眼妝風格 推薦好用產品

Sophia好用推薦：Charlotte Tilbury 四色眼影一向優質，色號MESMERISING MAROON係我嘅最愛💯 - 粉質細緻柔滑，容易取粉又唔飛粉 ✨ - 顯色度高，淺色自然打底、中間色層次豐富、深色一次上色已夠飽和 🎯 - 色調偏酒紅同玫瑰色調，配色感覺高貴顯白🍷 - 閃粉細緻，貼服不顯顆粒，打亮眼皮或眼頭效果超讚 ✨👀 - 深色淺色都好容易暈開，效果過渡自然，適合新手使用🤎 - 持妝力良好，一整天不脫妝 🕗 推薦俾喜歡酒紅深邃感的朋友，無論日常上班或晚妝都夠用好用💖👍

布吶吶好用推薦：呢個係Charlotte Tilbury嘅招牌四色眼影盤，色號Pillow Talk。整體係溫柔玫瑰粉褐色調，非常適合日常、約會或偽素顏妝容。 粉質方面，CT做得好好，好細滑而且唔飛粉。四個色嘅分工清晰：左上係帶微珠光嘅淺香檳粉，做眼皮打底同提亮眼頭；右上係啞光乾燥玫瑰色，做主色掃眼窩好自然；左下係帶閃嘅玫瑰金，點喺眼皮中央可以令雙眼立體又有光澤；右下係深啡色，用嚟畫眼線同加深眼尾。 好處係妝感高級、溫柔顯氣質，持久度都幾好，大半天都唔會點積線。不過要留意，呢盤色調偏清淡，適合喜歡自然妝感嘅人，濃妝愛好者可能會覺得唔夠顯色。另外，最深色如果做眼線，建議配眼線刷濕用會更實色。 總括嚟講，係一盤好易用、唔會出錯嘅眼影，新手或化妝老手都值得擁有。

Lydia好用推薦：Canmake 八色眼影盒 Petit Palette Eyes — CP 值極高嘅百搭色 ✨ 質地： 呢款眼影一盒有8色，但體積細細盒，帶出街補妝非常方便。 粉質摸落去幾細膩，唔會有粗糙感， 用手指或者附送嘅雙頭眼影棒上色都幾順滑， 發色度適中，唔會話一畫就太重手，幾適合化妝新手或者鍾意日系清透感妝容嘅人。 效果： 我入手咗 01 Plume Flower 呢款色號， 入面嘅配色好百搭，係溫柔嘅珊瑚櫻花色調。 無論係返工想化個低調嘅妝，定係放工去玩想加深輪廓， 呢盒嘅漸層色都做得幾到位，好容易就襯出一個有層次感嘅眼妝。 最令我驚喜係入面嗰格閃粉色 佢粒閃粉做得幾精緻，點喺眼皮中央或者臥蠶位置，個眼妝即刻變得好精緻。有時我仲會偷懶用埋佢做highlighter lol 以呢個價錢可以買到咁多隻色，仲要質素唔差，性價比非常高。 缺點： 不過因為佢追求輕巧，所以每格眼影嘅面積比較細， 如果平時慣咗用大眼影掃嘅話，可能會覺得有啲難拎粉。 另外，雖然閃粉好靚，但如果冇用眼影打底嘅話， 到咗下晝可能會有少少跌粉嘅情況，建議加埋 primer 用會更持久。 總結：方便攜帶、色調實用，值得入

Chloeincosme好用推薦：講到開架好物，不得不介紹一下我係日本購入Canmake 8色眼影盤。canmake出眼影出左好耐，但幾年前買我覺得佢太易甩，呢兩年好左好多！帶妝全日都仲有色！ 我買入既係02號色，係好岩淺夏皮膚既顏色！ 其中我最鍾意下面個排左二果格，係好低飽和的玫紅粉紅色，另外右上角既香檳淺粉閃都好鐘意，最常用就係佢地🤣（右上用到鐵皮了）（支掃係日本整唔見左😅🤣） Canmake雖然係開架牌子，但呢盒眼影粉質真的不錯，上眼之後唔飛粉！而顏色亦好實用，除左右下既深啡色我嫌佢唔夠實色搞到畫唔到眼線，呢到扣左D分，但其他幾隻色都好OK! 望下上眼效果：佢可以做到日系眼影追求既自然透明感，容易blend開，閃粉幼細，令眼妝更日系（但如果鍾意大閃片既就要考慮返韓牌啦🧐）上眼皮中間搽左眼影盒右上角閃粉果格，有種自然水光感。（發現過左相機唔多唔少食左少少色😢） 推薦小資女如果想搵盒CP好高既眼影，可以試下呢盒！ . #開架好物 #透明感

