專櫃彩妝 推薦好用產品

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

Fng好用推薦：身為混合偏乾肌，喺香港又濕又熱嘅夏天搵面霜，簡直係挑戰。SK-II呢支SkinPower精華霜，網上評價好兩極，有人讚佢修護力強，有人話太潤。親身試用後，我發覺： ▶️質地同膚感： 佢係奶霜狀，質地軟滑，推開後滋潤感明顯，但唔算厚重。吸收速度中規中矩，完成後皮膚會留有一層滋潤膜，手感軟滑，但絕非清爽啞緻。 ▶️保濕修復力：👍👍👍👍 (出色) 呢方面確實交到功課！無論冷氣抽乾一晚，還是皮膚有啲唔穩定、泛紅，佢嘅修護效果都幾顯著。第二朝醒來，皮膚依然保持軟嫩，冇繃緊，兩頰乾燥位明顯被撫平，整體膚色同飽滿度都有提升。呢種修護力，係平價產品好難做到。 ▶️夏日適應度：🤔 (要技巧，未必人人接受) 呢點係最大爭議！香港30幾度+90%濕度嘅日間，用佢真係太潤，後續搽防曬或底妝好易有「冚住」同「黏膩」感。但係，如果係晚間開住冷氣用，對混合偏乾肌來講就係享受，恰到好處。 ✅️總結： SK-II SkinPower絕對係一支高質素嘅修護型面霜，保濕同改善乾紋效果出色👍🏻。但對於香港夏天，佢只適合在晚間冷氣房享用。如果你追求日間清爽，或者係大油皮，佢絕對會係負擔⛔️。混合偏乾肌可以放心用作晚霜，見

Tobimak好用推薦：我呢支係SHU UEMURA嘅山茶花精萃潔顏油，用落真係有啲驚喜！平時落妝都係例行公事，但呢支油一用落去就好似做緊Spa咁，成個feel完全唔同~啲油滑得嚟唔笠，搽上面嗰陣仲有種淡淡花香，聞落好放鬆。🌺 佢卸妝力真係唔講得笑，連啲持久眼線、唇膏都一抹就走，唔使搓嚟搓去，加水乳化之後好易沖乾淨，而且洗完塊面唔乾唔繃，反而仲好滑好潤。 佢既泵裝設計都好方便，唔會整到手指油淋淋，用起上嚟好順手。☺️ 講到包裝，真係要大讚！😍 我呢支係聯乘左藝術家SHAVONNE WONG 既版本，佢既設計真係勁型！紫綠金屬色配抽象線條，擺喺洗手盤邊都覺得自己品味升咗級😂每次用佢落妝都覺得自己好似係高級美容院咁，用佢唔止係清潔，更係一種享受。呢支潔顏油唔單止好用，仲靚到可以當擺設，真係由內靚到外。🥰🥰🥰

shirley好用推薦：第一次用Shu嘅潔顏油 係買粉底液送贈嘅sample, 之前都係用卸妝水比較多，因為印象中嘅卸妝油都係感覺好黏立，好驚會生粒粒。 但試用咗琥珀山茶花養膚潔顏油之後，原來效果比想像中出色，假眼睫毛、唇膏等都輕鬆卸妝+無生粒粒之外，潔面後仲感覺滋潤亮澤。 分享多少少自己用嘅方式： ·如果當日淡妝出街，按兩泵係手掌心，當佢係洗面乳咁輕輕按摩後沖水 ·如果當日濃妝（eg痴假睫毛），按3-4泵一樣輕輕按摩，合埋雙眼，雙手輕輕試擦眼線及睫毛位，（唔乸眼）輕鬆溶妝，最後沖水+正常洗面乳洗面，連卸妝棉都慳返！ 無睇錯，我係用得多量 先再用洗面乳洗面，如果唔係普通沖水 沖乾淨就印乾可以走人，懶人必選！HAHA!!!!

🌸好用推薦： 今次試用嘅產品係YSL LOVESHINE LIP OIL STICK 全新情迷水光唇膏(左邊嗰枝）。睇一睇介紹，原來佢就係金色嘅ROUGE VOLUPTÉ SHINE LIPSTICK BALM 迷魅亮彩唇膏升級版！嚟張新舊對比圖先:新舊兩款唇膏都係3.2 g，重量同形狀都係一樣嘅。新版嘅唇膏換上銀色外殼同埋全新橫向YSL CASSANDRE標誌，比舊包裝更顯型格同時尚。 我用嘅呢隻色係202 Peachy Glow - taupe nude 蜜桃光澤的裸色唇膏呢個係我喺素顏狀態之下嘅試色。唇膏質地輕薄，顯色度唔算高，反而顯得柔和、自然，如果想要顯色嘅話要反覆咁樣搽。質地柔潤唔黏笠。202呢隻色相當於一般有色嘅潤唇膏，比較接近我本身嘅唇色，係一隻睇落溫柔嘅偽素顏色。因為我本身即使唔化妝都會搽唇膏，呢隻顏色就非常之合適，即使化淡妝或者素顏用都可以，對於追求自然妝容嘅朋友非常友好。 唇膏搽上去之後帶有水光感，觸感絲滑、柔軟。用咗之後有效感提升咗唇部嘅光澤感，同時滋潤雙唇。睇返資料，原來佢今次呢個新升級配方，加咗來自YSL Ourika社區花園嘅無花果精華萃取成分，同時做到補濕同鎖水特

