妝效，係搵到更防溶眼線膠筆之前，我都會繼續用 幼細既筆頭，要注意，轉出後不能收回現時用緊既15號色（左）同05號色（右）

Kitty 好用推薦：本身見佢呢隻係日本開架人氣款，話防汗防油仲要超持久，我咁易溶妝嘅油眼皮當然要試吓啦！ ✨筆芯軟硬度： 一畫上手覺得超順滑！筆芯偏軟但唔會易斷，輕輕一畫已經好顯色，唔使用力壓眼皮～對於新手來講好友好，畫內眼線都唔會拮眼！ 🔥持久度測試： 我朝早9點化妝出街，到夜晚7點返屋企～期間冇補過妝，眼線竟然冇溶到！只係眼尾微微淡咗少少（我仲眼皮易出油添！）。超防水，測試過，就算用洗手液都洗唔甩。真心佩服佢嘅防水抗油能力～💪 🐼防暈染表現： 完全冇熊猫眼！之前用過唔少開架眼線筆，到下午就暈到落眼袋，但呢支真係乖乖哋留喺原位～就算戴住口罩焗住塊面都頂得住！ 💦卸妝難度： 雖然佢持久，但用眼部卸妝液敷10秒左右就抹得走～唔使捽到眼皮紅晒，呢點我好滿意～！ 缺點都要講吓： 個設計系用幾多轉幾多，一次轉太多出來收不返去容易斷，同埋如果筆頭可以再幼細少少就更完美，畫極細眼尾線會更精準～ 總結： 百零蚊支嘅開架眼線筆來講，性價比超高！油眼皮姊妹絕對可以入手～建議畫眼線前先撲少少碎粉打底，效果更無敵！💖

Sophia好用推薦：Charlotte Tilbury 四色眼影一向優質，色號MESMERISING MAROON係我嘅最愛💯 - 粉質細緻柔滑，容易取粉又唔飛粉 ✨ - 顯色度高，淺色自然打底、中間色層次豐富、深色一次上色已夠飽和 🎯 - 色調偏酒紅同玫瑰色調，配色感覺高貴顯白🍷 - 閃粉細緻，貼服不顯顆粒，打亮眼皮或眼頭效果超讚 ✨👀 - 深色淺色都好容易暈開，效果過渡自然，適合新手使用🤎 - 持妝力良好，一整天不脫妝 🕗 推薦俾喜歡酒紅深邃感的朋友，無論日常上班或晚妝都夠用好用💖👍

布吶吶好用推薦：呢個係Charlotte Tilbury嘅招牌四色眼影盤，色號Pillow Talk。整體係溫柔玫瑰粉褐色調，非常適合日常、約會或偽素顏妝容。 粉質方面，CT做得好好，好細滑而且唔飛粉。四個色嘅分工清晰：左上係帶微珠光嘅淺香檳粉，做眼皮打底同提亮眼頭；右上係啞光乾燥玫瑰色，做主色掃眼窩好自然；左下係帶閃嘅玫瑰金，點喺眼皮中央可以令雙眼立體又有光澤；右下係深啡色，用嚟畫眼線同加深眼尾。 好處係妝感高級、溫柔顯氣質，持久度都幾好，大半天都唔會點積線。不過要留意，呢盤色調偏清淡，適合喜歡自然妝感嘅人，濃妝愛好者可能會覺得唔夠顯色。另外，最深色如果做眼線，建議配眼線刷濕用會更實色。 總括嚟講，係一盤好易用、唔會出錯嘅眼影，新手或化妝老手都值得擁有。

Hellobeauty 好用推薦：Ettusais SKINCARE POWDER (PRESSED) SHEER BEIGE 美肌護膚蜜粉餅 自然色 自我上次分享過, 購買了不適合某日本品牌的蜜粉餅後，一直搵，結果我遇上Ettusais SKINCARE POWDER (PRESSED) SHEER BEIGE 美肌護膚蜜粉餅 自然色，雖然它沒有精緻設計的包裝，但它可以發揮精緻妝容的效果。 吸引之處: 1. "磨皮效果"低門檻之選, 熱門蜜粉產品賣點, 必定係有"磨皮效果"；呢個產品呢方面好出色, 即時修飾毛孔及遮蓋瑕疵, 絕對是性價比高產品; 2.有透明亮澤粉末, 有燈光照射情況下, 有輕微閃閃效果， 上瞼後, 沒有明顯亮澤粉粒問題；同時做到提亮膚色效果, 因此, 日常妝容, 我特別喜歡用它重點塗T字位，有效除油光之外, 又可以提亮, 可以唔需要另外使用其他提亮膚色產品; 3. 柔滑密貼粉末，易推, 推一層, 已即見效果; 4. 它是自然膚色系, 接近膚色, 所以沒有因為色系太白, 而突顯臉上暇疵; 5. 有防曬功效 SPF35・PA+++ , 市面上蜜粉產品少有; 6. 糅合補濕成分, 全日可以貼服

