開架彩妝 推薦好用產品

楊一二好用推薦：超級鍾意用judydoll既腮紅光感膏❤️佢會配埋個粉撲，用粉撲輕輕印個腮紅膏再拍上臉就ok，帶出街用好方便。而且顏色超靚😍我呢個係01號色春醒桃，上臉自帶高光光澤，同埋顏色超級韓，化韓裝岩曬！

mandy好用推薦：我很喜歡Esprique Highlight + Shading, 細細盒帶出街補妝，十分方便。單買refill 只需$90, 在專櫃品牌中少有地便宜，即使小資女也可無負擔入貨。 我愛用Esprique shading 輕掃在眼骨以下的眼窩由中間至後半眼尾打造陰影, 可令眼部減少浮腫以及令眼部輪廓更明顯。 Highlight 除了可用在鼻、眼下之外，也可用來打亮眼頭及眉下來提昇輪廓。 Esprique Highlight + Shading 是我十分推介大家的產品, 因為粉質柔滑，顯色不誇張，淡淡的非常自然，OL用來化返工妝亦ok, 會突兀。

ありさん好用推薦：已經入貨10幾支以上，太好用了，很容易上手，畫起來也簡單，顏色也是我喜歡的顏色，也不易斷，推薦！

Tiffany好用推薦：Fasio嘅產品包裝越嚟越好睇，簡單襟睇。纖細眉筆好順滑，顯色度ok，唔算容易斷，所以都幾襟用。

mandy好用推薦：Jill Stuart Nuance Brow Palette #02 Rose Pink Shade $234 @sephora  Nuance眉妝盤在日本是熱賣到斷市要等待補貨的hot item， 而且榮獲日雜2021年下半年最佳美妝大賞的眉妝產品第一名。 #02色是少有的粉色系眉妝盤， 左面的淺膚色用來在眉頭到鼻樑打造鼻影， 中間粉色用來描繪眉頭至眉峰， 而右面的啡色則是為眉峰至眉尾上色。 大家可會覺得眉妝只能是啡色系，是最理所當然的眉毛顏色。 粉色系眉妝盤其實容許大家在眉妝玩色同時可釋出溫柔的氛圍。 #02色雖為粉色系，其實顯色自然，不會誇張，也不易失手。 在啡色系眉毛中加入粉色，會比平日顯得更溫柔隨和， 展現出女性獨有的柔美魅力，約會一定要試試。打造鼻影也令鼻子 很自然地顯高，五觀更立體深邃。建議如果跟我一樣眉尾毛量不足， 可先用最接近眉色的眉筆先補上眉毛，再用眉粉混染眉毛。 持久度很好，一整天也不用補眉妝。 外盒設計跟隨Jill Stuart一貫夢幻公主風的設計， 盒面是鏡子，內附的眉妝工具可以摺疊，也可以伸展， 設計充滿巧思又方便使

Kakar好用推薦：我覺得呢支係武士刀的平替，價錢非常便宜，30蚊以內就可以買到。 只用識到削番武士刀眉形狀，就可以畫到好幼細的線條，做到毛流感。 同埋佢筆既質素應該唔差，暫時都未試過削斷。 而使用過既呢兩隻色都顯色度高，很好用。

Karman28好用推薦：已經回購左三四支，啡色和灰色也有入購過。價錢非常實惠，平時都會用界刀削成扁平形狀，筆芯未試過斷！啡色也十分顯色，灰色十分自然。而且短短一支放手袋十分方便，以便隨時補妝。