mysecretgarden好用推薦：之前成日覺得，要用閃粉先至可以令到對眼望落大啲，點知其實太多珠光，反而會令內雙眼皮睇落更腫，有時仲會好似「油淋淋」咁。轉用呢盒霧面眼影之後，先至發現原來啞緻嘅效果先至最啱我。佢啲低調嘅大地色，好似幫對眼「打陰影」咁，可以好自然地加深眼窩個輪廓，令對眼即刻變得立體同有神，出嚟個效果仲好自然添，返工用就啱啱好，低調得嚟又有精神。 對新手來講，佢最貼心嘅地方就係盒背有清晰指引，直接講明邊隻顏色應該查喺眼皮邊個位置，跟住佢個步驟由A掃到去D，完全唔使驚唔識配色或者落手太重，真係零難度！ 講到粉質，真係要讚一讚。摸落好柔滑，上眼好順滑，唔會一嚿嚿。佢嘅顯色度唔會話一掃就好濃，反而可以慢慢疊加，對於我哋呢啲新手嚟講就最安全，點都唔會失手畫到好似熊貓眼咁。而且質地輕薄，持久力都算幾好 ，通常朝早花完我就唔會再補夜晚返到屋企都仍然喺度，而且都冇乜甩粉。 最後不得不提嘅，就係跟盒附送個支掃！好多開架眼影跟個啲掃都係「擺設」多過實用，但係Canmake呢支雙頭掃真係好好用，鬆果頭用來上底色同暈染，扁果頭就用嚟畫眼線色，軟硬適中，拎出街補妝都好方便。 總括嚟講，如果你都係內雙或者單眼皮，又想搵一盒低調

Kmggigi好用推薦：講到開架眼妝，就不得不提canmake🥳 以前作為化妝新手嘅我，問朋友話眼影用邊個牌子好，好多人都會推介我Canmake 因為顏色選擇多，同時性價比好高，新手試用就啱啱好 皮膚狀況: 冬天乾敏肌，夏天混合偏乾+少敏感 產品使用情況: 我嗰陣聽咗朋友講揀02 05號色，兩款都係偏大地色 啱晒新手，如果想行穩陣路線 同時間深淺啡色都齊，方便當埋眉粉咁畫 粉質都幾幼細，不過唔算好顯色 當然咁嘅價錢就唔會有好靚嘅閃粉，但新手用算係咁！

Emily Leung好用推薦：Addiction 單色眼影 #004SP ｜ 必入嘅「神仙閃片」！閃得好高級，一搽對眼即刻有靈魂。 顏色： · 係隻 「香檳金色」，即係好靚嘅淺金色。 · 唔係大塊膠片閃，係超密超細嘅 「碎鑽閃」，光一照好似濕濕哋，好立體！ 不同用法： 1. 眼中提亮：搽少少喺眼皮中間，成個妝即刻貴價晒。 2. 眼頭／臥蠶：點落眼頭同臥蠶，對眼即刻大咗又精靈。 3. 單搽：求其搽一層都好靚，好似對眼自己識發光。 優點： · 粉夠幼，唔會飛到成塊面都係。 · 百搭，襯咩眼影色都得。 如果你只想買一隻貴價閃片色，呢隻 #004SP 絕對唔會買錯，一用就會明點解咁多人讚！

Kitty 好用推薦：😍 呢粒眼影粉質細滑，用手指上色已經好貼服，完全唔飛粉。我尤其鍾意佢哋嘅閃片，唔係大顆廉價嗰種，而係水光感好幼細，點喺眼皮中間即刻令成個眼妝立體晒✨ 顯色度適中，新手都唔怕一下太重手，疊加兩三層又夠飽和。我最常用係074號色，係帶閃嘅大地啡色，返工約會都搞得掂。持妝8個鐘都冇積線，唔使補妝，懶人恩物！👏 唯一缺點係價錢偏中高，但一粒可以用到天荒地老，值得投資～ 真心推薦比鍾意自然光澤妝感嘅sis！💖

