日本碎粉 推薦好用產品

Emily Leung好用推薦：Ettusais蜜粉餅測評 首先，呢塊粉餅喺香港同內地都幾hit，好多KOL同用家都話佢係「平價版Nars」，價錢親民但效果有驚喜。等我同你逐樣拆解啦！ 1. 粉質 (Powder Texture) 「點形容佢嘅粉？」 · 極度幼細，輕如煙： 一打開盒，用粉撲掂一掂，你第一下感覺會係：「哇，好薄好幼！」佢嘅粉真係幼細到好似一陣煙咁，完全唔會飛到周圍都係。就算你上多幾層，都好難會出現「粉感好重」或者「結粒」嘅情況。 · 摸上手滑捋捋： 啲粉質好順滑，有啲似絲絨嘅觸感。呢種幼細度對於修飾毛孔好有幫助，可以好自然咁填平凹凸唔平嘅地方。 · 乾肌都唔怕： 因為粉夠幼細，就算係乾性皮膚嘅人用，只要做好保濕打底，都唔會輕易出現「龜裂」或者「起擦膠碎」嘅尷尬情況。不過，極乾肌就建議局部用喺T字位就算。 2. 妝效 (Makeup Finish) 呢度要重點講，因為佢嘅妝效真係好靚： · 高級「柔焦霧面」感： 佢唔係死實實嘅全啞光。一上臉，你會即刻覺得塊面嘅瑕疵同毛孔好似被「柔化」咗，有層薄薄嘅濾鏡咁，呈現一種好高級、好乾淨嘅霧面妝效。 · 零存在感： 好多粉餅搽完會覺得塊面「焗

Desse好用推薦：#火熱新品 SKINCARE POWDER (PRESSED) 美肌護膚蜜粉餅 又係粉紅系列🧏🏻‍♀️ 因為盒靚…又有玫瑰味..就同家姐秒入手🌸 官方賣點：有養膚功能 糅合補濕成分雙重透明質酸，以及三重美容精油成分 (摩洛哥堅果油、祖祖巴油 、月見草油) 可以幫助皮膚保濕同時又養潤皮膚 盒仔圓形設計.. 好滑溜🧏🏻‍♀️ 開盒已經聞到好香玫瑰味🌷 粉粒幼細💡 鼻頭嘅毛孔有被柔焦.. 粉感唔會太重 控油效果唔錯💡 平時T字位會久唔久出油.. 要用面油紙幫幫手.. 用咗喱款蜜粉.. 可以持續到6個鐘左右都無需要印走面油👍🏻 顏色貼近亞洲人膚色💡 平時用歐美蜜粉.. 都要小心控制份量.. 怕會重手咗.. 日系化妝品通常都唔會有喱種煩惱🧏🏻‍♀️ 減少浪費💡 幾鐘意佢有環保概念. 用完可以買補充裝再用.. 🪻🪻 對於會佩戴口罩嘅女士.. 請記得要噴幾層定妝噴霧… 真正定穩才可帶口罩.. 否則絕對會甩粉 記得留意補妝 🪻🪻 🧏🏻‍♀️至於養膚賣點… 其實唔多感覺到.. 畢竟個底搽咗非常多護膚品😅 但易定妝.. 唔死白.. 性價比唔錯.. 都值得一試🧏🏻‍♀️

Chloeincosme好用推薦：Decorte既碎粉（/蜜粉）係我一直嘅回購品，亦都係我用過最好嘅碎粉（沒有之一）。 雖然價錢望落小貴，但係其實好大容量，除返比開架品牌更平😂 呢盒係好耐之前囤既貨（因為之前嗰盒用咗好耐，終於用晒😆🤣😓）。 1. 粉撲： 暫時未見到比佢更有誠意既粉撲🤣夠軟夠厚長毛，抓粉力恰到好處，唔會太多但唔會上左空氣。  2. 色號：11 號。 妝感：日系自然，好輕微既粉色再加少少閃粉，上面效果精緻，略帶珠光，喺陽光下有一種好自然嘅透膚感。 Zoom近影見唔見到有極細極細既珠光閃粉，唔會令塊面登台咁，但又有光澤。 控油：混乾肌表示返工/ 行街完全夠做，如果全日戶外活動就要噴定妝噴霧。 保濕：偏高（控油比大白餅冇咁好！但比大白位保濕） 簡單黎講，平靚正🤣 