Blooming好用推薦：YSL情迷水光唇膏，我很喜歡水潤唇膏，這款效果很滿意，我去日本搽都夠滋潤度，沒有甩死皮問題，惟transfer嚴重，食完全餐飯已甩7-8成。香味帶點芒果香。

chewyfruit好用推薦：Laura Mercier 蜜粉：真係「啞緻」界嘅天花板？ 如果你有化開妝，幾乎冇可能未聽過Laura Mercier呢盒「神級蜜粉」。個個化妝師都有一盒，網上吹到天上有地下無。等我同你拆解，佢係咪真係咁把炮！ 第一印象：簡約大方，但係... 一拎上手，個包裝係幾有質感嘅，經典嘅黑色蓋配透明罐，睇落幾專業。不過！要彈嘅係，原裝係冇跟粉撲嘅！呢下真係有啲「吊頸都要透氣」嘅感覺，你要自己配個掃或者粉撲，有少少麻煩。 粉質：真係幼過BB仔嘅皮膚 講到粉質，呢樣真係要寫個「服」字。啲粉真係幼到呢……好似煙咁，一倒出嚟好似一陣輕煙，唔會飛到成個枱都係，但質地極度幼滑。摸落去好似絲綢咁，完全冇顆粒感。 上臉效果：即刻「磨皮」唔係講笑 1. 啞緻度： 一撲上塊面，嘩！真係即刻啞緻！個妝效係好高級嘅霧面感，完全冇咗啲「油立立」嘅反光，好似開咗美顏相機嘅「磨皮」功能一樣。尤其係T字位，啲油光即刻收皮！ 2. 透薄度： 雖然係全霧面，但佢一啲都唔厚粉。完全唔會好似戴�個面具咁，唔會加重粉感，能夠保留返你本身底妝嘅光澤同質感，只係將油光抹走咗，呢點好高分。 3. 持久度： 呢個係佢最犀利嘅地方！我係

Emily Leung好用推薦：好物分享 | 適合乾皮的經典版LM柔光散粉 Laura Mercier 柔光透明蜜粉，真真巨巨好用，關鍵是大容量29g，可以列為便宜又好用單品系列啦💕 🌟粉質 | 細膩輕薄 上臉不結塊 多次疊加不厚重 🌟對肌膚的修飾能力 | 隱匿瑕疵 修飾毛孔 讓臉蛋有柔焦的美感 🌟持妝持色能力 | 乾皮寶寶持妝6小時以上沒問題，油皮慎入！！ LM散粉不帶粉撲，一般我都是倒在蓋子里、然後用刷子拍在臉上，用其他的散粉都要四五層才能徹底定好妝，但是LM散粉只需要兩次（一定是少量多次哦），粉質非常細膩、上臉瞬間霧面柔焦 高級感瞬間拿捏住了～ 牆裂推薦乾皮寶寶們去試試，混合皮建議分區定妝！

Emily Leung好用推薦： 用一次愛一次的面霜！！！ 全網誇它是“乾皮親媽”，但刷到好多吐槽悶痘、刺痛的筆記，糾結了很久不敢下手！直到某天試了朋友的小樣，發現對我來說還是很有用的！ 質地驚喜！冰淇淋乳霜感，抹開瞬間化水！吸收超快，不黏頭髮不沾枕頭。 冬天乾燥的時候，早晚薄塗，一整天臉都軟乎乎的！鼻翼不起皮，保濕力封神！ 急救大招：爆皮嚴重，厚敷當睡眠面膜，第二天面部狀態直接回春。 對油皮來說，剛塗完略反光，但5分鐘後變啞光，混油姐妹秋冬可試，夏天還是謹慎使用！ 優點：保濕天花板，妝前神器，乾皮秋冬救命草！ 缺點：成分含水楊酸，可能會不耐受！

