找產品
平價彩妝 推薦好用產品
176 件
YiN好用推薦：俾咁多人大推完，點可以唔買返枝lip monster呀，用咗好一段時間先捨得寫評論。呢枝係03陽炎色，係潤澤型透透地嘅橙棕色，搽上嘴基本上係最百搭嘅顏色，輕輕提升氣息得黎唔會好誇張好紅。我本身唇色唔係好深，搽上去透返自己本身嘅紅色出嚟，就變成好自然嘅粉紅色。 ✅潤澤不顯唇紋 如果我嗰日個嘴唔係乾到翹哂死皮，唔搽潤唇膏單搽lip monster都夠潤，佢長時間都做到個潤澤感。 ❓顯色度 本身係半透嘅唇膏，如果本身唇色較深，相信佢就冇辦法遮到色，出嚟個效果就會唔一樣。 ❓持久不掉色 Lip monster最出名就係佢個持色效果，搽咗佢就算飲野都只會甩最面嗰層，顏色會留返喺嘴。但呢件事好似冇發生喺我身上，佢依然係大甩特甩，所以我一直當佢普通唇膏咁用。 雖然佢喺我身上唔夠持色，但因為佢不斷出好多新色，啲色又靚，我都係會繼續買。
<看全文>YYeman好用推薦：Kate「怪獸持妝口紅」測評：薄塗厚塗都絕，沖水唔甩嚇親我！ 呢支真係「怪獸級」持妝口紅！薄塗似天生好氣色，厚塗秒變日雜水光唇，仲要成膜快、黐杯黃髮問題大減，連沖水測試都唔掉色，抵讚！ 1. 質地與妝感： · 薄塗效果：似潤唇膏嘅自然光澤，淡淡提亮唇色，素顏或淡妝必備，偽素顏心機首選✅ · 厚塗效果：即刻變身「水光唇釉感」！光澤飽滿得嚟唔油膩，日雜模特兒唇即視感，約會/打卡超上鏡📸 2. 持妝實力實測： · 成膜速度超快：塗完十幾秒開始變啞光水膜，從此同「黐頭髮、印杯緣」講拜拜👋 · 防水力驚人：試過沖水輕搓，顏色真係牢牢扒實嘴唇，食飯飲嘢只掉少少光澤，底色依然keep到！ · 持久度：日常戴口罩都冇乜轉印，省補妝時間～ 3. 色號推薦（盲入11號心得）： · 微深奶茶色：帶啲啡調嘅溫柔奶茶色，唔偏橘唔偏粉，黃皮友好顯白👌 · 日雜感拉滿：低調高級，配杏色妝容或大地色眼影簡直絕配，氣質即刻升Level💃 總括： Kate呢支「怪獸口紅」絕對係驚喜之作！尤其係成膜速度同防水力，打破咗我對水光唇妝「唔持久」嘅印象。11號色更加係日常百搭之選，低調得嚟顯氣質，盲入都無伏！
<看全文>
Kitty 好用推薦：Love Liner 眼線筆 -- 粉紅風暴！夏日玩妝必備，筆尖幼過針、持久到喊！💖 講真，用厭晒啲例牌黑色啡色眼線未？今次真係忍唔住要同大家分享呢支Love Liner 眼線筆！本身佢係日本開架紅牌，出名夠持久同筆尖超幼，最癲係顏色多到揀花眼👀！我今次專登破格揀咗粉紅色！冇錯，就係粉！紅！色！夏天熱辣辣，成日化黑棕真係悶到瞓著，不如玩大啲，用粉紅眼線撞出夏日元氣妝啦～✨ 重點實測：係咪真係咁神？ ✅ 1. 筆尖幼到離譜！手殘都勾到精緻線條。 講真，我呢啲成日手震嘅人最驚畫眼線！但 Love Liner 支筆尖真係幼過針咀，畫落眼瞓超順滑，零拉扯！勾眼尾尖位、填內眼線，甚至喺下眼瞓畫幾條假睫毛都冇難度，精準度💯！筆頭夠硬淨唔會散，新手都操控到～ ✅ 2. 顯色度爆燈！粉紅一畫即搶FO 買粉紅色最驚唔顯色或者似發炎… 但 Love Liner 呢支粉紅一畫就出色，仲要係好透亮嘅櫻花粉💕，唔會俗豔！質地水潤，一筆就均勻上色，唔使來回畫（來回畫易甩㗎！）。日光下睇似夏日汽水咁清爽，夜晚有燈光仲會帶少少光澤，靚到癲！ ✅ 3. 持久力真係痴線級！油眼都頂到全日 重點嚟喇