Fng好用推薦：我近期入手咗日本品牌Decorté嘅四色碎粉，#101 色是熱賣王！它主打四色粒子調光技術，聲稱可以柔焦毛孔、控油不乾、持久透亮。 💁🏻‍♀️ 個人膚質: 混合性偏乾肌，T字位微出油，兩頰偏乾，鼻翼易溶妝 ✨ 一盒四色實際表現 ✅ 優點 1. 柔焦毛孔超細緻 - 四色粒子混合後上臉，即刻有「美圖秀秀磨皮效果」，尤其鼻翼同眉心粗大毛孔隱形度一流！ 2. 保濕唔乾 - 含透明質酸同有機絲粉，兩頰用咗完全冇繃緊感，乾肌位唔會卡粉，同Laura Mercier比更貼服～ 3. 抗汗力意外強 - 實測戶外行街2小時，出汗後用紙巾印面，粉底只脫落少少，冇出現粉底移印尷尬情況！ 4. 透亮唔假白 - #101色帶微微珠光，提亮效果自然，唔會變灰面，黃皮友好！ 透明感UP! 5.💡 局部提亮，用細掃沾少量碎粉掃眼下，即時有「嘭起來」效果，代替提亮筆～ ❌ 缺點 1. 控油力中等 - 油肌夏天可能要3-4小時補一次粉，混合肌就剛好，建議配搭控油妝前乳。 2. 盒設計唔方便 - 附送嘅粉撲超軟熟，但冇隔層，帶出街易漏粉，自配碎粉盒更好。

zetalhc好用推薦：用過覺得最好用嘅蜜粉，就算係去跳舞比賽幾個鐘頭都唔會脫妝，防水防汗同控油嘅能力都非常好

Hchan好用推薦：由我第一次以試用心態買下此碎粉後，就一直回購大約有幾年了。有小罐及大罐裝售賣，售價中等，但由於我混合肌易泛油，平日喜愛霧面妝感，用量頗多，所以都買大罐裝不用省量。 我使用的透明那款，粉質細緻幼滑，在用量多的情況下上臉後會有提亮效果不死白，亦可修飾我的粗大毛孔，另外防汗及控油效果也不錯，維持了整日的妝都不會暗沉，十分推薦，產品另提供珠光，膚色等色號，可按個人需求購買。

Poyobb好用推薦：點解會買💕 開架出名有份量多又唔太貴嘅日本牌子，其實用過好多專櫃牌子嘅碎粉都冇乜特別突出感覺，反而想用返啲多人推薦嘅Chacott碎粉 質地💕 我揀嘅係761色號，屬於自然膚色，大部份香港女仔揀呢隻色都冇錯。冇添加閃粉，不含滑石粉 使用感💕 膚色嘅碎粉，粉質未去到最細，比Laura mercier粗身dd ，但上面有填補毛孔功能。最鐘意係皮膚差、即係爆暗粒嘅時候用，有遮蓋毛孔作用，好似開咗磨皮功能一樣😍 而且唔會反光，只有少許保留底妝既光澤感。上面之後有少許薄霧，粉感明顯🤭 掃碎粉上面後皮膚非常乾爽，即使30幾度嘅，夏天都好乾爽，碎粉吸油力強，香港天氣非常適合。即使全日，持妝度都保留得好好，只有鼻翼微微浮粉。我鍾意留返係當日長時間戶外活動用佢 建議💕 唔好全打開曬成塊貼紙，剪開少少岩岩好倒出嚟。雖然可以加錢配粉撲，我覺得無必要用粉撲，唔太好用。用撲粉粉感重，反而建議用平頭粉底掃，掃兩次全面定妝效果更佳🤭 建議妝前保濕及底霜用保濕款，全面就唔會太乾。761完妝感高級，比透明更優秀。面部有瑕疵一定鍾意🩷 推薦比適合嘅你💕 十分推薦比油性皮膚，或者炎熱又焗既夏天日子混合性皮膚都