CharleneLau好用推薦："這款乳霜的質地非常豐盈，但又不至於太厚重，塗在肌膚上十分容易推開。第一次使用的時候，我很驚訝它的吸收速度，幾乎沒有油膩感，反而讓我的肌膚感覺到立即的滋潤。每次我只需要取一小匙，就可以為整個臉部提供足夠的保濕，真的很經濟實惠。 使用後，我明顯感受到肌膚的改善，特別是在乾燥的天氣裡，這款乳霜特別有效。我的肌膚不再因為缺水而緊繃，反而變得柔滑而有彈性，同時散發出健康的光澤。使用約兩周後，我發現臉上的細紋似乎也有減少，整體的膚色變得更均勻了。 此外，我還很喜歡它的香味，不會過於濃烈，讓使用的過程更加愉悅。不過，如果你是對香味比較敏感的朋友，可能要注意一下。 不過，對於油性肌膚的朋友來說，這款乳霜可能會稍微油膩，建議在使用時可以搭配輕薄的精華或化妝水，讓肌膚更易於吸收。 總的來說，我非常滿意Kiehl's的特效保濕乳霜！它不僅提供了長效的滋潤，還讓我的肌膚看起來更加健康有光澤。我會推薦給那些需要強效保濕的朋友試試！"

莓莓好用推薦：提起NARS胭脂，好多人會即刻諗到「高潮」、「深喉」呢啲大熱色。但其實佢哋仲有一隻「Sex Appeal」，係資深化妝友同新手之間一個心照不宣嘅秘密。 望個名好有遐想，好似好熱情？錯啦。打開盒一睇，顏色淡到呢……「吓？有冇擺錯色啊？」係好多人心入面嘅第一個疑問。 但呢份「淡」，正正就係佢嘅魔法。佢唔係要你一眼睇到嘅鮮豔，而係要俾你一種 「睇唔出但有咗就唔同晒」 嘅感覺——好似晨跑完微微泛紅嘅面珠，又或者係冷氣房坐耐咗，面頰自然透出嘅一絲血色。 冇閃粉，冇珠光，就係一舊純粹嘅啞緻蜜桃粉。如果你成日覺得自己一搽胭脂就變「一嚿」、或者永遠失手變關公，咁呢舊嘢，可能會成為你化妝袋入面，最唔起眼但又最唔捨得冇咗嘅寶藏。 包裝： 典型NARS黑膠盒，型係型，但好黐手指模同塵，要成日抹。細細個易拎出街，但冇跟掃，要自己配。 顏色： 真係好靚好自然嘅蜜桃粉，帶少少杏色。望落去好似好淺，但搽上塊臉度，係一種「好似自己面色咁」嘅紅潤，睇落好精神，完全唔會「一嚿嘢」或者誇張。啞面嘅，冇閃粉，好日系feel。 粉質： 粉壓得幾實，好幼細，唔會飛粉。上臉好易推勻，同皮膚融合得好快。 效果同點用：

Emily Leung好用推薦：全網第一！Nars 新色腮紅Please me🌸 Nars好會起名字！這個名字叫Please Me取悅我！專櫃試色好美，馬上激情下單購買！ 原相機自然光拍攝📷 這款胭脂是冷紫粉色，完全不挑皮。黃皮塗是清冷氣質美女！橄欖皮塗上直接白到白光。閃粉特別明顯，像月光一樣的細膩碎鑽感。 整體試色跟高潮有點像，揉開底色不明顯。本人覺得更適合跟啞光腮紅局部疊塗，或做高光使用。

Rosa好用推薦：首先因我是混合性偏肝肌皮膚,容易出現敏感.但是用神仙水效果非常有驚喜,首先在我身上沒有出現敏感皮膚 ,大約使用了一個星期嘅效能覺得皮膚嘅明顯暗粒有所改善,令我的皮膚改善出油泛紅的情況，讓我每天都會化妝的女性來說，有不錯的幫助 化妝前使用更令我的妝效更持久，令我的皮膚覺得角質層更新得更快，非常有驚喜是一支我會回購的產品

Kaze13579好用推薦：已經唔記得空瓶咗幾多支啦。曾經都試過中途轉其他牌子睇吓有冇分別，結果都係要回歸佢嘅懷抱繼續使用。的確用嘅初期見到嘅效果最明顯，就係塊面冇咁黃，角質層明顯冇咁厚，總之感覺就係透亮啲乾淨啲。 雖然用用吓就會覺得好似食藥咁純咗，但係你唔用一排呢，就會見到個分別！神仙水真係唔係浪得虛名！ 好多人指控佢有一浸臭腳味🤣，好彩我又唔覺佢臭，佢只係唔係香啫。總之功能勝過一切！不能沒有！