zzzhelen好用推薦：超值之選，買哂都唔肉赤，又有好多顏色玩。顯色度好高，啱哂鍾意玩色既人。粉壓得唔係好實，取粉時要點點點，唔好係咁掃 我手頭上眼影盤黎講有yes please, give me to me straight同埋citrus fizz yes please我最鍾意用黃 mischief 同橙chauffeur 加閃閃butter cake化夏天維他命妝。秋冬又可以用南瓜色GNO同Spoiled give it to me straight 我比較少用，整體偏紅同較深色，不過盤入面既閃粉色好易用。另外，我對be blunt依隻色敏感‼️用完佢眼皮就會起粒粒同埋痕、甩皮 Citrus fizz（未影相，稍後補）好啱日常用，一盒4色，我多數用so tart打底完用求其一隻閃既畫埋臥蠶，眼頭同埋眼中間，咁就搞掂了。有需要先用peel away加深輪廓

Cy好用推薦：呢盒眼影主要係暖色系，以大地色系為基礎、紅色系為輔，比較有活力，我主要都係用大地色個幾隻 眼影粉質細緻，又唔會壓到很實，所以幾易取粉 顯色度方面表現幾唔錯，我主要都係用手指腹上妝已經好夠，基本上取少少量已經好顯色。 佢嘅珠光閃粉都超顯色，飽和度同延展度幾高，算幾好暈染 係手度試色睇得出顏色都幾顯色，而且呢盒都比較易駕馭易上手，性價比都高，用左好耐都仲有好多而且有9格色配搭

Myonlyone好用推薦：Cilo呢盒十色眼影盤 #12，喺眼影界都幾常見到。呢盤叫「Automatic Toaster」（自動多士爐），成盤係暖調大地色、楓葉色、古銅色為主，適合日常返工返學，粉質對得住價錢，但如果你已經有類似色盤，就未必需要買。 優點： · 配色實用：冇廢色。由打底色到眼線色、閃片色都有。嗰幾格「壓實閃片」用手指上眼好靚，似眼皮有濕潤光澤。 · 粉質進步：Cilo舊版眼影粉質一般，但呢盤啲霧面色好滑，易blend開，唔會一pat嘢。閃片色黏附力好，唔會跌到成面都係。 · 顯色度適中：唔係歐美盤一嘢上到盡，適合亞洲人逐下疊加，新手都唔易失手。 · 細格設計：每格細細格，唔驚用極用唔完，仲可以將幾盤合埋一齊（Cilo特色）。 缺點： · 顏色太保守：成盤出嚟嘅妝感都係橙啡、紅啡。如果你想要粉嫩、冷調或玩色盤，呢盤唔啱你。 · 有幾格似樣：尤其係中間幾格啡色，上眼分別唔大，感覺似有幾隻重複色。 · 最深色唔夠深：最深嗰格咖啡色做眼線偏灰，要來回上幾次先夠黑。 邊個適合買？ · 缺一盤「帶紅調嘅大地色眼影」嘅化妝新手或中階用家。 · 鍾意韓系水光感、自然漸層眼妝。 · 膚色偏黃偏

Tszki好用推薦：新手友好,顯色度適中，發色自然，即使反覆疊加也不容易失手造成妝感過重。 配色實用,一盤內包含啞光、珠光與閃粉等多種質地，色系由淺至深層次分明，基本上一盤即可完成打底、暈染與點綴。 粉質滑順,啞光色粉質細膩且好暈染，上眼後貼合度高，不易結塊。 飛粉問題,部分色號（特別是閃片格）存在飛粉現象，亮片顆粒較粗，使用時粉末可能會掉落到眼周。 持久度一般,在偏油皮膚上，出門數小時後妝感可能會稍顯模糊，建議搭配眼部底膏使用以增加持妝力。 顯色度偏淡,部分淺色號需要多次疊加才能顯現明顯色彩，對於追求高飽和度妝感的用家來說可能稍顯不足。 

Sandy好用推薦：Dior backstage rosy glow眼影 眼影係閃爍淺粉紅色，上咗眼之後持久沒有掉粉， 容易推開容易搽 氣味都好舒服嘅 好啱為春日 粉色妝容易襯衫❤️ 初時都擔心單色眼影好難使用 用咗之後搽上眼都好 "好精神"😎 價錢係有啲貴, 質量好都幾值得買👍

K_w好用推薦：收到貨也覺得好好看，亮片很細膩溫柔，不算太高調的 類型，走的是精緻路線～貴氣大小姐 但是黃皮真的… …拔草省錢吧。我是黃一二白，塗上 臉之後就是紫色里透出黑黃的感覺！！快看起來很髒很 士那種（是我的問題嗚鳴嗚） 不過相信白皮用一定超美，自帶仙氣那種！但是爾等黃 皮只能說一句愛過杏