bellahly好用推薦：之前喺@cosme 舖頭見到Chacott呢個牌子，知道佢係舞蹈員常用嘅化妝品牌。 買咗佢嘅底妝同埋定妝粉，試完之後真係返唔到轉頭。香港地咁濕咁熱，作為混合性偏油嘅朋友，夏天化妝一定要用定妝粉。 買咗兩盒，一隻係霧面（灰蓋）；另一隻係冰感（藍蓋），兩隻都有皮膚顏色。 藍蓋係比較新出嘅蜜粉，雖然佢有冰感，搽完上去之後皮膚會覺得冰冰涼涼，本身係好適合夏天用，但係我自己用完相比之下就覺得灰蓋霧面比較持久，冇咁容易溶妝；而且份量亦都大啲啲。 如果今個夏天未買定妝粉，大家記得試吓呢一隻日本牌子啦🥰

Miaomiao好用推薦：買左裸色同粉色既蜜粉，效果分別不大。閃粉比較明顯，通常帶閃粉既粉底，拍左上面都係輕微珠光，但係呢款係近睇會見到有一粒粒閃粉既狀態，適合鍾意妝感亮麗顯著既人。 控油能力高、配合埋同系列既long lasting primer可以持妝全日，特別適合夏天使用。我係混油皮，T字位出油位置覺得用呢款幾好，但係面頰同額頭位置就會有d起皮。

FishYu好用推薦：用開呢個牌子既粉底液，想試下同系列既碎粉，所以買左set試用裝。碎粉顏色係裸色，帶閃粉。 控油能力高，持妝效果強就算戴口罩都冇乜甩妝。如果用曬同系列既粉底液+碎粉我覺得太控油會偏乾，用呢隻碎粉會揀配其他較補濕既底霜。

Tracy好用推薦：細細粒幾易攜帶，有防曬嘅作用，粉質唔係太幼細，上面感覺唔夠乾爽，用手直接摸感受下個粉質會覺得有啲黏黏。

Giselle 好用推薦：Canmake 控油礦物蜜粉 01號透明色 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Canmake最新出嘅控油蜜粉(✿︎´ ꒳ ` )♡︎ 呢次入手嘅係01 號透明色(* ´ ｪ `*)♥︎到出嚟粉末係偏白色(灬♥︎ω♥︎灬)佢仲有另外一隻C01號薄荷綠色，因為入面額外添加咗積雪草等成份，會比較適合有泛紅問題嘅小夥伴哦(๑ت๑)♡︎ ❤︎ ︎ ❤︎ ︎ 用咗一排覺得佢個控油效果幾好˙³˙ ){•••♥ 身為T字位大油田嘅我用咗之後大約2個鐘頭都仲可以keep到霧面質地≡︎⊂︎( ^-^)⊃︎搽係瀏海到即刻由barcode 頭馬上變返做根根分明嘅瀏海゜.+.(♥︎´ω`♥︎)゜+.゜對比佢之前嘅棉花糖蜜粉餅，呢款係控油方面會比較出色( ๑´•ω•)۶佢雖然粉末係白色，但搽上面之後唔會顯得死白(´∀︎`,,人)♥︎*.反而係有種日系霧面肌感覺(◍︎ ´꒳` ◍︎)b ❤︎ ︎ ❤︎ ︎ 而且佢嘅size好細個，就算放係小廢包都裝得落₍ᵔ·͈༝·͈ᵔ₎拎去補妝就真係啱啱好(`✪︎ω✪︎´)而且無添加劑同香料，就算敏感肌嘅小夥伴都