<看全文>Emily Leung好用推薦：Love Liner眼線液用後感｜手殘都畫到超順滑眼線！ 近期化妝袋必備！Love Liner纖密流暢防水眼線液真係名不虛傳，絕對係手殘黨恩物！ 包裝少女心滿分！支筆身好拎，筆頭係彈力毛刷款，唔會太軟亦唔會太硬，超易控制。 點解咁好用？ 最大賣點係個毛刷筆頭，出水量啱啱好，一畫落去就好流暢，顏色濃黑，一筆就已經好顯色。完全可以畫到由幼到粗嘅唔同線條，連眼尾嗰下「小勾」都可以好輕鬆完成！ 睇下個筆尖幾幼細！喺手背畫線，線條實淨又順滑，零斷開。 持久度爆燈？ 我試過帶妝成日，又出汗又出油，條眼線都冇溶開冇暈染，真係堅防水防油！夜晚返到屋企，都仲係完好無缺，唔使做熊貓眼。 畫出嚟條眼線好sharp又順滑，仲可以好輕鬆拉長眼尾，放大雙眼效果一流！ 總括來講： ✅ 優點： 筆頭極易操控、畫出嚟線條流暢、持久防暈、顏色濃黑 ❌ 缺點： 相對開架價錢貴少少，但絕對值！ 咩人必入？ ➡️ 成日手震畫唔到直線嘅新手！ ➡️ 油眼人士，受夠咗暈妝煩惱！ ➡️ 鍾意畫精緻眼線嘅你！ 一支解決晒畫眼線嘅煩惱，真心推薦！
<看全文>
Chloeincosme好用推薦：講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感
<看全文>Kura好用推薦：canmake嘅八色眼影係 @cosme 嘅榜單上暢銷王，外包裝超級靚，當然係我聖誕妝容必不可少眼影，顏色非常有節日氣氛，適合我出席各種聖誕活動，我用嘅色號係01色，顏色嘅閃粉恰當，仲有粉質非常好，搽上眼唔會飛粉，仲有顯色度，飽和度都好高，呢一點真係大讚，眼影上眼令到成個妝容都變得非常好貴，但望落又唔會覺得好成熟，同埋呢八隻色日常出街約會嘅妝容都非常適合，真係百搭眼影，當然價錢都係非常心得我心，cp值好高，我一定會包色回購呢款眼影，平靚正嘅代表眼影，同埋係大家聖誕必備眼影之選 #聖誕 #聖誕
<看全文>
Kitty 好用推薦：KissMe睫毛膏真係眼妝救星！我本身睫毛比較短，平時用開其他牌子好易塌落嚟，但呢支刷頭設計好貼心，可以精準勾到每根睫毛，一刷上去即刻有纖長+濃密效果，仲唔會結塊𠵱！最驚喜係持久度超班，我成日眨眼又出油，但撐足成日都冇暈開，放工對眼依然好有神～卸妝方面都算容易，用支溫和嘅眼唇卸妝液敷多陣就ok，完全唔會扯甩睫毛。我呢隻係特別版，乾燥玫瑰色，刷上去顯得眼神好溫柔，幫眼妝加分不少，而家化日常眼妝一定揀佢，就算想加強妝感疊擦兩層都依然自然，真心推薦畀鍾意偽素顏或者韓系妝容嘅姊妹！
<看全文>YYeman好用推薦：Kissme防水纖長睫毛膏實測！香港悶熱天都頂得順 講真！呢支真係睫毛膏界嘅長跑冠軍🏃 我帶住佢經歷30℃+潮濕天 落雨流汗都完全冇化開～ 刷頭係微弧形設計 連眼頭眼尾啲短毛都刷到 膏體偏乾身 唔會一抽就結塊 新手都可以刷出根根分明效果✨ 纖長效果確實夠誇張 薄薄刷兩層已經變太陽花 想要自然妝感刷一層就夠 重點係完全零熊貓眼！！！ 不過佢個防水功能太強勢 落妝要用專門眼唇卸 敷足10秒先卸得乾淨 （試過偷懶用卸妝水 搓到眼皮痛都未卸曬😭） 持久度：★★★★★ 纖長效果：★★★★☆ 易卸度：★★☆☆☆ 性價比：★★★★☆ 總結：海邊/婚禮/流淚場合必備神器 日常用建議買棕色版更柔和～
<看全文>