Kmggigi好用推薦：Visee 3D Glitter Eye Liquid係一款簡單易用、效果絕美嘅液體眼影，無論新手定化妝達人都可以輕鬆駕馭！✨ 液體眼影設計非常方便，質地柔滑、易於推開， 用手指或者眼影掃都可以輕鬆操作， 完全唔需要高技巧，特別適合化妝新手使用！ 我嘅常用方法係：單搽或者先搽其他顯色眼影打底，再喺眼皮中間點綴少量液體眼影，提升整個眼妝嘅層次感🤣 呢款液體眼影帶有極致閃亮效果， 細緻嘅閃粉喺唔同角度下會反射出多層次光澤， 效果自然又吸睛，無論係日常妝容定派對妝都非常適合👏

Verna好用推薦：我很喜歡bling bling的小物和美妝品，所以當我見到這款眼影液時，立即😍😍😍 急不及待要試試 這款眼影液用法很簡單，只需點在想highlight的地方，我通常會點在眼瞼中間，然後掃均勻就可以，但我總覺得我用手指稍為印開少少的效果比較好😝 所以操作上真的很容易，就算是新手也容易上手 這款眼影液有閃粉，也有閃片，我覺得它閃爍的程度剛剛好，也很美，是屬於不經意的閃，而且當它乾了就不容易掉甩 #火熱新品

Fng好用推薦：較早前係官網買入 urban decay smokey 眼影盤，佢成個包裝好有質感，盒子雲石紋外表，成盤偏冷色調， 有三格係matte finish，其他都有珠光或閃粉，品質出名幼細，唔會飛粉，持久度十分高，有朝到晚都冇甩過妝， 如果喜歡淡妝，搽少少就已經夠， 因為佢顯色度非常之高。

Angie好用推薦：URBAN DECAY出嘅眼影真係好高真，無論係顏色配搭定粉質都100分❤️‍🔥 隨盒附送嘅眼影掃都好軟好好用

綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色

星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。

Anne好用推薦：之前都鍾意用Canmake嘅化妝品，呢個眼影盤22號都係粉色調所以好鍾意💕好啱日常想精緻少少嗰陣用，粉紅色（右上）同埋偏橙粉（左下）嘅色都唔會太誇張，所以日常返工都會用。中間嘅閃粉都好閃，可以點綴成個眼妝，想華麗啲嗰陣可以搽用埋。 左上淺粉白色用嚟畫臥蠶highlight都唔錯，係幾自然顏色唔會死白。 眼影盤後面都有教學可以點樣用啲色調，非常之適合新手。不過佢支眼影筆細細支之前整跌咗費事執返嚟用，圖中嗰支係我自己換落去嘅。

Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！

Rosa好用推薦：非常喜歡的眼影盤,整體所有顏色使用都非常之高 而且粉質非常細緻,非常有光澤的眼影 而且他的配色非常容易配搭,基本日常使用係絕對沒有問題!重點他們有分某部份會有珍珠光澤，某部份是啞面 ，所以能夠創作很多不同效果嘅妝感 這盤眼影也是我平日用得最多的

Littlemon好用推薦：too faced 最熱賣既眼影盤💁🏻 顏色：雖然係peach系列，但細心睇其實得4-5隻係比較似桃色，其他都係暖棕色。而係呢4-5隻色入面，又得just peachy 同candied peach做到主色，對於好鍾意peach色既人會略嫌唔夠。而且佢唔算好顯色，要用primer先得。比起同系列另一款just peachy（見圖）,just peachy更多深淺peach色更好玩，佢個peach sangria做陰影色勁靚。而且粉質顯色度都高好多。 持久度：要用primer，都keep到一日既 設計：個盒係靚既，又有蜜桃味，不過個味有d假 性價比：都ok,如果你無咩大地色系既palette,又想有少少橙色玩下，呢個platte就適合你啦 總括：可能好多人會好似我咁，買完第一代又忍唔住買埋第二代just peachy😂因為粉質同顏色差太遠啦！第一代好在有珠光色，不過我個人覺得佢個珠光唔係好靚，搽完無果種明顯既立體感。如果有朋友猶疑買sweet peach 定just peachy好，我會建議買just peachy加born this way，咁就有晒靚桃色同大地色，又有靚閃色💁🏻