Paris merci 好用推薦：新包裝充滿着棉花糖質感，櫻花妹蜜粉餅，細細盒好方便，而且非常可愛☺️馬卡龍感覺 粉餅唔會飛粉，粉餅壓得好實，細細盒好耐用，摸出嚟嘅粉質都好細滑，唔會因為開架牌子品質變差，非常適合定妝使用，或者可以直接用掃小小喺瀏海都可以做到控油，吸油力好。size好適合放喺手袋，仲有塊小鏡可以補妝。植絨粉撲都好軟滑，整體感覺好軟綿綿。 雖然粉餅是粉白色，但係佢係沒有遮瑕力，如果皮膚差可能覺得佢冇乜用，粉餅係非常自然嘅效果，推薦素顏妝感女生使用💕

Poyobb好用推薦：之前有一段時間好鍾意用Armani嘅粉底液，Power fabric fro同designer lift都有用過。手上呢款藍色係designer lift大師粉底液。#3黃皮偏白啱用，用完全日都冇咩暗沉。 佢嘅粉底液都係好薄身，容易推開，建議先用化妝掃在面平均推開，再用粉撲拍實。粉底液光澤到自然，如果依款因為有藍珍珠粉末嘅元素係入邊，可以幫你折射皮膚令到皮膚睇落。佢嘅焦效果好靚，佢可以折射法令紋冇咁深，如果係嗰日要影相或者出夜街就好適合😚 依款粉底液比較起來相對適合返乾性皮膚，略嫌控油道不足。如果香港夏天戶外就好容易溶，建議室內先用，或者夜晚先用，佢嘅防曬度只係得SPF 15比較低。

Jessie C好用推薦：作為一名對底妝要求很高的消費者，最近入手了這款備受好評的Armani Beauty設計師光感粉底液（Armani Designer Glow Radiant Revitalizing Foundation），經過一瓶, 現在使用第二瓶的實際使用後，想分享我的真實感受, 粉底液質地輕薄水潤，流動性中等，推開時能感受到它的絲滑感。氣味是淡淡的優雅香調，不會過於濃烈，上妝過程非常愉悅。有自然光澤感：這款粉底液最大的特色就是它打造出的「自然光澤肌」。它不是油亮的光，而是從肌膚底層透出來的健康光澤，讓膚色看起來立即提亮，卻不會有厚重粉感。保濕度佳, 對我這種混合偏乾初老肌膚來說，它的保濕效果相當出色。一整天使用下來不會出現乾燥緊繃感，也不會在眼下或法令紋處卡粉。而且輕薄透氣。持妝度不錯,在我臉上能維持6-8小時的良好狀態。T區出油後會有些許脫妝，但整體妝感不會斑駁難看。 總結來說這光感粉底液是一款出色的「日常通勤」粉底，適合追求自然光澤肌、皮膚沒有太多瑕疵的乾性至混合性肌膚。它能夠提升膚質外觀，給人一種「你本身皮膚就很好」的感覺，而非厚重的妝感。 但如果你需要高遮瑕度，或是極度油性的肌膚，則可能需

Fng好用推薦：KATE 立體造型眉彩餅 用後感 ——開架眉粉界嘅「長青樹」，一盒搞掂眉、鼻影、眼線 ✨ 我本身眉毛比較疏落，成日覺得畫眉好難控制。呢盒KATE三色眉粉（約HK$64-76 / 2.2g）被譽為日系開架「殿堂級」眉粉 🎨 色號點揀？EX-4 vs EX-5 · EX-4 亮棕系：適合淺棕、亞麻、金黃色等淺色髮系，色調偏灰，適合打造成熟穩重感 · EX-5 深棕系：適合黑色、深棕、自然棕等深色髮系，色調偏暖棕，打造自然溫柔風 · EX-6 紅棕系：適合紅棕、玫瑰棕等暖調髮色 💡 溫馨提示：我本身係深棕髮色，用EX-5好自然。如果唔肯定，建議去試吓色先～ ✨ 粉質與妝效：細緻貼膚，新手恩物 · 粉體細緻，唔太飛粉，掃上眉毛好服貼 · 三色深淺設計，可以自由溝色，配合唔同髮色同妝感 · 顯色度適中，新手都唔怕一下手重變蠟筆小新 · 畫起來賊絲滑，完全不結塊，打造自然媽生絨霧眉 ⏱️ 持妝力：防水防汗，香港潮濕天氣都頂得住 · 防水防汗技術，有用家分享搭巴士流超多汗，返到屋企眉毛仲喺度 · 實測朝早畫完，到夜晚都keep到，唔會變「半截眉」 · 持妝力強、不易脫色，適合混合肌同