Lumi Kwan好用推薦：之前睇好多日本雜誌，啲編輯都極力推薦，而且呢個產品成日都拎日本獎項，所以上次去日本嘅時候我刻意買咗一盒。以前覺得碎粉係一件用極都唔完嘅產品，但唔知點解用呢一盒嘅時候我大約用四個月，就用完啦。粉粒好微細，佢仲有另一款顏色係珠光，但因為我怕會好似成面油咁，所以冇選擇。入面有一個粉撲，我仲貪得意買多一個粉撲可以有替換，粉撲超級柔軟好舒服，但有時我都會用粉底掃去上妝，上左妝之後覺得皮膚好滑淨，就算之後再加highlight，都輕而易舉。我剛剛由去完日本返嚟，所以都冇貨買咗一盒，我會長期支持佢。

YolandaAuYeung好用推薦：蜜粉粉末超級細緻柔滑，延伸性好。優秀的透薄感，原因是「Bouncing Powder 彈潤粉體」技術，令肌膚產生絲滑潤澤質感，輕柔地覆蓋肌膚，令肌膚整日也呈現自然明亮光澤，仙氣Level UP!! 用後感: 蜜粉粉末超幼滑，驚艷不已的絲滑觸感，令人一試難忘! 質地非常貼薄，能有效提亮肌膚色澤，就像第二層肌膚，透岀素肌感，連毛孔也完全隱形了，自然遮瑕修飾，沒帶一點厚粉感，即使帶着口罩，也不泛油，持久度很好，這是我定妝必備之恩物！ #細緻碎粉

aaapril好用推薦：正值冬天，天氣開始乾燥。我推薦這個自己已經用了3盒空瓶的。如假包換的空瓶!! (*ˉ︶ˉ*) 唔易脫粉，真的好好用。特別戴住口罩嘅情況下，持久性非常明顯。我記得第一次用完，當我回購嘅時候，剛好@cosme缺貨，我每隔幾日就會去舖頭望下返貨未，終於行左幾之後先買到，好誇張！ 外觀： 我第一次購買時大約係2020年， 當時係採用金色包裝。而家轉左灰色，同樣用紙盒包住，而色號印喺底部，唔好手快快攞錯！注意裡面唔包粉撲，需要另外購買！！ 我依隻係保濕系列嘅皇牌，有3隻顏色選擇。我用嘅係<771 自然色> ，顏色偏粉色，可以提亮我面部膚色，望落無咁暗沉。 另外，佢嘅粉質屬於超幼細而且好順滑，非常之容易推開，唔怕卡粉之餘，仲可以令個妝望落去唔會厚𥄫昅。之前幾篇文章都有提及過我係屬於超級乾性皮膚，另一個我喜歡用Chacott 保濕蜜粉嘅原因係因為佢嘅保濕力做得好好，可以長時間幫我hold住個妝，唔會擔心肌膚越用越乾。

jaye好用推薦：呢款係透明而保濕系列既碎粉，秋冬呢段時間用好好，粉質非常之細緻，柔軟，非常浮貼係臉上，無好重粉感，好薄透既感覺，控油效果就未係最好，不過定裝效果係秋冬用都好持久，夏天係會爭啲。估計性價比夠高，所以係@cosme都長期無貨…～推薦！！