Kitty 好用推薦：🌸 Canmake花漾胭脂：開架王者點止平咁簡單！ 身為圓面人嘅我，一直靠腮紅救面型！Canmake花漾系列（分珠光Glow Fleur同啞光Mat Fleur兩款）真係我嘅日常恩物——唔單止一掃即時好氣色，仲識得偷偷修容。呢款胭脂真係開架好物平靚正之選，顏值同實力兼備，絕對係化妝袋必備item！以下係我嘅真實心得同技巧分享👇 呢排比較多用CANMAKE花瓣胭脂B02色，佢係一款好溫柔嘅珊瑚粉色，帶微微珠光效果，上面後面色即刻紅粉緋緋，又唔會太誇張，好適合日常妝容。佢嘅粉質超幼細，好易上色，而且持久度都唔錯，成日keep住好氣色！ 用法係咁㗎～👇 1. 揀返合適嘅掃（建議用胭脂掃），掃毛要柔軟，咁樣上妝會更均勻。 2. 用支掃輕輕掃吓胭脂表面，記住要fing走多餘嘅粉，避免落色太重手。 3. 笑一笑，搵到蘋果肌位置，由蘋果肌開始往太陽穴方向輕輕掃上去，緊記要少量多次，咁先自然。 4. 最後用支掃輕輕暈開邊緣位，等胭脂同底妝融合得更自然。 優點大集合： 1. 貼膚不卡粉：粉質細膩，與肌膚融合後零粉感，乾肌也服帖！ 2. 修容光澤二合一：珠光款自帶細膩高光，斜掃顴
<看全文>TsuenMa好用推薦：#CANMAKE 💟Glow Fleur Cheeks 💖花漾瑰麗胭脂 02號色 珊瑚粉紅色 一共有六個顏色可供選擇，務求做到總有一隻顏色適合你嘅心意，吾想花心機揀嘅寶寶，當然可以任性豪邁地包色😙 本身想要草莓牛奶色，比佢嘅宣傳slogan 吸引到：「幸福感滿滿」。但可惜甘岩無晒貨，所以買左呢隻珊瑚粉紅色。無揀到中間有shiny的option，因為怕手殘handle吾到，會令到毛孔粗大嘅位置又明顯放大左😣 盒裝背後嘅使用方法：用佢嘅刷打圈沾滿晒所有嘅顏色後再上面。見過有評價話佢個刷吾好用，我覺得還好，不過略嫌飛粉程度都有小小高🤏🏾 顯色度不錯👍🏾 幾格吾同顏色拼湊出黎呢盒胭脂好特別好有特色，更加吾係普通四方一格格，有花花嘅pattern 去合併🌺好靚、觀賞性好高嘅一盒胭脂。  持色度都唔錯，不過佢細細一盒，帶出街補妝同樣方便😆 綜合而言，如果想買多盒胭脂，不妨試試呢個產品💓價錢唔使$100，性價比之選💕
<看全文>
Chloeincosme好用推薦：🤍 刷頭設計：5/5！Canmake呢支Metalook Mascara嘅金屬刷頭真係超細心～幼細得嚟又有彈性，可以精準刷到每根睫毛，連眼頭同眼尾嘅短小睫毛都照顧到，仲好少會整污糟眼皮，手殘黨都輕易駕馭！ 🤍 妝效：4.5/5！效果自然得嚟又有驚喜～刷出嚟係而家好流行嘅「一束束」纖長效果，唔會蒼蠅腳又唔會結塊，好似本身啲睫毛就咁濃密咁，偽素顏必備！ 🤍 持久度：4/5！防汗防皮脂能力唔錯，正常出門大半日都唔會暈染，卸妝時用溫水就可以輕鬆卸除，唔會搞到變熊貓眼～ 🤍 CP值：5/5！真心好抵，喺日本買幾十蚊港紙就有交易，效果拍得住專櫃，絕對係開架中的戰鬥機！ 總結： 如果你鍾意自然纖長、根根分明嘅睫毛效果，又唔想化妝時搞到周圍都係，Canmake呢支Metalook Mascara絕對係必試之選！細刷頭精準易控，效果清新又持久，重點係價錢親民到可以囤貨～特別推薦比學生黨、淡妝愛好者同追求日常偽素顏妝容嘅你！ #轉季 岩用