Sanna Cher好用推薦：使用產品色號EX-4，主要使用中性色及淺色。利用內附的化妝掃，於眉頭位置使用淺色部分，填充眉頭疏落的部分，再利用內附的斜角掃，在眉中至尾部使用中性色調，疏理方向。 這個做法的眉妝比較自然，而且比一般眉色淺，而且沒有染色功效，適合眉妝感較弱較自然的時候用上。做用前後分別，使用後的眉部輪廓會較深。完妝照片

Emily Leung好用推薦：Clinique 花之戀胭脂 21號色 使用心得 今日同大家講嘅係 Clinique 花之戀光感胭脂嘅 21號色 —— Ballermina Pink。呢盒胭脂喺網上嘅討論度一直好高，有人話係『白裡透紅神器』，亦有人話係『黃皮雷品』。究竟佢嘅真實表現係點？今次我會從顏色、粉質、持久度同埋適合咩膚色嘅人，同大家詳細分享我用完嘅感受。如果你都想搵一隻自然到似自己透出嚟嘅粉嫩胭脂，就唔好錯過啦！ 色號簡介： 21號色叫 Ballermina Pink，係一隻柔和嘅芭蕾舞粉紅，偏冷調嘅 baby pink，冇橙調，望落好溫柔。 優點： · 顏色自然似白裡透紅：上臉唔會一撻撻，似皮膚自然透出嚟嘅粉嫩感，偽素顏一流 · 粉質幼細：花之戀系列出名粉質靚，唔飛粉，冇明顯閃粉，係絲滑霧面帶微微光澤 · 唔怕重手：顯色度中等偏淡，新手都唔會一下變紙紮公仔，可以逐層疊加 · 黃皮友好：雖然係冷調粉紅，但因為夠淡雅，黃皮用都唔會顯髒，反而有提亮效果 · 持久度好：喺香港潮濕天氣下，大約維持6-8個鐘先慢慢褪 缺點： · 深膚色可能唔顯色：如果膚色較深，呢隻色可能似冇上妝，要疊幾層先見到 · 要自備

Sakura醬好用推薦： Clinique 小花胭脂 #21 Ballerina Pop 真實測評 一句講晒： 一塊偽裝成胭脂嘅「自然血色感提亮神器」，適合追求白淨、透亮、好氣色妝容嘅女仔。 1. 顏色同色調 (#21 Ballerina Pop) · 實際顏色： 官方叫「芭蕾粉」，但唔係死亡芭比粉！係一隻非常淡雅、帶微微冷調嘅淺粉紅色，入面有超細緻嘅銀白色珠光。 · 上臉效果： 因為顏色好清透，所以唔會一撻色。上臉後同皮膚融合，透出嘅係一種好似由皮膚底層泛出嚟嘅自然紅暈，感覺好害羞、好少女。白光下睇偏粉嫩，黃光下睇更似自然血色。 · 顯白度： 超級顯白！ 尤其適合白皮（黃一白、粉一白） 嘅女生，可以即刻提升透明感同乾淨度。黃二白如果想用嚟做提亮，輕手掃都OK，但健康膚色就可能唔太顯色。 2. 粉質同妝效 · 粉質： 壓粉實淨，但唔難取粉。用掃子輕輕打圈，就會上到適量顏色。粉質細膩到不得了，完全唔顯毛孔，係高級嘅絲絨感。 · 妝效： 絲緞光澤感。佢嘅珠光好細好細，唔會誇張閃爍，而係一種低調嘅皮膚光澤，好似本身皮膚好好嘅透亮感，完全唔會顯毛孔或粗糙。 · 貼服度： 極高！好似融入皮膚一樣，唔會浮喺表面。