Q能Q好用推薦：粉質超滑，上面完全冇粉感，磨皮效果好好 買咗2024版，$215有20g性價比幾高 但只適合秋冬，夏天控唔住油

Giselle 好用推薦：Excel 柔絲美肌精華蜜粉（2023 秋冬ver. 01） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款係Excel每年秋冬都會出嘅限量版蜜粉( ⸝⸝•ᴗ•⸝⸝ )੭⁾⁾因為呢款係添加咗美容液成份，所以年年一出就會超級無敵搶手₍ᐢ⸝⸝› ̫ ‹⸝⸝ᐢ₎我自己用後覺得超級好用₍ᵔ·͈༝·͈ᵔ₎佢嘅粉質係超級幼細，就算上多幾層都無嗰陣好厚粉好白嗰陣感覺⸜( ´ ꒳ ` )⸝♡︎而且佢可以做到模糊粗大毛孔嘅妝效，望落去有種皮膚好好嘅錯覺ヾ(*>∀︎<)ﾉﾞ另外佢嘅粉撲真係超級無敵舒服(o´∀︎`o)ﾆｺｯ超級軟而且又大，基本上拍幾下就已經定好晒全臉妝容而且用嗰陣又唔會唔舒服(〃'∇︎'〃)佢嗰盒嘅設計屬於壓落去就已經可以沾到粉，唔需要倒轉嗰盒倒到周圍都係粉(≧︎▽︎≦︎) ❤︎ ❤︎ 佢嘅定妝效果屬於一般般嗰種，around 4個鐘頭就會開始係鼻翼附近開始有浮粉嘅情況(◞︎‸◟︎；)所以油肌嘅小夥伴呢款唔太適合你哋(இдஇ; )另外因為佢係好大盒所以都唔太適合帶出街隨時隨地補妝(꒦ິ⌑︎꒦ີ）

Chloeincosme好用推薦：乾性肌膚揀蜜粉真係要好小心，唔係好易會卡粉或者顯乾紋。行街見到呢盒Canmake好多好評嘅碎粉，價錢又唔貴所以就買咗嚟試吓。 **包裝** Canmake 嘅蜜粉包裝一如以往行可愛路線，而且細細盒方便攜帶。 **粉質** 粉質方面，摸上手都算幾細滑，但冇我既愛牌LM嗰種好驚艷嘅感覺。 **使用方法** 可以喺搽完防曬或者底妝之後用，用佢附送嘅粉撲輕輕印喺臉上。乾性肌膚既我會避免用太多，薄薄一層就夠，而易出油嘅地方譬如鼻翼兩側可以加強少少。 **使用效果** 佢嘅柔焦效果唔錯，可以修飾毛孔，令皮膚看起來平滑啲。而且佢喺紫紫地色，有輕微提亮去黃既效果。遮瑕力就比較弱，如果想遮瑕嘅話，就要另外用遮瑕膏！

Fng好用推薦：喺日本旅行時買，見佢有紫色，可以中和黃皮暗啞膚色 ，佢既保濕又遮毛孔，matte妝效，控油尚可，朝早上妝 去到黃昏開始會 出油， 以咁嘅價錢 ，值得回購。

shadow影子好用推薦：顏色自然融入底妝，有很好的吸付力，而且有少少的遮瑕力，最喜歡在base之後直接塗上碎粉，自然的偽素顏妝瞬間完成！就算是潮濕的春夏天用效果也很好！

chasiutung好用推薦：SOFINA Primavista Ange 控油持妝蜜粉 係我學生時期買嘅第一盒蜜粉 依款蜜粉用左幾多年回購過幾次 係一款平價好用嘅蜜粉 粉質細滑 顏色自然 均勻膚色有一點遮瑕作用 會有少量粉感 控油效果還可以 係一款不過不失嘅蜜粉 依個價錢黎講真係幾抵用