Noel好用推薦：個人大愛眉粉產品，因為妝感相對自然，而且出錯也容易補救✔ 這枝 Fasio 眉粉筆是 @cosme心得的禮物，色號 #BR301 淡啡色，由於現放棄了染髮，這個色號在眉毛上，有點太啡，但個人不太 care 👌 眉粉筆的絨毛 applicator 係圓頭，能沾取很多 product 👍刷到眉毛上感覺很自然，掃頭不會覺得拮面。眉粉顯色度高，不易甩色，非常持久，大讚❗防汗防潮的效果也不錯，帶妝大半天也ok，不會變無眉娘🙌 唯一希望它的掃做成小斜角，像唇彩的掃，會更容易描繪眉尾部份~

mandy好用推薦： Fasio Tip Trick Powder Eyebrow 精確眉粉筆 $88 作為防水型眉粉筆，精確眉粉筆有兩大優點，持久度非常好及色系有驚喜。精確眉粉筆防水防油，可全日都不用補眉妝。色系雖只有3色，當中BR300是非常自然的深啡色，比一般開架眉筆的顏色更深色，深啡到黑髮都很適合使用，而且跟髮色接近，非常實用又好睇。 價位方面性價比高，是可以輕鬆入手的價格。 精確眉粉筆使用前後都要用眉掃梳理眉毛，令眉毛更整齊自然。描繪眉型也不會有難度，按眉型輕輕掃上便可，易於控制。精確眉粉筆比較適合眉毛多的人士，光用眉粉筆及眉掃已可完成眉妝。像我這種眉尾有點弱又不夠眉毛的人，就需要在用完精確眉粉筆後，再用精細的眉筆補好毛量不足的眉尾。其實也不會很複雜就是補多幾筆而已。 基本上Fasio精確眉粉筆跟我的眉毛很合得來，馬上將這個眉粉筆放入我的可回購清單之上。

Julianna好用推薦：平價眉筆界長青款～畫起嚟自然，筆芯唔會太硬又唔會一畫就斷。啡色tone好百搭，無論你染咗啡髮定黑髮都襯得到。筆頭係旋轉式，好方便；後面仲有掃，可以blend開線條，打造自然毛流感。最重要係咁平價之下唔易溶妝，CP值超高！

940727.0好用推薦：呢一款嘅眼線筆喺Aeon嗰度買，俾我見到咁啱最近佢哋黃埔花園Aeon 嘅眼線筆同眉筆都做緊優惠價$29。 佢係好防水防油，唔係特登去大力抹走的話都唔容易甩。

莓莓好用推薦：多謝@Cosme 邀請試用CANMAKE呢支新品唇膏新色04（櫻桃帕菲） ⭐️質地： 佢本質上都係水潤型，但做法有少少唔同。 就係你薄薄哋塗一層，佢會自己喺嘴上面形成一層好貼嘅「膜」，顏色同光澤都會被鎖實，望落更完整。 而且佢嘅質地係好順滑、有少少化開嘅感覺，一上嘴個嘴會變得比較飽滿，有少少立體感。 ⭐️使用感 但我覺得佢最犀利嘅地方唔係潤，而係水光感同持久度做得幾平衡。唔食嘢嘅話，佢可以一直keep住嗰種水潤、有光澤嘅狀態，唔會過一陣突然變乾、抽乾水分。 就算食咗嘢，都只係輕微甩少少，底色仲會留返喺嘴上面，望落都仲有氣色。呢點其實同好多水潤型唇膏有啲唔同，好多係一上嘴好靚，但甩得好快，要不斷補。佢似係嗰種 潤得嚟唔易消失嘅類型。 ⭐️顏色 再講吓呢個新色04，係一個偏冷調嘅櫻桃紅/莓果紅。按理講呢種顏色對黃皮唔太友善，但佢上嘴係會提氣色，唔會顯暗又唔會顯髒。就係嗰種有少少甜、有少少曖昧，但又唔幼稚嘅紅色。再加上佢係無香料，日常用更舒服。 如果你想搵一支唔需要技巧、顯氣色、有水光感，又唔使成日補嘅唇膏，呢支其實幾好用。