lingbb好用推薦：-用咗超過3 支，外型係好粉嫩透粉外殼，殼如其美，完全係滋潤度高打造自然透亮粉嫩唇色，鐘意飽和度唔高嘅潤唇膏我推薦呢款！ - 隨住身體既熱感，唇部會隨之變得唔同色，以我經驗，當你個人夠暖，顏色會愈黎愈深色。 -如果咀唇有乾皮或咀唇偏乾先打好個底，例如磨砂磨走多餘既死皮先用 - 呢個系列暫時最鐘意用#005 色，原本唇色無血色，用完會變得好自然既唇色，唔會太深或唔出色， - #001 對我黎講太淺色 - #010 係帶閃粉既holo pink，要塗厚一點先比較顯色，🧐 - 我會推薦#005lilac顏色！🤩

Nicole好用推薦：第一枝使用嘅係購物積分換領贈品，色號001。當時感覺唔夠滋潤同埋會隨pH而轉變顏色，對本人而言001變得太粉而打入冷宮。 但潤唇膏轉為新版後，滋潤度加強咗，非常乾唇的我都夠潤，另外色號都增加咗，可以分冷/暖色調㨂啱自己嘅色號好重要! 推介025 Seoul Scarlet, 睇落偏橙調, 但上咀好靚!

Luna好用推薦：韓國品牌 The Saem 嘅「Tip Concealer」（完美遮瑕液）測評 呢款遮瑕膏喺韓國同香港都好受歡迎，尤其係性價比超高，被稱為「開架之王」。 1. 色號特點（適合膚色） · 1.5 Natural Beige 係一個帶黃調嘅自然色，唔會太粉亦唔會太橙。 · 適合亞洲人普遍嘅自然膚色，或者係追求自然妝感、唔想遮瑕部位過白嘅用家。 · 如果係黃二白至黃三白（即係自然偏少少深嘅膚色），用呢個色號嚟遮黑眼圈、痘印會非常貼合膚色，唔會出現灰白或過白嘅情況。 · 如果用嚟做面部提亮（例如額頭、鼻樑、淚溝），對於自然膚色嘅人嚟講可能會唔夠亮白，效果會係「修正」多過「提亮」。如果你膚色較白（黃一白），可能會覺得1.5號太深。 2. 遮瑕度 · 極高！ 呢款遮瑕嘅最大賣點就係其高遮蓋力。 · 能夠輕鬆遮蓋深色痘印、紅血絲、雀斑。 · 用嚟遮黑眼圈效果亦非常好，但如果係好深色嘅黑眼圈，建議先上少量橙色或桃色校正色打底，再薄薄疊加1.5號，效果會更自然持久。 3. 質地與妝效 · 質地：偏濃稠，無咁流動，似乳霜狀。因為遮瑕度高，少少用量就夠。 · 妝效：啞光。上臉後會快速乾爽，唔會油

莓莓好用推薦： 「The Saem 遮瑕液」實測：平價遮瑕王係咪真係咁神？ 係咪成日聽人講韓國嗰支「The Saem遮瑕」好用到癲，又平又遮得？我專登買咗支返嚟試足一排，同大家「拆局」睇下係咪真係咁誇張！ 1. 包裝同質地： 支裝好細支，方便帶出街。個掃頭係绒毛掃咀，可以直接點上臉，算係衛生。質地係偏濃稠嘅奶霜狀，唔係好流質嗰種，推開係啞緻妝效。 2. 遮瑕力（最强賣點！）： 呢樣真係要俾個Like！遮瑕力真係好強悍，絕對係「高覆蓋」級別。 · 黑眼圈： 如果係普通瘀瘀青青嘅黑眼圈，一層已經遮到七八成。好深色或者好凸起嘅眼袋就可能要仔細疊加。 · 痘印、暗瘡： 呢個係佢主場！紅色、啡色嘅痘印，基本上點一吓，輕輕印開，已經唔見咗九成，好似「擦膠」咁擦走啲瑕疵。新嘅紅印尤其有效。 · 毛孔/凹凸： 對毛孔冇咩修飾作用，如果遮凹凸位（例如痘疤），要小心用量，唔係會「卡」喺凹位。 3. 滋潤度同貼服度： 呢度係重點爭議位！要睇你本身咩皮膚： · 油性/混合肌： 你會好愛！因為佢乾得快，之後係全啞光，好貼服，唔易移位。 · 乾性/眼下偏乾肌： 要打醒十二分精神！ 如果你唔做好保濕打底，佢好容易顯乾紋

