身體保養 推薦好用產品

Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

PorscheB好用推薦：第一次接觸呢個牌子就係買左呢枝油 官網介紹 KÉRASTASE 巴黎卡詩No.1美髮油*，蘊含維他命E、摩洛哥堅果油、茉莉花精油及沒藥粹取精華，為秀髮增添滋養光澤及讓髮間全日持久散發高貴醉人的玫瑰木調芳香，適合所有髮質使用。可用於日常護理，秀髮瞬間恢復絲般柔滑 平時我會吹到頭髮半乾 ，搽係頭髮近尾2/3位置。 因為呢枝護髮油可以防止毛鱗片受損而變得毛躁。 用過好多款hair spray hair oil hair serum 呢枝一定係number 1 好香 效果好好 而且唔會油lup lup 吸收好快 同埋會回購！ ！

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Eunice好用推薦：CareVe Moisturising Lotion 當時因入秋轉季開始皮膚敏感又脫皮，所以入手左一支 見佢針對濕疹皮膚，成份簡單，仲可以拎黎搽面 質地清爽、不黏笠，又好搽易吸收 為一缺點就係保濕力對我黎講唔夠 晚上沖完涼搽完， 隔三至四個小時又開始身體癢癢的 不過Eunic💩有個小貼💩 如果面部皮膚真係好乾燥又甩皮 可以薄薄地搽係面仔先，再ontop加塊廢面膜😂 三文治夾法敷二十分鐘至半個鐘， 皮膚會柔軟好多同無咁甩皮，大家可以試下 (只針對皮膚乾燥者)

莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！

Sakura醬好用推薦：原來護膚嘅盡頭真係Cerave！ 我正式宣布！Cerave面霜就係本人今年嘅天命面霜！由身體乳跟到面霜，老實講真係用一次就返唔到轉頭！！ 秋冬啲風真係利過刀，之前出街塊面吹到又紅又痛，搵其他面霜唔係焗到癲就係好似搽咗層蠟咁唔吸收，塊面乾到甩皮兼化妝卡粉，真係想死！直到摷返呢罐面霜先至知咁叫驚為天人。 第一次厚敷得一個字：爽！！！ ⭐️質地： 質地似軟綿綿嘅雪糕，望落去厚身但一推就化水，瞬間吸收，完全唔黐枕頭唔癡面，吸收完係爽身啞光感，一啲都唔膩！最緊要係裏面三重神經酰胺真係堅有效，好似同你啲受損皮膚補磚加水泥咁，將個屏障修到實一實，搽完即刻覺得塊面冇咁難頂，泛紅都慢慢退減，修護效果爆燈！ ⭐️成份安全： 作為皮膚科醫生都推薦嘅專業修護品牌，佢啲成分做得乾淨安心，冇香精酒精啲亂七八糟嘢，敏感肌同爛臉期用都超放心。前排每次熬夜泛紅或者皮膚出事，我就即刻厚敷一層當急救面膜，十零分鐘就感覺到降溫同舒緩咗好多，第二朝起身塊面軟淋淋，一啲都唔繃緊，之後化妝貼服到似焊住咗，永世唔再搓泥卡粉！ ⭐️使用效果： 堅持用咗大半個月之後，無論轉季定係吹成日冷氣，塊面發脾氣嘅次數都明顯少咗好多，而且

Jessica Cheung好用推薦：最近天氣又到左好乾燥嘅時間🥺皮膚已經不停補水又用埋防敏感嘅沐浴露都係痕🧐 🤩好彩比我發現到e個由新加坡國家皮膚中心研發嘅品牌🤩Suu Balm 沐浴露🥰佢嘅沐浴露質地係奶油咁，好易推開，個香味係少少薄荷咁😍沖完涼仲要好清爽🫶🏻又唔會痕🤩

lingk好用推薦：濕疹一發作，沖個涼都要掙扎好耐🥲。最近用咗SUU BALM creamy body wash，質地滑得嚟唔起泡，搽落身嗰剎那，涼浸浸到呢～直頭覺得自己係西伯利亞人，冬天的冠軍🧊 即刻止咗痕，沖完又唔會繃緊。皮膚反而水潤返，連敏感紅腫都退左d。成分超簡單，無色素、無香料、無防腐劑，濕疹肌日日用都安心。有新加坡No.1敏感肌body wash，沖個涼咋嗎？洗咩驚呀？ 🚿🧴 有冇人好似我咁，挑戰涼住沖涼，一齊成為冬天嘅勇士？🫧😎🫡

