控油粉底 推薦好用產品

chewyfruit好用推薦：Laura Mercier 蜜粉：真係「啞緻」界嘅天花板？ 如果你有化開妝，幾乎冇可能未聽過Laura Mercier呢盒「神級蜜粉」。個個化妝師都有一盒，網上吹到天上有地下無。等我同你拆解，佢係咪真係咁把炮！ 第一印象：簡約大方，但係... 一拎上手，個包裝係幾有質感嘅，經典嘅黑色蓋配透明罐，睇落幾專業。不過！要彈嘅係，原裝係冇跟粉撲嘅！呢下真係有啲「吊頸都要透氣」嘅感覺，你要自己配個掃或者粉撲，有少少麻煩。 粉質：真係幼過BB仔嘅皮膚 講到粉質，呢樣真係要寫個「服」字。啲粉真係幼到呢……好似煙咁，一倒出嚟好似一陣輕煙，唔會飛到成個枱都係，但質地極度幼滑。摸落去好似絲綢咁，完全冇顆粒感。 上臉效果：即刻「磨皮」唔係講笑 1. 啞緻度： 一撲上塊面，嘩！真係即刻啞緻！個妝效係好高級嘅霧面感，完全冇咗啲「油立立」嘅反光，好似開咗美顏相機嘅「磨皮」功能一樣。尤其係T字位，啲油光即刻收皮！ 2. 透薄度： 雖然係全霧面，但佢一啲都唔厚粉。完全唔會好似戴�個面具咁，唔會加重粉感，能夠保留返你本身底妝嘅光澤同質感，只係將油光抹走咗，呢點好高分。 3. 持久度： 呢個係佢最犀利嘅地方！我係

Emily Leung好用推薦：好物分享 | 適合乾皮的經典版LM柔光散粉 Laura Mercier 柔光透明蜜粉，真真巨巨好用，關鍵是大容量29g，可以列為便宜又好用單品系列啦💕 🌟粉質 | 細膩輕薄 上臉不結塊 多次疊加不厚重 🌟對肌膚的修飾能力 | 隱匿瑕疵 修飾毛孔 讓臉蛋有柔焦的美感 🌟持妝持色能力 | 乾皮寶寶持妝6小時以上沒問題，油皮慎入！！ LM散粉不帶粉撲，一般我都是倒在蓋子里、然後用刷子拍在臉上，用其他的散粉都要四五層才能徹底定好妝，但是LM散粉只需要兩次（一定是少量多次哦），粉質非常細膩、上臉瞬間霧面柔焦 高級感瞬間拿捏住了～ 牆裂推薦乾皮寶寶們去試試，混合皮建議分區定妝！

Sccan好用推薦：香港夏日咁熱容乜易出晒油溶妝，唔用控油碎粉定妝補妝點得呀？ innisfree依隻礦物碎粉我由佢一開始出用到依家，佢包裝得5g，內含一個絨毛粉撲，細細盒袋係身隨時補妝好方便。我專登沾咁多影比大家睇，粉質算幼細，用粉撲上或者用掃掃上，會即刻變左霧面，控油力大約2小時，因人而異，有少少遮毛孔嘅功效，皮膚睇落平滑啲，但唔會令膚色白左一度，反而好有透明感。加上依隻係礦物碎粉，成份天然，無香料味，唔傷皮膚又透氣唔會生粒粒，痘痘肌同敏感肌都啱用，十分推薦！