Asteria好用推薦：多謝 @Cosme 邀請試用 CANMAKE 新唇膏 #04 櫻桃帕菲 🍒💄 超開心～ 🌸💖 ✨ 質地好神奇 薄薄搽一層，佢會自己喺嘴上面形成一層「膜」～ 鎖住顏色同光澤，仲好順滑，輕輕化開嘅感覺～ 一搽上嘴，嘴唇即刻變得 飽滿又立體！👄✨ 💧 水光感＋持久度，平衡得超好 唔食嘢嘅話，可以一直 keep 住水潤光澤，唔會突然變乾～ 就算食完嘢，底色都仲喺度，望落依然有氣色！😳💕 同平時啲水潤唇膏好唔同，呢支 潤得嚟唔易消失！超驚喜～ 🍒 顏色超有氣質 #04 係偏冷調嘅 櫻桃紅／莓果紅～ 本身以為黃皮會驚，點知上嘴反而 好提氣色，唔顯暗唔顯髒！ 有少少甜、少少曖昧，但又唔幼稚嘅紅色 💋 而且 無香料，日常用更舒服～ 🌸 💖 小總結 顯色＋水潤＋成膜＋持久，真係好驚喜！ 04號色少女得嚟帶果醬感，唔打底直接搽都 水潤唔顯唇紋～ 薄上一層已經遮到原唇色，再疊加更光澤 ✨ 實測：正常講嘢飲水唔點甩，食嘢甩剩 60%，補一補就搞掂～ 😆 CANMAKE 唇膏一向都做得好好，呢支我一定會再回購！🛍️💕

wcm好用推薦：試過唔同款睫毛膏 我依然最鐘意呢款 不以暈染 上次去玩水上樂園都係用呢支睫毛膏 都冇暈染🫶🏻

Emma W好用推薦：睫毛液能夠持久保持妝效，即使在潮濕夏天、或者落雨出汗時，都不容易晕染。 另外，比一般睫毛液，其令效果更長更纖細，又不易起塊狀凝固物，增強了眼部的立體感。 最怕就係防水產品難卸妝，但其唔會有依個難處。用濕左化妝棉輕抹兩三下，就已經卸咗妝，不會對睫毛造成傷害。 適合肌膚：任何 成效度：4/5

jhope0725好用推薦：喺嘗試呢一款睫毛膏之前，我已經嘗試過好多不同品牌嘅睫毛液，不過都冇一款可以做到有呢款嘅持久度，暫時係我嘅最愛！ 呢一款唔係日常見嘅睫毛液，而係一種睫毛液打底，本身顏色唔算濃黑，入面唔會有好多纖維，又唔係好濃好杰，比較不容易出現曱甴腳嘅情況，又唔需要化妝嘅時候將睫毛液預先喺紙巾上面掃走部份顏色，導致浪費產品。 個人覺得呢款產品特別適合一啲本身睫毛長度或者濃密度已經足夠，但係好似我一樣，因為睫毛向下垂，導致眼睛唔精神嘅朋友。 不過留意如果追求睫毛要濃密，或者延長功效，呢一款產品就未必係主打呢個功能了 用完睫毛夾再使用佢，就可以將睫毛液跟一跟維持喺最佳捲度！眼睛會變得有神好多 產品嘅刷頭，好似一把小梳咁，可以將睫毛液好緊密咁貼住睫毛，而且可以做到根根分明呢款產品我最欣賞佢嘅持久度，化妝大約10小時都維持到睫毛嘅捲度，唔會明顯下垂，坊間好多正式睫毛膏都做唔到呢個效果呢！

Emily Leung好用推薦：艾杜紗！你是掌管睫毛的神！！！！ 誰懂我一個細軟塌睫毛的痛…以前塗完睫毛膏沒一會就不翹了…跟沒塗一樣… 但是！！！艾杜紗睫毛打底真的有驚艷到我！只需要用睫毛夾一夾，再塗上它，真的卷翹的不行！最重要的是一整天不會塌！ 而且他的小齒刷頭設計能夠刷出根根分明的睫毛，成份溫和不刺眼，還防水防汗！ 和我一樣喜歡卷翹睫毛的一定不要錯過艾杜紗睫毛打底了！

