化妝問題 推薦好用產品

babybear_好用推薦：我的肌膚狀況 : 沙漠乾肌 + 敏感肌 眼下乾紋嚴重，眼下/臉頰/額中央/鼻頭不時有脫皮，臉頰泛紅，淚溝嚴重 來試用GA的 設計師光感修護粉底液 SPF 15 / PA+++ 色號 1.5 先貼Before & After 照 (全部iPhone 13 Pro 後鏡) : 今天皮膚狀況是地獄級，因為天氣太冷，我的臉大爆脫皮，也因為太冷也沒完全不想敷mask 加上今天試妝沒特別出街，也沒特別做妝前保濕🤣 來個脫皮部分的Before & After : 上妝後沒有突顯脫皮，正常照鏡覺得OK，我給過👌🏻 暗沉對比 : 覺得在臉上暗沉沒這麼嚴重，而且1.5號我用太白了，暗沉了還是白🤣 試用報告(5分滿分) : 保濕度 : 5/5 持妝度 : 3.5/5 遮瑕度 : 3/5 個人感想 : 保濕度非常滿意，眼下也沒有卡粉/積線，今天帶妝8個半鐘也沒有蹦緊的感覺，而且光澤超喜歡! 一直到晚上都keep住個光澤，是那種晚上做完保養皮膚好靚透光那種! 遮瑕中輕度，遮泛紅ok，其他需疊遮瑕膏。 持妝一般，正常保濕精華粉底通病，唇上+下巴有浮粉，用手可以推返好，不過毛孔部分依然遮

Ressie14好用推薦：#火熱新品 #我的最愛粉底液 L’Oréal 旗下不論YSL，LANCÔME 定 Shu家出嘅粉底液，無論透薄度/遮瑕度/持妝度都達到大師級水平，今次試用ARMANI designer glow SPF15 PA+++ ，試到翻唔到轉頭 本身我係YSL粉絲，於唔同嘅場合分別會用上YSL氣墊粉底 B25 or 佢既ALL HOURS粉底液LN4 ，本身已經好啱我混合偏乾+只有少量紅印/微絲血管/暗瘡印嘅肌膚。但呢次用ARMANI designer glow, 唧出黎佢既延展性幾高，冇YSL ALL HOURS咁快成膜，用粉樸輕拍上臉，印下印下就印出密密實實既遮暇度，遮蓋到大部分瑕疵；印勻後見肌膚好似上咗一層水光薄膜咁，而粉底既色號都好靚，1.75其實對我嚟講係白咗啲，但試用產品就冇乜所謂啦另外要讚既係，ARMANI designer glow持妝力極高！因為我本身唔大汗，主要留喺商場行街，到夜晚，其實妝容都冇乜點溶亦冇發現氧化跡象，如果要講究少少嘅話，就可以吸一吸油再上返少少蜜粉，將妝容再持續多2-3個鐘。但返到屋企之後，始終眼底都會有微微卡粉，正常現象。 所以試用過後，我的確去配

graceky好用推薦：感謝抽中試用Primavista BOOST PRIMER for Foundation 本身都用開Primavista 的Primer (Long-lasting (夏天), Moisturizing(冬天) – 都係用紫色, 提亮膚色方面都幾好, 會有返精神!) 三月尾天氣都熱返, 所以今次會比較Boost 同Long-lasting 嘅分別同表現 公平比較起見都會用返Primavista Moist Glow Lasting Liquid Foundation 上底妝 產品質地及顏色 Boost 質地比較輕薄, 濕潤度更高, 更易推開; 顏色更淺, 更接近裸色 上喺面上時光澤感較明顯 上底妝感覺 用Boost 嘅話, foundation 嘅遮暇度同貼妝度係比Long-lasting 高, 可能冇咁厚身同淺色D 另外由於返工出入冷氣房, 用long-lasting 的確會比較容易乾燥 下晝時間甚至甩皮, 但係用Boost so far都keep到全日, 唔乾亦唔會浮粉 所以呢次升級都做得唔錯!

kammy好用推薦：天氣成日時凍時熱 好似今日甘 出街著短袖都出曬汗🙃 如果個日約左人想化個妝唔洗諗個妝都會溶🙃 之前朋友見到我呢個情況 佢有問我你有冇上粉底前用 Primer ? 答案當然無啦🙈 以前用Primer係因為去台灣係甘 掃Sofina 🙈 但而家少左去旅行🙈🙈就skip左呢個步驟 最近見到有呢款 Primavista 完美昇華持妝底霜 Boost Primer For Foundation 見到 boost 🙈就當然😍😍😍 因為近年用過3-4款粉底 大部分都好快溶妝🙈 鍾意試新野嘅我😍 就好快拆開黎試 質地好水狀好 流動性高 上面後好快就 融洽 上防曬 粉底都無起擦膠碎 用左呢款primer 之後的確粉底會持久左 🙈 不過都會有少少脫妝嘅情況 如果無用primer 可以2-3小時就會脫妝 浮粉 用左primer 之後 大概 6-8小時先脫妝🙈 （其實已經好好 返工都係 8-9小時）🙈🙈 單用Primavista 完美昇華持妝底霜 其實見到皮膚會好似有少少磨皮嘅感覺 但無任何調色 嘅效果🙈 我相信今個夏天會成日用😏 3月都熱到甘 11月都應該走唔甩🙈🙈🙈 #karl

