酸類保養 推薦好用產品

killkew.b好用推薦：CeraVe品牌由皮膚科醫生共同研發，專注解決不同的肌膚問題！ 呢款潤膚露特別在有水楊酸成份，有效為肌膚去角質， 同時可治療痤瘡、脂溢性皮炎、銀屑病、雞眼、毛囊角化症等。 我主要用黎搽腳部肌膚， 因為腳踭位同腳板底日日行路都會摩擦， 皮膚特別乾同粗燥，用過其他潤膚露都冇特別改善， 好快又會覺得乾！ 呢款潤膚露我覺得佢質地好夠厚身，保濕效果好長效， 朝早搽完夜晚感覺皮膚即刻滑左細嫩左， 同埋佢既罐裝設計令用家可以好容易使用， 咁大罐都係200蚊度， 其實真係好抵用！

Cheung2好用推薦：呢支洗面係今年最愛嘅洗面沒有之一🥇 呢個牌子係主打天然品牌，主要產品係護膚品同身體護理，身體護理產品有好多唔同香味，而護膚品主要就係草本療癒嘅味道🌿，令人心情放鬆💆🏻有少少似平價版嘅Le Labo 呢支洗面唔單止味道好舒服，洗完面之後乾淨得嚟又唔會繃緊，身為乾肌嘅我真係超級鍾意，媲美專櫃品牌☺️ 貨size有分60 mL同120mL裝，唯一美中不足就係個泵頭設計，我用到一半，個泵頭就壞咗，要買過個樽🙃 回購嘅話都有refill裝可以買，環保得來又抵用啲👍🏻👍🏻

Kura好用推薦：值得無限回購嘅一款面膜，袪痘效果真係一流，特別針對初生痘痘，但係價錢偏貴

zetalhc好用推薦：我個人很喜歡呢個pad，可以即時保濕及鎮靜。係爆暗瘡嘅地方敷10分鐘係可以消炎同減退泛紅，而且唔刺激皮膚，會一直回購！

lingbb好用推薦：- 15%果酸及水楊酸一步溶解多餘油污及黑頭，即時疏通毛囊、去除過剩角質死皮，使後續護膚精華更吸收，重拾細緻零毛孔。 - 對我黎講好方便而且效果幾好，因為我係好唔鐘意去美容院針清，戴口罩關係下出多咗油，黑頭都多咗， - 我會局部查鼻清黑頭，佢亦可以全面查去角質，要等10分鐘後先會再用其他精華，始終佢係果酸。 -使用後皮膚更白淨﹑有光澤，後續精華都快吸收。 - 而且生完既暗瘡快好返👍🏻

WSY好用推薦：用咗一排真係有覺得皮膚滑左，用完呢支在用同系列嘅面霜，皮膚好快就變得好似雞蛋咁！

Sarah好用推薦：有水楊酸成份，可以去角質嘅一款潔面泡泡，清潔力還可以，可以起到好多泡，但對於暗瘡有無效就不太清楚。

JessicaB好用推薦：用後，皮膚油脂分泌、抑制粉刺、收斂暗瘡，更可以舒緩暗瘡所引起嘅紅腫同埋不適感，能逐步淡化暗瘡痘印，讓肌膚回復平滑光澤

Also melon好用推薦：精華整體感覺非常保濕，成分比較天然，質地偏水狀，一泵即整個面部足夠使用，使用後完全唔會黏膩。尤其呢排冬天朝早用完洗面膏都比較乾，當搽咗精華之後，皮膚會變得水潤，睇落好有光澤感。而且精華擁有補水和修護功能，可以令到皮膚更加穩定，冇咁容易甩皮泛紅，改善咗紅血絲嘅情況。 精華很快被皮膚吸收，呢款精華有唔同大小嘅透明質酸分子，容易滲透入皮膚，即時保濕。作為打底，真心感覺唔錯☺️

