低敏配方 推薦好用產品

killkew.b好用推薦：CeraVe品牌由皮膚科醫生共同研發，專注解決不同的肌膚問題！ 呢款潤膚露特別在有水楊酸成份，有效為肌膚去角質， 同時可治療痤瘡、脂溢性皮炎、銀屑病、雞眼、毛囊角化症等。 我主要用黎搽腳部肌膚， 因為腳踭位同腳板底日日行路都會摩擦， 皮膚特別乾同粗燥，用過其他潤膚露都冇特別改善， 好快又會覺得乾！ 呢款潤膚露我覺得佢質地好夠厚身，保濕效果好長效， 朝早搽完夜晚感覺皮膚即刻滑左細嫩左， 同埋佢既罐裝設計令用家可以好容易使用， 咁大罐都係200蚊度， 其實真係好抵用！

Kathy Wai好用推薦：🌿 Innisfree 蘆薈能量面膜 冬季真實使用心得 ❄️ 轉季急救必備！ 香港冬天溫差大，皮膚時乾時痕，上星期鼻翼同面頰突然泛紅敏感，即刻摷返呢款蘆薈面膜出嚟急救！ 鎮靜保濕一敷見效 打開係滿滿嘅蘆薈精華液，質地清爽唔黏笠。面膜紙剪裁夠貼面，敷上臉一陣就有種「降溫感」。試過喺暖氣房焗完面紅紅哋敷15分鐘： ✔️ 即時鎮靜泛紅部位 ✔️ 補水力足夠但唔膩，適合怕黏笠嘅人 ✔️ 敷完皮膚觸感明顯柔軟咗 冬季護膚程序點夾？ 我通常會咁用： 1. 冬天夜晚沖完涼，毛孔打開時敷 2. 敷完將剩餘精華按摩吸收，直接上面霜鎖水 3. 每星期1-2次，作為保濕滋潤加強步驟 同其他季節嘅分別 夏天用覺得純粹補濕，但冬季皮膚不穩定時，佢嘅蘆薈成分真正發揮到鎮靜+補水雙重效果。特別係突然轉凍嗰幾日，敷完即時解決繃緊感！ 性價比小評 ✨ 保濕力：7.5/10（日常維持夠用，極乾肌可能要疊加護膚油） ✨ 溫和度：9/10（敏感期用都冇刺痛） ✨ 便利度：8/10（開袋即敷，5分鐘快速補水） 總結 如果唔追求功能性抗老美白，純粹想搵一款冬季日常保濕、成分溫和嘅面膜，呢款蘆薈能量面膜係穩陣之選。一盒

Kelvin好用推薦：Cerave長效保濕面霜適合夜晚使用，對我來講好溫和，完全唔刺激皮膚。而且佢通過咗敏感測試，所以我用得好放心，敏感皮膚同濕疹皮膚都可以用。質地好補水，唔算過分厚重，搽上面推開之後感覺水潤，好容易推開推均，然後都吸收得好快，表面就好似搽咗乳霜咁樣有保護感覺。水感面霜嚟講滋潤度幾高，但又唔會油膩，用完之後皮膚水潤彈嫩 價錢係$195/50g，喺藥房買會平多1x-2x，性價比唔錯！

Jasmine L好用推薦：由皮膚科醫生推薦我用呢款CeraVe產品，已回購兩支以上。我覺得呢款長效保濕面霜最特別之處就係唔會令皮膚黐立立，而又能夠起到修護同埋保濕嘅作用。 無論係朝早定係夜晚都會用佢，喺皮膚比較乾燥唔穩定嘅日子就搽厚少少，效果非常出色。

Kathy好用推薦：護髮素配合同牌子洗頭水用，滋潤順滑頭髮之餘，兼清爽不油膩！ 我個頭偏油，用後第一日蓬鬆度十足，用後到2日唔洗頭，頭髮都仲保持光澤又唔立！ 同洗頭水一樣，好香又唔俗！

PP好用推薦：棉片Size超大，壓紋面去油去角質，再用光滑面濕敷，滋潤皮膚紋理，size夠大兩三下就抹完面同頸，但記得要輕手啲，用完塊面好光滑😍 紅印都淡左，及後再搽護膚品都更加吸收！ keep住用左一星期，每日一次，粒粒少左，毛孔都細緻左，滑左好多～

winsomes711好用推薦：Covermark算是日本老牌品牌，十幾年前家人旅行一定會購買。 產品是精華粉霜，相對保濕，有奶油肌。顏色分作黃/藍色肌兩類，不建議盲買，因目測顏色是較深較粉，但上臉後是正常的，一定要到專櫃試色。 官方寫其遮瑕度是covermark底妝中遮瑕度最低的，但個人覺得已比一般粉底液好。而且價錢多年都沒怎麼加價，比一般歐美專櫃品牌便宜，cp值高。圖中為YN10,已用一半，希望盡快空瓶～