<看全文>Kitty 好用推薦：🇯🇵✨日本旅遊必買！CANMAKE金屬刷頭睫毛膏——新手&潔癖者福音，打造日系精緻睫毛✨🇯🇵 去日本旅遊，點可以錯過掃平價又高質嘅日系彩妝？CANMAKE呢個國民品牌今期推出嘅金屬刷頭睫毛膏，絕對係2025年新品嚐鮮嘅頭號目標！無論係新手定化妝達人，呢支睫毛膏嘅獨特設計同實用性，保證令你一試愛上，仲要即刻包色入手！ 必買理由： 日本限定金屬刷頭，精細到尖叫！有別於傳統毛刷，呢支睫毛膏採用韓國流行後再改良嘅全金屬刷頭，超幼細設計輕鬆照顧眼頭、眼尾同下睫毛，連最刁鑽嘅短毛位都刷得勻稱！單次沾取膏體量恰到好處，唔會一嚿嚿結塊，輕鬆刷出日本妹最愛嘅“成束感”睫毛，自然又精緻。 最驚喜係金屬刷頭構造簡單，用完用紙巾一抹就乾淨，甚至可以直接水洗，啱晒有潔癖嘅你！去旅行帶住佢，輕便又唔使驚滋生細菌。 日本當地價錢只需幾百yen，以而家匯率仲抵到笑！加上CANMAKE成日推出限定色號，好似自然黑同柔和棕，旅行買嚟自用或送禮都啱晒，唔入手真係走寶。 🌟 網友分享冷門用法：想啲睫毛再翹啲，可以抹乾金屬睫毛刷個頭上面啲膏。跟住用火機或者風筒烘熱個刷頭，然後當睫毛夾咁燙上去啊，好多
<看全文>
YiN好用推薦：因為太易用太百搭，所以已經回購過幾次03色，同埋買過其他顏色。依家有喺手就係呢幾枝。幼身扭出嚟扭唔返入去嘅包裝，每次都係扭少少出嚟畫。有試過唔小心跌落地但未試過斷芯。 ✅多顏色選擇 Canmake呢隻眼線筆時不時都會出新色迎合眼妝潮流。好似之前興色彩診斷，好多日本妹都會講邊個色號啱邊類人，正因為佢有冷色有暖色，好易會搵到啱自己嘅顏色。而最近多咗人畫下至線，佢又出咗15號cappuccino pink，相對淡而有血色感，我都考慮緊買唔買。✅線條流暢不暈染 當然最緊要係佢有一枝眼線筆必備嘅條件先咁受歡迎。本身筆芯偏柔軟，所以好易就畫到流暢線條，尤其畫內眼線唔會刮眼。等乾咗之後就唔會暈染，不過唔係完全唔會甩，而係就算甩佢都係一粒粒咁冇咗，而唔係溶到黑一撻救唔返。 整體我覺得佢係小資女開架品牌眼妝嘅好選擇，佢未必係好完美嘅產品，但一定係好高性價比嘅產品。未買過唔知揀咩色嘅，推介03 Dark brown，令眼妝更有神得黎唔會太銳利。
<看全文>Emily Leung好用推薦：canmake家最好用的眼線筆 很喜歡這個細筆頭，能精準畫眼尾！筆芯很順滑好上色，乾得也快，很適合新手。 02淺棕色和03深棕色都是我愛用的顏色，都很日常好看！ 最重要是這款眼線筆防水防汗，用清水沖洗然後用手搓都沒有搓掉。畫了內眼線，一整天下來也沒有暈妝！真心推介！
<看全文>
jhope0725好用推薦：Canmake 嘅眼影買過好多次，不過當中都係最喜歡呢款好似梳乎厘質地嘅眼影系列！ 最欣賞係佢嘅產品質地。我覺得佢同眼影膏非常接近，又似眼影霜咁，摸落好滑好幼好易推，帶輕柔感、同時用少少已經非常顯色！有點兒出乎意料，開架品牌可以做到咁高質素嘅效果，甚至可以媲美尊貴嘅眼影霜呢！  而且由於佢嘅質地似膏狀，同眼睛嘅貼合都好高，唔會好容易飛粉，搞到成個妝容花晒。另外由於皮膚有體溫，好容易將眼影融為一體，唔需要用眼影掃來回掃都可以好柔和！淨用手指都blend到，去旅行就最方便~帶少d工具都ok 圖中使用嘅係02號色號~ 呢盒眼影嘅持久度亦都非常唔錯，相信都係由於產品質地透薄，唔需要用好多層都已經顯色，所以冇咁容易出現眼影粉堆積嘅情況。化完妝後五至6小時都可以維持到妝容效果不變。 一盒配色齊全，有齊光影、主色調同陰影顏色，深淺顏色配搭相當明顯。眼底臥蠶、眼眉加深輪廓都做到晒。 尤其是係眼尾嘅陰影顏色，我特別喜歡，因為小麥色肌膚就係要透過眼尾加深顏色，拉遠眼嘅距離同埋突顯眼部輪廓！心水造型容易Get ！ 不過盒中冇附帶鏡子，如果要帶出街補妝嘅朋友就要留意了~