綺羅香好用推薦：非常感謝@cosme登錄咗 factiv呢個本地牌子，雖然我只係幫襯咗短短兩年多啲啲，但睇住factiv 由最初嘅網店到上架再到有自家門市，依家仲可以係@cosme 度見到佢嘅名出現，有種老懷安慰嘅感覺😂 扯得太遠喇，都係講返件產品，factiv 係一個b2b知我深受暗瘡困擾而介紹俾我知，當時因為見價錢唔平（幫襯咁耐發現factiv 無加過價，真係良心企業😭），並無即時落單，後來用過幾隻精華都唔得，就把心一橫買幾支試試，當時NIA10係叫B310+NAG，後來改版先叫NIA10（以有效成分命名，所以有啲難記，佢嘅網站有詳細介紹），深黑啡色帶滴管嘅膠樽，開口有特別嘅卡套夾實滴管，確保精華衛生，而且一㩒滴管出嚟都啱啱好一次全面分量，全透明水狀液，無任何氣味，如果臉上面有傷口會有少少刺激性，唔建議針清後搽佢，非常好吸收，當時我用咗一個禮拜，就發覺塊面少咗暗粒，用多兩個月左右，暗瘡爆發率比未用時降低9成左右，皮膚平滑咗好多，化妝時非常感動🤧，終於唔駛點用遮瑕膏掩蓋，呢兩年我一直堅持用呢隻精華（間中都會停用😅，因為想試新嘢），計埋舊版用咗起碼用咗10支以上，而且factiv設有回收機制，網購送貨

Emily Leung好用推薦：Cerave SA水楊酸煥膚潔膚露 冬季護膚心得分享 ❄️ 身為一個香港人，每逢冬天真係好考驗皮膚！天氣又乾又凍，我本身係混合性肌膚，T字位易出油又有少少暗粒，面頰就偏乾，搞到護膚好頭痛。最近試咗Cerave呢支SA水楊酸煥膚潔膚露，用咗一段時間，同大家分享下喺冬季嘅使用感受～ ✨ 質地同使用感： 透明啫喱狀，唔算好厚身，好容易搓到泡（建議用起泡網，泡泡會更綿密）。上臉感覺好柔滑，唔會過度摩擦皮膚。雖然係水楊酸潔膚產品，但完全冇嗰種「刷緊層皮」嘅乾澀感，沖水後皮膚係濕潤軟滑嘅，冇即時繃緊，呢點對於冬季護膚真係好重要！ 💧 保濕同修復效果（重點！）： 老實講，我一開始都有擔心，冬天用含水楊酸嘅潔面會令皮膚更乾。但呢支嘢驚喜在，佢加入咗Cerave招牌嘅神經酰胺同透明質酸，清潔同時補水同強化皮膚屏障。 用咗之後，我最明顯感覺係： 1. 保濕力足：就算而家咁乾燥嘅天氣，洗完面後皮膚仍然保持水潤感，唔會「拮拮緊」，後續搽toner同精華都吸收得快咗。 2. 修復屏障：我之前因為轉季，面頰有少少泛紅同甩皮。持續用呢支潔膚露（每晚一次），感覺皮膚嘅「抵抗力」好咗，冇咁易因乾燥而痕癢或不適，泛

Kelvin好用推薦：Cerave水楊酸洗面出名，清潔到位👍🏻透明流質，加水會起泡，用嘅時候有少少臭味，但係可以接受，洗完皮膚會變得好滑，但唔會太乾，清潔力強。我嘴唇附近位置比較敏感，用完都唔會特別紅或者甩皮。 網上面有人教其實係可以用嚟洗頭或者洗身體有味嘅地方，去異味幾好，洗頭頭皮有啲乾，但一枝身體任何地方都可以用，一樽有473 mL，大枝萬用🤩 買依枝水楊酸其實係想洗走我身上面嘅毛囊炎，又咁梗係上網教我咁樣洗係有效會慢慢退，但係我都用咗大半支見無特別大嘅效果，可能真係天氣太熱，或者感覺上可能水楊酸0.5%程度太低，想試佢另一支有2%既。

Mani Tso好用推薦：超正，從未試過有產品令我一搽即愛上。 深色痘印真的有減淺，搽上面有絲滑感覺， 第一次買30ml未用完都急不及待再買定支100ml， 本身痘痘算嚴重又多痘印，相信會一直用落去。

Kura好用推薦：超級無敵好用嘅面霜！我已經回購無數次，有痘痘搽佢會好快就退，同埋佢去痘印，千年黑色素都超有效，但真係要好耐心咁晚晚搽，我唔會全臉搽，只會係臉上有好嚴重問題嘅地方搽佢，無香味質地係好滑嘅cream，搽上臉好容易推開，亦都好快吸收，係真實有效嘅一款面霜，超級推薦俾大家，如果有痘痘黑色素沉澱用佢真心得！我已經由佢出30ml買到100ml，之後都會繼續回購，因為真係一年四季都啱用 #夏日必備保養