Poyobb好用推薦：冬季護膚❄️ 每年冬天好乾燥嘅日子我都會用double serum，本身混合性乾性皮膚好少用油嘅精華，因為double serum唔會起暗粒，多年都有用。暫時淨係用過經典款，light版本未用過。 Clarins今年新出嘅第9代賦活雙精華，效果同之前嘅版本大致一樣。質地偏油性，啡色帶有淡淡嘅香味，兩管精華混合之後吱一泵落面霜，可以增加滋潤感，但唔會感覺油膩。 呢啲乾燥天氣用完之後皮膚有明顯改善，變得更加亮麗有光澤，彈性都好左，冇咗嗰種乾燥感可以令皮膚睇落淡紋，有少少飽滿皮膚。毛孔就冇太大改善，因為精華算係滋潤，反而用過多會閉塞毛孔，一泵就夠。 最主要嘅功效都提升皮膚光澤、恢復彈性、抗皺滋潤，而且又係可以一支可以加落粉底液嘅精華，冬天真係必備。 #火熱新品

Kitty 好用推薦：自從轉天氣，成日係冷氣房，塊面乾到掹掹緊，即刻入手咗Clarins支皇牌Double Serum！樽身個雙管設計好醒目，水油分離但一撳就混合，質地似琥珀色蜜露，帶淡淡草本香，聞落好療癒～ 我每晚用兩泵（大細滴可校，乾肌推大滴！），掌心搓熱按上臉。初時驚油膩，點知吸收快到癡線！按兩下就索晒入去，唔會黐立立，翌日起床摸塊面軟熟似豆腐，仲有層自然光澤，唔係油光嗰種！試過妝前用，粉底貼服到尖叫，鼻翼甩皮位即時馴服。 用咗一排，最驚喜係暗啞位醒神晒！嘴角同眼周冇再灰灰沉沉，摸落彈性好似返晒嚟。雖然抗皺要長用先見真章，但保濕同光澤感真係冇得輸，尤其寒流襲港嗰幾日，全靠佢頂住！硬要挑剔的話，油肌夏天可能要減量，同埋價錢有啲肉赤，不過計返效果同份量（100ml裝抵啲！），絕對係會翻兜嘅心水戰友！ 總結：乾燥肌、暗啞肌嘅冷氣房/秋冬恩物，水油平衡拿捏得啱啱好，熬夜臉即時復活～

Chloeincosme好用推薦：呢排終於試咗傳說中嘅 Charlotte Tilbury 四色眼影盤（買完平替excel1最後都係忍唔住入手CT😂），果然名不虛傳，易上色唔飛粉，閃粉比Excel大粒少少，歐美感重啲，但又可以輕鬆畫到近期好興嘅「白開水」妝容♥️ 🤍 粉質與顯色：5/5 粉質細滑如絲，一掃就上色，暈染度超順手～深色夠實淨，淺色透薄有層次，即使新手都輕易畫出專業感！ 🤍 閃粉效果：4.5/5 閃片比Excel更璀璨，顆粒稍大但唔會飛粉，厚搽光澤偏歐系華麗感，但用指尖輕拍眼頭或臥蠶，即刻變溫柔韓系水光～ 🤍 實用度：5/5 配色設計聰明，跟住官方教法三步驟就完成日常妝，濃淡皆宜！想要「白開水」妝容的話，用啞光色打底加少少閃片點綴已經好清透！ 🤍 持久度：4.5/5 帶妝10小時都冇積線或褪色，閃片依然緊貼眼皮，油眼人都撐到一日！ 總結： 如果預算允許，CT眼影盤絕對值得投資！佢完美平衡咗歐美顯色度同亞洲清淡妝感，一盤搞定多種風格♥️

pinky好用推薦：自購左2次，買黎送比朋友1次😆 以前覺得眼影唔使買專櫃級 但CT眼影系列質地好幼滑 顯色度高 好易攞粉🎨 而且每盒顏色配搭都十分好看😍 一盒就輕鬆化曬成個眼妝 岩曬d對眼妝無咁熟練既靚女們♪( ´θ｀)ノ 而家佢地既閃粉格真係好sharp好出色！！ 拎黎做highlight都得 雖然價錢貴少少 但經過呢2年使用後又覺得都值得 好過買左盒平野完全唔用/唔記得左 因為好用既產品唔使刻意自己都識搵出黎用呀🫶🏻😆 黎緊年尾咁多party 各位可以考慮入手haha(≧▽≦)

wingbks好用推薦：要換啲滋潤啲嘅唇膏嚟迎接秋冬，轉季咀仔比較乾，YSL一定係其中一個品牌我放手袋👜嘅唇膏，咁多年嚟出嘅「夾心唇膏」，外層係護唇精華，中間圖案係晶透亮色粒子，隨嘴唇溫度轉換釋放護唇精華，越搽越水潤，高滋潤度又唔會顯唇紋！