楊壯碩好用推薦： 購買其他化妝品獲贈LANCOME TEINT IDOLE ULTRA WEAR粉底液試用一包，測評如下： 使用感：5/5 ▶️質地輕盈、流動性高、延展性強，膚感透薄不油膩，好似無擦粉底，很舒服，不會悶痘 服貼度：5/5 ▶️底妝非常服貼，好像第二層皮膚，沒有面具感，不會顯得很厚重cakey ，可參考下面attached的上妝前後對比圖 遮瑕度：3/5 ▶️可以均勻膚色，但顏色較深的hyperpigmentation是遮不到的，例如色斑、黑色痘印（粉紅色淺色痘印可以遮住）等 妝效：5/5 ▶️自然啞光妝效，不會凸顯乾皮，有效將毛孔、細紋、乾紋等texture瑕疵隱形，可參考下面attached的上妝前後對比圖 控油力：4/5 ▶️控油力普通，但優點在於就算出油、輕微融妝，也不會融得特別斑駁難看，而是從啞光變得更加glowy 持久度：5/5 ▶️正常定妝的情況下可以全日持妝，持妝8小時後的狀態可以參考下圖： 綜合評分：4.5/5

Desse好用推薦：一個妝化得好唔好.. 底妝絕對係重點之一.. 皆因一浮粉.. 就會毁曬全個妝😪 我自己揀粉底液…會睇幾個重點 -質地 -不易氧化 -帶遮瑕度 -有防曬功能 至於霧面.. 日韓風.. 歐美風.. 通通都係其次 LANCOME持妝輕透粉底液 喱一款我會俾8分 💡 輕薄貼服 質地好貼服.. 用美妝蛋輕拍薄薄一層已經上到妝.. 就算叠加遮瑕都無出現卡粉現象.. 色調非常自然兼帶柔焦效果 💡不易氧化 底妝最怕氧化後變咗黃面婆.. 喱一款完全無問題.. 新年期間朝7晚11都無變色泛油.. 吸油紙都慳番🤭 💡帶遮瑕度 我用Po-03.. 無特別去化白.. 如果少量瑕疵.. 例如雀斑同暗瘡印.. 叠加2-3層就完全遮到.. 只有黑眼圈要另外處理 💡有基本防曬功能 Spf38 pa+++ 雖然只係基本配置.. 但算唔錯.. 我買粉底液必睇防曬度數.. 因為防曬實在太易同底妝打交.. 搞到搓曬泥.. 所以喱項都算合格 🧏🏻‍♀️喱款粉底液嘅霧面效果都唔錯.. 所以我自己會俾8分 扣分位係防曬度數唔夠.. 如果上到spf50 會更加好💓 因為度數唔夠.. 如果需要進行室外活動記得

water1106好用推薦：首先非常感謝@Cosme邀請試用Bobby Brown最新推出嘅無重輕霧粉底液❤️❤️喺我研究緊買咩粉底液嘅時候，嚟咗個「及時雨」，真係非常之開心😍😍 我平時返工放假出街都會有化底妝嘅習慣，試用完呢14日之後覺得好驚喜。 我嘅膚質：中性皮膚，T字位容易出油同毛孔粗大，有少少痘印 膚色：暖皮一白 上妝工具：soline 海棉粉樸、粉底刮刀 妝前步驟：爽膚水> 保濕精華>防曬>底霜>粉底液 試用色號：W-016 Warm Porcelain 粉底質地：係介乎於Cream同Liquid 之間，而又偏向Liquid，有流動性但唔算太水，貼服得嚟又好輕盈、唔焗，就好似產品名咁做到無重空氣感嘅底妝，而且容易推開👍🏻就咁睇搽上手以為會好黏笠，但如搽上面後，好快就同皮膚貼合咗。 氧化程度：輕微氧化，只係深色咗少少，但對我嚟講氧化後會更加貼合我嘅膚色😛 粉底妝效：非常貼服皮膚、透氣，夏天用完之後都唔覺得焗，保濕度都好夠，好快就同皮膚貼合咗，我只搽一層，膚色不均嘅地方先拍多兩下，遮瑕度大概70%。過咗一陣之後佢係微微嘅冇霧感 ，加微光澤，係好微妙又