Kitty 好用推薦：Suqqu碎粉真係驚艷級別！ 又用完一盒，一打開粉盒就知唔簡單——啲粉幼滑到呢，手指摸落去似抓緊一縷煙，細膩過嬰兒爽身粉！上臉嗰陣完全冇粉渣感，用掃子唰一聲掃勻全臉，感覺好似即刻幫皮膚上左一層舒服嘅光澤感濾鏡，好似本身皮膚咁乾淨，零粉面具感呢點真心贏晒💯 控油力我要俾👍🏼👍🏼雙讚！T位出油位拍多兩層，朝早化妝頂到食晏個鼻頭都係乾爽嘅，但神奇在唔抽乾水分！面頰位本身偏乾，用佢都冇繃緊皸裂，證明啲粉體識得吸油唔吸水，夏天混油皮/冬天混乾皮用都完全OK～ 最癲係佢隱形到冇存在感！成日補粉都唔會結塊，薄薄一層已經壓住油光，仲keep到皮膚透出嚟嘅自然光澤。同埋粉體帶微微濕潤感（係微微珠光！），所以零粉痕之餘仲有種天生好皮嘅柔焦效果，毛孔同細紋位都好似被輕輕修平咗✨ 用到而家不斷回購，真心覺得貴得有道理——細膩、控油、不乾燥三位一體，油肌唔怕溶妝，乾肌唔怕裂粉，完美平衡，四季皆宜嘅寶藏級碎粉無誤！ 對我來講，唯一缺點係價錢偏貴，而且之前香港冇專櫃，購買不太方便。。。但呢個唔係佢問題，係我問題😜

Wuxx好用推薦：今次要介紹嘅呢一款係我人生第一盒買嘅蜜粉 Suqqu Loose Powder~ 係天氣越嚟越熱嘅情況底下， 真係唔可以唔上碎粉就出街， 如果唔係一到下晝就會成面油腍腍嚇死街坊🤷🏻‍♀️ 我係喺冬季時候購入呢一款蜜粉， 第一次用嘅時候我就俾佢驚艷到:果然係貴婦品牌！ 啲粉真係超級超級超級細！ 初初用佢嘅時候我成日都會懷疑究竟我係咪真係有上到粉？ 因為真係完全見唔到。 而呢一款蜜前粉有養膚同保濕成份， 所以冬天用係非常適合， 唔會一到晏晝就俾粉底抽乾皮膚。 但係亦正因為佢有保濕成份， 所以我個人認為佢只係適合秋冬用。 夏天嚟講如果你全日都坐冷氣房或者都仲用到， 如果出街嘅話控油力就唔係咁足夠， 變相我要就唔同季節用唔同嘅碎粉🤔 撇除佢唔可以夏天用呢個缺點， 個人認為入手等濕度低嘅時候用都未嘗係一件壞事~*隔住張相都feel到佢幾保濕😂痴住痴住~~

JuneL好用推薦：最初我對Media Luxe 的產品不太感興趣, 後來因在網上看到有人介紹, 才開始留意這品牌。 買了它的蜜粉來 試試，粉質幼細度真的可平替某大品牌的蜜粉, 它除了粉質幼細幼滑外, 上面後在控油效果方面也算不錯的！ 我最欣賞蜜粉的隔網設計, 帶有點彈性的隔網在取粉時更容易取及取粉均勻, 容量多, 價格親民, 勝價比超高! #會員活動 #碎粉

alicec好用推薦：呢款蜜粉絕對係 Laura Mercier平替！對於混合油肌來講，好輕透又貼面，控油同埋持妝效果都唔錯，中間個彈網可以輕鬆攞到合適份量，唔會飛到周圍都係粉。性價比超高，好用又唔貴，值得推！ #火熱新品 #每月新品感謝禮 

LorraineTsung好用推薦：天使粉餅係年年都唔同包裝～(但年年都好靚😍) 2020款開始由舊有既3個版本改左做2個版本 分為”GR專櫃版”同”藥妝版”👈🏻 我自己分別有2018,2019,2020同2021版!!! . 我買既2020同2021都係GR版👆🏻 保濕都會好啲定妝無咁乾👈🏻 但無論係邊個版本都係得一個色號！ . 粉質都好細緻柔滑上臉會有好輕微既遮瑕效果 定妝能力同控油能力我覺得都維持到 雖然會有一定既妝感但唔會面具好假死白既感覺👍🏻 不過唔建議油皮使用❌

inkitsung好用推薦：外觀大於內在，年年都會唔同限定款~ 所以都會唔少人會買嚟珍藏~ 佢本身蜜粉又有分藥妝店版本同專櫃版本~ 個人覺得專櫃嘅會更保濕養膚~ 內在方面，粉質都算幼細，有一定遮瑕度，會感覺有啲妝感~