Kitty 好用推薦：呢隻唇膏成日上@cosme熱門，真係要好好推薦吓🥰 首先個金管包裝真係好靚，玫瑰金嘅亮面設計，望落高級得嚟又唔會太重手。最特別係膏體頂部有個3D愛心浮雕😍，真係少女心爆發！不過提一提，呢個愛心用幾次之後就會磨平，要影相留念就要快🤣。 質地方面，佢真係好水潤，好似有色潤唇膏咁順滑。含有凡士林同多種保濕成分，唔使打底直接搽都完全冇問題，乾唇人恩物！搽嗰陣仲好舒服💋。 妝效係透亮自然嗰種，唔會誇張。幾乎隻隻顏色都靚，一搽即刻成個人有氣色咗，素顏用都完全OK。不過因為太潤，顯色度屬於中等，要搽兩層先會比較出，而且飲水都會甩，要成日補💦。 Canmake呢支愛心唇膏好適合追求自然水潤妝感嘅朋友，尤其係乾唇人或者學生黨，呢支一定會成為你嘅日常愛用款！會回購～👍✨

Emily Leung好用推薦：【轉季啱晒🌷】Canmake柔潤亮澤唇膏 T04 實測 轉季天氣，個嘴仔特別容易乾到爆拆，搵唇膏又想有顏色又想夠潤，真係頭都大！放心，今次幫大家實測呢支Canmake Stay-On Balm Rouge嘅T04色，睇下佢係咪傳聞中咁「打得」！ 📍包裝同質地 Cutie嘅包裝，一向係Canmake嘅風格，細細支放喺個袋度超方便。支唇膏係冇防曬度數嘅，唔使驚嘴唇會變黑。質地真係好似佢個名咁，超級柔潤，好似搽緊唇膜咁，完全唔使點用唇膏打底都順滑。 📍轉季用後感：優點大檢閱 1. 水潤唔黏立，啱晒轉季！💧 佢嘅潤係帶少少油潤感，但絕對唔會黐脷嗲，好似俾層保護膜包住個嘴咁，轉季時嘅乾燥感即刻消失！就算你嘴唇狀態唔係幾好，有少少死皮，佢都可以修飾到，唔會卡色。 2. 顏色清透，日常必備！✨ T04係一隻好靚嘅蜜糖茶色，帶少少橙調，好百搭！上嘴好清透，可以疊加塗搽嚟增加顯色度。無論係素顏、返工定返學，用呢隻都絕對唔會出錯，自然好氣色，好似本身個嘴就係咁水潤咁靚！ 3. 性價比超高！ 百零蚊就有交易，平過好多專櫃品牌，可以話係開架之王！買多幾支唔同顏色都唔肉赤。 📍有咩要注意？ · 如

Tung Yi好用推薦： 注入精華的高保護粉底液，提供中等至全彩的真實覆蓋，不會結塊、摺痕、條紋和毛孔。上妝那一刻是霧面的，重點是持妝8小時都不用補，出點油看上去有水光感很讚（韓妝效果）。 含有 10 倍冬蟲夏草和人參，可補充肌膚的天然能量，讓肌膚看起來健康、容光煥發。 富含保濕複合物，可提高皮膚的水分含量，使皮膚豐滿、柔軟並減少細乾紋的出現，富含維生素 E 和深海發酵劑，可保護皮膚免受曬傷、自由基、污染和藍光的傷害，使用 SPF 40 保護皮膚免受有害射線的傷害。 防汗、防潮和防水，讓膚色看起來更光滑，貼服。 不含對羥基苯甲酸酯、鄰苯二甲酸鹽、硫酸鹽、亞硫酸鹽、礦物油、酒精、甲醛、凡士林和三氯生。 用完會回購，價錢可接受。

Wkk好用推薦：比較適合秋冬的一款粉底液，粉底液非常滋潤，但是持妝度不夠久，很快脫妝

Sanna Cher好用推薦：產品屬於輕薄擦頭的睫毛膏，來回擦塗已完成早染。除以外，有做到根根分明的效果，如配搭眼影，妝容會很特別。使用前後效果，在深色的眼影下，有看見睫毛膏的顏色。完妝的效果