Desse好用推薦：如果你久唔久先化一次妝 #夏天 易出油嘅時候又想買盒碎粉嚟定吓妝 咁喱盒 #碎粉 就好啱你啦！ 佢只有5g ! 100蚊內就有交易⭐️ 唔怕浪費又性價比高💓💓 產品榮獲 @cosme「2024年度香港美妝大賞 碎粉第1名」 係咪好吸引先😆😆 Innisfree控油礦物散粉（No-Sebum Mineral Powder）係韓國嘅大熱產品🇰🇷🇰🇷 專為控油同定妝而設💡 粉質超級細緻..💓💓 用上面好輕盈..唔會卡粉或者令妝感變厚重 🍵仲有淡淡薄荷香味..用完感覺清爽舒服！ 控油效果好明顯💓 夏天或者出油多嘅時候補一補，即刻啞緻返晒，唔怕變「油面」🤩 產品優點💡 控油力強🫶🏻適合油性或混合性皮膚 粉質幼細🫶🏻唔會反白或者結塊 價錢親民🫶🏻細細盒方便攜帶 無香料！無防腐劑！🫶🏻敏感肌都用得 不過呢……. 🏮粉盒細細個…5g好快用完.. 如果你係長期用家.. 就要一次過入定幾盒貨🔔innisfree 官網都有幾件嘅優惠.. 可以留意番💓 🏮控油效果未必可以維持全日 油肌或者勁出汗.. 可能要補多幾次 總結吓先🧏🏻‍♀️🧏🏻‍♀️ 性價比高❤️定妝補妝都啱用 特別適合夏天或者易出

Kmggigi好用推薦：Armani Power Fabric+ Foundation — 柔霧透光，妝效持久✨ 呢款粉底可以做到柔霧透光妝感， 既有啞緻感但又帶少少亮澤， 令肌膚睇起來平滑又細膩 如果出少少油，仲會變成奶油肌，有一種自然嘅光澤感🤩 遮瑕力屬於中高水平， 能夠有效遮蓋膚色不均、細微瑕疵同毛孔， 但妝效依然非常自然貼服，唔會有厚重假面感， 非常適合追求自然無瑕妝感嘅朋友。 持久度方面亦表現唔錯， 長時間佩戴都能保持妝容完整👍🏻 唯一可惜嘅地方係我收到嘅呢支粉底色號偏深， 對我會有啲唔啱用 不過揀啱色號嘅話，呢支粉底絕對係值得一試嘅粉底必備單品！ ✨

Fng好用推薦：Giorgio Armani嘅 Power Fabric 粉底液主打高遮瑕+持久啞光，網上好多評測都話佢控油抗汗，仲有SPF 20防曬，啱晒香港夏天又悶又濕嘅天氣！ 本人混合性乾肌（T字位出油、兩頰偏乾)，夏天鼻翼容易溶妝，我用黃調一白（用#3.5色號，貼近亞洲膚色) 。✨ ✅ 優點 1. 遮瑕力高但唔厚重 - 一層已經遮到8成泛紅同暗瘡印，唔會好似戴面具，質地比舊版更薄透！ 2. 啞光妝效持久 - 上臉即時霧面，T字位冇即時出油，30°C出街2個鐘都冇溶到變「油面」！ 3. 抗汗力強 - 香港地鐵站行到出汗，用紙巾印面都冇乜粉底脫落，真心驚喜！ ❌ 缺點 1. 兩頰偏乾位會顯紋 - 如果保濕唔夠（尤其冷氣房），眼底同法令紋位少少繃緊，建議混合一滴精華油或用保濕噴霧打底。 2. 氧化問題 - 帶妝6小時後會暗半度，建議買白一個色號，或者用紫色妝前乳提亮。 3. SPF 20唔夠力 - 夏天戶外一定要補防曬，否則容易曬黑！ 📢 總結 Power Fabric喺香港夏天表現算中上，遮瑕同抗汗真係冇得輸，但乾肌位要額外保濕。如果

Kmggigi好用推薦：感謝@cosme 贈送Laura Mercier Real Flawless Weightless Perfecting Foundation LM粉底果然名不虛傳，完美演繹自然光澤妝感！✨ 今次收到OC1色號，係偏白膚色嘅完美選擇！ 色調自然，唔會過於偏黃或者過白， 用後整體妝感既清透又均勻。 呢款粉底嘅質地非常水潤輕盈， 一推就開，延展性高， 完全唔會有卡粉或者厚重嘅情況， 就算係乾性皮膚都可以駕馭得住， 仲帶有淡淡嘅滋潤感，使用體驗非常舒服！ 粉底帶有光澤妝感，令肌膚呈現健康嘅水光效果， 妝效自然又有質感， 特別適合鍾意低調又有氣色嘅妝容 遮瑕度屬於中低，能夠有效修飾膚色不均同細微瑕疵， 但如果有較明顯嘅痘印或者斑點，可能需要額外遮瑕 不過對於鐘意輕薄自然妝效嘅人嚟講， 呢個遮瑕度已經非常足夠，絕對能夠打造出輕盈無負擔嘅日常妝容😆