Desse好用推薦：多謝@cosme送咗第一盒俾我.. 然後我從此入坑…🤣 KÉRASTASE 逆時光至臻修護髮膜 逆時光喱條line我基本上都買過.. 最欣賞係喱個髮膜💓 Kérastase Chronologiste Masque 係一款針對乾燥、受損同老化髮質的嘅深層修護髮膜💪🏻 產品可以滋養髮絲，恢復髮質嘅光澤同彈性，同時提供抗老化效果🤩 質地同香味🌷 💡髮膜質地係濃稠嘅乳霜狀.. 容易塗抹且唔會感覺油膩💓 💡髮膜基調有輕木同雪松 氣味優雅且持久，讓人感覺放鬆😌 主要成分 💡有透明質酸、活性海源精華、維他命E 深層滋養頭皮同髮絲 抗氧化同時鎖水 令頭髮即時柔順有光澤💓 💡用法簡單 洗髮後塗抹髮膜於髮尾 靜待5分鐘再沖洗 使用效果評價🧏🏻‍♀️🧏🏻‍♀️🧏🏻‍♀️🧏🏻‍♀️ 💡深層滋養 髮絲感覺明顯滋潤..乾燥同毛躁嘅情況有所改善 髮膜能夠深入髮絲..提供長效滋養效果💓 💡改善髮質 髮絲變得更加柔順，易於打理，並且光澤感明顯提升⭐️⭐️ 對於受損髮質.. 喱款髮膜能夠有效修復，令髮絲睇起來更加健康 💡抗老化效果 髮膜喺改善髮質嘅同時，仲能夠減少髮絲嘅斷裂同分叉，延緩髮質老化嘅過程，

Fng好用推薦：KÉRASTASE逆時光髮膜｜熟齡髮絲嘅時光機 KÉRASTASE呢瓶逆時光髮膜（定位$500+中高價位），專為老化髮質設計，同品牌其他系列及開架髮膜比較，究竟係咪真係值得投資🤓 配方解密： 海源精華(Abyssine)、透明質酸和維他命E，並結合了珍貴油組合（如Amla、玉米、山茶、摩洛哥堅果油）和神經醯胺。 相比開架產品如Schwarzkopf玻尿酸髮膜只做表面補水，它真正深入修復。 夏日使用： 1. 嚴格避開頭皮與髮根，只塗抹在髮尾及中段 2. 在冷氣房內敷10-15分鐘，避免高溫濕氣影響吸收 3. 每次用量不需多，一週2次比一週1次厚敷更有效 用後感： 質地是輕盈的乳霜狀，推開時有種絲絨觸感，不像傳統髮膜般厚重。沖水那刻最驚喜——順滑度爆錶但零油膩，吹乾後頭髮依然保持空氣感，不會扁塌貼頭皮。最明顯是光澤感提升，毛躁撫平，髮尾的乾枯感大幅改善，觸感就像做了salon級護理！ 同價位比較： •vs Oribe黃金髮膜：KÉRASTASE更專注抗老修復，Oribe香味與即時柔順度更勝 •vs Moroccanoil強效保濕：KÉRASTASE質地更輕盈，適合怕厚重的細軟髮

Paris merci 好用推薦：Dove 勝肽修護髮膜（小金碗），其實係一大罐🤣一開盒就好香。雖然髮膜係濃稠膏狀，但係搽上去好容易，能夠均勻覆蓋到每一根髮絲，就算只搽少少都容易推開。 過水嘅時候已經感覺到頭髮順滑，非常好用，可以深層滋養同修復受損嘅髮質，真係令到頭髮有返光澤同柔順。等我吹頭之後，效果更加明顯，乾嘅髮質都可以keep得順滑，毛躁感減低，髮尾都修復得唔錯。 對於日常護髮嚟講，相比其他高端品牌，呢款髮膜嘅價錢適中，但效果真係唔差，總體合格💕