KumaXKuma好用推薦： 唯一一款粉底會好用到見樽底❤ 真心推薦比大家! 首先佢真係好保濕! 妝容可以keep 到6小時都唔溶。 然後成分十分天然，我會間唔中出暗瘡既皮膚都冇問題。 用左半年剩返好少，用完會再次回購!

JessicaB好用推薦：用後，皮膚油脂分泌、抑制粉刺、收斂暗瘡，更可以舒緩暗瘡所引起嘅紅腫同埋不適感，能逐步淡化暗瘡痘印，讓肌膚回復平滑光澤

onionnie好用推薦：上年夏轉秋轉天氣， 可以因為食控醣藥關係，用了很多隻精華， 都覺得好乾， 最後在這個品牌的臨時店他們的sales, 他們推薦用這個油加入cream 或 乳液 用， 試左之後覺得很神奇， 加一pump 入去之後很滋潤唔笠， 終於唔覺得好猛猛緊甘樣。

Poyobb好用推薦：之前工作因為壓力大手踭長出了乾廯，維持咗好多年都冇改善🥲試過市面上多個濕疹牌子嘅護膚霜，也不能治癒，而且對抗痕癢嘅功能也平平無奇。 Suubalm 既保濕乳、噴霧、沖涼液都有試過，對我嚟講最有效嘅係支噴霧，點解會試咁多？係因為見到新嘢就會即刻試，希望搵到隻啱用嘅令皮膚好返🫣噴霧嘅效果係超級見效，超快有薄荷冰涼感覺，反而會建議唔好噴太多，適量就可以，完全做到有即時止痕作用😻 佢嘅噴霧，除咗有薄荷成份，仲添加咗保濕護膚嘅效果，所以一支係有兩種功效，細細支好方便。 除咗濕疹、牛皮癬皮膚之外，夏天出國旅行、蚊咬或者突然間某啲位置脫皮都可以使用。可以去萬寧試一試，放咗tester出黎🫢

Paris merci 好用推薦：手腳經常俾蚊咬痕癢，尤其依排潮濕落雨好多飛蟲，冰涼噴霧一直巿用。 之前過曼秀雷敦嗰支，比較上黎Suu balm噴口集中啲，噴出嚟嘅水滴感重啲（曼秀雷敦水珠霧化啲。 冰涼感Suubalm強勁好多，仲幾持久，涼5分鐘，而且吸收得快不會立痴痴，而且有保濕效果，搽完之後即刻冰涼冇咁痕，真正舒緩皮膚，完全唔係坊間嗰啲冰涼水劑噴霧💕

Fng好用推薦：CeraVe 全效保濕精華水💦 質地似稀釋咗嘅精華液，推開後秒吸收唔黏膩，兩頰即刻有飲飽水感！香港夏天冷氣房測試8小時，完全冇繃緊，T區亦唔會泛油光，保濕力拍得住部分貴價產品。添加嘅三重神經酰胺確有修復效果，試過刷酸後泛紅，連續用3日明顯退紅，毛孔都睇落細緻咗～ ⚠️ 局限性 雖然保濕同修復效果出色，但功能較單一，冇抗老或美白成分，需要疊加其他功能性精華。瓶口設計較大，倒出時容易浪費🤫🤨，建議分裝到噴霧瓶使用～ 🆚 同價位產品比較 · VS Hadalabo白潤精華水：Hadalabo質地更濃稠，保濕極強但較黏膩，適合乾肌；CeraVe則清爽得多，混合肌夏天用更舒服～ · VS La Roche-Posay溫泉水：LRP溫泉水主打舒敏降紅，保濕力中等，更適合油性敏感肌；CeraVe修復屏障更全面，保濕力也更持久～ · VS Neutrogena玻尿酸精華水：Neutrogena較側重即時保濕，但持久度一般；CeraVe勝在長效修復，適合日常維穩～ 💡 使用心得 混合乾肌夏日可以當妝前打底，濕敷3分鐘再上粉底，貼服度大增！百零蚊超大支，頸部同手肘一樣用得，性價比超高～ 推薦度