YYeman好用推薦：Laura Mercier 柔霧粉底液用後感：真係做到嗰種高級霧面！ 喂，各位姊妹！最近轉咗用Laura Mercier隻柔霧粉底液，真係要同大家分享下。本身我係混合肌，T字位好易出油，夏天一到成塊面「立黐黐」，所以專登揀呢支主打霧面妝效嘅粉底。 第一印象：個質地好得意 一揼出嚟，係啞緻嘅乳液狀，推開嗰陣好順滑，水感幾好，唔會話好快乾。上臉之後，個感覺即刻唔同晒！ 最正嘅地方：個霧面妝效真係冇得頂 上完一層，塊面啲油光真係即刻冇晒！個妝感係一種好高級、好乾淨嘅全霧面，好似本身塊皮膚就係咁靚咁，完全冇面具感。唔會好似某啲粉底咁，霧到成塊面「粉咁啞」，好自然。對於我哋呢啲油肌、混合肌嘅人嚟講，呢種效果真係夢寐以求！ 持久度如何？ 我試過帶妝成日，朝九晚六，出街仲要搭車行吓街。平時用開嘅粉底，晏晝已經要拎粉餅出嚟撲。用呢支，到中午T字位都只係有少少光澤（唔係油光咁恐怖），用紙巾輕輕印一印，個妝都仲係好完整，冇溶到一撻撻。控油能力真係要俾個Like！ 遮瑕度中等，追求自然 如果你有大粒痘印或者好深嘅黑眼圈，就可能要後續加遮瑕。但對於普通嘅毛孔、暗沉同泛紅，佢修飾得好好，出嚟個效果係「你

Tcc好用推薦：因為皮膚比較乾，夏天出油量不多，想找比較滋潤的粉底，睇到有介紹這款乾肌人士比較友好，所以就買來試試，用後感覺的確不容易有繃緊的感覺，遮瑕度亦十分不錯（重度黑眼圈，只用粉底遮，能遮7成左右），但成膜度方面，不太會成膜，要用碎粉好好定妝，只用噴霧定妝是不足夠的

Josephine Lau好用推薦：本人混合性皮膚，四季都能使用。 無論是在冷氣房或者外出都不會脫妝。 可以維持8-10個小時也沒有問題，遮瑕度不錯，不會卡粉。 不論是香港、日本、韓國、台灣都使用過，冬天在北海道也試過。 覺得很適合混合性皮膚。

Kitty 好用推薦：【真心分享】Estée Lauder Double Wear 粉底液：油皮嘅“鐵打江山”！ 講真，我係油皮，尤其係夏季，個面真係可以油到煎蛋！試過無數粉底，唔係未夠晏就溶咗一達達，就係遮瑕力唔夠，塊面啲瑕疵（暗瘡印啊、毛孔啊）原形畢露。直到俾朋友推坑試咗呢支Estée Lauder Double Wear (DW) 粉底液，真係有種終於搵到你喇嘅感覺！ 先講佢嘅勁正優點： 1. 極貼膚，持久力超班！ 呢個絕對係佢嘅皇牌賣點！大夏天朝早9點上妝，落街食lunch、返工對住電腦、放工仲要同朋友打邊爐（仲要係麻辣鍋！）... 到夜晚10點返到屋企照鏡，個妝仲喺度！冇誇張，真係冇乜點溶妝，冇浮粉，冇變地圖臉。T位係有少少油光，但係係好自然嘅光澤感，唔係油淋淋嗰隻，用紙巾印一印，個妝仲係好完整。對我呢啲油皮嚟講，呢種持久力簡直係救星！ 2. 遮瑕力強到冇朋友！ 我塊面有啲陳年暗瘡印同毛孔，平時要用遮瑕膏先搞得掂。但用 DW 呢，薄薄一層已經遮到7、8成！如果你有啲好深色嘅印或者好大粒嘅暗瘡，可能都要加少少遮瑕，但整體嚟講，佢嘅遮瑕力真係數一數二咁勁，出街完全夠用，塊面即刻乾淨勻稱好多。