Cosmeemee好用推薦：感謝@Cosme的試用邀請🙌 🗓️使用時間：持續使用一星期 🎨產品色號：W-036 Warm Sand 💆🏻‍♀️個人皮膚狀況： 混合乾性肌膚，全面易乾而出油 最近少許敏感及易紅 使用產品後沒有任何過敏反應 （產品成份分析請看文本👀） 🔽全面使用心得如下🔽 1️⃣質地細緻輕盈: 粉底液的質地細緻柔滑，Creamy狀態，不太流質亦不太黏稠。我簡單用手指上妝，相比起妝前底霜/非霧面粉底液的質地，此款粉底液較易結膜，上面後較快乾了一層，但快手推開就不會有拉扯或乾澀的感覺。 2️⃣貼合肌膚,輕盈透氣: 上妝後，粉底能貼服在肌膚上，沒有任何厚重感或面具感。質地輕盈透氣,基本上10分鐘內已乾透結膜，結膜後的顏色更貼近原本膚色,像素肌一樣呈現均勻自然的效果。 3️⃣柔焦微霧光感，改善毛孔問題: 相比一般粉底,這款粉底液能更好地貼服在毛孔和細紋上,有效遮蓋和平滑肌膚紋理,尤其是眼底及鼻翼位，讓整體妝容看起來更加細緻均勻。能打造出柔焦自然的微霧光澤妝感，改善暗黃。全面只用了一pump，明顯平滑了暗瘡凹凸印，但未完全遮蓋雀斑，需局部加強遮瑕。 4️⃣持久控油,水油平衡: 這款粉底液的持妝力不錯,即

cynthia_snow好用推薦：本身皮膚比較乾，所以每次搽完粉底之後，都要拎住塊鏡，用好多時間仔細端詳塊面有冇出現斑駁、卡粉嘅情況🥹除此之外，鼻翼兩邊毛孔都比較粗大，兩邊面頰亦因為毛囊角化引致泛紅，邊緣位置亦有唔少暗瘡印，平時都要用遮瑕膏慢慢遮，所以成日都要化妝化一粒鐘先出到門口🤦🏻‍♀️ 一直有聽聞Bobbi brown嘅蟲草精華粉底係養膚粉底，因為粉底液入面有75%護膚成分，包括蟲草修護精華+人蔘配方，化妝同時可以做埋護膚，所以好期待試用嘅效果！一般做好妝前保養之後，我會吱一泵粉底液，分幾次點上面，再用定妝噴霧噴濕美妝蛋，然後將粉底液均勻拍開。BB蟲草粉底液屬於比較水潤嘅粉底，延展度好好，feel到好貼膚，唔會令人覺得帶咗個面具，好厚重咁，我甚至一度唔記得自己化咗妝😂 上妝之後皮膚微微反光，真係有水潤亮澤、緞光肌嘅效果~最開心係成功將鼻翼側邊嘅毛孔完美遮左！😍觀察埋其他地方，都見唔到有卡粉嘅問題~ 暗沉同泛紅嘅位置我有再疊加一層，都遮到七、八成，以比較水潤嘅粉底嚟講效果好唔錯！

Lesleyy好用推薦：Bobbi Brown Intensive Skin Serum Foundation SPF 40 PA ++++ 色號：Warm Ivory 香港專門店售價：$660* @Cosme試用邀請 是日分享·輕熟肌，乾皮嘅命定粉底 如果有留意Bobbi Brown嘅都會聽過蟲草粉底 年過25就開始想搵養膚型粉底，加上依加除口罩，梗係要靚靚樣啦 之前入手咗佢地嘅cushion 結果一試愛上仲買埋佢地嘅粉底 蟲草粉底一向都係sell光澤感 如果鍾意霧面粉底嘅朋友可能就唔係你杯茶啦，不過，加霧面碎粉都可以一戰㗎❗️❗️ 但我就係鍾意Bobbi Brown 嘅水潤光澤感 令人有種皮膚好好嘅錯覺🤪 講吓用後感先 粉底屬於medium coverage 中等遮瑕 延展度都唔錯 遮瑕度可以build up 我自己本身瑕疵唔算多，對我嚟講都幾夠 質感好水潤透薄，唔會有焗促嘅感覺 粉底好快就融入到皮膚 同cushion都好似，但粉底就抵用好多啦 上妝前 上妝後： 粉底嘅滋潤度真係好好 比較容易卡粉同甩皮嘅位都控制得唔錯 唔會上極都上唔到粉 亦都唔會話大風少少就吹乾曬嘅皮膚 但滋潤型粉底嘅缺點就係

Suki好用推薦：定妝防水噴霧 EX 使用心得 🌟💦 用後感：❤️❤️❤️❤️❤️ ✅ 無限回購：呢款噴霧係我已經無限回購嘅產品，效果真係好過植村秀，我自己用植村秀防水噴霧係會甩妝甩到好勁，呢款保持好耐都唔甩妝！ ✅ 噴霧細膩：噴霧質地非常細緻，噴上去輕盈舒適，完全唔會有重噴霧嘅感覺，感覺好自然。 ✅ 適合乾性肌膚：我係乾性皮膚，通常都易出現卡粉或浮粉，但用咗呢款噴霧後，妝容完全唔會卡粉，保持得非常好，真係驚喜！ ✅ 保濕效果：呢款噴霧唔單止可以定妝，仲有保濕效果，令底妝更加服貼，肌膚感覺潤澤，冇乾燥情況。 ✅ 使用時機：我習慣喺搽妝前乳同防曬之後即刻噴一層，咁樣底妝會更加緊貼，效果特別好，真係唔會失望！ 總結：CP值超高🌹 ⭕️ 回購意願：出街6-8小時後，妝容依然靚，完全冇浮粉，輕微有啲卡粉但好容易補妝，以呢個價位嚟講，我已經十分滿意！ 如果你想要一款持久又唔會卡粉嘅定妝噴霧，呢個真係必試，無論係日常定係特別場合都超適合！ 效果展示📸 出完街六個鐘冇溶妝！