<看全文>Emily Leung好用推薦：被低估了的canmake舒芙蕾四色眼影盘 感覺canmake的五色眼影盤一直很火，四色舒芙蕾就無人人問津，其實這盤的實力完全是被低估了！ 日系眼影我覺得最絕的地方就是即便是全珠光色也能做到不顯腫，以及一如既往的粉質絲滑好暈染。 這盤上眼真的有點驚艷的感覺，首先是配色，真的超級實用不雞肋，尤其是我還很愛略帶一點紫色調的眼影。 這盤最值得我拿出來說的是粉質，如果不看包裝我可能會以為我在用大牌，取粉的感覺和上眼的妝效真的太像了。說它是大牌眼影粉質平替我覺得完全ok！
<看全文>
mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調
<看全文>Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！
<看全文>
Emily Leung好用推薦：今次入手嘅係Canmake唇膏16號，即係好多人講嘅「肉桂奶茶色」或者「高級焦糖棕色」，呢支真係開架入面嘅寶藏色。如果你係鍾意自然溫柔、有氣質嘅妝感，呢支好大機會啱你心水。 先講顏色，佢個名已經講咗一半。所謂「肉桂奶茶」，即係唔係死實實嘅棕色，而係一種帶住啲暖調、少少紅調嘅柔和啡色。擦上嘴唔會好似飲完朱古力冇抹嘴，而係似本身唇色透出嚗一種好健康、好溫暖嘅色澤。薄薄擦一層，就好似你本身嘴唇好紅潤咁，好自然。 如果你擦厚一兩層，個「焦糖」感就出嚟啦，會有種好濃郁、好秋冬嘅感覺，好襯冷衫同大衣，望落真係有啲高級感，唔似幾十蚊嘅貨仔。對黃皮膚好友善，好顯白，唔會病懨懨。 跟住講質地，呢支嘢嘅賣點就係「滋潤」。佢完全唔乾，擦個陣好順滑，好似擦緊一層好薄嘅奶油咁，即刻幫你撫平咗啲唇紋。上嘴係一種好靚嘅水潤光澤，唔係誇張嘅玻璃唇，而係好似本身嘴唇狀態好好、好飽滿咁。因為佢咁潤，所以就算你嘴唇有少少甩皮，用佢都唔會顯眼，反而有啲修飾作用。 當然，有優點就有代價。因為佢咁水潤，所以持久度就一般啦。飲杯水都會印走少少，食個晏大概就要補一補。不過好彩佢甩色甩得都算均勻，唔會淨係甩中間變個「唇圈」，
<看全文>KDing好用推薦：比我想像中更好既唇膏，我用既色號係16號色，佢係奶茶色，有啲似Estee Lauder 524色，都係偏向溫柔既色，新年去另一半屋企拜年，有氣乖之餘又唔會令人覺得誇張。 佢質地相對係透薄少少，唔會好實色，都幾岩淺唇色既人用，但深唇色既人用就會唔太顯色。同時佢滋潤度都幾高，用佢之前都唔一定要打底，單用佢都唔會顯唇紋。 不過要注意佢持久度唔算高，飲水都易甩，要間唔時要補唇膏，但當有色潤唇膏用都ok 顯色度：3/5 滋潤度：4/5 適用場合：斯文場合
<看全文>
Emily Leung好用推薦：【轉季啱晒🌷】Canmake柔潤亮澤唇膏 T04 實測 轉季天氣，個嘴仔特別容易乾到爆拆，搵唇膏又想有顏色又想夠潤，真係頭都大！放心，今次幫大家實測呢支Canmake Stay-On Balm Rouge嘅T04色，睇下佢係咪傳聞中咁「打得」！ 📍包裝同質地 Cutie嘅包裝，一向係Canmake嘅風格，細細支放喺個袋度超方便。支唇膏係冇防曬度數嘅，唔使驚嘴唇會變黑。質地真係好似佢個名咁，超級柔潤，好似搽緊唇膜咁，完全唔使點用唇膏打底都順滑。 📍轉季用後感：優點大檢閱 1. 