糯米喵好用推薦：呢枝dw係眾所周知遮瑕度極高，而且係十分之控油既粉底，亦都係我第一支用嘅粉底。當初買係因為佢遮瑕能力，但對於乾性皮膚嚟講，一定要做好妝前保濕，如果唔係會容易卡粉，尤其係法令紋，冬天亦都唔適合用。 所以買咗之後基本上都係夏天先會用到呢支粉底，佢嘅好處係會掹到皮膚好實，唔驚會脫妝，但係亦都因為咁，隨着時間會越嚟越乾，呢樣嘢應該會十分適合混油/油性皮膚使用，下面係我夏天使用嘅狀態，出街大約兩三小時就會卡粉，需要補妝。 呢枝粉底未必好適合我呢種乾性肌膚，所以我未必會回購，但我會推薦混油/油性皮膚使用，因為佢控油能力同埋遮瑕度都真係好好！

Candy Mak好用推薦：有便宜又好用嘅東東想同大家分享，就係Maybelline Fit me！反孔特霧粉底液#120 1️⃣首先講講品牌方對產品的優點描述： - 不含油分，不致粉刺 - 含吸附油脂礦物泥成份 - 有柔焦成份令毛孔隱形 - 16小時長效持妝，不黏笠，妝效輕薄啞緻，貼膚不厚粉 2️⃣再同大家分享本人用後感 (油肌，毛孔粗大，冇補妝習慣)粉底液用上玻璃配上方柱瓶身設計，有大牌高級感；粉底液呈偏Gel狀，略帶微微流動性，推開可見其質地透薄，就算15分鐘後再唧1泵比較，都唔會有氧化問題。跟著就跟大家分享上面嘅before & after；我只薄薄上了一層。 你會見到毛孔修飾了不少、泛紅同痘印都有一定遮蓋力，仲平滑膚質；呈自然啞緻妝感，清爽不黏膩。 跟著再分享一整天口罩同油光攻擊下嘅妝效； 喺完全冇補妝嘅清況下，5小時後會見到遮瑕力、毛孔修飾同平滑膚質都仲keep到；到10小時後泛紅已經重現，而且膚質亦粗糙，但毛孔仍然有修飾冇白芝麻出現。 後記：以上係冇補妝嘅狀況，如果中間有補妝我相信泛紅同膚質問題都可以解決；順帶一提，一整天下來，妝感都清爽啞緻，而且冇白芝麻情況，毛孔有被修飾，最重要係一整天下來，沒

Ceccinmydin好用推薦：新手必備開價底妝，Maybelline Fit Me 反孔特霧粉底液對油肌嚟講真係抵玩又好用。官方主打控油同修飾毛孔，針對易出油、毛孔粗大嘅膚質，霧面妝效，重點打擊油光同柔焦毛孔效果。配方係 oil-free，油肌用起上嚟負擔感低，仲有 SPF22🩵 - 質地屬於偏輕薄易推開嗰種，中等遮瑕，氣味方面幾淡，日常用舒服 - 上面後係霧面妝，毛孔位置（鼻翼、兩頰）有被柔焦，修飾毛孔 - 貼服度合格，喺笑紋位唔易積線；定妝後同皮膚融合得幾自然，但粉感較重 以我呢個油皮嚟講，夏天出街玩都唔使補妝，T區印一次油已經夠，真係做到長效控油👍🏻 整體持妝力高，定好妝就keep到全日 如果你都係油肌／混合偏油，呢支值得一試✅