🌸好用推薦： 今次試用嘅產品係YSL LOVESHINE CANDY GLAZE情迷凝亮唇蜜（右邊），係固體狀嘅lipgloss，對於嘴唇長期乾燥嘅我嚟講絕對係福音！ 呢個係我喺素顏狀態之下嘅試色: 使用前：使用後： 我呢隻色係15 SHOWCASING NUDE奶茶裸色，係一隻比較百搭嘅顏色，冇拎着深、淺色衫，返工定係去街，乜嘢場合都啱用。 唇蜜啫喱狀嘅質地，但口陣陣清香。搽上去之後有豐富嘅水光感，觸感絲滑、水凝。用咗之後有唇部睇落豐盈、有彈性。顯色度高，可以完全遮蓋原有唇色，對唇色較深嘅用家相當友好。由於佢滋潤度非常高，感覺上秋冬天都會好舒服。而且卸妝好方便，一抹就甩，食嘢之前唔使擔心會唔小心食咗唇膏。 睇返資料，原來呢隻唇蜜含有78%唇部修護基底配方，仲有透明質酸和石榴萃取，所以做到長效水潤感，強化唇部肌膚鎖水屏障。唇膏既有修護唇膏嘅效果，又能夠提高唇部嘅血色感同豐盈感，包裝又相當美觀，完全係內外兼備嘅代表作。 #火熱新品

　peg好用推薦：佢啲粉質好細，所以上到面好遮到毛孔，又唔會點卡粉，同埋上多咗都唔覺重手。上完粉底再上佢可以令到個妝冇咁容易溶，有時唔想搞咁多嘢淨係齋上佢都ok，都可以令到個面色睇落精神啲，啲膚色平均啲，最重要佢出咗油之後會令到個妝變咗奶油肌，所以夏天出街通常都會用佢，出咗汗同油之後會有少少水光效果。

Ressie14好用推薦：終於的起心肝寫CT 粉餅review , 上年年尾盲入左一塊2號色粉餅，係2號色！ 慎入…！ 你見到粉餅嘅肌膚顏色幾明亮…. 實際上…你要係「健康膚色」先適合2號色。我用就會黃左..我買錯咗色號，依然都可以照寫評價。 肌膚顏色嘅粉餅壓得利落、用手沾出粉抹，質地柔滑具有遮瑕度，呈啞光質地，控油效果卓越！我膚質混合偏乾，輕輕掃一層唔會將皮膚拔乾，完全發揮到粉餅嘅綜合功效，控油，啞光，具高度遮瑕效果嘅佢仲可以均勻膚色。 我特別鍾意佢塊小鏡子，玫瑰金外圈包裹着一塊橢圓形鏡子，好高貴；倒影出嚟嘅肌膚都好似特別靚咁。

Emily Leung好用推薦：這支唇膏我給五星🌟🌟🌟🌟🌟 Bobbi Brown 🔥2025新品 晶鑽漾色盈潤唇膏 2025好像各品牌都在水光唇的戰爭 Bobbi brown 也出水唇膏‼️ 超保濕！水光0黏膩 高保濕植萃 ✅荷荷芭油 ✅紅花籽油 立即保濕&修護肌膚屏障 霜淇淋質地 上唇滑順又顯色 保濕水潤 中高顯色度 完美遮蓋唇色 高質感！水潤釉光唇‼️高級剔透「釉」光融進唇中 如同陶瓷表面的高級光澤‼️上唇「亮嫩」好氣色 霜淇淋質地、上唇滑順又顯色‼️主打上妝0技巧 不用鏡子也能輕鬆補妝❤️ 我的最愛色號nude sugar 素顏當潤唇膏用，也可以美美噠！

Kmggigi好用推薦：多謝 @cosme 贈送bobbi brown extra color shine唇膏🤩 Bobbi Brown Extra Color Shine係一款集滋潤同亮澤於一身嘅高質唇膏， 無論薄塗厚塗都能打造理想嘅妝感！✨ 呢款唇膏將滋潤度同亮澤感平衡得非常好， 一搽上嘴就可以即刻見到自然嘅閃亮效果， 閃得來毫不浮誇，令人感覺嘴唇健康又精緻。 唇膏含有荷荷巴油成份， 輕輕一抹就能為嘴唇鎖住水分，即時改善乾燥情況， 同時提供長效滋潤，嘴唇整日都保持柔軟水潤狀態，特別適合乾燥天氣使用！ 薄塗: 只需輕輕一層就可以自然提升嘴唇嘅血色感，打造清新自然嘅裸妝效果。 厚塗: 疊加幾層後，嘴唇會呈現出水晶般嘅閃亮效果，光澤感十足，吸睛度爆棚，非常適合派對或者特別場合！