水潤唔黏立，啱晒轉季！💧 佢嘅潤係帶少少油潤感，但絕對唔會黐脷嗲，好似俾層保護膜包住個嘴咁，轉季時嘅乾燥感即刻消失！就算你嘴唇狀態唔係幾好，有少少死皮，佢都可以修飾到，唔會卡色。 2. 顏色清透，日常必備！✨ T04係一隻好靚嘅蜜糖茶色，帶少少橙調，好百搭！上嘴好清透，可以疊加塗搽嚟增加顯色度。無論係素顏、返工定返學，用呢隻都絕對唔會出錯，自然好氣色，好似本身個嘴就係咁水潤咁靚！ 3. 性價比超高！ 百零蚊就有交易，平過好多專櫃品牌，可以話係開架之王！買多幾支唔同顏色都唔肉赤。 📍有咩要注意？ · 如
<看全文>Fng好用推薦：Canmake柔潤亮澤唇膏#06｜秋日溫柔系唇色 ✨ 質地與顯色度 呢支06號係半透亮奶油質地，推開順滑唔卡唇紋，帶點玫瑰豆沙調嘅溫柔感！薄塗一層已經有好氣色，厚塗兩層會更顯色，但都保持住自然透亮感，唔會濃艷～ 🌟 滋潤與持久度 保濕力值得一讚！試過秋風吹足半日都冇爆皮，唇部依然保持柔軟～不過食嘢會掉色七成，飲熱飲都會印杯，建議隨身帶住補妝～ 💔 美中不足 · 遮蓋力普通，深唇色人士可能要先遮瑕 · 膏體偏軟，扭出太多容易斷 · 持久度一般，要經常補塗 💡 使用小貼士 1. 唇況差時：先薄塗潤唇膏打底，再點印上色 2. 加強持久：塗完用紙巾輕抿，再疊塗一層 3. 打造咬唇：唇中央厚塗，向外暈染開 4. 補妝急救：直接疊塗都唔會結塊 性價比：★★★★★（5/5，$50蚊買到專櫃質感！） 適合：學生黨、淡妝愛好者、追求日常好氣色嘅你～ #Canmake唇膏06 #換季 #秋日唇色 #開架唇膏
<看全文>
Candy Mak好用推薦：有便宜又好用嘅東東想同大家分享，就係Maybelline Fit me！反孔特霧粉底液#120 1️⃣首先講講品牌方對產品的優點描述： - 不含油分，不致粉刺 - 含吸附油脂礦物泥成份 - 有柔焦成份令毛孔隱形 - 16小時長效持妝，不黏笠，妝效輕薄啞緻，貼膚不厚粉 2️⃣再同大家分享本人用後感 (油肌，毛孔粗大，冇補妝習慣)粉底液用上玻璃配上方柱瓶身設計，有大牌高級感；粉底液呈偏Gel狀，略帶微微流動性，推開可見其質地透薄，就算15分鐘後再唧1泵比較，都唔會有氧化問題。跟著就跟大家分享上面嘅before & after；我只薄薄上了一層。 你會見到毛孔修飾了不少、泛紅同痘印都有一定遮蓋力，仲平滑膚質；呈自然啞緻妝感，清爽不黏膩。 跟著再分享一整天口罩同油光攻擊下嘅妝效； 喺完全冇補妝嘅清況下，5小時後會見到遮瑕力、毛孔修飾同平滑膚質都仲keep到；到10小時後泛紅已經重現，而且膚質亦粗糙，但毛孔仍然有修飾冇白芝麻出現。 後記：以上係冇補妝嘅狀況，如果中間有補妝我相信泛紅同膚質問題都可以解決；順帶一提，一整天下來，妝感都清爽啞緻，而且冇白芝麻情況，毛孔有被修飾，最重要係一整天下來，沒
<看全文>Ceccinmydin好用推薦：新手必備開價底妝，Maybelline Fit Me 反孔特霧粉底液對油肌嚟講真係抵玩又好用。官方主打控油同修飾毛孔，針對易出油、毛孔粗大嘅膚質，霧面妝效，重點打擊油光同柔焦毛孔效果。配方係 oil-free，油肌用起上嚟負擔感低，仲有 SPF22🩵 - 質地屬於偏輕薄易推開嗰種，中等遮瑕，氣味方面幾淡，日常用舒服 - 上面後係霧面妝，毛孔位置（鼻翼、兩頰）有被柔焦，修飾毛孔 - 貼服度合格，喺笑紋位唔易積線；定妝後同皮膚融合得幾自然，但粉感較重 以我呢個油皮嚟講，夏天出街玩都唔使補妝，T區印一次油已經夠，真係做到長效控油👍🏻 整體持妝力高，定好妝就keep到全日 如果你都係油肌／混合偏油，呢支值得一試✅