KelsiK好用推薦：今次分享K.K用到非常推薦的粉餅 - Nars 的柔霧完美粉餅~ 買過很多家的粉餅, 但都是無法用到鐵皮, 暫時能用到鐵皮而且回購的粉餅就只有Nars的柔霧粉餅^^ 膚質： 混合性偏乾 上妝問題： T字位置出油, 兩頰容易乾燥 常用場景：上班💼 （室內冷氣環境) 使用方式：MF#124/ MF#130蜜粉掃作最後定妝 妝效： 一開始上妝會比較霧面, 毛孔可以遮蓋七成之後會慢慢溶入底妝, 呈現緞光的妝效 (因為我是混合偏乾, 所以會用保濕型底妝) T字位置出油亦有所延緩, 平日中午飯前已經出油嚴重, 使用柔霧粉餅後可以支撐到下午三四點, 而且使用紙巾輕輕按壓就可以帶走油份, 不會帶走底妝~ 兩頰也不會出現乾燥脫妝的問題, 有效平衡兩種膚況👍🏻👍🏻 小小一塊,並有鏡子非常適合帶上班💼/ 出街補妝使用~ 化妝品用在每一個人身上都會有不同的效果, 非常建議靠櫃試用後再購入, 🙅🏻‍♀️不要盲買啊~ K.K回購程度： 😻😻😻😻 (4/5)

Chloeincosme好用推薦：對Nars的大白餅（無色碎粉餅）好感爆燈，於是買埋佢既粉餅（有色粉餅），睇下可唔可以取代到大白餅作補妝用。 色號：COVE ，岩黃一白♥️粉質： 好幼細，同大白餅有得揮 ♥️控油：8/10，Nars既「控油調節技術」好岩我既肌質！我係乾肌，但香港既天氣依然令我避唔過出油既命運，出油後我會輕輕印走面油，再用佢補妝，出油既情況已經受控！ ♥️保濕：6/10，同類型控油粉餅黎講佢唔算好乾！ ♥️持久：9/10，上面係霧面，即刻出左油都唔會一撻撻，而係好自然咁同溶埋一齊，做到好靚既膚感！ ♥️ 妝感：微霧，可撫平肌膚和柔化瑕疵 ♥️其他：冇咩缺點！一定回購 總結：如果你想搵一塊持久、控制水油平衡、出到微霧妝感既粉餅，我好推薦佢！ P.s. Nars的蜜粉餅/ 粉餅真係好好用！希望永遠唔好停產😭

bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗

格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。

Tobimak好用推薦：呢盒氣墊粉底真係好好用，第一次試嘅時候已經覺得佢同一般氣墊好唔同。最驚喜嘅係，就算用完一段時間，塊面都唔會慢慢變咗灰白色，反而仲保持住自然光澤，好似皮膚本身透出嚟咁。佢嘅持久度算係幾高，唔需要成日補妝，出街一整日都仲有穩定嘅妝效。 在遮瑕度方面，我覺得屬於中高等，基本上一般嘅痘印、泛紅都可以遮到，但同時又唔會令妝感太厚重。用完之後皮膚睇落仲係唔會有面具感，好貼服自然，再加上佢嘅粉質細緻，推開之後好均勻，唔會卡粉或者浮粉。

TsuenMa好用推薦：YSL 氣墊粉餅（黑盒） 將氣墊界嘅高級感拉到一個高地嘅位置，質感同一個皮革手袋無異！價錢係買埋包裝嘅一個概念，尤其係對呢種會放手袋拎出街補妝嘅產品💕 本身對氣墊都有一種又愛又恨嘅感覺，愛就當然係因為佢嘅便利性，自帶鏡面同粉撲，隨時隨地都能簡單輕鬆上妝；但有恨之處就在於持妝能力比較弱，比較容易脫妝浮粉，而補妝嘅技巧都要有先可以做到吾影響本身嘅底妝。 但YSL 呢款cushion 真係比到驚喜我，貼服透薄嘅程度好高（當然都要係小量多次嘅方式按壓上妝先做到），做到一種原生自然媽生好肌膚嘅妝感，成分天然，同時滋潤保濕皮膚，會比到皮膚一種自然嘅光澤感。 色號係10，應該係最淺嘅一隻色，但都吾會好似韓國氣墊嘅色號偏淺，上到面岩岩好😆💕 簡單一句，愛了😍