Sandy好用推薦：[穩定夏日肌膚] 心得 洗面露泵一下已足夠清洗全臉，洗完即時感受到清爽零黏膩，水楊酸溫和帶走皮垢同時保持肌膚柔軟，T位毛孔明顯清潔乾淨🥳 鼻翼位，下巴同額頭油脂粒明顯減少， 香港夏天又潮濕又高溫 皮膚好容易出油脂粒, 加上成日都需要化妝 我屬於 50+成熟皮膚， 用咗呢支洗面膏之後 皮膚透白 😄改善咗暗沉 😃 減少油脂粒， 洗完面可以吸收更多到精華素💪 避免浪費 敷mask更加容易吸收👍 分享畀大家好物👍

momojo好用推薦：無香精味，比想像中起得多泡，無用網都搓到 用完好滑！一星期用一兩次左右，只作洗面

Lydia好用推薦：Product: Paula's Choice 2%水楊酸精華液 呢支精華液係我專門買嚟對付暗瘡同粉刺問題嘅(一直都受嚴重暗瘡問題困擾)，用咗大概兩三個月左右。 質地同使用感：佢係流質嘅精華液質地，有少少似爽膚水，拍上臉之後吸收得幾快，唔會笠痴痴。因為我一向都有用開酸類產品，所以直接用呢支都冇出現敏感或者刺激嘅情況，但有時天氣好乾燥嘅話上面嗰下會有少少揦。 抗痘效果：用落最明顯嘅感覺 係塊面真係平滑咗同緊緻咗。尤其係第二日起身摸塊面，會覺得皮膚冇咁粗糙，毛孔睇落好似冇咁明顯。暗瘡同粉刺嘅生長速度感覺上慢咗，就算生都冇之前咁嚴重，復原得比較快。暫時用過咁多抗痘類產品呢支係令我最有感嘅。 不過我都聽過朋友講，話呢類產品用用下效果會冇一開始咁明顯，或者係用得太密可能會令皮膚屏障受損。暫時用咗兩三個月嚟講效果都仲keep到，但都會繼續觀察皮膚狀態，睇下有冇需要調整用法。 總結：整體嚟講，我覺得呢支精華液對改善暗瘡肌膚同粉刺問題係有幫助嘅，特別係用咗之後皮膚變得平滑同緊緻呢點幾明顯。但係用嘅時候真係要注意頻率同皮膚反應，可能唔好一開始就用得太密，等皮膚適應咗先慢慢調整。

Kmggigi好用推薦：Paula's Choice 水楊酸煥采精華液係一款專為對抗粉刺同暗瘡設計嘅明星產品， 效果顯著，但使用時需注意肌膚狀況！ 呢款精華液內含水楊酸(BHA)， 能深入毛孔有效溶解多餘油脂同堵塞物， 持續使用可以顯著減低粉刺同暗瘡， 同時幫助改善粗糙膚質，令肌膚變得更加細緻光滑。 精華液採用輕盈清爽嘅質地，上臉後算容易吸收， 唔會有黏膩感，用喺油性肌膚上特別舒適， 係對抗毛孔問題嘅理想選擇。 雖然效果顯著，但如果肌膚屏障受損或者屬於乾性肌膚就唔建議使用， 因為水楊酸有可能令乾性肌膚感到更緊繃或者引起敏感 建議先確認肌膚健康狀態，再按需使用， 以免對皮膚造成負擔。