TsuenMa好用推薦：CANMAKE TOKYO 睫毛液 Quick Lash Curler 本身對睫毛液又愛又恨，因為好容易一眨眼就沾左啲色係眼袋個個位，如果一卒又唔容易抹得甩，變度一撻撻勁核突🤢 所以我買睫毛液產品嘅時候，都會着重佢係咪好快乾得到，減低出事嘅機會。 但係快乾嘅睫毛液都有需要留意嘅地方，要避免吾好長時間將產品暴露喺空氣之中，之後會凝固左用吾到，所以用完之後記得要即刻執返佢入樽入邊，以防乾咗之後就會打撠好難用🤧 💟色號選擇：多色，由classic black 、 brown、grey 到red都有。讓你係吾同場合、妝容上面都可以有合適嘅配搭。 💟刷型擦頭：可以做到睫毛根根分明，吾會有曱甴腳/撠住一嚿嚿嘅情況。 💟持久度不錯：基本上都可以hold到全日，甚少會有甩色嘅情況。 ☪️用後感：呢款產品可以令到眼睫毛變得細長，成個眼睛精靈咗、放大咗。唔同嘅顏色選擇，可以配搭頭髮顏色嘅變化，可塑性好高。防染暈嘅程度都好唔錯，唔會搞到眼底黑鼆鼆。所以總括而言，係好值得入手嘅一件product。

Chloeincosme好用推薦：岩岩個聖誕收到的禮物，係LM胭脂最出名既「CHAI」（朋友好識揀🥺🤣） CHAI係乾燥玫瑰色，尤其適合黃一/ 二白既朋友🤍 呢盒胭脂粉質非常細到，blend開後邊界感=0，似天生好氣色～ 🤍 粉質細膩度：5/5 粉體絲滑如絨，一掃上臉就同肌膚融合，零粉感亦唔顯毛孔～ 🤍 持久度：4/ 5 帶妝6小時都唔使補妝，就算消失左都唔會斑駁～ 🤍 顯色自然度：5/5 輕輕沾取已經夠色，似自然紅暈，韓系/ 日系妝容都適合！ 總結： 第一次用Laura Mercier既胭脂已經非常鍾意！會回購試下其他色號（暫時對Guava有興趣😎）推薦俾所有追求精緻妝感嘅你！

Tszki好用推薦：Laura mercier 啞光玫瑰胭脂  此系列胭脂注入了極細緻的「玫瑰柔光微珍珠粉末」，能捕捉並反射光線，呈現帶有微光的玫瑰色澤，有助於平衡冷暖色調，提亮膚色。 色號包括 Peach Shimmer 和 Very Berry 等，為雙頰帶來光澤感。 同樣具有高度顯色和長達 10 小時的持久力。  Laura Mercier 胭脂的粉質非常細膩，壓得實且易於取粉，不易一次過塗抹太多。妝效自然，能打造出彷彿肌膚由內而外透出的健康光澤，不顯厚重或粉感。 #火熱新品

Chloeincosme好用推薦：成日貪新鮮買好多唔同既化妝品，而NARS既大白餅絕對係我一生不停回購的產品！ 佢既外型偏大，鍾意用小廢包既我好少帶佢出街，主要用黎定妝，每次用完大白餅都會覺得自己皮膚超好。♥️粉質：10/10，極幼細，未預過比佢更幼細既蜜粉。 ♥️妝感：9/10，微霧，唔浮粉唔卡粉，有極幼既珠光，唔會好似登台咁閃但又帶到光澤感。 ♥️控油：7/10，當夏天坐冷氣房，7點化完妝，下午4點開始有油光，即使出油都唔會斑駁（好重要） ♥️保濕： 6/10，唔係保濕型。 ♥️持久：8-10小時 *要留意既係佢唔係有色粉餅，基本上冇遮暇度可言！但佢可以比到柔化同撫平肌膚既妝感！ 下圖中指係掃左5/6下既結果，可想而知佢既粉質幾幼細😍 但！佢有缺點！ 除左size太大唔想帶佢出街，另一個唔用佢補妝既原因係佢既「粉撲」好似紙咁薄😂超難用…（呢樣野都比人話左好多年🥹 不過因為我係屋企用，我會用其他工具取代佢，所以對我黎講唔算好大既缺點。 總結：係超好用的蜜粉餅，推薦！

hinaaaaaa好用推薦：我係混油肌 T字位偏油 底妝通常上一層氣墊 建議手指粉撲上依個碎粉～ 一盒已經用咗4年 都仲未見底 CP值高😂 控油度4/5 夏天嘅話會先全面薄薄上一層 T字位再上多一層 就算流汗個妝都唔會溶或者花👍🏻 冬天嘅話全面薄薄一層都唔會覺得塊面繃緊或者乾！ 很剛好嘅控油度 應付到香港天氣🥵 遮毛孔3/5 素顏嘅時候會搽完冇色防曬再上NARS碎粉 毛孔有柔焦嘅感覺 社交距離睇會覺得皮膚幾好 近距離都會見到毛孔 但透明碎粉嚟講已經好唔錯👍🏻 30度流哂汗冇補過妝 底妝狀態都keep得唔錯～