Wkk好用推薦：有美白功效，要keep住用先可以保持到美白的效果，比較適合夏天用

Poyobb好用推薦：Cerave facial moisturiser lotion產品用過，但最經典嘅moisturiser lotion系列反而未用過，一樣濕疹敏感皮膚都用得。 依排轉季夏天用嘅乳液唔夠補濕，但因為我係一個好容易生暗粒嘅混干肌，揀乳液嘅時候都要謹慎 首先佢係有237 mL同475 mL兩個選擇，兩罐都好大支有排用，都好抵用。佢嘅質感係偏稀嘅乳液，上面嘅時候係好水潤推開晒都好容易吸收，係偏水潤感重嘅乳液。依款亦都有添加神經醯胺、透明質酸、B3，可以修復皮膚屏障，對於我呢種容易起暗粒嘅皮膚，皮膚狀態會比較穩定。用咗一段時間都冇特別敏感，或者爆暗粒。因為佢係純保濕配方，你可以疊加任何嘅精華配搭都得，萬用方便💜 另外，貪方便去旅行一支過，可以用做搽面同身體乳液都得。 但因為我對氣味都比較敏感，依款乳液嘅味道都有啲強，搽上面就會有嗰陣乳液膠味，搽上身體就冇問題，呢一點我有啲唔鍾意。如果搽面用返Facial系列pm會較好🥰

Khloe好用推薦：神經醯胺、透明質酸同甘油都係大家都知補水成份～所以無特別嘢講就講下質地🤣🤣（怕笠必試！）皮膚一到冬天就好乾燥，本身怕黏笠好怕搽完周圍Hi到 呢隻lotion做到快速吸收，通常沖完涼搽手腳同臉，Keep到第二朝瞓醒覺（至少無生暗瘡先！） 岩岩搽上去即影⬆️大概1-2分鐘後⬆️ 摸落仲係滑既😚 佢仲要無香料成分，唔會同髮油/沖涼液嗰啲味撈埋一齊

Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！

Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。 

Emma好用推薦：呢款cream係無添加香料、酒精與 Parabens 防腐劑，敏感肌、濕疹肌、甚至做完醫美後脆弱既皮膚都可以安心使用 質地： ❤️厚實卻不黏笠既乳霜 易推開，唔會泛白，唔需要來回不停搓先吸收到。 佢推開後吸收速度很快，會轉化為一種清爽、帶有微潤感但絕不黏笠既保護膜，保濕續航力極高。 ❤️夏天成日去角質，但唔小心過度去角質或過敏而導致屏障受損、泛紅、脫皮既皮膚，呢隻cream就提供非常強大既修復力。 我會連續厚敷幾晚，明顯感覺到皮膚不再刺痛泛紅，變得穩定 ❤️一罐多用，性價比極高 可以用於臉部，仲可以全身塗抹（手肘、膝蓋、腳踝等粗糙位效果超明顯） ⚠️ 缺點 質地偏厚重，油肌夏天用可能過潤 雖然標榜清爽，但對極油肌、油痘肌喺香港炎熱潮濕既夏天來講，有可能會焗。夏天建議局部使用，或改用質地更輕盈的「清爽保濕乳（Moisturizing Lotion）」，但呢隻對於我黎講唔夠用 ⚠️大開口罐設計，唔夠衛生 用一次，我面珠啲乾細紋即刻唔見😱圖為面部微距鏡影的

莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！

Wongwong好用推薦：多謝@cosme抽中試用。 乳霜嘅質地比乳液厚實，但一推就開，而且好絲滑，好易吸收。搽完之後，會feel到肌膚好保濕。 保濕持久度⭐️⭐️⭐️⭐️ 第二日瞓醒都保持到嫩滑水潤嘅肌膚，有效解決乾燥同皮膚粗糙嘅情況。佢嘅質地水潤，適合每個季節使用，夏天用都唔會黏笠。 同平時嘅乳霜相比，佢唔會黏笠，亦都好易推開，保濕度高，好滋潤，皮膚變得嫩滑，亦都唔使擔心敏感嘅問題。 會再回購💕#火熱新品

Jan好用推薦：#火熱新品 軟糯的米麻薯質地，很好推開，吸收速度特別快塗完不用乾等，直接穿睡衣也不會粘布料、粘被子完全沒有厚重悶膚的油膜感，對我這種怕黏膩的人太友好了！