Fng好用推薦：Dove勝肽修護髮膜｜ Dove呢個「小金碗」（幾十蚊有交易)，加入咗護膚界大熱嘅勝肽成分。 配方： •奧泰米爾勝肽：聲稱可以幫頭髮「補膠原蛋白」 •角蛋白複合物：填充受損髮絲嘅「窿窿」 •玻尿酸：基本補水，對抗毛躁 同Fino髮膜比，Dove呢支質地更輕；同Aussie 3分鐘奇蹟比，就溫和唔少！ 用後感： 一打開個碗，個質地似融化咗嘅雲尼拿雪糕，推落頭髮度零黏膩。沖水那刻有驚喜——手指一梳到底，個順滑度拍得上貴價貨！吹完頭最明顯係毛躁隱形咗七八成，個觸感似絲綢咁滑，最正係唔會令頭髮扁塌，keep到蓬鬆感～ 同價位大比拼： •vs Fino髮膜：Dove贏在清爽度，Fino就潤啲 •vs Aussie 3分鐘：Dove溫和啲，適合敏感頭皮 溫馨提示： ✨油頭姊妹可以一星期用一次就夠 ✨記住要沖得乾淨，唔係會阻塞毛孔 ✨開咗之後要快啲用，唔係會乾 總結： 一支抵食夾大件嘅開架神器！特別適合又染又燙、成日覺得頭髮乾嘅sis。雖然唔會用完變廣告模特兒，但作為日常護理，絕對交足功課！記住要用得聰明，集中火力對付受損髮尾，咁就唔會浪費咗呢個平民享受啦！

Kmggigi好用推薦：Pantene 新升級3分鐘奇蹟護髮精華素 — 高性價比，每日柔順奇蹟✨ 產品: 護髮素嘅香味非常濃郁，而且留香時間非常長， 洗完頭之後頭髮散發自然香氣， 令人聞住都覺得舒服，香味控一定會鍾意！ 效果: 呢款護髮精華素性價比非常高， 只需3分鐘，就可以令頭髮變得柔順有光澤， 效果媲美髮廊護理！ 因為效果咁好，我而家每日都會使用， 而髮膜反而變成偶爾先用嘅額外加強步驟。 總結：柔順護理的平價之選 Pantene 新升級3分鐘奇蹟護髮精華素以高效護理效果同持久香氣，成為一款高性價比又容易使用嘅護髮產品。 如果你追求柔順光澤同方便快捷嘅日常護理， 呢款護髮素絕對係唔容錯過嘅選擇！✨ #火熱新品

Joyce好用推薦：呢支Patene3分鐘奇蹟護髮精華素好有驚喜。首先係牙膏裝的包裝，使用上十分方便。其次，護髮精華質地係易推開的乳液狀，使用起來容易均勻地塗抹髮絲，沖洗也十分容易，沖洗後也不油膩厚重，完全不像市面上一些護髮髮膜會殘留髮絲要沖洗很長時間，令我十分滿意。 更令人驚艷的是它的香氣，小蒼蘭的香氣很有高級感，香氣也十分清新，使我心情愉悅。 我的髮質是油性，髮絲比較粗的，會染髮，但平日欠缺護養，頭髮比較毛躁，摸起來不順滑和容易打結。使用7日已經明顯見到分別，頭髮觸感更柔軟順滑、易打理，頭髮也變得比較服貼不毛躁，髮絲更比以前更水潤。使用感上的水潤而不油膩厚重，我未來也會回購❤️

Kmggigi好用推薦：Moist Diane 髮質重構深層導入髮膜好值得入手🤣👏🏻 呢款髮膜係white musk香味， 每次洗完頭都可以令頭髮散發出高級香氣， 持久度都幾高，足以留香一日， 令人心情愉悅🤣 髮膜能夠深入髮芯鎖水， 有效強化受損嘅頭髮纖維， 連分叉嘅髮尾都可以得到修護 用完之後，頭髮即時變得柔順滑溜， 睇落更加健康有光澤！ 不過要注意，沖水嘅時間唔可以太長， 否則護髮成分會被過度沖走， 髮質可能會逐漸回復受損狀態 掌握好沖水時間，就可以保持最佳修護效果！