bbbcls好用推薦：膚質：混合性（T字位出油，面頰偏乾） 控油 ★★★☆☆☆：控油效果一般，下午T字位已現油光，對於呱呢個價格，控油效果唔符合期望。 調色 ★★★★☆☆：自然裸妝感，輕至中度遮瑕，1號色惟偏白欠血色。 香味 ★★★★★☆：溫柔玫瑰香，非常討喜。 方便度 ★★★★☆☆：大粉撲好用，但size偏大不便攜帶。 呢款粉餅香味出色，調色自然，適合中性至乾性膚質。油性膚質不建議，對於濕熱既香港氣候略顯控油力不足且size偏大，不便攜帶。

Gtam 好用推薦：Elegance 定妝蜜粉餅真的是一款讓人驚艷的化妝品❤️它的細粉質地非常👌，能夠輕易地融入肌膚，妝容看起來更加自然、細緻，而且不會造成厚重感或浮粉現象，讓你的肌膚看起來更加🌟光滑、柔軟。 此外，Elegance 定妝蜜粉餅的控油效果也非常出色，能夠有效地吸收肌膚上的油脂，讓你的妝容更加持久，不易脫妝。它能夠減少肌膚的油光，讓你的肌膚看起來更加清爽、乾淨，讓你一整天都能保持完美的妝容。 此外，Elegance 定妝蜜粉餅的外觀設計也非常👍，精美的包裝和可愛的盒子讓人一看就愛不釋手。它還有多種不同的色號可以選擇，能夠適應不同膚色和妝容需求。 總之，Elegance 定妝蜜粉餅是一款非常值得推薦的化妝品，它的細粉質地和出色的控油效果能夠讓你的妝容更加自然、持久、細緻，而且它的外觀設計也非常可愛，讓你愛不釋手。如果你正在尋找一款能夠幫助你打造完美妝容的優秀化妝品，那麼 Elegance 定妝蜜粉餅絕對值得一試！💁‍♀️

mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。

Ahpin好用推薦：呢個Bobbi Brown嘅碎粉真係我作為乾肌人一年四季嘅必需品🥹 佢嘅粉質好細，就算喺眼下幫遮瑕定妝都冇問題。妝感係霧面光澤，好啱我呢啲唔鍾意太水光肌同埋底妝太黏嘅人。佢有少少顏色，所以有時落胭脂重手咗都可以幫手調返靚。大大盒有排用，值得一試！

auntiemuscle好用推薦：一值對氣墊印象都普通 曾經用過唔係好夾自己 其實我係較深膚色 初初想買medium deep 咁岩冇貨 膽粗粗買左medium 自己 用底妝 主要遮面色不均 暗沈 同少少斑 我主要係拍響面中間 都係同一般氣墊一樣包裝 但佢個蓋打開有個位比你捽返均個扑！覺得呢個設計好好 因為之前用氣墊唔好既經驗就係一拎粉就堆積晒響個扑既面 一拍就第一下太多 佢個粉體係比較乾 唔係好水 用粉扑拎粉唔會拎太多 除非好大力壓落去拎粉 我拎兩次粉都夠晒成面中間 都好夠遮霞度 次次想要妝感 趕急出門都會用呢個氣墊 同埋其實我係混合 夏天會出油 佢唔會積粉線 然黎我只係拍少少碎粉響中點會出油位置 出黎個妝感係有啲水光值絕對唔係油光 持妝度比預期好！本身對韓國既底妝冇期望 始終地方一定冇香港咁焗 有時戶外工作出入 佢都仲響度 係有少少溶但唔係一撻撻 只係印一印油就ok果種 同埋佢唔焗！ 我都用左一排 覺得佢個重點用法就係 唔好一下拍太多上面 要細細力咁印 一層唔夠先再慢慢疊多一陣 同埋要等佢set一陣先上powder 我試過一野拎勁多氣墊勁濕 一野拍上去 遮瑕度係好左 但鼻翼啲位會嘔嘔地粉 一定要 續少續