Jcxjessie好用推薦：今次用咗嘅係CeraVe 全效保濕修護精華 咁呢我通常都係洗完面用完爽膚水然後就會搽精華。一擠出嚟嘅時候呢，見到佢係白色有小小似cream，感覺有少少厚身，但係呢又好容易推開，推開咗之後有少少似Gel狀。 我本身係乾性皮膚，有時候會乾到出油。今次用咗呢支精華之後呢，佢嘅質地好清爽，用完之後覺得啲皮膚好柔軟同埋好滑，而且冇出油脂粒。用完之後我全日都冇出油冇敏感，做到長效鎖水，滋潤到我嘅肌膚。

Tobimak好用推薦：我會形容佢為敏感皮膚人仕的救星，佢質地似乳霜，無香味，簡簡單單咁。 我呢排皮膚有少少敏感泛紅，用左佢3日之後症狀明顯舒緩左。 佢價錢親民，敏感肌sis可以閉眼入手。

CLS24好用推薦：行過藥妝店見有呢支平價胺基酸系列就試試！先由懶人最愛既泡沫濕面產品試起！泡泡泵出來都算綿密，通常用2-3泵就可以揉全面！過水後冇殘留感，保濕，不乾，無刺激！我通常朝早用，都幾舒服！

格仔餅公主好用推薦：佢個好用法係洗得黎好乾淨 ，講緊夏天出哂汗跑完再用佢都有乾淨感覺，但又keep到皮膚水油平衡，當然懶人最愛一揼就用得都係方便又加分啦

Bendict好用推薦：因為之前皮膚狀態實在太差 試過好多款唔同牌子嘅防敏感配方 有日本牌子同歐美嘅牌子 效果都係唔理想😿 唯獨呢一支修復乳霜 我用咗大概兩星期 配搭佢嘅B5萬用修復箱 效果係好顯著 皮膚狀態穩定咗好多😸 第二係減淡紅印 呢支修復乳霜 效果十分好👍😺 之前有嘅閉口粉刺 亦都鎮靜咗好多 皮膚緊緻同淡紋效果好好 雖然有啲貴 但如果有敏感 或者皮膚狀態唔好 真心推薦呢兩支產品💪 呢支產品我俾100分 值七粒星😼😼

cheng2001好用推薦：濕疹敏感肌here～ 因為又又又濕疹發作，咁自己之前都有用la roche精華覺得唔錯，但係今次洗臉/用化妝水都會拿… {(-_-)}所以就搵緊d cream product用。 使用感：自己就單塗呢隻抗敏cream係濕疹位，因為自己濕疹位真係好乾燥，差不多隔一至幾個鐘feel到少少乾燥感就塗多次，如果一痕又會再塗少少。如此類推，用左2日就好快已經淡左紅同有好轉，止痕效果相當出色，保濕不錯。 總結：非常推薦臉部濕疹敏感肌！

Kathy Wai好用推薦：呢罐 CeraVe 水楊酸煥膚潔膚露，質地真係幾特別。 佢唧出嚟係透明啫喱狀，冇乜香味，加水之後唔會話勁多泡，只係有少少好微細、好柔和嘅泡泡（想多泡可以用起泡網）。沖水嘅時候會有一種「滑潺潺但又唔係洗唔乾淨」嘅感覺，好舒服。 我自己用後感分享： · 第一週最見效：鼻翼兩邊同下巴原本有一粒粒鞋十十嘅顆粒（即係閉鎖性粉刺），摸落去平滑咗好多！化妝都冇咁易浮粉。 · 最驚喜嘅地方：雖然有水楊酸，但完全唔乾唔繃緊。因為佢有 CeraVe 招牌保濕成分，洗完塊面係保水、少少透光嘅狀態。 · 身體都用得：攞嚟洗背脊嘅暗瘡效果好好。 要留意嘅小地方： · 如果慣咗洗完面要「澀澀乾乾」嘅感覺，呢罐你會覺得好似洗唔乾淨，但其實佢已經清潔完㗎喇。 · 建議一個禮拜用 2-3 次就好（尤其係頭幾次），唔好日日用，免得過度去角質。日頭一定要做好防曬。 ✅ 優點 1. 溫和唔繃緊 有三重神經醯胺，洗完面摸落去係保水、柔軟嘅觸感，唔似一般酸類洗面乳會乾到脫皮。 2. 粉刺顆粒感明顯減少 持續用一個禮拜左右，鼻翼、下巴嘅閉鎖性粉刺會變平滑，摸落去唔再一粒粒。 3. 身體都用得，CP值高 攞嚟洗背脊暗

Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛

LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 細軟易塌受損髮 質地 : 濃稠乳狀 香味 : 用既時候散發出淡雅芳香的氣息🥰 滑順度 : ♥♥♥♥ (以指尖撫過 就可以充分感受從髮根到髮梢既柔順服貼) 效果: 以前我既頭髮好容易一到下晝就開始油笠笠 塌塌哋 用咗LUX 呢隻角蛋白氨基酸洗髮乳之後 一整天頭皮都超清爽😊😊 用咗佢令啲頭髮恢復既有既彈力同光澤 視覺上睇起嚟更有質感🥰 下圖為行咗半日山後影既 頭髮都仲keep到咁 真係多得呢隻LUX 既 Smoothener 洗護系列 當然仲要多謝@cosme 好介紹 否則都唔會知有呢款咁好既頭髮洗護產品 價錢親民🫶 效果又顯著👍  P.S. 分享@cosme 提供既護理頭髪小秘笈: 原來使用護髪素前要先去掉頭髪上殘留既水份 咁就可以幫助護髪素滲透 更好吸收架

mandy好用推薦：LUX - 角蛋白氨基酸豐盈柔順護髮素 適合細軟易塌受損髮質使用, 以角蛋白氨基酸修復及滋潤受損秀髮。 護髮素的重點在於選洗髮乳是看頭皮(scalp)的情況, 而選護髮素則是看髮尾如何。 例如: 乾性頭皮需要用保濕滋潤型的洗髮乳, 可是油性髮尾要選輕盈、平衡及強韌的護髮素。 適合的洗髮乳及護髮素不一定是用同一個系列。 個人來說, 比較適合使用保濕滋潤型的 膠原蛋白氨基酸保濕滋潤洗髮乳及強韌髮絲、 修護乾旱受損髮的乳木果油氨基酸強韌防斷護髮素。 由於本身頭髮不是細軟易塌的類型, 所以冇咁適合用角蛋白氨基酸豐盈柔順護髮素。 大家記住要好好選擇洗髮乳及護髮素。 -香味清新淡雅, 不會過於濃烈 香味不明顯不代表不好, 有時候香味太濃烈, 未必人人接受到。 如果喜歡較強烈的花果香味, 可以使用有花果香味的護髮噴霧增香。 -質感:  偏清爽水感的乳液狀質地, 延展性佳, 比同系列洗髮乳稍為滋潤,  使用後不會令頭髮變油變笠, 而且富彈性不易扁塌。 -成效: 本身髮量多、頭髮較粗。 平時為了令頭髮變得柔順易梳理, 我會很依賴髮膜。 在試用角

Luna好用推薦：Hair Recipe 米糠洗髮露（生薑檸檬） 嘅真實用後感 質地＆氣味 · 係透明啫喱狀，流動性高，好易起泡。 · 薑味唔攻鼻，檸檬味偏清新，沖完涼頭髮有陣淡淡果香。 洗嘅感覺 · 去油力幾強，沖水時會覺得頭髮有少少「澀」同乾，唔滑捋捋（因為冇矽靈）。 · 建議一定一定用護髮素，如果唔係乾性髮質會打結打到喊。 用咗一個月左右嘅效果 · 甩頭髮方面：有人話甩少咗（尤其洗頭時排水口嘅頭髮量減少），但唔係個個得，視乎體質。 · 頭髮狀態：頭皮清爽咗，冇咁易出油，髮根有啲企身，唔會咁扁塌。 · 缺點：如果本身頭皮偏乾或有濕疹，呢支可能會太乾刺激，要隔日先用。 總結建議 · ✅ 適合：油頭、幼髮、想防脫髮嘅朋友（夏天用特別爽）。 · ❌ 唔適合：乾旱受損、漂染後、敏感頭皮。 · 💡 小貼士：只洗頭皮，頭髮絲輕輕帶過就夠，重點護髮素揸髮尾。

Tobimak好用推薦：呢支洗髮露帶有清新的生薑檸檬香氣，洗頭時聞落十分舒服，令人感覺自然放鬆。 使用後頭皮沒有敏感反應，佢成分溫和不刺激，清潔力恰到好處，能洗得乾淨同時保持頭髮的輕盈柔順，不會過度乾澀。👍🏻 整體而言，這款洗髮露兼顧香氣、溫和與潔淨，特別適合敏感頭皮人士。不過包裝若能改成泵裝會更方便，濕手時更易控制用量。