Kayyan22好用推薦：呢枝我已經回購左好多枝！ Kose呢枝都係我第一枝入手既定妝噴霧 試過唔同既定妝噴霧，呢枝係數一數二噴霧細既！ 我自己皮膚屬於混合性偏乾，有毛孔粗大，膚色暗沉，暗瘡及泛紅問題。 夏天比較容易卡粉，唔定妝一定會浮粉/溶 而第一次用已經好surprise，因為佢保濕之餘，亦減少左我底妝會溶/卡粉情況。 我習慣會係搽妝前乳/防曬後即刻噴一層，個底妝會再貼啲！ 以下係我出街4-5小時既相片，雖然會輕微卡粉需要補妝，但冇浮粉，以呢個價位尼講自己已經十分滿意！ #底妝升級好物

mandy好用推薦：Clé de Peau Beauté (CPB) CORRECTING CREAM VEIL 粧前乳霜 (光采柔滑) SPF25 PA++ $500 from CPB 這是我用過最滿意的妝前底霜(primer)， 質地柔滑，非常好推，只需一粒黃豆的分量， 已可足夠全面使用。 粧前乳霜 (光采柔滑) 即時為肌膚自然提亮， 可以單獨用(有素顏霜的自然效果)，也可之後再上粉底。 蘊含不少控油成分，可以幫助肌膚減少出油， 粧前乳霜 (光采柔滑)質感輕盈，非常透氣， 彷彿沒有使用底妝一樣，不會令人有厚重焗束的感覺。 SPF25 PA++具防曬效能，但如户外活動就 要先上SPF50 PA++++的防曬。 增添了養膚成分，如保濕、防曬及抗氧化等成分， 化妝同時護膚。 含保濕成分: 矽靈, 丁二醇, 甘油, 赤蘚醇, 木醣醇, 氫氧化鋁, 硬脂酸, 海藻醣, 聚矽氧烷-2, 茶氨酸, PEG/PPG-14/7 二甲醚, 甘氨酸 及 水解蠶絲蛋白 抗衰老成分: 甘油, 維他命E 及 刺梨果萃取 防曬成分: 桂皮酸鹽, 二氧化鈦 及 苯基苯並咪唑磺酸 鎮靜消炎成分: 木醣醇, 維他命E

magwong好用推薦：貴婦產品，價錢算貴但物有所值。 首先有淡淡香味，味道有高級感唔重香料味，用落都開心啲。 質地幼滑易推，上面會有少少潤色效果，但冇乜遮瑕度。單用只適合皮膚冇瑕疵者。其他人上多層碎粉可作日常淡妝。 我最鍾意係佢嘅滋潤度，冬天用夠滋潤，亦會令粉底貼服啲。

graceky好用推薦：感謝抽中試用呢支極緻潤澤養膚底霜🫶🏻 今次試用仲有另外兩款底霜體驗裝 雖然係體驗裝 但真係兩下試上手就完左 實在有點無言 大支啲嘅無潤澤 質地係目測係乳霜狀 幾水潤 好易推開 比想像中清爽同透薄 分別試左兩日嘅情況 1)底霜+碎粉 2)底霜+防曬+粉底液+碎粉 情況1 上完底霜 係水亮感唔錯 上左碎粉真係好輕盈 唔似上左粉咁 只有鼻翼同鼻頭毛孔比較粗大嘅地方先覺得有妝感 其他地方就係啞緻咗 但遮暇效果欠奉情況2 上底霜+防曬+粉底液後 唔卡粉 眼部位置都ok 唔會乾到有眼紋出現 上碎粉後 係都幾吸油 毛孔大嘅位置都唔覺得啲粉好明顯 呢個感覺好好多 呢排天氣好熱🫠 未去到出油 但感覺冇咁持妝 因為粉碎質地好細 好透薄 所以感覺都似無物 搭配粉底液之後好似balance左個厚重感 唔建議就咁底霜+碎粉咁用 同埋見底霜唔覺眼見有防曬成份 所以都要疊加一層防曬 相對比較唔方便 妝後碎粉感覺幾適合夏天 輕盈吸油