shadow影子好用推薦：化妝棉容易使用，直接攞起用嚟抹面就OK ，唔會刺激皮膚，有效減低暗瘡，去除角質層好幫手！

Hazel好用推薦：好用，塊棉片夠濕潤，有舒緩鎮靜效果，用嚟去角質暗粒一流，用完之後暗瘡都生少咗。

Fng好用推薦：Cetaphil三重溫和煥膚酸潔膚啫哩 這支標榜「溫和煥膚」的潔面產品，在配方設計上呈現出開架品牌罕見的矛盾智慧，對香港夏天的熟齡混合肌來說，是吸晴。 配方解構：溫和背後的計算 •三重酸複合：甘醇酸+乳酸+檸檬酸，理論上涵蓋水溶性与脂溶性代謝 •pH值3.8：刻意調至有效作用臨界點，較同價位Neutrogena水楊酸潔面（pH4.5）更進取 •無皂基+保濕因子：試圖平衡酸類刺激，但停留時間不足難以發揮修護作用 顛覆性使用技巧： 1. 30秒定律：濕臉後按摩不超過30秒立即沖淨，超越即引發緊繃 2. 分區精準清潔：重點按摩T區與下巴，兩頰快速帶過 3. 頻率控制術：夏季每週2-3次晚間使用，冬季降至1次 實測體驗： 在35度高濕環境下，其清爽的啫哩質地確實帶來瞬間降溫快感，洗完當下毛孔視覺收細明顯。但對熟齡肌的兩頰偏乾處，即便嚴格控制時間，仍會產生微刺感——證明其「溫和」僅相對傳統酸類產品而言。 同價位比較： •勝CeraVe水楊酸潔面：清潔力更透徹，適合油脂分泌旺盛期 •敗La Roche-Posay Effaclar：後者的鋅成分控油更持久溫和 💥注意點： 1. 絕對禁止

小Man好用推薦：買呢枝洗臉係睇中佢有三隻酸，水楊酸，杏仁酸，葡萄糖酸，係最溫和嘅酸，加上佢寫住日日都可以用，就買嚟同老公一齊用。呢枝潔膚啫喱無香味，起泡力強，洗得乾淨，最大感覺係洗左近兩星期左右，下巴摸落去滑左，無咁多粒粒，但鼻翼位置感受無咁大，希望持之以恆會可以成面滑lulu 。#火熱新品

Gloria好用推薦：多謝JOSERISTINE and @cosme 的皮奧寧袪痘系列試用活動。 這次一套三件裝，不論是消炎膏，清爽乳液，面膜都有各自的功效，能夠一同使用相信係最理想。 我根據使用說明，在潔面後，將適量強效消炎膏塗於痘痘患處，隨後於全面及頸部塗上清爽乳液。 第一次使用時，當然未有袪痘效果，但這支清爽不稠稠，易吸引的乳液對我來說滋潤度不足夠，最初使用時會乾到痕。但之後有敷面膜，增加皮膚水份後，慢慢地就接受到這支乳液，不再痕癢。 我一向都想要清爽的面霜產品，但往往都滋潤力不夠，最後都會轉用滋潤度足質地效厚重的產品，但夏天焗熱時，就會很難受。 今次的試用，因為想好好填寫用後感，所以就算乾癢都堅持用下去，結果發現自己能夠適應，使用到質地清爽型的乳液，對我黎講真係意外的大發現，今個夏天會繼續使用落去。 前後圖這是試用活動期間的皮膚變化，因為痘印太多，看落變化不大，不過這個皮奧寧袪痘系列，我覺得最主要是針對皮膚上新長的痘，令痘痘快速消炎治癒，不留痘印，痊愈了就看不到，只看到舊的痘印囉。 這系列產品，比較有針對性，特別適合夏天，天氣悶熱，皮膚容易出油生痘痘時使用，等皮膚痘痘問題解決，再處理其他皮膚問

Sogno夢好用推薦：多謝COSME 給我試用機會, 今次試用產品是皮奧寧袪痘清爽乳液 乳液成份有來自日本針對痘痘的皮奧寧成份, 有強效抗菌作用, 有效鎮靜及舒緩痘痘, 減退發紅。其他份包括茶樹油, 透明質酸, 水楊酸, 舒敏佳, 神經醯胺3。主成份可以淡化痘痘, 預防痘印, 防止發炎及控油, 適合有暗瘡困擾的肌膚。 消炎膏有100ml , 正價約HKD143 , 建議在每次爽膚水後使用, 是護膚最後步驟。 以下個人使用心得是配搭了同系列的面膜及乳液後的效果, 會盡量評價面膜的單獨功能和感受, 另外的兩個品項也有單獨再有心得。 首先乳液質地相對濃稠厚重, 是比較像乳霜的感覺, 如果臉上沒有保持濕潤, 並不好推開。乳液有一陣藥草的味道, 帶一點苦澀, 不算刺鼻。一開始搽上面會覺得比較厚, 稍有黏稠感, 但幾分鐘後就會消失。 等乳液完全吸收後, 感覺有彈潤保濕, 第二朝起床後T字位置的油份有所減少, 平時油份分泌也感覺少了, 水油平衡做的不錯, 痘痘位置紅腫亦漸褪。 希望我的分享可以幫到大家。