Suki好用推薦：#火熱新品 我自己一直都有用開舊版嘅小方瓶，之前嘅幾個版本都有試過（圖片最左嗰支係2.0），舊版用落整體感覺穩定，遮瑕度同持妝力都算唔錯。但今次新版本小方瓶 2.0用落嘅感覺就有啲唔同，妝感的確係輕透左，但遮瑕度明顯唔夠，對於有瑕疵或者膚色唔均嘅情況就未必太適合。 另外，新版本嘅質地偏乾，尤其係秋冬天氣用落會比較顯乾燥，卡粉嘅情況喺鼻翼或者嘴角位特別明顯。如果你係乾皮或者混合皮嘅話，妝前一定要做足保濕工夫先會比較好，但即使咁，持妝效果都未算特別突出。 色號方面，764色算係比較貼膚，顏色自然，唔會過黃或者過粉紅，呢點係值得讚嘅，但整體對比舊版，感覺係少咗啲實用性，反而更適合膚質狀態本身比較好、追求輕薄裸妝效果嘅朋友。

TsuenMa好用推薦：#SHUUEMURA 植村秀 Unlimited 無限輕透持妝粉底液 ✨小方瓶2.0✨ 磨砂瓶身，黑色蓋子，瓶身沒有其他文字/訊息，LOGO就以黑底白字印製，日系的簡約風格。 粉底液本身就有防曬系數 SPF 46 / PA +++，係我用過甘多隻粉底液入面防曬系數最高的，為左讓妝感可以輕薄，可以直接省略防曬呢個步驟，減輕面上要搽嘅porduct，令妝感更輕薄貼服，係夏天嘅好選擇。（但可能只係岩個日係室內活動嘅時候用，如果淨係靠產品本身入面嘅防曬，可能吾足夠抵擋到室外活動嘅UV） 色號：584 #會呼吸的霧光肌 一泵就可以上晒全塊面，出嚟嘅量算係偏多，質地係屬於比較易乾嘅，所以可以留意返盡量唔好將粉底攤太耐，同埋要局部上妝，避免粉底乾咗之後難推開。 呢款粉底好適合香港潮濕翳焗嘅天氣使用，佢能夠有效控油，但同時唔會抽乾晒面部嘅水份，保持適當嘅濕度，令到底妝可以持久度高啲💕 同埋吾會甘易因為出油而脫妝。 呢隻粉底最可取之處在於雖然控油力強，但不至於抽乾晒你面上面嘅油水，皮膚負擔會較低；遮瑕度就都算中上，但又未至於令到你成個面具甘，保留返自然嘅妝感。不過因為我係混合肌，有啲面部

Kathy Wai好用推薦：轉季期間皮膚狀態唔穩定，時乾時油，仲容易泛紅，真係幾頭痕。用咗Lancôme小黑瓶之後，先至知咩叫「修護肌底」嘅威力。 佢嘅質地係半透明蛋清狀，推開後咻一聲就吸收晒，清爽唔黏膩，用完皮膚即刻變得軟熟。我習慣喺爽膚水後、精華前用，當作打底，發現之後搽咩護膚品都吸收得快咗。 最明顯係轉季時，塊面冇再咁容易敏感泛紅，毛孔睇落細緻咗，成個膚色都光亮均勻咗。雖然價錢有啲高，但維穩效果真係冇得頂，絕對係我轉季護膚步驟裏面，最唔可以缺少嘅一步！

Kelvin好用推薦：定期都會去護膚品專櫃做皮膚測試，我男士肌膚都會日常護膚，今次專櫃姐姐話我皮膚缺水🥲相信因為呢排太陽太猛烈，曬到皮膚好乾。好彩除咗塊面偏乾之外都冇咩問題，亦都冇咩皺紋、老化等 一聽到太乾，就即刻用返LANCOME煥活修護精華。依枝精華又係一支經常用嘅精華，精華水感不厚重，搽咗上面之後好快吸收，亦都唔會有黏立感🤣坦白講用耐咗會好似皮膚冇咩特別大效果，但質地夏天好適合。 對於皮膚成日生暗瘡嘅人嚟講會啱用，用完皮膚係會真的較穩定

Kelvin好用推薦：屋企有枝新野，拎黎試下👉🏻 Yves Rocher木莓水漾亮澤護髮醋 資料話有效徹底淨化傷害頭髮的有害殘留物，同時幫助淨化頭皮及平衡頭部油脂分泌，延長頭髮的生命力。 我長期日日gel頭，洗完頭頭皮毛孔有機會有殘留物。我用完洗頭水之後幾滴髮醋，冇泡泡嘅，喺頭皮輕輕捽下，等幾分鐘。 香香甜甜，唔刺激。用完頭髮柔順咗，感覺頭皮乾淨咗咁。冬天頭皮冇咩大問題。夏天易出油，出頭瘡，依枝野應該夏天用有效果。 新年見人，由頭到尾必定保持最好狀態，當然頭髮都要清爽乾淨。全個人沖大吉水，頭髮都要深層清潔，去拜年就sharp 曬⭐️