poonpoon好用推薦：購自cosme既日本開架眼影盤💕 Fujiko 淡彩眼影盤 01色 😉設計：奶粉色盒子，好可愛。入面配一支迷李掃，細細盒好方便 🤗質地：粉質好細好軟糯，粉質唔會好乾身，亦都唔會飛粉。日系眼影盤最方便就係粉質可以直接用手指掃，黏度啱啱好，幾秒鐘時間已經可以完成眼影妝容👍🏻 😊用後感：每一隻色都可以用到，而且2隻隻色配搭已經可以做唔同嘅深淺，eg偏酒紅、偏橙嘅眼妝。完全係都可以一盒眼影做到，就連畫埋下眼影都冇問題，唔會過分深色。同時顏色冇偏差，掃上眼窩完全就係盒上面嘅顏色。我圖片中嘅顏色淨係掃咗一層，就已經做到好實色。 😛總結：性價比高。沒廢色既開架日本牌子眼影盤，一盒眼影盤係可以用到鐵皮，值得入手！ 我冇用過盒入邊配嘅掃，反而用棉頭或者用手指已經上得好實色，雖然係開架牌子，但係粉質確實好，不會飛粉，更勝canmake! 🫢tips:建議可先上一層眼底膏再上粉狀眼影，成個妝容可以持妝。

Emily Leung好用推薦：呢盒日系眼影，色號02 配色溫柔，好有春日感覺。 粉質有啲鬆，輕輕咁有少少飛粉。 個顏色配搭好有日本雜誌feel，薄薄上一層真係有日雜嗰種氛圍。黃黃地、粉粉哋，簡單得嚟幾舒服。 如果想整啲層次感都可以，就要落手重少少，疊多幾層，效果就會有啲韓系感覺。 成盒眼影都係偏清淡，春夏時候幾好易襯。

KimKim好用推薦：眼影顏色有很多，顏色主要偏粉色，上妝很自然又很持久，顏色都很出色，閃粉好靚。係我日常會用嘅眼影。用咗好耐了用到佢附送嗰支眼影棒都爛咗啦。🤣

chasiutung好用推薦：Etude house 水蜜桃10色眼影盤 粉質一般不夠幼滑 塗上眼不容易推開 顏色會一撻撻咁 配色沒層次感 上眼隻隻色都差唔多 會顯眼腫 不推介黃皮膚色吾夠白人士使用 上眼會顯螢光橙色 不好看而且不持久

Nicnic好用推薦：近期冇腦快速上妝精選，偏暖嘅啡橙色應該好多人都啱用～ 色號004 Timeless Gold 顏色（消腫，污糟）：佢係偏橙嘅大地色，絕對係唔洗用腦之選！個啡色調色啱啱好，可以消腫，一啲都唔污糟～💕 🧡淺膚色：我會大範圍喺眼皮打底，佢帶有少少同細粒嘅閃閃，提亮到個眼皮。如果有時想淡妝好清透嘅妝容，我會淨係上呢隻色。用咗一個月多啲，呢隻色已經凹凹地。🥹 🧡橙啡色：呢個色好靚，明顯又唔誇張，黃昏時間嘅天空就係喺我嘅眼上🥹 🧡深啡色：因為我單偏小內雙，我鍾意用呢隻色做眼線位，畫完眼線再按top加多少少smudge 開，消腫一流 🧡閃金色：我日常比較少用，佢係冇底色嘅，係比較大粒鬆散啲嘅金色閃粉。 質地：好smooth,，好滑，一啲粉感都冇。同掃拎都唔飛粉~👍🏻 持久度：日常使用冇問題，到夜晚唔會唔見咗 妝感貼膚，啲粉唔會好乾，唔會令到眼紋好明顯 閃粉：四隻色都有閃粉，深啡色嘅閃粉比橙色同膚色嘅大粒少少 暈染：容易blend 開，冇用eye primer 都唔會結塊～👍🏻 飛粉：唔飛粉的🤣🤣 喜愛度：4.5/5