Kakar好用推薦：呢支係NARS既妝前底霜，佢係帶少少珠光，做到提亮效果。 我鐘意佢有防曬功能，日常外出都可以保護皮膚。 岩岩搽完果下，佢係比較帶濕潤既感覺，好令面。乾左之後，係陽光底下，睇得出搽左底霜既位置係特別有光澤，而且係自然既光澤，唔係油笠笠。我都十分推薦呢支妝前底霜，因為佢可以提升整個妝感。

Karman28好用推薦：佢唧出黎係粉紅色，推開係帶珠光色既，好鐘意呢個妝前乳，好似會令個妝容bling bling d 。

Gloria好用推薦：好開心可以得到cosme X 毛孔護理專家Benefit PORE CARE毛孔護理系列-滑溜毛孔去角質粉嘅試用呢個滑溜毛孔去角質粉嘅使用好簡單呀，好容易就可以起到泡，可以佢根據自己平時嘅習慣去使用。可以就咁加水用又或者加落洗面奶度用，咁我自己就鍾意加落去洗面奶嗰度，每個禮拜可能做一兩次嘅磨砂。 佢雖然係粉粒狀，但加水可以完全起泡，唔會感覺到磨砂粒粒係面到，而且洗完唔會覺得乾燥，可以好容易就同皮膚做去角質，步驟亦都唔多。用左兩星期後，原本我下巴有好多閉口嘅暗粒，平時好難清潔到，結果用咗呢個系列之後就清除咗好多角質，粒粒嘅污糟嘢終於可以浮到出嚟。 始終磨砂呢一個禮拜只可以做一至兩次，而呢個試用期就只有兩個星期，我都係用咗好少次，我覺得效果真係耐少少先可以體驗到。不過佢磨砂粉末會融解起泡，不刺激不傷皮膚，用的時候加落洗面奶一齊使用，可以好簡單就為皮膚做定期去角質。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 今次試既係滑溜毛孔去角質粉（毛孔打磨粉），先講下佢既質地😊佢由3款唔同既粉末組成，磨砂粉質地極幼細，真係超！幼！細！！😲我起完泡既時候，用手指感覺唔到磨砂粒粒。直至放喺面頰磨個陣，先感覺到好幼細既砂粒👍🏻好啱敏感肌使用! 而且呢個磨砂粉係可以自行調較唔同的磨砂強度。如果想溫和地去角質，加多d清水起泡，質地會更綿密；如需要加強去角質的效果，就加少d清水，令質地濃稠d。除左單用之外，亦都可以將去角質粉加到洗面膏用，自製磨砂洗面膏👍🏻👍🏻👍🏻用完之後覺得呢個磨砂同平時用開個d好唔同，唔會刺激皮膚，用完塊面冇痛既感覺，亦都唔會崩崩緊、乾到裂開。雖然性質咁溫和，但佢能夠有效去除角質。我既皮膚明顯有改善，唔單止膚色變得亮白，早排暗瘡同暗粒爆發🫨用完磨砂謝得好快，2,3日就收晒！去左角質之後，暗瘡印都消得快d✌🏻毛孔同時變得緊緻🫶🏻適合各種肌膚使用。

jhope0725好用推薦：雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~

Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅

何何好用推薦：被某youtuber燒到，係hktvmall搵到有得買即入手一支。本身想用佢消除上手臂粒粒，同均勻手臂膚色（因為手臂晒後唔識白返好傷心……），我用左佢斷斷續續有大半年，但未見有大改善……佢單價唔平，而且滋潤度不足，只夠夏天用，沒有太大香味，如果份量用得太多，會顯示笠痴痴，份量不能用太多。 相信未必會回購了

SKY好用推薦：從圖片就可以明顯看出來，這款身體乳比果酸的那款薄很多，水楊酸這款是把蓋子打開就會自己流出來，果酸那款是要擠壓瓶身才會出來，幾乎沒有流動性。因為流動性佳，很好抹開，所以很容易就可以擦好乳液，省時省力。 香味明顯，是一種類似益力多的酸甜味。 因為是酸，所以如果皮膚有小傷口不小心抹到的話，會痛不欲生🫠 黏膩感不重，算是輕薄，也很快吸收。 原本的購買原因是期待可以改善皮膚的顆粒感和關節處的暗沉，一條用下來顆粒感有用就有改善，沒用的那天就恢復原狀，暗沉方面效果不明顯。一條單價偏高，所以應該不會回購了。 *結果還是回購了，因為真的有減少胸前的顆粒感，還有清爽不黏膩。效果不持久的部分只好透過每天努力使用去應對了～