Circlecyy20好用推薦：使用後感覺有小驚喜，因為能夠做到防水防汁嘅效，而且會顯得更加結實明亮

chymiaaa好用推薦：呢款眼睫毛液有防水同防油 持久度效果好好 而且個刷頭好好用 唔會容易結塊 性價比好高 推薦購買！🥰👍🏻

莓莓好用推薦：【KATE怪獸級持色唇膏 05 乾燥無花果】詳細評測 今日要同大家分享呢支紅足幾年、被譽為「開架皇牌」嘅KATE 怪獸級持色唇膏，色號#05 乾燥無花果 。坊間成日講到佢「唔沾杯」、「鎖色力強」，仲有人搞笑話佢可以兼任「面霜」同「妝前乳」咁誇張？等我哋由質地開始，同你逐層拆解下！ 質地 大家冷靜啲先，佢只係唇膏嚟咋，真係唔建議你拎嚟捽面！呢個純粹係形容佢個質感好滑、好似乳霜咁軟糯 。 質地上唇極之順滑，佢唔係乾爭爭嘅霧面，亦唔係豬油膏嗰種假油光，而係一種好貼膚嘅「水光感」。佢個秘密在於「高持色凍膜技術」，一掂到嘴唇嘅體溫就會融化成薄膜，黐得好實 。感覺似搽緊一層好輕身嘅潤唇膏，冇咩異物感。 味道 味道呢方面……其實係無味嘅。佢冇添加任何水果味或人工香料，對於好驚濃烈化妝品味嘅朋友嚟講，呢個絕對係加分位。就算戴口罩成日，都唔會焗到一陣怪味出嚟。 滋潤度 呢點要分開兩個時段講。 · 剛上唇：滋潤度極高，好似有一層保護膜包住，唇紋即刻隱形 。 · 過咗幾個鐘：因為佢鎖色效果好強，相對地會抽乾少少水分。如果本身嘴唇係「乾旱地」，建議之前做定多啲護唇打底，否則後尾會覺得有啲乾，甚至顯

YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。

mandy好用推薦：D-UP Perfect Extension Mascara for Curl 完美纖長鬈翹睫毛膏 #RUBY BROWN 寶石紅棕 功效：纖長+自然鬈翹 建議大家先用mascara base打底， 之後再上完美纖長鬈翹金膏就會更容易掌握。 完美纖長鬈翹睫毛膏可以完成既纖長又自然鬈翹的睫毛。 想要纖長的睫毛，只需多掃幾次睫毛膏便可。 完妝時，睫毛膏鬈翹纖長不暈染不溶妝， 持久度非常好，而且睫毛根根分明。 睫毛膏的掃可以好好的抓緊短小的眼頭睫毛及下睫毛， 而且可以輕鬆畫下睫毛而不暈染。 此外，完美纖長鬈翹睫毛膏暖水可卸，不傷睫毛。 含保濕成分: 聚乙二醇-45M, 水解透明質酸, 維生素原B5 及 水解蠶絲蛋白 鎮靜消炎成分: 維生素原B5 及 銀杏葉萃取 抗衰老成分: 人參根萃取, 銀杏葉萃取 及 枇杷葉萃取 抗氧化成分: 人參根萃取, 銀杏葉萃取 及 枇杷葉萃取

Lumi Kwan好用推薦：顏色都係低飽和度嘅顏色，係現時化妝界最熱門嘅色調，我買嘅係淺啡灰色同埋淺啡黃色，無感比較強，適合化一啲淡水妝，妝容篇冷白色調嘅效果會更加適合，不論顏色，兩支睫毛膏嘅持色度都非常之好，而且冇甩色嘅情況，掃頭都好容易控制，易於描繪。

chymiaaa好用推薦：性價比高嘅產品！💖 這盤顏色選擇多樣，完全可以依自己的喜好調配，非常方便！✨ 質地柔和，上色容易，唔會太重，非常適合打造自然的眉妝。而且價格也很實惠，係一款值得推薦的眉粉，特別適合想要嘗試不同色調的朋友！

bibubibu好用推薦：買了br2嘅顏色 顏色自然 可以配合一般常見啡色頭髮 粉質幼細 容易上色 而且附送嘅掃都好好用 好容易就畫到想要嘅眉型 盒內附有鏡同掃 拎出街化妝都方便 唔易脫妝 出汗會甩少少 但唔嚴重 而且好抵用