Hellobeauty 好用推薦：小資女恩物,性價比高粉底液,我會推介Super Stay 超持久30H空氣感粉底液 賣點： 實力持妝 空氣感輕盈 防水防汗 不沾染 我就上述賣點,分享一下我用後感： 實力持妝方面-佢發揮呢方面確係出色,我喺戶外超過十小時,都沒有脫妝嘅情況,唔需要頻密補妝,絕對襟用 空氣感輕盈方面-質地輕薄已易推,順滑,完全唔會喺擦子膠粒粒的狀態,貼面舒服,最重要係遮瑕力方面都非常出色,明顯青筋都可以遮蓋,絕對係我大愛,有相為証😂 防水防汗方面-大部份同類產品係呢方面都非常出色,所以我就呢方面沒有太大感覺,只是唔須要就呢方面扣分 不沾染方面-對係我最愛的賣點,方便日常須帶口罩的我 温馨提示:卸妝過程要做足,本人覺得要花多少少時間去撤底卸妝😌

Poyobb好用推薦：N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。 質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️ 另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。

Emily Leung好用推薦：今次入手嘅係Canmake唇膏16號，即係好多人講嘅「肉桂奶茶色」或者「高級焦糖棕色」，呢支真係開架入面嘅寶藏色。如果你係鍾意自然溫柔、有氣質嘅妝感，呢支好大機會啱你心水。 先講顏色，佢個名已經講咗一半。所謂「肉桂奶茶」，即係唔係死實實嘅棕色，而係一種帶住啲暖調、少少紅調嘅柔和啡色。擦上嘴唔會好似飲完朱古力冇抹嘴，而係似本身唇色透出嚗一種好健康、好溫暖嘅色澤。薄薄擦一層，就好似你本身嘴唇好紅潤咁，好自然。 如果你擦厚一兩層，個「焦糖」感就出嚟啦，會有種好濃郁、好秋冬嘅感覺，好襯冷衫同大衣，望落真係有啲高級感，唔似幾十蚊嘅貨仔。對黃皮膚好友善，好顯白，唔會病懨懨。 跟住講質地，呢支嘢嘅賣點就係「滋潤」。佢完全唔乾，擦個陣好順滑，好似擦緊一層好薄嘅奶油咁，即刻幫你撫平咗啲唇紋。上嘴係一種好靚嘅水潤光澤，唔係誇張嘅玻璃唇，而係好似本身嘴唇狀態好好、好飽滿咁。因為佢咁潤，所以就算你嘴唇有少少甩皮，用佢都唔會顯眼，反而有啲修飾作用。 當然，有優點就有代價。因為佢咁水潤，所以持久度就一般啦。飲杯水都會印走少少，食個晏大概就要補一補。不過好彩佢甩色甩得都算均勻，唔會淨係甩中間變個「唇圈」，

Desse好用推薦：Canmake Stay-On Balm Rouge（09號色） 一款日系開架潤唇膏，主打絲滑滋潤同自然顯色，適合日常妝容或素顏上妝， 09色號係深酒紅調，帶點柔美暗紅，顯色度中等偏高，有小小閃粉，日常番工用啱啱好 質地如奶油般滑順，推開感覺滋潤唔黏膩，含豐富保濕成分如維生素E同植物油，塗上後唇部即時水潤有光澤，唔會強調唇紋或乾燥脫皮 個人覺得呢個色號秋冬用最適合，顯得氣色唔錯 持久度約2-3小時🧐 留意位🥸 飲水會留色喺杯度，唔至於見到成個咀唇，但都有3-4成🧐 極乾唇必需先打底！如果唔係冷氣房會覺得唔夠潤 但我自己用就點都打底先， 預防食唇色🥸 總結嚟講，顯色度夠，整體溫和無刺激，敏感唇都OK，cp值唔錯👍🏻