Fng好用推薦：Charlotte Tilbury 星願成真盤 Pretty Glowing｜ 熟齡混合肌嘅「一盒搞掂」懶人恩物！ CT呢盒限量版面部綜合盤（約$550），網上評價好壞參半，有人讚佢慳位方便，亦有人彈佢顯色度不足。 質地與妝效： 呢盤係紫調裸粉色系，專為白皙至中等膚色設計。粉質細滑貼膚，但珠光眼影同高光有明顯嘅微細閃片，對於熟齡肌嚟講，眼部可能會顯紋理，建議集中用喺眼中提亮就好。春季潮濕天氣下，粉體唔會抽乾兩頰，keep到自然光澤感。 實測表現（香港春天濕度80%+）： · 眼影：霧面打底色顯色度自然，適合營造溫柔氣質感；但深色唔夠濃，想畫濃妝就要疊多幾層。 · 胭脂+光影：胭脂係柔霧感粉紅色，黃肌用都唔會顯髒，仲有自然紅潤感！光影就係低調水光感，唔會搞到成面油光，春天用啱啱好。 混合偏乾肌貼士： · 春季濕度高，用前做好基本保濕就夠，呢盤粉體唔會令乾紋現形。 · 建議用鬆散嘅化妝掃上妝，顯色度會更均勻自然。 · 眼影持久度一般，大油眼建議先用眼部打底。 總結： 一盒集眼影、胭脂、光影、古銅、碎粉於一身嘅懶人恩物！雖然顯色度比唔上CT舊版咁濃烈，但對於追求自然通透妝感嘅熟齡

Kura好用推薦：節日限定嘅多用途美妝盤，帶呢一盒去旅行真係最好不過，一盒就可以搞掂曬成個妝，呢個美妝盤嘅粉質非常細膩，用上臉顏色非常出色，就算出街全日都唔會溶妝，同埋包裝超級靚，真係非常值得入手嘅一個限定款 @cosme #火熱新品 #火熱新品

royu3好用推薦：visee 出品一向信心保證，這盒30週年的限定眼影盤果沒有令我失望！ 外觀以Unicorn顏色為主，少女感滿滿🎀 盒內印有燙金的字句，不失華麗！試色圖如下： 1-8 為眼影 9為啞色胭脂（個人不喜歡） 10為陰影，適合加深眼窩及鼻樑輪廓3、4、7 為珠光，質感挻幼滑 其他色都含亮片 1、5、6 、8適合點綴眼妝 特別喜歡6黃色、8紫色 少量用作點綴，能改變眼妝的整體感覺， 變得更立體更Blight Blight✨眼影色較適合個人色彩為Warm tone 春季色的朋友，很有氣色，超級可愛！！ 美中不足的是胭脂色，太顯色了很易變成曬紅的感覺⋯ 其他基本上沒癈色，能輕鬆自由地配搭出各種感覺的眼妝💓 近期大愛的一組眼影！ #火熱新品

Verna好用推薦：我第一次用這品牌的眼影，這是30週年紀念限量版，它有10隻顏色，有珠光、啞緻、陰影粉、金屬色，十分多元化，所以就買來試試 但我覺得有些顏色比較少用和難carry，而且粉質不夠細緻 #火熱新品

JessicaB好用推薦：高訂柔霧眼影胭脂 胭脂及眼影兩用，色彩鮮明亮麗，質感絲滑 令妝容更動人！ 1.臉頰匾平適用，讓蘋果肌飽滿 位置於眼下 不超過鼻子 不超過顴骨輕輕推開 2.顴骨高修細 顴骨最高點較深 向內較淺色 外而內推開 3.大圓面、方面 半弧形 臉頰突出的部份 上深下淺 反c 不超出鼻子水平線 4.任何臉形適用 於外眼角與眉毛之間以C字推開

choichoi好用推薦：是盤可日常可華麗的眼影盤, 這盤即使用手指亂塗也很美, 當中的顏色除了好搭外也很顯色 , 粉質雖未至超級細緻但至少不會飛粉

Hazel好用推薦：尼款9色眼影盤用左新手都可以駕馭嘅平實色調，而且粉質十分細緻，質地順滑易blend，一盒仲集齊咗霧面、珠光同亮片嘅質地，能輕鬆打造唔同嘅眼妝。實用自然又啱晒春夏日常妝容。

Fng好用推薦：#Diana 係一盒春日冷調嘅眼影，三種顏色粉質幼細， 微閃、緞光、珠光效果，分別係綠色、淺粉色、灰棕色，淺綠色比較罕見，色調深淺適中，令人驚喜。 粉質輕透不厚重，有透視感，疊加後有層次感，持久度好好，一整日不褪色，而且好貼膚。 唯一嘅缺點係比較貴， 蝴蝶翅膀包裝超靚，望住有療癒感。