Cole Cole 好用推薦：之前見到呢款髮膜喺@Cosme有好多好評，但係之前一直都冇減價，而家突然做緊大特價， 呢款係Minion聯名新出，$59，差不多半價，好抵！即刻買來用。 @Cosme嘅用家嘅評價都好中肯，首先香味好正，洗完頭之後都仲有，確實係香水髮膜，洗完頭之後擰乾水，搽上髮膜等一陣再沖，頭髮好柔順，吹完頭之後頭髮都好蓬鬆，感覺好好，應該要買多幾樽放喺屋企慢慢用。😉

Poyobb好用推薦：之前工作，因為壓力大手踭長出了乾廯，持續好多年都冇改善，時好時壞🥲試過市面上多個濕疹牌子嘅護膚霜，都不能治癒，而且對抗痕癢嘅功能也平平無奇。 反而呢支新出嘅新加坡牌子suubalm試咗佢哋嘅保濕霜同埋噴霧 ，雖然不能夠令到皮膚治癒，但止痕非常見效，搽咗保濕霜上痕癢位置，即時有涼浸浸薄荷嘅效果，唔會令我有好想r感覺，而且保濕護膚功效很好。 雖然而家仲未好返晒，但痕癢問題已經逐漸改善，乾廯範圍縮小咗，唔會再不停r爛皮膚位置。對於一個有濕疹或者皮膚出現問題嘅人搵到一隻對自己有效既產品好開心，建議有需要嘅人可以去試一試🤗

Kitty 好用推薦：Suu Balm速效舒敏保濕乳，夏天皮膚嘅滅火筒。 乳液呈奶白色，質地輕盈薄身，推開後快速吸收，一啲都唔黐立立，夏天用清爽零負擔。 搽完即刻有陣涼浸浸嘅感覺，5分鐘內皮膚灼熱痕癢明顯舒緩，紅腫部位明顯降溫，急性濕疹發作時急救最啱用。連續用幾日，乾燥位置逐漸軟化，耳背、手腳等甩皮位慢慢恢復水潤彈性，保濕效果都幾好。 配方安心，冇香料、類固醇同刺激成分，敏感肌可以長用。薄荷醇截斷痕癢信號，神經酰胺深層修復屏障，從根源減少敏感反覆。 佢係我呢排痕到瞓唔著時嘅“滅火筒”，輕透涼感 + 長效屏障修護，真正兼顧即時見效同治本。

Verna好用推薦：我讀書時就已經用這個品牌的潤膚乳了，總覺得它的產品CP值很高，價錢大眾化，品質又好 逛個人護理店時，看到它有新產品，有特價，我買的時候有兩款，分別是淡斑亮白和煥膚亮肌，我不知道怎樣選擇，就索性兩款都買 這款身體潤膚乳不再只是滋潤，它加入了維他命C和AHA果酸，有亮白膚色和煥膚的功效，而且還有近年火熱的抗氧化成份--谷胱甘肽，而且一支有300ml，大大支，感覺很划算 這款身體乳液的質地是比較流質水狀，它的延展性很高，很容易推開，皮膚也吸收得很快，搽完後的觸感也沒有黏笠感，相比它以往的產品，感覺輕盈清爽得多 我覺得這款潤膚乳和另一款的效果差不多，用了一段時間，暗沉的手㬹位也有減淡 我通常是每次沖涼後搽的，所以我覺得如果它是泵頭的話，會比較方便

GinGin好用推薦：「 #火熱新品 」 依十年一直以黎都有戶外運動或者去曬太陽，亦不停搵美白產品多年，亦冇一隻美白產品有效，估唔到依支煥膚亮肌精華乳咁有效，短短12日就有變白效果，如果長期用一定可以白得返，質地creamy但唔笠，正

Kmggigi好用推薦：Kérastase 逆時光至臻修護浴髮乳 — 高級香氣，極致修護💆‍♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛

Sandy好用推薦： youth Revitalizing shampoo 逆時光至臻修護浴髮乳250ml [賦活強韌 水潤光澤] 口號並不是浪得虛名 我試過一次就冇用其他品牌洗頭水嘅產品, 原因如下： 居家奢享頂級體驗、 唔需要走出去做頭療，treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單

小Man好用推薦：一直覺得Dettol 沐浴露好啱全家用，覺得好殺菌！但原味嘅味道太男人，而呢隻柑橘加橙花香味好fresh，連老公都好喜歡。而且起泡力超高，少少份量就夠全身用，洗感好輕盈，洗完唔會好乾。

Milo101好用推薦：加入精油的滴露沐浴露，成份不錯，香氣也清新怡人，屬於性價比高之選

皮皮爱马桶好用推薦：首先感谢@cosme的试用装体验，但是由于本人之前在旅行所以迟到一周才交心得。本次试用品为滴露ProFresh清爽保湿沐浴露2瓶，分别为水感蜜桃950g，玫瑰及白麝香900g，满满两大瓶够全家人使用好一阵子。 首先上个正面包装，超级大的两瓶，试用装由于暂未上市，所以暂无正式的包装。目前季节本人身体的皮肤偏中性，不易出汗也不太干燥，不过对沐浴乳就更加偏好洗后不假滑的类型。 由于本人比较喜欢蜜桃的味道，因此首先试用蜜桃这瓶，气味非常好闻，使用时整个浴室都蔓延着蜜桃的香味，令人身心愉悦，洗澡都变得快乐起来。沐浴乳挤出呈琥珀透明状的液体，加入少许水后用沐浴球轻轻搓洗就可以出泡沫，泡沫算比较丰富细腻，但是如果直接用双手搓泡的话，起泡效果不是特别明显。每次沐浴大约需要3-4泵的样子。另外一瓶玫瑰及白麝香的味道颜色为透明状液体，和蜜桃味最大的区别就是气味不同，有种夏天驱蚊水的特别味道，也很好闻，尤其麝香的味道能令人镇静，会让人联想到夏天，但是洗完后留香并不持久。出泡以及沐浴效果两者大致相同，冲完水后会有假滑的感觉，如果喜欢滑溜溜不绷紧的感觉，或者男生如果体毛长的话，那选择滴露这两瓶就没错。缺点就是

Kim Chan好用推薦：產品名稱：Dettol滴露ProFresh 清爽保濕沐浴露 感謝@cosme 抽中，有機會體驗Dettol 滴露 新推出的ProFresh 系列： * 水感蜜桃沐浴露質地方面：水潤感質地的沐浴露比較清爽，而且泡沫好豐盈，絕對能夠去除黏膩感，沖完涼唔會覺得好乾，肌膚變得好清爽，再加上滴露的防菌保護，潔淨的同時令人更安心！兩款植萃花香沐浴露加入左Activ-Botany保濕成份，有效鎖緊肌膚嘅水份同時溫和親膚，沖完涼真係感受倒皮膚好細滑，唔會有嗰種繃緊，實測沖完涼全日都好乾爽，唔會有黐立立的情況！ 味道方面：我相信每一位用家選用沐浴露除左功效之外，最在意的就係香味，採用左7 種天然優質精油調製而成，唔怪之得香味非常持久！ 最重要係無刺激性化學殘留物，無添加矽，無防腐劑，無礦物油以及人造色素，用得更放心🫶🏻* 水感蜜桃味🍑 比較偏甜美的水蜜桃味，感覺同啫喱味好似， 香味亦都好拎久，兩者比較，我個人都係喜歡橙花果款，好舒緩壓力！總結：沖涼除左潔淨身體之餘又做到保濕肌膚，香味又持久，而且又令人有放鬆心情，舒緩疲勞的功效，睡眠質素都大大提升！