Chloeincosme好用推薦：🤍 持久度：5/5！Jung Saem Mool呢款Longwear Cushion真係打破咗我對韓式氣墊嘅印象～以前用開嘅氣墊多半朝早上妝，中午就開始溶到一撻撻，但呢個竟然可以撐到成日都唔點脫妝！T位少少出油後反而更貼服，越夜越美麗～ 🤍 妝感：4.5/5！真心神奇～咁持久嘅同時，竟然做到自然光澤奶油肌效果！唔會厚粉或假面，睇落好似本身就係媽生好皮，透出嚟嘅光澤感非常高級✨ 🤍 遮瑕力：4/5！遮瑕度中上，普通毛孔、泛紅同暗沉都可以遮到八成以上，痘印可能要多撲一層，但整體都算輕薄唔厚重～ 🤍 保濕貼服：4/5！雖然係長效型，但佢唔會抽乾皮膚水分，乾肌用都唔會繃緊或龜裂～拍上臉之後好貼服，好似同皮膚融合咗一樣～ 總結： 如果你同我一樣，對韓式氣墊又愛又恨（愛佢光澤感但恨佢易溶妝），咁Jung Saem Mool呢塊Longwear Cushion絕對會令你改觀！佢完美結合咗持久同奶油肌妝效，遮瑕力亦交到功課，雖然韓國彩妝黎講價錢偏高少少，但效果絕對對得住個價～ #轉季 #換季

Suki好用推薦：入手咗兩個色號1C0（冷調最白） 同 1N1（中性調一白），兩隻色都超貼亞洲膚色！1C0適合追求白皙透亮妝感嘅女生，而1N1就自然啲，黃白皮用都唔會灰。混搭使用仲可以調出更貼合膚色嘅效果，好貼心！ 呢支粉底質地水潤輕薄，推開似精華咁滑溜，上臉唔會卡粉或顯乾紋。妝效係好似皮膚本身咁好有透明感，完全冇粉感厚重嘅問題。夏天用都keep到水潤，開冷氣房都唔緊繃！ 唯一缺點係遮瑕力偏弱，適合皮膚底子好、追求偽素顏嘅人。如果係明顯痘印或黑眼圈，需要額外用遮瑕膏。不過輕薄同遮瑕難兩全，取捨之下我依然鍾意佢嘅貼服度！

Jeniel好用推薦： 呢排轉季，皮膚開始有啲乾，終於的起心肝試咗好多人讚嘅「沁水」粉底液！果然名不虛傳，保濕力好好。 質地好水潤，推開好似精華咁，上臉好貼薄，完全唔會厚重或者黐立立。個妝效係好自然嘅光澤肌，唔係油光滿面嗰隻，好似自己本身皮膚透光出嚟咁，好靚。遮瑕度就中等啦，淺色痘印同暗沉可以遮到七七八八，如果瑕疵多就要再加遮瑕膏。 最驚喜係佢咁水潤，但持久度都唔錯，我帶妝成日（有用碎粉定妝）都冇乜點暗沉或者斑駁，係鼻翼同嘴角少少甩，補一補就ok。整體嚟講，真心推薦俾乾肌同混合肌嘅姊妹，秋冬用真係啱晒！

rac好用推薦：我選了偏粉紅色Yukon。會較白。塗上面有小小偏粉紅。因為我面色偏青。上面後會變得好氣色。質地：乳液但偏水。我用手上面 再快速推開 再用粉撲印。因為佢較易乾。所以上面後動作要快啲。否則會有一撻撻。 上面及遮瑕度：能遮到大約8乘的瑕疵。連毛孔也能填補。就像有一層薄薄的紗在面上。但不假也不是面具感。在這方面很驚喜。下圖一有小小瑕疵 下圖二是使用後完全遮晒持久度：早上7點上妝 到下午3點未見溶妝。口罩也未見粉漬。最近天氣潮濕 只在額頭上有微油。用紙巾印走便可。甚至乎不用補妝。 結總：驚喜 絕對會回購 唯一不好係樽口位好易流出 要小心打開