<看全文>
Sophia好用推薦：在日本旅遊通常都會入手睫毛膏，一來液體眼妝產品更需要定期替換才衛生，二來日本品牌的擦頭較歐美品牌細適合亞洲人用。藥妝店產品多到簡直花多眼亂，旅遊時分秒必爭的情況下，有著@cosme第一位貼紙的OPERA Mylash Advanced睫毛膏立刻吸引了我的目光，沒有用過也毫不猶豫地放入購物籃！ 用後果然沒有失望～纖細的刷頭能輕鬆捕捉每一根睫毛，即使是下睫毛也能均勻塗抹，根根分明，完全不會結塊或蟑螂腳。溫水可卸的特性更是方便，卸妝時輕鬆不費力，卻又能維持一整天的捲翹，持久不暈染。對於追求自然妝感的朋友，OPERA Mylash Advanced睫毛膏是日本旅遊必買！
<看全文>L好用推薦：上網買，係夏天用完全唔會花，效果纖長自然，唔會結塊，可以keep到10幾個鐘，高性價比，抵買。
<看全文>
Siukam好用推薦：胭脂好好用，啲粉幼細，新手合適，仲附有埋個胭脂掃，出街補妝方便，同埋好出色。
<看全文>Ko好用推薦：最近係日本買左Canmake呢盒花花胭脂12號色。其實花花胭脂我差唔多六七年前就開始用。最近係日本買左呢盒佢嘅顏色偏橙啡，帶細細嘅閃粉，好適合日常使用。唔單止可以用嚟打喺臉頰上，仲可以當眼影使用，用嚟增加眼妝嘅立體感，顏色好自然，重點係可以match番胭脂嘅色tone同埋可以淨係帶一盒出去補妝。佢附咗一支掃，非常好用唔會吉，可以輕鬆地將胭脂均勻地塗抹係臉上。而且最驚喜係佢嘅價格，係日本買超級便宜嘅。而家個個都去日本想自己買揾人幫手都好方便xD。 圖1 用左個半月，日日用，未凹 圖2黃光燈下 圖3日光下
<看全文>
布吶吶好用推薦：💄 Cezanne口紅 #102 色號測評 🎨 顏色 呢隻色屬於豆沙裸粉色系，帶啲裸色底調，又融入咗柔和嘅豆沙色，再加一抹灰粉調，整體係好溫柔嘅氣質色！ · 薄塗：呈現好自然嘅淡奶橘色，似本身唇色透出健康光澤。 · 厚塗：豆沙玫瑰色更明顯，低調又有女人味，適合想提升氣色但唔想太誇張嘅日常妝。 ✨ 顯白效果 · 白皮：輕鬆襯出清新日系感，顯白又提氣色，好似自帶「打光效果」。 · 黃皮：有一定提亮作用，但效果無白皮咁突出，建議試上嘴睇吓夾唔夾自己膚色。 · 黑皮：要小心選擇，可能唔太顯色，甚至會顯得暗沉。 💦 滋潤度 配方加入橄欖油同蜂王漿精華，質地水潤輕薄，似有色潤唇膏。上嘴完全唔卡唇紋，即使唇部易起皮嘅人都可以放心用，唔會加重乾燥問題。 🎨 顯色度 顯色度屬中等，日常淡妝足夠用，能打造自然「偽素唇」效果。 · 唇色淺：一層已經均勻顯色。 · 唇色深：可能需要疊擦2-3層先完全遮蓋本身唇色。 ⏳ 持久度 · 飲水會輕微沾杯，但有一定染唇效果，正常飲食後嘴唇會保留一層淡淡底色。 · 相比其他滋潤型口紅，持久度算係中上，補擦頻率唔算高。 ✅ 總結 Cezanne #102 係
<看全文>Emily Leung好用推薦：倩麗cezanne潤彩唇膏 102 30多塊錢可以用物超所值形容！ 殼子雖然是塑料的但是還算挺精緻而且不會輕飄飄的！浮雕印花也很可愛！ 102算是豆沙奶茶色 提氣色又自然，非常潤澤有一種透明感 上唇是非常日系的光澤唇效果，飽滿豐潤 我塗的時候嘴巴比較乾沒用潤唇膏，也沒有起皮狀況（本身有明顯死皮還請清理) 它有輕微染色效果 擦掉是會留有底色的 （這個底色比較玫瑰粉）就算掉色也不會很尷尬！