Kitty 好用推薦：包裝係厚實塑膠樽，入面係粉紅色嘅液體。一打開陣味係好清新嘅果酸味，有少少似樹莓或者莓果咁，唔會俗氣，沖完涼成個浴室都係香噴噴，好舒服！ 🧴使用方法🧴 好簡單咋，洗完頭，將洗頭水同護髮素沖乾淨之後，揸住個樽係頭頂繞三圈，用量剛剛好。髮醋從頭頂開始按摩，均勻搽喺濕頭髮上面，如果想清潔止癢效果好d記得按摩埋頭皮！輕輕按摩下等佢吸收，跟住沖水！ 💖用後感💖 第一次用完已經覺得好神奇！啲頭髮即時順滑咗好多，用手指梳開打結嘅地方完全冇難度，好似幫頭髮做咗個SPA咁！沖水嗰陣感覺到髮質好軟熟，唔會鞋掹掹。 吹乾頭之後個效果更加明顯！頭髮光澤咗，睇落健康啲，而且摸落去真係滑捋捋，自己都忍唔住成日摸😂！之前啲髮尾好乾，而家感覺有咗層保護膜咁，冇咁易打結，朝早起身都冇咁毛躁。 👍優點👍 - 即時見效，用一次就feel到順滑 - 氣味清新 - 平價！一支可以用好耐 - 漂染受損、毛躁頭髮都岩用 👎缺點👎 - 如果你頭髮本身偏幼細，可能唔可以次次用，否則會有少少扁塌 - 一定要徹底沖洗乾淨，留香不太持久 總括來講： Yves Rocher呢支髮醋絕對係性價比高之選！尤其適合頭髮受損、經常打結、缺乏光

布吶吶好用推薦：Laura Mercier水光粉底霜 轉季皮膚乾燥，入手了這個粉底霜！ 上臉是水光妝感，很滋潤！ 乾皮用肯定夠了 油皮估計不行 會有點過於滋潤 我是正常膚質 對我來說滋潤度很好不會乾也不會油 遮瑕還是有一丟丟的 不過就真的是一丟丟 只能遮點鼻翼的泛紅和不嚴重的黑眼圈 但它毫無粉感 塑造的是自然好皮的感覺 我覺得這個不需要用粉撲 直接用手擦一擦就搞定 因為我買這個本身的訴求就是不想那麼麻煩擦防曬擦粉底的時候擦一擦就出門 目前用下來非常滿意 我臉上基本沒有瑕疵 所以我覺得這個比較適合本身膚色、皮膚狀態都很好的盆友 是不能指它能有太大的作用的 我用下來沒有悶痘、閉口，兩片卸妝棉就可以擦的很乾淨 我買的顏色是最白色 也不會太白 （我本人很白 色號是櫃姐給我選的 不是我自己要最白色的）擦上很自然 總結一下 皮膚好的小姐姐不想化全妝、想隨意出個門、想氣色看起來好點、像偽素顏可買！ #轉季#換季#水光妝

Emma W好用推薦：潤色粉底的1N Birch 好適合我的膚色。一搽上面上，質地輕盈，水潤，易推開。搽後感覺自然透亮，有種「偽素顏」的感覺。另外，其有防曬功能，SPF30+++，提供基本防曬，減少塗抹額外防曬的需要，減輕肌膚負擔。 但是，遮瑕力度有限。如毛孔、黑頭、黑眼圈就覆蓋唔到。持妝力也一般般。夏天出汗大，要經常補妝，都係一種唔太方便的因素。可能秋冬天使用會好少少 #火熱新品

Wuxx好用推薦：遲左少少系列～ 因為手上太多粉底未用哂所以遲遲未開黎用， 終於可以打使用心得～ 產品初上市嘅時候已經即刻去左專櫃試色， 當初已經對佢個外形設計超級心心眼！ 打開仲要係我最最最鍾意嘅濾網設計！ 所以二話不說入手左！ 開封到依家使用約一星期左右， 打開第一下係睇得出嘅水潤感， 而粉撲都幾好用，夠軟身， 不過都係有少少食粉情況， 但對我黎講問題不太大。 氣墊濾網個人認為有發揮好作用， 按壓出嘅粉質非常幼滑， 平時用氣墊粉撲需要費時去修飾毛孔， 依隻水潤粉質更容易自己填入毛孔，非常加分！ 而遮瑕方便都去到6-7成，上面係半水半霧面， 鍾意自然肌感嘅朋友可以考慮下依隻粉底。 冷氣房每日持妝約10小時，未見有收乾情況， 不過室外用就唔係好控油，需要注意。 另外暗沉方面唔明顯，約暗0.5色階。 整體使用感滿意，但如果有埋防曬功效會更好～ 咁就可以帶埋出街補防曬😗**是次購入色號為1C色