UglyMaa好用推薦：剛買的時候我用過幾次，每次朋友都說恭喜我找到了最適合自己的粉底液了。這款粉底液遮瑕力的確非常好，看上去皮膚好像變好似的。 我原本也以為從此以後我不用再搜尋其他粉底液了，可是這款粉底液的保質期應該不過兩年。我後期使用的時候覺得它越來越乾，特別是在冷氣地方皮膚出現很多乾紋和眼皮多了幾層。 可能它只適合春夏天使用，長期在冷氣地方絕對不能使用。我還在猶豫要不要回購。

劉肥貓好用推薦：粉質非常幼細 有淡淡的粉紅色 用嚟定妝效果非常唔錯 透薄自然

Kura好用推薦：呢一盒定妝碎粉又係我的最愛，粉質細膩，閃粉搽上臉超靚，定妝效果超好，係日常妝必備

shadow影子好用推薦：顏色自然融入底妝，有很好的吸付力，而且有少少的遮瑕力，最喜歡在base之後直接塗上碎粉，自然的偽素顏妝瞬間完成！就算是潮濕的春夏天用效果也很好！

chasiutung好用推薦：SOFINA Primavista Ange 控油持妝蜜粉 係我學生時期買嘅第一盒蜜粉 依款蜜粉用左幾多年回購過幾次 係一款平價好用嘅蜜粉 粉質細滑 顏色自然 均勻膚色有一點遮瑕作用 會有少量粉感 控油效果還可以 係一款不過不失嘅蜜粉 依個價錢黎講真係幾抵用

Silvia好用推薦：雖然係SPF50++++,始終係化妝品，但我唔會完全當係防曬用，OL室內日子用。所以唔知佢防曬係咪真係掂！但佢均勻膚色，防水防油防氧化都好好。單用膚色提亮唔少，可以偽素顏出街。加粉底，底妝好貼好靚，可以keep到7-8小時。但佢唔似其他妝前咁爽身，行cream狀路線，有d痴痴地，我哩d混白偏乾幾中意，油肌未必中意

Conw好用推薦：集防曬 提亮 均勻肌色於一身，去短旅行要慳手提行李重量的話，帶一支就夠。 50度防曬，去東南亞都唔驚。 雖然質地偏杰但延展性好好，珍珠大少可以全臉使用。 有一定遮蓋力，有珍珠粒粒折射光線，均勻膚色綽綽有餘，配上遮瑕膏和有色碎粉，真的可以省下粉底步驟 有滋潤度，成膜後有光澤，在皮膚附著力不錯，乾燥清爽的天氣使用可以保持6小時以上 25g細細支牙膏裝，放在行李不佔位置和重量 #出國必備彩妝

LenaC好用推薦：一直係Sofina Primavista UV base 粉底液嘅忠實粉絲🙆🏻‍♀️ 佢嘅UV base 可以長時間抑制皮脂 實現零油光妝感 一整天都可以保持妝容清爽柔滑 唔會同皮脂、汗水混合 基本上唔會出現溶妝、浮粉情況 質地輕薄清爽 一啲都唔黏膩 適合春夏濕熱季節 價錢亦超貼地❤️ 😹（重點） 美白 遮瑕 修飾毛孔 一✅過完勝🛎️ #BA照

Jasmine Yuen好用推薦：喺台灣旅行買左支Sofina Primavista UV Base - 離霜的質地輕盈易推開，能夠有效控制皮膚油脂分泌，減少油光，並且不會堵塞毛孔，很適合油性和混合性皮膚使用。 - 有防曬效果，能夠有效保護皮膚不受紫外線傷害，並且不會讓皮膚感到黏膩。 - 持久性非常好，能夠全日的時間內保持妝容。 - 遮瑕力一般，只能夠遮蓋輕微瑕疵。

Coco Ng好用推薦：非常貼，妝感不重，有遮瑕，適合乾肌用的粉餅，推薦！已回購兩次。

wintonggg好用推薦：會話上妝方便快捷，比另外一系列（全黑盒）稍微好小小，冇咁乾，但質地都係偏乾