sallysays好用推薦：Laura Mercier極緻潤澤養膚底霜，為你的妝容穩固的基礎！ 容易甩妝，通常會研究專用其他粉底，或者是蜜粉，但原來底霜對於保持妝容也有很大的關係。Laura Mercier新推出的極緻潤澤養膚底霜，把護膚結合化妝，化妝又可以護膚，對天天化妝的我很吸引！ 底霜是白色的，塗開會變透明： 作為混合偏乾的皮膚，我集中把產品塗在鼻翼兩邊比較容易脫妝的位置。極緻潤澤養膚底霜主打是補水。我個人的用法是先用底霜打底，再上防曬及粉底，最後再用品牌的蜜粉。試用期間我都有在出門前，及卸妝前拍照，很滿意這個combo妝感的維持度，即使在試用期期間天氣變得像夏天一樣炎熱，也沒有脫妝，或者是有光塊的情況出現。 這次試用的主要是極致潤澤養膚系列的底霜，但因為這次品牌推出了一共三款不同功能的，也為我們送上了體驗裝，剛好可以試一下它們的不同。不過由於份量真的很少，只夠塗在鼻翼兩邊，也不能給予很多試用後感。 Blurring 極緻柔焦養膚底霜 也是白色的，個人覺得比較特別是粉紅色illuminating 的極緻光感養膚底霜，看起來是有一些淺肉色的，所以有提亮的效果。大家不妨考慮一下想要的妝感，選擇適合的產品

mandy好用推薦：M.A.C Lightful C+Coral Grass Tinted Primer LIGHTFUL C+光透養膚防曬底霜 SPF45/ PA++++ $390/ 30ml 功效: 保濕+提亮/均勻膚色+遮蓋皺紋+防曬+養膚 LIGHTFUL C+光透養膚防曬底霜強調具有養膚成分， 事實也是如此，確實蘊含大量養膚成分， 如: 保濕、防曬、抗氧化、抗衰老 及 鎮靜消炎等成分 都比大部分其他品牌的妝前底霜多，做到化妝同時護膚， 這點實在很讚。 LIGHTFUL C+光透養膚防曬底霜的防曬功效達SPF45/ PA++++， 可說是等同防曬級別的妝前底霜，不論多留在室內或是 需要長時間戶外活動都得到足夠的防曬保護。 LIGHTFUL C+光透養膚防曬底霜的乳液質地非常好推開， 延展性很不錯，使用感輕盈透薄，不會好焗好厚重。 接近膚色的設計可以均勻面上膚色及遮蓋有皺紋的地方， 同時具有自然的提亮效果。 控油方面，午後T字位出油較多，需要稍為touch up補少少妝。 含保濕成分: 矽靈, 丁二醇, 玻尿酸鈉, 角鯊烷, 藻萃取, 大麥, 小麥胚芽萃取, 掌葉樹萃取, 草綠鹽角草

Cathy tam好用推薦：用咗呢支Lightful C+ 光透養膚防曬底霜真係返唔到轉頭，一支就已經有齊美顏、控油、均勻膚色、防曬、遮瑕功效，仲使乜用咁多其他產品呢🤭 下圖既份量已經足夠apply晒成塊臉，佢既延展性極高，質地水潤好易推開，所以上臉後可以推到好薄，但係同時佢又有一定嘅遮瑕程度，所以搽咗一層底霜之後依然感覺到皮膚可以如常呼吸，而入面嘅玫瑰粉紅光份子能夠即時提亮、均勻膚色。下圖可以見到佢質地係偏向水狀，所以唔使擔心上妝後會太厚而我自己本身眼部周圍都有啲乾紋，用咗呢個底霜之後可以遮蓋到一定程度嘅乾紋🥰🥰大愛！ 好多人都讚我呢排皮膚好左，我想講唔係因為我皮膚好左，只係轉左一支底霜🤭 而且平時化妝一般四五個鐘頭就開始甩妝，但用咗呢支底霜之後明顯妝容嘅持久度提升咗，去到第八個鐘妝容都依然正常，本人十分滿意😊 粉底固然重要，但有一支好嘅底霜先至能夠令到好嘅粉底發揮到佢最大嘅功效，而呢支Mac 既底霜，一支已經可以解決到好多皮膚嘅問題，所以建議大家一定要入手🤭

So Fun好用推薦：這個底霜已用了很多年，以前不懂化妝的時候，永遠都係用呢隻做打底，再加眼影，眼睫毛或者眉粉。 現在學了簡單化妝後，就比較少用了，因為皮膚可能因為年紀增長而比較乾，感覺這個沒有以前那麼適合自己 基本調色是做得不錯的，只是對於我現在來說太乾，或者需要在使用之前使用較滋潤的潤膚才可以，相對其他的控油做得不錯，所以對於皮膚比較油的女士應該唔錯，總括來說這個產品的價錢性價比都算幾好，年輕女士或者面油比較多的人用都不錯