killkew.b好用推薦：呢支眉筆性價比好高🫶好容易用， 筆芯芯頭係圓頭同硬身既，粗度岩岩好， 可以畫出好自然既眉毛效果， 有需要既都可以畫出毛流感👍 有好多種顏色揀，仲有埋眉刷， 持久度都算keep到全日， 只係眉尾位置有時會唔小心刮甩左， 同埋呢支眉筆好短身，好方便放入化妝袋💕

Yoyo Sin好用推薦：性價比極高！推薦小資女&學生 可以一試～筆芯夠順滑，防水力強！出街完一整日都無乜點甩～絕對對得住價錢 會再回購👍🏻

Kitty 好用推薦：KissMe睫毛打底霜！唔使100蚊，由朝撐到晚嘅睫毛鐵柱係咁煉成嘅！ 喂！各位姊妹，想同大家分享吓我一路用左n支都肯回購嘅開架眼妝神物 —— KissMe持久捲曲睫毛打底霜！講真，我對睫毛膏要求好簡單：夠翹、夠持久、唔暈妝、唔蟑螂腳！呢支嘢？真係冇得輸！ 之前用開某大牌睫毛膏，下晝已經變落湯雞，暈到變熊貓！見到好多日本妹同台灣YouTuber都狂推KissMe呢支打底，話係油眼救星、塌睫毛恩物，所以買來試下，一試真係不得了！ 支膏體係半透明灰黑色，入面有啲好細好細嘅黑色纖維。刷頭係彎彎哋嘅，好貼眼型，連眼頭眼尾啲短毛毛都輕易掃到！質地唔會太濕笠，亦唔會一嚿嚿，乾得幾快吓。 我嘅使用步驟好簡單： 1. 夾睫毛（夾到最翹！） 2. 即刻！記住係即刻！掃上呢支打底膏，由根部 Z 字形向上掃，重點加強根部。 3. 等10-15秒左右，等佢乾透、定型（呢步好重要！）有需要的話可以再夾一次睫毛。 4. 再疊加上你鍾意嘅睫毛膏（我通常會再上一層黑色睫毛膏加強效果）。 💥 效果點？驚艷位喺邊？ 1. 捲翹度爆燈！💥 真係冇誇張！佢個定型能力超強！我啲天生向下生嘅直毛，夾完再上佢，真

Miranda好用推薦：【質感】 首先講刷頭，佢係微彎嘅梳子型刷頭，齒距密，可以輕易抓住每一根睫毛，由根部掃到尖端都好順手。膏體係墨藍色，上面之後唔會灰灰白白，單用已經好自然。質地唔會太濕，亦唔會太乾，上面之後好快就乾，唔怕眨眼嗰陣黐住眼皮。佢嘅配方有纖維，但纖維幼細，唔會掉落或者刺眼。刷頭嘅大小適中，眼頭眼尾同上睫毛下睫毛都用到，唔會沾到周圍都係。 【使用感】 使用感方面，呢支底霜真係為「油眼人」而設。我本身睫毛偏直偏硬，夾完之後唔用底霜的話，半日就會塌返落嚟。但用咗呢支之後，朝早夾完睫毛掃上一層，睫毛全日保持翹起，完全唔會塌。佢嘅定型力好強，但唔會令睫毛變硬變脆，摸落仲係有少少彈性。最驚喜嘅係佢嘅防暈染效果，我係超級油眼，用其他睫毛膏半日已經變熊貓，但用呢支打底再疊加其他睫毛膏，全日都冇暈染。官方話佢可以單用，我自己試過單用兩層，效果係自然纖長，睫毛翹翹地，好適合裸妝或者返工淡妝。唯一要留意係，因為佢嘅膏體乾得快，掃嘅時候要快手啲，否則會有少少結塊，建議分層薄薄咁掃。 【持久度】 持久度係呢支底霜嘅最大強項。朝早八點化好妝，到夜晚十點，睫毛依然翹起，下眼瞼完全冇黑色暈染。我試過喺潮濕嘅夏天出街全日