Emily Leung好用推薦：Laura Mercier 柔霧粉底液測評 核心特點 · 妝效：自然的柔霧光澤。它不是重度遮瑕的假面感，而是偏向絲絨質地，能很好地修飾毛孔，打造「原生但精緻」的妝感。 · 遮瑕力：中度可疊加。一層能均勻膚色、遮蓋泛紅，對於痘印等瑕疵建議局部二次疊加，整體不會顯得厚重。 · 持妝度：中上水準。添加了控油成分，在混油皮上實測約 6-8 小時 開始出油，但出油後會轉為「奶油肌」而不會斑駁暗沉；乾肌建議做好妝前保濕。 · 膚感：極輕薄。流動性強的液態質地，推開後像「第二層肌膚」，幾乎沒有負擔感，也不易卡粉。 選購與對比 這款粉底的設計偏向「均衡型」。 · 如果你追求極致控油，它的控油力不如雅詩蘭黛 Double Wear，但精緻度更高。 · 如果你追求光澤肌，它比同品牌的「極限超時親膚粉底液」更為輕薄且帶有柔焦感。 · 關於色號：建議靠櫃試色，其色號分為 C（冷）、N（中性）、W（暖），選色邏輯較為細膩。 總結：它是一款適合混合肌（混油/混乾）的日常「不出錯」粉底，能兼顧輕薄與一定的持妝力，適合喜歡偽素顏、自然進階妝感的人。

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

Miranda好用推薦：質感 呢款粉餅嘅粉質真係幼細到令人驚喜，一摸落去好似絲絨咁滑，完全唔會有顆粒感。佢唔係乾爭爭嗰種粉餅，而係帶有少少 creamy 嘅觸感，上面之後好貼膚，唔會浮粉或者卡喺毛孔入面。最正係佢做到「柔焦」效果，一撲上去，毛孔同細紋即刻模糊咗，但又唔會厚粉，望落好似天生好皮膚咁。而且佢嘅粉體好輕盈，完全唔覺得塊面有嘢焗住，呼吸到嘅感覺好舒服。 使用感 使用感方面，呢塊粉餅真係懶人恩物。佢可以乾濕兩用：乾用嘅時候，用跟盒嘅粉撲輕輕印一印，已經可以均勻上妝，好適合返工趕時間用；濕用（噴濕粉撲再沾粉）就做到更高遮瑕力，當粉底咁用都得。我自己最鍾意用佢嚟補妝，晏晝出油之後，用紙巾輕輕印走油光，再補一層呢個粉餅，即刻還原返朝早嘅霧面妝感，仲唔會卡粉或者起屑。佢嘅遮瑕度屬於中度，基本嘅泛紅、暗瘡印同毛孔都遮到六七成，如果想更高遮瑕，可以局部疊多一層。而且佢嘅色號選擇多，好容易揀到貼近自己膚色嘅色號。 持久度 持久度方面，呢款粉餅表現相當出色。我係混合肌，用佢定妝之後，T字位出油嘅時間明顯延遲咗，大概可以保持四五個鐘先開始有少少光澤。到咗全日（約8小時）之後，妝容依然完整，唔會溶到一撻撻，只係鼻翼位有輕

Kitty 好用推薦：呢款粉餅遮瑕力幾高，所以粉質粗少少我都接受到。打完底妝之後用嚟定妝，會覺得有少少厚重。對油皮嚟講，控油力唔錯，持妝力都算OK。 缺點係毛孔比較大嘅位置、下巴痘痘粉刺多唔平滑嘅地方，如果帶妝耐咗，嗰妝效會變粗糙，冇咁貼服。呢款唔係輕薄型粉餅，皮膚缺水時，補妝會顯得有啲厚重同假面感，要做好保濕同埋控制好份量輕輕咁補。 如果皮膚好，或者唔追求無瑕妝效、想快啲出門口嘅話，搽完防晒加呢款粉餅都幾正㗎，總體來講我都好推薦大家試一試！

Kmggigi好用推薦：講到底妝，RMK依枝粉底霜真係好好用 本人混合偏乾，臉上主要瑕疵為少少痘印同曬斑 呢支粉底霜遮瑕力中高level，輕輕擦一層都可以遮到九成 睇落去皮膚好靚 持妝力都okay，我用咗八個鐘到 t字位有少少出油，但會令到效果變得更加似奶油肌 唯一麻煩位係要用時間心機將佢上得均勻啲

wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