<看全文>
Emily Leung好用推薦：完美真皮染膚精華—excel光感美肌精華粉底 今年第一款被妝效驚艷到的粉底液，藥妝店粉底里的黑馬產品，妝效遠超許多大牌，價格卻只是他們的三分之一。 🌟質地：為流動性較強的乳液狀，延展性好。 🌟妝效：光澤四溢水光肌，0妝感，裡面配合了鏡面因子上臉後多角度反射光茫，看起來肌膚透亮有光澤。 🌟持妝：一天幾乎不脫妝，暗沈這塊反正肉眼是看不出來的早晚基本沒有色差。平滑毛孔光滑肌膚的效果顯著，輕盈透氣。 🌟遮瑕度：中低，畢竟是裸妝效果，修飾膚色膚質比較明顯，有斑點和痘印還需要單獨遮瑕。 使用感受：水潤輕薄不油膩的質地太適用乾皮了，而且它的光澤感特別強，畫出來的妝效就是那種日本妹子年輕清透素顏的感覺。而且它的性價比之高真的令人震驚，這麼平價的一款粉底竟然有如此完美的妝效真的吹爆！
<看全文>YYeman好用推薦：Excel光感美肌粉底液轉季實測！水光肌神器開箱💦 轉季搞到塊面時油時乾，搵粉底真係頭都大！Excel呢支「光感美肌」聽講係開架水光肌之王，即刻同你開箱睇睇係咪真係咁堅！ 💡 一泵光澤爆燈 一泵出嚟已經見到啲質地水潤到爆，推開個下真係「嘩」出聲！個光澤感即時湧出嚟，唔係油光嗰種，係皮膚飲飽水嘅自然水光感。完妝個刻塊面睇落年輕咗五歲！ 🌪️ 轉季對策夠聰明 呢排天氣一時濕一時乾，用佢居然冇出事！兩邊面頰冇爆皮，T位又冇狂出油。個質地夠水潤但又唔會笠，居然做到水光得嚟又幾持久，估佢唔到！ ☀️ 水光持久度有驚喜 朝早化完妝，到 lunch 個光澤感居然仲喺度！只有鼻頭微微出油，但唔會溶到一撻撻。反而出少少油之後個妝感更靚，似係自己皮膚透出嚟嘅光澤咁！ 🚀 上妝秘技 推薦用濕粉撲快速拍開，個光澤感會最靚！如果想再持久啲，可以局部撲少少透明蜜粉，個水光感都依然會透出嚟。 真．用後感： 轉季期間想搵支平靚正水光粉底，Excel呢支真係交足功課！開架價錢但做到專櫃級嘅光澤感，仲要轉季用都冇投訴，今次真係抵讚！水光肌迷絕對要試～✨ #轉季#換季#水光妝
<看全文>
Noel好用推薦：Visee 眼影產品係信心保證，個人而收了好幾盒不同系列👍 老實說，Visee 不同系列的眼影，除了包裝 case 的分別外，眼影拼色、妝效、品質都大致相同，未入坑的靚靚挑 Visee 就對了❗最近子瑜還代言呢！ 驟眼看，以為眼影係四色 quard，打開有驚喜的第五個色🤣 眼影粉質幼細，觸感很滑。而右上的灰色底×銀閃色有 surprise，即使只用來單塗，已經超好看❣眼影粉壓得很實，不飛粉，平日快快化妝趕上班，用手指 apply 也沒有困難💖 基本上這款五色眼影，可以打造到兩個類似的眼妝。而最下方比較實的啡色更可用作眉粉／眼尾加長，真的一盒可以救全家，一物三用，爆CP值❗❗真的沒有時間化妝，我就帶著這盒衝出門👌
<看全文>橘子貓好用推薦：#BR-2 眼影摸着是軟糯粉質型的，順滑不卡粉、不結塊，易推開，顯色度偏高，可暈染疊色，以平價眼影來說，使用感不錯。 要說缺點的話，稍嫌左上一格的香檳閃粉色底色顯色度不足，會顯得閃片比較呆板單調。整個5色眼影可畫的眼妝風格變化不大，都是日常大地色系眼妝。而且，眼影持久度一般。 整體而言，在平價眼影之中算表現不錯，化妝新手友好，顏色適合的可以入手。
<看全文>