Miaomiao好用推薦：頭髮天生毛躁、又鍾意曲髮，所以長期都電髮+負離子，髮質受損嚴重。每次洗完頭髮都好似稻草人咁，摸落好"鞋"髮尾又打曬結，一梳就扯斷好多頭髮。 Pantene既爆水珠珠髮膜商品說明話係添加左膠原蛋白，營養可以直接滲透髮芯。我既用法係洗完頭之後取代護髮素，將一粒髮膜均勻搽係頭髮到，髮尾易打結既地方就特別搽厚d，等大概15分鐘就可以洗走。用完有做完焗油既效果，頭髮水潤順滑得黎又唔會好黏笠，輕鬆一梳到底。柔順效果可以維持到4-5日，我通常一個禮拜用一次。 紅黃藍三隻色都有用過，藍色呢款係比較清爽既，用後可以撫平毛躁。適合髮質健康，想令髮絲水潤亮澤既人。

Sandy好用推薦：包裝好靚好特別😀 我係畀佢個包裝吸引而買咗 一粒一次啱曬我哋啲懶人 用完頭髮沒有咁蓬鬆 瞓醒第二日頭髮仍然都好順滑 味道清香 性價比高好似去salon做完焗油咁

Chloeincosme好用推薦：滴露嘅玫瑰及白麝香保濕沐浴露係其中一款我不停回購嘅沐浴露🥹🥹 其實佢唔算特別滋潤，不過佢種香味夾岩我，每次用佢都有種好放鬆好鬆弛既感覺😝 起泡量唔算特別多特別綿密，用完皮膚冇話特別緊繃。喜歡！

Wing fly好用推薦：一支沐浴露超級香，玫瑰味道，芳香宜人。洗澡後一身玫瑰香味，維持一段時間。

Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️

Kitty 好用推薦：包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光

lingbb好用推薦：試過哂爆水珠厚系列咁多粒，呢粒係我最愛。 首先香味最優雅最香，係比較優雅嘅玫瑰香味， 第二，用係我頭髮上真係做到撫平毛燥，好適合幼、冇彈性毛躁比較多嘅髮質，用完我嘅髮質更加強壯，有特價必須囤貨。

Goodforyou好用推薦：我髮質比較幼，同埋容易毛燥。用完之後感覺幾舒服，唔會沖走之後完全冇感覺，會有少少滋潤感，但唔會覺得立痴痴。毛燥感覺有減少。特別係買一送一時候性價比超高。👍🏻 推薦指數：9/10

mysecretgarden好用推薦： 對於我哋呢啲濕疹皮膚來講，揀潤膚露真係好大嘅學問。好多時唔係太黐笠笠，就係保濕力唔夠，最慘係一用錯嘢，即刻起粒粒、發紅，分分鐘成個月先好返，好長手尾。尤其係對手，自從疫情之後洗多咗手，皮膚屏障變得好脆弱，一般坊間嘅Hand Cream又多香料，完全唔敢用。 苦苦物色咗好耐，終於遇到Nivea呢支75小時修護保濕身體乳。首先，佢完全通過咗我皮膚嘅敏感測試！用落完全無引起任何痕癢或者粒粒，成份溫和呢一點，對濕疹人來講真係最重要。其次係佢嘅質地係乳液狀，推開好水感，吸收得又快。用完之後對手係有種實在嘅保濕感，但就完全唔會「立」。就算即時要拎嘢或者打字，都唔會有黏膩感，呢個平衡點做得好好。 我而家主要係拎佢來當Hand Cream用，因為一支大大支，價錢又平，用得多都唔會肉痛。每次洗手後用，都可以即時補充返被洗走嘅油脂同水份，長時間保持雙手軟滑，唔會再因為乾而繃緊。 Nivea呢支身體乳絕對係一個「平、靚、正」之選。佢未必係神奇特效藥，發緊濕疹嘅時候用都唔會好返，但係好返之後作為一支日常基礎保濕、穩定皮膚狀態嘅產品，佢交足功課，令人用得安心。