Ronni好用推薦：Sofina 呢支Base係我一直會囤貨嘅item! 以前一直唔覺有咩特別～ 但上妝時間一長就好覺分別！ 佢好貼而且令到個妝last好耐！ 囤貨！ 佢係流質，每次只需要好少～ 已經好夠！仲有一樣嘢！ 就係佢有令毛孔睇落細咗嘅效果！ 左👈🏽係未上妝嘅皮膚 右👉🏽係輕輕一層嘅效果 毛孔真係睇落細咗！唔好以為少少就覺得無咩特別！ 呢少少會令成個妝睇落細緻好多！

robinsbk好用推薦：Urban decay皇牌setting spray 噴出嚟超超超幼細 好似粉末咁 可以噴到全面都好均勻！應該係用過咁多唔同setting spray嚟講 噴頭最好 平時用setting spray慣咗妝前妝後都噴 不過唔知佢係咪有少少控油成份(?) 所以妝前噴嘅話上完妝我個妝會變乾 所以我諗用係我身上嘅話 用係妝後/碎粉後會比較好🤔 用完真係set得貼貼服服 個妝同啲coverage都唔會點溶點郁 但如果呻鼻涕個啲抹到都係會甩 只要唔掂塊面就無事!

zetalhc好用推薦：控油持妝效果唔錯，油性皮膚出街一日都唔覺得粉底甩咗好多。噴一噴就得，非常容易使用，但唯一缺點係味道有啲難聞

mandy好用推薦： Estee Lauder Double Wear Stay-in-Place Makeup 持久防曬粉底 Spf 10 Pa++ $435/ 30ml Estee Lauder Double Wear 粉底 一向持妝特別出色，不需補妝。 妝感做到透薄自然， 使用感舒適輕盈不厚重不焗束。 擁有中至高的遮瑕度，而且可以在 需要的位置輕輕疊加粉底而不顯厚重。 有效遮蓋毛孔，令毛孔不再明顯。 但保濕力及防曬效能稍遜。 如需進行戶外活動，在使用粉底前需 先使用SPF50 PA++++的防曬或妝前底霜。 完妝效果: 半啞緻 遮瑕度：☆☆☆☆ 均勻膚色/提亮：☆☆☆☆ 輕盈度：☆☆☆☆ 防曬系數：☆☆ 持久度：☆☆☆☆☆ 含保濕成分: 丁二醇 及 醋酸鹽維他命E 防曬成分: 二氧化鈦 抗氧化成分: 醋酸鹽維他命E 及 季戊四醇四（雙-t-丁基羥基氫化肉桂酸）酯 抗衰老成分: 醋酸鹽維他命E 鎮靜消炎成分: 醋酸鹽維他命E

Tobimak好用推薦：呢支Estee Lauder既Double Wear粉底我已經回購過最少4支了，因為佢能夠在唔用遮瑕膏的情況下，單用都能夠令暗瘡印、色班完美地cover晒。❤️用左佢之後化出嚟既妝係一個霧面既妝效，但維持左大概4個鐘左右之後臉上有少少出油時，就會變左一個好靚既奶油肌。所以呢支粉底液我極度推介比趕時間出門口，而臉上又較多瑕疵既女孩們🥰 #我的最愛粉底液

Gtam 好用推薦：Elegance 定妝蜜粉餅真的是一款讓人驚艷的化妝品❤️它的細粉質地非常👌，能夠輕易地融入肌膚，妝容看起來更加自然、細緻，而且不會造成厚重感或浮粉現象，讓你的肌膚看起來更加🌟光滑、柔軟。 此外，Elegance 定妝蜜粉餅的控油效果也非常出色，能夠有效地吸收肌膚上的油脂，讓你的妝容更加持久，不易脫妝。它能夠減少肌膚的油光，讓你的肌膚看起來更加清爽、乾淨，讓你一整天都能保持完美的妝容。 此外，Elegance 定妝蜜粉餅的外觀設計也非常👍，精美的包裝和可愛的盒子讓人一看就愛不釋手。它還有多種不同的色號可以選擇，能夠適應不同膚色和妝容需求。 總之，Elegance 定妝蜜粉餅是一款非常值得推薦的化妝品，它的細粉質地和出色的控油效果能夠讓你的妝容更加自然、持久、細緻，而且它的外觀設計也非常可愛，讓你愛不釋手。如果你正在尋找一款能夠幫助你打造完美妝容的優秀化妝品，那麼 Elegance 定妝蜜粉餅絕對值得一試！💁‍♀️

Tobimak好用推薦：我呢個E大餅係1號色，妝效係屬於啞光，適合自然偏白既女仔用❤️。 佢控油、定妝方面都冇得彈，而且入面仲帶一個粉卜，方便帶出街補妝。平時化妝我都係用佢，因為佢拍上臉上非常透薄，而且一啲都唔死白。🥰 黎緊就歲末啦，我十分推薦買呢個E大餅送俾人做禮物。身為一個港女，送嘅禮物當然要好用得黎顏值都一定要高😂而E大餅真係無論放響邊度都好似裝飾咁靚，送俾人一定唔會失禮☺️

bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗

格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。

橘子貓好用推薦：這款是控油base，粉瓶是自然粉色，主要提亮肌膚。 流動性高，有保濕感，提亮膚色的效果是有的，塗完不會泛白。但控油效果對於夏天混油肌的我不太足夠。用了跟沒用似的，鼻頭、額頭出油時間跟之前差不多。 可能比較適合乾肌在香港春夏使用。 塗粉底前，有用Cezanne的分別：#BA照