Fng好用推薦：Charlotte Tilbury 的夢幻柔光粉氣墊妝效主打光澤感，而非全霧面，增加肌膚光澤感，沒有粉感過重，質地較水潤，妝感薄透自然。它屬中度遮瑕，可疊加，我覺得對日常妝容足夠。我混合偏乾肌膚，沒有卡粉，自然光澤，提升肌膚飽滿感，視覺上減輕乾紋。 夏天炎熱天氣下，我會定妝，用控油型透明蜜粉（如 Laura Mercier)，在濕度相對低一點，溫度涼爽些的日子，這款氣墊對我混合偏乾肌會更為適合，持妝挑戰較小。 在香港炎熱潮濕下，如果是油肌，較容易出油，這款氣墊的光澤感可能會讓T區在幾個小時後看起來更油亮，甚至可能加速脫妝，尤其在沒有做好妝前打底和定妝的情況下，T區可能較快融妝。 總體來說，這款氣墊對混合偏乾肌比較啱用，但在夏天使用，需要搭配額外的控油和定妝步驟來應對。如果怕麻煩或對持妝度要求極高，可能需要考慮更控油持久的產品，或者只在秋冬季節使用它。 #夏天

YY好用推薦：秋冬嘅護膚品有好多我比較鍾意嘅就係呢一支Clarins Double serum！ 買返嚟個時以為好油膩，但係其實係冇呢個問題。精華入面水油分隔，官方用法放喺手心乳化混合，用熱力喺皮膚上面按摩，而唔係直接將精華油塗上面。我比較鐘意喺功能精華之後疊加上/當面霜用於精華後。 混合性皮膚到乾性皮膚都適用，廿尾三十開始使就差唔多。clarins Double serum平和咁樣令到皮膚keep住穩定嘅狀態，唔會出現甩皮泛紅嘅問題。皮膚好咗，毛孔細咗，乾紋都少咗。真心正！ 遲啲用曬就試下clains 全新第9代 賦活雙精華! #秋冬護膚神隊友

msthea好用推薦：Clarins嘅賦活雙精華係我呢兩年冬天必用嘅精華 保濕度非常好，好適合秋冬使用 因為我皮膚係屬於缺水偏乾，好多時秋冬塊面都會抆抆緊咁，覺得有啲痛，試過好多唔同嘅精華加面霜，都減輕唔到呢個感覺 自從早兩年試用過呢個精華，發現真係好好，夜晚用完，第二日淨係用爽膚水同面霜，都仲keep到個保濕度，唔會覺得乾燥  呢個係有兩個質地嘅精華混合而成，唧出嚟嘅時候會明顯見到有透明嘅顏色，同埋啡啡地嘅顏色，混合完之後搽上面就可以 而個樽蓋上面見到有兩個唔同嘅公仔，代表「大滴」同埋「細滴」，咁可以根據返自己嘅需要而調校一泵嘅份量，我覺得係一個幾好嘅設計以5⭐️為我嘅滿分 保濕度 ⭐️⭐️⭐️⭐️⭐️ 感覺持久度 ⭐️⭐️⭐️⭐️⭐️ 減紋 ⭐️⭐️⭐️⭐️ 推薦度⭐️⭐️⭐️⭐️⭐️

Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

楊壯碩好用推薦：YSL Pure Shots Night Reboot Serum Review 綜合評分：4.5/5；詳情如下—— 包裝：4/5 ▶️comes in an airtight pump, good for preserving active ingredients👍 ▶️a bit bulky for travelling though✈️有替換裝支持環保是好事，但外面那個大塑料殼真的沒有必要 成分及formulation：4/5 ▶️含有antioxidants、甘醇酸等保養有效成分，但官網描述該產品pH值為4，而甘醇酸在pH值4的環境中只有約40.34%是active的(see source below)，估算下來，包裝標注的3.4%甘醇酸乘以40.34%的活躍度約等於可能只有1.37%的甘醇酸能夠有效滲透角質層，可以說有效濃度並不高。當然，有效成分並不是濃度越高越好，作為每天使用的護膚品，低濃度的甘醇酸已經能夠溫和地達到改善效果 ▶️成分表（圖）中有denatured alcohol和fragrance，這些是用來提升產品使用感，但對護膚沒有顯著好處又同時具有刺激性、風險

Kmggigi好用推薦：Kérastase 逆時光至臻修護浴髮乳 — 高級香氣，極致修護💆‍♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛

Sandy好用推薦： youth Revitalizing shampoo 逆時光至臻修護浴髮乳250ml [賦活強韌 水潤光澤] 口號並不是浪得虛名 我試過一次就冇用其他品牌洗頭水嘅產品, 原因如下： 居家奢享頂級體驗、 唔需要走出去做頭療，treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單