YYeman好用推薦：秋冬季至愛身體潤膚乳分享 𝙉𝙞𝙫𝙚𝙖～ 𝙉𝙞𝙫𝙚𝙖 敏修復潤膚露 🤍 我本身已經係 Nivea 嘅用家 ❤️ 由防曬到潤膚乳都係用緊呢個牌子 ✨ 我好鍾意呢個牌子佢獨有嘅氣味，聞落好舒服好放鬆 😌 同佢自己牌子另一個系列（藍色樽嗰款）🔹 比起嚟 呢支明顯杰身啲、濃稠啲，但又比想像中容易推開 🉐 我一直用開 Nivea 最主要原因， 係因為佢嘅質地可以好快被皮膚吸收 👍🏻 而呢支都無令我失望！ 推開嗰陣覺得佢幾潤，仲以為會好黐身， 點知出奇地又無喎 👏🏻 踏入秋天開始用，已經明顯感覺到皮膚無咁痕！

Tobimak好用推薦：呢支洗髮露帶有清新的生薑檸檬香氣，洗頭時聞落十分舒服，令人感覺自然放鬆。 使用後頭皮沒有敏感反應，佢成分溫和不刺激，清潔力恰到好處，能洗得乾淨同時保持頭髮的輕盈柔順，不會過度乾澀。👍🏻 整體而言，這款洗髮露兼顧香氣、溫和與潔淨，特別適合敏感頭皮人士。不過包裝若能改成泵裝會更方便，濕手時更易控制用量。

chewyfruit好用推薦：Hair Recipe 米糠洗髮水測評 一句話總結： 像給頭髮吃保養餐，主打「天然米糠滋養」，適合追求頭髮柔順光澤的人。 主要優點： · 修護力強： 核心成分「日本米糠精華」能有效滋養受損髮質，填補毛鱗片，洗後頭髮非常柔順、有光澤，對改善毛躁效果明顯。 · 成分安心： 無矽靈、無硫酸鹽、無Paraben防腐劑，成分溫和。 · 香味舒適： 是淡淡的天然米糠香混合花果香，清新不人工。 潛在缺點： · 清潔力溫和： 對於油性頭皮的人來說，夏天可能會覺得清潔力不夠，有出油變快的可能。 · 蓬鬆感普通： 主打柔順，因此對「細軟扁塌髮」追求的蓬鬆感效果較為一般。 適合誰？ · 乾燥、受損、毛躁髮質（尤其適合經常染燙的人）。 · 追求頭髮順滑和光澤感的人。 不適合誰？ · 大油頭或追求極致蓬鬆感的人。

chewyfruit好用推薦：Hair Recipe 米糠護髮素測評 好似幫頭髮「餵」咗碗靚飯，滋潤順滑唔黐立，同支洗頭水係絕配！ 主要好處： · 順滑度一流： 用完之後，頭髮好鬼順滑，尤其是打結嘅地方好易梳開，手感軟滑，光澤感即刻出嚟。 · 滋潤但清爽： 質地好推，吸收得快，沖水嗰陣已經feel到順滑，但係唔會好似有層嘢冚住咁，唔會黐立立或者好重。 · 香味舒服： 同洗頭水一樣，係陣淡淡嘅米糠同花香，唔會太濃，好放鬆。 要留意嘅地方： · 如果你頭髮係極度受損或者好似「草」咁乾，可能覺得滋潤度未到最頂級（可以考慮用佢隻髮膜）。 · 對於極油性頭皮嘅人，最好只搽响髮尾同頭髮中段，避免搽到頭皮。 適合邊個用？ · 日常保濕，想頭髮順滑易整理嘅人。 · 頭髮有少少毛躁、乾燥，或者經常吹頭嘅人。 · 用緊佢同系列米糠洗頭水，想效果更好嘅用家。 簡單嚟講， 佢係一支好好用、好穩陣嘅護髮素，唔會點出錯，同洗頭水一齊用效果加倍！

Kelvin好用推薦：米糠系列樽身就似一粒米既形狀，幾得意。護髮素同洗頭水一樣，味道就生薑檸檬！無硅油成分，不傷頭皮，感覺温和無刺激。 雖然我比較少用護髮素，但一個月都用2-3次。因為成日gel頭，頭髮好乾旱，要用返護髮素，令到頭髮順滑返。用完唔會令特別頭髮塌，反而有蓬鬆感，頭髮睇落有光澤。