黯然仙人掌好用推薦：見到youtuber 同cdp 做對比之後買，的確係好幼細，有磨皮效果，而且唔會厚妝，但對混油肌黎講夏天用就做唔到控油效果，要加setting spray 先得。

Hayat好用推薦：碎粉細緻 可以修飾膚色 早上出門前擦完防曬、飾底乳再上蜜粉 偽素顏妝感佳 容量大 一罐可以用很久 缺點：碎粉出孔稍大 有時粉撲會沾上過量蜜粉

Rosa好用推薦：第一眼已經被它的外型吸引住，華麗又精緻！專程叫妹妹着日本買回來。我覺得他適合乾性皮膚使用，粉質細膩，剛剛上粉的效果係最漂亮的，透薄自然。我嘗試在炎熱夏天使用，感覺會有點不夠乾爽 去到中午基本上都會溶妝 所以我建議可能入秋，或者乾性皮膚使用效果相當不錯

綺羅香好用推薦：睇包裝系列，幾年前已經好想買天使蜜粉，點知俾疫情搞到好耐都無得去日本，最後唯有搵代購（松本清都有，不過新版無咁快上） 天使蜜粉分兩個版本，一個周圍都有得賣嘅常規版，一個淨係得專櫃有嘅GR版，粉餅成分當然係GR版比較好（原來香港都有專櫃），我手上呢款係常規版，佢每逢雙年份會出厚盒版，我拎過上手，厚度大概有一般兩個普通蜜粉餅厚度以上，用完可以直接當飾物盒用，單年份會出薄盒版，容易帶出街多啲 每年天使蜜粉都會有一個主題，而今年係創造幸福，粉盒同粉餅上面嘅天使好可愛，暫時未捨得用

Fng好用推薦：喺日本專門店買，粉質非常幼細，淡淡的紫色可中和本身偏黃的膚色， 妝感自然透薄， 我本身係偏乾膚覺得保濕度尚可。

Fng好用推薦：買咗最新嘅101號色，有4種顏色碎粉在內🩵💜🩷🤍，分別係米色、粉紅色 、淺藍色、薰衣草色。 內附粉撲，厚實柔軟，用個粉撲輕輕喺頂孔 轉一個圈即可均勻取出4種顏色嘅粉。佢柔光妝效，透薄，可明顯提亮肌膚，有效調整膚色不均，粉質幼細，達到隱形毛孔，磨皮嘅效果。 我屬於乾皮，冬天用冇出現乾紋🫶💘，產品話有玻尿酸補濕，一般情況下持妝8小時以上，用咗一星期，整體表現非常之好。 #火熱新品

rachelnoni好用推薦：呢款定妝蜜粉，我一般係補妝用，雖然係白色蜜粉，但掃上面效果自然，有透明感，又唔會過白。 但如果用佢定妝用，會感覺持久度不夠，大約4-5小時就要補妝。

Kirby好用推薦：我屬於混合性偏乾膚質，沒有使用底妝習慣。我通常於早上完成清潔及護膚程序後，先搽上防曬霜，然後用遮瑕膏修補瑕疵地方。直至完成眼部及眉部化妝後，全面拍上碎粉。 感覺這款碎粉持妝力較強，即使中間沒有補妝，亦能hold到下班。效果十分自然，妝感透薄細緻。有輕微防汗功能。唯控油能力一般，需要間中用紙巾輕輕印走面油。