Giselle 好用推薦：Cezanne 長效控油妝前隔離乳 30ml *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Cezanne呢個牌子嘅產品出晒名又平又好用⸜( ´ ꒳ ` )⸝呢款算係佢其中一個因為好用而俾超多位日本美妝博主推爆嘅產品♡︎ヽ(..•ε<...)佢雖然標榜長效控油，但我呢個混合偏乾嘅人用完都唔會話因為佢太過控油而皮膚太乾唔舒服( ⸝⸝•ᴗ•⸝⸝ )੭⁾⁾佢最令我驚豔嘅係佢嘅持妝效果，佢可以令我嘅妝容係唔搽蜜粉唔噴定妝噴霧仲要戴口罩嘅情況下可以撐到4個鐘頭⸜( ´ ꒳ ` )⸝♡︎持妝效果我諗佢真係開架嘅base 入面算係數一數二勁，甚至俾某啲專櫃嘅仲要出色≡︎⊂︎( ^-^)⊃︎佢係屬於妝效比較偏白嘅隔離乳，所以一般擠幾滴就已經好足夠₍ᐢ⸝⸝› ̫ ‹⸝⸝ᐢ₎搽太多反而皮膚會有種太死白嘅感覺(⌯︎˃̶᷄ᗝ˂̶̥᷅⌯︎)另外建議搽咗上去後起碼等5分鐘後再上妝，唔係會有少少擦字膠碎出現( ˙༥˙ )$100都唔駛嘅base就有咁優秀持妝效果真係值得大家擁有ƪ(♥︎ε♥︎)ʃ

Emma W好用推薦：修飾隔離防曬3合1皇牌底霜，其輕盈的質地，易於塗抹且不油膩，加上搽後有種裸妝感，適合自然妝容、日常裝扮。另外其具有保濕成分，令妝前打底更貼服。所以，也可以減少補妝的次數。妝後不會顯乾紋，水潤潤的，仲last 到夜晚。 Block Booster具有高效防曬、抗污染、水漾持久。保護肌膚免受紫外線及污染物 pm 2.5 等侵害，塑造水漾美肌，能夠平滑肌膚，讓後續化妝更加服貼。 其防曬效果，（SPF50+ PA+++）都算係底霜少有的高防曬coverage。可以唔駛搽多一層防曬，令肌膚少啲負擔。 適合肌膚：任何 成效度：4/5 保濕度：4/5 貼合度：4:5 質地：cream 狀 光澤度：4/5

mandy好用推薦：Shu Uemura Unlimited Block:Booster Protective Moisture Primer 水潤隔離防曬底霜 (冰透粉紫) SPF50+ PA+++ $400 水潤隔離防曬底霜質地水潤易推不黏笠， 以防曬及保濕成分為主，另含其他養膚成分。 防曬保護達SPF50+ PA+++，是等同防曬級別的妝前底霜。 此外，妝容持久度不錯，午後沒有出油溶妝， 省回不少補妝的時間。 具調色功能，共4色可選，包括自然杏色、冰透粉紫、 清新粉紅色及透明。 自然杏色-->均勻膚色 冰透粉紫-->美白提亮、增加透明感及光澤 清新粉紅色-->增加紅潤感，肌膚立即白裏透紅 透明-->不影響後續的粉底顏色 一瓶水潤隔離防曬底霜=防曬+調色+妝前底霜， 真的非常方便唷! 含防曬成分: 水楊酸鹽, 奧克立林, 帕索 1789, 乙基己基三嗪宗, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪, 二氧化鈦, 2,2-亞甲基-雙-(2H-苯並三唑-2基)4-(四甲基-丁基)1,1,3,3-苯酚 及 甲基水楊醇 保濕成分: 丁二醇,

皮皮爱马桶好用推薦：感谢@Cosme这次Benefit试用体验, 本人也是首次使用这个品牌。老规矩先上一张大合照。图中左上方为Benefit柔雾控油毛孔细致霜(旅行装2支)，右上方为强力无重定妆喷雾（旅行装2支），下方为柔雾控油蜜粉（虽说是迷你装，但是好大一盒，比我在别家买的正装还要大） 本人夏季肤质为混合偏干，两颊中性肤质，T区比较容易出油，尤其是鼻翼非常油。为了体现产品定妆效果，本次测评分为左右脸进行，其中观众视角左脸使用了Benefit定妆三件套，右脸则没有定妆。 首先上一张素颜图，只做了基础护肤步骤，上了水、精华、乳液。然后右脸上妆前乳，用化妆蛋轻轻拍开；左脸上Benefit柔雾控油毛孔细致霜，用手点涂后抹匀。全脸上粉底液，用化妆蛋拍均匀。左脸用Benefit柔雾控油蜜粉定妆；右脸无定妆。左脸再用Benefit强力无重定妆喷雾定妆，按照说明以一个手臂距离喷上；右脸无定妆。刚上完妆左右脸对比图: 左脸有定妆:右脸无定妆:  持妆6小时后对比图，可以看到未定妆的右脸已经有微微浮粉+氧化脱粉:左脸则基本和刚上完妆的区别不大，妆效保持较完好。由此总结得出，Benefit三件套的定妆效果还是非常不错的，