Tszki好用推薦：質地非常滋潤，甚至可替代潤唇膏使用，且不會隨著時間變乾或起皮。視覺上能有效平滑唇紋，使雙唇看起來更立體飽滿。顏色呈現半透明的紅棕色調，非常輕盈且帶有極高的水光感，適合打造偽素顏或日常妝容。其能打造極致的「水光玻璃唇」效果而受歡迎。 質地稍顯厚重且有輕微黏性，若大風吹過可能會黏頭髮。 刷頭與瓶口的橡膠塞設計導致每次取出的產品量偏少，可能需要反覆抽取。 持色度普通作為光澤型唇彩，其並不具備染唇效果，喝水或進食後需頻繁補擦。

Fng好用推薦：Fwee 3D立體光澤唇釉用後感｜秋日玻璃唇 ✨ 質地與觸感 呢支韓國唇釉係果凍凝露質地，搽上嘴有種冰涼水感，但唔會似傳統唇蜜咁黐頭髮！最特別係佢嘅3D折射粒子，郁動時會折射出細碎星光，似將銀河鎖喺嘴唇上～ 🌟 秋日妝效實測 · 保濕力滿分：秋風吹足半日都冇起死皮，內含蜂蜜成分持續滋潤 · 光澤度調整：單塗一層似果汁唇，疊擦兩層變玻璃唇，可自由調節 · 持久度驚喜：飲暖飲會留完整唇印，但底色依然扒得實 💔 美中不足 · 成膜速度慢：要耐心等1分鐘先唔黐杯 · 色號偏淡：深唇色人士要先遮瑕打底 · 刷頭較短：嘴角位置要小心塗抹 🆚 同類唇釉比較 · VS Romand果汁唇釉：Romand染唇明顯但較乾；Fwee更保濕 · VS Hera唇蜜：Hera光澤更高調；Fwee偏向日常通透感 · VS Clarins果凍唇油：Clarins更護唇；Fwee妝感更精緻 💡 秋日使用秘技 1. 疊擦心機：先薄塗啞光唇膏打底，再點塗Fwee在唇中 2. 漸層畫法：用指尖將邊緣拍開，製造自然暈染效果 3. 急救乾紋：直接疊擦在已脫皮的啞光唇膏上，即刻拯救妝容 4. 一物多用：輕點在眼

Circlecyy20好用推薦：使用感不錯 簡單易用 用在眼皮有時間推開而不即時事 而閃度算不錯

lwt14好用推薦：顏色好靚，超服貼，完全不黏， 抹開即刻乾，珠光同亮片好細緻，而且好方便，可以好快化完眼妝。

ying好用推薦：Excel SR03 四色眼影 🌸 Excel 裸色深邃眼影 SR03 Skinny Rich Shadow 日系溫柔奶茶棕 新手入門必備盤 📋 產品資訊 品牌｜Excel（日本開架彩妝） 產品｜裸色深邃四色眼影 SR03 色系｜Royal Brown 時尚暖棕／奶茶棕 容量｜4.3g 產地｜日本 特點： ▸ 日本常盤工業粉體技術 ▸ 添加角鯊烷保濕成分 ▸ 粉質細膩滋潤，不飛粉 ▸ 日系輕透妝感，新手友好 💬 真實用後感 ✔️ 粉質：極度細膩滋潤 添加角鯊烷成分，上眼好貼服 唔會飛粉，用手指或刷上都好好推 ✔️ 顯色度：輕透自然 日系眼影一貫風格，顯色度中等 重手都唔會變熊貓眼 新手超級友好 ✔️ 配色：溫柔奶茶棕 SR03 係品牌最熱賣色號 四色組合：打底色＋主色＋提亮＋眼線色 由淺到深，跟背面教學就畫到完整眼妝 ✔️ 持久度：全日唔脫妝 混油皮實測朝早到夜晚都冇積線 珠光色keep到全日 ✔️ 妝感：溫柔有神 上眼後雙眼變得柔和有精神 唔誇張，但係氣質提升✨ ⚠️ 小缺點： 四色都

布吶吶好用推薦：今次同大家分享我嘅新寵——日本Excel四色眼影盤SR04！✨ 真係要講句：呢盤簡直係我嘅「本命眼影」！作為每日返工必備嘅裸色系，佢嘅溫柔感真係驚艷到我啊～每個顏色都靚到「絕絕子」，點搽都唔會出錯！ 我前排成日見到人推，忍唔住手即刻入手🤭 用落真心覺得太方便！粉質細滑到呢～連手指都可以輕鬆暈染開，趕時間嘅朝早真係救星！懶人同新手必備！ 整體色系：暖調裸米色系，帶極細微嘅粉調，偏向「日常氣質型」 1. 左上角（A）： 啞光米白色 · 近乎膚色嘅淺米白，主要用作打底均勻眼皮色，或者提亮眉骨。粉質非常薄透。 2. 右上角（B）： 緞光淺膚棕色 · 帶極細微珠光嘅暖調淺棕，係全盤最常用嘅「主色」。上眼自然加深輪廓，有微微光澤感。 3. 左下角（C）： 微閃深棕色 · 帶少少金閃嘅暖深棕，適合暈染眼尾或當眼線色。閃片極細，唔會誇張。 4. 右下角（D）： 細緻香檳珠光色 · 低調嘅香檳金閃片，濕潤感強。點綴眼皮中央或眼頭，增加立體感。 粉質特點： 1. 絲滑軟糯似「牛油」 · 摸上去係一種 濕潤又綿密 嘅觸感，完全唔飛粉。日系開架中少見嘅高級粉質。 2. 顯色度恰到好處 · 屬於 中度顯色

Kitty 好用推薦：如果你同我一樣，天生睫毛又直又短，搵一支堅挺、捲翹、持久嘅睫毛膏好似尋寶咁難，咁呢篇心得一定要睇落去！講緊嘅就係美寶蓮呢支飛天翹防水睫毛膏，最近真係成為我個化妝袋嘅新寵！ 首先，個刷頭已經好有驚喜！ 支刷係弧形嘅設計，好貼合眼形，由上睫毛根部Z字形咁掃上去，好輕易就沾到每根睫毛，連眼頭、眼尾啲死角位都掃到，完全唔會一舊舊或者結塊，對於我啲手殘人士來講，真係救星！ 效果：真係飛天咁翹！ 最誇張嘅係，我夾完睫毛再搽，佢真係可以將個捲度定到成日都唔落嚟！平時用開其他牌子，可能晏晝就開始塌，但呢支真係堅挺，到收工對眼都依然精靈，好似識講嘢咁！而且佢唔會好似啲假睫毛咁硬掘掘，係自然向上揚嘅弧度，好有精神。 防水防油力掂唔掂？ 講到防水呢個功能，我真心俾滿分！前排打風落雨，把遮都吹反埋，成塊面濕晒，但對眼一啲事都冇，完全冇變熊貓！至於油眼嘅問題，我係混合肌，T-字位會出油，但佢都頂到七、八個鐘，只係眼尾有少少溶，但絕對唔會暈開一撻黑，已經收貨！ 有冇缺點？ 唯一要講嘅就係，因為佢咁防水，落妝嘅時候就要花多少少心機，一定要用眼唇專用卸妝液，敷多幾秒先抹得乾淨。如果唔係，會扯甩幾條睫毛，好心痛㗎

Kpl6be6好用推薦：平時化完個妝覺得仲係差咁啲嘢嘅時候～就應該使出呢支bling bling眼神器啦👀輕輕一夾睫毛～再用佢掃一掃～就能輕易擁有捲翹持久睫毛一雙✌🏻能夠使睫毛做到根根分明效果！而且真係全日唔塌！即時為眼妝大加分！(成個人精靈哂😂)難怪連化妝師友人都讚口不絕❤️