Jolicious好用推薦：好開心得到@cosme 邀請，得到Benefit The POREfessional 柔霧控油系列試用機會，呢個系列一向口碑好好，每逢夏天日常需要維持抗油抗汗嘅妝容時，油肌人士對benefit The POREfessional一定唔陌生，係最穩陣嘅首選！ 💖The POREfessional「強力無重定妝噴霧」一向係皇牌產品之一，妝容最後一個步驟噴埋就包保萬無一失，定妝噴霧內有benefit 專有嘅細緻粉末成份，噴霧分子偏細，噴上面大約已20秒已經形成左透明薄膜，清爽唔黏笠 ✦上妝同時用左同系列「柔霧控油毛孔細緻霜」同「柔霧控油蜜粉」，測試控油同持妝度 🔼剛上妝容效果 🕗持妝8小時 上妝後嘅行程係出入户外(高達32度另加一兩陣驟雨）同室內（商場同餐廳溫度大約22度)，去到第4-5個鐘，鼻翼有微微出油情況，比起平時2個鐘已出油，出油量明顯減少，輕輕用紙巾印走油後(無進行任何粉底補妝)持妝度無乜影響，而且面臉表面明顯係比平時清爽唔會黏笠笠，8小時後，成個妝容都仲係幾完整keep到近8成，對油肌人士黎講係好大嘅福音

Evita Wong好用推薦：出門前上妝都算貼服，有霧面感。 但可能本人膚質較乾，到下午時間有甩皮既狀態。 如果我用碎粉就無呢個問題

Angie好用推薦： 有時唔想化底妝，上完防曬就會輕輕掃一層蜜粉，CANMAKE呢款蜜粉性價比非常高，有輕微修飾效果，又唔會太重粉感

Wing好用推薦：**質地輕盈精緻**:質地好輕盈滑溜，上妝時感覺好滑順,易融入肌膚，冇厚重感。 **遮瑕效果出色**:呢支粉底液有遮瑕能力，可以均勻膚色 **自然貼服妝感**:上妝後會好自然咁融入肌膚，冇明顯粉底痕跡

mssylviaa好用推薦：已經用到第三枝power frabic，因為底妝嚟講真係唔錯。 質地🌟🌟🌟 比起Dior、Lancôme，Armani相對冇咁液體，但流動性高，好易推，同埋唔會上手就好快乾，新手都好易handle。不過相較之下，我覺得上面後感覺冇其他牌子咁薄。我自己夏天用掃上，冬天用手上。 遮瑕度🌟🌟🌟🌟 質地偏厚身，我覺得遮瑕度比其他牌子高。簡單紅印一抹都遮到，不過如果係紅腫暗瘡就要另外加遮瑕膏。 持久度🌟🌟🌟🌟🌟 早上化妝，去到夜晚先會見到明顯浮粉，持久度十分高。我通常去到下午就會輕輕用紙巾印印粉，補補碎粉。不過長時間戴口罩的話，沾粉情況都嚴重。 色號🌟🌟🌟🌟 我用3.5，黃調自然白，大部份亞洲人都啱用，有自然提亮功效。不過記得當初都曾經中伏，專櫃staff揀咗隻深一度嘅顏色俾我，結果我用咗少少就冇再用。所以最好認真去專櫃試清楚先買。

chasiutung好用推薦：Paul and joe 防曬妝前乳SPF15 PA+ 配方提升至90%精華成分 加入Moisture Essence 保濕精華、四種透明質酸、保濕橙花水加強保濕功效而設最滋潤保濕的隔離霜 蜜桃色調色有點遮瑕度 質感滋潤 搽完上面有提亮同光澤感 有香氣味 瑕疵不多可以單用或加少量碎粉就可以出門 混油皮適合秋冬使用 上粉底後妝感貼服 無溶妝 吾卡粉 但不建議混油皮春夏使用 會有點笠同脫妝 使用後:

Milo101好用推薦：🌟這品牌的primer是我很喜歡的，是各方面都很平衡的一個妝前乳 🌟特別在夏天，會用這支白色蓋子的，有防曬SPF50+ PA++++ 🌟通常化妝前基礎護膚過後，有時不塗面霜，直接塗這支primer，因為它有很高的精華成份 🌟塗上時會有淡淡橙花香氣，加上樽身的顏值，清新優雅 🌟塗上後靜待一會，皮膚變得有透亮光澤感，沒有遮暇但有修飾膚況 🌟有潤澤感，透薄但仍然有輕輕黏黏的，可以稍稍遮暇+撲點定妝粉就可以出門了 🌟01色會重點塗作輕提亮，之前購物有時會送旅行裝，如果是02色（深色）會塗陰影位置，兩色推開後不會兩截色可以完美混合的 #底妝升級好物 @cosme